Arkivi i gazetës elektronike sportive: "FUTBOLLI"

[RaPSouL]

Inzaghi mposhtë Zonjën e vjetër, me rezultat 2:0

Dy golat e shënuar nga Filippo Inzaghi i kanë dhuruar fitoren Milanit kundër ekipit të sapo-kthyer në elitën italiane, Juventus, dhe kupën Luigi Berlusconi Trophy, në edicionin e 17 të kësaj gare.



Inzaghi golin e parë e shënoi në fund të pjesës së parë, ndërsa golin e dytë në fillim të pjesës së dytë të ndeshjes.

Edhe pse shumë shpesh i kritikuar për lojë të lodhët, Inzaghi duket se do të mbajë edhe këtë vit, primatin e lojtarit të lojërave vendimtare.

Për lojën që u zhvillua të premten në mbrëmje, Inzaghi madje nuk ishte planifikuar të jetë në 11 e parë, mirëpo lëndimi i Kakas kishte ndikuar që ai të futej detyrimisht në lojë – dhe natyrisht nuk zhgënjeu.

Milan në këtë mënyrë prin si fitues i trofeut Luigi Berlusconi, të cilin e ka fituar 9 herë, kundruall Juventusit që ka fituar atë 8 herë.

[no name]

Lipi: Kasano, më mirë që zgjodhe Sampin!


17 Gusht Antonio Kasano te Sampdoria dhe e gjithë Italia në shpresë, për të parë talentin barez të kthehet në nivelet e mëparshme. Aventura e ish?romanistit në Madrid, te Reali, bëri që Kasano të flakte shumë muaj më kot, mes polemikave, sherreve të ndryshme brenda skuadrës, fyerjeve, poshtërimit nga mediat dhe stolit e tribunës. Por sot, Kasano është kthyer në Itali për t’u kthyer në formën më të mirë fizike dhe për të dhënë më të mirën, ashtu si u shpreh vetë ish?sulmuesi madrilen. Një tjetër njeri që kërkon ta shohë Kasanon të “rilindë”, sigurisht përveç Euxhenio Fashetit, që e zbuloi te “fidanishtja” e Barit, është edhe Marçelo Lipi, ish?trajneri i Kombëtares së Italisë, i cili e përgëzon talentin italian për zgjedhjen e bërë, që u kthye në Itali, te Sampdoria, për të rinisur një aventurë të re. Nga jahti i tij, kampioni i botës flet për barezin, duke i uruar edhe shumë fat në kampionatin italian që do të nisë. “Sampdoria, sigurisht, nuk është treni i fundit për Kasanon”, tha Lipi për “Sky”, “por erdhi momenti që ky djalosh të vendosë të shfrytëzojë më mirë rastin që ka, ndër të tjera, në një klub që më duket mëse i përshtatshëm për të. Do të mund të luajë me më shumë qetësi dhe pa presione, jo ashtu si ndodhte te Roma, por edhe te Reali. Gjithçka është në dorën e tij dhe Antonio duhet të mundohet që të rifitojë besimin e publikut. Fantazia dhe klasi i tij nuk mund të diskutohet, kurresesi. E kam parë Kasanon që në kohën kur luante te Bari dhe e njoh shumë mirë, ndaj jam i bindur se do të kthehet në nivelet më të larta. Nuk do të isha i befasuar nëse do të shënonte më shumë se 10 gola me Sampdorian, në kampionat.

[no name]

Sulmi i Çelsit testohet në “Anfield”

