Arkivi i gazetës elektronike sportive: "FUTBOLLI"

[km92]

Autobusi i Çelsit sulmohet nga tifozët e Uest Hamit!

20 Prill Frenk Lampard ka rrëfyer se autobusi i Çelsit u qëllua me një tullë teksa po mbërrinte në stadiumin “Upton Park” për ndeshjen e të mërkurës ndaj Uest Hamit. Mesfushori i Bluve u shpreh: “Dritarja u thye dhe tulla bëri një zhurmë të madhe. Por ky është futbolli. Gjëra të tilla ndodhin sepse njerëzit kanë emocione. Nuk ka pse ta fryjmë një episod të tillë përsa kohë askush nuk u dëmtua”. Në fakt, emocionet ishin në nivele të larta teksa Lampard dhe shoku i tij i skuadrës, Xho Kol u kthyen në ish?klubin e tyre, që është në rrezik rënieje nga kategoria. Edhe një zëdhënës i Çelsit e minimizoi incidentin. “Ishte një si lloj guri dhe ai theu dritaren e trajnerit. Por asnjë nga lojtarët nuk u dëmtua dhe askush prej tyre nuk ishte ulur pranë dritares së shkatërruar”. Çelsi e fitoi takimin 4?1 falë një dopiete të shkëlqyer të Shon Rajt?Filips dhe golave të Salomon Kalu e Didier Drogba. Lampard u vërshëllye nga tifozët vendas gjatë gjithë takimit, por ai përfundoi: “Kjo më frymëzoi, nuk më shqetësoi, përkundrazi më kënaqi. Ishte një reagim normal dhe unë nuk mërzitem aspak për vërshëllimat e tifozëve”.

[km92]

Hill-Ud: Venger do të qëndrojë!

20 Prill Presidenti i Arsenalit, Piter Hill?Ud ka siguruar tifozët se Arsen Vengeri do të qëndrojë në klub megjithë largimin e zëvendës?presidentit David Dein. Dein ka meritën se solli Vengerin në klubin e Arsenalit në vitinn 1996, por ai u largua nga “Topçinjtë” të mërkurën për shkak të ideve të ndryshme me bordin drejtues. Por, Hill?Ud u shpreh të enjten: “Marrëdhëniet mes Arsen Vengerit dhe bordit janë të mira. Ai është nën kontratë deri në vitin 2008 dhe ne shpresojmë që ta zgjasë këtë marrëveshje edhe më tej”. Hill?Ud shtoi më tej: “Dihet se rsen dhe David kanë shkuar shumë mirë gjatë 10 viteve të fundit dhe unë jam i sigurt se Arsenit do t’i mungojë ai”. Dein, i cili ka 14% të aksioneve në kompaninë binjake të “Topçinjve”, do të heqë dorë nga posti i drejtuesit, për shkak të ideve të ndryshme për drejtimin dhe pronësinë e klubit. Dein, 63 vjeç, mendohet se është në favor të përfshirjes së Sten Kroenkes në klub, pasi milarderi amerikan ks blerë kohët e fundit 9,99% të aksioneve të tij, dhe kjo i ka prishur marrëdhëniet e tij me Hill?Udin. Por presidenti deklaroi se largimi i Dein nuk ka ardhur për shkak të mungesës së fondeve për merkaton e Vengerit. “Ne kemi vënë gjithnjë fonde në dispozicion për Arsenin, ai merr pjesë në takimet e bordit dhe informohet për situatën financiare”, tha Hill?Ud. “Unë mund të siguroj tifozët se bordi do të vazhdojë të japë fondet për të cilët ka nevojë Arseni. Ne kemi një grup shumë të mirë, ndoshta pak të ri, por që po zhvillohet më së miri, dhe nëse Arsen do ta përforcojë atë ne kemi paratë për të ndjekur lojtarët që ai synon”.

[km92]

Runi, “lopa e majme” e Evertonit!

