Arkivi i gazetës elektronike sportive: "FUTBOLLI"

[km92]

Anceloti: Mancester, nuk mbyllet me kaq

28 Prill Edhe pse sot Milani do te zbrese ne “Olimpico” te Torinos, per t’u ndeshur me “demat” e De Biazit, ne seline kuqezi te gjithe e kane mendjen te takimi i kthimit ndaj Mancesterit, qe do te luhet te merkuren. Kuqezinjve i nevojitet nje fitore per te kaluar turin dhe per te shkuar ne finale. Por, nje tjeter shqetesim eshte duke ngritur nje “mankth” te madh ne “shtepine” e “Djallit”. Nelson Dida dhe pasigurte e tij ne “Old Trafford” kane vene ne veshtiresi poziten e Milanit, edhe pse trajneri Aneceloti konfirmon portierin: “Kur te mendoj se eshte nje problem, nuk do ta hedh ne fushe. Sigurisht, nuk them se eshte ne 100% te formes, sepse mund te beje edhe me mire se kaq, por ja qe me jep ende besim. Pastaj, goli i pesuar ne fund, ne minuten shtese, nuk eshte faji i Nelsonit, por i skuadres, qe mendoi se ndeshja ishte mbyllur, duke i dhuruar Mancesterit mundesine per te shenuar. Megjithate, nuk jemi te eliminuar, edhe pse na konsiderojne te tille. Ekziston atmosfera e duhur dhe optimizmi i nevojshem ne skuader per te mundur Mancesterin dhe per te zhvilluar nje mbremje te madhe ne “San Siro”, nen syte e tifozeve”, pohoi Anceloti. Ndersa, ne lidhje me kapitullin Xhilardino, Anceloti tha: “Ndeshjet e Champions jane ndryshe nga ato te kampionatit. Ka me shume presion dhe Alberto nuk e ka fituar ende pervojen e duhur per te administruar te tilla situata. Do te luaje Inzagi? Sigurisht, ai ka mundesi te mira per te luajtur, sepse pervoja e ndihmon. Kur i kerkohet ndihma, Pipo nuk te le asnjehere ne balte, ndaj dhe e konsideroj si nga me te miret ne ndeshjet e eliminimit direkt. Krahasimi Kaka?Ronaldo? Riki ende nuk ka treguar se kush eshte dhe pres qe ta beje kete gje te merkuren, duke udhehequr skuadren drejt finales. Ronaldo eshte i shpejt dhe ka klas, Riki eshte me teper i sakte perpara portes”, perfundoi Anceloti.

[Manci]

Joakim Lëv do të marrë "leksione" nga Venger

Trajneri i Gjermanisë, Joakim Lëv, do të takojë të hënën trajnerin e Arsenalit, Arsen Venger, për të folur rreth futbollit anglez dhe ndërkombëtar. Njoftimi ka dalë nga Federata Gjermane, e cila ka saktësuar se në udhëtimin drejt kryeqytetit anglez, Lëv do të takojë edhe Mikael Balak dhe Jens Lehman. Venger flet gjermanisht dhe ka njohuri të mira për këtë vend, gjë të cilën e vërtetoi gjatë takimeve me Jurgen Klinsman në vitet e kaluara.

[Manci]

Fardinand dhe Vidiç, gati për në Milano

Aleks Ferguson më në fund mund të qeshë, pasi ka rikuperuar përfundimisht dy mbrojtësit e tij titullarë, Rio Ferdinand dhe Nemanja Vidiç, të cilët do të jenë në fushë në ndeshjen e kthimit të Ligës së Kampioneve kundër Milanit. Dy lojtarët nuk do të aktivizohen në kampionat për të mos rrezikuar ndërsa vendimi përfundimtar do të merret të hënën. Është riaftësuar edhe sulmuesi Saha, i cili mund të luajë disa minuta në ndeshjen me Everton.

[Manci]

Lehman rinovon me Arsenalin për 1 vit

Portieri gjerman i Arsenalit, Jens Lehman, ka firmosur dje rinovimin njëvjeçar të kontratës së tij me "topçinjtë", duke u dhënë fund zërave që e shihnin atë të kthehej në vendlindje në fundin e sezonit. 37-vjeçari kërkonte një kontratë dyvjeçare, por trajneri Arsen Venger ka vendosur politikën e re të firmosjes së kontratave 12-mujore për "veteranët". Gjermani e pranoi këtë kusht vetëm për të luajtur përsëri në Ligën e Kampioneve.

