Arkivi i gazetës elektronike sportive: "FUTBOLLI"

[no name]

Stankoviç: Superkupa, e jona!

Inter?Roma 4?3. Vitin e shkuar gjithçka përfundoi në këtë mënyrë, me Romën në avantazh me rezultatin 3?0 dhe Interi i aftë që të përmbysë gjithçka. Një vit më pas, pikërisht tani, kampionët e Italisë dhe fituesit e Kupës takohen sërish bashkë, sërish në “valle” Superkupa. Dejan Stankoviç nuk i beson shumë Romës dhe i trembet forcës së verdhekuqve, sidomos në daljen nga zona. Shija e hidhur në dy finalet e Kupës së Italisë ka bërë që serbi të mos nënvlerësojë skuadrën e Spaletit: “Nuk e di se kush do të jetë rezultati i të dielës, por shpresoj që të ngrej Kupën”, tha ai për mikrofonat e “Studio Sport”, duke nënvizuar se Interi nuk duhet të bëjë gabimet e sezonit të shkuar: “Kemi përvojën e duhur të sezonit të shkuar që na ndihmon shumë, kur në pjesën e parë u futëm në fushë me mendjen se do të kishte qënë gjithçka e lehtë dhe pësuam tre gola. Por, më pas arritëm që të përmbysnim rezultatin”. Ndërkohë, te Superkupa, Interi dhe Roma mbërrijnë nga një fazë përgatitore me shumë luhatje, ashtu si është parë edhe në takimet miqësore. “Të dy skuadrat kanë bërë një grumbullim me shumë miqësore dhe rezultate jo të mira, por në një ndeshje të vështirë dhe të rëndësishme jep 150% ndaj gjithçka është më e bukur”, siguroi Stankoviç. Për Romën, respekt maksimal: “Pres një Romë si ajo e vitit të shkuar. Ata janë shumë të rrezikshëm në kundërsulm”.

[RaPSouL]

Shuster: Kam besim te skuadra!

19 Gusht Trajneri i Realit të Madridit, Bernd Shuster, u shpreh i bindur se skuadra e tij do të arrijë të përmbysë humbjen 1?0 përballë Seviljes në ndeshjen e parë të Superkupës së Spanjës. “Me gjithë respektin që kam për kundërshtarët tanë, besoj se skuadra do ta përmbysë rezultatin e ndeshjes së parë. Kemi punuar shumë gjatë javës dhe kam vënë re se lojtarët kanë shumë besim se mund t’ia dalin mbanë. Do të luajmë në “Santiago Bernabeu” përballë tifozerisë tonë. E dimë që do të na mbështesin dhe shpresoj që të mos i zhgënjejmë. Sevilja është një skuadër e fortë, këtë e tregoi edhe në ndeshjen e parë, megjithatë unë kam shumë besim te lojtarët e mi”. I pyetur për rëndësinë e Superkupës së Spanjës dhe se ky trofe mund të jetë i pari për Shusterin si trajner i Realit të Madridit, gjermani tha: “Eshtë një trofe shumë interesant dhe i rëndësishëm. Për mua është diçka shumë speciale sepse si trajner nuk kam arritur të fitoj akoma asnjë titull. Shpresoj që një gjë e tillë të ndodhë sot. Gjithashtu edhe për lojtarët kjo do të jetë një ndeshje shumë e rëndësishme. Do të jetë ndeshja e parë që do të luajmë në fushën tonë për këtë sezon dhe shpresojmë që ta nisim me një titull të fituar”. Për sa i përket grumbullimit të Daniel Alveshit për ndeshjen e sotme, tekniku i Realit tha: “Alvesh është një lojtar shumë i mirë dhe mund të na rrezikojë shumë. Eshtë një futbollist që mund ta ndihmojë shumë Seviljen, edhe pse një skuadër nuk mund të udhëhiqet nga një lojtar i vetëm”. Për sa i përket skuadrës së Seviljes, Shuster tha: “Eshtë një ekip i fortë dhe shumë i vështirë për t’u mundur. Kanë arritur të triumfojnë dy sezone radhazi në Kupën UEFA dhe kjo tregon forcën e tyre. Ata do të përpiqen të na vënë në vështirësi, por edhe ne kemi praktikuar disa gjëra në stërvitjen e fundit dhe jemi të bindur se mund të triumfojmë”.