18 Gusht Përkushtimi i ri i Hoze Murinjos ndaj futbollit sulmues do të testohet nesër pasdite, kur Çelsi i tij do të vizitojë Liverpulin në atë që është takimi i parë i sezonit mes dy nga “katërshja e madhe”. Dy skuadrat e njohin shumë më mirë nga ç’duhet njëra?tjetrën, pasi janë ndeshur 15 herë në tre sezonet e fundit. Shumë prej takimeve kanë qenë të luftuara dhe pa shumë raste për shënim, sidomos përballjet e gjata në Champions League, dhe fitorja mbresëlënëse e Çelsit 4?1 në “Anfield” është e vetmja që mund të veçohet. Londinezët, të kritikuar shpesh sezonin e kaluar për lojën jo fort sulmuese, e nisën me fitore sezonin, duke mundur 3?2 Birmingamin në fushën e tyre. Të mërkurën morën një tjetër sukses, 2?1 ndaj Redingut, edhe pse sërish iu desh të përmbysnin disavantazhin fillestar në një ndeshje që kishte plot raste nga të dy palët. Trajneri Hoze Murinjo dëshiron që skuadra e tij të luajë më lirshëm këtë sezon, por me kundërshtarin e tij të ashpër, Rafa Benitez, që do të jetë pak metra më tutje në “Anfield”, me siguri që do të kërkojë të shtrëngojë të tijët dhe do t’i bëjë shumë punë kthimi i kapitenit Xhon Terri. Liverpulit iu desh një gol në sekondat e fundit nga Stiven Xherard për të siguruar fitoren 2?1 në debutimin sezonal ndaj Aston Vilës dhe, pavarësisht se skuadra u duk pak e mefshtë në Tuluzë, arriti të siguronte fitoren 1?0 në kualifikuesen e Champions League. Andrij Voronin ishte ai që bëri ndryshimin në Francë me një supergol nga jashtë zonës dhe trajneri Benitez shpreson që ukrainasi i marrë si lojtarë i lirë, dhe Fernando Torres i blerë për një shifër rekord, të jenë më efektivë se lojtarët e marrë sezonin e kaluar. Pak nga djemtë e rinj të vjetshëm lan shenjë, të paktën në kampionat, pasi të kuqtë u renditën në vend të tretë me 21 pikë më pak se sa Mançester Junaitedi. Që atëherë, Mark Gonzalez dhe Kreig Belami janë lënë të lirë të largohen. Në ndeshjet e tjera të mëdha të ditës së dielë, patjetër që mund të veçohet derbi i Mançesterit, ku Junaitedi dhe Siti do të kenë ndoshta sfidën më interesante mes tyre, të paktën në vitet e fundit. “Djajtë e Kuq” nuk janë në formë mjaft të mirë dhe vijnë nga dy barazime, ndërsa skuadra e drejtuar nga Seven?Goran Erikson e ka nisur me dy fitore sezonin. Kështu që gjithçka premton për një takim tërheqës aq më tepër nga rivaliteti i vjetër mes dy trajnerëve. Situata te Junaitedi nuk është fort e mirë, aq më tepër kur dihet se do të mungojnë Uejn Runi dhe Kristiano Ronaldo, kështu që mund të bëjnë debutimin e tyre me skuadrën Ouen Hergrivs dhe Anderson, pasi Nani dhe Karlos Tevez kanë zbritur në fushë që më parë. Evertoni, një tjetër skuadër që, ashtu si Siti, dëshiron të ealizojë tri fitore rresht, i bën vizitë Redingut sot, ndërsa tifozët e Totenhamit të shpenzimeve të mëdha, i mundur në dy takimet e para nga Sanderlendi dhe Evertoni, do të shohin takimin e sotëm në shtëpi ndaj Derbi Kauntit, për të parë nëse shpresat e tyre për arritje të mëdha do të shuhen pa nisur mirë sezoni.

[RaPSouL]

Nedved: S’e braktis varkën!

