Artiola Toska

[cristal]

vdes per kete kengetare,zerin e ka shume te bukur dhe gjithashtu kenget........cfare mendime keni per te dhe ju???????????

[london_girl_02]

vallai eshte edhe e bukur
por ama zerin e ka bilbil mua me pelqen shum
dhe i simpatizoj kenget e saj.

[malli]

nje kengetare shume e mire dhe te kenaq me zerin e saj te embel
i love Artjola

[BlondiE_18]

kendon vertet shume bukur...me pelqen shume sidomos kenga "hajde marshalla" dhe "nje unaze"...

[AGAPI]

HI Cristal

shume teme interesante lol ,dhe une e pelqej shume
si kengetare ,me zerin e saj kaq te embel ,dhe me kenge
shume te bukura .

Ne mengjesn e kesaj Jete
dashurova me besim ,por per ty e pa
per vete ,jam robin e shpirtit tim .
Ti me flisje neper puthje
kjo eshte dashuri e pare
por pas teje te pa dukshme kishe nusen
Zemer krah .
une kam lind kga dashuria dhe
si ajri jam pa fat
vec ti ndiesh ndienjat e mia
si zambak te barthe ne maj .
Te genjen syri nen vetull ,une e jotja me nuk jam
se dy kungull ne nje sqetull
dashuri nuk i mban ???

me tej ta vazhdoni ju ajde

*~ME RESPEKT AGAPI *~

[BlondiE_18]

kjo kenge me ka pelqyer edhe mua ne
fillim por tani kam ndryshuar menje

[^Pretty_Girl^]

artjola eshte shum e mire
me zerin e saj obobboboob the best
ka ze te mrekullueshem ajo dhe kenget shum te mira

[gazi]

eshte e pamundur te mos e adhurosh nje kengetare si Artjola me zerin e saj dhe kenget qe i kendon e per mu sidomos kenget:
mos me pyet dhe nje unaze.

[Enkela B.]

nje nga kengetaret me te mira. ka zerin shume te embel, dhe mund ta pershtasi per qdo lloj kenge. kam degju se ka bere nje kenge te re me grupin the dreams, dhe po plasi ta degjoj.

[[Perla]]

Flet në “Telegraf” këngëtarja, Artjola Toska, e cila këtë sezon vjen me albumin “Live 2009”

Ky sezon veror e solli këngëtaren e muzikës popullore, Artjola Toskën më të fuqishme në tregun muzikor shqiptar. Ajo ka vetëm pak javë që ka lançuar për simpatizantët e saj albumin të titulluar “Live 2009” dhe një baladë që është një histori dashurie mjaft prekëse, kjo e fundit e paraqitur në kolazhin me 15 hite të shtëpisë diskografike “Super Sonic”. Në një intervistë për gazetën “Telegraf”, Artjola rrëfen për albumin, duke filluar që nga tematika, komponentët deri tek luku. Këngëtarja vazhdon më tej duke plotësuar për jetën e bërë në këtë sezon veror të mbushur plot me aktivitete, planet për të ardhme si dhe raportet miqësore me Presidentin e vendit.

* Çfarë të reje ka sjellë albumi më i fundit muzikor që sapo ka dalë në treg, duke e krahasuar me të tjerët?
Bëhet fjalë për dy albume faktikisht, njëri prej tyre është “Live” ndërsa tjetri nuk është totalisht i imi, por është me një kolazh baladash të “Super Sonic”, por që kryeson balada ime si më e reja tani në treg dhe më e suksesshmja. I pari është live që përmban pesë kolazhe 75 minuta, tre kolazhe janë të Shqipërisë së mesme, një kolazh shkodran dhe një tjetër i jugut.

* Mos ndoshta të kënduarit live dhe, duke sjellë gjithmonë krijime të reja ka qenë një nga armët tuaja për t’i mbizotëruar tregut që tashmë kërkon shumë?
Edhe kjo ndoshta, por duke parë që live është goxha i preferuar duke e krahasuar me këngët e reja, është më kollaj të hyj në veshin e popullit sesa një këngë e re që duhet dëgjuar tre apo katër herë. Them që kjo është arsyeja.

