Arkivi i gazetës elektronike sportive: "FUTBOLLI"

[km92]

Benitez: Nëse jemi vetvetja, do të kalojmë!

30 Prill Rafael Benitez nuk i kushtoi shumë rëndësi humbjes së skuadrës së tij me Portsmuthin (2?1), duke thënë që ajo u ndikua nga fakti që vëmendja e skuadrës është përqendruar tek gjysmëfinlaja e Champions, me Çelsin. Të kuqtë do të përpiqen të rikuperojnë këtë të martë në “Anfield”, humbjen 1?0 të “Stamford Bridge” dhe në ndeshjen e “Fratton Park” skuadra luante pa Xherard, Karrager, Krauç, Reinën dhe Kajtin. Benitez, skuadra e të cilit eliminoi në gjysmëfinalen e 2005?s Çelsin, falë një goli të dyshimtë të Luis Garsias, thotë: “Nuk e di se si e sheh Çelsi këtë situatë. Nuk besoj se ndihen të frikësuar, pasi kanë një përvojë dhe cilësi të madhe, por është e qartë që do të jenë nën presion. Do të përpiqemi të bëjmë të njëjtën gjë që kemi bërë edhe më parë, kur i mundëm 2?0 në janar dhe është e sigurt që do t’i vendosim nën presion. Kam folur më parë për tifozët tanë, atmosferën që krijohet në stadium dhe për karakterin e skuadrës sime. Do të jetë e rëndësishme që të bëjmë gjërat e duhura taktikisht, të mos i japim mundësi që të krijojnë raste, por kryesorja është që në ndeshje të këtij lloji të tregosh karakterin tënd dhe me mbështetjen e tifozëve tanë jam i sigurt që do t’ia dalim mbanë. Pozitivja për ne është që edhe pse nuk luajtëm mirë në “Stamford Bridge”, pësuam vetëm një gol dhe jam i sigurt që në qoftë se do të luajmë në nivelin tonë të vërtetë, mund t’i mundim. Për të fituar ndaj një skuadre të mirë ndaj Çelsit duhet të bashkosh të gjitha cilësitë, shkathtësinë, organizimin dhe karakterin. Me tifozët që do të këndojnë gjatë të gjithë kohës, jam i sigurt që futbollistët do të jenë më të motivuar dhe do të vrapojnë shumë. Unë ndihem optimist dhe e vetmja gjë që duhet të bëjmë është të kontrollojmë ankthin tonë dhe të luajmë mirë”.

[km92]

Terri e Lampi “bëjnë numra”!

30 Prill Yjet e Çelsit, Xhon Terri dhe Frenk Lampard kanë “ngrirë” bisedimet për zgjatjen e kontratave, për shkak të paqartësive që qarkullojnë në lidhje me të ardhmen e Hoze Murinjos. Të dy futbollistët nuk do të pranojnë të hedhin firmat mbi kontratat afatgjata që u propozon klubi, deri sa situata të zgjidhet. Deklarata publike e drejtorit ekzekutiv, Pite Kenion, sipas të cilit Murinjo nuk do të pushohet nuk ka mjaftuar për të shuar zërat për largimin e mundshëm të portugezit dhe Terri thotë: “I kam thënë klubit që nuk dua të bisedoj për kontratën time përpara përfundimit të sezonit. Po luajmë shumë ndeshje dhe kemi shanse për të fituar shumë tituj, prandaj nuk dua të shpërqendrohem”.

[km92]

Murinjo: Nuk mund të gabojmë!

