Arkivi i gazetës elektronike sportive: "FUTBOLLI"

[km92]

Venger paralajmëron lamtumirën

Arsen Venger druhet se nuk zotëron aftësitë e Aleks Fergusonit për të qëndruar në krye të Arsenalit deri 65 vjeç. Francezi ka frikë se "testosteroni i ulët" dhe rreziqet e moshës së thyer do t'i rezervojnë një vdekje nga infarkti. Rivali më i ashpër i Vengerit është më i moshuari mes trajnerëve të Premier Ligës, plot 65 vjeç. Mançesteri i tij është 23 pikë para Arsenalit, pavarësisht se humbi dy herë në këtë sezon përballë tyre. Megjithatë, 57-vjeçari Venger i ka më tepër frikë nga tërheqja, vdekja dhe humbja e oreksit për fitore, sesa dëshirë për të parakaluar rivalin Ferguson që e ka kapur moshën për abone autobusi për pensionistë. Trajneri i "Topçinjve" po konsideron seriozisht mundësinë për të lëshuar fronin në "Emirates" dhe të bëhet drejtor klubi. Vengeri deklaron: "Besoj se Arsenali ka edhe 10 vite suksese përpara, por jo me mua. Duhet të pranoj faktin që pas 10 vitesh do të jem 67 vjeç dhe në këtë punë nevojitet forcë fizike instinktive dhe instinkt kafshëror për të fituar. Kjo është diçka që duhet të vijë natyrshëm, por mund ta humbasësh kur të ulet niveli i testosteronit ose kur të kap artriti, ose thjesht nga pleqëria. Është fakt që këtë ndjesi mund ta humbasësh edhe 45 vjeç. Njoh trajnerë që u ka ardhur në majë të hundës ky profesion që në të 40-at. Ka trajnerë që fituan Kupën e Europës para 10 vitesh dhe tani nuk lanë as nam, as nishan. Nga ana tjetër, ka njerëz si Sër Bobi Robson dhe Xhovani Trapatoni që do të shkojnë në varr me të njëjtën uri për të fituar. Duhet të jesh i ndjeshëm, sidomos në këtë punë duhet të jesh absolutisht pasionant dhe tepër egoist. Çdo njeri që përqendron energjitë totalisht në pasion, nga përkufizimi, është dikush që lëndon personat pranë. Puna e trajnerit më merr 90% të ditës dhe për sa i përket familjes, janë mësuar t'i bëjnë planet pa mua. Trajneri nuk ka rrugë të mesme: ose fluturon lart, ose shkon tmerrësisht poshtë. Duhet të mësosh të përballosh zhgënjimin pa humbur dashurinë për futbollin. Çdo humbje është si një dramë në dashuri dhe pyet veten: "A do të jem në gjendje të dashuroj prapë?" Vengerin e pret finalja e "Curling Cup" me Çelsin dhe faza eliminatore në Ligën e Kampioneve kundër PSV Eindhovenit. Por përveç betejës me Fergusonin, Mourinjon dhe Benitezin, Vengeri po lufton edhe me dilemat e mesomoshës. Ai tha: "Kur bëhesh 50 vjeç, e kupton që ditët i ke të numëruara. Është një zbulim i dhimbshëm. Ai është momenti kur fillon të mendosh si ta shfrytëzosh kohën e mbetur në mënyrën më të mirë. Është më mirë të vazhdosh normalisht pa e vrarë mendjen për të ardhmen apo duhet të ndryshosh korsi dhe të përshtatesh me moshën? Imponon vetë limitet e tua apo lejon të tjerët që të t'i imponojnë? Unë jam nga ata persona që limitet i vendos vetë. Po humba, do t'i vijë fundi karrierës sime si dhe aspiratave për jetën. Unë thjesht nuk mund ta imagjinoj që njeriu të jetë i kënaqur me atë që ka ose se kush është".

[Noizy]

Do të luhet pa publik Milan Livorno, në Bergamo, Verona, Firence dhe Mesina. Në seria B, pa publik në Breshia, Napoli etj...!


