Arkivi i gazetës elektronike sportive: "FUTBOLLI"

[no name]

Mançini-Morati plasin “xixat”


22 Gusht Vetëm disa minuta nga fundi i ndeshjes Inter?Roma, për Superkupën e Italisë, e fituar nga verdhekuqtë me rezultatin 1?0 (De Rosi me penallti), Masimo Morati, presidenti zikaltër, ishte në dhomat e zhveshjes për të ftuar të gjithë lojatarët interistë që të dëgjonin fjalët e tij, në heshtje, që të ndërgjegjësoheshin, për një lojë të shëmtuar dhe për mungesë impenjimi, “sëmundja” që ka penguar gjithmonë milanezët të ecin përpara. Një të bërtitur të fortë, një “tërheqje veshësh” dhe një fjali e tepërt: “T’iu vijë turp!”. Me tone të larta, padroni i kampionëve të Italisë ka tërhequr vëmendjen e gjithë skuadrës, për paraqitjen jo të denjë nën sytë e publikut, në ndeshjen e parë zyrtare. Diçka e tillë ndodhi edhe sezonin e shkuar, kur pas dy humbjeve të turpshme në Champions League, ndaj Sporting Lisbonës dhe Bajern Mynihut (në “San Siro”), Morato i bërtiti skuadrës. Por, mbrëmjen e të dielës, menjëherë pas humbjes, Morati shmangi kamerat dhe mikrofonat, duke mos dhënë asnjë intervistë për humbjen. Presidenti zikaltër kishte lënë pushimet e tij në Forte dei Marmi pikërisht për të qënë në tribunën e “San Siro”?s dhe menjëherë pas humbjes, është kthyer në vilën e tij, në Sardenjë. “Nuk ia vlen të flasësh për proçese apo alarm në selinë e Interit. Të mos ekzagjerojmë”, tha Morati nga rezidenca e tij, “sepse jemi në fillim dhe ka shumë punë për të bërë dhe takime të rëndësishme për të zhvilluar. Me siguri, kishte shumë gjëra që nuk më pëlqyen dhe ekipi gaboi edhe ato më elementaret. Por, duhet të them se ishim edhe pak të lodhur, me këmbët ende të rënda”. I qetë, por jo i shqetësuar, por vendimtar për të shmangur që në fillim “pengesat” e para, mbi të gjitha ato të aspektit psikologjik, që mund të shfaqen si vështirësi gjatë sezonit: “Humbja në Superkupë do të na ndihmojë që të kthehemi menjëherë me këmbë në tokë”, tha Morati. “Nuk duhet të besojmë se jemi kaq të fortë për të fituar edhe pa nevojën e përqëndrimit. Në këto nivele askush s’mund t’i lejojë vetes rënie apo luhatje, sidomos kur përpara ke një ekip si Roma. Na duhet më shumë krenari dhe vendosmëri, sepse këto munguan në ndeshjen e Superkupës. Edhe motivimi ishte i vogël, sikur djemtë nuk dëshironin atë trofe. Pastaj, duhet të futesh në fushë duke mos menduar se je më i miri, vetëm sepse një sezon më parë ke fituar me rekorde. Titulli i fituar nuk është një garanci për gola, një vit më pas. Pa sakrificë dhe respekt për kundërshtarin, nuk mund të shkosh gjëkundi. Mançini kërkon një mbrojtës krahu? Mos po talleni me mua?! Asnjë nuk vjen, merkato është mbyllur. Jemi top dhe duhet të synojmë çdo trofe, pikë!”.



Sportekspres

[RaPSouL]

Emerson, Nisje E Forte “ Me Milanin Do Te Kthehem I Madh “

Puma eshte gati per kuqezite : “ Nuk kam pubalgji, do te jap kontributin tim ne fushe dhe jashte saj.Ne Madrid mungon respekti.Do te ndjek shoket ne Gennova per te bere tifozllek.



E kishte thene, Emerson, qe nuk i ka zbrazur valixhet.Kishte te drejte.Duhej te ishte nisur te merkuren e shkuar, eshte nisur nje jave me vonese.Nje gje eshte e qarte : ketu ne Madrid, me mire, ne Real Madrid, nuk doja te qendroja me.Historia ishte e shkurter ( nje sezon ), i kushtueshem ( Madridi ka paguar 16 milion euro dhe e rishiti 5 milion ).Te marten ne mbremje Emerson ka fjetur i lumtur.Dje po eshte zgjuar heret. “ Kisha nje thes me gjera per te bere, kam shkuar ne Valdebebas per te sistemuar rrobat e mija, pastaj perfundova pergatitjet per nisjen.



- Cfare po sjell nga pas ?

“ Titullin, la Liga e fituar ne 17 qershor.Gjeja me rendesishme e gjithe kesaj historie.Ne foto te skuadres kampione 2007 une dhe mister ( Fabio Kapelo ) do te jemi gjithmone.



- Cfare te ka mesuar kjo experience ?

“ Ti jap vleren e duhur gjerave.Ne qoftese njeri nuk eshte mire, nuk eshte i kenaqur, eshte e kote te keshe gjithshka.Per shtate muaj u gjenda ne nje situate te panjohur.Gjeja qe me ka ndihmuar te kuptoj eshte qe leket nuk jane gjithshka.Kur gjeta qetesine e mbylla si i madh : ne fillim titullin dhe pastaj kalimin tek Milani, nuk eshte skuader dosido”.



- Ishte e forte ?

“ Per nje moment kam dyshuar me vehten time.Nuk isha me i sigurt ne menyrat e mija.Pastaj me interesimin e Milanit dhe te Interit fillova te ringjitem.Mund te beja me shume ketu, por nuk ishte faji im.



