Arkivi i gazetës elektronike sportive: "FUTBOLLI"

[RaPSouL]

Marko Xhianpaolo: Dua Bogdanin tek Kaljari

Trajneri i Kaljarit, Marko Xhianpaolo ka biseduar me presidentin e klubit Çelino, të cilit i ka kërkuar me ngulm që të bëjë çdo përpjekje për të afruar në skuadër Erjon Bogdanin. “Bogdani është një lojtar që na intereson shumë dhe mendoj se do të na ndihmojë së tepërmi në repartin e sulmit. Kam biseduar me presidentin dhe kemi rënë dakord që tratativat të vazhdojnë, ndonëse përveç shqiptarit, ne jemi të interesuar edhe për 2-3 lojtarë të tjerë”, ka theksuar Xhianpaolo në një prononcim për mediat italiane.

[RaPSouL]

Zinedin Zidan refuzon 235 mijë dollarë për një ndeshje

Ish-futbollisti i kombëtares së Francës, Zinedin Zidan ka refuzuar ofertën në vlerë prej 235.000 dollarë për t’u paraqitur në ndeshjen Sidnej-Los Anxhelos Galaksi, ku tashmë luan Dejvid Bekam. Fituesi i trefishtë i çmimit të FIFA-së, si futbollisti më i mirë, i cili u pensionua pasi me Francën ia doli të luajë deri në finalen e “Botërorit 2006”, u ka bërë të ditur organizatorëve të këtij takimi se është i zënë me xhirimet e një filmi dokumentar. Organizatorët e kësaj miqësoreje, e cila zhvillohet më 27 nëntor në Sidnej kanë bërë të ditur se deri tani kanë shitur më shumë se 70.000 bileta.

[RaPSouL]

Kaka: "Inter është favorit për skudeto”

Ylli i Milanit, Kaka, ka folur për “Gazzetta dello Sport” rreth sezonit të ardhshëm, duke deklaruar se Inter është favorit për të mbrojtur skudeton dhe ka saktësuar klubet angleze si kërcënuese të Milanit në garat Evropiane.

Pasi ka deklaruar se, qëllimi i Milanit është t’i “fitojë të gjitha”, Kaka ka thënë: “Por, sigurisht, në radhë të parë është Inter. Në kokë e kam Interin. Humbja në Super Kupën e Italisë kundër Romës nuk ndryshon asgjë. Ky ekip është ende kampion dhe i fortë”.

Sidoqoftë, ai ka thënë se Milan do të jetë ekipi që do t’u bëjë sfidën më të madhe kampionëve, më “pastaj Roma e Juventus”, duke dhënë kështu top katër ekipet e tij.

Kaka ka folur edhe për transferin e Emersonit nga Real Madrid, “Emerson ia vlen. Me ardhjen e tij në skuadër, do të jemi komplet”.

Këto deklarata ai i dha nga kampi brazilian i trajnimit në Montellier, Francë, ku është i grumbulluar me kombëtaren e tij për tu përgatitur për ndeshjen Brazil – Algjeria (sot në 18.30).

[RaPSouL]

Lyon kërkon dyshen e United, Silvestre dhe Heinze

Mbrojtësit e ekipit anglez, Manchester United, Mikael Silvestre dhe Gabriel Heinze, edhe më tej mbeten dëshira të kampionit francez, Lyon.


Ekipi francez ka nevojë për një mbulim të zbrazëtisë së lënë nga Cris, qendërmbrojtësi brazilian, i cili do të mbetet për gjashtë muaj jashtë fushe për shkak të lëndimit në gju. Trajneri i Lyonit, Alain Perrin, ka konfirmuar se Silvestre dhe Heinze janë në listën e të dëshiruarve të klubit.

Rreth mbrojtësit anësor të majtë, Silvestre, Perrin ka thënë: “Agjenti i tij na ka bërë një thirrje të qartë. Mikael ka avantazhet e tij, të qenit majtak i shkathët. Duhet të shohim kushtet për të cilat ai do të vinte”.

Rreth Heinze, Perrin ka shtuar: “Ne presim një përgjigje për Gabriel Heinze. Ai vërtet i takon profilit të lojtarit që ne po kërkojmë”.

[no name]

Ronaldo: Dënimi, i padrejtë!