30 Prill Trajneri i Çelsit, Hoze Murinjo këmbëngul që nuk ka asnjë inat ndaj futbollistit të Evertonit, Fil Nevill, autogoli i të cilit i shërbeu Mançesterit për të bërë një hap të rëndësishëm përpara, drejt titulit kampion. Ish?futbollisti i Junaited shënoi në portën e tij në të 68' dhe ky ishte goli që barazoi rezultatin në 2?2. Më pas, një gol nga Uejn Runi dhe Kris Igëll përmbushën një përmbysje të mrekullueshme, nisur nga disavantazhi 2?0. Çelsi nuk shkoi më larg se barazimi 2?2 me Boltonin, në ndeshjen e zhvilluar gjithashtu të shtunën, por Murinjo nuk hamendëson për asnjë skenar. Trajneri i Çelsit deklaroi: “Nuk e kam parë golin e Nevillit, por unë nuk jam askush që të dyshoj në moralin dhe qëllimet e një futbollisti, pa patur asnjë arsye”. Pas barazimit zhgënjyes me Boltonin, shpresat e bluve për të fituar titullin kampion janë reduktuar ndjeshëm dhe kur mbeten edhe tre javë deri në fund, diferenca me Mançesterin është pesë pikë. Murinjo refuzon të komentojë situatën e tanishme, duke i kërkuar skuadrës që të përqendrohet në gjysmëfinalen e kthimit të Champions, kundër Liverpulit. Murinjo shtoi: “Kur humbëm në gjysmëfinale përpara dy vitesh mundëm Boltonin dy ditë më parë dhe u shpallëm kampionë. Këtë herë humbëm dy pikë tepër të rëndësishme ndaj Boltonit dhe shpresojë që të funksionojë e anasjellta, të sigurojmë kalimin në Champions”.Çelsi do të zbresë të martën në “Anfield”, për të zhvilluar një ndeshje përcaktuese për fatet e këtij sezoni, por Murinjo duhet të përpiqet të sigurojë kalimin në finalen e Athinës pa mbrojtësin Rikardo Karvalho, që u dëmtua ndaj Boltonit. Me Mikael Balak që do të jetë i detyruar t’i nënshtrohet gjithashtu një operacioni në gju, lajmi i vetëm i mirë për Murinjon është rikthimi i Mishel Esienit, ndërsa Khalid Bularuz gjithashtu mund të grumbullohet, për të mbushur boshllëkun e krijuar nga mungesa e mbrojtësit portugez. Bularuz ka munguar që prej një dëmtimi në shpatull pësuar në shkurt, por ai thotë: “Kam punuar shumë për t’u riaftësuar sa më shpejt dhe tani ndihem shumë mirë. Mendoj që kam patur shumë pak fat në këtë sezon, me dy dëmtime të rëndësishme që më kanë penguar të luaj, por tani jam mirë dhe dua të ndihmoj skuadrën në fazën më të rëndësishme të sezonit”.

[km92]

Çels-Milan, finalja e madhe 2007!

30 Prill Marsel DESAI, për “the Guardian”

Pasi kam luajtur në karrierën time për Milanin dhe Çelsin, nuk kam se si të mos shpresoj për një finale të Champions League mes dy ish?klubeve të mia. Çfarë rasti i papërsëritshëm do të ishte nëse kjo do të realizohej në 23 maj në Athinë! Unë isha i pranishëm në të dy takimet e para të gjysmëfinaleve të javës së kaluar dhe, pasi mbeta i shokuar nga përzgjedhja e formacioneve, mendoj se rezultati i takimeve të dyta është shumë i vështirë për t’u parashikuar. Por kam përshtypjen se dëshira ime do të realizohet dhe nëse kjo ndodh, ka mundësi të bëj tifozllëk për Çelsin. Nëse Mançester Junaitedi do të ishte një skuadër italiane, atëherë do ta arrinte shumë thjeshtë objektivin. Ata kanë kryesimin dhe duhet vetëm të eliminojnë Kakanë dhe Klarenc Sedorfin, dy kërcënimet kryesore të Milanit, në takimin e kthimit. Por Junaitedi nuk është nj` skuadër italiane, ajo nuk mund të luajë në këtë mënyrë dhe nuk duhet ta ndryshojnë stilin e lojës tani. Sër Aleks Ferguson do të kërkojë që katër sulmuesit e tij të vënë nën presion Milanin. Por gjashtë lojtarët e prapavijës duhet të jenë shumë të disiplinuar për të mos rënë në kurthin që do të ngrejë Milani, siç ndodhi në fitoren 3?2 të Junaitedit në “Old Trafford”. Nëse Darren Fleçer luan, ai është lojtari që duhet të përmirësohet më shumë. Milani e di se si ta tentojë një skuadër të dalë nga prapavija. Eshtë si t’i nxjerrësh një çokollatë përpara një fëmije dhe t’i thuash: “Eja kape, eja kape”. Dhe më pas Milani mund të luajë kundërsulmin. Milani e di që i duhet vetëm një fitore 1?0, por italianët nuk janë një skuadër që dinë ta kapin një takim prej fyti. Dhe pse kanë shumë eksperiencë ? ka katër kampionë bote në ekipin e Ançelotit ? Junaitedi është e aftë të shënojë ndaj kujtdo skuadre në botë. Dhe kam përshtypjen se duhet ta bëjnë këtë për të pasur shpresa për kualifikimin.