- E prisnit interesimin nga ana e Milanit ?

“ Me ka pelqyer pa mase ti pergjigjem me rrespekt shume njerezve te rendesishem si keta te Milanit, ishte e jashtezakonshme qe mund te shihje te te rinjohin ato qe ke bere dhe ato qe mund te besh akoma.



- Cfare kerkon Emerson tek Milani dhe cfare mund te jape ?

“ Kerkoj qetesi dhe gjakftohtesi.Vij nga nje skuader e madhe, do te kem pergjegjesi te pershtatem ne klub sepse presin gjera te rendesishme nga mua.Do te kerkoj te jap kontributin tim, si gjithmone, ne fushe dhe jashte saj.Por jam i sigurt qe nuk do te jete shume e komplikuar si ketu ne Madrid, sepse tek Milani te mbeshtesin, ambjenti te ndihmon, ka nje grup pozitiv, dhe rrotull ka nje respekt qe ketu me ka munguar.Gjeja qe me shume me ka plagosur.



- Me cilin ke folur keto dite ?

“ Kam pare Ronaldon kur kaloi ne Madrid disa dite me pare.Pastaj me kane telefonuar Kafu dhe Kasano, dhe Karnavaro me ka derguar nje SMS shume te bukur.Kemi kaluar tre vjet sebashku, eshte njeri i madh.



- Kur mund te jeni gati per te luajtur ?

“ Me telefonoi edhe Anceloti per ta ditur, dhe ju pergjigja me ndershmeri : deri tani jam stervitur por nuk kam luajtur sepse nuk kam pasur mundesi ta beja.Me mungon ritmi.Sot do te bej vizitat mjeksore dhe pastaj do t’i futem menjehere punes.Nuk kam pubalgji, por vetem disa probleme te trasheguara te moshes.Anceloti do te donte ndoshta te me kishte te gatshem per superkupen, pastaj do te jete pushimi i kampionatit qe mendoj se do te me sherbej.



- Dini gje me cilen skuader luan Milani te djelen ?

“ Jo.Nuk dua te interesohem perpara me teper per supersticion.Ne Genova ? Mire, do te udhetoj me shoket e mi per t’I mbeshtetur ”.



- Mendimi i fundit ?

“ Gjithshka eshte mire kur mbaron mire.Dhe kjo vlen per te tre : Ai qe firmosi, Reali dhe Milani “

[RaPSouL]

Roma bie dakort me Real për Cicinho

Mbeten akoma edhe disa formalitete per te sistemuar para se te leje Realin e Madridit, pastaj neser ne mengjes Cicinho do te jete nje lojtar i Romes. Verdhekuqte kane rene dakort si me klubin spanjoll, mbi bazen e 9 milioneve euro si dhe me brazilianin qe eshte gati per te firmosur nje kontrate 5 vjecare me 2.2 milion euro ne vit.Ishte vendimtare edhe deshira e Cicinhos qe te kaloje ne sherbim te Spaletit, tratativa e mban ne Bernabeu deri pak para mesnate.

[RaPSouL]

Chelsea dhe Madrid arrijnë marrëveshje për Robbenin

Kalimi i Arjen Robbenit tek Reali i Madridit më në fund do të realizohet, pasi që Chelsea ka arritur marrëveshje me kampionët spanjoll, mbi shumën e parave për transferimin e holandezit.

Anësori 23-vjeçar është lidhur me një kalim në Bernabeu, që verën e kaluar kur presidenti i Real Madridit, Ramon Calderon, kishte premtuar se do ta sillte atë në klub. Marrëveshja kishte ngecur rreth vlerës së lojtarit, të cilin Real Madrid e vlerësuan me çmim prej 36 milionë eurosh.

Ish ylli i PSV Eindhoven, i cili fillimisht pati sukses të madh në Stamford Bridge para se të humbte rrugën e tij nën menaxherin Jose Mourinho vitin e kaluar, gjatë ditës së sotme do të udhëtojë për në Madrid, dhe do të nënshkruajë një kontratë pesëvjeçare, pas kalimit të testit mjekësor.

Presidenti i Realit Ramon Calderon, me këtë transfer, mban një pjesë të premtimeve të tija, të cilat ishin të nënshkruajë me Cest Fabregas, Kaka dhe Arjen Robben.

Nënshkrimi i fundit do ta çojë shifrën e harxhuar nga spanjollët në mbi 100 milionë euro. Shuma është harxhuar me sa vijon:

Pepe – 30 milionë euro,
Drenthe – 18 milionë euro,
Snejder – 27 milionë euro,
Robben – 36 milionë euro,
Heinze – 10 milionë euro,

Gjithsej të harxhuara – 121 milionë.

Javier Saviola, Christoph Metzelder dhe Jerzy Dudek nënshkruan nga transferi i lirë

[no name]

Eusebio: Goli është thelbi i futbollit

23 Gusht Kampioni portugez i viteve _60?’70 kujton historinë e tij, “prek topin” e sotëm dhe pranon: “Në “Angli ’66" e gjithë bota më pa kush isha”



“Pantera e Zezë” është një prej futbollistëve më të mirë të botës. Dhjetë herë rresht golashënuesi më i mirë i Portugalisë, fitues i Topit të Artë, Këpuca e Artë e “Angli ’66"... janë vetëm disa nga arritjet fantastike të Eusebio da Silva Ferreiras. Tani është 65 vjeç, por për të është e pamendueshme të qëndrojë pa lëvizur, madje ende merret me topin e rrumbullakët. Si ambasador i Benfikës dhe Portugalisë, Eusebio është gjithnjë në lëvizje. Kur flet për futbollin me spanjollen “Don Balon”, ylli i Portugalisë, i “importuar” nga Mozambiku, harrohet dhe nuk di të ndalet. Emocionohet kur kujton epokët e tij të artë dhe prek thuajse gjithçka, nga kontrata e parë, të cilët ia pat firmosur e ëma, deri te koha kur doli kampion edhe në SHBA.