Kampionati do të rinisë këtë fundjavë, por në Serinë A në pesë stadiume do të luhet me dyer të mbyllura: Bergamo (Atalanta Lacio), Verona (Kievo Inter), Firence (Fiorentina Udineze), Mesina (Mesina Katania) dhe Milano (Milan Livorno). Vendimi u mor dje në mëngjes në një mbledhje të Ministrisë së Sportit për veprimtaritë sportive. Nëndrejtori i Policisë së Shtetit, Antonio Manganeli, pas kësaj mbledhjeje ka nënvizuar se "do të duhen edhe 24 48 orë për të pasur një tablo të saktë të stadiumeve që i përmbushin normat dhe atyre që nuk janë në rregull. Jemi duke bashkëpunuar me të gjitha organet kompetente për ta ekzekutuar sa më mirë dekretin", - shtoi Manganeli.
Ministrja dhe presidentët "Jam e sigurt se puna serioze, kompetente dhe, mbi të gjitha, e pranuar nga të gjithë, e cila nisi në mbledhjen e sotme (dje) për veprimtaritë sportive, do të sjellë zgjidhje të mençura dhe graduale. Qeveria gjatë këtyre orëve të vështira ka bërë përpjekjet maksimale për të mundësuar një siguri sa më të lartë, me respekt të plotë ndaj kërkesave të paraqitura nga bota e futbollit, nga krerët e tij institucionalë, nga klubet dhe të apasionuarit e shumtë." Kjo ka qenë deklarata përmes një buletini zyrtar e ministres së Politikave Rinore dhe Veprimtarive Sportive, Xhiovana Melandri. "Në fakt, dua të kujtoj se në paketën e masave, përkrah normave të sigurisë, që do të aplikohen menjëherë, qeveria ka integruar edhe masa të tjera që kanë të bëjnë me përcaktimin, brenda një të ardhmeje sa më të shpejtë, të një modeli të ri dhe më modern të realizimit dhe administrimit të stadiumeve. Për këtë arsye, shkruhej, u bëj tani një thirrje presidentëve të klubeve të futbollit, disponueshmëria e të cilëve për të rënë dakord bashkarisht për këto masa me seriozitet, është thelbësore për ta kapërcyer këtë moment të veçantë. Të izolojmë të dhunshmit dhe t'i bëjmë stadiumet më të sigurta, është objektivi i të gjithëve dhe vetëm bashkarisht mund ta arrijmë."
Tabloja e plotë Në Serinë B do të jetë 6 numri i sfidave të javës së 23-të që do të luhen pa publik: Breshia Bari; Napoli Piaçenca; Peskara Mantova; Triestina Trevizo; Leçe Verona dhe Modena Albinolefe.
Ja cila është lista e plotë e të gjitha qyteteve, stadiumet e të cilëve në Serinë A apo B janë cilësuar të "papërshtatshme" nga komisioni i vëzhgimit: Askoli Piçeno, Bari, Bergamo, Bolonja, Breshia, Katania, Çezena, Empoli, Firence, Leçe, Livorno, Mantova, Mesina, Milano, Modena, Napoli, Parma, Peruxhia, Peskara, Piaçenca, Rexhio Kalabria, Salerno, Trieste, Udine dhe Verona.

[Noizy]

Pankali konfirmon: Kampionati rinis këtë fundjavë.
Pas nxjerrjes së dekretit antidhunë nga ana e Këshillit të Ministrave, komisioneri i jashtëzakonshëm i Federatës Italiane të Futbollit, Luka Pankali, ka bërë të ditur se kampionati do të rinisë këtë fundjavë: "Mendoj se do të ishte një gabim po të mos fillonim sërish. Do të ishte një gabim të mos përfitonim nga shtytja pozitive që ka lindur këto ditë nga një ndërgjegjësim i thellë nga ana e të gjithëve. Ndihemi shumë të kënaqur nga masat e marra, si nga ato me efekt të menjëhershëm, ashtu edhe nga ato të natyrës programuese. E falënderoj qeverinë për angazhimin dhe për shpejtësinë me të cilën ndërhyri."

