Arkivi i gazetës elektronike sportive: "FUTBOLLI"

[AIRON^BOY]

Diego Armando Maradona është rikthyer në fushë katër muaj pas daljes nga spitali. “Pibe de Oro’, duket se është i aftë të rilindë çdo herë. Pas abuzimeve të panumërta më alkoolin që e çuan në spital “Numri 10” u rikthye në fushë gjatë një ndeshjeje “shoëball” (njëlloj futbolli si i sallës, luhet 7 me 7) të zhvilluar në Rozario të Argjentinës, ku arriti të mbrojë ngjyrat argjentinase kundër një seleksioni uruguajan duke fituar 8-5 përpara 6000 shikuesve. Maradona shënoi një gol nga pika e penalltisë, por mbi të gjitha ishte protagonist i lojës argëtuese së bashku me pasuesin e tij Lionel Mesi. Ish-futbollisti i Napolit foli me entuziazëm dhe krenari pas ndeshjes: “Kisha menduar se nuk do të isha në gjendje të ecja pas asaj që më ndodhi. Tani, përkundrazi vrapoj pas një topi”. Kampioni i Botës flet me emocion për Mesin: “Duhet ta veshë ai bluzën me numër 10 të Argjentinës, pasi tifozët tanë shpresojnë te ai për të fituar diçka në të ardhmen. Nuk vuan nga tensioni dhe kur hynë në fushë kërkon të argëtohet. Varemi të gjithë nga loja e tij”. Më pas edhe një pararelizëm: “Jemi të dy majtë, kemi fituar Botërorin U-20 (Maradona në vitin 1979, Mesi në 2005-n) dhe kemi shënuar gol me dorë pa mundur të shihet nga gjyqtarët. Mesi është i njëllojtë me mua”.

[RaPSouL]

Van Der Sar i jep trofeun e Superkupës Mançesterit

Portieri hollandez i Mançesterit, Ervin Van der Sar është bërë heroi i takimit të djeshëm të zhvilluar në Uembli, pasi ka pritur tre 11-metërsha deçizivë duke i dhënë trofeun e parë të sezonit skuadrës së tij. Mançesteri dhe Aleks Ferguson i kanë kthyer reston shumë shpejt Çelsit për humbjen e pësuar në finalen e Kupës së Mbretëreshës, tre muaj më parë në stadiumin e rindërtuar të Uemblit. Sfida e superkupës është pritur me një interesim të jashtëzakonshëm në Angli, duke bërë që shkallët e mitikut Uembli të ishin plotë e përplot.

Pavarsisht mungesave të shumta që kishte skuadra e Murinjos, blutë e Çelësit kanë rivalizuar denjësisht deri në goditjen e 11-metërshave. Pas një loje me ritëm të lartë dhe rasteve të pashfrytëzuara nga të dyja skuadrat, të parët kanë shënuar të kuqtë e Mançesterit, në minutën e 35-të të pjesës së parë. Uellsiani Gigs ka finalizuar me një goditje të fortë brenda zonës së rreptësisë, një aksion të bukur të nisur nga krahu i djathtë.

Portieri çek i Çelësit, Ceh nuk ka patur asnjë mundësi për të ndaluar goditjen e uellsianit të Mançesterit. Por djemtë e teknikut portugez Murinjo nuk janë dekurajuar nga goli. Çelsi ka vazhduar të luajë përpara në kërkim të golit të barazimit, të cilin e ka gjetur pas dhjetë minutash, pikërisht përpara fërshëllimës për fundin e pjesës së parë.

I sapo ardhuri nga Lioni, francezi Maluda ka shpërthyer nga mesi i fushës duke marrë zvarrë gjithçka ka gjetur përpara. Në hyrje të zonës ai ka lënë pas dhe Rio Ferdinand, ndërsa daljen e Van Der Sar e ka shmangur me një goditje të bukur. Pjesa e dytë dhe 30 minutat shtesë nuk e ndryshuan rezultatin. Fatin e trofeut e vendosën tre 11-metërshat e pritur nga Van Der Sar.

[RaPSouL]

“Interi dhe Barça, të frikshëm”