? Vitin e fundit shëndeti juaj nuk ka qenë shumë i mirë. Natyrshëm duhet ta nisim me “si ndiheni tani”?

? Mjaft mirë! Falë Zotit ndihem shumë mirë. E kam marrë veten dhe kam dëshirë të vazhdoj punën time.

? Nuk e keni lënë kurrë punën, gjithmonë me futbollin, sigurisht.

? Po, kështu është. Tani punoj me Benfikën dhe ekipin kombëtar. Jam ambasador i tij në botë.... Shumë punë (qesh).

? Keni filluar të luani në vendin tuaj të lindjes, Mozambik, në qytetin Lurenso Markesh (sot Maputo). Ç’kujtoni nga ajo kohë?

? Ka kaluar shumë kohë. Nuk e kisha menduar kurrë që do të më ndodhnin të gjitha ato që më ndodhën. Gjithçka fantastike. Futboll më ka dhënë shumë: kam luajtur më shumë se 700 ndeshje dhe i mbaj mend të gjitha.

? E tmerrshme! Faktikisht keni luajtur 715 ndeshje dhe keni shënuar 733 gola në Portugali. I mbani mend edhe golat?

? Të gjithë, patjetër.

? Eshtë e vërtetë që para se të shkonit te Benfika kishit një kontratë me Sportingun e Lisbonës?

? Jo, gjithçka është gënjeshtër. Kurrë nuk ka ndodhur një gjë e tillë. Mamaja ime firmosi vetëm një kontratë, jo dy. Kur ika nga Mozambiku isha i lidhur vetëm me Benfikën. Ka 40 vjet që fliten budallallëqe për këtë gjë.

? Më falni, kontratën e parë e ka firmosur mamaja juaj?

? Po, sepse kur ika isha vetëm 17 vjeç dhe mamaja firmosi kontratën time me Benfikën.

? Keni fituar 12 kampionate me Benfikën, Kupën e Kampionëve, por edhe gjysmëfinalistë në Kupën e Botës. Vërtet mbresëlënës!

? Kur luaja unë kishim një skuadër të madhe. Në vitet 60' s’isha vetëm unë, por edhe shumë shokë që e bënë të madhe atë skuadër. Atëherë luanim me Barçën e Realin dhe i mundnim gjithmonë (qesh).

? Me Realin keni luajtur një prej ndeshjeve më të mira të historisë, finalen e Kupës së Kampionëve 1962, të fituar nga Benfika 5?3...

? Ishte ndeshje fantastike... dhe për më tepër fituam kupën. Ishte Reali i Di Stefanos që kishte fituar pesë Kupa Kampionësh. Shënova dy gola, por finalen e fitoi Benfika, jo Eusebio.

? A e quani veten futbollistin më të mirë të historisë?

? Jo, kurrë nuk e kam menduar veten mbi të tjerët. Sigurisht, nëse thonë të tjerët diçka të mirë për mua më bëhet qejfi, por kaq. Unë gjithmonë jam përpjekur të bëj më të mirën brenda dhe jashtë fushës.

? Sa do të kushtonte sot kalimi i Eusebios në një klub të madh europian?

? (Qesh) Nuk e di, këtë duhet ta thonë gazetarët...

? Shumë, me siguri. Dhe do të fitonit po aq shumë, e keni menduar ndonjëherë?

? Po, është e vërtetë. Sot të paguajnë mjaft mirë. Nuk e di sa do të paguanin presidentët për mua, por e di që sot futbollistët jetojnë shumë mirë dhe më bëhet qejfi. Sepse e meritojnë.

? Keni ndjerë ndonjëherë zili?

? Kurrë, për atë Zot! Edhe në kohën time na paguanin mirë. Jo kaq shumë sa tani, por shumë mirë.

? Ekspertët thonë që mes më të mirëve të të gjitha kohërave, ju dalloni sepse kemi qenë më i fuqishmi fizikisht. Jeni dakord?

? Eshtë e vërtetë që kam qenë i fortë. Di Stefano ishte i madh, po ashtu dhe Pele. Të gjithë kanë qenë të mëdhenj dhe ndihem i nderuar që emri im renditet përkrah këtyre figurave. Por është FIFA që duhet të vendosë për këto gjëra.

? Botërori i vitit ’66 ishte arritja më e madhe e juaja dhe Portugalisë. Mundët Brazilin, përfunduat në vend të tretë dhe ju ishit lojtari më i mirë.

? Ishte një kompeticion fantastik. Ishte hera e parë që Portugalia merrte pjesë në Botëror dhe ishim të shkëlqyer. Për mua, Anglia ishte skena ku më pa e gjithë bota. Kupa e Botës është reklama më e mirë. E gjithë bota na pa se si dolëm të tretët me ndeshje spektakolare.

? Si për shembull, çerekfinalja ndaj Koresë së Veriut. Përmbysja më e madhe e gjithë historisë...

? E mbaj mend mjaft mirë. Po humbisnim 3?0 dhe më pas fituam 5?3, me katër gola të shënuar nga unë. Më pas humbë ndaj Anglisë vendase, që u shpall edhe kampione, por ndeshja me Korenë mbetet e paharrueshme.

? Një periudhë e veçantë e karreirës tuaj, që jo të gjithë e dinë, është që keni luajtur në Amerikë. Me Bostonin, Toronton dhe Las Vegasin.

