Arkivi i gazetës elektronike sportive: "FUTBOLLI"

[RaPSouL]

Lacio, Benfika e Valencia, provat e para në Champions

Lacio, Valencia, Benfika dhe Rejnxhers do të matin sot për herë të parë gjatë këtij sezonin forcën e tyre në Kupën e Kampioneve. Italianët e Delio Rosit do të presin në “Olimpiko” kampionen e Rumanisë, Dinamon e Bukureshtit, skuadër e lehtë në teori por që konsiderohet si një nga ekipet që mund të bëjë surprizën në këtë tur eliminator.
Për Lacion në stolin e rezervave parashikohet të ulet edhe Igli Tare në pamundësi tashmë prej kohësh që të ketë një shans si titullar tek kjo skuadër. Ndërsa Valencia do të presë Elfsborgun, ekipin kampion të Suedisë. Për skuadrën e Kike Flores parashikohet të mos ketë problem për kalimin e turit. Benfika, ndërkohë do të përballet me Kobenhavn, skuadër ndaj së cilës luajti edhe sezonin e kaluar në fazën në grupe. Sipas specialistëve, ky është edhe çifti më i fortë i turit të tretë para-eliminator të Kupës së Kampioneve. Ndërsa Gllazgou Rejnxhers do të përballet në mbrëmjen e sotme me Kampionen e Serbisë, Crvena Zvezdën. Livepuli, finalist në sezonin e kaluar, do të ketë përballë nesër francezët e Tuluz. Sfida të ndezura parashikohen edhe ato ndërmjet turqve të Fenerbahçes dhe belgëve të Anderleht, si dhe Spartës së Pragës dhe Arsenalit të Londrës.

UEFA Champions League

Turi i tretë
Ndeshjet e para: 14/15 gusht
Ndeshjet e kthimit: 28/29 gusht

Sonte
Valencia (SPA)-IF Elfsborg (SUE)
Rejnxhers (SKO)-Crvena Zvezda (SRB)
Lazio (ITA)-Dinamo Bukuresht (RUM)
Benfika (POR)-FC Kobenhavn (DAN)
Nesër
BATE Borisov (BJE)-Steaua Bukuresht (RUM)
Tampere Und (FIN)-Rosenborg (NOR)
Spartak Moskë (RUS)-Sëlltik (SKO)
Verder Bremen (GJER)-Dinamo Zagreb (KRO)
Salzburg (AUS)-Shakhtar Donetsk (UKR)
AFC Ajaks (HOLL)-Slavia Praha (ÇEK)
Sarajevo (BO.H)-Dinamo Kiev (UKR)
Fenerbahçe (TUR)-Anderleht (BEL)
Tuluz (FRA)-Liverpul (ANG)
Sparta Praga (ÇEK)-Arsenal (ANG)
FC Zyrih (ZVI)-Beshiktash (TUR)
Sevilja (SPA)-AEK Athinë (GRE)

[RaPSouL]

Kanoute vazhdon me Sevillan deri më 2010

Sevilla dhe Frederic Kanoute vazhdojnë bashkëpunimin. Në ekipin e Andaluzisë janë të kënaqur me lojërat e sulmuesit nga Mali, andaj kanë vazhduar kontratën e 29-vjeçarit deri më 2010.
Kanoute ka arritur në Sevilla në vitin 2005 nga ekipi anglez Tottenham dhe gjatë dy viteve të fundit ka qenë njëri ndër lojtarët kyç kur ekipi ka fituar dy herë kupat e UEFA-së. Ai kishte shënuar nga një gol në finalet kundër Middlesbrough në vitin 2005 dhe po ashtu një vit më vonë në ndeshjen kundër Espanyolit.

Gjatë sezonit të kaluar Kanoute në kampionin spanjoll ka shënuar 21 herë për ekipin e tij i cili përfundoi në vendin e tretë të kësaj lige pas Realit e Barcelonës.