Rikuperimi i Junaitedit ndaj kuqezinjve të zgjuar ishte fantastik

Unë mbeta i habitur nga vendimi i Fergusonit për të lënë në pankinë Alan Smithin pas paraqitjes së tij të shkëlqyer ndaj Romës. Ai di t’i vërë në vështirësi mbrojtësit kundërshtarë dhe duke qenë se ai do të ishte sulmuesi i vërtetë i maskuar, Uejn Runi do të luante në pozicionin e tij të preferuar. Pa dyshim, Runi është më efikas kur luan si sulmues i mirëfilltë. Ndoshta trajneri donte të mbronte prapavijën e tij, duke aktivizuar Fleçerin, por ai dha përshtypjen se po i përshtatej shumë kundërshtarit, ndoshta duke treguar pak më tepër respekt seç duhej për Milanin. Sidoqoftë logjika, sidomos në pjesën e parë Junaitedi humbi fuqi sulmuese. Plani nuk funksionoi. Pol Skolls, të cilin e adhuroj, u duk jashtë skemave. Goli i parë i Junaitedit tregoi se skuadra po haste vështirësi për të fituar ritëm në sulm, duke mos rizbuluar shkëlqimin kolektiv që shtypi Romën. Milanin, siç pritej nga një skuadër me kaq eksperiencë, nuk e zuri paniku. Ata luajtën një ndeshje në pritje, duke mos e lejuar Junaitedin të zotëronte topin, duke pritur për çastin e duhur për të goditur. Junaitedi rrallë herë përballet me një kundërshtar të tillë në Premiership dhe rrallë herë ka përballë një lojtar me klasin e Kakasë. Milani uli ritmin, detyroi Junaitedin të mbante një ritëm që nuk i pëlqen dhe, pasi e vuri në gjumë, barazoi. Ishte diçka e shkëlqyer. Mënyra se si Kaka shënoi ishte fantastike. Goli erdhi falë shpejtësisë së tij të mentimit dhe ekzekutimit. Ai është i shpejtë me dhe pa topin. Për atë gol të parë ai e mori vendimin shumë, shpejt, kontrolli ishte perfekt, përshpejtimi vdekjeprurës. Ndoshta Edvin van der Sari mund të kishte bërë më mirë, por kjo nuk duhet t’i heqë asnjë presje meritave të Kakasë. Ndërsa goli i dytë ishte katastrofik nga pikëamja e Junaitedit. Dukej që kishte një problem komunikimi mes Patris Evrasë dhe Gabriel Hainzes, por ata nuk do ta kishin gjetur veten në atë situatë nëse Fleçer do ta kish markuar mirë Kakanë. Kur pa topin që po i drejtohej brazilianit, Fleçer duhet t’i kishte zënë atij rrugën drejt portës dhe ai kishte kohë për ta bërë këtë. Por ai i qëndroi anash, duke e ftuar vetë Kakanë të depërtonte. Një gabim i madh gjykimi. Dhe, për më tepër, ai e lejoi shumë lehtësisht Kakanë të avanconte, fakt i palejueshëm për një mesfushor shkatërrues. Ai ishte një gol zhgënjyes, fakt që e bën rikuperimin e Junaitedit dhe më të admirueshëm. Mendova se Fergi do të tentohej ta kthente Smithin në pushim, por ai besoi në aftësinë e skuadrës së tij për të dalë nga situata. Skolls, që bëri shumë pak në pjesën e parë, dhuroi një pasim magjik për Runin e më pas Rajan Gigs i dhuroi atij një top të artë për barazimin e bukur. Vërtet dua t’i heq kapelen Runit. Ai është në një situatë që për shumë lojtarë do të ishte e vështirë për t’u përballuar ? Kristiano Ronaldo që merr të gjitha duartrokitjet dhe më pas atij i kërkohet të luajë jashtë pozicionit ndaj Milanit. Por në vend që të ankohet, Runi bën detyrën. Kjo tregon një forcë të madhe karakteri. Mendoj se ai i ka thënë vetes: “Kjo është skena e duhur për mua, unë dua të jem njeriu që bën ndryshimin” ? dhe ai u shpërblye me dy gola. Por dopieta e Kakasë mund të jetë vendimtare për fatat e betejës.