[strong_07]

Kurtner: “Lampard është i dashuruar pas Çelsit”


Vetëm 24 orë pasi kishte lënë të hapur mundësinë e largimit të Frenk Lampard nga Çelsi në fund të sezonit në drejtim të Barcelonës, menaxheri i tij Stiv Kurtner ka ndryshuar totalisht qëndrim. Sipas Kurtner, mesfushori anglez është shumë pranë rinovimit të kontratës me londinezët. “Megjithë zhurmat dhe teoritë e fshehta që po qarkullojnë ditët e fundit, ne dëshirojmë ta bëjmë më të qartë problemin e kontratës së Lampard. Unë kam biseduar me Piter Kenion lidhur me këtë situatë. Dua të them që absolutisht Frenk e dashuron këtë skuadër dhe marrëdhëniet e tij me tifozerinë janë fantastike. Ato kanë qenë të tilla që në momentin që Lampard ka veshur këtë fanellë. Realisht ne kemi filluar negociatat me drejtuesit e Çelsit vitin e kaluar përpara Krishtlindjeve dhe tani jemi në pritje të një përgjigje. Ndërkaq Frenk është i përqëndruar te klubi vetëm për të fituar”, tha Kurtner për gazetën “The Sun”.

[strong_07]

Kristiano Ronaldo i thotë "jo" spanjollëve


Kristiano Ronaldo i ka mbyllur përfundimisht derën skuadrave të Realit të Madridit dhe Barcelonës. Pavarësisht zërave për një largim të mundshëm nga Old Traford, “thesari” i Mançester Junajtid është shprehur i sigurt se nuk do të joshej aspak nga ofertat e spanjollëve. Emri i mesfushorit portugezit ka dominuar faqet e para të shtypit sportiv evropian sidomos pas takimit në Londër të menaxherit të tij, Jorge Mendes me drejtorin sportiv katalanas, Txiki Begiristain. “Unë i kam thënë menaxherit tim se te Mançesteri ndihem shumë mirë dhe dëshiroj të qëndroj këtu. Me anglezët kam edhe një kontratë. Në Angli ka një lloj futbolli që më tërheq dhe momentalisht nuk do të preferoja të largohesha. Dua që karrierën time ta shijoj pikërisht këtu”, tha Ronaldo për revistën “FourFour Two”. Ndërkohë edhe klubi i “djajve të kuq” këmbëngul se nuk ka ndërmend ta lejojë portugezin të largohet duke i ofruar atij në letër një kontratë 100 mijë paund në javë, 2-fish i asaj aktuale.

[km92]

Ronaldo: Jam i lumtur te Junaitedi

“Futbolli ne Spanje me terheq, por per momentin nuk dua te largohem nga Mancester, po e shijoj karrieren time ketu”



Kristiano Ronaldo ka kembengulur qe deshiron te qendroje te Mancester Junaitedi, pavaresisht interesimit per te nga ana e Real Madridit dhe Barcelones. E ardhmja e 22-vjecarit ka qene tema kryesore per diskutim ne javet e fundit, dhe nga Barcelona ka ardhur mohimi se ka pasu kontakte me lojtarin, pasi drejtori sportiv i klubit katalanas eshte pare te takohej me perfaqesuesin e tij, Horge Mendes. Nga ana e tyre, drejtuesit e Junaitedit kane deklaruar se Ronaldo nuk do te shkoje gjekundi dhe po perpiqen qe te nenshkruajne me te nje kontrate te re qe do t’i jepte portugezit 100 000 sterlina ne jave. Por zerat per shitjen e tij per 45 milion sterlina po behen gjithnje e me te shpeshte. Vete Ronaldo ka thene per kete ceshtje ne revisten “Four Four Two”: “I kam thene perfaqesuesit tim se jam i lumtur ketu dhe dua te qendroj. Kam nje kontrate me Junaitedin”. Ish?lojtari i Sporting Lisbones e pranon se i pelqen shume futbolli spanjoll, por gjithashtu thekson perkushtimin e tij ndaj “Djajve te Kuq”: “Futbolli ne Spanje me terheq, por per momentin nuk dua te largohem nga Mancester, po e shijoj karrieren time ketu”. Roli i Ronaldos ne perjashtimin e Uejn Runit gjate cerekfinales se Kupes se Botes Portugali?Angli, u duk se krijoi probleme mes dy kolegeve, por portugezi kembengul se gjithcka mes tij dhe Runit eshte shume mire dhe se eshte treguar gjaknxehte kur kritikoi klubin e tij ne vere. Ne ate kohe, Ronaldo pat thene: “Ka kohe qe nuk marr mbeshtetjen e shefit ekzekutiv dhe trajnerit tim (Devid Xhill he Ser Aleks Ferguson). Ata duhet te me mbeshtesnin, por deri tani nuk kane bere asgje. Deshira ime eshte qe te luaj ne Spanje, te Reali ose Barcelona”. Por tani qe ka kaluar me shume kohe, Ronaldo shpjegon: “U tregova pak i nxituar dhe kam thene gjera qe nuk i kam menduar vertet. Por tashme keto i perkasin te kaluares. Jam te Junaitedi dhe jam i lumtur ketu”.