[no name]

Deko: Do të luftoj për vendin tim

15 Gusht Mesfushori i Barcelonës, Deko, i cili tashmë është bashkuar me skuadrën e tij pasi braktisi turin e Azisë, ka konfimruar se nëse Rajkard do ta lërë jashtë planeve të tij, atëherë ai do të gjejë një tjetër skuadër. Mesfushori portugez bëri të ditur se do të luftojë për gjithçka dhe se është i bindur se do t’ia dalë mbanë. “Në jetë nuk më kanë dhuruar asgjë, por të gjitha i kam fituar me punë. Për momentin në mendjen time qndron vetëm Barcelona dhe dua të jap më të mirën time për këtë skuadër. E rëndësishme është që ta fillojmë mbarë sezonin, sepse do të ketë shumë ndeshje dhe të gjithë do të kenë minutat e tyre”. Braziliani i natyralizuar si portugez, është bërë baba për herë të katërt dhe është detyruar të braktisë fazën përgatitore në Azi për të udhëtuar për në Brazil. I pyetur mbi këtë veprim, Deko tha: “Po të mos shkoja në Brazil për të parë djalin tim, atëherë do të më kritikonin si një baba të keq”. I pyetur mbi interesim e Çelsit dhe mbi deklaratat e publikuara në shtypin britanik, portugezi tha: “I thashë Hoze Murinjos se ka qenë një trajner shumë i mirë për mua, ashtu si Skolari apo Rajkard, por nuk kam ndërmend të shkoj te Çelsi. Gjithmonë kam folur me Barcelonën dhe më kanë siguruar se nuk dëshirojnë të më shesin. Rajkard beson tek unë dhe për këtë fakt nuk kam arsye pse të largohem”. Deko, i cili mendon se këtë sezon Barcelona do të jetë akoma më e fortë, u shpreh se trajneri do të kërkojë më shumë nga lojtarët dhe se gjithçka do të jetë më e vështirë se sezonin e kaluar pasi do të ketë shumë ndeshje të cilat do të luhen në një kohë të shkurtër. “Kemi ndërtuar një skuadër shumë të fortë dhe jam i lumtur për këtë. Me blerjet e bëra skuadra është forcuar shumë. Do të ketë shumë konkurencë, shumë ndeshje dhe çdo lojtarë do të jetë i rëndësishëm për skuadrën”. Mesfushori i Barcelonës, i pyetur për “4 Fantastikët”, Leo Mesin, Ronaldinjon, Samuel Eto’onë dhe Tierri Henrinë, u shpreh: “Janë me të vërtetë të mrekullueshëm. Nuk kam parë lojtarë si ata. Mund të bëjnë diferencën në çdo ndeshje. Janë lojtarë të mëdhenj dhe shumë të rëndësishëm për Barcelonën. A mund të luajnë së bashku? Eshtë çështje që i përket vetëm trajnerit”.

[no name]

