Arkivi i gazetës elektronike sportive: "FUTBOLLI"

[km92]

Marshimi triumfues 2007 i Fergit!

13 Maj Ky titull do të hyjë në histori si më i bukuri i karrierës së Aleks Fergusonit. Më i bukur se ai i vitit 1993, që hapi dinastinë e tij me Junaitedin dhe më i bukur edhe se ai i rikuperimit fantastik ndaj Njukasëllit të Kevin Kiganit në 1996?n. Edhe ai i tripletës së famshme të 199?s eklipsohet nga ky. Pse? Sepse ky thjesht nuk duhej të fitohej. Jo pasi Arsenali “I Pathyeshëm” eklipsoi Junaitedin me triumfin pa humbje në vitin 2004. Jo pasi Çelsi filloi të dukej si superfuqia e re e Premiershipit në vitin 2005, duke mbrojtur atë titull me lehtësi në 2006?n. Herën e parë Çelsi eklipsoi Junaitedin e vendit të tretë me 18 pikë, ndërsa vitin e kaluar Junaitedin e vendit të dytë me 8 pikë. Pasi mori fronin e Liverpulit si forca dominuese e futbollit anglez, u duk sikur Junaitedi po pësonte atë rënie të paevitueshme. Por ndërsa armiqtë e tyre të vjetër janë ende në kërkim të kthimit në kohët e arta, pasi Liverpuli e fitoi titullin për herë të fundit në vitin 1990, Junaitedi u rindërtua dhe tashmë është rikthyer. Ndoshta vetëm Fergi besoi se kjo mund të ndodhte. Që në fillim, ai tha se kishte besim në skuadrën e tij. Në verën e kaluar, bosi i “Ols Traffordi”?it shprehej: “Jam optimist për sezonin e ri. Ky sezon, pas tre vjetësh pa titull, është një sfidë e veçantë, por jam i sigurt se do të përballemi denjësisht me të”. Dhe pikërisht këtë bënë Djajtë e Kuq, duke u kthyer në fronin e Premiershipit me një futboll të rrjedhshëm sulmues, që të kujton kohët e tyre të arta, kur Junaitedi dominonte kampionatin anglez.

Fillimi i mbarë, faktor vendimtar

Nga fitorja 5?1 me Fulhamin në javën e parë, Junaitedi vrapoi gjatë gjithë sezonit me një lojë të mbushur me gola. Lojtarë si Kristiano Ronaldo e Uejn Runi shpërthyen më në fund me talentin e tyre, kurse veteranët Rajan Gigs e Pol Skolls përjetuan një rini të dytë. Por për Fergusonin çelësi i këtij triumfi ishte etja me të cilën ekipi e startoi sezonin ? siç kishin bërë Çelsi dhe Arsenali në 2005?n dhe 2004?n, përkatësisht. Ai tha: “Ishte e nevojshme që të kryenim një start të mirë, për të mos lejuar asnjë rival të shkëputej. Nuk donim të ishim sërish në ndjekje gjithë sezonin. Dhe e arritëm këtë synim megjithë dëmtimet që patëm. Ishte kjo periudhë pozitive në fillim që më konfirmoi se të rinjtë kishin përparuar aq sa duhej për të sfiduar për titullin. Dhe ne vraponim dhe luanim një lojë madhështore sulmuese. Emocione, argëtim dhe kënaqësi, megjithëse në mbrojtje ishim të fortë dhe nuk pësnim shumë gola. Fillimi ynë i sezonit u dërgoi rivalëve mesazhin e duhur. Ata e kuptuan se këtë vit gjërat nuk do të ishin të lehta, pasi ne ishim të vendosur ta çonim deri në fund sfidën tonë drejt titullit kampion”.