* Përzgjedhja e materialeve tek “Live 2009” si është bërë?
Përzgjedhja është e gjitha nga unë. Duke parë kërkesat e njerëzve kur këndohet live, se çfarë lloj këngësh duhet dhe se kush i bënë ato që të kënaqen vendosa të bëja një të tillë. Ky album ka dhe shumë ritëm brenda dhe përzgjedhja është totalisht e imja.

* Është e vështirë të realizosh një album live?
Është e vështirë, por për mua personalisht nuk është dhe shumë sepse jam mësuar me live dhe e kam më kollaj të merrem me diçka live sesa nëpër studio. Një ndër komponentët që unë kam sukses është dhe bashkëpunimi im me “Super Sonic”. Madje do të thoja që nuk e kam braktisur këtë shtëpi diskografike vetëm për seriozitetin që ajo paraqet. Ne, aty në radhë të parë vlerësojmë njëri-tjetrin pastaj punën.

* Si e gjete kohën sot për intervistën duke pasur parasysh dhe angazhimet tuaja familjare?
Por sot është ditë jave dhe e kam pushim (qesh). Gushti ka qenë shumë i ngarkuar, por unë tashmë e kam këtë luks, për t’i përzgjedhur ambientet se ku të shkoj dhe zgjedh më mirë pak dhe saktë sesa shumë dhe për lumë.

* Thuhet se Presidenti është një adhurues i juaji, madje ai ju fton në çdo gëzim familjar dhe është i pranishëm në çdo koncert tuajin, kjo ka një arsye apo jo?
Kjo ndodh ngaqë ai është tiranas. Është mik i familjes time dhe ngaqë është njohës shumë i mirë i arteve në përgjithësi, sidomos i muzikës dhe adhurues i tmerrshëm i muzikës së Shqipërisë së Mesme.

* Nuk ndodh që në ndonjë koncert që ka Artjola të mos jetë i pranishëm?
Jo. Megjithëse u bë kohë që unë nuk kam dhënë koncerte, por në përgjithësi është dhe unë e kam për nder ta kem të pranishëm.

* Kush e ideon paraqitjen tuaj pasi vëmë re që çdo këngë ka dhe klipin domethënës?
Me lukun merrem unë, por nuk luaj shumë, jo se nuk dua të rrezikoj, por thjesht nuk dua ta ekzagjeroj. Më pëlqen ajo figurë që kam krijuar kështu dhe nuk është se jam fanatike. Lëviz shumë me ngjyrën e flokëve, por ka rezultuar e suksesshme.

* Si ja bënë që je e dashur nga të gjitha grupmoshat?
E kam pasur këtë luks që të jem e dashur nga të gjitha grupmoshat dhe këtë gjë e kam fituar me vokal, me paraqitje dhe me klipin që e kam shumë të thjesht dhe shumë komunikues me njerëzit. Duhet të jetë kjo arsyeja, jo se e kam bërë enkas, por kështu jam. Rininë di që e kam tërhequr kur nxora baladat para gjashtë vjetësh, moshën e thyer dihet që jam e jam e pranishme në gustot e tyre.

* Çfarë do ju thoje lexuesve që tashmë kanë në duar albumin tuaj?
Të gjithë i përshëndes, shpresoj të jenë kënaqur me këtë intervistë të gazetës “Telegraf” si me dhe “Live 2009” madje dhe me baladën që kam nxjerr sepse e kam ditur që kur e kam përzgjedhur që do kishte sukses. Kështu i uroj suksese të gjithëve.


Komponentët e baladës së dashurisë
Kompozimi dhe orkestrimi është i Edi Balilit, teksti është i Armand Trebickës. Është një baladë që ka një fabul shumë reale dhe shumë jetike. Flet për një dashuri të dështuar për një pendim. E gjitha është një këngë prekëse dhe së bashku me videoklipin i ka përmbledhur që të gjitha. Jam shumë e kënaqur edhe nga klikimet në internet edhe nga opinionet e njerëzve. Më pëlqen që është pëlqyer si baladë nga të gjithë brezat. Kënga është baladë në nuancat e popullores.


Artjola mbas dhjetë vjetësh
Ndoshta akoma dhe më profesionale. Kjo vihet re në çdo këngëtar pasi unë kam filluar që në moshë të re me albumet, i pari ka qenë në ‘92-shin, ku këtu nuk kishte fare dhe kur e dëgjoj tani më duket se nuk është zëri im. Çdo album që është bërë në vazhdimësi ka profesionalizëm më tepër dhe më vjen mirë që gjithë këtë përvojë e kam marrë nga të kënduarit live. Për mua është shkollë të kënduarit live.