6 Gusht Marçelo Lipi “ndërpret” pushimet për një mbrëmje, duke folur për futbollin dhe sidomos merkaton



Një natë në tokë, një ditë në det, një mbrëmje duke darkuar në restorant, peshkun e tij të preferuar, por edhe duke iu kushtuar të paktën për një orë “La Gazzetta dello Sport”, në një intervistë të gjerë. Siçilia është vendi i tij i fundit në këtë verë, atje ku kampioni i botës me Italinë, ka parkuar jahtin e tij, në pritje të një telefonate... Sepse, Marçelo Lipi mezi pret që të kthehet në fushën e lojës, në pankinë, atje ku konsiderohet si një “Perëndi”, një mjeshtër i futbollit. Dëshiron që të përjetojë emocione, por edhe stres: “Të presim edhe disa muaj, sepse celularin e kam ende të mbyllur. Më pas, do të kthehem”. Ndërkohë, studimi i tij vazhdon, sepse Marçelo dëshiron që të jetë i informuar mbi gjithçka që ndodh. Gazeta, ndeshje në televizor. Merkato është “preja” që i pëlqen më shumë, ndaj dhe mundohet që të bëjë një “radiografi” për gjithçka po ndodh me klubet e mëdha të Europës. “Në këtë moment, ka dy skuadra superfavorite, fantashkencore: Interi dhe Barcelona, që kanë Europën në dorë”.



? Zoti Lipi, e keni ndjekur merkaton, apo pushimet kanë bërë që të mos e vrisni mendjen për asgjë?

? Sigurisht që jam i informuar për gjithçka, sepse edhe pse nuk jam në pankinën e një klubi, jetoj me futbollin, pasionin më të madh, pas detit.

? Sipas jush, kush mund të quhet blerja më bujshme, deri tani?

? Pa dyshim, Henri te Barcelona. Tierri është një kampion i madh që bën diferencën, kudo që luan. Dhe, duke parë sulmin e katalanasve, mund të humbësh toruan, logjikën, të befasohesh, të mbetesh pa fjalë. A i imagjinoni dot bashkë Mesin, Eto’onë, Ronaldinjon dhe Herninë... Diçka e çmendur!

? Por, gjiganti francez nuk ishte “dhurata” e vetme për Rajkardin.

? Po, keni të drejtë. Sepse edhe Milito është bashkuar me spanjollët dhe Abidal do të jetë ai që do të kompletojë krahët. Barça nuk ka asnjë pikë të dobët. Pasi ka flakur titullin e fundit, pas gabimeve të njëpasnjëshme në kampionat, lojtarët do të përballen me sezonin e ardhshëm me kompaktësi, ndryshe nga faza finale e Ligës.

? Por, edhe Interi niset në rradhë të parë.

? Suazo është një blerje që vlen sa Henri. Eshtë sulmuesi që plotëson në mënyrë perfekte repartin e sulmit. Suazo nuk është vetëm i jashtëzakonshëm, por kur niset me shpejtësi, ka cilësi të tjera, që e bëjnë edhe më të fortë. Mançini e di mirë këtë.

? Në mbrojtje është Kivu.

? Do të sjellë te zikaltrit cilësi dhe përvojë.

? Po klube të tjera që kanë vepruar mirë në merkato?

? Miku im Fergusoni i cili, pasi vuri re se skuadra e tij duhet të pasurohej me më shumë lojtarë në grup, pas humbje në gjysmëfinale ndaj Milanit, i këshilloi drejtuesit e klubit që të blinin. Dhe, misioni u përmbush: Hergrivs, që Sër Aleksi dëshironte që prej dy vitesh, Anderson, Tevez dhe sidomos Nani, që më pëlqen shumë. Di të shmangë kundërshtarin me një lehtësi të madhe. Një cilësi e veçantë. A mund të imagjinoni edhe Mançesterin me Ronaldon në një anë dhe Nanin nga krahu tjetër. Spektakël i garantuar.

? Milani ka blerë talentin Pato.

? Ka klas për të shitur, por do të vlerësohet në prospektivën e të ardhmes. Me të rinjtë duhet që të punosh me kujdes dhe durim. Pato bëri mirë që zgjodhi Milanin sepse do të gjendet me shumë bashkëkombës që do ta ndihmojnë të kuptojë futbollin europian, pa nxitim. Braziliani duhet mbrojtur dhe pritur, ashtu si talentë të tjerë. Mendoj për amerikanin Adu, i blerë nga Benfika.

? Merkato kuqezi, për momentin, ka përfunduar.

? Më mirë kështu. Milani, pas fitores në Champions League, është bërë një tjetër skuadër. Vlerësimi për veten, në aspektin e grupit, është rritur në 100%, ndaj ata kanë krijuar bindjen se janë të pathyeshëm. Të gjithë lojtarët kuqezi, pa asnjë dyshim, mendojnë se janë të më të fortët në botë. Dhe kanë të drejtë. Pastaj, skuadra do të ketë një Ronaldo më shumë. E dini vetë se çfarë mendoj për “Fenomenin”...

? Por, edhe Reali nuk ka qëndruar duarkryq: mbrojtësi Pepe, sulmuesi Saviola, pranë blerjes Robenit dhe Balakut.