20 Prill Evertoni do të përfitojë deri në 1,65 milionë stërlina nëse Uejn Runi dhe Mançester Junaitedi do të fitojnë tripletën në fund të sezonit, duke triumfuar në Premiership, Kupën FA dhe në Champions League. Sulmuesi i Anglisë kaloi nga “Goodison Park” në “Old Trafford” në verën e vitit 2004 për një shifër fillestare prej 20 milionë stërlinash, por me një klauzolë rendimenti që mund t’i sjelë Evertonit deri në 20 milionë stërlina, por termat e akordit tashmë mund t’i japin klubit nga Liverpuli deri 7 milionë stërlia. 23 milionë stërlina i janë paguar Evertonit pasi çmimet e fituara nga Runi e parashikonin këtë, por kjo mund të ndryshojë javët e ardhshme, teksa Junaitedi tenton të sigurojë titullin e parë në Premiership që nga viti 2003 dhe takohet me Çelsin në finalen e Kupës së Anglisë në “Uembli” muajin e ardhshëm. Arritja e këtyre objektivave do t’i japin Evertonit 500 000 dhe 150 000 stërlina, me 1 milionë stërlina të tjera që do të vinin nëse Djajtë e Kuq do të kalonin Milanin në gjysmëfinalet e Champions League dhe do të ngrinin trofeun në Athinë me Çelsin apo Liverpulit. Nëse Junaitedi do të humbiste në Greqi, Evertoni do të fitonte gjithsesi 500 000 stërlina. Totali i premios mund të ngrihet deri në 7 milionë stërlina në bazë të sukseseve të Junaitedit deri në vitin 2009. Evertoni do të marrë 3 milionë stërlina nëse Junaitedi nuk fiton asnjë trofe, në rast se Runi do të mbetej i rregjistruar me klubin e Sër Aleks Fergusonit deri në qershor 2007, dhe nëse Junaitedi e shet atë, atëherë Evertoni do të merrte 25% të shumës së shitjes.

[km92]

Henri: Skols, më i miri i vitit!

20 Prill Tierri Henri e di se çfarë duhet të ketë një lojtar për të fituar respektin e kolegëve dhe është i mendimit se këtë vit çmimin “Lojtari i Vitit” në Angli e meriton Pol Skols. Kapiteni i Arsenalit ka qenë dy herë fitues i trofeut që jepet me votat e vetë lojtarëve, në vitin 2003 dhe 2004. Mesfushori i Mançester Junaitedit, 32 vjeç, është në listën me gjashtë kandidatë për të fituar këtë trofe këtë sezon, bashkë me Fransesk Fabregas, Didier Drogba, Kristiano Ronaldon, Rajan Gigsin dhe vituesin e vitit të kaluar, Stiven Xherard. Ronaldo është i favorizuari sipas bastexhinjve dhe po ashtu si Fabregas, është i emëruar edhe për çmimin “Lojtari i Ri i Vitit”. Por Henri është i mendimit se ish?lojtari i Anglisë është dalluar më shumë nga të gjithë këtë sezon. “Seskut i uroj fat, por përderi sa mua nuk më lejohet të votoj një shokun tim të skuadrës, vota ime shtkoi Pol Skolsit”, tha kapiteni i Arsenalit. “U pa qartë sa i mungoi sezonin e kaluar Mançester Junaitedit dhe ndryshimin që ka sjellë këtë sezon nuk mund ta mohojë askush”. Megjithatë, Henri pranoi se kishte mbetur i mahnitur nga forma e Ronaldos. Ai shtoi: “Nëse Kristiano Ronaldo nuk fiton çmimin kryesor, mendoj se duhet të marrë atë të të rinjve. “Atij i mungonin vetëm golat dhe pasimet për gol, por këtë vit i ka gjetur tgë gjitha”. Ndërsa për shokun e tij të ri te Arsenali, francezi tha: “Sesku ka zhvilluar një sezon fantastik dhe megjithëse nuk kishte shënuar më parë në kampionat para ndeshjes me Boltonin, ai ka organizuar shumë aksione. Por mungesa e golit po e shqetësonte, sepse për një lojtar si ai është e natyrshme të shënojë më shpesh. Mendoj se goli i fundit e ka çliruar dhe tani është bërë një lojtar më i mirë”.