[RaPSouL]

Hitcfeld: U çliruam pasi doli Klose

19 Gusht Fitorja e Bajernit në javën e parë të sezonit, kundër Hansa Rostokut nuk u komentua gjatë, pasi kundërsharët e ish?kampiones gjermane nuk shiheshin në një nivel me të. Për këtë arsye e gjithë vëmendja iu kushtua takimit të ditës së djeshme, në Bremen, i cili përfundoi dukshëm në favor të Bajernit. Për skuadrën e trajnerit Hitcfeld, fitorja ishte shumë e rëndësishme, por kurrsesi e lehtë. “Në pjesën e parë, loja ishte shumë e fortë sepse asnjëra nga skuadrat nuk toleronte”, tha Hitcfeled duke kujtuar momentet e fillimit të ndeshjes. Sipas tij, situata nuk ndryshoi as pas penalltisë së Riberisë, e cila e kaloi Bajernin të parën në avantazh. “Vetëm pas daljes së parakohshme të Kloses bëmë disa ndryshime në sulm, të cilat patën shumë sukses. Falë këtyre ndryshimeve Riberi po i përshtatej më mirë lojës, po kështu edhe lojtarët e tjerë, derisa erdhi goli i Tonit. Por nuk duhet të harrojmë se Verder Bremen po luante me shumë mungesa të rëndësishme. Në situata të tilla, është shumë e nevojshme të kesh pak fat, gjë që atyre iu mungoi në çdo sekondë të lojës”, tha Hitcfeld pas fitores së djeshme në Bremen.

[RaPSouL]

Kahn: E dija që Miros nuk do t’i shpëtonte nga frika

19 Gusht Për aq kohë sa Miroslav Klose nuk u gjuajt me ndonjë send të fortë në kokë, për Oliver Kahnin nuk ka asnjë arsye për t’u shqetësuar. E gjithë buja e madhe për rikthimin e sulmuesit në Bremen e bën kapitenin bavarez vetëm të buzëqeshë. “Normale që do të ketë fishkëllima! O Zot i madh, ç’të keqe ka?”, tha Kahni. Kapiteni i Bajernit nuk priste në Bremen të përsëritej skena e vitit 2002 në Barcelonë kur Luis Figo u rikthye në ish?stadiumin e tij me skuadrën e Realit të Madridit. Atëhere të gjithë tifozët e gjuajtën portugezin me çakmakë e monedha, por edhe me një kokë derri. “Atëhere po që plasi vërtet!”, tha Kahni duke qeshur. Ndërsa zënkat e vogla që ndodhin në Gjermani, të krahasuara me ato që ndodhin në vend të tjera, nuk kanë vlerë. “Për mua ka qenë gjithmonë një ndihmë e madhe kur luaja me Bajernin e Mynihut kundër ish?skuadrës time, Karlsruhe. Këto ndeshje për mua ishin më të thjehstat, pasi ishte mënyra më e mirë për të qënë i motivuar për të dhënë vetëm maksimumin”, shtoi më tej “Titani”. Entuziazmi që ekziston në duele të tilla, sipas Kahnit, është shumë i rëndësishëm dhe garanton thuajse gjithnjë një lojë të mirë. “Natyrisht që do të kishte pak “piper” në Bremen. Mes nesh rivaliteti ka qenë shumë i fortë prej shumë vitesh, kështu që rikthimi i Kloses ishte një arsye më shumë për të hasur vështrime armiqësore”, shtoi më tej kapiteni Kahn. “Miro nuk është më 19 vjeç, por një futbollist me eksperiencë ndërkombëtare. E dija që atij nuk do t’i shpëtonte nga frika”, tha Kahni. Sa për rëndësinë e fitores në Bremen ai u shpreh tepër i kënaqur, edhe pse Klose nuk shkëlqye si në javën e parë. “U paraqitëm shumë mirë. Më vjen keq që Miro nuk qëndroi deri në fund. Nuk shfaqëm asnjë problem as në mbrojtje e as në sulm. Dua të tregohem i sinqertë: ndonjëherë është kënaqësi të shohësh Riberinë në fushë. Unë e kisha thënë që më parë se do të fitonim në Bremen, por tani që e arritëm atë, ndihem edhe vetë më i lehtësuar. Fitorja ndaj tyre ishte një shenjë shumë e rëndësishme për këtë fillim sezoni”, përfundoi kapiteni bavarez i kënaqur me paraqitjen në Bremen.