? Pepe më pëlqen shumë. Dhe, do të ketë fatin e mirë të luajë përkrah Fabio Kanavaros, që i bën të ndihen kampionë të gjithë shokët e repartit. Pastaj, Roben edhe Balak janë dy yje, nëse merr edhe ata, atëherë do ketë një Ligë spanjolle të ngjashme me një koloseum, ku gladiatori do të ndeshet me luanët.

? Trajneri i ri, Bernd Shuster, në këto miqësore të para, ka provuar edhe një blerje të re, Metcelderin.

? Të mos bëjmë shaka, si mund të lihet Kanavaro jashtë. Sigurisht, jam kurioz të shoh këtë Real të ri, se si do të sillet.

? Le të kthehemi në Angli: Liverpuli ka investuar shumë për Torresin.

? Eshtë sulmuesi ideal për lojën e Benitezit. Talenti spanjoll është “vdekjeprurës” në hapësira të shkurtra. Në një klasifikim të merkatos, Torres vjen pas Henrisë, Suazos dhe Nanisë.

? Manjati Abramoviç, për një herë, nuk ka shpëthyer në merkato.

? Por, Maluda është lojtari i krahut që i duhej Murinjos. Dhe, Çelsi ka shumë kampionë.

? E reja angleze është Mançester Siti.

? Dyshja e sulmit Bianki?Bojinov mund të lërë “shenjën” në Premier League. Janë gati për kampionatin anglez.

? Roma morri Huanin...

? Shumë mirë, por mos harroni se Spaleti ka në dispozicion edhe Zhylinë, Espoziton dhe Baruson.

? Po Lacio?

? Nuk ka bërë ndonjë revolucion, por ka përvojën dhe grupin e duhur për të befasuar, edhe në Europë.

? Disa nga talentët italianë kanë emigruar jashtë.

? Një kalim i dhimbshëm, por i kuptueshëm. Lukareli dhe Groso kanë eksperiencën e duhur për të luajtur edhe në kampionate të tjera, më besoni, ashtu si Luka Toni, që te Bajerni është një mbret tashmë. Dhe, në dyshe me Riberinë apo Klosen, mund të trondisin botën.

[RaPSouL]

Kaka: Milani më ka magjepsur!

6 Gusht Riki Kaka “ka zbrazur” xhepat, nk ka më asgjë të fshehtë, sepse, ashtu si i këshillohet në besimin e tij fetar, si një evangjelist i betuar, braziliani nuk mund të gënjejë apo të mbajë sekrete. Aktualisht ndodhet në Moskë, në turneun rus, katërkëndorin miqësor, Real, PSV, Lokomotiv Moska dhe pikërisht kuqezinjtë. Por, për mikrofonat e “Sky”, i pyetur në lidhje me shumë tema, protagonisti i sezonit të shkuar në Europë, në fitoren e madhe të Champions, idhulli i ri i “Djallit”, flet për gjithçka, për Patonë, Real Madridin, Milanin e tij, por edhe të ardhmen, duke caktuar edhe objektivat e ardhshëm. Dhe, ashtu si pritej, i betohet ngjyrave kuqezi.



? Riki, i gjithë planeti është nën këmbët e tua, jeni futbollisti më i duatrokitur: si e prisni këtë fakt?

? Le të themi se më pëlqen shumë sepse është pasqyra e asaj që kam dhënë me Milanin, ndaj më njohin këtu, sepse luaj në një skuadër fituese dhe kemi fituar shumë gjëra, edhe pse s’ka përfunduar këtu.

? Këtu në Moskë do të ketë edhe një finale të Champions League, ky është një sinjal apo një shenjë fati, që ju ndodheni pikërisht në vendin ku do të dorëzohet kupa, majin e ardhshëm...

? Nuk e di, të presim dhe të shpresojmë. Vitin e shkuar ishim në Athinë dhe trajneri Ançeloti, pasi luajtëm ndaj AEK?ut, në grup, tha se do të na pëlqente të ktheheshim, për finalen dhe kështu ndodhi. Do të ishte diçka e mrekullueshme sikur kjo gjë të ndodhte sërish. Nuk do të ishte keq sikur historia të përsëritej.

? Çfarë mban mend nga finalja e Athinës, kur ngrite trofeun?

? Të fitosh Champions dhe të jesh mbret i Europës është një kënaqësi e pamasë, s’mund të shpjegohet me fjalë, nëse nuk i provon emocionet në fushë. Bëhesh pjesë e historisë, qëllimi i të gjithëve në këtë jetë.

? Riki, ndihesh pjesë e historisë?

? Po, le të themi se ndihem pjesë e historisë së Milanit, sepse veç kësaj, kam fituar edhe kampionatin, por Europa është gjë tjetër... Pastaj, dola golashënuesi më i mirë, edhe ky është një rezultat personal që më gëzon shumë.

? A ka mjaftuar pushimi 50 ditor, për t’u shlodhur?

