Arkivi i gazetës elektronike sportive: "FUTBOLLI"

[RaPSouL]

Van Basten thërret Sedorf, Van Persin dhe Van Nistelroin
Në aksion sërish “garda e vjetër”. Të paktën kur flasim për Rud Van Nistelroin dhe Klarenc Sedorf kemi të bëjmë me dy rikthime të bujshme në kombëtaren e Holandës. Marko van Basten ka lënë mënjanë mëritë dhe ka thirrur skuadrën më të mirë për miqësoren ndaj Zvicrës më 22 gusht. Kjo ndeshje do të jetë edhe testi kryesor i “portokallinjve” për ndeshjet e shtatorit ndaj Bullgarisë dhe Shqipërisë. Ja futbollistët e grumbulluar:
Portierë: Edvin van der Sar (Manchester United), Marten Stekelenburg (Ajax Amsterdam)
Mbrojtës: Khalid Boulahrouz (Sevilla), Vilfred Bouma (Aston Villa), Urby Emanuelson (Ajax Amsterdam), John Heitinga (Ajax Amsterdam), Kju Jaliens (AZ Alkmaar), Joris Mathijsen (Hamburg), Mario Melchiot (Uigan Athletic)
Mesfushorë: Ibrahim Afellay (PSV Eindhoven), Giovanni van Bronckhorst (Feyenord), Clarence Sedorf (AC Milan), Uesley Sneijder (Real Madrid), Demy de Zeu (AZ Alkmaar)
Sulmues: Rafael van der Vaart (Hamburg), Ryan Babel (Liverpool), Dirk Kuyt (Liverpool), Rud van Nistelrooy (Real Madrid), Robin van Persie (Arsenal),
Jan Venegor of
Heselink (Celtic)

[RaPSouL]

Cicinho: Kalimi te Sevilla do të ishte perfekt
Cicinho ka zbuluar se do të dëshironte një kalim tek Sevilla - nëse Real Madrid arrin marrëveshje me klubin rival - një marrëveshje e cila do t’i përshtatej secilës palë.
Pjesëtari i kombëtares së Brazilit, është cituar duke thënë se do të lëshonte Bernabeun vetëm për t’iu bashkuar Romës, por tash ka hapur dyert edhe për një kalim te Sevilla.

Më herët gjatë kësaj jave disa raportime bënin të ditur se Sevilla e ka ofruar Daniel Alvesin në shkëmbim me një shumë parash plus Cicinhon, dhe kjo tash do të mund të lëvizë më tej.

“Nëse Real Madrid dhe Sevilla arrijnë një marrëveshje dhe unë do të jem i kënaqur me të, atëherë kjo do të ishte perfekt”, ka sqaruar braziliani. “Për momentin unë jam lojtar i Real Madridit dhe pres që drejtuesit e klubit dhe agjenti im të vendosin për mua – megjithatë unë jam mirë, pasi që kam edhe dy vite të mbetura me kontratën e tanishme”.
“Nëse Real dëshiron që unë të largohem dhe oferta është e mirë për të gjitha palët, atëherë nuk do të ketë problem. Nëse jo atëherë do jem sërish i qetë pasi që do të vazhdojë me Madridin”.

Cicinho po ashtu ka thënë se do të ishte shumë i interesuar për një kalim tek Roma, pavarësisht faktit se gruaja e tij ka shprehur shqetësimin për tu transferuar në kryeqytetin italian.
“Nuk do të gënjej”, ka vazhduar ai. “Është e vërtetë se kam pranuar disa oferta dhe Roma është klubi të cilin e pëlqej. Ata më kanë ftuar dhe kjo është shumë tërheqëse për mua, po aq sa edhe Sevilla”.

[RaPSouL]

Juan Román Riquelme: Më blini, jam në shitje

Lojtari i Villarrealit, Juan Roman Riquelme, ka kaluar gjysmësezonin e kaluar si huazim në Boca Juniors, e tash është kthyer në “nëndetësen e verdhë”, në të cilën duhet të mbes edhe dy vjet.
Përfaqësuesi i kombëtares së Argjentinës thotë se me qejf do ta ndërronte mjedisin. “Jam lojtar i Villarrealit deri në vitin 2009. Mirëpo për herë të parë do të them publikisht se - jam në shitje”, ka thënë aloja ofanzive dhe ka shtuar: “Nëse vjen ndonjë ofertë e mirë e cila plotëson dëshirat e klubin dhe të miat, atëherë do të largohem”.

Mirëpo, tani për tani nuk ka asnjë blerës potencial. “E vetmja ofertë e cila ka arritur tek unë është ajo nga Atletico Madrid, por gjatë kohës së Copa Americas, e atëherë e vetmja gjë që kam menduar ka qenë kombëtarja. Më nuk ka pasur oferta të drejtpërdrejta, por vetëm biseda jozyrtare me disa klube”, ka thënë Riquelme.
Edhe nëse nuk gjen blerës, Riquelme nuk do ta ketë edhe aq të keq qëndrimin e tij në Villarreal. “Gjithmonë kam thënë se do të doja të ndihmojë klubin të bëhet i madh. Mendoj që problemet të cilat i kemi pasur duhet t’i lëmë prapa dhe të fillojmë prej fillimit”, ka deklaruar argjentinasi 29-vjeçar.

