Arkivi i gazetës elektronike sportive: "FUTBOLLI"

[no name]

Emersoni, nostalgji për bardhezinjtë.

Kur nuk ka kaluar ende një vit, Emersoni është i gatshëm të kthehet te Juventusi. I vërshëllyer shpesh nga "Bernabeu" dhe i lënë në stol nga Kapelo, braziliani dëshiron të largohet nga Madridi. Janë të shumta sinjalet që lojtari i ka bërë "Zonjës" dhe me rikthimin në Serinë A, bisedimet mund të hapen edhe pse kartoni i tij, që kushton 12 milionë euro, mund t'i vështirësonte disi.

[no name]

Trezege: Tardeli të na shohë një herë!

Hije dhe dyshime mbi fitoren e Juves me Çezenën të martën. Ka qenë i inatosur trajneri Kastori që akuzon për dy episode në veçanti: "Jemi ndëshkuar, - tha ai. - Një gol i anuluar dhe një faull i De Çeljes, jo i dhënë, ndikuan në rezultat. Nuk është hera e parë që hasim gabime të gjyqtarëve. Kartoni i kuq i Zebinasë? Ishte i drejtë, nëse ishin dakord gjyqtari i katërt dhe vijërojtësi...
Ndoshta kryesori pati një amnezi për golin tonë, që ishte i rregullt, por që u anulua." Nga ana tjetër është i kënaqur Didië Deshamp, që e komenton kështu golin e anuluar ndaj Çezenës: "Nuk ishte një ndërhyrje e rëndë e Pelesë ndaj Mirantes, por edhe Pikolo ndaloi, sepse dëgjoi vërshëllimën e gjyqtarit." E vetmja gjë që s'i pëlqeu trajnerit bardhezi, ishte nxjerrja jashtë me karton të kuq e Zebinasë për një faull të ashpër: "Nuk dua të fajësoj asnjë, por gjyqtari mund ta shmangte kartonin e kuq, duke parë momentin e vështirë. Për fat të keq ka disi nervozizëm që shkakton këto faulle." Njëfarë nervozizmi në shtëpinë e Juves kuptohet edhe jashtë fushe. Merkato është e hapur dhe shumë "big" mund ta braktisin fanellën bardhezi. Marko Tardeli, që është këshilltar i klubit, i ftoi kampionët para pak ditësh të vendosin me gjakftohtësi për të ardhmen e tyre. Këtyre fjalëve, David Trezege iu përgjigj: "Jam këtu për të ndihmuar Juven për t'u kthyer në A. Tardeli, para se të flasë, të vijë të paktën një herë të na shohë në fushë dhe të ketë respekt për ata që stërviten."

[no name]

Juvja zbulon strategjitë e merkatos

Drejtori Alesio Seko: Bufon s'është në merkato. Na pëlqejnë Barzalji e Huntelari.


Tri blerje të mëdha dhe konfirmimi i "big"-ëve, përfshirë Xhianluixhi Bufonin, për një Juve menjëherë kryesuese, me Didië Deshampin gjithnjë e më të "salduar" në stolin bardhezi. Ky është projekti bardhezi i zbuluar nga drejtori sportiv Alesio Seko. Strategji të shënjestruara që fillojnë me konfirmimin e Bufonit: "Xhixhi është jashtë çdo diskutimi të merkatos për sa na takon ne të paktën, - tha Seko, - dhe jemi të bindur se të njëjtën gjë mendon edhe ai. Këtë verë Interi ka shfaqur interesim për Bufonin, por e kuptoi se nuk ishim të gatshëm të bisedonim. Në mënyrë korrekte, presidenti Morati nuk këmbënguli. Ne nuk do ta shesim as nëse zikaltrit do të kthehen të afrojnë Hulio Sezarin dhe Samuelin." Ndërkohë, duket më e vështirë për të mbajtur David Trezegenë. Kontrata e qendërsulmuesit francez skadon më 2008-ën. "Davidi nuk diskutohet. Shpresojmë të arrijmë ta bindim, unë mendoj se janë mundësitë." Asnjë dyshim për sa i përket Alesandro Del Pieros. Çështja e hapur pas deklaratave të fundit të kapitenit ("Juvja duhet të më bindë që të qëndroj"), është mbyllur që tani. "Me Del Pieron nuk ka probleme, për ne është sulmues prej "diamanti". Në prag të një rikthimi të mundshëm në Serinë A, klubi është duke punuar për të ndërtuar menjëherë një skuadër të fortë. "Xhevahiri" i parë i skuadrës përfaqësohet nga blerja e Hasan Salihamixhiçit, që do të vijë në qershor me çmimin zero nga Bajerni i Mynihut. "Sapo kemi marrë një lojtar me nivel ndërkombëtar, që mund të mbulojë role të ndryshme, - shtoi drejtori sportiv juventin, që vazhdon të flasë për Zdenek Grigerën. - Në këto momente i duhet Ajaksit, që është në garë për të fituar një vend në Champions." Mbrojtja do të forcohet këtë verë: "Duam të marrim Domeniko Krishiton nga Xhenoa dhe pastaj do të synojmë një qendërmbrojtës të nivelit të parë. Barzalji? Është e mundur si pistë, por s'është i vetmi që ndjekim."