Roben do të jetë blerja e fundit e Shusterit

15 Gusht Pas blerjes së Drentes dhe Snaijderit, Reali i Madridit është në pritje të mbylljes së kontratës me Arjen Robenin. Gjatë prezantimit të dy lojtarëve holandezë në “Santiago Bernabeu”, presidenti Ramon Kalderon ka premtuar se blerja e radhës do të jeta ajo e mesfushorit të Çelsit: “A do të jetë Roben blerja e radhës? Sigurisht. Roben është lojtari që i mungon Shusterit dhe do ta arrijmë në orët në vazhdim”. Klubi madrilen ka mbajtur shumë bisedime me Piter Kenionin, shefin ekzekutiv të Çelsit, falë miqësisë që ka Hoze Angel Sançez, drejtori i përgjithshëm i Realit të Madridit. Në fillim skuadra e Çelsit kërkoi 40 milionë euro, shumë që Kalderoni nuk ishte i gatshëm ta paguante. Madrilenët kanë lënë për një moment çështjen Roben, dhe janë përqëndruar në blerjet e Drentes dhe Snaijderit të cilat u mbyllën me sukses. Roman Abramoviç ka vënë re se në skuadër ka një lojtar si Roben, i cili nuk dëshiron të luajë asnjë minutë më shumë me Çelsin, pavarësisht se ka filluar Premier League. Hoze Murinjo ka kërkuar blerjen e Florent Maludasë, dëshirë që i është plotësuar menjëherë nga manjati rus. I pyetur mbi kalimin e Robenit te Reali, tekniku portugez është shprehur: “Roben? Zërat për të janë të vërteta, por vera është akoma e gjatë. Gjithçka mund të ndodhë deri në 31 gusht”. Çelsi e di që Arjen Roben nuk do të kthehet pas dhe se dëshira e tij është që të luaj me Realin. Të njëjtën gjë bënë edhe Drente e Snaijder të cilët detyruan skuadrat e tyre për të arritur një marrëveshje me skuadrën madrilene. Snaijder nuk ka preferuar të luaj në finalen e Superkupës së Holandës kundër PSV Eidhovenit, por ka firmosur menjëherë më Realin. Skuadra e Bernd Shuster ndihet shumë e avantazhuar dhe optimiste për kalimin e holandezit në Madrid, duke parë Roben i ka bërë të qartë Çelsit se nuk dëshiron të mbrojë më fanellën e kësaj skuadre. Në bisedimet e fundit që janë mbajtur, shumë që është folur për arritjen e një marrëveshje ka qenë 30 milionë euro, por duket se edhe për këtë shumë madrilenët nuk janë të gatshëm ta paguajnë. Reali e njeh shumë mirë dëshirën e lojtarit për të luajtur në Madrid, dhe kërkon të përfitojë nga ky fakt për ta blerë Robenin me një shifër më të ulët.

[no name]

Pizarro i vë syrin Europës

15 Gusht Sulmuesi i Çelsit, Klaudio Pizarro, ia ka vënë syrin suksesit në Champions League te klubi i tij i ri pas vitesh zhgënjimi te Bajerni i Mynihut. 28?vjeçari shënoi kundër Birmingamit të dielën në debutimin e tij në kampionat dhe është i vendosur që t’i ndihmojë blutë të rifitojnë titullin e Premier League, megjithëse ka në mendje edhe lavdinë europiane. Shefi ekzekutiv i Çelsit, Piter Kenion, ka thënë se suksesi në Champions League do ta çonte klubin në nivel tjetër dhe Pizarro beson se fitorja e titullit këtë sezon është një mundësi. “Mendoj se kjo skuadër ka shumë mundësi për të fituar trofe dhe unë dua sa më shumë të jetë e mundur”, tha kapiteni i Perusë. “Sigurisht që kompeticionet më të rëndësishme janë Premier League dhe Champions League. Fitimi i Champions League është një prej synimeve që nuk realizova do te Bajerni. Kemi shumë lojtarë të mirë te Çelsi dhe kemi një mundësi të mirë për ta fituar”. Pizarro iu bashkua Bajernit sapo gjermanët e kishin fituar kompeticionin në vitin 2001, por në gjashtë sezonet e tij në Mynih, bavarezët nuk shkuan më larg se çerekfinalja, madje tre vjet më parë u mundën pikërisht nga Çelsi. Faza e grupeve e sezonit të ri nis muajin e ardhshëm dhe deri atëherë, Pizarro është i përqendruar te kampionati. Debutimi i mirë që bëri në këtë kompeticion u vlerësua edhe nga trajneri, Hoze Murinjo, i cili tha: “E kisha parashikuara që Pizarro do të përshtatej te Çelsi. Një prej arsyeve është se ka luajtur me Bajernin e Mynihut, një skuadër ku ka shumë përgjegjësi”. Murinjo ka shumë mundësi t’i jap një tjetër vend titullari peruanit, bashkë me Didier Drogbanë, edhe pse ka të gatshëm Salomon Kalunë dhe Andrij Shevçenkon. Ky është një lajm i mirë për Pizarron, i cili shpreson të luajë kundër Redingut. “Uroj që ta ruaj vendin tim në formacion”, tha ai. “Po punoj shumë për këtë dhe e di se ka shumë konkurrencë. Hoze më ka thënë që thjesht të luaj në mënyrën se si kam luajtur deri tani”.