Tek Çelsi, mbeta i habitur nga formacioni i rreshtuar nga Benitez. Kreg Belami dhe Dirk Kajt nuk ishin një dyshe e kolauduar dhe unë prisja të shihja Kajtin me Krauçin, ose Belaminë me Krauçin. Ashtu siç ishte sulmi i Liverpulit në pjesën e parë, Çelsi nuk pati kurrë probleme. Belami ishte zhgënjyes dhe e njëjta gjë mund të thuhet edhe për Havier Maskeranon. Pse u harrua Momo Sisoko, sidomos në një ndeshje që dihej se do të ishte një duel i ashpër fizik? Ekipi i Benitezit nuk e nisi mirë ndeshjen, që ishte intensive dhe që pati brenda saj gjithçka pritej. Çelsi mund të mendojë se duhet të kishte fituar me një avantazh më të madh, pasi krijoi rastet më të pastra, por jo sepse luajti më mirë. Loja e Bluve varej nga topat e gjatë për Didier Drogbanë, dhe pse Xho Kol luajti mirë. Drogba po zhvillon një sezon fantastik dhe të gjithë duhet të mendojmë se ku do të ishte Çelsi pa të. Puna e tij në ndërtimin e golit të Xho Kol ishte fenomenale. Liverpuli nuk gjeti asnjëherë një zgjidhje për prezencën e tij fizike. Atyre i duhej një Klod Makalele që të kapte topat për Drogbanë dhe ndoshta Sisoko mund ta bënte këtë detyrë për Liverpulin. Drogba ishte ndryshimi mes skuadrave, sepse edhe pse Liverpuli krijoi shumë pak, ata e qarkulluan mirë topin dhe ndoshta kanë një lojë të përgjithshme më të mirë se Çelsi. Liverpuli po tentonte të luante shpejt, me Ksabi Alonson dhe Stiven Xherardin që tërhiqniin frerët. Pikërisht falë këtij stili më të mirë Benitezi shpreson ende në kualifikim. Më vjen keq kur shoh Shevçenkon të vuajë, sepse e di sa i mirë është ai. Ai nuk duket as fizikisht, as mendërisht në maksimum. Nuk është Shevçenko që shihnim te Milani, por Çelsi bën mirë që ka besim te ai. Ai është një lojtar që po krahasohet me të drejtë me Marko van Bastenin, me të cilin kam pasur fatin të luaj në një skuadër, dhe Andrij nuk ka asgjë për të vërtetuar.Shkëlqimi nuk zhduket papritur, prandaj shpresoj që Shevçenko të rikthehet shpejt në formën e tij të dikurshme.