[RaPSouL]

Nuk ka probleme mes Fergusonit dhe Erikssonit

Sven Goran Eriksson është në pritje të dëshmojë zgjuarsinë tij përballë, Sir Alex Fergusonit, gjatë derbit të së dielës, që do të zhvillohet në mes dy klubeve nga Manchesteri.


Gjatë kohës sa ishte trajner i Anglisë, Eriksson ka pasur një sërë mosmarrëveshjesh me Fergusonin, rreth asaj se si duhet t’i përdorë lojtarët e United në ndeshjet miqësore. Por, Eriksson mezi pret të kalojë më tej dhe ta shijojë drejtimin e Cityt kundër rivalit të vështirë, gjatë këtij vikendit.

“Nuk ka probleme mes meje dhe Alexit”, ka thënë suedezi për gazetën The Sun. “Ne mund të kishim pasur opinione të ndryshme rreth United dhe ekipit kombëtar, veçanërisht rreth ndeshjeve miqësore, por ne, po ashtu, kemi pasur edhe mjaft darka së bashku, andaj nuk ka asnjë personale këtu.”

“Një gjë është e sigurt. Nuk do t’i kem në dispozicion lojtarët e Alexit, ashtu siç i kam pasur më herët”.

Cristiano Ronaldo është përjashtuar nga ndeshja me Cityn, ndërsa Wayne Rooney është i lënduar, por Eriksson nuk është tepër i kënaqur pse mungon ky tandem. Ai edhe më tej parashikon një ndeshje të vështirë kundër ekipit të Manchester United i cili është katër pikë pas Cityt, pas dy ndeshjeve të sezonit.

“Është për keqardhje, pasi që adhuruesit dëshirojnë t’i shohin lojtarët më të mirë në fushë”, ka thënë ai për Rooneyn dhe Ronaldon. “Sidoqoftë, United ka ende mjaft lojtarë të tjerë

[RaPSouL]

Puyol shpreson në rikthim të shpejtë

Carles Puyol po lufton të rikthehet në fushë sa më shpejt që është e mundur, madje edhe më shpejt se që pritej. Ai shpreson të jetë i gatshëm të luajë sërish para fundit të këtij muaji.



Kapiteni i Barcelonës pati një operacion në ligamentet e gjurit të majtë, gjatë qershorit, dhe i është thënë se ai mund të jetë jashtë fushë për së paku tre muaj.

“Ai nuk ka pengesa në palestër”, ka thënë stafi mjekësor i Barças. “Ai është si makinë. Sigurisht se do të kthehet në formën më të mirë së shpejti”.

Puyol pësoi lëndim në ndeshjen finale të sezonit të kaluar, por luajti në miqësoren e ekipit në Afrikën Jugore, pa treguar ndonjë shenjë të shqetësimit.

Vetëm pas kthimit në Barcelona është zbuluar se ai ka të dëmtuar ligamentin anësor në gjurin e tij dhe se duhet të operohet. Tash, 29-vjeçari është i etur të kthehet në fushën e trajnimeve dhe pret dritën e gjelbër nga mjeku i skuadrës, Ramon Cugat.

“Ai do të mund të kishte vrapuar disa ditë më herët, por duhej ta ndalonim për shkak të sigurisë së gjurit të tij”, ka konfirmuar Cugat. “Ai nuk ka pushuar së punuari tërë verën. Ne gjithmonë duhet t’i themi atij të pushojë”.

[RaPSouL]

Maxi Lopez zëvendëson Barcelonën me Moskën

Lojtari argjentinas, Maxi Lopez, është zhvendosur nga Spanja në Rusi. Barcelona ka vendosur t’ia shes sulmuesin 23-vjeçar Moskës, që ka derdhur në arkën e ekipit katalunas, dy milionë euro.

Gjatë sezonit të kaluar Lopez ka luajtur si lojtar i huazuar për Mallorcan, për të shënuar tre gola në 29 ndeshje. Në Barcelonën, që udhëhiqet nga Frank Rijkaard, për të nuk ka vend - edhe pse kontratën e ka pasur deri në vitin 2009.
Në Kataloni ai kishte arritur në janar të vitit 2005, kur klubi nga Camp Nou ia kishte paguar 6.2 milionë euro dëmshpërblim klubit argjentinas River Plate.

[RaPSouL]

Ferguson: City mund të bëhet ekip i fuqishëm

Para ndeshjes derbi të së dielës, mes klubeve të Manchesterit, bosi i United, Alex Ferguson, ka thënë se City mund të krahasohet me Chelsean dhe mund të bëhet fuqi e madhe në Premier Ligë.

Me ardhjen e menaxherit të ri Sven-Goran Eriksson dhe me investimin rreth 60 milionë euro, në tetë lojtarë të ri, nga pronari po ashtu i ri, Thaksin Shinawatra, Manchester City ka sjellë një frymë të re emocionuese dhe shpresëdhënëse.

