Arkivi i gazetës elektronike sportive: "FUTBOLLI"

[RaPSouL]

Suazo: Nuk kisha dyshime,për mua ishte vetëm Inter

Pavarësisht se u përfol për një kalim tek Milan, David Suazo ka rrfëyer në ditën e prezantimit të tij se në mendjen e tij ka qenë gjithnjë Interi. "Për mua ekzistonte vetëm klubi zikaltër", është shprehur ai. "Agjenti im dhe presidenti Çelino e dinin se çfarë doja, megjithëse më pëlqeu shumë interesimi i kuqezinjve. Nuk ishte një refuzim, unë e kisha vendosur të ardhmen time", ka thënë sulmuesi nga Hondurasi. David Suazo dje është bërë zyrtarisht një futbollist i Interit, duke u prezantuar në Apiano Xhentile. Për të është folur shumë në ditët e fundit, sidomos pas lajmit se do të bëhej një lojtar i Milanit. "Dua të falënderoj gjithë Sardenjën dhe në veçanti Kaljarin. Çelino ka qenë fantastik me mua, por tani fillon kjo histori e re me Interin që besoi në cilësitë e mia", u shpreh ai.

[RaPSouL]

Juventus nuk ndalet, gati marrja e brazilianit Pepe

Një kthesë e rëndësishme për Juventusin, që tashmë duket shumë pranë marrjes së Pepes. Klubi bardhezi ka ndërmend të kënaqë trajnerin Klaudio Ranieri, që në të ditët e shkuara ishte shprehur qartë: braziliani me pasaportë portugeze i Portos, është zgjedhja e tij e parë. Pas këtyre fjalëve, drejtori Alesio Seko dhe dirigjentët e tjerë të klubit bardhezi kanë punuar për të sjellë në Torino një nga talentet më premtues të futbollit në Evropë. Porto i ka nisur tratativat me kufirin e 20 milionë eurove, por në marrëveshje mund të futet edhe Fabricio Mikoli, që pëlqehet shumë nga kampionët e Portugalisë pas eksperiencës së tij me Benfikën. Seko dhe drejtuesit e tjerë kanë dashur t'i plotësojnë dëshirën Ranierit dhe për këtë arsye është ngadalësuar tratativa me Saragozën për të marrë Gabriel Militon. Takimi me drejtuesit e klubit spanjoll është lënë për në fundjavë, megjithatë Juventus duket që tani shumë pranë marrjes së brazilianit Pepe, i cili e ka shprehur me kohë dëshirën e tij për të luajtur në Itali. Ranieri ndërkohë është në pritje, por nga selia e klubit kanë ardhur sinjale të rëndësishme. Ndoshta mund të vijnë të dy, ndërkohë që si alternativë ekstreme mbetet edhe Luizao i Benfikës, që mund të shkëmbehet pikërisht me Mikolin. Por vështirë se mund të shkohet deri këtu.

[RaPSouL]

Milan kërkon Eto, por nuk harrohet Shevçenko

Eto, Ronaldinjo, por ndoshta edhe Drogba. Megjithatë Shevçenko mbetet dëshira numër 1 e drejtuesve të Milanit, të cilët në fshehtësi duket se janë duke punuar për të rikthyer ukrainasin e larguar një vit më parë në drejtim të Çelsit. Në pritje të "goditjes së madhe", Adriano Galiani dje ka qenë tepër misterioz para kamerave, duke lënë në dilemë tifozët kuqezinj. Në hipodromin e Varezes i kanë përmendur emrin e Samuel Eto, por administratori i deleguar kuqezi nuk është fshehur. "Të shohim, të shohim, me qetësi". Në mikrofonin e Klaudio Pelegatit ishte dhe më i qartë: "Duam të marrim një sulmues të madh, por nuk kemi nxitim. Në këto tratativa duhet durim, shumë durim", ka thënë Galiani. Drejtori i Milanit e ka mësuar lajmin se Barcelona ka vendosur të blejë një sulmues pankine për të vënë në merkato pikërisht kamerunasin Eto. "Për momentin, në rrugë zyrtare, na thonë që Ronaldinjo dhe Eto janë të pashitshëm, por ne mund të presim. Shpresojmë që të ndryshojnë mendje dhe që këta futbollistë të mos mbeten për ne si Kaka për të tjerët, pra një ëndërr e pamundur", shtoi Galiani. Megjithatë, në rrugën Turati vazhdon të dëgjohet emri i Andrij Shevçenkos, i cili është parë në një darkë me Nestën dhe Maldinin në Nju Jork.

