Arkivi i gazetës elektronike sportive: "FUTBOLLI"

[RaPSouL]

Drenthe del i padëmtuar nga aksidenti me veturë

Lojtari i ri i Real Madridit, Royston Drenthe, ka shpëtuar pa lëndime nga përplasja me automobil, që e kishte shkaktuar në orët e hershme të mëngjesit, të ditës së djeshme.

Vetura Audi Q7 e holandezit ishte përfshirë në përplasje me një veturë të policisë, derisa ai bënte një kthesë të plotë U, në qendrën e Madridit rreth, orës 4.30 të mëngjesit.

20 vjeçari ka qenë i shoqëruar nga e dashura e tij dhe dy miq të tjerë, ndërsa e ka kaluar me sukses testin e alkoolit.

Drenthe, i cili u transferua në Madrid nga ekipi holandez Feyenoord për 14 milionë euro, bëri debutimin e tij në La Liga në ndeshjen që Real e fitoi me rezultat 2-1 ndaj rivalëve të qytetit, Atleticos, të shtunën.

[RaPSouL]

Lazio kalon Dinamon dhe hyn në garë për Adrianon

Ekipi italian Lazio është kualifikuar për në fazën e gupeve, pasi që në udhëtim mposhti Dinamon e Bukureshtit me rezultat 3-1, derisa flitet se mund të sjellë në Olimpico sulmuesin e Interit, Adriano.
Në ndeshjen e zhvilluar në Bukuresht, vendasit avancuan të parët për rezultat 1-0, duke shënuar përmes Bratu në minutën 29-të, që ishte edhe rezultati i pjesës së parë. Por italianët kthehen më energjik nga pauza pas pjesëlojës së parë.

Për Lazion, së pari shënon Tomasso Rocchi nga penaltia vetëm dy minuta pas fillimit të pjesës së dytë, derisa goli i dytë vjen nga maqedonasi Goran Pandev, i cili pas një asistimi të Rocchit shmangi mbrojtjen dhe shënoi (54’). Golin e tretë e shënon sërish Rocchi (66’).

Ish kapiteni i kombëtares shqiptare, Igli Tare, luajti vetëm minutën shtesë të lojës, si zëvendësim për Pandev, derisa Valon Behrami nuk u paraqit për shkak të kartonit të kuq nga ndeshja e parë e luajtur në Olimpico, që kishte përfunduar me rezultat të barabartë 1-1.

Në anën tjetër, lajmet më të fundit nga Italia thonë se Lazio mund të jetë në lojë për marrjen e Adrianos, i cili ka përjashtuar mundësinë e huazimit tek ndonjë ekip tjetër. Lazio me këtë kualifikim të mëtejmë në Ligën e Kampionëve mund të jetë një opsion i përshtatshëm edhe për brazilianin.

[RaPSouL]

Presidenti i Barcelonës kërkon 125 milionë euro për Ronaldinjon

Presidenti i Barcelonës, Laporta, është prononcuar për herë të parë për tratativën e mundshme me Çelsin për Ronaldinjon, duke kërkuar plot 125 milionë euro për yllin e skuadrës së tij. Në rast se pronari i Çelsit, Roman Abramoviç, e paraqet një shifër të tillë në tavolinë, atëherë kjo do të aktivizonte klauzolën në kontratën e Ronaldinjos, që do të thotë se më pas do të jetë futbollisti ai që do të vendosë nëse dëshiron të largohet nga “Nou Kampi” apo jo. “Kohëve të fundit shumë veta kanë pyetur për Ronaldinjon, Etonë dhe Mesin, por të gjithë të interesuarit duhet ta dinë se telefoni im celular është i fikur, në rast se më telefonojnë për çështjen e shitjes së tyre. Kur dikush prek yjet tona më të mëdha jam shumë i pakëndshëm”, ka pohuar Laporta. Presidenti i Barcelonës gjatë kësaj vere ia ka dalë ta kalojë presionin e fuqishëm të Milanit, që po ashtu e dëshironte brazilianin në radhët e veta. “Gjatë kësaj vere kemi pasur oferta të mëdha për kamerunasin, Eto, por të gjitha i kemi refuzuar. Kjo vlen edhe për Ronaldinjon, por nëse dikush e dëshiron, atëherë le ta paguajë shifrën e dëmshpërblimit e cila është e shkruar në klauzolën e kontratës”, është shprehur Laporta.

[RaPSouL]

Drejtuesit e Lacios kthehen sërish tek pista “Bogdani”

Me largimin e sulmuesit Simone Inzaghi nga skuadra, Lazio i është rikthyer sërish pistës Bogdani. Mbeten e pak ditë për të mësuar se me kë skuadër Bogdani do të aktivizohet për sezonin 2007-2008. Një gjë është e sigurt, që ai nuk dëshiron të luajë në Serinë B dhe klubi i Kievos e di shumë mirë diçka të tillë dhe pret momentin e fundit për të përfituar sa më shumë nga shitja e tij. Shumë skuadra kanë deklaruar më parë se dëshironin sulmuesin si Kaljari, Rexhina, Napoli dhe deri tek Levante në Primera Divion. Fakt është se deri mbrëmjen e djeshme vetëm Lacio kishte kthyer sytë nga sulmuesi i kombëtares shqiptare.