22 Gusht Mesfushori i Mançester Junaitedit, Kristiano Ronaldo e ka quajtur dënimin e tij prej tre ndeshjesh pas daljes me kartonin e kuq në barazimin 1?1 të skuadrës së tij në Portsmuth, si “të padrejtë”. Ronaldo mori kartonin e kuq pas një godtjeje me kokë ndaj lojtarit të Portsmuthit, Riçard Hjuxhs, por portugezi pretendon se ishte provokuar qëllimisht. “Jam shumë i zhgënjyer, sepse të dënohesh tre ndeshje nuk është e drejtë. Unë dua t’i rezistoj provokimeve, por vetëm deri në një farë kufiri”, tha Ronaldo për “Daily Mirror”. “Ky kufi u kalua në Portsmuth. Ishte fare absurde”. Dënimi i Ronaldos për shkak të incidentit në ndeshjen e 15 gushtit e mbajti atë jashtë humbjes 1?0 së të shtunës në derbin me Mançester Sitin. Por ai do të mungojë edhe në ndeshjet në “Old Trafford” me Totenhamin dhe Sandërlendin, teksa Junaitedi do të tentojë të rikuperojë pas fillimit më të dobët në Premiership që prej 15 vjetësh. Trajneri Sër Aleks Ferguson nuk ka qenë shumë i këndshëm me portugezin, duke thënë se ai e ka fajin vetë për rënien në grackën e provokimeve. Dhe mungesa e Ronaldos nuk mund të kishte ardhur në një çast më të keq për Djajtë e Kuq, pasi Uejn Runi do të mungojë deri në tetor për shkak të frakturës së këmbës së majtë, ndërsa Luis Saha dhe Ole Gunar Solskjaer nuk kanë rikuperuar ende dëmtimet e tyre të vjetra.



Sportekspres

[no name]

Fergi: Martins, fundi i problemeve

22 Gusht Aleks Fergusonin e ka zënë paniku dhe për të dalë nga situata ka kërkuar një sulmues. Emri i ri shokues në radarin e tij është ylli i Njukasëllit, Obafemi Martins. Fergi ka kryer sondazhe për Martinsin, teksa tenton të kalojë krizën e fillimit të sezonit, ku skuadra e tij nuk ka arritur të shënojë më shumë se tre gola në tre ndeshjet e para. Fergusoni ka pasur zëra se kërkon edhe sulmuesin francez të Boltonit, Nikolas Anelka dhe atë të Totenhamit, Dimitar Berbatov, që ishin objektiva të Djajve të Kuq në fund të sezonit të kaluar. Por problemi është se Fergi ka shpenzuar shumë në verë ndaj nuk mund të paguajë 25 milion stërlina për Berbatovin. Por Martins ka një klauzolë largimi prej 13 milionë stërlinash dhe trajneri i Qymyrxhinjve, Sem Alardajs pranoi se nuk mund ta mbajë nigerianin nëse ndonjë klub paguan këtë shumë. Martins tha fundjavën e kaluar se është gati të nënshkruajë një kontratë 6?vjeçare, duke e hequr më pas këtë klauzolë nga marrëveshja e re. Por kalim në “Old Trafford” mund ta joshë atë. Dhe pikërisht rekordi i Martinsit para portës është ajo që i duhet Fergit. Oba?oba shënoi 17 gola sezonin e kaluar dhe 2 të tilla vetëm në tre takimet e para të atij aktual.



Sportekspres

[no name]

Sevilja: Tani, radhën e ka Milani!