? Ishte një përvojë e mirë. Bëmë një punë të mirë në futbollin amerikan. Por s’isha vetëm, kishte Pele, Bekenbauer, Krujf, të gjithë ishim të rëndësishëm. Shpesoj që tani, edhe Bekami të bëjë të njëjtën gjë. Futbolli, pak e nga pak, do të bëhet i rëndësishëm edhe atje. Shikoni kombëtaren ameikane, çdo vit bëhet më e fortë.

? Keni shënuar më shumë se 700 herë në karrierën tuaj. Çfarë është goli për ju?

? Eshtë gjëja më e rëndësishme. Eshtë maksimumi i një futbollisti, njerëzit paguajnë për ta parë golin. Skuadrat duhet të kërkojnë gjithnjë të shënojnë. Gjithmonë e më shumë. Kur shënon, qoftë edhe golin që e çon rezultatin në 4?0, gjithmonë është e veçantë. Këtë duhet të bëjnë të gjithë lojtarët, sepse publiku do ta vlerësonte.

? Mendoni se bashkëkombasi juaj, Kristiano Ronaldo, është lojtari më i mirë i momentit?

? Eshtë ndër më të mirët. Më pëlqen shumë. I ka të gjitha për t’u bërë më i miri, por duhet të luftojë me Ronaldinjon, Mesin, Runin... Do të më bëhej qejfi shumë po ta zjgidhnin si më të mirin.

? Po Murinjo si ju duket?

? Eshtë ndër teknikët më të mirë në botë, pa dyshim. Por ka shumë trajnerë të mirë. Për mua, Kapelo, Erikson, Rajkard dhe Murinjo janë katër më të mirët.

? Po Benfikën tuaj si e shihni këtë sezon? E ëndërroni një tjetër triumf euroipian?

? Benfika, Reali apo Mançester Junaitedi, janë skuadra që gjithmonë luajnë për të fituar në vendet e tyre. Këtë vit kemi ndërtuar një skuadër të mirë dhe kam beism se sezoni do të jetë i pëlqyeshëm. Sa për Champions League, e shoh të vështirë. Le të mundim Porton dhe Sportingun më parë...

? Po në kampionatin spanjoll, me cilën skuadër jeni tifoz?

? Sigurisht që jam me Real Madridin, shpresoj që ta fitoj sërish titullin. Edhe pse Benfika është skuadra ime, që i vogël kam qenë tifoz me Realin.




Sportekspres

[no name]

Dinjo: Kujdes, jam rikthyer!

23 Gusht Tri ditë përpara fillimit të kampionatit, tifozët katalanas kanë arsye për të qenë optimistë për sezonin e ardhshëm. Përveç blerjeve fantastike (Henri, Abidal, Milito dhe Ture) të bëra nga drejtuesit katalanas, përveç gashtë fitoreve në ndeshjet miqësore të fazës përgatitore, lajmi më i madh për Barcelonën është rikthimi i Ronaldinjo. Braziliani, i cili nuk ka marrë pjesë me Brazilin në Kupën e Amerikës, ka bërë përgatitjet e tij për të qenë në formën më të mirë, gjë që e ka arritur. Këtë e konfirmon edhe vetë ylli i Barcelonës. Edhe pse ka fituar dy herë Topin e Artë, një herë FIFA World Player në 2006, Kupën e Botës me Brazilin dhe dopjetën historike me Barçën, kampionat?Champions League, braziliani nuk ndihet i “ngopur”. “Tani gjithçka është në rregull. Jam i gatshëm për të zhvilluar një sezon të madh me Barçën dhe skuadrën kombëtare”, tha Dinjo. Numri “10” i Barcelonës, shprehet se pas punës së bërë këtë verë, do të rikthehet Ronaldinjo që të gjithë shpresojnë të shohin. “Pas dy vjetësh pa bërë pushime, më në fund arrita t’i shijoj ato dhe më pas kam mundur të zhvilloj një fazë përgatitore të plotë me shokët e skuadrës”. Pasi ka pushuar dhe ka superuar stresin e akumuluar në dy vitet e fundit, tashmë Ronaldinjo e di se çfarë duhet të bëjë. “Më duhet të punoj për të dhënë maksimumin tim për Barçën dhe skuadrën kombëtare. Ndihem shumë mirë, kam punuar gjatë dhe shpresoj që këtë sezon të fitojmë gjithçka. Pas zhgënjimit në sezonin e kaluar, shpresojmë që këtë vit të dëfrejmë tifozët tanë dhe t’i dhurojmë atyre shumë tituj”. Për sa i përket situatës të skuadrës katalanase dhe përgatitjeve të saj për fillimin e sezonit të ri, braziliani tha: “Gjithçka ka shkuar shumë mirë gjatë fazës përgatitore. Skuadra është në rrugën e duhur dhe e gatshme për fillimin e sezonit. Këtë vit jemi forcuar shumë në të gjitha aspektet. Henri? Eshtë i mahnitshëm. Nuk kam parë lojtarë si ai. Eshtë shumë elegant në çdo lëvizje që bën dhe jam i bindur se do të na ndihmojë shumë në fitimimin e titujve”. I pyetur për marrëdhëniet e tij me teknikun e kombëtares braziliane, Karlos Dungën, ylli i Barcelonës tha: “Nuk kam asnjë problem me Dungën. Eshtë normale që trajneri do t’i japë prioritet lojtarëve të cilët kanë marrë pjesë në Kupën e Amerikës. Mua më duhet vetëm të punoj fort për të fituar një vend në skuadër”.



Sportekspres

[no name]

“Reali? Më dukej si një han!