[km92]

Drogba: Golat s’vlejne pa titullin

“Sigurisht qe mund ta fitoj Kepucen e Arte. Por edhe pse do te doja shume te ndodhte keshtu, nuk do te kishte kuptim nese Celsi nuk fiton kampionatin”



Golashenuesi i Celsit, Didier Drogba, ka deklaruar se fitorja e Kepuces se Arte ne Europe nuk do te kete asnje vlere per te nese klubi i tij nuk e fiton titullin kampion. Sulmuesi nga Bregu i Fildishte, i cili deri tani ka shenuar 23 gola ne te gjithe kompeticionet, do te pelqente t’i fitonte te dy cmimet per te mbyllur si duhet nje prej sezoneve me te mire te karrieres se tij. Goli i rogbase ne fitoren 1?0 ndaj Guineas ne miqesoren e kesaj jave ka qene i 17?ti per kombetaren, ndersa te Celsi eshte shume shnderrimit ne shenuesin me te mire ne nje sezon, pasi eshte vetem nje gol larg 16 te realizuarve nga legjenda angleze, Xhimi Grivs, ne “Stamford Bridge”. 28?vjecari deshiron qe golat e tij te ndihmojne blute ne fitoren e titullit te trtete rresht, por edhe qe ai vete te shpallet shenuesi me i mire i Europes. Drogba tha: “Sigurisht qe mund ta fitoj Kepucen e Arte. Por edhe pse do te doja shume te ndodhte keshtu, nuk do te kishte kuptim nese Celsi nuk fiton kampionatin. Do te doja te fitoja titullin e Premiership dhe Kepucen e Arte. Kam shenuar shume gola kete vit dhe disa shume te bukur. Po te me duhej te zgjidhja me te mirin, do te thoja ai ndaj Evertonit. Ishte nje gol dramatik ne minuten e fundit dhe shume i rendesishem sepse fituam duke permbysur rezultatin”.

Drogba do te prije sulmin e bluve edhe kunder Midellsbrout ne “Stamford Bridge” megjithese problemet e Celsit me demtimet jane spostuar te mesfusha, ku do te mungojne Xhon Obi Mikel dhe Mikael Balak. Kampioneve ne fuqi u mungon Xho Kol dhe Eshli Kol, ndersa Balak pesoi nje terheqje ne miqesoren e Gjermanise ndaj Zvicres te merkuren. Edhe Mikeli, i cili ka qene ceshtje debati mes Celsit dhe Nigerise pas nje demtimi te pesuar ne kampionatin anglez ndaj Carltonit javen e kaluar, eshte gjithashtu ne dyshim, edhe pse luajti 90 minuta ne miqesoren ndaj Ganes ne mesjave. Celsi mendohet se do te kontaktoje me FIFA?n per kete ceshtje pasi nuk e ka kuptuar vendimin e Nigerise per ta therritur edhe pse e dinte qe ishte i demtuar. Celsi shpreson qe te vazhdoje ecurine e mire edhe kete jave ndaj Midellsbrout, ndeshje e cila do te jete e para e 16 diteve vendimtare per blute, pasi do te marrin pjese ne te katert kompeticionet ku jane te perfshire. Nje gje e tille u ndodhi edhe ne shkurt te 2005?s, por u eliminuan nga Njukaselli ne Kupen e Anglise, humben ndeshjen e pare ndaj Barcelones ne Champions League dhe fituan Kupen e Liges ndaj Liverpulit. Tani u duhet te mundin Midellsbroun ne Premiership, te kalojne raundin ne Kupen e Anglise ndaj Blekpullit ose Noruicit dhe te mundin ish?klubin e Murinjos, Porton, ne Champions League para se te perballen me Arsenalin ne finalen e Kupes se Liges ne fund te muajit.



Lampard-Celsi, ndarja prane?