[RaPSouL]

Ish-lojtari i Milanit, aksidenton 5 shqiptarë

Ish mbrojtësi i Milanit Françesko Zagatti, 75 vjeçar, aktualisht në stafin teknik të klubit kuqezi në rolin e vëzhguesit të talenteve, është bërë autor i një aksidenti të rëndë automobilistik, ku si rrjedhim kanë mbetur të plagosur 5 shtetas shqiptarë. Lajmi është dhënë nga agjencia italiane e lajmeve ANSA, sipas të cilës Zagati ishte në timonin e një Mercedesi dhe ka hyrë në krah të kundërt të Autostradës A10 Xhenova-Ventimiglia, në Imperia Est, duke u përplasur me një makinë Fiat Punto që drejtohej nga Peter Guras dhe në bordin e së cilës gjendeshin 5 shqiptarë. Ish futbollisti i Milanit dhe katër herë fitues i titullit kampion të Serisë A në vitet '50-'60 me këtë skuadër, duhet të ishte dje në Arma di Taggia, ku do të zhvillohej stërvitja e të rinjve që marrin pjesë në Milan Camp. Të martën në mbrëmje, ai ka marrë autostradën për të shkuar aty, por pasi ka mbërritur në Imperia Est, ka menduar se e kishte kaluar Arma-n dhe është kthyer menjëherë. Por, nga gabimi i tij, ai ka përshkruar rrugën në krah të kundërt dhe në lartësinë e San Bartolomeo al Mare, është përplasur me një Fiat Punto të familjes shqiptare. Të pesë shqiptarët, mes të cilëve edhe dy të mitur 13 dhe 15 vjeçarë, kanë mbetur të dëmtuar, por pa probleme për jetën. Ata gjithsesi janë çuar urgjentisht në spitalin e Santa Corona, ku kanë marrë mjekimet. Edhe pse nuk pati pasoja tragjike, gjendja e pesë shqiptarëve është përshkruar si traumatike nga ANSA dhe kjo pasi të gjithë kishin mbetur të tmerruar nga aksidenti që mund t'u rrezikonte edhe jetën. Ndërkaq, ish futbollisti i famshëm i Milanit ëshët dërguar në spitalin e burgut të Imperias, ku pavarësisht plagëve të marra, dje në mëngjes ka qenë koshient. Zagatti është marrë në pyetje nga agjentët e Policisë Rrugore, të cilët si masë të parë, kanë bërë heqjen e patentës për 75 vjeçarin. Françesko Zagatti, i lindur më 18 prill 1932 në një zonë afër Torinos, ka qenë një mbrojtës i Milanit në fund të viteve '50 dhe fillim të viteve '60. Ai ka fituar 4 tituj kampionë në Serinë A si edhe një Champions League me Milanin në sezonin 1962-1963.

[RaPSouL]

Mbledhja, Duka flet për ndryshime emrash në FSHF

Në praninë e drejtuesve më të lartë të Federatës Shqiptare të Futbollit, dje në ambientet e këtij institucioni është zhvilluar analiza vjetore e sezonit 2006-2007. Në mbledhje kanë marrë pjesë presidenti i FSHF-së Armand Duka, dy zëvendës presidentët Nuri e Kasmi, sekretari i përgjithshëm Mici si edhe të gjithë shefat e sektorëve përkatës në këtë institucion. Tema e ditës kanë qenë problemet e hasura në sezonin e shkuar, të cilat shefi i Garave Hito Hitaj i bëri publike dy ditë më parë. Por, Duka në fjalën e tij ka folur edhe për ndryshime në administratën e FSHF-së, të cilat mund të ndodhin në mbledhjen e së premtes në Komitet. Gjithsesi, kreu i Federatës nuk ka përmendur emra edhe pse për t'u larguar është përfolur edhe sekretari i përgjithshëm.

