Arkivi i gazetës elektronike sportive: "FUTBOLLI"

[no name]

Hergrivs: Tek Mançesteri, për më shumë tituj!

30 Qershor Mesfushori i kombëtares angleze, Ouen Hergrivs, u largua dje përfundimisht nga Bajerni i Mynihut dhe falenderoi klubin bavarez që i dha mundësinë të luante në futbollin profesionist. Pasi Bajerni ra dakord të shiste 26?vjeçarin për 25 milion euro në “Old Trafford”, mesfushori i lindur në Kanada pret me padurim të “shijojë” përvojën e tij të re në Premiership. “Më përpara nuk do të kisha menduar kurrë se do të luaja një ditë në Gjermani”, deklaroi Hergrivsi. “Jam shumë i kënaqur që Bajerni më dha këtë mundësi. I uroj të gjithë të mirat. Dhjetë vitet e fundit kanë qenë një ëndërr për mua dhe për Bajernin do të ruaj vetëm kujtimet më të mira brenda meje”. Edhe pse Hergrivsi nuk mund të largohej nga “Allianz Arena” me tituj, pasi Bajerni përfundoi vitin në vendin e katërt (pozicioni më i ulët në kampionat që prej mbërritjes të Ouenit në Bavari), anglezi largohet përsëri me një “kurrukulum” mbresëlënës nga Bundesliga. Tek Bajerni, Hergrivsi fitoi katër tituj të Gjermanisë, përfshi Champions League në vitin 2001 dhe një Kupë Interkontinentale. Hergrivs shpreson që kalimi i tij në “Old Trafford” të mos të ndërpresë periudhën e suksesshme të karrierës së tij. “I kam vendosur vetes shumë objektiva në vitet e fundit dhe i kam arritur pothuajse të gjithë. Tani shpresoj që të vazhdoj në këtë rrugë. Për mua do të nisë një epokë e re dhe shpresoj që të vazhdoj të fitoj sa më shumë tituj. Nuk kam asnjë qëllim konkret, por është e qartë që kur mbërrin tek Mançeseri kërkon të fitosh gjithçka. Do t’i bashkohem skuadrës kampione të Anglisë dhe të gjithë e dimë se të mbrosh titullin është më e vështirë se ta fitosh atë. Sfida e këtij viti në Premier do të jetë shumë emocionuese, por Mançesteri ka një skuadër me të vërtetë të madhe dhe do të përpiqem të jap më të mirën time për të ndihmuar skuadrën që të vazhdojë të fitojë gjithçka”.

[no name]

Benitez: Torres s’vonon!

30 Qershor Rafael Benitez beson se është shumë pranë arritjes së blerjes së lojtarëve të mëdhenj, përfshi edhe Fernando Torresin. Bosi i “Anfield Road” nuk e tha hapur se Liverpuli dhe Atletiko e Madridit kanë rënë dakord në parim për marrjen e sulmuesit spanjoll në Mersisajd, por burime pranë klubit lënë të kuptohet se kanqë mbetur vetëm kushtet e kontratës me lojtarin për t’u caktuar dhe kjo do të ndodhë kur ai të kthehet nga pushimet javën e ardhshme. Megjithëse zyrtarisht nga Madridi nuk e pranojnë largimin e Torresit, spanjollët janë të vetëdijshëm që gjërat mund të ndryshojnë shumë shpejt. Ditën e djeshme, Benitezi nuk u përpoq të mohonte zërat se marrëveshja ishte mbyllur. Tekniku spanjoll tha: “Mund të them vetëmse Fernando Torres është një prej lojtarëve që kemi kërkuar”. Por pasi ka kaluar tashmë një javë nga faza përgatirore, spanjolli beson me ngulm që bashkëkombasi i tij “ka rënë në rrjetë”. Ai shtoi: “Gjithmonë duhet të jesh i emocionuar në fillim të sezonit të ri. Gjithashtu duhet të kesh besim te skuadra jote dhe shpresojmë që shumë shpejt të sjellim lojtarë të rinj për të përmirësuar skuadrën edhe më tepër. Po punojmë për të blerë lojtarë të rinj. Siç e kam thënë dhe më parë, baza e skuadrës është formuar tashmë dhe na duhet vetëm t’i bëjmë disa shtesa”. Drejtuesit e “Anfield” kanë shumë besim tani se marrëveshja e Torresit është e realizuar. Ata mendojnë të paguajnë një shumë të përafërt me 27 milionë stërlinat që vlen klauzola e lëshimit të lojtarit nga Atletiko. Sidoqoftë, duhet të pritet edhe fjala e Torresit për të lënë Madridin, ku tifozët e adhurojnë që prej debutimit të tij në moshën 16?vjeçare. Xhibril Sise nuk ka pranuar që të përdoret si pjesë e marrëveshjes së Torresit, por ka të ngjarë që Liverpuli të shesë Luis Garisan për katër milionë stërlina te Atletiko. Benitez do të preferonte të mos e humbiste mesfushorin spanjoll, por periudha e gjatë që ka kaluar i dëmtuar ka bërë që të humbasë vendin e tij si titullar i rregullut, sidomos pas blerjes së Havier Maskeranos. Liverpuli gjithashtu ka blerë gjithashtu mesfushorin e ri brazilian, Lukas Leiva, për 5 milionë stërlina nga Gremio, i cili do të kërkojë menjëherë të luftojë për një vend në formacion. Mbërritja e Leivas, por edhe sulmuesit ukrainas, Andrij Voronin, ka të ngjarë të nxjerrë jashtë Kreig Belamin. Benitezi dëshiron të shesë edhe Sisenë përfundimisht, pas vitit që kaloi borxh te Marseja. Shitjet e lojtarëve të mësipërm mund të lehtësojnë shpeznimet për Torresin.