[no name]

Erikson: Runi ka vetëm një

15 Gusht Sven?Goran Erikson beson se trajneri i Anglisë, Stiv MekKlaren, do ta ketë të pamundur të zëvendësojë Uejn Runin për takimet kualifikese të Euro 2008. Sulmuesi i Mançester Junaitedit nuk do të luajë për dy muaj pasi theu një kockë në këmbë në ndeshjen e së dielës ndaj Rediungut dhe do të mungojë kështu në shumicën e ndeshjeve të mbetura të Anglisë në grupin e saj kualifikues të Kampionatit Europian. Paraardhësi i MekKlarenit, tani në stolin e Mançester Sitit, tha se, pavarësisht se alternativat e tjera ishin të mira, nuk kishte asnjë lojtar tjetër të përafërt me 21?vjeçarin. Tekniku suedez tha: “Nuk e di mirë sa ndeshje do t’i mungojë Anglisë, por me siguri që Stiv MekKlareni nuk është i lumtur për këtë. Eshtë një fat shumë, shumë i keq, siç ndodhi para Kupës së Botës. Sigurisht që Anglia ka edhe lojtarë të tjerë cilësorë, por askush nuk mund ta mohojë faktin se në këtë vend nuk ka dy Runi, është vetëm një. Ka të tjerë të mirë, por Runi mbetet Runi”. Eriksoni të paktën nuk duhet të mendojë se si ta ndalë lojtarin, në derbin e Mançesterit këtë fundjavë. Por shtoi: “Më vjen shumë keq për Runin, pësoi një dëmtim të ngjashëm para Botërorit. Eshtë një gjë e keqe për Mançester Junaitedin dhe për Anglinë”.

[no name]

Mekses: Nedved antipaktik, uroj të eliminohet Lacio

15 Gusht Në deklaratën e tij të parë në këtë sezon të ri, Filip Mekses nuk përmbahet, por shpërthen në deklrata dhe akuza të rënda, duke folur për gjithçka që e rrethon në futbollin italian. Mbrojtësi i Romës “thumbon” të gjithë, duke e nisur me Pavel Nedvedin, që në ndeshjen miqësore në Çezena, ka pasur disa grindje me francezin, në fushë, me ndërhyrje të ashpra dhe nervozizëm të tepruar. Shtyrje, gjysmëgrindje dhe fjalë fyese. Meskes nuk e duron mesfushorin çek: “Ai është një antipatik dhe nuk e duroj dot. Ekzagjeroi shumë ndaj nesh, duke luajtur në atë miqësore sikur të ishte ndeshja e jetës dhe duke përdorur nervozizmin dhe ashpërsinë në ndërhyrje. Ndaj, Juventusi fitoi sepse u mbështet te egërsia në fushë dhe te ndërhyrjet jo të pastra. Por, si profesionist që jam, nuk duhet të lëshoj veten dhe të bie pre e reagimeve, sepse nuk ia vlen”. Duke lënë argumetin e miqësoreve, objektivi i parë për verdhekuqtë është Superkupa e Italisë, ndaj Interit, që do të jetë në program të dielën: “Do të jetë një ndeshje e rëndësishme”, pohoi Meksesi. “Kemi besim dhe do të shkojmë në Milano për të fituar. Do të japim maksimumin”. Në fund, francezi “thumbon” edhe Lacion, duke i uruar bardhekaltërve një eliminim nga Champions League. Kur e pyesin, “A dëshiron që të ndeshesh me bardhkaltrit në Champions apo që kushërintjë të eliminohen menjëherë, pa arritur fazën e grupit?”, mbrojësi verdhekuq përgjigjet: “Dua që ata të eliminohen menjëherë”. Pra, një thumbin që do të thotë se aroma derbi sapo ka nisur, edhe pse kampionati do të nisë në 26 gusht.