[RaPSouL]

Cana, nga plazhi i Dhërmiut, kalçeto me shokët në Tiranë

Pasi kaloi disa ditë në Dhërmi me të dashurën dhe miqtë e tij, Arben Shemili ka qenë të hënën në orën 21 n2 kompleksin sportiv "Dajti" për një ndeshje midis shokëve të tij të ngushtë. Pasi u mor vesh ardhja e tij, në shkallët e kompleksit erdhën dhjetëra tifozë, të cilët më pas nxituan t'i merrnin Canës autografe. Futbollisti shqiptar bëri foto me të gjithë dhe në fund qëndroi për pak kohë edhe me mikun e tij Xhevi, pronarin e kompleksit. A.Shemili

[RaPSouL]

Lorik Cana: Marseja kërkon 12 mln për mua

Bashkë me të dashurën e tij, Lorik Cana është nisur dje drejt Kosovës, pasi ka kaluar një javë në plazhet e Dhërmiut. I shoqëruar nga miku i tij Arben Shemili, mesfushori i Marsejës ka dalë rreth orës 10.15 nga Hotel Rogner për të udhëtuar drejt vendlindjes, ndërkohë që pas disa ditësh do të bëjë një tjetër udhëtim për në Tiranë. Para pak ditësh, në sitin e njohur transfermarkt.de u bë e ditur se vlera e kartonit të Lorik Canës, ka shkuar në 10 milionë euro, sa çereku i gjithë kombëtares shqiptare, por në të vërtetë, kërkesat e Marsejës për këtë futbollist janë shumë më të larta. "Olimpiku kërkon 12 milionë euro që të më lëjë të lirë", ka thënë mesfushori kuqezi, që është edhe futbollisti më i paguar shqiptar, me një rrogë që kap shifrën e 180 mijë eurove në muaj. Lorik Cana gjithsesi nuk ka bërë të ditura ofertat që ka pasur gjatë kësaj periudhe edhe pse shpallja si mesfushori i dytë më i mirë në Evropës, pas Andrea Pirlos, e ka vënë jo pak në shënjestrën e klubeve të mëdha. Në një intervistë dhënë për "GSH" pak javë më parë, mesfushori 23 vjeçar i ekipit kombëtar është shprehur se në rast largimi, do ta bëjë këtë për një nga 10 klubet më të mira të Evropës dhe se nuk do të luajë me asnjë ekip tjetër brenda Francës. Cana është një nga lojtarët më të mirë të kombëtares shqiptare, duke qenë një shtyllë në mesfushë.

[RaPSouL]

Bogu: Napoli, një klub që më tërheq pa masë

Në adresë të Erjon Bogdanit, telefonatat e këtyre ditëve kanë qenë të panumërta. Dje, bomberi i kombëtares ka patur edhe një telefonatë në emisionin "Radio Goal" të Radios "Kiss Kiss" të Napolit, ku ka thënë: "Nuk e di nëse Napoli ka kërkuar informacion për mua te Kievo, por di që kam kërkesa nga shumë skuadra. Megjithatë nuk mund të them asgjë konkrete. Sa për Napolin, mund të them se është një pjacë që i tërheq të gjithë dhe do të isha shumë i kënaqur nëse do të luaja aty. Ky klub është në preferencat e mia. Me rikthimin e Napolit, Xhenoas dhe Juventusit, them se Seria A e këtij viti do të jetë një kampionat shumë i bukur, sidomos për ne sulmuesit", ka thënë Bogdani.

[RaPSouL]