[RaPSouL]

Materaci: Zizu, më pëlqen motra jote k...!

19 Gusht “Preferoj më mirë motrën tënde k...”. Këto janë gjashtë fjalët që Marko Materaci, kolona e mbrojtes së Interit dhe i Kombëtares së Italisë iu drejtua mbrëmjen e 9 korrikut 2006 Zinedin Zidanit, gjatë finales së Botërorit, Itali?Francë: kapiteni i “Gjelave” reagoi ashpër, duke e goditur me kokë në bark shtatëlartin “axurr”, duke marrë kështu kartonin e kuq dhe duke e mbyllur karrierën në mënyrën më të shëmtuar. Ndër të tjera, një vit më parë për “La Gazzetta dello Sport”, Materaci hodhi poshtë zërat që flisnin për një fyerje të rëndë për mamanë e Zizusë, por tha se kishte folur keq vetëm për motrën e tij, pa zbuluar fjalinë e shëmtuar. Tashmë, në prag të ndeshjes ndaj Francës, në shtator, në një intervistë të dhënë për revistën “Tv Sorrisi e Canzoni”, flet për detajet e fundit, duke rrëfyer kështu edhe sharjen që shumë kishin interpretuar nga lëvizja e buzëve. Revista në fjalë ka publikuar frazën nën akuzë, pavarësisht se kjo përfaqëson një ulje për kampionin e botës, për të zgjidhur kështu një mister tek i cili kishte shumë spekullime jo vetëm gazetareske, por edhe politike, me dyshime raciste në fjalët e “axurrit”. Në këtë mënyrë, lexuesit mund të gjykojnë nëse kishte të drejtë apo jo Materaci apo Zidani me reagimin e tij të dhunshëm. Zbulimi përmbahet në një shërbim në të cilin tre kampionë të mëdhenj, Marko Materaci, Rino Gatuzo dhe Aleks del Piero prezantojnë kampionatin e futbolllit italian, 2007. Marko Materaci premton se do të sillet mirë në fushë: “Jam munduar që të reflektoj, duke mos përsëritur shumë gabime të së shkuarës”.

[RaPSouL]

Berluskoni: Sa më zbavit Milani!

19 Gusht i kishin uruar “pushime të mbara” në ditën e grumbullimit të Milanit, kur nga helikopteri i tij zbriti nga qielli për të “bekuar” skuadrën e tij, të renë, dhe duke i premtuar tifozëve një fushatë të denjë në merkato, për fuqizim. Vetëm gati një muaj distancë, Silvio Berluskoni kthehet të përshëndesë lojtarët kuqezi, duke e lënë për një mbrëmje festën e “çmendur” në Vila Çertoza. Trofeu “Luixhi Berluskoni”, në nder të babait të tij është një takim që nuk mund të humbet kurrë, edhe pse formacioni nuk është ai titullar dhe publiku nuk i ngjan atij të sfidave të rëndësishme, të jetës. Berluskoni, në 23 korrik kishte premtuar dy blerje të mëdha dhe ishte bërë pjesë e lojës së hapur nga Adriano Galiani, për “Mister X”?in. Vetëm 13 ditë para mbylljes së merkatos, “Mister X” nuk ka ardhur ende, ëhtë blerë Pato, që do të nisë të luajë vetëm në janar dhe Emersoni është ende te Real Madridi. Berluskoni është njeriu i surprizave të mëdha dhe nuk ka asgjë për të treguar. Dhe i kthen përgjigje edhe atyre pak tifozëve të pakënaqur, që kërkojnë më shumë blerje: “Mesa duket, tifozët janë mësuar shumë keq, pas 20 vitesh triumfe nuk i mjafton edhe Parajsa”. Gjithashtu, deklaron se nuk do të ketë “qershia mbi tortë”, por nuk i trembet askujt: “Frikë kemi vetëm nga Zoti”. Dhe, në lidhje për Emersonin dhe tratativën ende të “ngrirë”, deklaron: “Nuk ndjej që të them se gjithçka ka marrë fund sepse nuk është kështu, por një gjë është e sigurtë: ose vjen “Puma”, ose asnjë tjetër”, tha presidenti kuqezi. Berluskoni jep përshtypjen se është si në “gjemba”, pa u ndjerë. Dhe në fakt, i drejtohet dhomave të zhveshjes për të përshëndetur Ançelotin, Inzagin dhe milanistët e tjerë. Më pas, përpara se të dorëzojë trofeun “Berluskoni”, i afrohet Del Pieros, të cilin e përgëzon. Në tribunën e nderit shkon të takojë kolegun Koboli Xhilji, të cilit i bën përgëzime për Juventusin: “Pashë një Juventus tepër solid, që lë për të shpresuar. Edhe pse është rinovuar skuadra, ata mbeten të mëdhenj”. Aleanca me “Triadën” është harruar tashmë dhe i përket të shkuarës. Koboli dhe Berluskoni bëjnë shaka dhe presidenti i “Djallit” pranon shakatë për atë që ishin dikur aleatët e tij të vetëm. Merkato është tema e tij e preferuar: “Eshtë e vështirë që të gjesh lojtarë që mund të fuqizojnë grupin e Milanit. Endrra mbetet Ronaldinjo, por presidenti i Barcelonës, Laporta, më tha se nëse e shet, duhet të largohet nga posti, ndaj mendoj se nuk do të vijë. Por, me Ronaldon dhe Patonë do të shihni një tjetër SuperMilan. Inzagi? Pipo ka vesin e golit. A e keni humbur ndopak gjumin duke menduar për Botërorin e Klubeve? Edhe komunistët në pushtet nuk ma heqin dot gjumin”.