[km92]

Polonia: Të pastër, deri në 2012-n

20 Prill Ministri polak i sporteve, Tomaz Lipiec, ka marrë përsipër se do të pastrojë futbollin polak nga korrupsioni deri në kohën kur do të organizohet Kampionati Europian 2012 bashkë me Ukrainën. “Duam që futbolli polak të jetë i pastër dhe të ketë zhdukur të gjithë korrupsionin deri në vitin 2012”, Lipiec një ditë pasi Polonia fitoi të drejtën për të organizuar evenimentin sportiv bashkë me Ukrainën, duke mundur në garë Italinë dhe çiftin Hungari?Kroaci. “Kemi filluar të marrim masa kundër korrupsionit dhe do të vazhdojmë ta bëjmë. Klubet e parë janë ndëshkuar”, shtoi Lipiec. “Duam ta zjidhim këtë problem plotësisht deri në vitin 2012. jam i bindur që do t’ia dalim edhe më parë. Kampionatet duhet të zhvillohen në një atmosferë ku është e pranishme loja e ndershme”. Imazhi i futbollit polak është përkeqësuar në dy vitet e fundit pas një skandali për trukim ndeshjesh që ka sjellë më shumë se 60 arrestime, përfshi disa gjyqtarë, një zyrtar të lartë në Federatën Polake (PZPN) dhe disa drejtues klubesh. PZPN ndëshkoi kohët e fundit dy klube për korrupsion, Arka Gdinia dhe Gornik Leczna, të cilët u përjashtuan nga kampionati aktual dhe sezonin e ardhshëm do të luajnë respketvisht në kategorinë e dytë dhe të tretë. Dy skuadra të kategorisë së dytë, KSZO Ostroviec dhe Gornik Polkovice, janë ndëshkuar gjithashtu nga PZPN. Pasojat e skandalit gjithashtu shkaktuan probleme mes qeverisë konservatore polake dhe FIFA?s e UEFA?s. Partia e Ligjit dhe Drejtësisë me të ardhur në pushtet vendosi një platformë anti?korrupsion. PZPN u shpërbë në janar të këtij viti dhe Lipiec pezulloi bordin dhe caktoi një komisar për të drejtuar punët. FIFA dhe UEFA protestuan për ndërhyrjen e shtetit dhe kërcënuan të ndëshkonin Poloninë. Kështu që Lipiec tërhoqi vendimin e tij dhe riktheu në detyrë bordin dhe presidentin, me kusht që të zhvilloheshin zjgedhje të reja.

[km92]

Rivaldo, “pre” e mashtrimit

20 Prill Sulmuesi i Olimpiakosit, Rivaldo, ka deklaruar se është përjashtuar pa të drejtë nga takimi i kampionatit grek kundër Larisës të dielën. Braziliani, i cili dje mbushi 35 vjeç, u ndëshkua me karton të kuq (për herë të parë në karrierën e tij europiane) kur u duk se goditi në fytyrë lojtarin e Larisës, Joorgos Galitsios. Por pamjet televizive treguan se Rivaldo vetëm i kishte hequr topin nga duart dhe Galitsios ishte shtirur duke mbuluar fytyrën me duar. Olimpiakosi po përpiqet tani që të anullojë kartonin për brazilianin në mënyrë që ai të luajë takimin e ardhshëm ndaj Korfuzit, i cili nëse fitohet nga Olimpiakosi, do t’i japë titullin e nëntë në dhjetë vjet.

Dhunë dhe arrestime në Rumani

Policia rumune ka gjobitur 11 tifozë të Steauas së Bukureshtit për përdorim fishekzjarrësh dhe thikash pas eliminimit të skuadrës së tyre në gjysmëfinalen e Kupës së Rumanisë, ndaj Politeknika Timishoara. Rreth 400 tifozë gjithashtu shkatërruan ndenjëset plastike në shkallët e stadiumit dhe hodhën objekte në fushë gjatë takimit dhe prishën ambjente të tjera të stadiumit pasi mbaroi ndeshja. Fatmirësisht nuk kishte dëmtime serioze në nejrëz. “Ishte absolutisht e nevojshme që të ndërhynin forcat e rendit, për të shmangur incidente tragjike”, u tha dje në një deklaratë zyrtare të policisë.