[no name]

Plani i Moratit për 100 vjetorin

15 Gusht “Të fitojmë kampionatin dhe Champions”. Në mendjen e Masimo Moratit nuk ekzistojnë “turbullirat”, por vetëm ide fikse, dëshira të mpleksura pas neuroneve të tij: trofej pafund! Dhe, në këto tre sezonet e fundit, presidenti i Interit ka “korrur disa të mbjella”, duke fituar dy tituj (njëri falë “Calciopoli”?t), dy Superkupa Italie dhe dy Kupa Italie. Shpenzimet nuk kanë qënë asnjëherë një problem për të, deri sa xhepi ia ka lejuar, edhe nëse flitej për shifra “marramendëse”. Ashtu si i ati i tij, i Madhi Anxhelo Morati, që ndërtoi një cikël me zikaltrit, në vitet ’60, duke emëruar si trajnerin “të hekurtin” Helenio Herrerën, Masimo kërkon të vazhdojë këtë traditë dhe të rikthejë ditët e lavdishme. Dhe, për të rindërtuar një “Perandori”, e cila është zhdukur me kalimin e kohës, numri 1 i kampionëve të Italisë ka një plan: Interi duhet të fitojë titullin dhe Champions League (Ibrahimoviç, Suazo, Kivu, Adriano, Krespo, Kruz, Kambiaso, Zaneti, Dakur, Vieira, Stankoviç, Solari, Rekoba, Materaci, Kordoba, Burdiso dhe shumë të tjerë janë një “ushtri” e vërtetë). Nëse kjo do të arrihej ? nuk flitet për një utopi por mundësi reale ? zikaltrit, për verën e ardhshme, do të kishin në arkë një pasuri “faraonike”. Vetëm nga të drejtat e imazhit do të vinin më shumë se 10 milion euro, pa llogaritur këtu premiot për kompeticionet e zhvillura, një shifër që mund të prekë 60 milion eurot. Kaq do të mjaftonte për një SuperInter, i aftë për “Grand Slem”?e.

[no name]

Kasano: Zgjodha Italinë për të shkëlqyer sërish!