? Më në fund që u ktheva në fushën e blertë, sepse më erdhi në majë të hundës. Vetëm relaks, plazh dhe rreze dielli. Doja të djersija njëherë...

? Ndërkohë që stërvitesh me Milanin, zërat e merkatos vazhdojnë t’iu shqetësojnë. Reali “shkul flokët” për ty?

? Zërat nuk i dëgjoj, sepse mendoj se sjellja është gjëja më e mirë dhe unë jam i Milanit. Kaq mjafton për të mbyllur çdo debat apo hije dyshimi. Dhe, të them të drejtën, nuk kam aq shumë kohë sa për të shfletuar të gjitha gazetat sportive.

? A ka ndikuar tek ti fakti se në ekipin kuqezi ka një koloni braziliane që të bën të ndihesh si në shtëpi?

? Edhe kur erdha këtu kishte një koloni braziliane, ndaj tani jemi edhe më shumë dhe kjo më ndihmon, sepse komunikimi në gjuhën tënde është parësor. Pastaj, harmonia në dhomat e zhveshjes është e madhe.

? Të gjithë bëjnë shaka mbi faktin se gabove autobuz, duke u ngjitur në atë të Realit...

? Nuk e bëra me qëllim. S’isha vetëm unë, por edhe lojtarë të tjerë të Milanit. Ishte një shpërqëndrim total.

? “Topi i Artë” tashmë është i sigurtë dhe në prag është Botërori i Klubeve: a mund të jetë ky sezoni “kurorëzimit”?

? Po punoj përtë fituar dhe për të dhënë më të mirën dhe nëse fitoj si “Topin e Artë”, ashtu edhe çmimin si Lojtari më i Mirë i FIFA?s, atëherë do të thotë se kam shkëlqyer, ashtu si thuhet. Do të jenë frytet e një pune të paqme. Por, them se gjithçka do të varet nga ajo që do të vazhdoj të fitoj me Milanin. Kemi Superkupën e Europës, Botërorin e Klubeve, titullin, Champions League, ndaj do të synojmë çdo gjë.

? Sa i bukur dhe sa i vështirë është Kaka i ditëve të sotme?

? Përgjegjësitë që kam sot në futboll, jo vetëm te Milani, por edhe te “Seleçao”, më bëjnë që të ndihem i rëndësishëm dhe të ruaj nivelin e lartë. Rendimenti im mund vetëm që të rritet.

? A shesh rivalë më të fortë se “Djalli” në Europë?

? Shumë ekipe janë fuqizuar shumë: Barcelona, Interi por edhe të tjerë janë ndër favoritët për këtë sezon. Por, Milanin e kanë frikë të gjithë, sepse jo më kot ka shtatë kupa në Champios League.

? A është i rëndësishëm titulli i Serisë A?

? Eshtë i rëndësishëm, duhet të kemi një vazhdimësi, edhe pse është e vështirë që të ruash formën optimale gjatë gjithë kampionatit.

? Flitet shumë për Juventisin dhe kthimin në A. A mund të luftojnë për titull bardhezinjtë?

? Sigurisht, janë konkurrues dhe jam i lumtur që u kthyen, sepse kampionati ka kuptim tani.

? A ekziston ndonjë futbollist në botë, të cilit do t’i kërkonit fanellën?

? Kristiano Ronaldo, Ronaldinjo, Ibrahimoviç dhe Ronaldo më kënaqin shumë kur i shoh, sepse dhurojnë spektakël.

[RaPSouL]

Spaleti: Zhyli, një fenomen!

6 Gusht Edhe pse Roma e tij ka dalë e humbur nga fusha e Uest Hamit, pikërisht ndaj skuadrës së “çekiçëve”, Luçiano Spaleti është i kënaqur nga ekipi i tij dhe nuk e sheh rezultatin si një dështim, por analizon aspektet pozitive të takimit. “Sjellja e skuadrës për pjesën më të madhe të ndeshjes ishte shumë pozitive, edhe pse në fund rezultati final është ai që lexohet nga publiku. Në situata të ndryshme, treguam se jemi në një formë të mirë dhe na duhet edhe fare pak për të arritur maksimumin. Djemtë i përmbushën detyrat me kujdes dhe përpikmëri dhe kjo më pëlqen”, tha trajneri verdhekuq, duke u ndalur te një individ në veçanti, Ludovik Zhyli, që po zbulon cilësitë e tij me kryeqytetasit. Spaleti tha për francezin: “Ludovik është me të vërtetë një futbollist i veçantë dhe me shumë aftësi. E pashë në fushë dhe vura re se lufton për çdo top. Dhe, ndër të tjera, di të jetë altruist, duke mos menduar gjithmonë për vete, por duke ndihmuar skuadrën. Ai është fantastik. Edhe blerjet e tjera kanë lëvizur mirë në fushë”.