Ronaldo dhe Runi, dyshja e çudirave

Junaitedi fitoi katër takimet e para në Premiership, duke shënuar 11 gola e duke pësuar vetëm 2 të tillë. Ata që kishin dyshime për vendimin e Fergit për shitjen e Rud van Nistleroit te Real Madridi morën menjëherë përgjigjen që meritonin. Rud ishte një lojtar që kishte shënuar 150 gola në 200 ndeshje për Junaitedin, megjithatë Fergi shprehet: “Unë i kam admiruar gjithnjë aftësitë e tij para portës dhe mendoj se të gjithë se si ia dolëm mbanë pa atë numër golash që na ka dhënë Rud çdo sezon. Por unë kisha besim se ekipi do të ishte gjithsesi një makinë golash, vetëm se këtë sezon golat janë shpërndarë midis më shumë lojtarësh. Forma e Uejn Runit dhe e Kristiano Ronaldos ka qenë e pabesueshme. Ata shënuan shumë gola së bashku edhe pa qenë një dyshe e vërtetë sulmuese, si Duajt Jork e Andi Kol”. Ndërsa Jork e Kol shënuan 53 gola së bashku në sezonin e tripletës në 1999?n, Ronaldo e Runi kanë shënuar deri tani 46 gola, me nga 23 secili, në të gjitha kompeticionet e sezonit.

Reagimet e forta pas çdo zhgënjimi

Forma e mirë e Junaitedit në fillim të sezonit u ndërpre pak nga humbja e parë e sezonit ? 0?1 me Arsenalin në “Old Trafford” ? në 17 shtator. Ajo humbje u ndoq nga barazimi zhgënjyes 1?1 në fushën e të sapongjiturës në Premiership, Reding. Por gjatë sezonit, sa herë që Junaitedi pësonte një zhgënjim, ekipi reagonte vrullshëm. Në një seri fantastike, Djajtë e Kuq fituan gjashtë nga shtatë ndeshjet e tyre të mëtejshme, duke shënuar 17 gola dhe duke pësuar vetëm 2, para vizitës së kampionëve të Çelsit në “Old Trafford”. Fergusoni pranonte në atë periudhë: “Platforma është e mirë, sipari është ngritur dhe unë jam i sigurt se të gjithë aktorët janë gati për të luajtur më së miri rolet e tyre”. Çelsi mbërriti në fushën e Djajve të Kuq tre pikë pas tyre, duke ndjekur, siç bëri gjithë sezonin. Junaitedi vetëm barazoi, por më pas fituan tre takimet e mëtejshme, para se të vinte një tjetër testim mendor pas humbjes shokuese 1?0 në Uest Ham. Por përgjigja qe sërish e menjëhershme. Skuadra e Fergit fitoi katër dhe barazoi një nga pesë ndeshjet e tjera, duke shënuar 14 gola gjatë tyre.

Shkatërrimi i çdo pengese të fortë

Deri në fund të sezonit Djajtë e Kuq do të humbisnin vetëm dy ndeshje ? Në Arsenal dhe në Portsmuth ? para se të fitonin titullin. Thujase gjithë ekipet e tjera që i dolën përpara u shkatërruan, pasi Junaitedi shënoi katër me Uotfordin, Totenhamin, Boltonit, (për herën e dytë), dhe Bllekbërnin. Humbja e papritur, si në Portsmuth, nuk ia ulën kurrë besimin e Fergit se lojtarët e tij ishin të aftë të fitonin Premiershipin. Ai u shpreh: “Unë i besoj lojtarëve, sidomos kur kanë pësuar një zhgënjim, pasi kanë karakterin e duhur për t’u ngritur sërish dhe për të dhënë atë përgjigje që pritet prej tyre”. Në mes të sezonit, pas humbjes djegëse në “Emurates” me Arsenalin, Fergi ndihej më i bindur se kurrë se titulli po kthehej në “Old Trafford”. Ai përfundoi: “Ne duhet të kthehemi edhe më fort, pasi jemi më të fortë se rivalët”. Dhe vërtet kështu është, Djajtë e Kuq e meritonin titullin e nëntë të Premiershipit.

[km92]

Eto’o: Turp, por do të kalojë!


13 Maj “Nuk mund të dyshojnë për Barcelonën, ashtu siç nuk mund t’i besosh një luani të ngordhur, i cili edhe ashtu të fut frikën”



Samuel Eto’o, sulmuesi i Barcelonës, në një intervistë të dhënë, foli për humbjen e thellë me Getafen dhe analizoi situatën e krijuar në skuadrën katalanase. Pavarësisht eleminimit nga Kupa e Mbretit, kamerunasi u shpreh shumë optimist se Barça do të fitojë pesë takimet e mbetura dhe do të shpallet kampione e Spanjës.



? I kuptuat të bërtiturat në stërvitje?