15 Gusht Kasano ka firmosur për Sampdoriam. Nuk e ka bërë sepse është i “dashuuar” pas dorianëve dhe qytetit piktoreskt të Xhenovas, nuk e ka bërë për para, ashtu si edhe për famë, por për të lënë pas “ferrin” madrilen, për të harruar vuajtjet dhe dështimet, poshtërimet dhe humbjen e personalitetit. Si një futbollist i tjetërsuar, talenti barez ka lënë më në fund Realin, që në mendjen e tij do të mbahet mend vetëm për qëndrimet e panumërta në pankinë dhe për shakatë në lidhje me formën e tij, fyerjet e tifozëve dhe krenarinë e “prekur”. Pas një viti e gjysmë, barezi kthehet në origjinë, atje ku u konfirmua dhe “lulëzoi”, në Itali. Jo me Barin, jo me Romën, por me Sampdorian. Gjithçka u vendos vetëm para dy ditëve, në orët e vona të mbrëmjes, kur Bepe Marota, administratori i deleguar i Sampit dhe agjenti i Kasanos, Boco, u takuan në Madrid. Një transferim i till pritej dhe mungonin vetëm detajet e fundit, që u caktuan pas takimit me Mijatoviçin dhe me aksionerët e Realit. Pasi u zgjidh edhe “nyja” fiskale, për sa i përket diferencës së taksave Itali?Spanjë, gjithçka mori fund. Për sa i përket rrogës që do të përfitojë lojtari në fjalë, flitet për 1,1 milion euro të dhëna nga dorianët dhe pjesë e mbetur, 2,5 milion euro, do të mbulohet nga Reali: talenti barez ka hequr dorë vetëm nga 200 mijë euro. Shumë shpejt, Kasano do të mbërrijë shokët e tij të ri dhe do të kryejë vizitat mjekësore. Do të mbajë veshur fanellën me numër 25, ashtu si ditëlindja e tij dhe të hënën e ardhshme do të prezantohet. Marrëveshja e arritur parashikon edhe një klauzolë në favor të skuadrës së Kalderonit. Nëse Sampdoria do të blinte barezin, pas një viti, në 2008?n, kur skadon afati i huasë, nëse dorianët do të mendonin ta shishnin më pak, në arkat e Realit do të shkonin 20% të shifrës së shitjes. Në marrëveshjen Kasano ka lindur një bashkëpunim mes dy klubeve, duke parë se te Sampi është xhiruar në formë borxhi edhe i riu, 17 vjeçar, Stefan Joteviç, i blerë nga Partizan Beogradi, që në vendin e tij konsiderohet Saviçeviçi i ri. Ndërkohë, menjëherë pasi është arritur marrëveshja, në një intervistë të shkurtër të dhënë për “Studio Sport”, talenti barez tha: “Zgjodha Italinë, sepse dua të rilind, dua të kthehem në majat e futbollit dhe të fitoj vendin që më takon. Në Madrid nuk mund të qëndrojë më, sepse më mungonte fryma. Shpresoj që tifozët të më duan dhe mbështesin. Kam jetuar vite të vështira dhe nuk ka qënë e lehtë për mua, por dua të harroj atë që ka ndodhur dhe të nis një jetë të re, edhe më të mirë. Objektivim im është të jap maksimumin dhe të kthehem si dikur, kur luaja te Bari dhe më pas te Roma. Kam dëshir` të luaj dhe të stërvitem me vendosmëri dhe intensitet”.

[RaPSouL]

Real zvogëlon shumën e ofertës për Robbenin

Historisë së kalimit të holandezit Arjen Robben nga Chelsea në Real Madrid i është shtuar edhe një kapitull i ri. Reali ka ulur shumën e ofertës, njofton Goal.com.
Të vetëdijshëm që Chelsea do të dëshiroj të shes Robbenin nëse nga Sevilla në fund do ta sjellin Daniel Alvesin, Real ka vendosur që t’i kthejë goditjen për shkak të zhagitjes së kontratës.
Chelsea për përfaqësuesin e kombëtares holandeze ka kërkuar 40 milionë euro, Real ka ofruar 30, dhe në ndërkohë ka dërguar ofertën e fundit “merre ose lëre” me vlerë prej 25 milionë eurosh. Mediat spanjolle besojnë që presidenti i Realit, Ramon Calderon ka këshilluar ndërmjetësuesit e tij që të mos kalojnë mbi këtë shumë, e nëse Chelsea hedh poshtë ofertën edhe të tërhiqen nga bisedimet.

Pasi që për Alvesin është i interesuar edhe vet Reali, janë të mundshme edhe vazhdimet e bisedimeve të javëve të kaluara në mes Calderonit dhe presidentit të Sevillas Jose Maria Del Nido, që t’ua marrin nga duart Chelseat Alvesin dhe ta sjellin atë në Santiago Bernabeu.
Sipas El Mundo Deportivo, Real i ka porositur Robbenit që t’i thotë Chelseat se dëshiron të largohet nga klubi, në të kundërtën Reali do të tërheq vëmendjen e tij kah lojtarët tjerë. Gjithashtu atij ia kanë tërhequr vërejtjen që mungesa e vullnetit për bashkëpunim do të mund t’i kushtonte edhe me largimin nga Spanja.