Mekses: Do synojmë Superkupën!

Në mendjen e Filip Meksesit nuk është më ndeshja miqësore e humbur ndaj Uest Hamit, por objektivi i parë sezonal për Romën, Superkupa e Italisë. Verdhekuqtë do të ndeshen ndaj Interit. Do të jetë takimi i parë, menjëherë pas miqësores së fundit ndaj Juventusit. “Po afron Superkupa e Italisë, një trofe që e konsideroj tepër të rëndësishëm dhe jo sepse është i pari në këtë sezon, por sepse të jep mundësi që të tregosh se kush je. Të rrit forcën e besimit, në aftësitë e tua dhe paralajmëron kundërshtarët. Kemi edhe një miqësore ndaj Juventusit, të cilën duhet ta fitojmë, për të mbërritur sa më mirë në këtë ndeshje të madhe, ndaj Interit, që është fuqizuar edhe më shumë. Dhe, dua t’i them atyre që na kanë përjashtuar nga lufta për titull se Roma do të befasojë. Kemi lojtarë të mirë në skuadër dhe të gjitha mundësitë për të qënë konkurrues. Zhyli? E kam mik të ngushtë, sepse është një tip i sjellshëm dhe i respektueshëm, edhe jashtë fushës së lojës. E përgëzova për golin e parë me fanellën e Romës. Ludoviku është kampioni që na duhej”.

Anglezët, dhunë ndaj romanistëve

Pas ndeshjes Uest Ham?Roma, disa tifozë verdhekuq, pas daljes nga stadiumi i ekipit anglez, janë sulmuar nga një grup tifozësh vendas, menjëherë pas vërshëllimës finale të gjyqtarit, që i dha fund miqësores mes dy klubeve, e ndarë me fitoren e ekipit të “çekiçave”. Pothuajse 200 tifozë të Romës, pranë stacionit të trenit, pranë stadiumit, janë rrethuar nga një grup ultrasish të Uest Hamit, të pajisur me shkopa dhe leva të ndryshme. Por, policia ka ndërhyrë, duke ndarë të dy grupet. Askush nuk ka mbetur i plagosur, edhe pse dy persona janë shoqëruar në urgjencë, për shkak se kishin pasur shqetësime të tjera të shëndetit.

[RaPSouL]

Ranieri: Në binarët e duhur!

6 Gusht Klaudio Ranieri buzëqesh dhe nuk sheh asnjë “re” mbi Juventusin e tij, edhe pse shtypi e ka mbushur me kritika, edhe pse bardhezinjtë vazhdojnë të mos fitojnë në miqësore, duke barazuar 1?1, këtë herë, ndaj Sandërlendit, me golin e Molinaros, në pjesën e dytë. Trajneri i “Zonjësë së Vjetër” beson se ekipi i tij do të rritet edhe më shumë dhe do të jetë gati për startin e sezonit. Në një intervistë të shkurtër të dhënë për “Juventus Channel”, ai tha: “Jam shumë i kënaqur nga takimi i zhvilluar me Sandërlendin, edhe pse barazuam. Udhëtuam në Angli për të hasur vështirësi. Jemi ende në fazën përgatitëse, në ndryshim nga të tjerët. Objektivi ynë është që të jemi gati për në datën 26 gusht. Arritëm që të gjenim edhe golin... Jam i lumtur për golin e barazimit. Sepse kjo mund të konsiderohet si një tjetër provë jo e lehtë. E dinim që rezultati kishte rëndësi deri në një farë pike. Kam provuar gjëra të ndryshme: në disa ndeshje do të luajmë me tre sulmues dhe nëse arrijmë të kuptojmë mirë mekanizmat, kjo është arma që do të më pëlqente që të shfrytëzoja. Po mendohem shumë për këtë, por kjo s’do do të thotë që do të luaj gjithmonë kështu. Djemtë më kënaqën me Sandërlendin, por duhet të rritemi ende. Me këtë hap, do të jemi shpejt në binarët e duhur. Shpresoj që të mos kemi dëmtime, sepse është gjëja që urrej më shumë. Për të tjerat, do ta shihni se ky Juventus do të kthehet si dikur. Nuk do të nënvlerësojmë asnjë, duke pritur që të tjerët të na nënvlerësojnë, sepse vijmë nga Seria B”.

