Bixhozi Dhe Dëmet E Tij

[Gimi3]

Bixhozi, është një nga veset më të dëmshme e më të rrezikshme.Cdo lojë me të holla, krahas bastit me ndonjë vlerë, ku secili pjesëmarrës është i detyruar të fitojë a të humbë. Çdo lojë e këtillë, prej atyre e “ letrave” e deri te lotaria –
të gjitha këto janë të ndaluara, nëse partneret luajnë me të holla.
Ndërsa loja miqësore, për hir të zbavitjes e pushimit,por pa asnjë deponim të hollash ose vlerash të tjera, nuk është e ndaluar ngase kjo, në realitet, nuk është bixhoz – me kusht që një lojë e tillë të mos shndërrohet në pasion që do ta shpiente njeriun në papunësi e përtaci.
Islami nuk e konsideron të ndaluar nëse një pale , një person , nga vullneti i vet i mirë ose ndonjë person i tretë të deponojë të holla për t’i fituar fituesi në lojë.
Ndërkaq, bixhozi ku partnered deponojnë të holla në ndonjë lojë, dhe çdonjëri përpiqet të fitojë në dëm të tjetrit – është i urrejtur dhe rreptësisht i ndaluar ( haram ) në Islam.Loja e këtillë ( bixhozi ) njihet sipas mësimit Islam në mëkatet më të mëdha.
Kur të merren në konsiderate parimet morale e shoqërore,nga një anë, dhe pasojat e ndikimit të bixhozit në njeriun, nga ana tjetër, atëherë bëhet i qartë një qëndrim i këtillë i Islamit kundrejt bixhozit.
Marrja e pasurisë së dikujt me anë të bastit ose të bixhozit, paraqet përvetësimin e pronës së huaj në mënyrë joligjore dhe jo të ndershme, e kjo sipas Kur’anit , është e ndaluar rreptësisht:
” Mos i hani pasurinë njëri-tjetrit pa të drejtë “ ( El-Bekare: 188 )
Bixhozçiu e shkatërron dhe e shkapërderdh pasurinë e vet, e kjo sipas Islamit është e ndaluar.Bixhozi e pushton njeriun psiqikisht dhe ia merr të tërë kujdesin e tij , e dalldis atë dhe , në njëfarë mënyre , e deh porsi alkooli.Andaj ai gjithë fuqinë dhe kohen e vet, e shpenzon në punë të dëmshme.Bixhozi u shkakton njerëzve entuziazëm të tepruar e të dëmshëm, zgjënjim , urrejtje të ndërsjellë.
Sikur shumë dukuri e shprehi shoqërore, edhe bixhozi sot në botën e kulturuar është vënë nën thjerrëzën e shkencës dhe të studimeve,të quajtur zakonisht “ Psikologjia e Bixhozit “
Këto studime zbulojnë tërë tmerrin dhe trishtimin e bixhozit , të cilat nuk mbesin prapa trishtimeve të alkoolit e drogës.
Kur bixhozi i bëhet njeriut pasion e shprehi, e kjo ngjanë shpejt , atëherë ai është bixhozçi dhe në këtë rast mund të thuhet se ky njeri është zhytur , i humbur- gjithnjë derisa të shpëtojë nga ky kob.Psikiaterit i kanë vëzhguar bixhozgjinjtë dhe i kanë shënuar deklaratat e tyre dhe rezutatet e vëzhgimit të tyre.Entuziazmi më i madh dhe një lloj kënaqesie e tepruar e kaplon bixhozçiun zakonisht gjatë lojës ose bastit.Njëri prej tyre thotë: “ Për mua rëndësia ( vlera ) e jetës është vetëm në atë gudullisje dhe entuziazëm të jashtëzakonshëm gjatë kohës së lojës.”
I dyti thotë: “ Kur luaj bixhoz, e humbas çdo ndjenjë për rrethin, pa marrë parasysh se kush gjendet aty.Atëherë për mua nuk ekziston asgjë. “.Një bixhozçi nuk ka ardhur në varrimin e babait të tij, vetëm pse nuk ka mundur të ndërpresë bixhozin e vet!.Mjaft martesa dhe familje janë shkatërruar për shkak të bixhozit.Pasioni për bixhoz ia shkatërron njeriut të gjitha virtytet kryesore dhe vlerat njerëzore,ia mbyt atij arsyen,dinjitetin njerëzor dhe nderin, kështu që bixhozçiu është i gatshëm të :
mashtrojë, të gënjejë , të vjedhë , madje edhe të vrasë njeriun , vetëm e vetëm që të arrijë deri te mjetet për bixhoz.Gjëja më e keqe në këtë është se , bixhozgjinjtë këto veprime jonjerëzore nuk i konsiderojnë dot si krime, meqë bixhozi ua shkatërron atyre vetëdijën dhe aftësinë e gjykimit normal njerëzor.
Me siguri se për shkak të ndikimit të këtillë të bixhozit në psikën dhe vetëdijën e njeriut, e edhe për shkak të mungesës së vetëdisiplinës dhe rregullit, te shumë njerëz të kohës sonë bixhozi sot përhapet tmerrësisht dhe merr vrull të fuqishëm në mbarë botën.Kjo më së miri shihet sipas të dhënave të cilat së paku pjesërisht e here pas here dalin në dritë.
Në vitin 1968 në Amerikë njerëzit kanë deponuar në baste, vetëm në vrapimet e kuajve, rreth 4,5 miliard dollarë.Mendohet se në vitin 1968 amerikanët kanë deponuar në bast dhe në bixhozet e tjera të llojllojshme mbi 100 miliard dollarë.Bixhozi është një dukuri e cila është në përhapje e sipër edhe tek ne shqiptarët, edhe pse së paku në një pjesë ligjet e ndalojnë atë.
Kur të merren parasysh të gjitha këto , atëherë na bëhet e qartë madhështia dhe lartësia e atyre fjalëve kur’anore , ku ndër të tjerash , thuhet se bixhozi është “ Punë e ndytë djalli “
të cilën ne si njerëz duhet ta hudhim shumë larg vetes dhe t’i shmangemi vendosmërisht, për hire të fatit tone dhe dinjitetit njerëzor.Kështu është thënë në ajetin kur’anor:

