Arkivi i gazetës elektronike sportive: "FUTBOLLI"

[RaPSouL]

Sven: Luajtëm më mirë se me Junaitedin

26 Gusht Trajneri i Mançester Sitit, Sven?Goran Erikson, nuk arriti të merrte asnjë pikë në ndeshjen e tij të katërt në Premier League, pas tri fitoreve në tri javët e para. Pavarësisht heroizmave të Kasper Shmaikel, i cili priti edhe një penallti, “Topçinjtë” shënuan në fund me anë të Fransesk Fabregasit. Megjithatë, tekniku suedez nuk u duk i dëshpëruar kur tha: “Humbja është goditje e rëndë, por mendoj se luajtëm më mirë se sa Mançester Junaitedit. Jam i kënaqur sepse punuam majft, u përballëm denjësisht me Arsenalin kur kishte zotërimin e topit, por edhe vetë luajtëm një futboll të bukur”. Në pjesën e dytë, Siti pati disa raste për të shënuar, megithatë edhe Arsenali rrezikoi disa herë. Eriksoni lavdëroi edhe një herë portierin e ri Shmaikel, i cili rikonfirmoi formën e tij të shkëlqyer. “Që kur e pashë për herë të parë Kasperin thashë që do të merrnim një portier të ri vetëm nëse do të ishte një Petr Çeh i ri, apo dikush tjetër i ngjashëm. Duke parë se si po luan për momentin, nuk mund të kërkojmë më tepër prej tij. Nuk mendoj se mund të bënte shumë në rastin e golit, priti një penallti dhe, pavarësisht se s’është trupmadh, prania e tij ndihet”. Eriksoni lavdëroi edhe Mikah Riçardsin: “Eshtë i fortë si shkëmb dhe shumë i shpejtë. Vetëm duhet të qëndrojë me këmbë në tokë, sepse për momentin ka gjithçka q` mund të kërkojë një djalë i ri i talentuar si ai”.

[RaPSouL]

Venger: Fitorja, shpërblim i lojës sonë

26 Gusht Trajneri i Arsenalit, Arsen Venger, ishte tepër i kënaqur nga fitorja e radhës për skuadrën e tij, e cila erdhi sërish në minutat e fundit të takimit. “Isha i shqetësuar, por djemtë treguan edhe një herë një shpirt skuadre dhe luftuan deri në sekondën e fundit. Mbrojtësit patën shumë punë për të bërë dhe ia dolën mbanë. Më bëhet qejfi që shënoi Fabregasi, sepse na duhen golat nga mesfusha. Ishte një fitore me stil, kundër një skuadre të mirë. Krijuam raste, por edhe pse gjërat nuk po ecnin mirë, vazhduam të luftonim. Fituam në sekondat e fundit ndaj Fulhamit, shënuam golin e dytë në Pragë në fund fare, humbëm një penallti në këtë ndeshje dhe sërish arritëm të fitonim. Skuadra po përmirësohet dita ditës dhe ky është shpërblimi i lojës që kemi bërë. Kur lojtarët rriten bëhen më të fortë dhe kanë më tepër besim te vetja. Koha dhe përvoja të japin besimin e duhur për të përdorur më mirë talentin”. Ndërsa për penalltinë e humbur nga Van Pesi, tekniku francez tha: “Kur gjuajti Robin, mu kujtua penalltia e pritur nga babai i Shmaikelit ndaj Bergkampit në vitin 1999. Shpresoj në të ardhmen të mos na dalë përpara nipi i Piterit!”. Vengeri lavdëroi shumë edhe Sitin, për atë që ka treguar në javët e para të kampionatit. Ai shtoi: “Ne e meritonim të fitonim, por kishim përballë një kundërshtar mjaft të mirë. Në fillim të pjesës së dytë Siti u duk i rrezikshëm sepse krijoi disa raste. Por më pas e rimorëm veten. Nëse do të kishim pësuar gol në ato çaste, do të ishte bërë e vështirë, por ia dolëm”.

[RaPSouL]

“Rajkard do ta ketë të vështirë”!