“Në aspektin afatgjatë, siç ka dëshmuar Chelsea, nëse ke mjaft para dhe blen lojtarët e duhur, mund t’ia dalësh”, ka thënë menaxheri i Manchester United, Alex Ferguson. “Ndoshta kjo është vetëm fillimi. Me sa duket ky njeri ka shumë para, andaj kush e di çfarë mund të ndodhë në të ardhmen. Ai mund të sjellë ndonjë yll të madh ndërkombëtar, të profilit të lartë”.

Manchester City në ndeshjen e nesërme do të jetë pa Cristiano Ronaldon, i cili është përjashtuar për tri ndeshje pas katronit të kuq që ka marrë gjatë lojës kundër Portsmouthit, derisa Gary Neville, Wayne Rooney, Louis Saha, Anderson dhe Owen Hargreaves, janë të gjithë jashtë, për shkak të lëndimeve.

Bosi i United shpreson se Carlos Tevez dhe Paul Scholes do të kenë ndikim në ndeshjen si mysafirë në Eastlands, derisa ata janë në kërkim të fitores së parë pas dy barazimeve.

[RaPSouL]

Torres: Titulli i Premier Ligës prioritet i Liverpoolit

Liverpool ka luftuar në finalet e fundit të Ligës së Kampionëve, por për klubin, i cili dominoi në futbollin Anglez në vitet 1970-ta dhe 1980-ta, prioritet i këtij sezoni është të sigurojnë titulli i Ligës.



Sulmuesi i ri Fernando Torres thotë se klubi do të koncentrohet në fitoren e titullit në Premier Ligë, të cilin për herë të fundit e fitoi në vitin 1990. Torres pritet të bëjë debutimin në Anfield, në ndeshjen kundër Chelseat, që zhvillohet të dielën.

Fitorja, ose humbja e pamenduar, mund të përcaktojë tonin e gjithë fushatës së Liverpoolit në Premier Ligë. Torres konfirmon se menaxheri, Rafa Benitez, dhe lojtarët e tij janë të gjithë të fokusuar në arritjen e suksesit në ligën vendore.

“Është e habitshme, unë erdha duke menduar për Ligën e Kampionëve, por në ekip çdokush mendon për Premier Ligën”, ka thënë Torres për “The Sun”. “Kjo pasi që shumica e tyre fituan në Stamboll por nuk kanë fituar titull. Sigurisht, as unë. Klubi ka kaluar 17 vite pa e fituar dhe çdokush beson se këtë vit mund ta fitojmë”.

Torres, që erdhi nga Atletico Madrid, për rreth 30 milion euro, rreth ndeshjes me Chelsean shton: “Ndeshja kundër Chelseat në Anfield është loja për të cilën kam qenë më së shumti i emocionuar të luaj që kur kam nënshkruar për Liverpool. Duket si një ndeshje e Ligës së Kampionëve”.

[RaPSouL]

Nedvedi me përvojë, këtë verë refuzoi edhe Interin

Aloja e ekipit të Juventusit, Pavel Nedved, ka bërë të ditur se gjatë këtij afati kalimtar, ka refuzuar një varg ofertash, përfshirë edhe atë të ardhur nga ekipi i famshëm italian Inter



“Është e vërtetë, kam pasur disa oferta, e njëra ka qenë edhe prej Interit të Milanos. Mirëpo, jam i lumtur në Juventus dhe dëshiroj t’i ndihmoj shumë që edhe këtë sezon të kthehet në Ligën e Kampionëve”, ka thënë lojtari i famshëm çek.

Nedved ka pranuar edhe që me përfundimin e sezonit të kaluar kishte menduar seriozisht t’i jepte fund karrierës, mirëpo ka theksuar që në fund kishte gjetur motivim të duhur që të vazhdojë të luajë.

[RaPSouL]

Crespo i gatshëm të luftojë për vend startues

Golashënuesi argjentinas, Hernan Crespo, nuk ka humbur shpresat për të siguruar një vend në 11-shën startuese, me gjithë konkurrencën e egër që do ta ketë në Inter gjatë sezonit të ri.



Sulmuesi 32-vjeçar do të luftojë kundër bashkëlojtarëve si Ibrahimovic, Adriano, Cruz dhe kundër të posa-ardhurit këtë verë, Suazo, për të qenë favorit i trajnerit Mancini. Por ai është i sigurt se, kjo është gjë e zakonshme kur je anëtar i një prej klubeve më ambicioze në botë.

“Nuk kam frikë nga fakti se në ekip ka shumë sulmues të mirë që konkurrojnë me mua për vend në ekip, kjo është normale në një klub që dëshiron të mbetet në maje të futbollit botëror”.

Crespo ka komentuar të arriturat e Interit gjatë sezonit të kaluar, gjatë të cilit ata fituan skudeton, ndërsa pranon se këtë vit do ta kenë më vështirë.

“Ne fituam duke thyer çdo rekord, askush nuk e ka menaxhuar Interin me aq shkathtësi, por ne mund ta bëjmë të njëjtën gjë me më pak pikë edhe këtë herë”.