[no name]

Juvja zyrtarizon Salihamixhiçin

Boshnjaku i Bajernit ka nënshkruar një kontratë 4-vjeçare me bardhezinjtë.

Hasan Salihamixhiç, mesfushori boshnjak që luan aktualisht për Bajernin e Mynihut, të cilit i përfundon kontrata, është i Juves. Ai ka nënshkruar një marrëveshje, e cila, duke filluar nga korriku, do ta lidhë me klubin bardhezi për katër sezone. Ai ka lindur në Jablanica më 1 janar 1977 dhe është një anësor i mesfushës që mund të luajë në të dyja krahët. Në karrierrë e ka fituar 6 herë Bundesligën, 4 herë Kupën e Gjermanisë, 3 herë Kupën e Ligës, një herë Ligën e Kampioneve dhe një herë Kupën Ndërkontinentale në 2001-shin.
Nuk pritet asnjë goditje në merkaton dimërore, pasi për këtë sezon Juventusi do të qëndrojë kështu siç është. Punimet që po kryhen, janë ato për të ardhmen dhe s'bëhet fjalë për thashetheme, por për lëvizje të dëshmuara me fakte. Klubi ka nisur ta programojë sezonin e ardhshëm për të qenë sërish konkurrues menjëherë me dëshirën për t'u treguar kampionëve të skuadrës që kanë ndryshime lihdur me të ardhmen e tyre, se drejtuesit po bëjnë të gjitha ato që duhen. Dhe goditja e parë në merkato ka mbërritur shtatë muaj përpara se të nisë sezoni i ardhshëm. Ishte folur edhe para pak ditësh, por tani është zyrtare: Hasan Salihamixhiç është përforcimi i parë për "Zonjën". Do të mbërrijë me parametra zero në qershor, me një kontratë që do ta lidhë me bardhezinjtë për katër sezone. Boshnjaku është një anësor mesfushe shumë i dobishëm, pasi mund të luajë si në të majtë, ashtu edhe në të djathtë. Ai ka një përvojë të konsiderueshme ndërkombëtare, të cilën e ka kalitur gjatë nëntë sezoneve radhazi në radhët e Bajernit të Mynihut. Ai ka një eksperiencë mjaft të respektueshme, ku përfshihen gjashtë kampionate gjermane të fituara, por mbi të gjitha një Champions dhe një Kupë Ndërkontinentale, që të dyja të fituara në 2001-shin. Në këtë sezon, lojtari ka koleksionuar 15 pjesëmarrje dhe 2 gola me fanellën e Bajernit, gjë që e bën një futbollist shumë të besueshëm dhe aspak pranë perëndimit, i cili është në gjendje të japë një kontribut cilësor për skuadrën bardhezi në vitin e rikthimit në Serinë A.