[no name]

Abidal: Erdha për gjithçka!

30 Qershor “Bisedimet me Lionin nuk ishin të lehta, por gjithmonë kam ëndërruar të luaj në kampionatin spanjoll me Barçën”



Mbrojtësi francez, Erik Abidal, kaloi dje me sukses vizitat mjekësore dhe është prezantuar zyrtarisht si lojtari i ri i katalanasve, për katër sezonet e ardhshme. Gjatë konferencës së tij të parë për shtyp si lojtar i Barcelonës, Abidal deklaroi se shpreson që të mos e zhgënjejë këtë skuadër dhe se objektivi i tij ka qenë gjithmonë që të luajë në kampionatin spanjoll. Drejtuesit katalanas paguan 15 milionë euro për të marrë mbrojtësin francez nga Olimpiku i Lionit dhe nënshkruan një kontratë 4?vjeçare me të. Abidal, 27 vjeç, është blerja e tretë për Barcelonën pas asaj të Tierri Henrisë (Arsenal) dhe mesfushorit Jaja Ture (Monako). Abidali ka luajtur 23 ndeshje me skuadrën e Francës, me të cilën u shpall nënkampion i botës në Gjermani 2006. Erik Abidal do të veshë te Barcelona fanellën me numër 22, që tashmë mbetet e lirë për shkak të largimit të Havier Saviolës. Për Abidalin kjo do të jetë eksperienca e parë jashtë Francës, ku kishte zhvilluar të gjithë karrierën e tij deri tani. Eriku ka lindur në 11 shtator të vitit 1979, është 1,86 metra i gjatë dhe peshon 75 kilogram. Abidal ka tre sezone që luan me Lionin, skuadër me të cilën ka fituar tre kampionate dhe tre Superkupa France. Abidal ka luajtur gjithashtu edhe me skuadrën e Monakosë (2000?02) dhe Lilës (2002?04). Tani mbrojtësi francez kërkon të fitojë kampionatin spanjoll dhe Champions League me skuadrën e Barcelonës. “Ka qenë një ditë e madhe për mua. Bisedimet me Lionin nuk kanë qenë të lehta, por objektivi im ka qenë gjithmonë që të vesh fanellën e Barcelonës. Dua të fitoj çdo titull me këtë skuadër dhe jam shumë i lumtur që do të luaj në një stadium si “Camp Nou”. Shpresoj që të mos t’ju mos zhgënjej”.