23 Gusht “Drejtori sportiv Mijatoviç është totalisht fals dhe e kuptova që do të më shkarkonin ditën e festës së titullit. Ronaldo? Shembulli më negavit në stërvitje, i kundërti i Raulit”



“Shah mat” Realit, vetëm në dy lëvizje. Duke udhëtuar nga Marabela në Milano, mbyllja e pushimeve dhe nisja e kursit të ri televiziv, një etapë që do ta shohë protagonist si një komentues ndeshjesh dhe opinionist, Fabio Kapelo, të hënën në mbrëmje, është ndalur në Madrid, në ish?qytetin e tij, kur ishte trajner i Realit. Dhe, me siguri, i është drejtuar një restoranti të njohur për të ngërë një gatim tradicional “Tçistu”, në shoqërinë e drejtorit të të përditshmes sportive “Marca”, Eduardo Indas, dhe kryeredaktori i gazetës, Huan Injacio Gajardo, për një diskutim të gjatë, e para intervistë në spanjisht, pas shkarkimit nga pankina e Realit. I qetë, i ashpër dhe i vendosur, Kapelo ka rrëfyer të vërtetat e tij, duke zbuluar edhe gjëra interesante. Me stil dhe ironi, “arma” e tij më e fortë.

Surpriza ? “Nuk prisja që të më shkarkonin, sepse gjërat që më thonin Mijatoviçi dhe presidenti Kalderon ishin të tilla: “do të vazhdojmë bashkë, mos u shqetëso për atë që thonë gazetat, ne jemi këtu, të bashkuar”. Të gjitha fjalë që i morri era. Vetëm premtime, por asgjë e vërtetë. Mendoja se krahu i djathtë i presidentit, përgjegjësi teknik, thoshte të vërtetën, por... gënjejte. Më mashtronte mua dhe Franko Baldinin, që kishte një ofertë të mirë nga një ekip tjetër dhe Pedja i thoshte: “Jo, ti do të qëndrosh këtu, të gjithë do të qëndrojmë”. Mendoj se shkarkimi i një trajneri është diçka që ndodh, por Baldini nuk kishte asnjë faj, kishte bërë një punë të mrekullueshme”.

Lamtumira ? “Më telefonoi Mijativoçi për të më thënë se raporti ynë mbyllej përfundimisht. Presidenti nuk më tha kurrë, asgjë. Nga ai nuk ndihem aspak i tradhëtuar, sepse ka idetë e tij dhe nuk mund ta kundërshtoj. Por, Mijatoviç, që ishte shoku im, që më tha të mos shqetësohesha, më mashtroi. Dhe kjo gjë nuk ndodhi vetëm me mua, por me të gjithë stafin, Galbatin, Nerin, Baldinin, Toni Granden...”.

Nata e fundit ? “Gjatë festimeve në “Bernabeu” kuptova se për mua gjithçka kishte marrë fund. Foli presidenti, foli kapiteni, foli gruaaj e Gutit... por mua nuk ma kaluan kurrë mikrofonin. Kur mbërrita në shtëpi i thashë gruas: “Laura, bëj gati valixhet, se do të kthehemi në Itali”.

Dhomat e zhveshjes ? “Kur mbërrita për të parën herë në Madrid, në dhomat e zhveshjes pashë një atmosferë të rëndë, një skuadër që ishte ndarë në dy klane. Kishte dy grupe që grindeshin mes tyre, çdokush me liderin e tyre, çdokush që i vinte fajin tjetrit nëse ndodhte diçka e gabuar. Nuk dua të zbuloj emra dhe as të hap polemika, duke parë se më pas u bashkuam dhe me qetësi dhe shpirt arritëm që të fitonim”.

Ronaldo ? “Për Ronin ishte diçka erëndësishme që u largua nga Madridi. Një çlirim mendoj! Kuptova që nuk i lejohej më lojtarëve që të bënin atë që nuk dëshironin, që nuk i pëlqente. Nuk dua të futem në jetën private të rij, por mund të them se ishte shembulli më negativ në stërvitje. Dhe, stërvitjet për mua janë thelbësore”.

Lojtarët ? “Raul ishte shembullor, një kapiten që duhet pasur zili. Pastaj, mendoj për Van Nistelroin, Kanavaron, Serxho Ramosin, lojtar i mrekullueshëm, por edhe për Kasijasin, Bekamin, Rejesin dhe Robinjon... të gjithë. Guti ishte një lojtar përcaktues, sepse sa herë që futej në lojë jepte më të mirën”.

Fati ? “Mund të jesh me fat një ditë, ndoshta blen një biletë llotarie dhe fiton. Por, fati vjen me punë dhe uri, me bindje... ky është fati. Në disa momente, e pranoj, ishim me fat, por nëse mendoj për ndeshjet, golat, atëherë them se e merituam titullin. Duhet të japësh më të mirën”.



Spektakli është si arti

Kur e pyesin në lidhje me mungesën e spektaklit te Reali i tij, fitore jo bindëse, por thjesht rezultative, Kapelo qesh dhe përgjigjet: “Më në fund ja ku erdhëm te kjo pyetje. Ishte e pashmangshme. Eshtë si puna e fatit: mendoni se mund të fitosh pa luajtur bukur? Unë them se jo. Eshtë si arti. Disa pëlqejnë Pikasonë, absurdin, impresionizmin e Rotkos ose realitetin e Botiçelit. Barcelona ka cilësi teknike absolute, ndaj luan shtruar dhe bukur. Ndërsa unë kisha në dispozicion futbollistë me aftësi të tjera. Sukses është kur arrin t’i nxjerrësh më të mirën lojtarëve që ke”.



“Juve, rimerr Kanavaron, të duhet!”