[no name]

Bufon: Bekham? Një ish-futbollist
Një kritikë, pa mundësi replike. "Devid Bekham përfundoi atje ku e prisnim të gjithë: në qytetin e yjeve." Kështu është shprehur gjatë një interviste Xhianluixhi Bufon. Për sa i takon Bekhamit, i cili do të marrë te Los Anxhelos Galaksi thuajse 250 milionë dollarë, Bufoni ka shtuar: "Ai është parë gjithnjë jo si një lojtar, por si një personazh mediatik. Ka qenë i zoti në administrimin e imazhit të tij, por tashmë nuk bën më pjesë në listën e futbollistëve, por të të humburve. Nëse kërkoni opinionin tim, ju them se gratë që qëndrojnë pranë ne sportistëve, nuk duhet të ndikojnë kurrë në vendimet tona, sidomos në ato më të rëndësishmet që kanë të bëjnë me karrierën tonë. Unë jam me fat, sepse Alena (Seredova) është gjithnjë e kënaqur nga zgjedhjet e mia." Për të përfunduar, një lavdërim për Marçelo Lipin: "Është më i zoti, si taktikisht, ashtu edhe teknikisht."

[km92]

Ronaldinjo? Shfaqet Abramovici!

19 Janar Roman Abramovic eshte i gatshem te pergatise nje oferte per Ronaldinjon, i cili sipas disa mediave ka shprehur deshiren e tij per t’u larguar nga “Camp Nou”. Blute jane te gatshem te thyejne rekordin boteror te nje transferte, duke paguar 50 milion sterlina per 26 vjecarin, pasi nje burim i afert me brazilianin deklaroi ne nje gazete katalanase: “Ronaldinjo nuk e ndien veten po aq te mbeshtetur si me pare nga Barcelona. Ai e di qe Johan Krujf, i cili ka nje ndikim te madh ne te gjitha politikat e skuadres nuk e pelqen dhe Hoan Laporta e ka gjithmone parasysh ate qe thote Krujfi”.

[km92]

Mbrojtja, “gangrena” e Barcelones

19 Janar Shifrat tregojne per nje skuader me te brishte ne prapavije, krahasuar me dy sezonet paraardhese

Skuadra e Barcelones, ne ndeshjet e fundit ka shfaqur shume probleme ne repartin e mbrojtjes. Skuadra katalanase ka pesuar nje renie te dukshme dhe kjo shihet edhe ne golat e shenuar dhe te pesuar: ne sezonin aktual 36 16, ndersa ne te njejten pike te dy ezoneve te fundit ka patur nje bilanc 35 11 (2004 05) dhe 43 14 vjet. Nese humbja 3 1 perballe Espanjolit mund te kuptohet deri diku me faktin qe ishte nje ndeshje derbi, fitorja 3 2 kunder Alavesh per Kupen e Mbretit ka treguar qarte se pika me e dobet e Barcelones eshte mbrojtja. Skuadra e Frenk Rajkard nuk arrin te mbroje me ate efektivitet si ne sezonet e kaluara. Lojtaret kundershtare vijne fare lehte tek porta e Viktor Valdes dhe ne shumicen e rasteve arrijne te shenojne. Shifrat flasin qarte. Skuadra e Barcelones ka pesuar 16 gola ne vetem 17 ndeshje te luajtura ne kampionat dhe ne po kete pozicion, ne dy sezonet e kaluara, kishte pesuar 11 dhe 14 gola respektivisht. Ka edhe shifra te tjera qe flasin qarte per nje dobesim te Barcelones ne fazen mbrojtese. Ne kampionat, Barca ka arritur ta mbaje te paprekur porten e saj ne kater ndeshje radhazi, ndersa tani ne tre ndeshje ka pesuar me shume se nje gol.

Ne sezonin 2005 06 ka ruajtur te paprekur porten e saj per tete ndeshje dhe vetem ne tre ndeshje arriti te pesonte me shume se nje gol. Ndersa ne sezonin 2004 05, e ruajti te paprekur porten e saj per shtate ndeshje dhe humbja me e thelle ishte ajo kunder Betisit me rezultatin 2 1. Eshte e vertete qe skuadra katalanase vazhdon te pesoje pak gola. Eshte skuadra me e ekuilibruar e kampionatit, por jo me efikasitetin e dy sezoneve te kaluar dhe kjo shihet edhe ne shifrat e golave te pesuar dhe te shenuar. Dihet qarte se kur nje skuader ka probleme ne mbrojtje, atehere nuk mund te fajesosh vetem nje njeri. E gjithe skuadra duhet te kryeje funksionet e saj dhe te ndihmoje ne aspektin difensiv. Kampionet ne fuqi kane shfaqur probleme te shumta ne mbrojtje dhe deri tani nuk ka arritur t’i zgjidhin. Duket qarte qe pas demtimeve te Samuel Eto’ose dhe Lionel Mesit, skuadra katalanase a arritur te beje me pak dhe agresiviteti i saj ka patur tendence renese. Samuel ishte linja e pare e mbrojtjes dhe arrinte te rikuperonte shume topa ne zonen e kundeshtarit. Gjithashtu, ne ndeshjet e fundit te Barcelones ka shfaqur probleme edhe Deko, i cili nuk ka arritur te dale ne lojen e tij te zakonshme. Portugezi me disiplinen e tij taktike, i sjell ekuiliber skuadres.

