Arkivi i gazetës elektronike sportive: "FUTBOLLI"

[RaPSouL]

Shevchenko: Nuk do të huazohem në Kiev


Sulmuesi i Chelseat, Andriy Shevchenko, nuk do të kthehet si huazim tek ish klubi i tij Dinamo Kiev, ka bërë të ditur agjenti i tij, Stephen Curnow.
Që kur ka arritur në Stamford Bridge, gjatë verës së vitit 2006, Shevchenko ka treguar lojëra të dobëta, krahasuar me standardet e tij të larta. Nga 51 paraqitjet në total, ukrainasi ka shënuar vetëm 14 herë.

Në të dyja klubet, Milan dhe Dinamo Kiev, Shevchenko ka shënuar së paku një gol në dy ndeshje, por sulmuesi e ka pasur të vështirë të përshtatet në Chelsea.

Presidenti i Kievit, Igor Surkis, ka thënë për The Sun: “Andriy nuk angazhohet në ekipin e Chelseat. Do të doja ta sjellja sërish këtu. Jose Mourinho duhet t’ia sqarojë pozicionin atij. Nuk e di pse ai nuk e kyç në lojë”.

Por agjenti i ukrainasit ka mohuar këto thashetheme, duke thënë se Sheva do të mbetet dhe do të luftojë për vendin e tij. “Kjo nuk do të ndodhë pasi që lojtari i kalibrit të Andriyt nuk dëshiron të shkojë në huazim”, ka thënë ai për Daily Star.

“Ai e din se duhet të luftojë pasi që lëndimi i tij erdhi në një kohë të vështirë dhe vendi i tij iu lëshua Pizarros. Por Andriy e din se shansi i tij do të vijë”.

[no name]

Terri i “jep detyrat” Dinjos

31 Gusht Kapiteni i Çelsit, Xhon Terri, pranon se mundësia e kalimit të Ronaldinjos në “Stamford Bridge” është diçka shumë e mirë, por beson që braziliani duhet të përmirësojë lojën mbrojtëse për të pasur sukses. Terri i ka mirëpritur zërat se pronari i klubit, Roman Abramoviç, ka biseduar më vëllain e yllit të Barcelonës në përpjekje për t’i mbushur mendjen që të shkojë në Londër. Terri tha: “Ishte emocionuese kur ai u lidh me klubin tonë dhe do të ishte fantastike sikur ta merrnim në skuadër. Do ta përmirësonte edhe më skuadrën dhe do të ishte mirë edhe për kampionatin anglez që të luajë në të një lojtar si Ronaldinjo. Më pëlqen të mendoj se do të përshtatej mirë në skuadrën tonë, megjithëse duhet të mësojë për detyrat mbrojtëse që kanë të gjithë. Lojtarët sulmues që kemi dinë edhe të mbrojnë kur është e nevojshme. Lojtarët e rinj duhet ta mësojnë për ca muaj këtë, sepse nëse nuk e bëjnë, atëherë zëvendësohen. Pasi mëson se duhet të luash për skuadrën dhe të mbrosh për të, atëherë mund të mendosh edhe për sulmin. Dhe në këtë aspekt ai mund të na japë diçka që jo shumë të tjerë mund ta bëjnë. Mendoj se duke qenë se është shumë i mirë në atë që bën në sulm, atëherë trajneri edhe mund të mos e impenjojë shumë në mbrojtje, por këtë duhet ta shohim”.

“Junaitedi, sa larg që tani”

Duke folur për kampionatin anglez, Terri shprehu besimin e tij se tani, Mançester Junaitedi ka një detyrë edhe më të vështirë se në fillim, për të fituar titullin. Kapiteni i Çelsit ka mbetur i habitur nga fillimi i vështirë i kundërshtarëve, të cilët janë që tani pesë pikë prapa. Ai tha: “Mendoja se Junaitedi do ta niste pak më mirë, por shumë klube kanë bërë blerje të mira gjatë verës. Pesë pikë janë shumë që në këtë fazë të sezonit. Do të jetë e vështirë për ta”. Një nga arsyet e rënies së “Djajve të Kuq”, sipas Territ, është edhe humbja e Uejn Runit dhe Kristiano Ronaldos. “Sigurisht që mungesa e dy lojtarëve kryesorë është e rëndë dhe pavarësisht se lojtarët e tjerë janë shumë të mirë, ajo është ndjerë”.