Gushti ka qenë shumë i ngarkuar, por unë tashmë e kam këtë luks, për t’i përzgjedhur ambientet se ku të shkoj dhe zgjedh më mirë pak dhe saktë sesa shumë dhe për lumë...

[Ariu_Polar]

shume e bukur

[Albo]

INTERVISTA/ Flasin këngëtaret Artiola Toska, Rozana Radi dhe Maja Aliçkaj

Emigrantët preferojnë këngët popullore patriotike

Albert ZHOLI

Ditët e Festave të Nëntorit tri këngëtaret e mirënjohura, Artiola Toska, Rozana Radi, Aliçkaj, nën drejtimin e grupit muzikor “Albanët” e drejtuar nga Gojard Kodra dhanë disa koncerte në Itali të ftuar nga shoqata të ndryshme shqiptare në këtë vend.. Për mëse katër ditë grupi “Albanët” kanë lëvizur në qytete të ndryshme italiane, duke ndezur atmosferën e festive për emigrantët shqiptarë. Tashmë bashkëpunimi i grupit “Albanët” me këto tri këngëtare i ka kaluar të pesë vitet bashkëpunim, i cili tregon për rezultate dhe profesionalizëm pasi ftesat për koncerte kanë shkuar deri në Australinë e largët.
Artiola Toska
Si jeni ndjerë në koncertet e nëntorit në Itali mes emigrantëve?
Si mos më mirë! Me grupin muzikor “Albanët” kam disa vite bashkëpunim, por koncertet e fundit në Itali kanë qenë ndër më mbresëlënëset. Kanë qenë rreth 4 ditë aktivitet në qytet të ndryshme, ku me të vërtetë lodhja na është fashitur nga entuziazmi i emigrantëve.
Pse kanë qenë të veçanta këto ditë?
Pasi jo vetëm që kemi pasur aktivitet për çdo natë, por kemi lëvizur në disa qytet dhe s’e kemi ndjerë lodhjen. Në çdo koncert ka pasur shumë spektatorë sikur të ishe në Shqipëri, ndërsa entuziazmi ka qenë dhe më i madh se në Shqipëri. Kur mbaronim koncertin, s’mund të ndaheshe nga emigrantët, pasi ata donin të dilnin na fotografi me të gjithë grupin. Gjatë gjithë kohës që jepnim koncert, patjetër individë apo familje emigrantësh kërkonin që të dilnim në fotografi.
Keni patur ndonjë mosmarrëveshje midis jush?
Aspak. Përkundrazi ne kemi kaluar në mënyrë të shkëlqyer. Kemi pasur një bashkëpunim perfekt pa asnjë kontradiktë.
Kush ka pas më shumë duartrokitje kur dilnit në skenë?
S’mund të thuash se unë apo Radi apo Maja ka pasur më shumë se tjetra. Gjatë gjithë kohës që kemi kënduar duartrokitjet kanë qenë të pandërprera, për të mos thënë që të gjithë spektatorët këndonin së bashku me ne. Jemi ndjerë mirë, sepse dhe organizatorët shqiptarë në Itali kishin punuar me kujdes.
Cilat këngë janë të preferuara për emigrantët?
Unë kam repertorin tim me këngë karakteristike të Shqipërisë së Mesme. Por dua të them se këngët më të preferuara kanë qenë dhe mbeten ato me karakter patriotik.
Rozana Radi
Ndjeheni e lodhur pas kthimit nga Italia pas disa shfaqjeve të suksesshme?
Kur merr pjesë në koncerte apo shfaqje të tilla ku spektatori të respekton më maksimum, mund të them se nuk ndihesh fare e lodhur, përkundrazi, ndihesh e motivuar.
Kohët e fundit më shumë shkoni jashtë se në atdhe. Është zgjedhja juaj?
Jo! Është zgjedhja e spektatorit dhe e organizatorëve. Kanë qenë lëvizje të detyruara për shkak të preferencave. Shikoj se koncertet jashtë kanë më shumë gjallëri, më shumë entuziazëm. Emigrantët me kalimin e viteve janë më të dashuruar me atdheun. Edhe vetë ka filluar të më pëlqejë të jem në lëvizje dhe të jap shfaqje jashtë atdheut.