Gjithashtu, Edmilson dhe Mota, qe kane luajtur rolin e mesfushoreve te qendres, nuk kane mundur te jene ne 100% dhe ne shume raste kjo ka ndodhur per shkak te demtimeve. Zambrota, gjithashtu vjen nga nje demtim, Markez dhe Pujol nuk po ngjiten ne lojen e tyre. Ne fund, lojtaret kundershtare vijne me me lehtesi ne porten e Valdes, i cili ne shume raste ka arritur te beje mrekullira dhe te ruaje me dinjitet porten e Barcelones. Problemet fizike dhe mungesa e perqendrimit jane arsyet kryesore te ketyre rezultateve te dobeta. Problemi eshte se skuadra e Rajkardit duhet ta zgjidhe sa me shpejte kete situate te veshtire, sepse kjo eshte etapa ne te cilen vendosen titujt. Kjo do te thote se kampionati eshte me i hapur se kurre dhe se perballe Liverpulit, ne Champions League, katalanasit i pret nje lufte e vertete.

[km92]

Van Bronkorst: Kalderon ka gabuar!

19 Janar Mbrojtesi i Barcelones, Xhovani van Bronkorst foli per krizen e Realit te Madridit dhe analizoi sjelljen e presidentit Ramon Kalderon, i cili ka fyer lojtaret e tij, ne nje konference per shtyp te dhene ne Universitetin e Vihanueves. “Nuk eshte mire qe nje president te flase keq per lojtaret e tij. Presidenti eshte fytyra e klubit dhe duhet te flase gjithmone mire si perballe ashtu edhe kur nuk ka kamera”, komentoi Xho. Gjithashtu edhe shoku i tij i skuadres, Xhanluka Zambrota, foli per kete situate te veshtire te skuadres rivale dhe ne deklaratat e tij kritikoi teknikun Fabio Kapelo, i cili ne perfundim te ndeshjes kunder Saragozes, ofendoi tifozet madrilene, duke i treguar gishtin e mesit. “Gjesti qe beri Kapelo nuk eshte dicka e mire dhe sidomos per femijet qe shkojne ne stadium. Duhet te kete nje sjellje me te respektueshme ndaj te gjitheve, sepse eshte nje personazh publik”, tha italiani. Zambrota, i cili ka qene nen urdhrat e Kapelos tek Juventusi, shtoi se: “Reali i Madridit po perjeton nje situate tensioni sepse deri tani skuadra nuk ka luajtur mire dhe nuk ka arritur rezultate shume te mira. Eshte normale qe te kete nervozizem”, perfundoi Zambrota.

Xhovani vecoi se sulmuesi argjentinas, Havier Saviola, po ben nje pune te mire, duke e gjetur shume here rrugen e rrjetes. “Po ben nje pune te mire si ne ndeshje ashtu edhe ne stervitje. Ka arritur te shenoje shume gola ne ndeshjet e fundit dhe kjo besoj se eshte nje shenje e mire”, tha Xho.

[km92]

Sheva: S'jam spiuni i Abramovicit!

19 Janar "Po behem "koke turku" per gjera qe nuk kane te bejne fare me mua, por do te qendroj ne "Stmaford Bridge", sepse nuk do te dorezohem"