[Manci]

Murinjo, kundër Kristiano Ronaldos: Ai është gënjeshtar!

Lufta mes Mançester Junajtid dhe Çelsit tashmë është zhvendosur në frontin portugez, ku përfaqësues janë Kristiano Ronaldo nga një anë dhe Hoze Murinjo në krahun tjetër. Ky i fundit nuk ka ngurruar t‘i hedhë benzinë zjarrit, duke e etiketuar si "gënjeshtar" bashkëkombësin e tij që aktivizohet me kryesuesit e kampionatit. Por ky shpërthim i teknikut pritet t‘i shkaktojë probleme të tjera atij me presidentin Roman Abramoviç, i cili dëshiron që emri i ekipit të tij të mos përfundojë çdo ditë në faqet e para të gazetave vetëm për shkak të sjelljes së Murinjos.

Dy ditë më parë, Kristiano Ronaldo u përgjigj akuzave të Murinjos se nuk ishin dhënë asnjëherë penallti kundër Mançester Junajtid, ndërsa nuk jepeshin as në favor të Çelsit. Por Murinjo nuk e la me kaq dhe në një tjetër konferencë për shtyp deklaroi se futbollisti ishte një gënjeshtar i keq. "Një lojtar që do të bëhet më i miri në botë dhe ndoshta është që tani i tillë, duhet të jetë i ndershëm dhe i matur sa për të kuptuar se nuk mund të luftojë me faktet. Nëse Ronaldo thotë se është e pavërtetë se nuk jepen penallti kundër Junajtid, atëherë ai po gënjen. Dhe nëse ai është gënjeshtar, nuk do të arrijë kurrë nivelin që kërkon të arrijë", deklaroi trajneri portugez i Çelsit, i cili nuk pranoi të jepte asnjë detaj rreth takimit të tij ditën e enjte me presidentin Abramoviç. Por duket se ky i fundit nuk do të rrijë duarkryq pas shpërthimit më të fundit të trajnerit të skuadrës së tij. Murinjo kishte pranuar që të kufizonte deklaratat e forta, pasi ishte paralajmëruar nga miliarderi rus së në rast të kundërt do të rrezikonte qëndrimin e mëtejshëm në këtë klub. Vetë Abramoviç dëshironte që tekniku të ishte më pak "zevzek" para publikut, në mënyrë që të mos dëmtohej imazhi i klubit. Për këtë arsye, ai kishte dërguar për "monitorim" krahun e tij të djathtë, Juxhin Tanenbaum, në konferencën e shtypit pas ndeshjes së Ligës së Kampioneve ndaj Liverpulit. Tanenbaum ka pasur si detyrë gjatë ditëve të fundit të mbante shënim çdo "shkelje etike" të Murinjos dhe duket se këtë javë do të ketë se çfarë të raportojë te Abramoviç, sidomos falë duelit portugez të trajnerit me mesfushorin e Mançester Junajtid.

Gjithçka ka filluar të dielën, pas barazimit 0-0 mes Njukasëllit dhe Çelsit. "Ne po ecim mjaft mirë duke pasur parasysh rregullat e reja, sipas të cilave, nuk jepen penallti kundër Mançester Junajtid dhe nuk akordohen të tilla në favorin tonë", u shpreh Murinjo pas ndeshjes. Por çuditërisht, Kristiano Ronaldo e pranoi sfidën duke u kundërpërgjigjur menjëherë. "Nuk dua të flas rreth ankesave të Murinjos rreth penalltive. Të gjithë e dinë se si është i ndërtuar ai. Ai ka gjithmonë diçka për të thënë. Nuk mund t‘i pranojë dështimet e tij", u shpreh mesfushori.

Në "betejën portugeze" ka vendosur të marrë pjesë edhe Aleks Ferguson, i cili ka kërkuar që Murinjo të dënohet për deklaratat që ka bërë. "Hoze Murinjo duket sikur ka nisur një kryqëzatë personale kundër rregulloreve. Jam i çuditur se si nuk është marrë asnjë masë kundër tij, ndonëse ai vazhdon pa fund me deklaratat. Të gjithë ndeshen me vendime të gabuara, por ai tashmë deklaron se loja është e dyshimtë, një gjë shumë e gabuar. Ai ka akuzuar në të kaluarën Barcelonën, një gjyqtar suedez (Anders Frisk), një gjyqtar gjerman (Markus Merk), si dhe të martën deklaronte se lojtarët e Liverpulit ishin vënë në ndjekje të Drogba për ta detyruar që të merrte karton të verdhë. Për sa i përket Kristiano Ronaldos, të gjithë kanë të drejtë të komentojnë apo të kenë një opinion rreth një çështjeje. Kjo nuk do të thotë se janë gënjeshtarë", u shpreh trajneri skocez, i cili tashmë pret kundërpërgjigjen nga ana e portugezit që nuk tërhiqet asnjëherë