Theks francez në “Camp Nou”

Mbrojtësi francez, u shpreh se nuk kishte ndërmend të fillonte fazën përgatitore me skuadrën e Lionit. Abidal bëri të ditur se e kishte informuar presidentit e Lionit, Zhan Mishel Olas, se synimi i tij ishte që të largohej dhe të luante në një skuadër tjetër. “Nuk është se doja të ushtorja presion mbi Lionin, por mendja ime ishte diku tjetër dhe jo në “Gerland””. Me ardhjen e Abidalit, numri i francezëve në radhët e Barcelonës do të rritet në katër, sëbashku me mbrojtësin Lilian Turam dhe sulmuesin Tierri Henri. Katalanasit zotërojnë edhe kartonin e francezit Ludovik Zhyli, që pritet të largohet. I pyetur për faktin se historia tregon se lojtarët francezë asnjëherë nuk kanë triumfuar te Barcelona, Abidal tha: “Nuk duhet të jem pesimist sepse nuk ka arsye që gjërat të mos funksionojnë mirë”. Më pas mbrojtësi francez është shprehur se gjithmonë i ka pëlqyer kampionati spanjoll dhe se dëshira e tij ishte që të luane në një kampionat ku përputhet me nivelin e tij si futbollist. Abidal vjen te Barcelona për të luajtur si mbrojtës i majtë, por ai mund të luaj edhe në rolin e mbrojtësi të qëndrës, duke patur parasysh se kapiteni Karles Pujol është i dëmtuar dhe do të qëndrojë jashtë fushave të lojës për tre muaj.

Laporta: Erik, një emër i madh!

Presidenti i Barcelonës, Hoan Laporta, e cilësoi blerjen e Erik Abidalit si një nga blerjet më të goditura të klubit që ai drejton. Laporta bëri elozhet e tij për ish?mbrojtësin e Lionit. “Eriku na pëlqente shumë dhe më në fund ia dolëm mbanë dhe e blemë. Mendoj se është një lojtar fantastik dhe se do ta ndihmojë shumë skuadrën në arritjen e objektiva të saj. Endrra e vetë lojtarit ishte që të luante me Barcelonën dhe ne ia bëmë realitet atë”. Ndërsa sekretari teknik i Barcelonës, Çiki Begirishtajn, u shpreh se klubi katalanas e ka ndjekur lojtarin që në vitin 2003 kur luante për skuadrën e Lilës. “Abidal është një lojtar shumë i mirë fizikisht, i shpejtë dhe shumë pozicional. Kemi qenë të informuar për të që në vitin 2003 kur luante për Lilën. Besoj se është një forcë shumë e madhe për Barcelonën dhe shpresojmë që të jap maksimumin e tij. Jemi të kënaqur që kjo marrëveshje u mbyll me sukses, por duhet thënë se e rëndësishme ishte dëshira e lojtarit për të veshur fanellën e Barcelonës”.

[no name]

Morati: Juve, ta kemi frikën!

30 Qershor “Tani ndryshon puna, sepse bardhezinjtë po ndërtojnë një ekip të fortë dhe tradita do t’i ndihmojë të synojnë triumfin në Serinë A”



Dy hapa, jashtë Pallatit Marini, në “zemrën” e qytetit të Romës, “lagjes” ku mblidhen të gjithë politikanët, është edhe Masimo Morati, i cili duket i qeshur dhe i gëzuar. Më shumë për titullin e fituar sezonin e shkuar, për merkaton e këtij viti, por edhe sepse është takuar me “kokat” e shtetit. Presidenti i Interit nuk mund të qëndrojë pa folur në lidhje me të ardhmen dhe për “Tuttosport”, dhuron një intervistë të gjatë. Në fjalët e tij dallohet siguri, optimizëm por... edhe frikë! Sepse, “Juventusi është kthyer në Serinë A, tani nisin telashet për ne”. Një deklaratë shokuese, që nuk parashikohej të dilte, kurrë, nga goja e padronit zikaltër. Kjo do të thotë se Morati është bërë realist, ose i kanë hipur të dridhurat, sepse Seria A që do të vijë nuk do të shohë vetëm “Zonjën” e rigjeneruar, por edhe Napolin, Xhenoan, Romën, Milanin, Lacion dhe Fiorentinën, gati për të “fundosur” kampionët.



? Doktor Morati, dukeni i qeshur apo keni marrë një tjetër lajm të gëzueshëm në telefon...

? Ku e keni fjalën? Shpjegohuni më mirë!