Perfaqesuesi i Frenk Lampardit ka thene se nuk eshte i sigurt nese mesfushori i Anglise do te jete me te Celsi sezonin e ardhshem. Kjo deklarate ka rihapur thashethemet se Lampardi mund te largohet nga Londra drejt Barcelones sezonin e ardhshem. Lampard ka kohe qe eshte vene ne shenjester te kampiones se Europes ne fuqi. Kohet e fundit, shefi ekzekutiv i Celsit, Piter Kenion, tha se Lampardi ishte prane nenshkrimit te nje kontrate te re, por Stiv Kutner pergenjeshtroi shume shpejt: “Frenk Lampard eshte lojtar i Celsit deri ne fund te sezonit. Per me pas, nuk kemi vendosur ende asgje. Si dihet cfare mund te ndodhe. Tani ai eshte i perqendruar vetem te nje gje: te jape maksimumin per Celsin. Eshte shume shpejt per te thene se ku do te shkoje nese largohet”.

[km92]

Milani pergenjeshtron!

Gjate bisedimeve per kalimin e Ronaldos te skuadra e Milanit, eshte folur edhe per ceshtjen e Kakase. Ne kampin e Milanit, mohojne gjithcka nga ato qe ka publikuar e perditshmja spanjolle “AS” dhe per kete drejtuesit e Milanit i kane derguar nje leter redaksise se gazetes spanjolle. Gjate bisedimeve per Ronaldon, administratori i deleguar i Milanit, Adriano Galiani nuk ka folur kurre per Kakane dhe milanezet kane mohur gjithcka qe ne keto dite Predrag Mijatovic dhe Franko Baldini, te kene folur per ceshtjen e brazilianit dhe per kalimin e tij per ne Madrid. Ne te gjitha takimet midis drejtuesve madrilene eshte folur vetem per Ronaldon dhe Rikardo Oliveren. Disa nga frazat e letres se derguar per “AS” ishin: “AS” po flasim me ty. I dashur “AS”, pse kembengulni kaq shume per te marre yllin tone? Si duhet t’ua themi ndryshe qe Kaka nuk leviz nga Milani? Ne cfare gjuhe duhet t’ua themi kete fraze? Nuk e dime ke te zgjedhim. Ne italisht ka qene pergjigja jone e pare, me pas ua kemi perkthyer edhe ne spanjisht sepse mos nuk nuk ishte e mjaftueshme gjuha jone. Atehere mbetet anglishtja ose mund te zgjidhni edhe frengjishten dhe mund t’i beni ndonje urim presidentit te ri te UEFA?s. Apo mos deshironi qe t’ju shkruajme ne gjuhen portugeze me qe keni edhe Robinjon, i cili sipas jush eshte perfshire ne kete marreveshje. I dashur “AS”, ne Itali eshte realizuar nje film me titull “Te dua”, ne te gjitha gjuhet e botes. Kini durim sepse frazen “Kaka nuk leviz nga Milani” do t’ua perkthejme ne te gjitha gjuhet e botes, perfshi edhe spanjishten. Fraza eshte shume e thjeshte dhe e kuptueshme. Mund ta shoqeroni me nje figure ose me nje spot televiziv, kjo eshte ne doren dhe deshiren tuaj. Mund ta degjoni kete fraze cdo dite, ose vetem ne raste festash, eshte zgjidhja juaj. Qe te mos ua perserisim shume here kete fraze, mund ta degjoni dhe ta ngulisni ne mendje nje here e pergjithmone: Kaka nuk leviz nga Milani”.

[km92]

Kaka-Real? Ekziston nje mundesi!

Sipas shtypit spanjoll, gjigantet italiane do te miratonin oferten e madrileneve, nese ajo do te ishte e parefuzueshme



Kanavaro, Robinjo, Diarra dhe nje shume parash qe mund te investohet per blerjen e Ronaldinjos, ne kembim te Kakase, duket nje oferte joshese per klubin e Berluskonit



Milani tashme ka bere nje hap prapa mbajtjes ne skuader te brazilianit Kaka dhe tashme eshte gati qe ne fund te sezonit te lere te lire Kakane per te shkuar te Reali i Madridit. Pas bisedimeve qe u mbajten ne 29, 30 dhe 31 janar, Predrag Mijatovic dhe Franko Baldini nga krahu i Realit te Madridit dhe Adriano Galiani, administratori i deleguar i Milanit, sipas te perditshmes spanjolle “AS”, kane rene dakord qe Kaka te kaloje ne fund te sezonit te skuadra madrilene. Sipas “AS”, Adriano Galiani i ka bere nje oferte drejtuesve madrilene, te cilet deshirojne te marrin sherbimet e Kakase. Skuadra italiane ne shkembim te Kakase kerkon nga Reali i Madridit Kanavaron, Robinjon dhe Diarrane, plus edhe nje shume parash te cilat do te kalojne ne arkat e klubit kuqezi.