[Manci]

Zlatan, operacioni i mbyll sezonin

Zlatan Ibrahimoviç e ka mbyllur sezonin e tij tek Interi. Sulmuesi suedez ka vendosur që të përshpejtojë kohën e operimit në muskujt e fundbarkut, pranë këmbës së majtë. Pas vizitave të kontrollit, Ibra ka vendosur të operohet në Amsterdam, nga i njëjti specialist që në janar të vitit 2004 e ka operuar për një problem identik. Kjo do të thotë se lojtari ka mbyllur sezonin me Interin e nuk do luajë as në qershor me përfaqësuesen suedeze.

[Manci]

Uest Hem, 5,5 milionë paund gjobë

Evitohet penalizmi me pikë


Uest Hemi i ka shpëtuar penalizmit në pikë pas blerjeve të parregullta të Karlos Tevez dhe Havier Maskerano. Megjithatë, Premiershipi e ka gjobitur klubin e "çekiçëve" me një gjobë rekord: 5,5 milionë sterlina për marrëveshjet që kanë përfshirë dyshen argjentinase. Në masën e marrë parashikohet se Uest Hemi mund të humbasë shërbimet e Tevez nëse klubi nuk do marrë në pronësi kartonin e lojtarit, ose të kryejë të gjitha veprimet e nevojshme për ta marrë në formë huaje. Gjykata sportive ka sqaruar se kontrata trepalëshe e Tevez është e "papërshtatshme me ligjin". Gjithçka, sepse lojtari nuk ka një kontratë të mirëfilltë me klubin anglez, por me kompaninë e futbollistëve "MSI", e cila nga ana e saj ka një kontratë me Uest Hemin. Vetëm në rast se drejtuesit e klubit do t‘i lidhin lojtarit një kontratë të drejtpërdrejtë, atëherë argjentinasi është i lirë të luajë rregullisht, ndërsa për momentin ai do qëndrojë i bllokuar. Ndërkohë që, pas kalimit në formë, huazimi te Liverpuli gjatë merkatos së janarit, Maskerano i ka shpëtuar situatës së krijuar dhe do vazhdojë aktivizimin normal. Mediat britanike kanë konfirmuar se Uest Hemi ka evituar penalizmin në pikë vetëm pasi drejtuesit janë lutur për faljen e akuzave të ngritura. Por, verdikti për të ndëshkuar klubin nga Londra Lindore vetëm në vlerë monetare ka shkaktuar shumë pakënaqësi te skuadrat e tjera që luftojnë për të mbijetuar në kategorinë elitare në Angli. Gjykata sportive vendosi se nën drejtimin e ish-presidentit Terri Braun, klubi nuk ka treguar se në momentin e kalimit në Premiership nga brazilianët e Korinthiasit, dyshja argjentinase ishte gjysmë në pronësinë e Uest Hemit, ndërsa gjysma tjetër zotërohej nga kompania "MSI". Transferimi i Tevez dhe Maskeranos është bërë i mundur pas bisedave të ish-presidentit Braun dhe drejtorit të menaxhimit, Pol Aldrixh, të cilët u larguan nga funksionet e tyre pas Magnuson mori pronësinë e klubit. Gjoba prej 5,5 milionë sterlinash është më e madhja e dhënë ndonjëherë në historinë e futbollit britanik, duke thyer rekordin e mëparshëm që mbahej nga Totenhemi, me 1,5 milionë sterlina të dhëna për shkak të parregullsive financiare në vitin 1994.