Akuza me e fundit ndaj Andrij Shevcenkos eshte se, blerja e tij rekord prej 30,8 milione sterlinash, eshte nje humbje parash. Ai eshte quajtur spiun i dhomave te zhveshjes, lojtar qe destabilizon grupin si dhe shkaku i problemeve te brendshme te Celsit. Por ne nje interviste me "The Times", ukrainasi filloi kunderpergjigjen e tij. "Une po behem "koke turku" per gjera qe nuk kane te bejne fare me mua", u shpreh ai. Zhgenjimi i Shevcenkos per mungesen e golave, vetem tre te tille ne 20 jave te Premiershipit, nuk eshte asgje ne krahasim me inatin e tij per zerat jashte fushes, perfshire ketu sugjerimin se ai mbrohet ne "Stamford Bridge" nga padroni i tij, Roman Abramovic. Pas gjithe ketyre problemeve do te ishte mese e kuptueshme nese Andrij do te donte te rikthehej ne Serine A, por sulmuesi insiston se do te qendroje tek Celsi, megjithe traumat e gjashte muajve te fundit. "Kontrata ime eshte 4-vjecare dhe une dua te qendroj ketu ku jam", u shpreh ai. "Po vazhdoj te punoj per t'u pershtatur me skuadren. Jam sulmuar nga te gjitha anet, por nuk kam ndermend te dorezohem. Dua vetem qe te mbajne jashte politikes". Shevcenko nuk mund ta mohoje faktin se ishte Abramovic qe e shtyu drejt ardhjes ne Londer gjate veres, por Murinjo e aprovoi kete blerje dhe ukrainasi eshte shume i merzitur nga sugjerimet se ai kerkon favore, apo eshte kthyer ne spiunin e padronit rus ne dhomat e zhveshjes te Bluve. "Keta zera jane vetem genjeshtra", vazhdoi ai. "Per mua jane thene shume gjera qe nuk jane te verteta. Por keto genjeshtra me kane shkaktuar shume probleme mua dhe familjes sime. Une jam nje futbollist, jo nje politikan. Detyra ime eshte te luaj, asgje me teper. Kjo eshte ajo qe kam bere qe kur kam qene 9 vjec. Njerezit po e kalojne kufurin ne ato qe thone per mua. Por une dhe te gjithe ata qe me duan te miren e dine shume mire se te gjitha keto jane vetem pallavra te gazetareve qe krijojne skupe".

[km92]

Bajerni “tkurr” planet e merkatos

19 Janar Pas spekulimve ne shtyp per disa blerje te bujsshme nga ana e bavarezeve, drejtori sportiv Henes thekson: “Shanset per futbolliste te rinj deri ne fund te muajit jane teper te vogla”

Bajerni i Mynihut, qe eshte drejt perfundimit te fazes se tij pergatitore dhe qe ne shkurt do te luaje ne Champions League kunder Realit te Madridit, per momentin nuk ka ndermend te beje ndonje blerje, edhe pse ne muajt e ardhshem disa lojtare te skuadres gjermane do te largohen per ne klube te tjera apo do te terhiqen nga futbolli ne fund te sezonit. Mehmet Sholl dhe Sebastian Daisler do te terhiqen, Hasan Salihamixhic, do te shkoje tek skuadra e Juventusit dhe Ali Karimi eshte afer largimit per tek Al Ahli. “Pak nga pak do te fillojme te shqetesohemi. Grupi i lojtareve sa vjen e po shkurtohet, megjithate deri tani nuk duam te nxitohemi ne vendimet tona”, tha drejtori sportiv i klubit, Uli Henes. Drejtuesi bavarez nuk mohon ndonje blerje ne minutat e fundit, por shpjegon se mundesite jane te pakta. “Duhet te vazhdojme me rinovimin e skuadres dhe mendoj se largimet e lojtareve nuk do te ndikojne tek skuadra, por perkundrazi, do t’i japin mundesi me te medha lojtareve te rinj”, tha Henes. Ndersa trajneri i Bajernit te Mynihut, mendon se situata nuk eshte dramatike. Ai po pergatit skuadren e tij per ndeshjen e 26 janarit kunder Borusia Dortmundit dhe gjithashtu per ndeshjen e Champions League kunder Realit te Madridit. Gjithashtu, Bajerni i Mynihut nuk do te kete sherbimet e paraguajanit Hulio dos Santos, i cili eshte dhene borxh tek skuadra e Volfsburgut. “Situata nuk eshte dramatike. Lojtaret qe kemi tani ne dispozicion jane te mjaftueshem per te arritur objektivat tane”, tha trajneri i Bajernit te Mynihut, skuader e cila ne perfundim te fazes se pare, renditet ne vendin e trete ne klasifikim, tre pike e distancuar nga dy kryesueset Verder Bremen dhe Shalke 04.