22 Gusht Çudia mban emrin Sevilja. Dy Kupa UEFA, një Superkupë Europe, një Kupë Mbreti dhe një Superkupë Spanje janë trofetë e fituar nga skuadra e drejtuar nga Huande Ramos. Në 15 muaj, skuadra e Seviljes ka luajtur në pesë finale dhe i ka fituar të gjitha. Ka shfaqur një futbollin e saj më të mirë dhe ka shënuar 16 gola. Kjo skuadër është një legjendë. Presidenti i skuadrës, Hoze Maria del Nido, kishte paralajmëruar se pas fitimit për të dytin vit radhazi të Kup?_EFA, Sevilja do të fitonte edhe tituj të tjerë. Fjala është mbajtur pasi skuadra spanjolle ka arritur të fitojë Kupën e Mbretit kundër Getafes dhe Superkupën e Spanjës kundër Realit të Madridit. Presidenti i Seviljes e ka forcuar skuadrën e tij shumë mirë dhe ka ditur të menaxhojë çdo situatë në këtë klub. Ka ditur të blejë dhe shesë shumë mirë. Shitja e Serxho Ramosit, Hoze Antonio Rejesit dhe Hulio Baptistës ka derdhur në arkat e Seviljes plot 80 milionë euro. “Këtu askush nuk është i pashitshëm”, është shprehur Del Nido duke lënë të kuptohet se te Sevilja të gjithë janë të barabartë. Drejtuesit e Seviljes kanë arritur të marrim pa asnjë euro yje si Alvesh, Adriano, Marti, Navarro, Poulsen, Kanute, Keita, Mareska, Dragutinoviç, Puerta, Navas, të cilët tani kërkohen nga skuadrat më të forta të Europës. Sevilja ka arritur të fitojë pesë tituj brenda 15 muajve dhe objektivi i radhës është Superkupa e Europës kundër Milanit. Skuadra andaluziane fitoi Kupën UEFA sezonin e kaluar duke mundur në finale Espanjolin, ndërsa Milani fitoi Champions League duke mundur në finale Liverpulin. Të dyja këto skuadra do të përballen më 31 gusht në Monako, por duket se kjo Sevilje do të jetë një skuadër e vështirë për t’u mposhtur nga kuqezinjtë e Karlo Ançelotit.



Sportekspres

[no name]

Dunga: Dinjo, trego aftësitë!

22 Gusht “Jeta nuk është që të jetosh të kaluarën, por të tashmen. Të dy janë lojtarë shumë të mirë, por këtu asnjë nuk do të rregullojë asgjë”, tha Dunga në konferencën për shtyp. Marrëdhëniet midis trajnerit të kombëtares braziliane dhe yllit të Barcelonës vazhdojnë të mos jenë të mira. Kriza midis tyre ka filluar atëherë kur Dunga i dha Kakasë fanellën me numër “10”, duke ia hequr këtë Ronaldinjos. “Kush ka qenë me mua dhe ka luajtur gjithmonë ia ka dalë mbanë”, tha Dunga duke lënë të kuptohet se Ronaldinjo dhe Kaka duhet të luftojnë për të fituar një vend si titullar te Brazili. Pavarësisht këtyre deklaratave, Dunga la të kuptohet se ylli i Barcelonës mund të luajë sot si titullar: “Ronaldinjo, Kaka, Diego, Hulio Baptista, janë shumë. Kam 22 lojtarë dhe katër prej tyre luajnë në të njëjtin pozicion. Do të shoh se si do të jetë gjendja e tyre dhe më pas do të vendosë. Gjithmonë më duhet të mendojë për skuadrën sepse kam shumë lojtarë dhe duhet të jem i saktë në zgjedhjet e mia. Megjithatë, lojtarët që dëshirojnë të luajnë, duhet ta tregojnë veten e tyre në fushën e lojës dhe gjatë seancave stërvitore”. Për sa i përket Elano Blume, lojtarit të CSKA?së të Moskës, i cili ka zëvendësuar Ronaldinjon në Kupën e Amerikës, Dunga tha: “Eshtë një lojtar shumë cilësorë dhe në ndeshjet e Kupës së Amerikës ka treguar se është shumë i nevojshëm dhe i rëndësishëm për skuadrën. Nuk e kam vendosur akoma se kush do të luajë, por kam disa ide të miat dhe mendoj t’i zbatoj”. I pyetur për mbrojtësin e djathtë, Daniel Alvesh, tekniku i Brazilit tha: “Eshtë një lojtar shumë i mirë dhe që për Brazilin ka dhënë shumë. Jam shumë i kënaqur me të. Sot kundër Algjerisë mendoj sa aktivizoj si titullar. Vjen pas një suksesi me skuadrën e Seviljes dhe jam i bindur se do të bëjë më të mirën e tij”.



Sportekspres

[no name]

Reali, një dështim i vërtetë!