“Nuk do të harroj kurrë festën pas titullit të parë të fituar në Torino. Largimi i Moxhit dhe Xhiraudos më detyroi të hiqja dorë”



Në Madrid shumë ndjejnë nostalgjinë e tij, sepse titulli që i dhuroi Realit, në vitin më të shëmtuar, me rivalen Barcelona në formë, s’mund të harrohet. Dhe, ndoshta janë atë që nxirrnin shamitë e bardha, kur rezultatet mungonin. Por, një tjetër ish?klub i tij e kujton, edhe pse Kapelo nuk dëshiron të ndalet te Juvetusi: “Largimi nga Torino nuk ishte i lehtë. Mendova shumë gjatë dhe morra një vendim. Pasi u largua Moxhi, Xhiraudo dhe Betega mbeti në hije, s’kishte kuptim që të qëndroja me krerët e rinj. Doja të ndërtoja një ekip universal, por mi prishën planet”



? Zoti Kapelo, ta nisim nga Italia dhe nga Juventusi, ish?ekipi juaj. “Calciopoli” ishte ndoshta surpriza më e pakëndshme për ju. Çfarë ndodhi në atë sezon skandalesh?

? Ju lutem, vazhdoni me pyetjen tjetër, s’jap përgjigje për këtë. Flisni më mirë me ata që shkaktuan atë tërmet.

? Kush janë ata?

? Eh, janë shumë emra, s’ka vend për të gjithë, edhe pse Italia e di se si qëndron puna. Pranova të gjitha vendimet, me qetësi dhe urtësi, edhe pse kisha të drejtën për t’u revoltuar. Më hoqën tituj, nuk është pak.

? Dakord. Ju keni fituar në Milano, Romë, Torino dhe Madrid. Kush ëhstë kujtimi më i bukur?

? Janë dy! Kur shëtita mbi autobuzin e Juventusit nëpër gjithë qytetin e Torinos, mes një turme të çmendur tifozësh, pas titullit të parë bardhezi dhe festa e Madridit, një mrekulli e vërtetë.

? U larguat nga Italia pas skandalit, por u kthyet sërish. Përshtypjet tuaja? ?

? E keni gabim, e lashë me atmosferën e Botërorit të fituar nga “axurrët” dhe tani takohem me fitoren e Milanit në Champions League. Do të nis` një sezon edhe më i bukur.

? Milani ka rikthyer Emersonin në Itali, por duket se edhe Kanavaro do të pëlqente që një ditë që Juventusi t’i telefononte...

? Të gjithë e dinë se çfarë mendoj për Emersonin dhe Kanavaron, sepse i kam pasur te Juventusi dhe, së fundi, te Reali. Janë lojtarë të mrekullueshëm dhe çdo trajner do të ishte i kënaqur nëse do të kishte në skuadër.

? Ranieri thotë: “Duam të fitojmë sa më shpejt të jetë e mundur, por të mos harrojmë se ky nuk është Juvehtusi i dy viteve më parë”. A mund të na flisni për atë skuadër, tuajën?

? Ishte një skuadër e ndërtuar për të fituar dhe në vazhdimësi. Asnjë triumf nuk do t’i kishte shpëtuar.

? Po tani?

? Për të arritur këtë Juventusi zgjodhi Ranierin dhe jam i kënaqur për këtë, sepse ka përvojën e duhur. Shpresoj që të kthehet ekipi i madh, por do të jetë e vështirë, pasi merkato tani kërkon shumë shpenzime.

? Po Interi?

? Mbetet favorit për titull dhe në fronte të tjera.

? Milani?

? Milani është si Juventusi, ka shpirtin e duhur për të fituar, në ADN?në.

? E ardhmja e Kapelos?

? Shpresoj të stërvis në Angli... një ditë.




Sportekspres

[no name]

Kaka: Zikaltrit janë favoritë!

23 Gusht “Do të synoj në fillim Superkupën e Europës, për të pritur “Topin e Artë” më pas. Pato? Mos bëni gabim ta krahasoni me mua!”



Te “Seleçao”, për të, rinis gjithçka nga e para, nga pankina. Ndërsa, te Milani, ai e fillon me dëshirën për të fituar gjithçka, për të magjepsur dhe për t’u zbavitur. Të dielën starton sezoni kuqezi, kampionati i Serisë A, ndeshja jashtë fushe ndaj Xhenoas dhe menjëherë... hapet “gjuetia” për titull edhe pse “kujdes, sepse në pole?position është Interi”. Riki Kaka futet në tunelin e stadiumit “De la Mosson” në Montpelie. Ai përpara, Ronaldinjos pas tij. Shtypi brazilian e ndjek nga pas me shpresën për të shkruar një tjetër “seri” të “duelit” me trajnerin Dunga dhe kampionët e tij. Por, nuk është dita me fat për mediat, sepse fantazisti i Milanit ka më shumë dëshirë që të flasë për Champions League dhe objektivat e ardhshëm, duke e nisur me kampionatin, por duke mos harruar edhe merkaton. Sikur të ishte me laps në dorë, Riki vizaton skicën e renditjes së ekipeve të favorizuar: në krye, zikaltrit. “Humbja në Superkupë ndaj Romës nuk është asgjë për ata, sepse janë kampionët në fuqi dhe të fortë”. Duke menduar për “Topin e Artë” dhe për të ardhmen kuqezi, braziliani rrëfehet për “La Gazzetta dello Sport”.



? Interi qëndron sipër të gjithëve. Por kush vjen pas zikaltërve, sipas Kakasë?

? Sigurisht, Milani! Nuk kam dyshime për këtë. Këtë herë, do ta nisim kampionatin në mënyrë të barabartë, pa penalizime. Suksesi në Champions League na ka dhënë një motivim më shumë.