Ceke hap ekzpozitën e parë

Mesfushori i Hertë së Berlinit, Andreas Nojendorf, i cili nisi pesë vjet më parë edhe karrierën si artist në mënyrë që të kishte mundësi të përdorte nofkën e tij “Ceke” (Mushkonja) në fanellë, ka paraqitur ekspozitën e tij të parë. 32?vjeçari Nojendorf, i cili e ka pasur këtë nofkë që në fillim të karrierës së tij, dëshironte të mbante emrin Ceke në fanellë që pesë vjet më parë, duke marrë si shembull në favor të tij lojtarët brazilianë. Por Liga Profesioniste e Gjermanisë (DFL) e hodhi poshtë këtë kërkesë fillimisht. Dhe vetëm pasi ai filloi të pikturonte për të vërtetuar që ishte artist dhe ndryshoi emrin edhe në pashaportë, DFL?ja e lejoi të vendoste në fanellë emirn Ceke.

[km92]

Pele: K.Ronaldo ka akoma punë!

20 Prill Kristiano Ronaldo duhet të qëndrojë në formën e tij më të mirë edhe për disa sezone para se të quhet një prej lojtarëve më të mirë në botë, sipas Pelesë. Legjenda braziliane, që ka fituar tri herë Kupën e Botës, tha se anësori portugez, i cili ka qenë në formë fantastike me Mançester Junaitedin këtë sezon, është një nga lojtarët e mirë, por ishte shumë shpejt për ta quajtur një prej më të mirëve në botë. Në një intervistë, Pele tha: “Eshtë e parakohëshme ta vendosësh atë në listën e më të mirëve në botë... Kemi Kakanë, i cili gjithashtu luan mjaft mirë... Katër apo pesë vjet më parë edhe Ronaldinjo ishte në formë të mirë. Prandaj duhet të presim pak. Të shohim pas disa vjetësh nëse do të vazhdojnë të ruajnë të njëjtin nivel”. Trajneri i Junaitedit, Sër Aleks Ferguson, kohët e fundit ka krahasuar aftësitë e Ronaldos me ato të Pelesë dhe Maradonës. Fergusoni tha që Ronaldo, i cili javën e kaluar nënshkroi një kontratë pesëvjeçare me kryesuesen e Premier League, duhet të përpiqet që të kopjojë dy amerikanojugorët. Pele foli në përurimin e Akademisë Sportive të Dohas, një vend ku studentët afrikanë të talentuar do të kenë mundësi të mësojnë dhe të praktikojnë sportin e tyre të preferuar. Duke folur më pas për Kupën e Botës, Pele bëri thirrje për kujdes rreth kërkesës së Brazilit për të organizuar Botërorin 2014, pasi ka mbetur kandidati i vetëm pas tërheqjes së Kolumbisë. Ai kujtoi problemet që po has Afrika e Jugut që kur ka fituar të drejtën për të organizuar turneun e vitit 2010. “Afrika ka pasur probleme, sepse atje të gjithë kanë luftuar dhe punuar shumë për të marrë tëdrejtën e organizimit të Botërorit, por duke parë situatën e vendit, kanë dalë shumë ndërlikime”, tha ai. “Shpresoj që Brazili të jetë i përgatitur sepse në ditët e sotme është duhen shumë shpezime për të organizuar një Botëror. Eshtë shumë e vështirë, sepse marrin pjesë 32 vende”.I pyetur për transferimin e Devid Bekamit nga Real Madridi për te Los Anxheles Galaksi në fund të sezonit, Pele tha se nuk ishte i sigurt që kjo do të ishte nëj lëvizje e zgjuar për lojtarin, por me siguri ishte e mirë për futbollin në SHBA. “Nuk e di në ka bërë zgjedhjen e duhur por e di se është një vendim i mirë për Amerikën”, tha Pele, i cili ka luajtur vetë në SHBA në vitet ’70 me Nju Jork Kozmos. “Ai mund të ndihmojë siç kemi bërë shumë vjet më parë unë, Franc Bekenbauer, Karlos Alberto dhe Xhorxho Kinalja, pasi të gjithë promovuam futbollin në Shtetet e Bashkuara kur ishimnë fund të karrierave tona. Më duket se edhe Xhorxh Best ka enë në Los Anxheles... atje ku do të luajë edhe Bekami... Megjithatë hpresoj që të japë edhe ai ndihmën e tij”. Pele komentoi edhe gjendjen shëndetësore të Maradonës, i cili kohët e fundit i shtrua sërish në spital në Buenos Aires për probleme në lidhje me alkoolin. “Eshtë vërtet për të ardhur keq, sepse dy vjet më parë Maradona hapi një program teleiziv dhe unë isha atje për ta ndihmuar në pjesën e parë”, tha Pele. “Në atë kohë ai ishte mjaft mirë. E kishte marrë vete për së mbari. Fatkeqësisht, tani është kthyer në spital. Eshtë e vështirë të thuash me saktësi se çfarë ka ndodhur sepse më parë kishte probleme me drogën, ndërsa tani mjekët thonë se ka me alkoolin... por më vjen shumë keq që është shtruar në spital”.