[RaPSouL]

Kaka: Objektivi im këtë vit, fitorja e “Topit të Artë”

Synimi im është që këtë vit të fitoj trofeun e topin të artë si dhe atë të futbollistit më të mirë të vitit që jepet nga FIFA”. Ky është objektivi që ylli brazilian i Milanit, Kaka, i ka vënë vetes për vitin 2007

Braziliani pritet që këtë vit të zhvillojë një sezon më të mirë se ai i kaluari, pasi gjatë verës ai pati mundësi të pushojë pranë familjes ndryshe nga një vit më parë kur mori pjesë në botërorin e Gjermanisë. Për këtë shkak ai i kërkoi leje trajnerit të kombëtares braziliane Karlos Dunga, duke mos iu bashkuar seleçaos në Kupën e Amerikës së Jugut që u zhvillua muajin e kaluar në Venezuelë. Sipas specialistëve të futbollit, Kaka është padyshim jo vetëm favoriti kryesor për të fituar dy
trofetë individualë më të rëndësishëm që jepen për futbollistët, por e meriton krejtësisht këtë priviligj për shkak të lojës që ka zhvilluar dhe sukseseve që ka arritur me skuadrën e tij Milan.

OBJEKTIVI
“Po punoj për të fituar dhe për të dhënë më të mirën dhe nëse ia dal të fitoj si “Topin e Artë”, eshtu edhe çmimin si Lojtari më i Mirë i FIFA-s, atëherë do të thotë se kam shkëlqyer. Këto dy trofe do të jenë padiskutim frytet e një pune të paqme”, ka thënë Kaka për shtypin italian. I
vetmi minus për Kakanë, nëse mund të quhet i tillë, është mospjesmarrja e tij me kombëtaren Braziliane në fitimin e trofeut të Amerikës së Jugut. “Them se gjithçka do të varet nga forma që unë do të tregoj me Milanin. Përpara kemi Superkupën e Europës, Botërorin e Klubeve, titullin
kampion në Seria A, Champions League, ndaj do të synojmë çdo gjë”, ka thënë Kaka. Specialistët janë të sigurtë se Kaka këtë sezon do të tregojë një klas më të lartë, jo vetëm për shkak të pushimeve që zhvilloi në verë, por dhe si rezultat i eksperiencës dhe përvojës më të madhe që ka
fituar duke luajtur vazhdimisht në nivele të larta me Milanin.

RIVALËT
Shumë ekipe janë fuqizuar shumë: Barcelona, Interi por edhe të tjerë janë ndër favoritët për këtë sezon. Por, Milanin e kanë frikë të gjithë, sepse jo më kot ka shtatë kupa në Champions League.
I pyetur nëse shihte rivalë të fortë për tia marrë dy trofetë më të rëndësishëm, Kaka u shpreh se “në skuadrat e mëdha si Inter, Barcelona, Real, Çelësi apo Mançester ka shumë lojtarë të nivelit të lartë, të cilëve padiskutim që duhet tua kesh frikën”. Më tej Kaka është shprehur se ndër rivalët kryesorë për fitimin e trofeut shihte Kristiano Ronaldon, Ronaldinjon, Ibrahimoviçin dhe Ronaldo. “Ata janë lojtarë të mëdhenj që më kënaqin shumë kur i shoh, sepse dhurojnë spektakël”, përfundoi fantazisti i kampionëve në fuqi të Evropës, Kaka.

[RaPSouL]

Aleksander Del Piero behet baba

Shtatzenia po futet ne menyre te jashtezakonshme te Juve. Pas shtatzenise te dashures se Xhixhi Bufonit edhe Aleksander Del Piero do te behet se shpejti baba. Gruaja e 33- vjecarit, Sonja Amoruso, ne fakt eshte shtatzene. Lajmi eshte bere i ditur nga vete Aleksi, i cili e ka publikuar ate ne faqen e tij te internetit. Aty ai shpreh edhe gezimin e tij.

Ne te shkruhet: “Miq te dashur! Ka momente ne jete qe je i pushtuar nga ndjenja te forta dhe eshte e veshtire te shprehesh. Sonja eshte duke pritur nje femije, i cili per ne eshte nje gezim i madh. Lindja e tij do te beje qe te ne do te ndodhin ndryshime te medha ne shume aspekte te jetes sone. Nuk eshte synimi yne te flasim per te ardhmen, e cila eshte shume personale. Megjithate, doja qe ta ndaja kete gezim me te gjithe fansat e mi. Ju pershendesim me simpati Aleksandri dhe Sonja”, ka perfunduar kapiteni i Juventusit fjalimin e tij ne sitin personal.

Pak fjale te Del Pieros. Me pak fjale eshte nje futbollist larg paparaceve. Aleksi dhe Sonja jane martuar dy vjet me pare, pas nje fejese te gjate. Nje martese e celebruar pothuajse ne menyre te fshehte.

Ata jane njohur ne 1999, kur ajo punonte si shitese ne nje dyqan, ne qender te Torinos. Aleksi ndoshta e ka pare ndonje dite rastesisht dhe eshte dashuruar. Sic tregoi edhe e bukura Amoruso, per dite te tjera Del Piero iu be “pulle poste”, derisa nje dite mori guximin ne duar dhe u shpreh. Qe prej atehere nuk jane ndare me.