Skeda Marsel Desai

Nantë 1986-1992

(164 ndeshje, 5 gola)

Marsejë 1992-1994

(57 ndeshje, 2 gola)

Kampion i Francës 1993; kampion i Europës 1993

Milan 1994-1998

(164 ndeshje, 7 gola)

Kampion i Italisë 1994, 1996; kampion i Europës

1994; fituesi i Superkupës së Europës 1994

Çelsi 1998-2004

(191 ndeshje, 6 gola)

Fitues i Superkupës së Europës 1998; fitues i

Kupës së Anglisë 2000; fitues i Superkupës së

Anglisë 2000

Kombëtarja e Francës

(116 ndeshje, 3 gola)

Kampion bote 1998; kampion Europe 2000

[km92]

Toni i prish gjumin Bajernit!

1 Maj Ne fundjave, e perditshmja italiane “Gazzetta dello Sport” shkruante se Toni i’a ka thene “po?ne” Bajernit te Mynihut. Sipas kesaj gazete, bavarezet kane paguar 18 milione euro per blerjen e tij dhe paga e tij vjetore do te jete 5,5 milione euro. Vec kesaj eshte pohuar me siguri te plote se italiani duhet te shkonte te dielen per te bere kontrollin mjekesor ne Mynih. Por, faktet tregojne te kunderten. Toni nuk ishte aty. Cfare ka ndodhur ne “pokerin” per sulmuesin e perfaqesueses italiane? Sport1.de ka bere nje pasqyrim te kesaj ceshtjeje duke i dhene pergjigje disa prej pyejteve me kryesore:

Pse nuk ndodhej Toni ne Mynih per kontrollin mjekesor?

Sipas gazetes “Bild”, komentet e bera per transferten e tij kane shkuar shume larg. Manaxheri i Tonit, Tulio Tini ka bere te ditur se futbollisti nuk e kishte ne plan udhetimin e se dieles ne Mynih. Per te perditshmen e ketij qyteti ai tha me tej se nuk ka asnje marreveshje me Bajernin: “Nuk ka te reja. Une e kam thene me mijera here se vendimi do te merret pasi te kete perfunduar sezoni”.

Cilat jane arsyet kunder transfertes se tij brenda Italise?

Fiorentina ka bere te ditur se nuk deshiron ne asnje menyre t’ia dorezoje sulmuesin nje skuadre tjeter ne rang kombetar. Skuadra “vjollce” preferon ta shese golashenuesin e saj jashte vendit, nese do te jete e detyruar ta shese, por ne fund, diferenca e parave mund te beje ne cdo rast diferencen.

Cilat jane arsyet qe Toni duhet te transferohet tek Bajerni?

Me sa duket Bajerni i Mynihut ka ofruar me shume para per Tonin se cdo skuader italiane.

Cilat jane arsyet qe pengojne transferten e Tonit tek Bajerni?

Italiani eshte “kocke e vjeter”, tashme ai eshte 29?vjec dhe deshiron te transferohet vetem tek nje klub me te cilin ka shanse te fitoje Champions League?n. Me Bajernin, atij do t’i duhej qe nje vit te luante ne Kupen UEFA. Njekohesisht, nuk dihet nese bavarezet do t’ia dalin mbane qe pas ketij viti te sigurojne nje vend ne Champions League.

Cila eshte konkurenca e Bajernit ne luften per Tonin?