Sportekspres

[RaPSouL]

Lille nënshkruan me holandezin Kluivert


Derisa afati kalimtar i transfereve është afër mbylljes, duket se edhe sulmuesi holandez Patrick Kluivert ka gjetur klubin e tij të ri.
Ekipi francez i Ligue 1, Lille, ka bërë të ditur nënshkrimin me holandezin, megjithëse detajet e kontratës nuk janë bërë ende publike.

Sulmuesi 31-vjeçar ka qenë pjesë e PSV Eindhoven për dy sezonet e fundit, por nuk i është ofruar kontratë e re nga kampioni i Holandës.
Ish pjesëtari i kombëtares holandeze, i cili me këtë kombëtare ka 79 paraqitje dhe 40 gola, ka luajtur më herët me Ajax, Barcelona, Milan, Newcastle dhe Valencia.

[RaPSouL]

Motta kalon nga Barcelona në Atletico Madrid

Thiago Motta mbrëmë ka fluturuar nga Barcelona për në Madrid dhe sot, pas kompletimit të kontrollit mjekësor, pritet të nënshkruajë me Atletico Madridin.
Thiago Motta ishte afër largimit nga Barcelona një muaj më parë, pas arritjes në klub të Yaya Toures nga Monaco. Marrëveshja mes Barcelonës dhe Atleticos është arritur në ditët e fundit të afatit kalimtar.

Megjithëse Motta kërkonte leje për transfer të lirë, Barcelona kishte kërkuar rreth 5 milionë euro për italiano-brazilianin, por nga kontrata e fundit do të marrë vetëm rreth gjysmën e kësaj shume për të lejuar kalimin e tij tek klubi rival.
Gjatë ditës së sotme Atletico pritet të kompletojë përveç me Thiago Mottan edhe kontratën me argjentinasit Juan Pablo Riquelme.

[strong_07]

Lampardi lëndohet, kokëçarje për Meklarenin

Mesfushori i Çelzit, Frank Lampard është lënduar kofshën në stërvitje. Si pasojë e këtij lëndimi ai do të mungojë në dy ndeshjet e ardhshme që do t’i zhvillojë kombëtarja e Anglisë n kuadër të kualifikimeve për Euro-2008 kundër Rusisë dhe Izraelit.
Kësisoj, telashet e përzgjedhësit Stiv Meklaren nuk kanë të sosur. Meklaren do të ketë telashe të mëdha në mesin e fushës, duke pasur parasysh se do t’i mungojnë edhe Dejvid Bekam dhe Kieron Dajer, që janë të lënduar. Në këto dy ndeshje anglezëve do t’i mungojë edhe Uejn Runi, i cili po ashtu është i lënduar. Megjithatë, një lajm i mirë për përzgjedhësin anglez ka ardhur nga skuadra e Liverpulit. Në realitet, kapiteni i kësaj skuadre Stiven Xherard, nuk do të luajë në ndeshjen kundër Derbi Kantit, në mënyrë të të jetë sa më i gatshëm për dy ndeshjet tejet të rëndësishme të kombëtares angleze.

[RaPSouL]

Berluskoni: “Tani Intercontinentalen”


“Tani duam fitoren e Kupës Interkontinentale”. Kjo është dëshira e padronit të Milanit, Silvio Berluskoni pas fitimit të Supërkupës europiane në finalen kundër Seviljes (3-1). “Do të jetë edhe ky një rast i madh për të shtuar numrin e trofeve tanë ndërkombëtarë që do të na vendosë pas dyshim si skuadrën e parë në botë”. Berluskoni kujton edhe Antonio Puertën: “Jemi më të vërtetë të gjithë të prekur nga vdekja e tij, kishim propozuar që ndeshja të shtyhej. Fitorja e dedikohet atij”

[RaPSouL]

Kristian Ronaldo, orgji me prostituta


Një orgji me pesë prostituta: kështu e festoi Kristiano Ronaldo, ylli i Mançester Junaitid, fitoren e parë sezonale të “Djajve të kuq”. Pas suksesit 1-0 kundër Totenhemit në javën e katërt të kampionatit, portugezi kishte organizuar një festë në vilën e tij pranë Mançesterit, tregon e përdithshmja angleze “The Sun”.