Kjo surprize (eshte hera e pare qe Galiani i hap dyert brazilianit) eshte e motivuar nga nje strategji sportive e Milanit dhe Kaka nuk hyn ne keto plane. Vete Galiani dhe padroni i Milanit, Silvio Berluskoni, jane absolutisht te vendosur per te blere sezonin e ardhshem Ronaldinjon dhe per kete skuadra e Milanit kerkon te shese Kakane, ne menyre qe te mos kete perplasjen e yjeve ne te njejtin rol dhe me parate qe do te vijne nga Reali i Madridit, Milani do te hidhet ne sulm per te blere Ronaldinjon.

Per Berluskonin nuk ka asnje dyshim midis Kakase dhe Ronaldinjos, perparesia eshte ylli i Barcelones, i cili se bashku me Ronaldon do te formonin dyshen sulmuese me te forte ne bote. Reali i Madridit eshte i vetedijshem se perfshirja e tre lojtareve qe kerkon Milani ne kete marreveshje, do te ulte shumen e 70 milione eurove qe kerkojne drejtuesit kuqezi per brazilianin, por ende nuk eshte vendosur nese do te plotesohet kjo kerkese e Galianit apo jo. Interesimi i Milanit per Kanavaron dhe Robinjon nuk eshte dicka e re. Per sa i perket brazilianit, skuadra e Milanit kerkoi qe Robinjo te pershihej ne marreveshjen e brazilianit Ronaldo, kerkese e cila u hodh menjehere poshte nga drejtuesit madrilene. Ndersa per sa i perket mbrojtesit italian, kur Juventusi ra ne Serine B, skuadra si Reali i Madridit, Celsi dhe Milani u hodhen menjehere ne sulm per te marre kartonin e Kanavaros, por madrilenet u treguan me te shkathet.

Rasti i Diarrase eshte krejt ndryshe nga rastet e Robinjos dhe Kanavaros. Braziliani dhe italiani nuk po shfaqin maksmimuin e tyre te Reali i Madridit dhe mendohet qe drejtuesit madrilene t’i lene te lire ne fund te sezonit. Por, per Diarrane ka ende shpresa, edhe pse lojtari nga Mali nuk ka arritur te tregoje aftesite e tij me te mira. Reali i Madridit nuk kerkon te heqe dore lehte nga lojtari afrikan. Karlo Anceloti dhe drejtuesit e klubit kuqezi e kane ndjekur Diarrane qe ne fillim te sezonit te kaluar dhe sidomos ne perballjet e Milanit ne cerekfinale kunder Olimpikut te Lionit. Ne keto ndeshje lojtari nga Mali dha nje imazh shume te mire, duke shenuar nje gol me koke ne “San Siro” dhe u pelqye shume nga drejtuesit e Milanit. Si madrilenet ashtu edhe milanezet po pergatisin strategjite per kalimin e Kakase per ne fund te sezonit.

Robinjo, objektivi i vjeter i Milanit

Nuk eshte hera e pare qe drejtuesit e Milanit i bejne te ditur Realit te Madridit interesimin e tyre per sherbimet e Robinjos. Ariedo Braida dhe Adriano Galiani ofruan veren e kaluar 25 milione euro per sulmuesin brazilian, por madrilenet nuk u “joshen” nga kjo oferte sepse e konsideronin Robinjon nje nga lojtaret me te rendesishem te projektit te tyre. Tani situata ka ndryshuar. Rendimenti i brazilianit eshte shume i dobet dhe per kete shihet me sy te mire largimi drejt skuadres se Milanit. Kete sezon braziliani nuk po tregohet shume i sakte. Nuk ka arritur te fitoje vendin e tij si titullar. Incidenti i ndodhur kunder Levantes e ka shqetesuar shume klubin madrilen. Braziliani eshte demtuar ne minuten e 26' dhe Kapelo e zevendesoi me te riun Nieto.

Mjeket e skuadres e vezhguan demtimin e brazilianit dhe deklaruan se nuk eshte nje demtim i rende. Megjithate problemet per Robinjon nuk kane te mbaruar dhe duket qarte qe braziliani nuk eshte shume i kenaqur ne “Santiago Bernabeu” dhe eshte shume afer kalimit per te skuadra e Milanit.