[RaPSouL]

Inzagi: Goli është i dashuruar pas meje!

19 Gusht Pipo Inzagi nuk ndryshon. Eshtë i njëjtë, edhe kur fati nuk i buzëqesh, edhe kur është i dëmtuar, edhe kur vjen nga një sezon jo i mirë, por zhgënjyes, edhe kur e mbulojnë më shumë se tre kundërshtarë, edhe kur skuadra kundërshtare nuk interesohet për të. “Ai jeton për golin”, një fjalë e thënë nga Karlo Ançeloti dhe shokët e skuadrës, duke qënë në dijeni të karakteristikave të Pipos. Dhe, jo më kot e thërrasin SuperPipo, sepse di të kthehet përcaktues në momentet deçizive. Pas mbrëmjes së “çmendur” të Athinës dhe mrekullisë së dy golave, “heroi” i Champions League ka lënë, edhe njëherë, gjurmët e tij. Këtë herë ka qënë Juventusi ai që e ka pësuar, sepse në Trofeun “Luixhi Berluskoni”, sulmuesi kuqezi ka shënuar një “dopietë”, të parën me Milanin në këtë eveniment: “Kisha shënuar edhe përpara dy gola në këtë trofe, por isha në anën e kundërt, me fanellën e Juventusit. Tani jam këtu, i lumtur që jam me Milanin. Goli parë vjen nga fakti që unë qëndroj shumë në shtyllën e parë dhe mundohet që të devijoj një krosim me kokë. Goli i dytë është pak anormal, por ndjeja, në atë rrethanë, se në shtyllën e dytë mund të vinte ndonjë top interesant dhe kështu ndodhi. Eshtë pjesë e parandjenjës time. Në disa momente më pëlqen të mendoj se jam më i ri se 34 vjeç, por koha ecën për të gjithë dhe s’mund ta kthejmë prapa. Detyra ime është të shënoj sa më shumë. Po jetoj një rini të dytë dhe është një çast i mrekullueshëm për mua. Nuk e kam frikë konkurrencën në sulm, por këtu te Milani çdo gjë është në harmoni të plotë”.

[RaPSouL]

Toti: Unë, udhëheqësi i verdhekuqve!