? Gjithmonë për merkaton. Ndonjë blerje e re?

? Jo, jo, është ende herët. Pastaj, ju do ta kishit marrë vesh më shpejt se unë.

? Këtë herë, do ta nisim duke folur për Juventusin, që ju keni shumë përzemër. Apo nuk është kështu?

? ... (Qesh)... Eh, ashtu është!

? A e dini se ka mundësi që të rishohim sfidën Inter?Juve në ndeshjen e parë të kampionatit, në 26 gusht?

? Do të ishte një reklamë e mrekullueshme për sezonin që do të niste.

? Thoni të drejtën, e keni zili mënyrën se si drejtuesit e rinj bardhezi po ndërtojnë skuadrën?

? Zili? Kurrë... Natyrisht, meritat janë merita dhe s’mund të hidhen poshtë, sepse do të quhesha një hipokrit. Klaudio Ranieri është një person ekspert dhe kompetent. Drejtuesit bardhezi, deri tani, na kanë befasuar me shumë lëvizje, të cilat nuk u prisnin.

? Mos e keni fjalën për Trezegenë?

? Sigurisht: pas xhestit të ndeshjes së fundit, nuk besoja se do ta mbanin sërish. Ia arritën qëllimit dhe arritën të kryenin një blerje të rëndësishme.

? Eshtë evërtetë që ju pëlqen shumë Trezege, sepse sa herë që flisni, buzëqeshja juaj është instiktive.

? Eshtë e vërtetë. Bëhet fjalë për një sulmues i fortë, sepse di gjithmonë si të pozicionohet. Bën gjithmonë gjënë e duhur. Një futbollist që të garanton 20 gola në sezon.

? Edhe Kamoranezi qëndroi: thuhej se ju po e ndiqnit italo?argjentinasin.

? Nuk është e vërtetë.

? A do të jetë Juventusi një rival në luftën për titull?

? Këtu dua të jem i sinqertë dhe nuk dua që fjalët e mia të merren me ironi. Mendoj se Juventusi, për traditë, për forcë dhe për skuadrën që ka, do të jetë aty, duke luftuar me dhëmbë për të fituar. Ata do të synojnë titullin, sepse është kompeticioni i vetëm, bashkë me Kupën e Italisë, që kanë. Kjo i jep shumë avantazhe. Dhe, mendoj se Interi im do të ketë më shumë shtysa për të dhënë maksimumin, sepse do t’i duhet që të tregojë se sa i fortë është. Do ta shihni, do të ketë superduele.

? Keni thënë se nuk i trembeni faktit se skuadra juaj mund të jetë e “ngopur”. A vazhdoni ta mendoni kështu?

? Thoja kështu sepse jemi të mësuar që të vihemi nën akuzë dhe të sulmohemi nga shtypi: kanë thën se kemi fituar e dominuar sepse nuk ishte Juventusi. Nuk është kështu, por tani Juventusi është kthyer dhe do të mundohemi që t’i mbyllim gojën atyre personave që na kritikuan. Sigurisht, nuk dua që tifozët të presin rekorde të tjera, duke parë se objektivi ynë është që të fitojmë Champions League.

? Por, tifozët bardhezi iu kanë si halë në sy dhe ju e dini se për çfarë bëhet fjalë...

? Mos më pyesni për skandalet e për gjërat e tjera. I kthehem kampionatit të Serisë B: nuk ishte Interi ai që provokoi rënien e Juves në atë kategori...

? A do të ketë sërish një merkato të “çmendur”, ashtu si në vitet e shkuara?

? Prisni, tani ndryshon puna. Jemi dy herë rradhazi kampionët e Italisë, ndaj nuk mund të çekuilibrojmë këtë grup që ekziston dhe që përbëhet nga kampionë. Do të ketë disa riparime, por vetëm kaq. Nuk është se Morati ka para të shumta për të shpenzuar. S’jam një Bill Gejts i futbollit, por si të gjithë, më pëlqen që të investoj në një sport, të cilin dashuroj.

? Doktor Morati, Kapelon e shkarkuan nga pankina e Realit.

? Më vjen keq, sepse për Fabio Kapelon kam një respekt të veçantë, por jo vetëm, sepse të gjithë trajnerët italianë janë të matur dhe dinë të drejtojnë një skuadër.