Kanavaro, ndoshta rikthim ne Itali

Ne Itali vazhdon te vleresohet maksimalisht, pavaresisht kritikave te vazhdueshme qe po merr qe nga ardhja e tij ne Madrid. Milani e ka kerkuar kapitenin e kombetares italiane qe pas perfundimit te Boterorit te Gjermanise dhe italiani do te zevendesonte Kostakurten, i cili mendohej se do te largohej nga futbolli i luajtur. As mosha e tij, 33 vjec dhe as lojrat e tij jo te mira, nuk kane bere qe italianet te terhiqen prapa dhe te fshehin interesimin e tij. Stafi teknik i kuqezinjve eshte i bindur se Kanavaro po vuan shume te Reali i Madridit dhe se po te kthehet ne Itali, atehere do te kthehet ne nivelin e tij me te larte. Fabio Kanavaro erdhi te Reali i Madridit veren e kaluar bashke me brazilianin Emerson. Te dy kane qene shoke skuadre te Juventusi. Drejtuesit madrilene paguan 7 milione euro dhe firmosen nje kontrate me mbrojtesin italian, i cili perfiton 6,2 milione euro ne sezon. Ne qofte se arrihet kalimi i tij per te Milani, atehere kjo do te ishte nje blerje shume e rendesishme per skuadren kuqezi.

Ne shume raste, i pyetur per nje rikthim te mundshem ne Itali, Kanavaro eshte shprehur se ndihet shume i lumtur ne Madrid dhe po ashtu edhe familja e tij.



Diarra, ai qe shkelqen ne “San Siro”

Drejtuesit e Milanit enderrojne te bashkojne Diarrane me Pirlon. Ata e pelqejne shume mesfushorin nga Mali dhe mendohet qe Diarra te jete shtylla e mesfushes kuqezi. Shitja e Kakase te Reali i Madridit do te linte nje boshllek te madh ne mesfushen e Milanit. Diarra dhe Gatuzo mund te shkaterrojne te gjithe aksionet e skuadres rivale. E verteta eshte se Diarra gjithmone ka qene i vezhguar nga drejtuesit e Milanit. Imazhi i mire i dhene me skuadren e Lionit, terhoqen vemendjen e drejtuesve te Milanit. Ne ndeshjen e pare te cerekfinalev te Champions nje vit me pare (0?0), Diarra zhvilloi nje ndeshje shume te mire. Me pas ne ndeshjen e kthimit ne “San Siro”, afrikani shenoi nje gol me koke, por skuadra franceze u eleminua. Fillimet e mesfushorit te qendres te Reali i Madridit nuk kane qene shume te mira, por pak nga pak ka filluar te binde me lojen e tij. I ka kushtuar shume qe te pershtatet bashke me Emersonin, por ardhja e Gagos e ka permiresuar gjithashtu edhe lojen e Diarrase, i cili po zhvillon ndeshje shume te mira bashke me argjentinasin.

[km92]

Eto’o: Kristiano, je i mirepritur!

“Ceshtjet e merkatos i perkasin vetem trajnerit dhe drejtuesve te klubit, por une mund te them qe Ronaldo eshte nje lojtar i madh dhe si i tille e ka nje vend te siguruar ne “Camp Nou””



Samuel Eto’o, sulmuesi i Barcelones, eshte rikthyer nga demtimi qe pesoi ne gjurin e tij te djathte, ne ndeshjen e Champions League kunder Verder Bremenit. Kamerunasi kerkon te tregohet i qete dhe te mos nxitohet me aktivizimet e tij ne ndeshjet e Barcelones. Endrrat e Samuelit nuk kane perfunduar ende. Eto’o kerkon te rikthehet si me pare dhe te ndihmoje skuadren e tij ne fitimin e titujve te rendesishem. Rikthimin pas demtimit, Eto’o e beri te dielen e kaluar kunder Osasunes dhe ndeshjen e tij te dyte do ta luaje ne “Camp Nou”, kunder Rasing Santander, diten e diele.



- Sa here ne dite mendoni per gjurin tuaj?

- 24 ore ne dite.

- Ne disa vende kete e quajne fiksim.

- Qellimi im eshte te kthehem si me pare. Me duhet te punoj shume per t’u kthyer ne formen time me te mire. Gjuri im nuk eshte me i njejti. Duhet te rifitoj ritmin e ndeshjeve. Perpara demtimit isha me aktiv dhe luaja 90 minuta. Me duhet te heq friken.