19 Gusht Nëse nga një anë do të mungojë Adriano, “Perandori” zikaltër, nuk do të jetë kështu për Romën, e cila ka gjetur vetëm një ditë para Superkupës, “heroin” e saj, Françesko Totin, që do të zbresë sot në fushë, në “San Siro”, për të udhëhequr ekipin e tij. Toti është stërvitur dje me skuadrën dhe duket mirë, edhe pse mund të shqetësohet nga ndonjë problem i vogël muskulor. Stafi mjekësor ka dhënë “ok”?ein e tij. “Jemi të motivuar më shumë se kurrë, sepse duam që të paraqitemi sa më denjësisht në trofeun e parë të sezonit, që ka një rëndësi të madhe për ne, duke patur parasysh edhe vitin e shkuar, kur humbëm pas një avantazhi 3?0. Duam revanshin dhe nga ai takim kemi marrë një mësim të mirë. Po ashtu, duhet thënë se Interi është fuqizuar shumë, por nëse mobilizohemi, mund të bllokojmë zikaltrit. Shpresoj që të jem në maksimum të formës dhe të udhëheq skuadrën drejt fitores. S’duhet të harrojmë se edhe ne kemi Zhylinë dhe shumë të tjerë. Na janë kthyer De Rosi, Perrota dhe Mansini. Më vjen keq që gazetat na kritikuan pas humbjes së thellë ndaj Juventusit, por bëhej fjalë vetëm për një takim miqësor, ndaj s’mund të them se ishte një ndeshje e rëndësishme. Pastaj, edhe në atë takim, kishim shumë mungesa”, tha kapiteni romanist, duke caktuar më pas objektivat e të ardhmes: “Ky do të jetë një sezon i mbushur me takime të mëdha, ndaj duhet të përgatitemi. Ende nuk jemi në 100%, por do të arrijmë shumë shpejt formën optimale”.

[RaPSouL]

Ibra: Të fusim një trofe në “xhep”!

19 Gusht Zlatan Ibrahimoviç është mësuar me presionet dhe në jetën e tij ka parë shumë të papritura, ka kaluar shumë pengesa dhe është munduar që të ruajë gjithmonë qetësinë, edhe pse ndonjëherë ka humbur gjakftohtësinë. Por,këtë herë, është i bindur për një gjë: Interi i tij mund të fitojë gjithçka, nëse impenjohet. Suedezi, në prag të Superkupës së Italisë, trofeu i parë për zikaltrit në sezonin e ri, premton një paraqitje të shkëlqyer nga kampionët e Italisë, edhe pse nuk është ende në formën optimale për të dhuruar spektakël: “Do të jetë një ndeshje e fortë, duke parë se kundërshtari është i nivelit të lartë. Por, me këtë ekip, mund të fitojmë gjithçka. Natyrisht, Roma është një skuadër e njohur tashmë dhe e konsoliduar, ndaj s’do të ketë probleme të asnjë lloj tip, përveçse fizike, ashtu si do të ndodhë edhe në rastin tonë, pasi nuk kemi arritur formën optimale. Sigurisht, do të mundohemi që të japim maksimumin dhe të kontribojmë, të gjithë, në një triumf të parë. Do të ishte mirë ta nisnim sezonin me një trofe në “xhep”, sepse kjo do të na shtonte edhe më shumë urinë, pasi oreksi vjen duke ngrënë. Adriano në tribunë? Më vjen keq që kishtë një dëmtim, por nuk flas do në emër të të tjerëve. Dyshe me Suazon? Bashkë kemi shënuar shumë, duam që të vazhdojmë kështu”.

[RaPSouL]

Chelsea nxjerr një pikë përmes penaltisë së diskutueshme

Chelsea shënoi gol nga një penalti e diskutueshme, në pjesën e dytë të lojës, për të nxjerrë një pikë si mysafir i Liverpoolit, derisa me po të njëjtin rezultat, 1-1, përfundoi edhe ndeshja Blackburn-Arsenal.



Sulmuesi i ri i Liverpoolit, Fernando Torres, shënoi golin e parë për vendasit vetëm pas 15 minutash lojë, derisa drama vazhdoi edhe në pjesën e dytë kur, Steve Finann, u gjykua për faul ndaj Florent Maloudas, pavarësisht se lojtari i Chelseat nuk kishte bërë përpjekje për të kontrolluar topin. Frank Lampard nuk huqi nga penaltia, duke e çuar topin në anën e kundër nga Pepe Reina (minuta 62).

Ndeshja tjetër e sotme mes Blackburnit dhe Arsenalit, po ashtu përfundoi me barazim, me nga një gol për secilën skuadër. Mysafirët, Arsenali, shënoi i pari (minuta 18) përmes van Persiet, derisa vendasit arritën të barazojnë në minutën 72, me golin e Dunn.

Manchester City kryeson pas tri javëve në Premier Ligë, me të tri ndeshjet të fituara dhe nëntë pikë të grumbulluara, dhe ndiqet nga Chelsea, që pas barazimit të sotëm mbetet me shtatë pikë.