“Pikantet” e Masimos

Akuzat

“Jemi mësuar me sulmet dhe presionet që na bëhen, çdo ditë që kalon. Por, nuk është faji ynë se dikush vepronte në fshehtësi, gjatë këtyre viteve, ndaj s’kemi arsye për të ndjerë keqardhje”



Bilancet

“Interi nuk është klubi i vetëm në A që i ka bilancet jo të mira dhe kjo është diçka që dihet. Në Zyrën e Hetimeve, prokurorët më pyetën për blerjen e Suazos dhe jo për raportin fitim?shpenzim”





Merkato

“Diarra na intereson, por duam që të vlerësojmë edhe të rinjtë si Pato. Kivu dhe Tevez? Asnjë revolucion, por do të kërkojmë vazhdimësi. Pastaj, kemi edhe Suazon tani, ndaj është më e lehtë”



Adriano

“Le ë vazhdojë pushimet e tij, por durimi im dhe i tifozëve nuk do të jetë i përjetshëm dhe ai e di këtë gjë. Duhet të jetë më kërkues nga vetja, sepse ndryshe s’do të dijë të dalë nga kriza”



Inter?Mareska, “joshje” me shikim të parë

Enco Mareska, shumë shpejt, do të jetë një lojtar i Interit. Të paktën, kështu thuhet te e përditshmja e njohur “Marca”. Mesfushori italian, i cili nuk ka shumë vend te Sevilja, do të kalojë në Milano, me zikaltrit, për shifrën 6 milion euro. Mungon vetëm “po”?ja e klubit fitues të Kupës UEFA, për të qënë gjithçka zyrtare. Ndërkohë, kampionët e Italisë kanë dërguar në Spanjë një agjent, Pepino Tirrin, për të trajtuar me Seviljën. Mareska duket se ka rënë dakord. Por, Kandido Fortunato, agjenti i italianit, ka shuar entuziazmin zikaltër, me deklaratën e djeshme: “Janë vetëm zëra të merkatos, sepse asgjë nuk është konkrete. Enco është i lumtur që është te Sevilja, sepse sapo mbylli një sezon të jashtëzakonshëm”.



Edhe Reali “fut hundët” në çështjen Kivu

Nuk kalon ditë pa ndonjë “bum” në merkato dhe prapaskena që befasojnë të gjithë. Dhe, “telenovela” më e ndjekur, në këtë merkato vere, është e lidhur me të ardhmen e Kristian Kivut. Rumuni është mes Interit dhe Barcelonës, ndërsa klubi i Romës po shqyrton të dy ofertat: 14 milion të ofruara nga Barcelona, 12 nga Interi. Por, lajmi i fundit që vjen mund të jetë ai përcaktues, sepse në këtë tratativë është futur edhe Real Madridi. Duket se Bernd Shuster, trajneri i ri i Realit, që nuk është prezantuar ende, ka kërkuar për në mbrojtje pikërisht mbrojtësin verdhekuq. Oferta e fundit e Moratit, që është takuar me Rosela Sensin, është 8 milion, plus 5,8 milion të gjysmës së kartonit të Pizarros dhe bashkëpronësinë e Obinasë. Por, kampionët e Spanjës janë gati të derdhin 16 milion euro në arkat e Romës. “Dueli” është hapur!

[no name]

Xhilji: “Zonja”, tani e uritur!