[km92]

Verder?Shalke, nisin “thumbat”

20 Prill Në përpjekjet për fitoren e kampionatit gjerman, kanë nisur ngacmimet psikologjike mes dy skuadrave të kreut, Shalkes dhe Verder Bremenit. Fakti që fitorja e Verderit në shtëpi kundër Alemania Ahen mund ta ngjisë atë në krye të tabelës, nuk është aspakl problem për Shalken. Lojtari i kësaj së fundit, njëkohësisht edhe ish?lojtar i Verder Bremenit, Mladen Krstajiç tha: “Nuk është problem për ne që Verder Bremen të premten do ta shohë veten në krye të tabelës”. Ndërsa menaxheri i Verderit, Klaus Alofs, po me ironi u shpreh: “Shalke duhet t’ia dalë mbanë të fitojë të paktën një herë kundër Kotbusit”. Tani skuadrat kanë ndryshyar rolet, pasi nëse deri të dielën ishte Verder Bremen nën presionin e Shalkes, tani është kjo e dyta në këtë pozicion. Alofs parashikon se të paktën në një nga pesë takimet e mbetura, Shalke do të bëjë ndonjë gafë që do t’i kushtojë titullin. “Kjo nuk do të jetë një çudi e madhe, sepse për këtë gjë flasin sezonet e kaluara”. Ndërsa për skuadrën e tij ai shtoi: “Ne e kemi treguar gjithmonë se nuk e kemi pasur asnjëherë problem preisonin”. Trajneri i Verder Bremen, Tomas Shaf, i cili zakonisht nuk e tepron me deklaratat e tij, u tregua sërish i kujdesshëm: “Nuk kemi ç’të japim më”. Po kështu, edhe kolegu i tij tek Shalke, Mirko Slomka, përpiqet të ruajë qetësinë, sidomos para takimit me Kotbusin: “Për ne kjo situatë nuk është e re. Edhe më parë kemi kaluar momente të tilla, madje atëhere kemi qenë në rolin e ndjekësit, jo të kryesuesit”. Fakt është se Verder Bremen i ka të gjitha arsyet për të pasur besim te suksesi. Pas krizës së shkurtër që kaloi kampionia e dimrit, duket se tani nuk ka më asnjë shenjë të tillë. Tani edhe sulmuesi Miroslav Klose është në formë të shkëlqyer. Verder Bremen nuk e njeh humbjen që prej 11 takimesh, duke e arritur fitoren madje edhe me formacione të sajuara për shkak të dëmtimeve.

[km92]