[RaPSouL]

McClaren në telashe të mëdha, i mungojnë lojtarët

Përzgjedhësi i kombëtares së Anglisë, Steve McClaren, po ballafaqohet me probleme të mëdha, në prag të ndeshjeve eliminatore, për EURO 2008, kundër Izraelit e Rusisë.
McClarenit i është lënduar edhe mesfushori i pestë me radhë, Kieron Dyer, nga ekipi Ëest Ham. Dyer e ka thyer këmbën e djathtë.

Pos Dyerit, McClaren më herët nuk ka mundur të llogaris as në shërbimet e Peter Crouchit, i cili është i suspenduar për takimin kundër Izraelit, Wayne Rooneyt, që ka pësuar lëndim, Aaron Lennonit, i cili ende nuk është rikuperuar, ndërsa Michael Owen, ende nuk ka siguruar vend në 11-shën e Newcastlet.

[RaPSouL]

Eriksson: Schmeichel mbetet portieri i parë

Menaxheri i Manchester Cityt, Sven Goran Eriksson, ka pohuar se, Kasper Schmeichel, do të mbetet portieri i parë i Cityt, përkundër shërimit nga lëndimi i Andreas Isakssonit.
Pasi që është lënduar Isaksson, i biri i portierit të dikurshëm të Manchester Unitedit, Peter Schmeichel ka shfrytëzuar rastin dhe është futur si portier i parë i Cityt.

Eriksson i ka rekomanduar Schmeichelin edhe përzgjedhësit të U-21-shit anglez, Joe Hart. Mirëpo, Isaksson është përmirësuar nga lëndimi dhe ditëve të ardhshme do të jetë kërcënim i madh për portierin danez.

“Isaksson është duke trajnuar, por ende nuk është tërësisht i përgatitur. Në të do të mund të llogaris vetëm pasi të pushojë nga obligimet e ardhshme të kombëtares. Megjithatë, nëse Kasperi vazhdon të mbrojë siç ka bërë deri tani, nuk shoh ndonjë arsye pse duhet ta ndërrojë", ka thënë Eriksson dhe ka shtuar se për këtë ende nuk ka biseduar me danezin e ri, sepse nuk dëshiron ta ngarkojë më tepër.

"Kasperi ka mbrojtur deri sot në mënyrë të përsosur. Konkurrentët duhet të dëshmojnë që janë më të mirë nëse donë të qëndrojnë në portë. Mirëpo, sezoni është i gjatë dhe shumë gjëra mund të ndodhin", ka përfunduar suedezi Eriksson.

[RaPSouL]

Roberto Mancini shumë afër largimit nga Inter

Kampioni i dyfishtë i Italisë, Roberto Mancini, është duke i kaluar ditët e vështira në ekipin e Interit, ndërsa e ardhmja e tij në këtë klub, është e pasigurt, ka bërë të ditur ControCampo.
Trajneri Manicini, sipas raporteve të mediave italiane, i ka prishur marrëdhëniet me presidentin e Interit, Massimo Moratti.

Madje, sipas mediave italiane, Moratti po këmbëngul në ndërrimin e Mancinit, ndërsa fjalosja e tyre thuhet të këtë filluar kur Moratti ia ka bërë të ditur trajnerit se, nuk dëshiron t’i shes lojtarët Adriano dhe Alvaro Recoba, por t’i japë ata si huazim, deri në sezonin e ardhshëm.

[km92]

Venger me dy fytyra: E nisëm mirë, por vendi i katërt më i vështirë se kurrë

29 Gusht Arsen Venger këmbënguli se Arsenali i tij e ka realizuar objektivin e parë të sezonit të ri: një fillim më i mbarë se sa sezonin e shkuar. Me shtatë pikë nga tri ndeshjet e para, Arsenali e ka arritur synimin e parë që i kishte vënë francezi, i cili tha: “Në këtë periudhë sezonin e kaluar kishim vetëm dy pikë dhe ishim nën presion psikologjik. Një skuadër si Mançester Junaitedi është aq e madhe që ta përballojë këtë dhe të kthehet në rrugën e duhur. Por ne ishim një skuadër shumë e re dhe ishte pak si shumë për ne. Prandaj ishte e rëndësishme që këtë sezon ta nisnim mirë dhe kështu bëmë”. Por nga ana tejtër, Vengeri thotë që Arsenali do ta ketë më të vështirë se kurrë për t’u kualifikuar për në Champions League. Arsenali vtëm një herë nuk ka arritur të kualifikohet në kompeticionin më të madh të kontinentit dhe kjo ka ndodhur në sezonin e parë të Vengerit, atë 1996?97. Por vërshimi i pronarëve të rinj të klubeve dhe milionave të tyre për të blerë lojtarë, ka bërë që tekniku i Arsenalit të mendojë që nuk ekziston më “katërshja më e mirë”. Francezi shtoi: “Mendoj se tani janë tetë apo nëntë klube që mund të luftojnë për vendet në Champions League. Gara është mjaft e hapur dhe mendoj se do të bëhet e tillë gjithnjë e më shumë, sepse ka shumë investues të rinj, që shtohen nga viti në vit. Uest Hami është ambicioz. Aston Vila është ambicioze. Evertoni është një skuadër e mirë. Njukasëlli po ashtu. Kështu që janë tetë apo nëntë. Do të jetë më e vështirë se kurrë për ta mbyllur kampionatin në katër më të mirat”.