Fejesa e gjate, martesa dhe tani nje bebe qe po vjen. Per momentin nuk dihet me shume mbi shtatzenine e saj. Dikush ka thene qe Sonia eshte 5-muajshe, por Aleksi nuk ka dashur te thote gje mbi kete fakt. Mbetet nje sekret, fshehtesia e tyre: per me teper kur dihet qe ata jane nje cift shume i rezervuar.

[RaPSouL]

Kristiano Ronaldo, ose Bekhami i ri


I rikthyer ne Angli, veren e kaluar, pas finaleve te Kupes se Botes 2006, Kristiano Ronaldo ishte i survejuar ne cdo hap nga dy roje, kaq e madhe ishte frika e tij. Ai kishte te njejtin kujdes edhe gjate fazes pergatitore te Mancester Junaitid ne Azi, por kesaj radhe nuk ka mbetur i madh e i vogel qe nuk deshiron ta shohe nga afer ikonen e re te futbollit boteror. Shume prej tyre ishin shume afer portugezit ne Guangzhou, kur sesioni hapes i Mancester Junaitid u nderpre, pasi fusha e stadiumit “Olimpik” u pushtua nga rreth 700 tifoze fanatike te Mancesterit. “Fansat e rinj kineze kapercyen pengesat, me shpresen per te marre autografe nga Uejni Runi, Rajan Gigs, apo dhe Kris Igell, por nenshkrimin qe ata e donin patjeter ishte ai i Kristiano Ronaldos”, shkruan gazeta e njohur angleze “Times”.

Kompania menaxhuese e 22-vjecarit Gestifute, ka siguruar kontrata joshese me “Nike”, “Coca-cola” dhe “Espirito Santo”, nje banke portugeze, nderkohe qe numri i kompanive qe deshirojne te bashkepunojne me lojtarin, qe trashegoi ne “Old Traford” prej Dejvid Bekhamit ironikisht numrin 7, eshte gjithmone ne rritje. Pas performances spektakolare sezonin e kaluar me Junaitid, dhe impaktit te jashtezakonshem ne Azi, eshte rritur ne menyre te dukshme fama e Kristiano Ronaldos. “Tani qe ai po shkon drejt kulmit te karrieres se tij, ai do te startoje me shume mundesi kontrata me te medha se ato qe realizoi Bekhami”, thote Pol Uajthed, perfaqesues i “Sport+Markt Consultancy”. “Ronaldinjo fiton afersisht 10 milione sterlina ne vit nga marreveshjet komerciale. Ronaldo nuk eshte ne kete nivel tani, por une jam i sigurt se kjo eshte vetem ceshtje kohe. Me popullaritetin e tij gjithmone ne rritje ne tregun aziatik, ai eshte i pajisur ne menyre perfekte per te kaluar permasat e Bekhamit”. Imazhit i Ronaldos e ben ate te kete nje rol model. “Kur ju shikoni emrat qe kane qene ne maje te futbollit gjate viteve te fundit, Bekham dhe Ronaldo jane duke u larguar prej saj, per shkak te moshes se tyre dhe Ronaldinjo nuk pati nje sezon te madh vitin e kaluar”, thote Simon Caduik, perfaqesues i “Birkbeck Sports Business Centre”: “Tani ne jemi duke punuar me djem te rinj si Runi, Ronaldo, Frenk Riberi, Fernando Torres. Nga keta lojtare, Ronaldo eshte nje nga ata qe ju do te donit te kishit kudo. Si nje personalitet global sportiv, ai eshte perfekt. Ai eshte lojtar fantastik, i suksesshem edhe i pashem”.

Kush eshte Kristiano Ronaldo?

Kristiano Ronaldo Dos Santos Aveiro (lindur me 5 shkurt 1985, ne Funcal, Madeira), i njohur shkurt si Kristiano Ronaldo, eshte nje futbollist profesionist portugez. Aktualisht luan per klubin anglez te Mancester Junaitid dhe eshte lojtar i Kombetares portugeze. Klubi i pare i tij eshte Andorinha (amator) per te kaluar me pas te Sportingu i Lisbones (28 ndeshje, 3 gola. Ne Kampionatin Evropian U-17, ai terhoqi vemendjen e botes se futbollit dhe i pari qe u interesua per te ishte trajneri i Liverpulit, Zherar Hulier, i cili hoqi dore me pas per shkak te moshes se re te lojtarit. Por, gabimin qe beri “bosi” i Liverpulit nuk e beri ai i Mancester Junaitid, Ser Aleks Ferguson, i cili, pasi u mrekullua nga forma e Ronaldos, e bleu ate per 12,24 milione sterlina ne vitin 2003. Me Mancester Junaitid ka luajtur deri tani 129 ndeshje (35 gola). Me Kombetaren portugeze, Kristiano Ronaldo ka zhvilluar 46 ndeshje, duke shenuar 17 gola.