? I pranoj dhe i kuptoj kontestimet që vinin drejt nesh. Mendoj se na duan shumë, kanë shumë besim te ne dhe besojnë se mund t’ia dalim mbanë. Asnjë tifoz nuk ka pse të ndihet krenar pas asaj që bëmë me Getafen, kanë arsye për të na kontestuar. Tani kemi nevojë më shumë se kurrë për ta. Nuk mund të ndahemi tani që kemi më shumë nevojë për mbështetjen e tyre. Jemi në luftë për titullin kampion dhe duam mbështetjen e tifozëve.

? Si e shpjegoni atë që ndodhi me Getafen?

? Do të më pëlqente që ta shpjegoja. Ishte një imazh shumë i keq dhe nuk kam fjetur aspak atë natë. Që kur kam ardhur te Barcelona nuk mbaj mend që të kemi zhvilluar një ndeshje të tillë. Çfarë t’ju them tjetër?

? A i ka mbetur më forcë kësaj skuadre?

? Flas si tifoz futbolli, jo si lojtar i Barcelonës: kjo skuadër më bën të ëndërroj. Çdo skuadër mund të humbasë një ndeshje, por me Getafen më e keqja ishte imazhi i dhënë. Nuk mund të dyshojnë për Barcelonën, ashtu siç nuk mund t’i besosh një luani të ngordhur, i cili edhe ashtu të fut frikën. Na kanë mbetur edhe pesë ndeshje, përfshirë këtë të sotmen me Betisin. Kam shumë besim te shokët e mi të skuadrës. Dua që të fitojmë pesë ndeshjet e mbetura dhe më pas të festojmë titullin kampion. Atëherë do të flasim ashtu siç duhet për Barçën.

? A është Barcelona një skuadër “galaktikësh”?

? Ne nuk jemi galaktikë, nuk mund të krahasohet Barcelona me Realin. Ata kishin projektin e tyre dhe ne kemi tonin. Kemi fituar dy herë radhazi kampionatin, dy Superkupa Spanje, një Champions League dhe nëse luftojmë shumë, do të fitojmë edhe kampionatin e tretë radhazi. Nëse mund të shohim lojtarët që kemi, mund të them se na mbeten edhe tre apo katër vjet për të luajtur në nivele të larta, por më shumë se e ardhmja na intereson e tashmja. Duhet të fitojmë pesë takimet e mbetura dhe e para fillon kundër Betisit. Nuk mund të lejojmë që të na shpëtoj kjo mundësi.

? Shtypi dhe mediat flasin për një turp, për një dështim, a e pranoni?

? Shtypi ka të drejtë të thotë atë që dëshiron. Ndonjëherë mund të na kritikoj dhe mund të thotë çfarë të dëshirojë. Nuk mund të hidhet poshtë i gjithë suksesi i Barcelonës nga një ndeshje e shëmtuar kundër Getafes. e kemi edhe një mundësi tjetër për të reaguar dhe për të prekur qiellin me dorë. Na kanë kritikuar rëndë dhe me të drejtë, por do të luftojmë për të fituar titullin kampion.

? U ndjetë të turpëruar?

? Po, ndjeva shumë turp. Në atë ndeshje nuk isha në lartësinë e fanellës që po mbaja veshur. Ndoshta mund të mendoja që të largohesha edhe nga fusha. Ishte një rezultat shumë i papritur dhe që asnjë nga ne nuk mund ta imagjinonte. Nuk e di se çfarë ndodhi, e kam shumë të vështirë që ta shpjegoj.

? Çfarë mund t’i thoni tifozëve pas kësaj ndeshje?

? I them që të kenë besim te ne dhe kundër Betisin do të shohin një Barcelonë krejt ndryshe. Publiku do të jetë lojtari i 12?të. Nëse luaj, e kam shumë të qartë atë që duhet të bëj. E di që do të jetë e vështirë, sepse njerëzit kanë ende në kujtesën e tyre ndeshjen kundër Getafes. I kërkoj që ta harrojnë sepse kampionati është tjetër gjë.

? Ju bezdisin deklarata optimiste të Realit?

? Unë flas vetëm për Barçën, nuk më interesojnë skuadrat e tjera. Më intereson që të fitojmë pesë takimet e mbetura dhe të tjerët të thonë çfarë të duan. Ne nuk mund të ofendojmë shokët tanë që luajnë në skuadrat e tjera. Po të flasësh shumë, ndeshjen nuk mund të fitohen. Më të favorizuarit për të fituar titullin kampion jemi ne dhe gjithçka është në dorën tonë.