[RaPSouL]

Alvaro Recoba largohet, Adriano mbetet

Edhe pse ka pasur oferta pothuajse nga dhjetë klube, duket se, Adriano megjithatë nuk do të largohet nga ekipi italian, Inter, por ai që do të largohet do të jetë uruguaiani, Alvaro Recoba.
Duket se, gjatë tërë kohës, në Inter ka sunduar politika, “nuk do të lejojmë të largohen të dy lojtarët”, ndërsa duke marrë parasysh mënyrën se si, gati është mbyllur tregimi për Alvaro Recoban në Torino, kjo do të nënkuptonte që Interi, do të refuzojë të gjitha ofertat për Adrianon dhe kështu do të mbajë brazilianin në ekip.

"Alvaro është lojtar i shkëlqyer dhe mezi pres t’i urojmë mirëseardhjen. Jemi të dobët në repartin sulmues dhe ai do të mund të ishte zgjidhje e shkëlqyeshme", ka thënë pronari i Torinos, Ëalter Novellino.

Edhe pse kohëve të fundit shumë është folur për Adrianon e pakënaqur, i cili edhe ka luajtur shumë pak, duket se ai do të mbetet në San Siro. Mbetet pikëpyetja se a do të mbetet opsioni i pestë në sulm, pas Ibrahimovicit, Suazos, Crespo dhe Julio Cruzeit.

[RaPSouL]

Shuster: Ky është vetëm fillimi!

29 Gusht Tekniku i Realit të Madridit, Bernd Shuster, ka folur mbi situatën e krijuar në skuadrën e tij, sidomos pas ndeshjes derbi përballë Atletikos së Madridit. “Tani e shoh skuadrën më të formuar. E dimë që shumë gjëra varen nga rezultatet dhe në fazën përgatitore kemi patur disa vështirësi. Tani gjithçka po ndryshon dhe jemi shumë të kënaqur. Kam shumë besim te skuadra, edhe pse jemi të vetëdijshëm se duhet të përmirësohemi akoma”. Tekniku gjerman veçoi gjendjen e mirë të skuadrës, sidomos pas fitores në derbi. “Jemi në rrugën e duhur, por ende nuk kemi arritur atje ku dëshirojmë. Në disa momente duhet më shumë rezultati se sa loja e bukur. Skuadra kishte nevojë për një fitore të tillë sepse kemi punuar shumë gjatë fazës përgatitore. E prisnim një rezultat pozitiv, i cili na jep shpresë dhe siguri për të ardhmen. Edhe pse idea është që të luajmë mirë dhe të fitojmë, do të vijë momenti kur do të na duhen vetëm tri pikët. Unë dua që skuadra të përmirësohet, të shoh përpara dhe lojtarët të japin maksimumin në çdo ndeshje. Ky është vetëm fillimi, të shohim se çfarë do të ndodhë në ndeshjet e ardhshme”. Për sa i përket debutimit të Robenit dhe Hainzes, tekniku gjerman tha: “Në trofeun “Santiago Bernabeu”, që do të luhet sot, Hainze do të luajë disa minuta, ndërsa Roben nuk është ende i gatshëm për të luajtur. Mendoj se është ende herët për të, por shpresoj se debutimi i tij do të vijë shumë shpejt”. Në fund, tekniku Bernd Shuster foli edhe për Barcelonën dhe barazimin e saj në Santander në javën e parë të kampionatit. “Janë një skuadër shumë e fortë dhe ne e dimë që do ta kemi shumë të vështirë këtë sezon. Sigurisht që barazimi nuk është rezultat i mirë, por mendoj se ishte vetëm ndeshja e parë dhe ka ende shumë punë për të bëë. Barcelona është një klub i madh dhe mendoj se do të jetë një kundërshtarë i fortë për t’u mundur. Megjithatë, ne duhet të ecim javë pas jave, të japim maksimumin në çdo ndeshje dhe shpresojmë që të gabojmë sa më pak. Sezoni është shumë i gjatë, do të ketë sfida interesante dhe të gjitha skuadrat do të kërkojnë të arrijnë objektivat e tyre”.