Ronaldo kishte porositur nga agjenciae e Leeds 5 prositituta, të cilat kishin berë 100 km me taksi për të mbërritur në vilën e mesfushorit. Për të gjithë natën midis së dielës dhe të hënës, kishte një lëvizje vajtje-ardhje midis pishinave, dhomave të zhveshjes, idromasazhit dhe kopshtit.

Midis të ftuarëve ishte edhe një shok i Ronaldos, braziliani Anderson, i blerë nga Mançester gjatë verës, që ishte edhe protagonist i videos së xhiruar nga një prej prostitutave. Fantazisti i Mançesterit ishte xhiruar teksa lëvizte me mbathje në shtëpi, ndërkohë që disa vajza ishin plotësisht lakuriqe.

[RaPSouL]

E ardhmja e Rocchit në Lazio e pasigurt

Dy ditë më herët, u raportua se sulmuesi i Lazios, Tommaso Rocchi ka pasur vështirësi me arritjen e një marrëveshje me klubin e tij. Tash ai shpërthen duke thënë se është “i heshtur” se si gjërat po shkojnë.


Tommaso Rocchi tashmë është më shumë se kurdoherë i bindur se nuk do arrijë marrëveshje me Lazion. Sulmuesi italian ka thënë: “Unë nuk flas. Nëse ripërtëritja e kontratës arrin atëherë do të jem shumë i lumtur. Nëse jo, do ta marr afër zemrës”.

Ai ka kritikuar drejtuesit e bordit ndërmjetësues, megjithëse në mënyrë jo të qartë. “A jam unë simbol i Lazios? Me sa duket për adhuruesit po, por jo për gjithkënd në klub. Me gjithë respektin, jam mërzitur duke iu thënë njerëzve se do të qëndroj”, ka thënë Rocchi.

Sa kohë do të mbetet ai në Olimpico tash për tash mbetet e pazbuluar, derisa ai shprehet se e ardhmja e tij është e pasigurt.

Rocchi ka shënuar 46 gola në Serie A për ekipin kryeqytetas, që kur arriti nga Empoli në vitin 2004. Në 2006 ai bëri debutimin e tij për kombëtaren italiane.

[RaPSouL]

Van der Sar zotohet se do të jetë i pamposhtur

Portieri i ekipit anglez Manchester United, Edwin van der Sar, mendon se kampionët do të mbeten të pamposhtur, pas shënimit të fitores së parë të sezonit gjatë vikendit të kaluar.


Ekipi i Sir Alex Ferguson do të përballet sot me Sunderland, pas fitores ndaj Tottenham të dielën e kaluar. Kjo ishte një nxitje për United, të cilët kishin siguruar vetëm dy pikë nga tre ndeshjet e para.

Van der Sar thotë: “Ne nuk kemi pritur të humbim aq shumë pikë, por e bëmë këtë. Tash duhet të lejojmë që kjo të kalojë dhe të përpiqemi në gjashtë ose shtatë ndeshjet e ardhshme të jemi të pamposhtur”.

“Nuk mendoj se kemi luajtur keq, ka qenë vetëm se nuk kemi shënuar. Kemi pasur disa dëmtime dhe suspendime në sulm andaj jemi pak më të mangët në atë pjesë të fushës”, ka shtuar ai.

Në ndeshjen kundër Sunderland, Manchester rikthehet në ballë të ish kapitenit Roy Keane, që tash është trajner i Sunderland. Në fushë kthehet edhe Louis Saha, i cili si rezultat i lëndimit të gjurit nuk ka luajtur që nga muaji prill.

[RaPSouL]

Samuel Eto’o së paku dy muaj jashtë fushës

Eto'o pritet që të mbetet së paku dy muaj jashtë fushës pas lëndimit të kofshës në pjesën e dytë të ndeshjes miqësore me Interin, ku Barcelona fitoi me rezultat 5-0.

Gjatë sezonit të fundit Eto'o kishte mbetur jashtë fushës për shkak të një lëndimi serioz të gjurit.

Mungesa e sulmuesit kamerunas së paku do të zgjidhë problemin e trajnerit Frank Rijkaard se cilin sulmues të fus në lojë më parë.

Rijkaard këtë sezon ka për detyrë të vendosë në mes katër sulmuesve shumë të mirë - Eto'o, Ronaldinho, Lionel Messi dhe të porsaardhurit Thierry Henry