- Frike nga se?

- Frike se mos demtohem perseri dhe se mos gjuri nuk rregullohet ashtu sic duhet.

- A keni mesuar ndonje gje nga demtimi juaj?

- Te defrehem sa me shume me futbollin.

- Cfare doni te thoni?

- Kur luan, nuk e kupton sesa te merr malli kur qendron jashte fushave te futbollit.

- A eshte e vertete se keni deklaruar se per nje vit nuk do te jeni ne 100%?

- Jo. Ajo qe kam thene eshte se nuk mund te rikuperoj anen muskulare brenda nje periudhe te shkurter. Kjo nuk do te thote se nuk do te jem mire. Duhet te shikoni Ksavin, i cili ka kaluar gjashte muaj pas demtimit dhe po luan shume mire.

- A keni vuajtur gjate demtimit tuaj kaq shume sa mendojne njerezit?

- Vetem pak persona e dine sa kam vuajtur une per te arritur deri ketu.

- Disa ju kane kritikuar sepse keni udhetuar shume gjate terapise riaftesuese.

- Ashtu, por atehere si ka mundesi qe u rikuperova nje muaj perpara nga se ishte parashikuar? Problemi eshte se disa persona flasin pa u bazuar ne fakte dhe une nuk i besoj aspak fjaleve te tyre. Njerezit me shume flasin per t’i bere keq te tjereve. Eshte dicka qe nuk mund ta ndryshojme.

- Disa te tjeret shprehen se marredhenia juaj me shoket e skuadres nuk eshte shume e mire.

- Nuk eshte e vertete. Bera maksimumin tim per te dhetuar me shoket e mi ne Paploma, per t’i ndihmuar dhe per t’i dhene mbeshtetjen time. Me e lehte ishte te prisja ndeshjen kunder Santanderit, por deshira ime ishte qe te bashkohesha me familjen time te dyte. Kam marredhenie te mira me te gjithe dhe jemi shume te bashkuar.

- Cfare ndodhi me Dekon ne Paploma?

- Cfare doni te thoni?

- Kur ju zevendesuan, Deko u largua dhe nuk ju pershendeti.

- Eshte e pabesueshme. Dekon e falenderoj per ate qe beri sepse ndodhej shume larg dhe po te vinte deri te une, atehere une do te luaja vetem dy minuta. Gjithashtu kam degjuar se nuk kam marredhenie te mira me Ronaldinjon. Kjo eshte nje tjeter genjeshter.

- Ne pankine, pame qe ju po jepnit me shume keshilla se Rajkard.

- Ne pankine loja shihet me mire sesa kur je ne fushe sepse ke me shume vizion dhe i sheh gjerat me qarte.

- A eshte Ronaldinjo i trishtuar?

- Jo. Skuadra nuk ka fuksionuar ashtu si deshironim, por kritikat ndaj Ronaldinjos jane te padrejta. Ai nuk eshte nje robot, duhet ta respektoni.

- A keni menduar per ovacionet qe do te merrni te dielen ne “Camp Nou” kur te hyni ne fushe?

- Nuk kam rreshtur se menduari. Jam shume i lumtur dhe ndihem shume mire ketu. Neser do te perjetoj nje nga momentet me te bukura te jetes time. Tifozet jane shume te kenaqur per rikthimin tim.

- A e dini sesa do te luani?

- Ky eshte vendim qe i perket Rajkardit.

- A ju ka habitur Saviola me golat e tij?

- Aspak. Cilesite e tij jane te padiskutueshme.

- Si e shikoni Gudjonsenin?

- Mendoj se disa media po e demtojne shume. Per mua eshte nje lojtar i madh. Po tregon nje profesionalizem te madh, njesoj si Ezkerro.

- Ezkerro?

- Po, per mua eshte nje lojtar i madh, por deri tani nuk ka patur fat.

- Cfare ju thote emri i Kristiano Ronaldos?

- Eshte nje lojtar qe me pelqen shume. Ne Barcelone lojtaret e medhenj jane gjithmone te mirepritur.

- Por numri i yjeve te Barcelona do te shtohet shume?

- Jane tekniket dhe drejtuesit e Barcelones qe marrin vendimet dhe ata e dine me mire se askush tjeter se cfare duhet te bejne.