30 Qershor Presidenti i Juventusit, Xhovani Koboli Xhilji, është i kënaqur nga fushata e blerjeve në merkato, e ndjekur nga drejtuesit e klubit bardhezi. Plani i rilindjes është drejt fundit dhe Seria B i përket vetëm të shkuarës, një “zbor” të cilin torinezët nuk do të harrojnë kurrë, për nga vështirësitë, menjëherë pas skandalit. Blerjet e fundit, ato të rëndësishmet, Iakuinta, Tiago dhe Almiron, bashkuar me rinovimet e Bufonit, Trezegesë, kanë bërë që entuziazmi, në selinë bardhezi, të jetë i madh, në prag të startit të kampionatit të ardhshëm të Serisë A. Pasi kanë sistemuar mesfushën dhe sulmin, bardhezinjtë janë duke ndjekr një mbrojtës dhe përveç brazilianit Pepe, edhe Gabri Milito është shumë pranë transferimit me Juventusin. “Interesi për Militon është i ditur tashmë. Kemi nevojë për një mbrojtës qendror dhe jemi duke trajtuar për Militon, por me Saragozën ekziston një diferencë e madhe ekonomike, mes kërkesës dhe ofertës. Bëhet fjalë për disa miliona euro dhe për këtë arsye nuk do të jetë e thjeshtë që marrëveshja të arrihet. Seko është duke punuar në lidhje me këtë, por është shpejt për të ditur diçka më shumë”, tha Xhilji, duke folur më pas për mundësinë që Kamoranezi të rinovojë, ashtu si është shprehur edhe agjenti i tij: “Ekziston një vlerësim i madh reciprok mes klubit dhe lojtarit. Kamoranezi tregoi lidhjen e tij me Juventusin dhe këtë vit ishte një lojtar i rëndësishëm. Nuk e shoh asnjë arsye që na pengon për të mos qënë konkurrues, duke parë se kemi të gjithë grupin e Serisë B dhe për këtë arsye, do të jetë edhe më zbavitëse. Edhe në deklaratën time të parë si president, thashë se do të shihnit një Juventus të madh, me kalimin e kohës. Do të mundohemi që të luftojmë për fitimin e titullit, duke parë se është prioriteti ynë. Mendoj se Milani, Interi dhe Roma do të jetë kundërshtarët për t’u mundur, edhe pse duhet të tregojmë kujdes edhe karshi Xhenoas dhe Napolit, sepse brenda fushës, janë gati të pakalueshëm”.

[no name]

Pierluixhi Berluskoni: Duam Eto’onë

30 Qershor Pierluixhi Berluskoni ka vetëm mbiemrin të përbashkët me të atin, sepse nuk i ngjan aspak presidentit të Milanit, Silvios. Nëse për padronin e “Djallit”, kthimi i Andrij Shevçenkos është një prioritet dhe një dëshirë e zjarrtë, e shprehur me kohë, për të birin, gjërat ndryshojnë: “Edhe pse babai im ka një debolesë për Shevçenkon, mendoj se Andrij nuk do të kthehet më, duke parë se supa e ftohur nuk është asnjëherë e mirë. Dhe, dua të përmend këtu, atë xhest të ukrainasit, ndeshjen e fundit të kampionatit, kur ngriti dorën në shenjë lamtumire, në tribunën e tifozëve, nuk mund të harrohet. Kur vjen lamtumira, nuk mund të ketë kthim prapa. Nuk është normale. Ndaj, mendoj se Sheva nuk do të kthehet”, tha djali i Berluskonit, duke u ndalur më pas te Samuel Eto’o, objektivi numër një i Milanit, në këtë merkato vere: “Eto’o mbetet qëllimi kryesor i klubit, duke parë se është një sulmues i cili ka karakteristika të cilat na pëlqejnë dhe trajneri Ançeloti e ka evidentuar gjithmonë këtë fakt. Pastaj, është i vetmi që mund të lëvizë nga Barcelona, sepse Ronaldinjo më duket i vështirë. Drogba? Sigurisht, Drogba mbetet një lojtar i madh dhe golat janë ato që flasin për të. Natyrisht, klubi i Çelsit nuk mund të lërë të lirë një kampion si Didieri, por nuk i dihet”, pohoi Pierluixhi Berluskoni, duke folur më pas për sezonin e ardhshëm dhe duke projektuar atë që do të vijë: “Tifozët nuk duhet të kenë frikë, ashtu si tha edhe administratori i deleguar, Galiani. Milani do të vazhdojë të dominojë në skenën kombëtare dhe ndërkombëtare. Skuadra ka kampionë të shumtë dhe një trajner të madh. Të gjitha gjërat shkojnë mirë. Na vjen keq që ky mund të jetë viti i fundit i Paolo Maldinit dhe vështirësitë do të jenë në faktin e gjetjes së një zëvendësuesi. Do të jetë gati e pamundur, sepse Paolo është një gjigant, një kolos i futbollit”.