? Të zbresim dhe dy shkallë më poshtë... në renditje

? Juventusi dhe Roma janë dy formacionet e tjera që mund të fitojnë titullin.

? Si i poziciononi?

? Në fillim Roma, më pas Juventusi. Këtë vit, kampionati do të jetë shumë i ekuilibruar. Nuk do të ketë “arratisje” të mëdha.

? Si mendoni, blerja më e madhe e merkatos, duke marrë parasysh edhe të fundin në listë, Emersonin, ishte Pato. Aleksandre ka talent dhe disa e krahasojnë me ju. Bëjnë gabim?

? Shumë gabim! Mos bëni gafa të tilla, si mund ta krahasoni me mua... Ai është një zbulim, me cilësi dhe talent, por ka nevojë të rritet pa presione, duke qëndruar me këmbë në tokë.

? A mund t’i jepni një këshillë, tashmë që ju njihni fije për pe botën e Milanit.

? Të shfrytëzojë këto muaj të parë, në të cilat nuk do të ketë mundësi të luajë, për t’u njohur nga afër me planetin kuqezi dhe të njihet me historinë. Pato duhet të kuptojë njëherë se çfarë fanelle do të mbajë veshur dhe në çfarë bote ka përfunduar. Kur ta kuptojë këtë, do të zbulojë se bëhet fjalë për një përrallë.

? Titulli, Champions, Botërori i Klubeve: shija juaj?

? Prisni, mos harruat gjë, kemi një trofe tani afër, Superkupën e Europës. Eshtë objektivi i parë sezonal. Pastaj, kam edhe një qëllim tjetër, “Topin e Artë”.

? Riki, Federata Braziliane e Futbollit, nëpërmjet presidentit të saj, akuzoi rëndë “Seleçaon”, në Botërorin e vitit 2006, sidomos Ronaldon. Çfarë mund të thoni në lidhje me këtë histori?

? Nëse e keni fjalënpër punën e vonesave në mbrëmje apo përdorimit të alkolit, pa masë, atëherë keni gjetur njeriun e gabuar. Nuk di asgjë në lidhje me këtë histori. Bie të fle shumë herët, sepse dua të zgjohem i freskët në mëngjes. Pastaj, nuk e di se si e ka shijen alkoli.

? Dunga ka thënë se nuk ekzistojnë “të paprekshëm” në Kombëtaren e Brazilit. E vërtetë, apo thjesht presione?

? E vërtetë, e vërtetë! “Seleçao” është në zemrën time. Jam shumë krenae që mbaj veshur fanellën e artë dhe që jam pjesë e një grupi të shkëlqyer. Përfaqësoj kombin tim, ndaj edhe nëse ulem në pankinë, shumë mirë, s’ka problem. Por, duhet të dini se nuk kam asnjë shqetësim apo raporte jo të mira me trajnerin Dunga. Ai zgjedh, unë përgjigjem. Eshtë e thjeshtë.

? Çfarë mund të na thoni për zgjedhjen që nuk morrët pjesë në Kupën e Amerikës?

? Eshtë një kapitull i mbyllur, i fshirë, nuk dua të dëgjoj të flitet për këtë kompeticion. E kam shuar nga kujtesa ime...

? Thuhet se Kalderon vazhdon t’iu “përndjekë”, me oferta marramendëse...

? Prapë ju?! Mjaft me këto përralla për fëmijë, Reali është histori e mbyllur për mua dhe nuk lëviz nga Milano.

? Maldini është 39 vjeç, shumë i madh në krahasim me ju, sikur të ishte babai juaj dhe ka dëshirë që të japë edhe më për futbollin.

? Dëgjoni, nëse ka një futbollist në botë që i ngjan Maldinit, dua me të vërtetë ta shoh, sepse jam kurioz. Të stërvitesh pranë tij është një nder. Unë që jam i lidhur me ambjentin e Milanit dhe që e kam kuptuar aq sa duhet, them një gjë: është ambasadori i të gjithëve.




Sportekspres

[no name]

Gatuzo: Aspekti fizik është një armë për mua!

23 Gusht Xhenaro Gatuzo, i thirrur me nofkën “Ringio” dhe i krahasuar nga tifozët, në të shumtën e rasteve, me qenin e racës pitbull, në fushë mundohet që të jetë sa më i ashpër, si për të konfirmuar të gjitha përcaktimet. Këtë herë, kanë mjaftuar fjalët e Rajmond Domenekut, që kohët e fundit ka nisur një fushatë anti?Itali, për të zgjuar Rinon. Trajneri i “Gjelave” e kishte krahasuar mesfushorin kuqezi me Çavalin, “kafshën” e kombëtares franceze të Regbisë (një sportist i mbuluar me një mjekër të dendur dhe me flokë të gjata të kapura). “Domenek më krahasoi me Çavalin? Për mua është një kompliment, ndaj s’më vjen aspak keq, përkundrazi! A e keni parë se si luan Çavali, se si lufton në fushën e blertë. Eshtë një grifshë e vërtetë, një egërsirë. Por, Rajmondit as që nuk dua t’i përgjigjem, sepse kohët e fundit ka thënë shumë gjëra mbi Italinë dhe për shumë futbollistë të kësaj skuadre, duke na fyer rëndë dhe duke akuzuar pa kriter. Dua t’i kujtoj vetëm se pamja fizike është një “armë” më shumë në fushë. Ndoshta, mund t’i afrohem në pankinë dhe ta tremb. Shpresoj vetëm që tifozët e Italisë të mos vërshëllejnë himnin e Francës në “San Siro”. Dhe besoj se ata do të dinë të presin Francën dhe ta rrespektojnë njësoj si na respektuan kur shkuam në Paris, shtatorin e shkuar. Nuk dua që të ketë shkëndija, sepse kjo do të favorizonte vetëm kundërshtarët”.