26 Gusht Sulmi fantastik i Barcelonës nuk po entuziazmon vetëm Spanjën, por e gjithë Europa ka kthyer sytë nga ata. Revista prestigjoze franceze, “France Football”, në edicionin e saj bën të njëjtën pyetje: A do të luajnë së bashku Ronaldinjo, Mesi, Eto’o dhe Henri? Përgjigja është jo, vetëm nëse Rajkard ndryshon sistemin. Kjo pyetje po mundon jo vetëm tifozët katalanas, por edhe shtypin europian. Revista “France Football” e komenton këtë çështje në këtë mënyrë: “A janë të krahasueshëm “4 Fantastikët”? Kjo është një pyetje që duhet t’i japë përgjigje Frenk Rajkard”. Në edicionin e saj, revista prestigjoze franceze komenton të gjithë situatën që po kalon skuadra katalanase dhe i gjithë futbolli europian në përgjithësi. Revista franceze shprehet se tekniku i Barcelonës nuk do ta ketë të lehtë të bëj zgjedhjet e tij dhe dyshon se “4 Fantastikët” mund të luajnë gjithmonë së bashku. Për këtë arsye, “France Football” mendon se tekniku holandez duhet të bëjë rotacione në skuadrën e tij. “Presioni mediatik do të jetë ai që nuk do ta lërë Rajkardin të qetë në marrjen e vendimeve. Megjithatë, zgjidhja më e mirë e kësaj situate, duhet të jenë rotacionet. Diçka që tekniku Rajkard nuk ka arritur ta praktikojë. Por si mund ta arrijë këtë? Rajkard duhet të bëjë rotacionet në skuadër duke vendosur një akord paraprak dhe jo duke parë gjendjen sportive të çdo lojtari. Të ulësh në pankinë një nga “4 Fantastikët”, do të jetë shumë e vështirë për holandezin, pasi duhet të komunikim dhe mirëkuptim shumë i madh nga të dyja palët”.

E përjavshmja franceze, në komentin e saj, e ka ndarë “Katërshen Magjike” në dy të paprekshëm (Ronaldinjo dhe Mesi) dhe dy lojtarë që mund të hyjnë në rotacione (Eto’o dhe Henri). “Të kartët lojtarët nuk nisen me të njëjtat mundësi. Ronaldinjo, pas një seozni jo shumë të mirë, ka pushuar, nuk ka marrë pjesë në Kupën e Amerikës dhe ka marrë pjesë në të gjitha seancat stërvitore të skuadrës. Braziliani duket më i motivuar dhe është i gatshëm të rikthehet “Topi i Artë” i vitit 2005. Nëse e arrin, do të jetë shumë e vështirë për Rajkardin që ta lërë jashtë formacionit, qoftë edhe në mënyrë të rastësishme”. Ndërsa për Mesin, revista franceze shprehet: “Talenti argjentinas është quajtur si zëvendësuesi i Maradonës, të cilit i ka imituar të dy golat më të bukur në karrierën e tij. Mesi ka fituar një popullaritet shumë të madh dhe mendohet që Rajkard ta aktivizojë argjentinasin përpara brazilianit. Nëse Ronaldinjo dhe Mesi janë në formë, Rajkardit i duhet të mendohet dy herë për të sakrifikuar ndonjërin prej tyre”.

Ndërsa dy sulmuesit e tjerë, Henri dhe Eto’o, mendohet që të jenë dy lojtarët që mund të hyjnë në rotacionet e teknikut holandez. “Nëse Ronaldinjo dhe Mesi tregojnë se janë të papreksh-m, Henri dhe Eto’o do të jenë dy lojtarët që mund të luftojnë për një vend në formacion”. Për sa i përket aktivizimit të “4 Fantastikëve”, revista franceze shprehet se gjithçka do të varet edhe nga skema që do të përdorë Frenk Rajkard në Barcelonën e këtij sezon. Nëse tekniku holandez përdorë skemën 4?3?3, atëherë njëri prej katër yjeve do të jetë i detyruar të ulet në pankinë. Vetëm nëse Rajkard përdorë skemën 4?2?3?1 ose 3?4?3, atëherë “4 Fantastikët” do të kenë mundësi të luajnë së bashku. Ndërsa ish?tekniku i kombëtares italiane, Arrigo Saki, mendon se gjithçka është e mundur nëse punohet me dëshirë dhe disiplinë. “Në Realin tim luanim me Figon, Zidanin, Raulin, Ronaldon, Gutin dhe shumë të tjerë”. Ndërsa Luis Fernandez, ish?tekniku i Betisit, shprehet: “Rajkard duhet të ndryshojë sistemin. Kjo nuk përbën një problem, por gjithçka lidhet me motivimin e lojtarëve. Çdo futbollist duhet të japë maksimumin e tij në fushën e lojës”. Më pas, artikulli i “France Football”, përfundon me një kompliment për teknikun e Barcelonës: “Rajkard është një trajner i madh dhe të gjithë e dinë shumë mirë se do t’i japë zgjidhjen e duhur këtij problemi te Barcelona”.