18 Gusht skuadra e rekordeve në Itali, Juventusi, dhe shpirti luftarak bardhezi, Pavel Nedved kanë planifikuar shumë për sezonin që do të nisë. “Unë dua të dallohem sërish me Juven në “ajkën” europiane”. është shprehur mefushori duke iu referuar Champions League. Por, se sa e mundur do të jetë prania e 34?vjeçarit në sezonin e vitit 2008/2009 në Champions League, nëse Juventusi kualifikohet, kjo është një çështje e hapur, sepse kontrata e tij ka vlerë deri në qershor të vitit të ardhshëm. “Në lidhje me këtë unë nuk e vras shumë mendjen. Mendoj vetëm për muajt e ardhshëm dhe për kënaqësinë që duam t’ju falim tifozëve me futbollin tonë”, tha lojtari çek. “Endrra ime ëstë që ta çoj Juventusin sërish në Champions League”, shtoi ai më tej. Nga ana tjetër, janë të mëdha shanset që Nedved ta rinovojë kontratën e tij me skuadrën në rast se kjo e fundit arrin rezultate të larta në fund të kampionatit. “Këtu ndodhem që prej gjashtë vitesh dhe thuajse çdo vit kam thënë: së shpejti do të largohem. Por aty nga fundi i çdo sezoni, unë e kam rinovuar çdo herë me nga një vit kontratën. Të shohim se si do të vendos në fund të këtij sezoni”, u shpreh më tej lojtari i përfaqësueses çeke duke e lënë të hapur të ardhmen e tij. Besnikëria e tij ndaj Juvetusit e ndihmoi mesfushorin për ti dhënë përgjigje negative të gjitha ofertave të rëndësishme të kësaj vere, sidomos asaj të Interit, që ishte edhe më e rëndësishmja. Gjatë verës, Pavel Nedved nisi që të mendojë që ndoshta mund të ishte viti i tij i fundit bardhezi. Mesfushori i “Zonjës së Vjetër” kthehet të flasë për prapaskenat: “Kam pasur shumë oferta të ndryshme dhe i kam vlerësuar me agjentin dhe klubin. Nuk e arritëm menjëherë marrëveshjen, por një ditë më pas gjithçka u zgjidh. Ishte Alesio Seko ai që më bindi. Si do të isha me fanellën e Interit? Ngjyra bardhezi më shumë më shumë dhe jam i lumtur në Torino. Do të jem gjithnjë në gatishmëri për Juventusin dhe do të qëndroj këtu. E thashë njëherë, kam patur shumë oferta, por i kam refuzuar”, tha ai. Pavel Nedved dëshiron të rikthejë edhe një herë momentet e së suksesshme të së kaluarës në Serinë A. Si skuadrër e sapongjitur në elitë Juventusi ka në formacion futbollistë të mëdhenj si, Bufon, Salihamixhiç, Del Piero, Trezege, Kamoranezi dhe Nedved. Me këta yje, skuadra jo vetëm që pretendon të kualifikohet në Champions League, por do të matet edhe me rivale të forta për titullin, si Milan e Inter. Për Nedved kjo është një sfidë e madhe: “Ne jemi gati dhe do të japim maksimumin tonë”.

[RaPSouL]

Emerson dhe Cicinho jashtë ndeshjes së Super Kupës

Mesfushori, Emerson, dhe mbrojtësi i djathtë, Cicinho, janë harruar nga skuadra e Realit për ndeshjen e dytë, kthyese, të Super Kupës së Spanjës kundër Sevillas, pas spekulimeve për largim të tyre.

Emerson ka shprehur pakënaqësinë e tij në mediat italiane, rreth kolapsit të kalimit të tij në Milan, derisa edhe braziliani Cicinho, është lidhur me kalim të mundshëm tek Sevilla ose Roma.

“Në Madrid nuk jam i kënaqur, ju duket e pabesueshme dhe fyese kur lojtari i Real Madridit flet se dëshiron të largohet. Ndoshta dikush e ka të vështirë ta kuptojë, njerëzit mund të mendojnë se jam i çmendur. Por, nëse Real dëshiron të më mbajë unë do t’i plotësojë detyrat e mia, nuk jam fëmijë”, ka thënë Emerson për Gezetta dello Sport.

Ndeshja kthyese e Super Kupës së Spanjës, mes fituesit të La Liga (Real Madrid) dhe fituesit të Copa del Rey (Sevilla) do të zhvillohet nesër (e diel) në Bernabeu, derisa ndeshja e parë, e luajtur vikendin e kaluar, përfundoi me rezultat 1-0 në të mirë të Sevillas.

[RaPSouL]

Pato: “ Ronaldo është fenomeni, Une duhet të mësoj “


Ne te perditshmen italiane " La Gazzetta dello Sport " shkruhet.Blerja e fundit e Milanit Aleksandro Pato i quajtur “ Fenomeni “ shprehet: - Nuk jam nje yll dhe as nje fenomen – Fenomeni i vertete eshte Ronaldo dhe une dua te mesoj nga ai, do ti kerkoj shume keshilla.Kur shkova ne Milanelo per te bere testet dhe vizitat mjeksore, Ronaldo erdhi tek mua, ishte prane meje dhe me tha qe te mbeshtetesha tek ai ne qoftese do te kem nevoje per ndonje gje.Kam enderruar gjithmone te luaj perkrah tij, dhe tani jam shume i lumtur qe mund ta bej kete gje.

[RaPSouL]

Rekord i ri botëror – gol për 9 sekonda

Sulmuesit të ri brazilian, Fabinho, i janë dashur vetëm nëntë sekonda që të shënonte gol dhe ta thyente rekordin e vendosur nga turku, Hakan Sukur, në Kampionatin Botëror të futbollit, në vitin 2002.

Në Kampionatin Botëror të futbollit U-17, që ka filluar të shtunën në Korenë Jugore, Fabinho e shënoi këtë gol super të shpejtë, në ndeshjen që ka zhvilluar kombëtarja e tij kundër Zelandës së Re.