Sportekspres

[no name]

Ibra: Nuk ka ekip më lart se Interi

23 Gusht “Nuk ka skuadër më të mirë se kjo, kurrë nuk e kam menduar të largohem nga Milano. Champions? Duhet të njihemi vetëm pak më shumë dhe më pas gjithçka do të jetë në rregull”



Sulmuesi i Interit, Zlatan Ibrahimoviç, i cili është rikthyer në kombëtaren suedeze, është shprehur shumë optimist për fitimin e titujve këtë sezon me fanellën e Interit. Sulmuesi zikaltër, në një intervistë të dhënë, është shprehur i bindur se Interi është skuadra më e mirë në Europë për momentin.



? Çfarë mendoni për sezonin 2007?08?

? Besoj se do të jetë i bukur dhe shumë emocionues. Tani janë Juventusi, Xhenoa dhe Napoli, skuadra të cilat i sjellin Serisë A shumë tifozë. Mbi Interin do të ketë shumë presion, do të jetë gjithçka shumë më e vështirë.

? Por për ju si do të jetë ky sezon?

? Unë bëj punën time si gjithmonë. Kam bërë një operacion në këmbë dhe jam rikuperuar pak nga pak. Gjithçka po ecën në rrugën e duhur dhe ndihem shumë më mirë, më i fortë se më parë. Por dua të përmirësohem akoma në të gjitha aspektet. Dua të shënoj më shumë gola dhe të jem më i sigurtë përpara portës kundërshtare.

? Po ndeshjet miqësore me skuadrën kombëtare, si i shihni?

? Çdo ndeshje e kombëtares është e rëndësishme. Për Europianin jemi në një pozicion të mirë, por ndeshjet që kemi fituar jashtë fushës duhet t’i fitojmë edhe brenda fushës. Gjithashtu duhet të shohim se mos kemi lojtarë të dëmtuar apo të ndëshkuar me kartona. E rëndësishme është që të tregohemi një grup i fortë dhe të kualifikohemi për në Europianin e 2008.

? Keni rinovuar kontratën tuaj me Interin. A kishit oferta të tjera?

? Jo, sepse nuk kam qenë i interesuar për skuadrat e tjera. E vetmja gjë që dua është të luaj me Interin edhe për shumë vite të tjera. Jam i lumtur, ndihem shumë mirë këtu në Milano si unë ashtu edhe familja ime. Nuk mund të ketë zgjidhje më të mirë.

? Por në Spanjë kanë dalë zëra se ju do të bashkoheni me skuadrën e Realit të Madridit?

? Janë të gjitha lajme false. Unë nuk kam folur asnjëherë për Realin dhe nuk kam thënë kurrë se do të largohem nga Interi. S’kam patur kontakte me drejtuesit madrilenë dhe as nuk dua të kem. Dëshira ime është që të luaj me fanellën e Interit dhe të fitoj të gjithë titujt e mundshëm këtë sezon.

? Për Suazon çfarë mendoni?

? Eshtë një sulmues i shpejt, ndoshta më i shpejti. Eshtë një blerje shumë e mirë për Interin dhe që do të na ndihmojë në fitimin e titujve. Gjithashtu kemi marrë edhe Kivunë, sipas meje një nga mbrojtësit më të mirë në botë. Ka zhvilluar sezone të mrekullueshme me Romën dhe i uroj që të bëj të njëjt-n gjë edhe me Interin.

? Çfarë mendoni për humbjen në Superkupë me Romën?

? Nuk kemi luajtur ende të gjithë bashkë. Nuk jemi ende atje ku duhet, por pak nga pak do të arrijmë majat. Jemi ende në përgatitjet tona dhe shumë shpejt Interi do ta tregojë veten e saj. ? Këtë herë do të luftoni për të fituar Champions League?

? Duhet të besojmë nga fillimi në fund dhe gjithashtu duhet të kemi edhe pak fat. Janë shumë skuadra që luftojnë për një kompeticion të tillë dhe do të jetë shumë e vështirë. Shpresojmë që këtë sezon, Champions të na përkasë neve.

? Kush mendoni se mund të jetë rivali më i fortë këtë sezon në Champions?

? Nuk mund ta them me saktësi sepse Champions është një kompeticion shumë i vështirë dhe me shumë surpriza. Rruga deri në finale është shumë e gjatë dhe duhet shumë punë për të arritur deri atje. Do të veçoja Barcelonën dhe Milanin. Katalanasit janë forcuar shumë këtë sezon dhe mendoj se do të jetë shumë e vështirë për t’i mundur. Ndërsa Milani ka me vete eksperiencën e saj. Nuk duhet të harrojmë edhe skuadrat angleze si Liverpuli apo Mançester Junaited.

? Po në Itali kë shihni si skuadrën që mund të konkurojë Interin?

? Eshtë shumë e vështirë për t’u gjetur. Jemi shumë më lartë se të tjerët dhe jam i bindur se do të triumfojmë sërish. Do të veçoja Milanin, Romë dhe Juventusin, por përsëri Interi qëndron më lart.

? Pas ndeshjes miqësore me SHBA?n, mos ndjeheni i lodhur për takimin e ditës së dielë në kampionat, që Interi do të zhvillojë kundër Udinezes?

? Kam luajtur 90 minuta në Superkupë kundër Romës, kam luajtur me kombëtaren kundër SHBA?s dhe ndihem shumë mirë. Jam i bindur se të dielën do të jem i gatshëm për të ndihmuar skuadrën në fitimin e ndeshjes së parë në kampionat.



Sportekspres