[RaPSouL]

Emerson: Në Real kam menduar t’i jap fund karrierës

Aloja braziliane ka pranuar që gjatë qëndrimit të tij në Realin e Madridit kishte menduar seriozisht për t’i dhënë fund karrierës, por ftesa e Milanit i ka ndryshuar të gjitha gjërat.
Braziliani Emerson, lojtar i ri i Milanit, zbulon se në çfarë disponimi ka kaluar sezonin e kaluar në “klubin mbretëror”.

“Për mua qëndrimi në Real ka qenë i padurueshëm, dhe kam menduar seriozisht të largohem nga futbolli. Nuk kam mundur të koncentrohem aspak në lojë”, ka thënë Emerson.

Emerson kishte ardhur në Real me ftesë të Fabio Capellos, i cili ka qenë paraprakisht trajner i tij në Romë dhe Juventus.

“Capello është trajner i jashtëzakonshëm dhe më ka ndihmuar shumë në karrierë. Kemi bashkëpunuar 7 vjet, por, ja që vjen koha edhe për ndryshime”.

Ardhja në Milan e ka rilindur brazilianin.
“Kam arritur në klubin në të cilin mund të mendoj vetëm për futbollin. Jam i gatshëm për një fillim të ri. Nuk kam asnjë problem fizik, e duke marrë parasysh se kam luajtur shumë në ligën italiane, shumë lehtë do të përshtatem në stilin e tyre të lojës”, ka thënë braziliani Emerson

[RaPSouL]

Ancelotti: Do të doja të punoj me Adrianon

Trajneri i Milanit Carlo Ancelotti ka pranuar se me dëshirë do të trajnonte sulmuesin “e ngrirë” brazilian të Interit Adriano.

Trajneri i Interit Roberto Mancini ka deklaruar që Adriano do të duhej të gjente një klub të ri para afatit kalimtar të premten, duke shtuar që kampionët e Serie A ka pak gjasa të pajtohen për shitjen e tij tek rivalët e qytetit.

"Adriano është lojtar i madh dhe është i tillë që çdo trajner do të dëshironte të punojë me të", ka pranuar Ancelotti. "Por e dimë që për të është shumë e vështirë të kalojë në Milan", ka shtuar ai.

[RaPSouL]

Benitez: Kjo është forca jonë

26 Gusht Pas fitores tepër të rëndësishme në fushën e Sanderlendit, trajneri i Liverpulit, Rafael Benitez, vetëm mund t’i lavdëronte lojtarët e tij. Duke filluar nga Mohamed Sisoko, i cili gjeti çastin më të përshtatshëm për të shënuar golin e parë në karrierën e tij me të kuqtë në ndeshje zyrtare. Tekniku spanjoll tha: “Sisoko mund të shënojë edhe më shumë gola. Nuk bën shumë, kjo është e vërtetë, por tani që realizoi golin e 7 000?të për klubin do të jetë në historinë tonë përgjithmonë. Jam shumë i kënaqur nga ai”. Ndërsa për ecurinë e ndeshjes, Benitez tha: “Jam shumë i kënaqur që fituam, por po uroja që ta mbyllnim sa më shpejt takimin... për shëndetin tim. Mendoj se treguam forcën e vërtetë të skuadrës sonë”. Benitez ishte shumë i kënaqur edhe me dyshen e tij sulmuese të ditës së djeshme, Torres?Voronin. Ukrainasi shënoi golin e dytë të takimit, ndërsa spanjolli ishte gjithnjë i lëvizshëm dhe një rrezik i vazhdueshëm për mbrojtjen e Sanderlendit. Trajneri shtoi: “Torresi dhe Voronini ishin kërcënimi më i madh për kundërshtarët. Ata u morën vesh shumë mirë me njëri?tjetrin dhe shpresoj që të vazhdojnë kështu. E gjithë skuadra luajti mjaft mirë, dhe e meritoi fitoren. Luanim jashtë fushës sonë dhe tri pikët e marra këtu kanë një vlerë të madhe. Po tregojmë vazhdueshmëri në rezultate dhe duhet të vazhdojmë të punojmë që të ruajmë formën tonë të mirë”.