[km92]

Reali, përmbysja që sjell kreun

13 Maj Reali i Madridit ka arritur më në fund të dalë në krye të Primera Division. Edhe pse Barcelona luan sot, kundër Betisit, madrilenët kanë fituar takimin e tyre në “Santiago Bernabeu”, 4?3 ndaj Espanjolit dhe tani mund të presin të shohin se çfarë do të bëjë Barcelona në “Camp Nou”. Por gjërat nisën në mënyrën më të keqe të mundshme për skuadrën e Fabio Kapelos, e cila për gjysmë ore pësoi dy gola. Megjithëse vendasit zotëruam dukshëm topin me tepër se sa Espanjoli dhe krjuan raste për shënim përmes një loje mjaft tëmirë, ishte finalistja e Kupës UEFA që iu gëzua golit. Me dy zbritje të shpejta nga e djathta, ku Roberto Karlos dukej dukshëm në disavantazh në krahasim me Rufeten dhe Zhonatasin, miqtë nga Barcelona tronditën të gjithë të pranishimit në “Bernabeu”. Autor i golave ishte në të dy rastet uruguajani Valter Pandiani, i cili përfundoi me sukses aksionet e skuadrës së tij. Por edhe kur Van Nistelroi shënoi golin që shkurtoi diferencën në të 30', menjëherë Pandiani goditi sërish dhe me golin e tij të tretë personal u duk sikur mbylli takimin. Gjithçka e errët për Realin në pjesën e parë, pasi dështoi në pikën më të fortë të Kapelos, mbrojtjen, dhe “Bernabeu” po shndërrohej në makthin e radhës. Në pjesën e dytë, Kapelo la në dhomat e zhveshjes Gutin dhe Sisinjon dhe në vend të tyre u futën Rejes dhe Helgera. Menjëherë Rejes pati një rast të mirë, por goditi jashtë. Megjithatë goli erdhi pak minuta më vonë kur Roberto Karlos, si për të korrigjuar gabimet e pjesës së parë, krosoi një top të saktë për Van Nistelroin në hyrje të zonës kundërshtare; holandezoi pasoi saktë për Raulin dhe kapiteni nuk gaboi. Që nga ai moment vendasit filluan të shtynin përpara me forcë dhe lojë të mirë, duke besuar te përmbysja. Espanjoli u tërhoq më shumë dhe u nënshtrua. Dhe kur pas shumë pritjeve të mira, portieri Kameni u ngatërrua me mbrojtësit e tij, Rejes përfitoi dhe shënoi lehtësisht golin e barazimit. Përmbysja dukej edhe më afër, por Kasijas u tregua edhe një herë vendimtar kur ia hoqi topin nga këmbët Lusi Garsias, i cili ishte i vetëm para tij. Por fundin e bëri edhe më të lumtur Higuain, i cili me forcë mori një top në krahun e djathtë, kombinoi me Rejesin dhe goditi saktë për të shënuar golin e fitores. Një gol që ndoshta mund të vlejë kampionatin.

[km92]

Ançeloti: Sheva, kthehu te ne!

13 Maj “Shevçenko? Mendoj se është një operacion ekonomikisht i vështirë, por Milani do të bëjë të pamundurën për ta bindur që të kthehet”. Me këto fjalë e nisi dje konferencën për shtyp Karlo Ançeloti, i cili mbështeti kështu mendimin dhe idenë e shpalosur nga presidenti Berluskoni dhe të konfirmuar më pas nga Adriano Galiani. Trajneri kuqezi tha: “Tratativa nuk është aspak e lehtë, por ne do të provojmë. Gjithçka varet edhe nga Çelsi. A do të kthehej Sheva? Nga ajo që thuhet nëpër gazeta, po. Por, të them të drejtën, s’e kam dëgjuar ende”, u shpreh Karleto, duke u ndalur më pas te merkato dhe tre nga “yjet” që mund të veshin fanellën kuqezi këtë verë: Ronaldinjo, Eto’o apo Sheva. Ançeloti nuk ka ndonjë preferencë më shumë. “Janë tre lojtarë që mund të luajnë me çdo ekip. Kush është ai trajner që nuk do t’i donte në ekip? Pastaj, Andri ka luajtur shtatë vjet me Milanin dhe e njohim mirë, për atë që ka dhënë. Ronaldinjo dhe Eto’o janë dy kampionë të mëdhenj, por nuk jam unë ai që merrem me merkato. Dua të them vetëm se Andri ka mundësi që të zgjedhë edhe njëherë Milanin dhe të gjithë e mirëpresim”. Në vazhdim, Ançeloti u nda edhe te një talent tjetër, që i pëlqen shumë dhe që nuk e fsheh dëshirën për ta stërvitur. Tekniku i Milanit është i tërhequr pas Frenk Riberisë, ylli të Marsejës: “Më pëlqen shumë Frenk Riberi. Përveç faktit që zhvilloi një Botëror të madh, në Gjermani, është një lojtar dinamik dhe mund të na japë shumë motivime. Me Gatuzon në mesfushë, do të krijonte diçka të jashtëzakonshme. Një dyshe të hekurt, të pathyeshme. Sigurisht, nuk i kam kërkuar klubit ta blejmë, pasi s’kemi folur ende për merkato”, përfundoi Ançeloti.