Sipas gazetes italiane “La Nazione”, ne “pokerin” per Tonin nuk luan vetem Bajerni i Mynihut. Flitet se edhe Celsi i Hoze Murinjos ka ofruar 20 milione euro “te mira” per blerjen e tij dhe rreth shtate milione euro page vjetore. Por, rivalja me e forte e Bajernit eshte nje skuader italiane, Interi. “Corriere dello Sport” shkruan: “Inter ? e ardhmja quhet Toni dhe Deko”. “Ishte nje periudhe ku ne kishim shume nevoje perTonin, por me pas morem Ibrahimovicin. Edhe kete sezon kemi menduar per Tonin, por sulmi yne duket shume mire keshtu sic eshte”, ben te ditur presidenti i Interit, Masimo Morati. Ne garen per Tonin, duket se Milani duket se eshte terhequr. “Toni eshte nje lojtar i shkelqyer, por jo per Milanin. Ai nuk do te luaje per ne, kete e jap edhe me firme”, shprehet zv/presidenti i klubit, Adriano Galiani.

Cili eshte reagimi i bavarezeve per spekulimet?

Te dielen, trajneri Otmar Hitcfeld e mohoi faktin se Bajerni ka rene dakord me sulmuesin. Ai tha se ceshtja vazhdon te jete ende e hapur.

[km92]

Iniesta: Jemi shume prane titullit!

1 Maj Mesfushori i Barcelones, Andres Iniesta, nuk eshte aspak dakord me ata qe thone se titulli i trete radhazi per katalanasit eshte ne rrezik dhe se rezultatet dhe loja e skuadres se Rajkardit kane qene shume te dobta ne javet e fundit. “Jemi e vetmja skuader qe varemi nga vetja jone”, tha Iniesta i cili shtoi se Barcelona vazhdon te mbetet kryesuesja e kampionatit dhe eshte me afer titullit kampion se skuadrat ndjekese. Per spanjollin e gjithe skuadra beson te mundesite e saj dhe ne fitimin e titullit kampion. “Te gjithe besojme te kjo skuader dhe ne ndeshjet e mbetura do te arrijme maksimumin, ne menyre qe ne fund te fitojme kampionatin e trete radhazi”. Me rezultatet e javes se 32?te, klasifikimi mbetet i njejte, te pakten per tre skuadrat pretendente per titull. Katalanasit ndodhen 1 pike perpara Seviljas dhe dy perpara Realit te Madridit. Por Iniesta nuk ishte i vetmi qe shpreh optimizmin e tij. Edhe Viktor Valdes, portieri i Barcelones, deklaroi se skuadra katalanase i ka te gjitha shanset per t’u shpallur kampione e Spanjes per te tretin vit radhazi. “Krijuam shume raste ne kete ndeshje dhe mund ta kishim mbyllur takimin qe ne pjesen e pare. Por edhe me 1?0 ne vazhdojme te kryesojme”. Me pas portieri foli per ndeshjen e tij te 200 me fanellen e Barcelones. “Eshte nje enderr te luash ketu dhe shpresoj qe te qendroj edhe per shume vite te tjera”. Ndersa Xhanluka Zambrota tha: “E rendesishme ishte qe te fitonim dhe ia arritem. Duke filluar qe nga ky moment, cdo ndeshje per ne do te jete si nje finale”. Francezi Lilian Turam deklaroi: “Zhvilluam nje ndeshje te mire dhe per ne te rendesishme ishin tri piket. Te fitosh 1?0 gjithmone eshte e rrezikshme sepse kundershtari mund te godas. Por mendoj se Barcelona i kontrolloi te gjitha levizjet e Levantes”, tha Turam.

[km92]

Rajkard: Fatin e kemi ne dore!