[RaPSouL]

Murinjo: Mposhtëm edhe vapën

26 Gusht Trajneri i Çelsit, Hoze Murinjo, tha me bindje se mund të mbështetej fort te Frenk Lampard, edhe pse mesfushori anglez nuk e ka firmosur ende kontratën e tij të re në “Stamford Bridge”. Lampard i dha fitoren bluve dje, duke shënuar golin e katërt në po kaq ndeshje kampionat, dhe Murinjo tha: “Nëse ai ka kritikë, unë s’jam mes tyre. Po ka shumë njerëz që e mbështesin atë përherë dhe unë jam një prej tyre. Nuk është e lehtë për një mesfushor të shënojë katër gola në po kaq ndeshje. Për më tepër golat e tij kanë qenë shumë të rëndësishëm, na kanë dhënë pikë të vlefshme”. Duke folur më pas për takimin e vështirë me portsmuthin, tekniku portugez pranoi se ishte mëse i kënaqur për rezultatin, në një sfidë ku skuadra e tij u përpoq në maksimumin e saj. Dhe nuk harroi të kritikonte organizimin e ndeshjeve ndërkombëtare në mesjavë që ishin një barrë tjetër e rëndë përveç temperaturave të larta. Murinjo shtoi: “Nuk më pëlqen të luaj pas ndeshjeve të ekipeve kombëtare në mesjavë. Lojtarët shkojnë e luajnë, disa mund të vijnë të mërzitur, disa të stresuar, disa nuk stërviten, sepse nisen të enjten dhe u mbetet vetëm e premtja. Kështu që s’mund ta përgatis mirë skuadrën. Përqendrimi nuk është i njëjtë dhe mënyra e përgatitjes sonë nuk është e njëjta. Pa harruar që edhe Portsmuthi është një skuadër mjaft e mirë, e mirëorganizuar dhe me një trajner e lojtarë majft të mirë. Kundërshtari na i vështirësoi punët, por dhe moti s’na erdhi në ndihmë. Ishte shumë vapë dhe në pjesën e parë u pa sa vështirësipatëm. Por fituam dhe kjo është e rëndësishme”.

[RaPSouL]

Ndalet Eriksoni, Murinjo bën 100

26 Gusht Arsenali arriti të fitonte dje pasdite ndaj Mançester Sitit, duke ndalur më në fund në javën e katërt skuadrën e Sven Goran Eriksonit. Nga humbja e bluve të Mançesterit, përfituan edhe blutë e Londrës, të cilët, duke mundur minmalisht Portsmuthin, siguruan vendin e parë në renditje. Në “Emirates”, “Topçinjve” iu deshën 80 minuta për të realizuar golin e parë, kur Fabregas shënoi me një gjuajtje të bukur. Më parë, Robin Van Persit iu prit një penallti nga Kasper Shmaikel. Çelsi nuk ishte në ditën më të mirë, por përsëri fitoi 1?0 ndaj Portsmuthit në “Stamford Bridge”, duke bërë që Hoze Murinjo të fitonte ndeshjen e tij të 100?të si trajner në fushën e tij. Frenk Lampard ishte autor i golit të fitores pasi gjuajtja e tij ishte shumë e fuqishme për Devid Xhejmsin. Në takimin e parë të ditës, Liverpuli tregoi një formë mjaft të mirë në fitoren 2?0 në fushën e Sanderlendit. Mohamed Sisoko kaloi të kuqtë në avantazh, ndërsa Andrij Voronin dyfishoi rezultatin në fund për të vulosur fitoren.

[no name]

I keq Murinjo

[RaPSouL]

Barcelona nxjerrë vetëm një barazim kundër Racingut

Katërshja fantastike e Barcelonës nuk arriti asgjë më shumë pos të nxjerr një barazim, pa gola, kundër ekipit të disponuar për lojë, Racing Santander.

Katalonasit, që kanë shpenzuar më shumë se 65 milionë euro për lojtarët e rinj, përfshirë këtu edhe sulmuesin, Thierry Henry, në tërësi u dorëzuan para ekipit “autsajder”, të La Liga-s.

Trajneri, Frank Rijkaard, kishte lënë në bankinë sulmuesin francez, Henry, ndërsa në sulm kishte angazhuar treshen: Samuel Eto'o, Lionel Messi dhe Ronaldinho – mirëpo Racing që në fillim të lojës bëri të ditur se nuk e ka ndërmend të dorëzohet lehtë. Madje qysh në minutat e parë të lojës Racing kërcënoi seriozisht portën e Victor Valdesit, përmes mesfushorëve, Oscar Serrano dhe Aldo Duscher.

Rijkaard inkuadroi Henry-n në vend të Messit, gjysmë ore para përfundimit të ndeshjes, mirëpo as ky “freskim” i ekipit nuk solli gjë, pos një rezultat të barabartë në fund të ndeshjes.