Kuranji, e ardhmja në Gelsenkirshen

20 Prill “Tani ka ardhur koha e sulmit të tij!”, kështu shprehet menaxheri i Shalkes, Andreas Myler për Kevin Kuranjin. Në këtë mënyrë ai dëshiron të tërheqë kritikat e bëra për ish?lojtarin e Shtutgartit kur ai u transferua në Gelsenkirshen në vitin 2005. “Viti i tij i parë këtu u komentua gabim, edhe pse ai atëhere shënoi dhjetë gola”, tha menaxheri. Më pas për Kuranjin erdhi edhe përgjigjia negative e trajnerit Jurgen Klinsman, i cili e la atë jashtë formacionit të përfaqësueses në Botëror. Por që me fillimin e këtij sezoni, për Kevin Kuranjin kanë ndryshuar shumë gjëra, madje edhe në lidhje me marrëdhënien e tij me tifozët e Shalkes. “Ai e thotë edhe vetë tani se ndihet shumë mirë”, u shpreh Myler. Me 13 gola tëshënuar në 11 takime ai kryeson para Kloses së Verder Bremenit (12/12) dhe Diegos, po i Verder Bremen, (11/12). Në renditjen e golashënuesëve, Kuranji ndodhet në vendin e tretë pas Gekas dhe Makait. “Kjo tregon se ne kemi bërë zgjedhjen e duhur kur e blemë atë në vitin 2005, atëhere kur ai ishte ende i ri”, komentoi Myler. Aktualisht, Kuranji është 25?vjeç dhe suksesin nuk e përjeton vetëm te skuadra e Shalkes, por edhe te përfaqësuesja. Forma e tij e mirë ka bërë që edhe vëmendja e skuadrave të huaja të përqëndrohet tek ai. Sipas mediave italiane dhe spanjolle, ai bën pjesë në listën e disa klubeve të mëdha. “Deri tani ne nuk kemi marrë asnjë ofertë zyrtare, edhe pse e dimë se duke vazhduar me këto ritme interesi i klubeve të mëdha do të shtohet ndjeshëm. Ne duhet të jemi të përgatitur për këtë gjë. Megjithatë, nuk besoj se Kevin dëshiron të largohet kaq herët nga ne”, bëri të ditur më tej menaxheri i Shalkes. Vetë Kuranji thekson se aktualisht është i përqëndruar vetëm tek fitorja e titullit të këtij sezoni dhe se gjithçka tjetër nuk i intreson. “Ai e di se ne do ta mbrojmë atë gjithmonë në publik dhe e vlerëson shumë besimin tonë. Prandaj, besoj se mund të planifikojmë edhe disa vite të tjera me të”, përfundoi Myler.

[km92]

Hitcfeld: Ta nënshtrojmë Shtutgartin

20 Prill Pas kapitenit Oliver Kahn, edhe trajneri i Bajernit të Mynihut foli për “nervin bavarez” para takimit të rëndësishëm kundër Shtutgartit. “Në të kaluarën ne jemi “rrahur me vaj e uthull”. Kjo është një nga avantazhet tona më të mëdha dhe shpresojmë që në bazë të përvojës tonë ta mbyllim me sukses edhe këtë sezon”, tha trajneri i Bajernit. 58?vjeçari kujtoi edhe sezonin e vitit 2000 dhe atë të një viti më vonë, kur Bajerni i Mynihut nën drejtimin e tij ishte në gjendje të siguronte titullin edhe me anë të fitores në takimin e fundit të sezonit. Por duke pasur gjashtë pikë dieferencë nga Shalkja e vendit të parë, Bajerni as nuk e çon nëpër mend trofeun e këtij viti. Megjithatë, trajneri Hitcfeld beson tek arritja e vendit të dytë. “Ne duam të luajmë në Champions League, dhe për këtë, gjëja më e mirë dhe më e sigurt është që të arrijmë pozicionin e dytë”, u shpreh Hitcfeld, skuadra e të cilit ndodhet e katërta në renditje me diferencë vetëm prej dy pikësh nga Shtutgarti i vendit të tretë. Fakti që kundërshtarja e radhës, Shtutgarti, ishte mjaft aktive kundër Volfsburgut në gjysmëfinalen e Kupës së Gjermanisë, për Hitcfeldin nuk është aspak domethënës. “Natyrisht që Shtutgarti “është bërë me krahë” tani që u kualifikua në finalen e Kupës së Gjermanisë, por nga ana tjetër, ky takim atyre i’u ka kushtuar shumë energji. Ndërsa ne jemi të qetë, kemi pushuar dhe duam që t’i nënshtrojmë kundërshtarët në fushë”, shtoi ai. Për rëndësinë e takimit kundër Shtutgartit foli edhe boshnjaku i Bajernit të Mynihut, Hasan Salihamixhiç: “Në këtë ndeshje do të merret vendimi për kualifikimin tonë në sezonin e ardhshëm të Champions League”. Dy ditë më parë ishte portieri Oliver Kahn ai që kërkoi angazhim dhe përqëndrim maksimal nga kolegët e tij. “Ne duhet të japim më shumë se zakonisht, të kalojmë kufirin. Ndryshe nga ndeshja e kthimit kundër Milanit, këtë herë duhet të japim 100% të potencialit tonë”, është shprehur kapiteni.