[km92]

Morati mendon për Suazon, afron marrëveshja

13 Maj David Suazo është një nga sulmuesit më të ndjekur në merkato, aktualisht dhe këtë e konfermojnë edhe zërat e fundit, duke parë se shumë klube të mëdha italiane dhe europiane janë vënë në ndjekje të tij. Ajo që është e sigurtë është se në fund të sezonit, sulmuesi nga Hondurasi do të largohet nga ishulli i Sardenjës. Suazo eshtë vetëm 27 vjeç dhe e njeh mirë futbollin italian. Ishte folur në të shkuarën për të, për një interesim të Milanit, por asgjë nuk ndodhi më pas. Tani i takon Interit dhe këtë herë duket se gjërat janë në një fazë më të avancuar. Flitet pikërisht për një marrëveshje të arritur mes Interit dhe Kaljarit, me klubin sard që do të përfitonte 16 milion euro. Por, pyetja që lind është se çfarë ka bindur Masimo Moratin të bëjë këtë zgjedhje? Gjithçka lidhet me Krespon dhe Adrianon. Nëse do të mbërrinte Suazo në Milano, atëherë ai që do të largohej do të ishte pikërisht Adriano, me Krespon që do të qëndronte, nëse Interi do të arrinte një marrëveshje me Çelsin. Aktualisht, “Perandori” kërkohet nga shumë klube: Real Madridi, Barcelona dhe Mançester Junaitedi, por edhe një alternativë që do ta çonte te Juventusi, edhe pse duket e vështirë. Morati dëshiron lojtarë në këmbim, përveç parave. Edhe këto janë diçka e mundur, nga Diarra te Deko, për të vazhduar te Kamoranezi, Bufon dhe Trezege.

[km92]

Mançini: Adriano qëndron, nëse ndryshon

13 Maj Sot, ndaj Lacios, Adriano nuk do të luajë, për një problem në gju. Por, ajo që shqetëson më shumë ambjentin zikaltër është sjellja e brazilianit, si brenda, ashtu edhe jashtë fushës. Roberto Mançini do ta mbajë pushim, në prag të finales së kthimit, në Kupën e Italisë. Por, çështja që vazhdon të qëndrojë në rend të ditës është e ardhmja e “Perandorit”. “Të presim për këto diskutime në fund të kampionatit dhe të shohim se çfarë do të ndodhë, edhe pse kemi situata të ndryshme për të konsideruar dhe shqyrtuar”, pohoi trajneri zikaltër në konferencën e djeshme për shtyp, duke vazhduar. “Duhet edhe të shohim se çfarë do të ndodhë me Krespon, sepse të tilla vlerësime do t’i bëjmë më vonë, kur do të kemi edhe më shumë siguri”. Pasiguritë e lidhura me Adrianon janë të shumta, saqë ka nisur të qarkullojë emri i Suazos, si zëvendësim i mundshëm. Por, Mançini nuk çekuilibrohet: “Suazo ka karakteristika të rëndësishme, por është shume shpejt për zënë me gojë emra”. Duke iu kthyer “Perandorit”, atyre që e pyesin nëse mund të kthehet Adriano ai i viteve të shkuara, Manço iu përgjigjet: “Kam shumë besim, sepse mendoj gjithmonë se një njeri mund të ndryshojë, mbi të gjitha kur nuk ka sjellje të mira në lidhje me punën. Adriano është një lojtar i madh dhe ka një talent të veçantë. Pastaj është i ri, ndaj ka një të ardhme përpara, duhet vetëm që të zgjedhë saktë”, tha trajneri i Interit. Në pritje për të kuptuar diçka më shumë në lidhje me të ardhmen e Adrianos, i kërkuar nga Real Madridi, zikaltrit përqëndrohen për takimin e sotëm, ndaj Lacios: “Tashmë besoj se kemi arritur objektivin e tyre, duke bërë një sezon të jashtëzakonshëm. Eshtë një skuadër që ndodhet në vend të tretë në renditje dhe që kanë arritur objektivin e tyre, Champions League. Pastaj, ndihen shumë mirë fizikisht. Pastaj, vijmë pas humbjes së thellë ndaj Romës, në finalen e Kupës së Italisë. Duhet që të zhvillojmë një ndeshje të madhe, për të bërë që tifozët të harrojnë atë zhgënjim. S’duhet të mendojmë më për atë takim, sepse e vetmja gjë që duhet përmendur është se duhet të japim maksimumin në takimin e kthimit. Futbolli është i çuditshëm, sepse mund të ndodhë çdo gjë. Nuk do të jetë e lehtë që të shënojmë katër gola ndaj Romës, edhe pse kemi arritur njëherë vetëm në 47 minuta”, mbylli Mançini duke kujtuar përmbysjen e madhe në Superkupën e Italisë. Në fund, Mançini u ndal te e ardhmja zikaltër: “Mendoj se edhe sezonin e ardhshëm do të japim maksimumin dhe do të luftojmë si për Champions, ashtu edhe për kampionat”, përfundoi Manço.