Bogdani: Sakrificë për Kievon, por jo i vetëm

Erjon Bogdani është gati edhe për një sakrificë për të qëndruar me Kievon në Serinë B, por bomberi kuqezi kërkon garanci nga klubi se do të ketë një skuadër kompetitive. Në një intervistë dhënë dje për të përditshmen veroneze "L'Arena", sulmuesi i kombëtares shqiptare ka deklaruar se në rast qëndrimi të futbollistëve kryesorë të skuadrës, këtë mund ta bëjë edhe ai, në të kundërt do të jetë i detyruar të zgjedhë një klub tjetër dhe në të vërtetë janë jo pak skuadra që interesohen për ta pasur në gjirin e tyre sezonin e ardhshëm.
Erjon, cila është e vërteta e merkatos sipas teje?
Nuk kam folur me askënd, nuk jam kontaktuar. Vazhdoj të jem një lojtar i Kievos. Kur të kthehem nga pushimet do të flas me klubin tim. Megjithatë jam i qetë, shumë i qetë.
Dëshiron të qëndrosh?
Kam firmosur një kontratë 3 vjeçare, e dini këtë. Jam bashkuar me çështjen e Kievos. Megjithatë, jam duke pritur projektet e reja të klubit.
Në merkato, flitet për Rexhinën, Kaljarin, Torinon e Atalantën...
E di, e di. Por tani po shkoj të marr diell, do të pushoj dhe s'do të mendoj për asgjë. Kështu që kur të kthehem do të jem i karikuar. Them se edhe me klubin nuk do të ketë probleme.
Por doni garanci, e vërtetë?
Kur flas për garanci, kam ndërmend konfirmimin e lojtarëve kryesorë të Kievos, që nga Lana, Mandeli, Pelizier dhe të tjerët. Të luash në një skuadër të fortë, të lejon të gjesh stimuj të rinj, të rinisesh menjëherë, të japësh gjithçka.
Çfarë nuk do të pranonit?
Nuk mund të jem i vetmi që të sakrifikohem, i vetmi që të qëndroj. Por, besoj se kjo është e kuptueshme. E di shumë mirë që te Kievo i bëjnë gjërat për së mbari dhe që do të kenë menduar edhe për të ardhmen. Nuk pres gjë tjetër, veçse të ulem në tavolinë dhe të flas. E them këtë sepse besoj shumë tek potencialiteti i kësaj skuadre. Por, nuk mund të mendohet që të jemi të gjithë bashkë.
Kievo ra në B në javën e fundit, e keni kujtuar ndonjëherë?
Shumë herë. Dhe kam gjetur një shkak. Por, tani duhet ta harrojmë, është absurde e trishtueshme, por shkoi kështu.
Kievo në B, Verona në C. Një vit i trishtë për futbollin veronez apo jo?
Ishte një sezon i mallkuar, shpresoj i papërsëritshëm. Kievo dhe Verona kanë pacur një ecuri të përbashkët. Një fillim të vështirë, më pas janë rikthyer, erdhi mrekullia dhe patëm edhe shpëtimin në duart tona. Dhe në fund një tragjedi. E pabesueshme.
Pse Kievo nuk arriti të shpëtonte?
Paguam nisjen e vështirë, humbëm shumë pikë rrugës dhe në javën e fundit gjithçka ishte kundër nesh. Por, koha e akuzave mendoj se ka ikur. Kemi për detyrë të shohim përpara.
I shikoni me interes edhe gazetat, çfarë shkruajnë?
Shkruajnë shumë gjëra, më pëlqen kjo. Por nuk mendoj gjatë për këtë. Këtu jam larg dhe vijnë lajme konfuzë dhe burimi im i vetëm përfaqësohet nga Kievo.

[km92]

Van Bronkhorst kthehet te Fejenordi

28 Qershor Xhovani van Bronkhorst e mbylli perfundimisht marredhenien e tij me Barcelonen per t’u kthyer te Fejenordi. Edhe pse kontrata e tij me klubin katalanas nuk kishte perfunduar, ajo u prish me aprovimin e te dy paleve, per te bere me te lehte largimin e lojtarit. Xho, sic eshte emri qe ka mbantur ne fanelle vitet e fundit, largohet nga Barcelona pas kater sezonesh, me nje Champions te fituar, dy kampionate dhe nje Superkupe te Spanjes. Gjithashtu ka qene titullar ne skuadren kampione te Europes ne vitin 2006. 32?vjecari ishte lojtari i vetem i skuadres se Frenki Rajkardit qe luajti te 13 takimet e atij edicioni. Tani, do te rikthehet te Fejenordi, thuajse dhjete vjet pasi u largua nga klubi holandez, ku ka luajtur per pese vjet, ne periudhen 1993?1998. Me pas ka luajtur per Gllasgou Rejnxhers (1998?01), Arsenalin (01?03) deri sa mberriti te Barca, nje vit i huazuar dhe me pas u ble perfundimisht.