Cmimet

Ne vitet 2005 dhe 2006, ai shpall nga votimi i fansave si “Lojtari i ri me i mire”. Ne vitin 2007, Ronaldo fitoi cmimin nga shoqata e futbollisteve profesioniste angleze “Lojtari me i mire” dhe “Lojtari i ri me i mire”.

Me i paguari

Ronaldo eshte nje nder pese lojtaret me te paguar ne kampionatin anglez. Me 13 prill, portugezi nenshkroi nje kontrate 5-vjecare me nje page javore prej 120 mije sterlinash, duke u bere lojtari me i paguar ne historine e Mancester Junaitid.

Jeta personale

Ne tetor te vitit 2005, Ronaldo dhe nje person tjeter u ndaluan nga policia, ne lidhje me nje sulm seksual. Ronaldo mohoi akuzat, ndersa me pas prokuroria deklaroi se nuk kishte prova te qarta per ta ndeshkuar yllin e Mancester Junaitid.

Dashuria

K. Ronaldo kohet e fundit eshte pare ne shoqerine e Merke Romeros. Duket se futbollisti portugez eshte shume i terhequr pas saj. Merke e di qe duhet te kete kujdes me Krisin ne krah, sepse ai eshte nje nder me te preferuarit e seksit femeror.

Biznesi

Kristiano ka hapur ne qytetin e tij te lindjes, Funcai, nje dyqan mode, “CR7”, qe menaxhohet nga motrat e tij me te medha. Pas futbollit, gjeja qe ai pritet te beje duket se eshte pikerisht biznesi.

Bamiresi

Ronaldo kryen edhe bamiresi. Ai kontribuoi me rreth 130 mije dollare per zonat e prekura nga cunami ne Indonezi. Gjithashtu, eshte shume i ndjeshem ndaj njerezve me probleme fizike dhe atyre te varfer.

[RaPSouL]

Seria A

Po merr formën e një telenovele tratativa Inter – Emerson. Pak ditë më parë padroni zikaltër e quajti të mbyllur merkaton. Por gazeta sportive spanjolle, Marca shkruan se mesfushorit brazilian që është lënë i lirë nga Reali i Madridit, i është bërë një ofertë nga trajneri Mançini. Sipas gazetës, Emerson e ka pranuar atë, pasi Inter mbetet skuadra e tij e preferuar. Spanjollja Marca shkruan edhe për një takim të afërt mes Interit dhe Realit të Madridit për të konkretizuar transfertën.
Miqësoret kanë nxjerrë në pah problemet që Juventus ka në repartin e mbrojtjes dhe drejtuesit e klubit bardh e blu nuk kanë vonuar për të riparuar defektet.
Zgjidhja shihet tek mbrojtësi i Shtutgardit, portugezi Meira, ose ai i Lokomotivës së Moskës, serbi Ivanovic. Për Invanovic oferta bardh’e zi është 4.5 milionë euro. Ndërsa për portugezin Meira, Shtutgarti ka kërkuar plot 15 milionë euro.
Pas talentit Aleksandër Pato, një tjetër brazilian duket se do të mbërrijë tek kuqezinjtë e Milanit. Me sulmin tashmë të kompletuar, Milani kërkon të forcojë mesfushën dhe emri i duhur për këtë duket ai i Tiago Motës, mesfushorit të Barcelonës. Braziliani duket se është në prag të zgjidhjes së kontratës me ekipin katalans. Dhe Milani nuk e ka fshehur interesimin për të, pasi Mota mund të luaji sin ë krahun e majtë, ashtu edhe në qendër, duke u bërë një alternativë perfekte për Gatuzon dhe Ambrozinin.
Antonio Kasano duket se do të kthehet sërish në Itali. Barezi i Realit të Madridit, është fare pranë kalimit tek Samdoria. Flitet për një formë borxhi. Klubi Italian mund të paguajë vetëm 1.5 milionë të pagës së tij, ndërsa 3 të tjerët do të vazhdojë t’i paguajë Reali i Madridit.
Alvaro Rekoba ndoshta këtë herë mund të largohet me të vërtetë nga Inter. Ai nuk është paraqitur në stërvitjen e parë të këtij sezoni, cka lë të kuptojë për një lamtumirë të tij nga ekipi milanez. I interesuar për shërbimet e tij është Torino, një skuadër që i pëlqen edhe Masimo Moratit, dhe trajnerit të Torinos, Novellino, e ëndërron atë prej kohësh në skuadër.