22 Gusht Reali i Madridit i Bernd Shusterit është kthyer në një skuadër qesharake. Vetëm tre ditë përpara fillimit të kampionatit, këmbanat kanë filluar të dëgjohen në “Santiago Bernabeu”. Te kjo skuadër nuk funksionon më asgjë. Reali, i cili përpara pak muajsh u shpall kampione e Spanjës, tashmë është një dështim i vërtetë. Shumë mendonin se me largimin e Fabio Kapelos dhe ardhjen e Bernd Shusterit në Madrid, tashmë spektakli në “Santiago Bernabeu” do të ishte i garantuar. Por për momentin asgjë. Thuhet se nëse sezonin fillon keq, atëherë keq do të përfundojë. Në kampin madrilen të gjithë kanë të drejtë të shqetësohen. Faza përgatitore e Realit ka qenë zhgënjyese dhe nga tetë ndeshjet e luajtura, madrilenët humbën pesë. Ndërsa në dy ndeshje zyrtare, Reali i ka humbur të dyja dhe pikërisht kundër Seviljes në Superkupën e Spanjës. Për çfarë luan ky Real? Për momentin nuk ka asnjë përgjigje. Eshtë një skuadër shthurur dhe që nuk e ka të qartë misionin e tij. Tekniku Shuster ka bërë të ditur se të gjithë duhet të kenë durim, por deri tani eksperimentet e tij kanë dështuar. Nëse skuadra madrilene nuk përmirësohet në të gjitha linjat, atëherë ky Real nuk do të jetë favorite për asnjë kompeticion. Imazhi i ofruar të dielën e kaluar përbalë Seviljes (3?5) ishte me të vërtetë shumë zhgënjyes. Ky Real nuk është një skuadër, nuk ka sistem, nuk ka asgjë. Mbrojtja e kësaj skuadre është tërësisht jashtë loje. Në formacionin bazë, Shuster aktivizoi si mbrojtës qendre Kanavaron dhe Pepen. Asnjëri nga të dy nuk janë në lartësinë e duhur. Mbrojtësi italian nuk ka arritur ende të ngrihet në nivelin e tij më të mirë, ndërsa Pepe duket se nuk është i duhuri për Realin, pasi kundër Seviljes shkaktoi një penallti dhe u përjashtua nga loja me karton të kuq. Edhe krahët e mbrojtjes nuk janë ashtu siç priteshin. Shuster aktivizoi Migel Torresin si mbrojtës të majtë dhe Serxho Ramosin në krahun e djathtë. Të dy zhgënjyen, sepse edhe golat e Seviljes erdhën nga aksione të ndërtuara nga krahët e tyre. Loja e kësaj skuadre është për të ardhur keq. Në ndeshjen miqësore kundër Betisit, madrilenët luajtën gjithçka por vetëm futboll jo. Ndërsa kundër Kadizit, skuadër që militon në kategorinë e dytë, Reali ishte pak më ndryshe. Kundër Seviljes, atëherë kur të gjithë prisnin trofeun e parë për këtë sezon, erdhi zhgënjimi i radhës. Edhe pas dy blerjeve të bëra, Snaijder dhe Drente, përsëri skuadra e Shusterit nuk ka funksionuar. Ish?lojtari i Fejënordit shënoi një gol spektakolar nga 30 metra duke lënë të habitur portierin e Seviljes, Palop. Megjithatë edhe ky gol fantastik nuk vlejti aspak, pasi Reali pësoi një humbje të thellë përpara tifozëve të tij. Një tjetër zhgënjim i kësaj skuadre është edhe braziliani Robinjo. Ky i fundit nuk arriti të b?_ asgjë kundër skuadrës andaluziane, pasi u përballë me një Daniel Alvesh në formë shumë të mirë. Bernd Shuster vazhdon të aktivizojë si titullar kapitenin Raul Gonzalez, i cili ende nuk po rigjen formën e tij. Spanjolli nuk ka arritur të gjejë gjuhën e duhur me shokun e tij të skuadrës, Rud van Nistelroin. Sulmuesi holandez vjen pas një dëmtimi të rëndë dhe akoma nuk është rikuperuar plotësisht. Një tjetër lojtar që duhet marrë parasysh është Havier Saviola. Sulmuesi argjentinas i ardhur nga Barcelona, nuk ka arritur ende të përshtatet me skuadrën e re, edhe pse të gjithë shpresojnë shumë tek ai. Saviola nuk është një lojtar i aftë për të udhëhequr një skuadër dhe për ta nxjerrë atë nga “balta”. Shuster mund të jetë trajner i mirë, por deri tani nuk ka treguar asgjë nën drejtimin e Realit të Madridit. Kjo skuadër është një dështim i vërtetë dhe asgjë më shumë. Të gjithë presin shumë, por premtimet e presidentit Ramon Kalderon, duket se do të mbeten vetëm të tilla.