[no name]

Galeti le Atletikon per Olimpiakosin

E Diele, 01 Korrik 2007


27 vjec, mesfushori i Atletikos se Madridit, Luciano Galeti, ka firmosur per Olimpiakosin perreth 2,5 milione euro. Pas 6 vitesh te kaluara ne Spanje, Galeti do te zbuloje nje kampionat te ri ne Greqi. Mbi te gjitha, ai ka mundesine qe te luaje edhe Ligen e Kampioneve. Argjentinasi ka zhvilluar 36 takime ne sezonin e kaluar, duke shenuar 4 gola.

[no name]

Atletiko blen Forlan, per 21 milione

E Diele, 01 Korrik 2007


Atletiko Madridi ka arritur nje marreveshje me Vilarealin: vjen Diego Forlan per 21 milione euro. Blerja e madhe per bardhekuqte. Atletiko e ka marre lojtarin 28-vjecar per nje shume mjaft te larte. Forlan vjen nga Vilareali dhe zevendeson Fernando Torresin, i cili eshte nje hap larg Liverpulit. Uruguaiani e ka vazhduar karrieren e tij te Indipendenti, skuadra nga e ka peshkuar Ser Aleks Fergusoni, i afte ta sjelle te Mancester Junajtid ne 2002 per 7 milione sterlina. Pas dy vjetesh mjaft te pafata me "djajte e kuq" (per golin e pare i eshte dashur te prese tete muaj, ne te gjithe kohen atje ka shenuar 10), ja dhe kalimi i tij ne 2004 te Vilareali. Edhe karriera e tij kthehet ne nivelet e larta, me 56 gola ne 106 aktivizime ne periudhen e nje trevjecari. Tani kalimi tek Atletiko Madridi, ku do te beje detyren e veshtire te behet "El Nino".

[no name]

Torres dhe Heinze drejt Liverpulit

E Diele, 01 Korrik 2007


Liverpuli eshte me te vertete prane ardhjes se Ferrnado Torresit nga Atletiko Madridi. E ardhmja e "Ninjos" eshte gati e shkruar: nga bardhekuq do te behet vetem i kuq. Blerja e madhe e Liverpulit per sezonin e ardhshem eshte destinuar qe te jete ai. Ata kane ofruar 32 milione euro, plus Luis Garsian. I vetmi problem eshte klauzola e klubit madrilen qe deshiron ta mbaje sulmuesin e ri.

Por jo vetem Rafa Benitezi, qe kohet e fundit po merret me ironite e tabloideve angleze, ka gati goditjen. Te rivalet e perhershem Mancester Junajtid mund te vije nje tjeter lojtar nga liga spanjolle: Gabriel Heinze. Mbrojtesi i shkelqyer qe, per momentin, eshte i zene ne Kupen e Amerikes, por menjehere pasi te kthehet nga bluza e Argjentines, mund te kaloje te te kuqte per nje shifer 5 milione sterlinash.

[no name]

Drogba: Nuk e njoh te ardhmen time

E Diele, 01 Korrik 2007


Sulmuesi i Celsit, Didier Drogba, eshte i pavendosur: "Duhet te vendos ne do te qendroj apo te iki". Qartesia e bluve dukej se ishte ai. Edhe Andry Shevcenko dukej se ishte i destinuar te ikte. Ndersa sot skenari eshte kthyer. Gazeta angleze "The Sun" ka sjelle disa deklarata te mesfushorit nga Bregu i Fildishte, qe tregojne raportin e tij me Celsin: "Deshironi te dini nese do te kthehem?". "Do te pres deri sa te jem gati. Tani po shijoj nje pushim qe e meritoj". Drogba vazhdon: "E dua Primer Ligen dhe nuk e kam me ngut te le Angline, por eshte me te vertete e veshtire te them se cfare do te bej javen tjeter. Kam punuar shume dhe do te doja te fitoja Ligen e Kampioneve me Celsin, por tani kam nevoje te shoh se cfare do te ndodhe". Ne fund pranon: "Per mua, mbetet deshira ime me e madh ne karriere. Edha tani ne zgjedhjen finale. Duhet te vendos ne do te iki apo do te qendroj. Edhe jam me te vertete kurioz te shoh nje bote tjeter futbolli, per te kuptuar se si eshte me te vertete futbolli jashte Anglise". Milani i ka hedhur syte nga Celsi, ndoshta Drogba mund te vije ne vend te Shevcenkos.