[no name]

Kapelo: Ishte nje mrekulli

E Hene, 14 Maj 2007

Fitorja e Realit te Madridit, duke permbysur Espanjolin, eshte nje tjeter shtytje per njerezit e Kapelos drejt fluturimit final per te pushtuar Ligen. "Ishte nje mrekulli - thote trajneri nga Pieris. Per ne, cdo ndeshje eshte nje finale, por entuziazmi eshte pozitiv vetem nese eshte i lidhur me punen".

Kur mendon per pak muaj me pare, per turinjte e varur dhe per fjalet e egra qe u rezervonte te gjithe turmes me te bardha, per frymen e ndarjes qe mbizoteronte, te vjen per te qeshur. Sepse ne futboll, prej gati 20 vjetesh, gabimi me i pafalshem qe mund te besh, eshte te shesesh lekuren e ariut te quajtur Kapelo perpara se ta vrasesh. Edhe kete here, don Fabio e ka fituar hakmarrjen e tij, e ka bere njerezine e "Bernabeut" te rifuse shamite e bardha ne xhep dhe e ka hequr nga qarkullimi "panoladas" e radhes. Reali ishte mbrapa, larg, i tronditur nga nje krize loje e rezultatesh, qe dukej se nuk kishte shpetim; tani eshte ne lufte te plote ne Lige. Kapelo i shikon te gjithe nga lart, edhe nje here tjeter.

"Ishte nje permbysje e madhe - thote ai, pas rezultatit 4-3 ndaj kusherinjve te Barces. Jam i lumtur, sepse me pelqen karakteri i kesaj skuadre, deshira per te rikuperuar rezultatin. Ne kete moment, jemi te bindur se mund te mposhtim kedo, por ekziston gjithnje mundesia se dicka mund te shkoje keq. Cdo ndeshje per ne eshte nje finale, sepse nuk mund te humbasim pike, duke pare qe Barcelona eshte para: duhet vetem te fitojme dhe te shikojme renditjen pa u ngopur". Pastaj nje paralajmerim per te tijte, qe te mbajne kembet ne toke. "Entuziazmi eshte gjithnje dicka e mire - shpjegon - por duhet te qendroje e lidhur me punen".

[no name]

Bufon-Juve, mesazhe te reja lamtumire

E Hene, 14 Maj 2007


Seria A eshte gjithmone e me prane dhe ka mberritur momenti i zgjedhjeve. Ne rastin e Juventusit me e nxehte eshte ceshtja e Xhixhi Bufonit, ku ngjarjet e fundit po paralajmerojne per nje lamtumire. "Perpara se te sqaroj - tha ai - duhet te takohem me drejtuesit, pas nje apo dy javesh, ku do te di dicka me konkrete. Do te duhen kater apo pese vjet per te arritur skuadrat e medha".