Kjo për shkak të përfitimeve ekonomike?
Edhe ajo qëndron. Sigurisht, fitimi ka qenë më i madh dhe më i sigurt. Por edhe s’dua të jem gjithmonë në Tiranë. Lëvizja në emigracion të jep shumë eksperienca për mënyrën e menaxhimit të vetvetes. Së fundi këngëtarja atë qëllim ka, të lëvizë, të fitojë, të ngrejë peshë zemrat e spektatorëve. Shoh se në emigracion të tëra këto kanë një unifikim krejt tjetër.
Cilat janë këngët më të preferuara në emigracion nga repertori juaj?
E para është “Xhamadani vija-vija”. Është një këngë që edhe po të mos dua, e kërkojnë vetë emigrantët. Ajo këngë nuk ikën kurrë nga repertori. E këndojnë sa dal në skenë, ende pa e filluar unë. Në këtë këngë gjithë salla ngrihet në këmbë.
Kush është pengesa më e madhe në këto lëvizje?
Gardëroba. Ajo është stres me vete. Sidomos tani në dimër ajo është e mbingarkuar. Duhet t’i përshtatesh stinës, vendit ku shkon.
Maja Aliçkaj
Sërishmi kur del në diasporë s’e heq nga vetja fustanin kuq e zi me shqiponjën në mes?
Është bërë pjesë e repertorit tim. As emigrantët s’mund të më konceptojnë pa atë fustan, as unë vetë s’mund të lëviz pa të. Kur përgatis valixhet për jashtë, dora me të parën më shkon tek ky fustan, si në dimër si në verë.
Cila këngë juaja është më e preferuara për emigrantët?
Kënga e emigrantit. S’mund të lë koncert pa e kënduar dy herë. Jo se dua unë, por e kërkojnë vetë emigrantët. Është një këngë që e kam bërë vetëm për ta dhe duket se ata gjejnë vetveten.
Po këngë tjetër e preferuar për emigrantët?
“Baba me zemër të madhe”. Si duket tani pas qindra këngëve për nënën edhe kjo për babanë sikur po merr një kërkesë të veçantë.
Si jeni ndjerë mes Radit dhe Toskës, kur dihet se mes këngëtarëve ka shumë xhelozi?
Kemi bashkëpunuar shumë mirë. Nuk kemi ndjerë xhelozi. Secila ka repertorin e vet, karakteristikat e veta në këngë. Repertori i ndryshëm, zëri i ndryshëm, pra, plotësojmë njëra-tjetrën. Mendoj se, kemi qenë perfekt.
Keni bashkëpunuar më parë me grupin muzikor “Albanët”?
Kam bashkëpunuar disa herë, kam qenë e vlerësuar dhe shumë komode. Është grupi më i kërkuar në emigracion.
Gojard Kodra, kryetar i grupit muzikor “Albanët”
Kur është krijuar grupi muzikor Albanët?
Grupi muzikore “Albanët” është themeluar që prej 8 vitesh. Pjesëtarët e grupit janë: Ardian Malaj - violinë dhe saksofon, Arben Shyti - kitarë, Gentjan Cara – drums, Gojard Kodra - organ si dhe drejtues muzike.
Cili ka qenë dhe është qëllimi i këtij grupi?
Qëllimi i këtij grupi është të luajë sa më bukur muzikën shqiptare dhe pa e deformuar atë. Grupi muzikor “Albanët” ka një lidhje të gjerë përsa i përket trevave shqiptare. Koncertet që kemi marrë pjesë kanë qenë të shumtë, pothuajse në gjithë Europën, Australi. Koncertet e fundit kanë qenë më rastin e 99- vjetorit të festës së Pavarësisë.
Ato janë mbajtur në shtetin e Italisë, Padova, Arco, Torino.
Organizatori në këto qytete?
Në Padova organizatori i koncertit ishte z. Vilson Dona, me origjinë Mirditor, por që jeton prej shumë vitesh në Padova. Nga Padova vazhduam turin në Arco, provincë të Trentos. Atje organizatori ishte Shkëlqim Danaj me origjinë nga Vlora. Ëmbëlsira e këtij koncerti ishte dhe grupi polifonik nga Dukati i Vlorës.