Sulmuesi brazilian e ka thyer kështu rekordin e vendosur nga Sukur, i cili në vitin 2002 në ndeshjen për vendin e tretë në Kampionatin Botëror, kishte shënuar gol kundër Koresë Jugore, për vetëm 11 sekonda.
Pos Fabinho, në këtë ndeshje kanë shënuar edhe gjashtë futbollistë të tjerë të Brazilit, për fitoren e thellë prej 7 me 0.

[no name]

Drogba: Sa mirë që jemi shkëputur!

Didier Drogba ka premtuar se Çelsi i tij do të zhfrytëzojë në maksimum rrëshqitjen e shpejtë të Mançester Junaitedit në kampionat. “Këpuca e Artë” e sezonit të kaluar realizoi golin e parë për këtë sezon në fitoren e rëndësishme në fushën e Redingut, teksa Hoze Murinjo tregoi se është një trajner që guxon ku e kërkon nevoja. Drogba ishte pjesë e katër lojtarëve sulmues që shndërruan ndeshjen pasi Murinjo bëri një ndryshim befasues për të gjithë të pranishmit në “Madejski Stadium” në pjesën e dytë. Dhe ndërsa Drogba dhe shokët e tij përgatiten për sfidën e fortë me Liverpulin, mbreti afrikan i golit tha: “Kemi katër pikë avantazh ndaj Junaitedit që tani dhe askush nuk mund të thotë që nuk e duam këtë hendek, edhe pse është kaq shpejt. Ne duam të jemi kampionë dhe çdo pikë është e rëndësishme”. Drogba pranoi se Çelsi është detyruar të djersijë shumë për fitoren ndaj skuadrës së Stiv Kopellit, që po tregon sërish formën e mirë të sezonit të vjetshëm. “Eshtë shumë e vështirë që të luash në Angli. Nëse të shkon ndonjëherë në mendje që i ke mundur të gjithë dhe je më i miri, atëherë e ke punën pisk”, shtoi Drogba. “Në pjesën e parë nuk u treguam aq agresëivë sa duhej, ndërsa në të dytën e bëmë këtë, dhe morëm shpërblimin e merituar”. Ndërsa Murinjo, i cili do të ketë kapitenin Xhon Terri për takimin e nesërm tha: “A do të jemi shumë agresivë në “Anfield”? Këtë do të dijë edhe Liverpuli”.

[no name]

Ronaldinjo: Do të bëjmë mrekullira!

Tashmë një gjë është e qartë, Ronaldinjo është kthyer përsëri. Lojtari më i mirë në botë, është stërvitur në muajin e fundit më shumë nga të gjithë, ka zhvilluar nga dy seanca stërvitore në ditë, ka luajtur në të gjitha ndeshjet miqësore dhe ka vrapuar më shumë nga të gjithë. Pas përfundimit të fazës përgatitore dhe ndeshjeve miqësore, braziliani ka analizuar situatën e Barcelonës dhe përgatitjet e saj për sezonin e ri. Fraza e parë që del nga goja e Ronaldinjos, është se kjo skuadër beson në mundësitë e saj. Pavarësisht nga dështimi i Barcelonës sezonin e kaluar, ylli brazilian beson se skuadra e këtij sezoni është një skuadër triumfuese. “Këtë sezon skuadra është forcuar shumë. Jemi ende duke punuar për të arritur në nivelin tonë më të mirë. Duke u stërvitur dhe punuar me përkushtim, mund të jemi një skuadër triumfuese”, tha Ronaldinjo në një intervistë për mediat spanjolle. Ronaldinjo mendon se Barcelona e ka përmirësuar grupin e saj, por gjithashtu tha se po punon për të qenë në formën e duhur në fillim të sezonit. “Jam duke punuar shumë mirë për të qenë në fomën time më të mirë dhe për të ndihmuar Barcelonën në fitimin e titujve”. I pyetur për objektivat e sezonit, Ronaldinjo tha: “Kjo Barcelonë do të jetë shumë e fortë këtë sezon. Kemi shumë besim se do t’ia dalim mbanë. Objektivat? Duam të fitojmë të gjithë titujt e mundshëm. Sezonin e kaluar kemi zhgënjyer, por shpresojmë që ta këtë vit të bëjmë mrekullira”. Për sa i përket blerjeve të bëra nga Barcelona këtë merkato, braziliani tha: “Nuk besoja se do të vinin lojtarë kaq të mirë në skuadër. Ndihem shumë i lumtur dhe jam i bindur se do të zhvillojmë një sezon fantastik. Henri? Eshtë një lojtar i madh, me shumë eksperiencë dhe shpresoj që të na ndihmojë në fitimin e titujve”. Ylli brazilian tha se shpreson të ndihet në formën e tij më të mirë kur të fillojë sezoni. “Për momentin ndihem shumë mirë. Faza përgatitore është periudha më e vështirë për një futbollist. Si gjithë shokët e skuadrës, edhe unë jam duke u përmirësuar pak nga pak dhe besoj se jemi në rrugën e duhur”. I pyetur nëse “4 Fantastikët” mund të luajnë së bashku, Ronaldinjo tha: “Mendoj se nuk ka asnjë problem nëse luajmë të katërt së bashku. Për mua do të ishte diçka shumë pozitive, por gjithçka varet nga vendimet që do të marrë trajneri. E rëndësishme për mua është që skuadra të fitojë, të tjerat vijnë vetë”.