1 Maj Trajneri i Barcelones, Frenk Rajkard, u shpreh i kenaqur per fitoren e arritur kunder Levantes dhe tha se ishte nje fitore e vuajtur por e bukur. Hoandezi tha se skuadra duhet te ece ndeshje pas ndeshje, duke fituar tre piket dhe duke mos humbur kryesimin e kampionatit. Te dielen ne “Camp Nou” katalanasit zhvilluan nje ndeshje te merzitshme kunder Levantes, por Rajkard tha se me e rendesishme ishte arritja e tre pikeve qe i lejon Barcelones te kryesoje kampionatin dhe te jete me afer fitimit te titullit kampion. “Morem nje fitore te veshtire dhe te vuajtur sepse nuk shenuam golin e dyte, i cili do te na jepte qetesine. Ishte nje fitore e veshtire, e vuajtur por e bukur”, tha Rajkard. Pa hyre ne nje analize te thelle te ndeshjes, trajneri katalanas tha se skuadra e tij duhet te ece hap pas hapi dhe te marr?_ksimumin ne gjashte takimet e mbetura. “Me duhet ta pergezoj skuadren per punen qe ka bere dhe duhet te luftojme deri ne fund per te arritur objektivat qe kemi. Barcelona eshte mesuar te luaj ne nivele te larta dhe ky duhet te jete nje nga objektivat e saj. Skuadra nuk i finalizoi rastet e krijuara ashtu sic duhej dhe per kete arsye fitorja jone kunder Levantes ishte minimale dhe me shume vuajtje”, tha holandezi. Rajkard mohoi se kishte vuajtur qe nga pankina dhe u shpreh shume i qete ne luften me dy skuadrat e tjera per titullin kampion. “Per ne ne pankine ishte nje ndeshje emocionuese dhe me shume raste. Eshte e vertete qe shenuam vetem nje gol ne pjesen e pare dhe e mbajtem kete rezultat deri ne fund. Kemi kaluar momente ankthi, por e rendesishme eshte qe fituam me merite”, tha holandezi. I pyetur per shanset e skuadres se tij per te fituar titullin kampion dhe per skudrat ndjekese, Seviljan dhe Realin, Rajkard tha: “Mund te them se gjithcka varet nga ne sepse jemi kryesuesit e kampionatit. Ne qofte se gabojme, atehere Sevilja dhe Reali do te jene aty per te perfituar. Per te fituar titullin duhet te marrim maksimumin nga gjashte ndeshjet e mbetura”, perfundoi Rajkard.

[km92]

Ramos: Ne “Bernabeu”, sfida vendimtare!

1 Maj Trajneri i Seviljas, Huande Ramos, e cileson si shume te rendesishme ndeshjen e dites se diele kunder Realit te Madridit ne “Santiago Bernabeu”. Ramos tha se kjo ndeshje do te vendose objektivat e te dyja skuadrave per titullin kampion. “Ndeshja e dites se diele do te jete shume e rendesishme dhe pas saj do te shohim se ne cfare pozicioni do te jemi. Ndeshja kunder Realit do te vendos objektivat tane”. Trajneri i Seviljas foli edhe per ndeshjen e kthimit ne Kupen UEFA kunder Osasunes. Ramos shpreson qe lojtaret e tij te permbysin humbjen 0?1 ne ndeshjen e pare. “Do te jete nje ndeshje shume e veshtire, kunder nje Osasune shume te forte e cila e tregoi forcen e saj ne ndeshjen e pare”.I pyetur per fitoren 3?1 te arritur diten e diele ne kampionat kunder Espanjolit, Huande Ramos tha: “Zhvilluam nje pjese te pare shume te mire por skuadra nuk arriti te shenonte. Ne pjesen e dyte, me nje loje edhe me te mire, arritem te shenonim tre gola dhe lojtaret u treguan edhe me te qete perpara portes kundershtare. Jam shume i kenaqur per fitoren e arritur dhe sidomos per lojen me skuadres. E rendesishme eshte qe vazhdojme te mbetemi ne vendin e dyte dhe kemi shanset tona per te marre dicka me shume”, perfundoi Huande Ramos.