Atmosfera e largimit nuk duket ashtu, perkundrazi, mesazhet qe leshon portieri per drejtuesit jane si nje qe ka deshire te cmendur te kthehet te luftoje per objektivat madhore dhe skena shume prestigjioze. Keshtu, ose Juve duhet te jete gati per nje sezon te mire, ose do te lere Torinon per te shkuar te skuadrat e tjera.

Mbi mundesine per te luajtur qe nga viti qe vjen per titullin, Bufoni nuk duket se ka shume besim: "Nuk eshte se po jetojme ne nje bote endrrash dhe dihet se brenda nje sezoni nuk mund te besh nje skuader kompetitive. Kjo eshte me shume se normale, me shume se e qarte. Duhet ta kuptosh se sa duhet te besh dicka te tille. Duke pare se cfare po ndodh perreth, duke pare se sa kushtojne kampionet e medhenj, kuptoj qe eshte veshtire".

Fjale qe thone per nje lamtumire, por edhe nje pyetje e madhe: ku do te shkoje? Inter dhe Milan jane ne rregull (edhe se nuk i dihet kurre), portieri me i mire ne bote rrezikon te mos kete alternativa te tjera. "Une nuk kam oferta te drejtperdrejta - ka thene ai - edhe pse Juve nuk me ka vene ne merkato. Ne momentin ne te cilin vendosnim te ndaheshim, Juves do t'i duhej te me nxirrte ne merkato, ne ate pike do te shikonim ofertat qe do te vinin". Ne javet e tjera misteri do te zbardhet.

[no name]

Shtypi anglez: Lampard prane Barcelones

E Hene, 14 Maj 2007


Me Interin ne vije te dyte, Juventusi mund t'i beje veshet pipez ne pritje te zhvillimeve pozitive, sepse e ardhmja e Frenk Lampard ne radhet e Celsit nuk duket me e sigurt. Edhe pse klubi i padron Abramovicit deshiron te duket me i bashkuar se kurre, edhe pse sezoni u mbyll ne menyren me te keqe, mbeten dyshimet rreth te ardhmes per kampionet e Murinjos. Nje nder ta eshte mesfushori i Kombetares angleze qe, cdo dite qe kalon i afrohet edhe me Barcelones. I vleresuar rreth 15 milione sterlina (rreth 25 milione euro), lojtari perfaqeson mesfushorin ideal per te perforcuar zonen e mesit te fushes, qe, sipas drejtuesve katalanas, vuan nga nje fare egersie agonistike. Lajmin e ka nxjerre numri i djeshem i "Sunday Mirror". Priten zhvillime ne ditet e ardhshme, madje qe pas oreve qe do te pasojne FA Cup te se shtunes mes Celsit e Mancesterit. Nese tratativa me Barcen do te anohej, Interi i Moratit mbetet ne pole-position per te perfituar sherbimet e nje prej yjeve te pertej La Manshit.

[km92]

Runi: Puna perfundon pas dopietes!

15 Maj Uejn Runi ka fituar me ne fund titullin e tij te pare kampion ne Angli, por 21?vjecari deshiron qe festa te marre permasa dhe me te medha, gje qe do te ndodhe nese Junaited mund Celsin ne finalen e Kupes se Anglise, ne 19 maj. Pasi fitoi vetem nje medalje te Kupes se Liges ne dy sezonet e tij te pare ne “Old Trafford”, ish?sulmuesi i Evertonit pati mundesine te shijonte te dielen shnderrimin e endrres se tij ne realitet. Me 23 golat e shenuar, Runi ka patur nje rol kyc ne sezonin e suksesshem te Mancesterit, por 21?vjecari kembengul qe puna e tij ende nuk ka perfunduar, pasi skuadra eshte ne gare per t’i dhene trajta edhe me te medha suksesit ne kete sezon, nepermjet nje dopiete. “Nuk eshte ende momenti per te festuar, pasi kemi ende mundesine te bejme nje dopiete”, thote Runi, qe gjithsesi prano se kampionati ishte objektivi kryesor per Junaitedin, pas kater vitesh “thatesire”. “Kemi patur 38 ndeshje mjaft te veshtira dhe jemi shume te lumtur qe e mbyllem ne krye. Nuk ka nje ndjesi me te mire se kjo dhe do te bejme te pamunduren qe te mos kalojne kater vjet te tjere per ta provuar perseri”.