[no name]

Deko i “shkel syrin” Interit

Duket sikur merkato e Interit nuk ka të sosur dhe sa herë që mendohet se është mbyllur, mjafton një thirrje “SOS”, një nevojë, një problem dhe një deklaratë e Masimo Moratit për të rihapur gjithçka dhe për të vënë zikaltrit në qendër të diskutimeve. Këtë herë, gjërat ndryshojnë sepse është Deko ai që i ofrohet kampionëve të Italisë dhe Moratit, i cili e ka pëlqyer gjithmonë mesfushorin e Barcelonës. Presidenti zikaltër e sheh si alternativën perfekte për të zëvendësuar kështu Luis Figon, që do të luajë sezonin e fundit në Itali, përpara se të “emigrojë” në Arabi ose në Amerikë. Në këtë mënyrë, duke parë problemet dhe raportet jo të mira me Barcelonën, i shtyrë dhe nga fjalët e shokëve të skuadrës (Iniesta tha këto ditë: “Deko, prano stolin!”) nuk ka humbur kohë, por ka nisur të mendojë seriozisht për mundësinë për t’u larguar. Pasi publikoi zyrtarisht se “nëse nuk gjej vend në skuadër, atëherë do të kërkoj një tjetër klub, sepse nuk mund të qëndroj në pankinë duke humbur kohën më kot. Dua të dallohem ende”, përmes agjentit të tij, Horge Mendes, ka nisur të masë terrenin për një transferim të mundshëm në Itali dhe në Milano, më saktësisht. Klubi zikaltër ka dhënë gadishmërinë për të thelluar edhe më shumë diskutimin, por është logjike që tratativa të nis dhe të arrihet vetëm kur portugezi të dalë zyrtarisht të thotë se do të largohet nga Barcelona, pas prishjes përfundimtare të kontratës me skuadrën e Rajkardit. Anderson Luiz de Souza, i thirru Deko do të mbushë 30 vjeç 27 shtatorin e ardhshëm. Portugez, e ka nisur karrierën e tij te Alversa. Një vit te Salgueiros dhe në vitin 1999 kaloi te Porto, skuadër me të cilën ka luajtur për 6 sezone, duke arritur edhe Champions League në vitin 2004. Tre vitet e fundit ka luajtur me Bracelonën. Deri tani nuk është hapur asnjë pistë e mundshme. Duhet pritur për të parë nëse Rajkard do të hedhë në fushë, apo jo, “4 fantastikët”, Eto’onë, Ronaldinjon, Henrinë dhe Mesin, sepse nëse do të ishte kështu, atëherë pikërisht portugezi do të dilte në plan të dytë, duke qëndruar në hije. Pavarësisht se Barcelona, në 15 gusht, arriti që të fitonte ndaj Bajern Mynihut, falë një goli të Mesit, fjalët e Dekos nuk kaluan pa u vënë re dhe presidenti Laporta replikoi: “Janë thjesht zëra, sepse vendi i Dekos është te Barcelona”. Interi ndërkohë qëndron në pritje, me mendjen te mesfushori i Barçës, që do të zgjidhte shumë probleme të Mançinit, duke parë se trajneri zikaltër me mungesat e shumta në repartin e mesit, Kambiaso dhe Vieira, sezonin e shkuar, nuk luajtën shumë për shkak të dëmtimeve, ka shumë nevojë për të.