” O besimtarë!Me të vërtetë, vera , bixhozi , statujat dhe shigjetëzat e fallit janë gjëra të ndyta , punë djalli.Prandaj largohuni nga këto , që të arrini atë që dëshironi!Djalli dëshiron që , me anë të pijeve alkoolike e me bixhoz , të futë mes jush armiqësi e urrejtje dhe t’ju shmang juve nga të kujtuarit e Allahut dhe nga namazi.Pra , a do të shmangeni?!” ( El – Ma ’ ide : 90 – 91 )

Kështu , në pika të shkurtëra ajetet kur’anore, përsosmërisht tregojnë thelbin dhe fotografinë tmerruese të dy kobeve të mëdha : alkoolit dhe bixhozit , këto të vërteta të lartësuara për dëmin e bixhozit , tregojnë të gjitha ato ndikime të rrezikshme dhe shkatërruese.
Loja me të holla , bixhozi , nuk mund të arsyetohet assesi.Arsyetimet dhe përrallat se bixhozi mund të ketë edhe disa qëllime humane – si p.sh. tombolla ose lotaritë e llojllojshme , të cilat nganjëherë jepen për “ qëllime mirëbërëse “ nuk kanë vend e as arsyetimet në Islam.Sipas konceptit islam , njerëzit duhet të kultivojnë dhe të zhvillojnë ndjenjat , vullnetin dhe interesimin për dhënie të vetëdijshme , sado e vogël që të jetë ajo , për qëllime mirëbërëse , ngase vetëm kështu ata e realizojnë aktin human.Prandaj , njeriu i vetëdijshëm dhe i ndershëm të hollat e veta , të cilat do t’i depononte në tombollë apo në ndonjë lojë tjetër të bixhozit për hir të ndonjë “ qëllimi human “ , më me endje do t’i jape drejtpërdrejt në ndonjë qëllim të caktuar mirëbërës , e nuk do të merrte pjesë në tombollë apo të çfarëdo lloj tjetër të bixhozit , pa kurrfarë preteksti.

[King_Arthur]

une i kam provuar te gjithe llojet e bixhozeve dhe mendoj se njeriu nuk duhet te varet prej tij , nuk mund te krijosh nje te ardhme me ane te tij , vetem se shkaterron familjen , veten , dhe shoqerine .

[KUSi]

Bioxhozi pa buk nuk te len , por pa shtepi PO

[jessi89]

hahahha,KuSi,.shume e vertet,sa e sa vete e kane henger ket gje.
Ca here per fan,is ok.