[km92]

“Hyjnoret”, nje hap nga rekordi

1 Maj Real Madridi, i drejtuar nga Kapelo, tasme, ka shkruar nje faqe te rendesishme ne histori. Ne 105 vitet e ketij klubi, skuadra madrilene kishte arritur 10 fitore jashte fushe ne kampionat ne vetem dy raste, ne 1960?61 dhe 1987?88. Me fitoren e arritur dje ne “San Mames”, skuadra e Realit ka arritur fitoren e dhjete ne transferte ne kete kampionat, duke arritur rekordin e dy sezoneve te tjere. Kjo skuader tashme mund te beje historine dhe ne javet e ardhshme mund te thyej rekordin e ketyre ndeshjeve. Madrilenet kane edhe dy ndeshje jashte fushe kete sezon, te dyja shume te veshtira kunder Rekreativos dhe Saragozes, por duke fituar vetem njeren prej tyre, atehere do te ktheheshin ne Realin me te mire jashte fushe ne te gjithe historine e klubit madrilen. Te dyja ndeshjet jashte fushe do te jene shume te veshtira sepse Rekreativo ka ende shpresa per te fituar nje vend ne Kupen UEFA, ndersa Saragoza shpreson te arrije nje vend ne Champions League.

[km92]

Kapelo: Shpresat tona jane reale!

1 Maj Trajneri i Realit te Madridit, Fabio Kapelo, ne nje interviste te dhene pas ndeshjes se fituar kunder Atletik Bilbaos, u shpreh shume i kenaqur per fitoren e arritur ne “San Mames” dhe foli gjithashtu per shanset e skuadres se tij per te fituar titullin kampion. Kapelo tashme ka rigjetur buzeqeshjen, pas akuzave te renda te shtypit dhe sidomos pas presionit. Reali po ecen mire dhe i duhen vetem dy pike per te kapur Barcelonen, ne vend te pare. Don Fabio e nisi intervisten e tij me suksesin a arritur ndaj Bilbaos.

? A prisnit nje ndeshje te lehte ne “San Mames”, ndaj Bilbaos?

? Nuk ishte e lehte. Cdo top ishte nje dyluftim. Ata luajten nje ndeshje te mire, por edhe ne ishin shume te perqendruar dhe krijuam shume raste per shenim, duke mos gabuar thuajse ne asnje rast.

? Cfare ka ndodhur qe imazhi i skuadres tuaj ka ndryshuar kaq shume ne krahasim me pjesen e pare te sezonit?

? Kemi patur shume personalitet dhe kjo ka qene shume e rendesishme.

? A ju duk i drejte kartoni i verdhe i dhene per Bekamin?

? Nuk flas per kartonin e Bekamit dhe per asgje qe ka lidhje me gjyqtaret. Tani eshte ne nje forme shume te mire dhe kunder Bilbaos zhvilloi nje ndeshje te madhe.

? Ne te vertete Bekam nuk mund te luaj ne ndeshjen e ardhshme kunder Seviljas sepse ka plotesuar numrin e kartonave. Cfare mendoni te beni?

? Nuk e di, nuk mund te vendos une. Eshte dicka qe i perket drejtuesve te klubit.

? Si ju duk loja e Sisinjos i cili ka shtate muaj pa luajtur?

? Sisinjo me pelqeu. Perpara nje jave me pyeten per te dhe i thashe se eshte shume mire dhe tashme eshte rikuperuar. Kete here me pelqeu shume loja e tij dhe tani eshte plotesisht gati per te luajtur ndeshje kaq te rendesishme.

? Ky rezultat eshte i rendesishem per skuadren tuaj ne luften per titullin kampion?

? Sigurisht qe po sepse Sevilja dhe Barcelona kane fituar dhe jane perpara nesh ne klasifikim. Kjo fitore mban gjalle shpresat tona per te fituar titullin kampion.

? Atehere?

? E rendesishme eshte qe skuadra po fiton besim, qe cdo ndeshje luan me mire dhe se perqendrimi i lojtareve ne keto ndeshje eshte shume i madh. Duhet te vazhdojme ne kete rruge sepse skuadra ka mundesi serioze per te fituar kampionatin. Askush nuk mund ta mendonte ne fillim te sezonit se ne do te ndodheshim ne kete pozicion duke luftuar per titullin kampion.