Sportekspres

[no name]

Nedved: Tifozë, do të kënaqeni!

22 Gusht “Duhet të na japin më shumë kohë, sepse është e nxituar që të mendojmë që tani për titull. Por, jam i bindur se do të zbavitemi në fushë”



Pavel Nedved ka një “armë” më shumë se të tjerët, të paktën se shumica e futbollistëve, të cilët mundohen të fshihen pas një buzëqeshjeje të ngrirë apo jo reale. Mesfushori çek është i sinqertë dhe realist. Vetëm tre ditë nga debutimi në kampionat, ndaj skuadrës së Livornos (të shtunën në mbrëmje), flet në konferencën për shtyp me tonin e veteranit. Përvoja dhe vështirësitë e kaluar, edhe në momentet kur dukej sikur bota i kishte rënë mbi kokë, e kanëforcuar shumë. Dhe, “Arushi flokverdhë” flet për kundërshtarin e parë në Serinë A, toskanët livornezë: “Kemi Livornon, nuk do të jetë e lehtë, një shëtitje, ashtu si mendojnë disa. Nuk mund të them se nëse arrijmë që të fitojmë ndeshjet e para do të luftojmë për titull, por një gjë është e sigurtë, ne do të provojmë dhe për këtë nuk ka asnjë pikë dyshimi. Nuk duhet të kemi një ide fikse në mendje, atë për të synuar titullin, por duhet që të luajmë takim pas takimi dhe në fund do të bëjmë një bilanc, duke mbledhur të korrat. Por kujdes, ka shumë ekipe të tjera që janë edhe më lart se ne”, tha Paveli, duke u ndalur më pas te të rinjtë bardhezi: “Të ardhurit e rinj duhet të ambjentohen njëherë, por është normale, ndaj le t’i japim sa më shumë kohë. Kur erdha unë për të parën herë në Itali, te Lacio, kisha shumë pengesa dhe të ambjentohesha ishte sikur të ngjisje një mal të lartë. Ndaj, t’i lëmë që të përgatiten të qetë. Nuk duhet të mësohen me presione”. Ndërsa, pyetjes se sa do të duhet për të parë një Juventus në maksimum të formës, Paveli iu përgjigj: “Do të isha i lumtur nëse diçka e tillë do të ndodhte për një muaj, ndoshta dy, por nuk është kaq e lehtë. Ndryshimi i modulit, nga 4?3?3 në 4?4?2? Më vjen keq që ndryshuam, sepse me tre sulmues ishte diçka më argëtuese.



“Zonja” e Kapelos, mëë e fortë

Kush është Juventusi më i fortë? Asnjë dyshim për mesfushorin bardhezi: “Ajo e Kapelos, dy vjet më parë, më e bukura tek e cila kam luajtur ndonjëherë. Sa vlen ajo aktuale, nuk mund ta them, sepse është ende në ndërtim i sipër, s’mund të jap një përgjigje. Në këtë moment duhet të mendojmë pozitivisht, sepse rezultatet do të vijnë. Në këtë sezon dua që të kënaqem shumë, duke zhvilluar ndeshje të bukura në derbi ndaj Torinos dhe kundër Milanit dhe Interit, të gjitha këto ndeshje që në sezonin e shkuar na kanë munguar. Do të jenë përballje të vështira, por jam i bindur se do të kënaqemi”.



Ranieri si Eriksoni

Në fund, Nedved flet për Ranierin: “Kam dëgjuar shumë gjëra të thuhen kundër Ranierit, por mendoj se ai i ngjan shumë Eriksonit. Janë të ngjashëm si karaktere dhe të ftohtë. Por, për sa i përket lojës, Klaudio është i prirur për sulmin, ndërsa Sveni kujdeset për repartin e mbrojtjes”.



Sportekspres