[Manci]

Dida "në shitje", oferta në eBay


Portieri i Milanit, Nelson Dida, del në shitje. Ose më saktësisht në ankand. Deri në orën 21:50 të ditës së enjte tifozët mund ta kishin marrë brazilianin në shtëpi vetëm për 81 euro, pasi më vonë çmimi është ngritur në 10 milionë euro. Shitësi i lojtarit kuqezi, një person që përdorte nofkën "maverick swat" e ka vendosur ofertën në datën 25 prill në eBay (sajtin ku mund të blesh dhe të shesësh gjithçka nëpërmjet internetit): ajo zgjat 10 ditë, pra për të bërë ofertat rreth "gardianit" ka kohë deri më 5 maj. "Maverick swat" ka bërë gjithçka që duhej për të tërhequr vëmendjen e blerësve. Duke parë se portieri nuk po kalon një periudhë të mirë, çmimi nga ku kanë filluar ofertat ishte tejet modest: 1 qindarkë euro dhe më pas një "dedikim simpatik". Në prezantimin e "mallit të tij" ai shkruante: "Shitet portieri Dida. E shes, sepse pas ndeshjes Mançester-Milan nuk më duhet më. Kushtet psiko-fizike janë mjaft të mira. Problemet e vetme: a) daljet në topat e lartë; b) daljet në topat e ulët; c) rivënia e topit; d) goditjet standarde; e)zotërimi i topit; f) mbulimi i shtyllës së parë. Pranoj oferta edhe nga klube të huaja (jashtë Italisë). Kujdes!!! Personi që do fitojë këtë ankand do të përfitojë gratis një dhuratë simbolike: setin e plotë të përbërë nga 5 portierë të mëdhenj: Kalac, Fiori, Kopola, Abiati, Storari... Çfarë t‘u them më shumë? Jam në dispozicionin tuaj për çdolloj informacioni". Tifozët milanistë nuk kanë munguar të bëjnë ofertat e tyre për portierët, që shpeshherë i kanë bërë të vuajnë në shkallët e stadiumit. Çmimet kanë kapur kuotën me shtatë shifra: e konsiderueshme duke parë çmimin nga ku ka nisur ankandi. Por, në të njëjtën faqe nuk mungonin as komentet në formë pyetje: "Përshëndetje, është e mundur ta mbyllim ankandin përpara kohe? Dua ta blej Didën me një shokun tim, por do t‘i marrim vetëm krahët, që t‘i përdorim si pjesë këmbimi. Atij gjithsesi nuk i duhen..."

[Manci]

Intrigë ndërkombëtare për asin brazilian, Ronaldinjo

Zbulohen takimet e përfaqësuesve të Milanit dhe atyre të Barçës me vëllain e mesfushorit brazilian


Familja de Asis, pjesë e të cilës është edhe mesfushori Ronaldinjo, duke se është rrethuar nga dyshimet ekzistenciale. Ndërkohë që presin të qartësojnë idetë, futbollisti i mirënjohur dhe vëllai i tij menaxher, Roberto, u buzëqeshin të gjithëve. Ronaldinjo është i fokusuar mbi të gjitha te Barça, ndërsa vëllai mbi të gjitha te Milani. Gjatë ditës së djeshme, numri 10 i skuadrës katalane është paraqitur në konferencën për shtyp të prezantimit të "Free Kick Masters", aktivitetit ku do marrin pjesë nga 22 dhjetori në Hjuston mjeshtrit e goditjeve të dënimit dhe rivalët e tyre kryesorë, portierët.

DESTINACIONI I ARDHSHEM - Pyetjes se cilën fanellë do të vishte ditën e turneut që do zhvillohet pak ditë përpara mbylljes së vitit 2007, Ronaldinjo i është përgjigjur: "Sipas të gjitha gjasave, do të jetë fanella e Barcelonës. Unë vazhdoj të ndihem mirë aty, jam i lumtur, i qetë dhe dua të stërvitem sa më mirë, në mënyrë që të përfaqësoj denjësisht këtë klub". Një deklaratë jo përfundimtare, por që gjithsesi, është më shumë sesa një frazë e ardhur rastësisht. Megjithatë, dje e përditshmja spanjolle "As" ka zbuluar anën tjetër të medaljes për familjen de Asis. Sipas gazetës madrilene, javën e kaluar, vëllai i "Dinjos" është takuar në një restorant të njohur të San Paolos me dy përfaqësues të Milanit. Nuk dihet nëse është arritur një marrëveshje, por duket e sigurt se bisedimet kanë avancuar në mënyrë thelbësore.

SAN PAOLO - Për të kompletuar intrigën ndërkombëtare që po rrethon futbollistin më të mirë në këto vitet e fundit është publikuar një tjetër lajm: Çiki Beguiristain, drejtori i përgjithshëm i Barcelonës dhe Ferran Soriano, zv/presidenti ekonomik i klubit katalan, të premten e kaluar janë parë në aeroportin e qytetit të Barcelonës. Dy drejtuesit e lartë të skuadrës "blaugrana" sapo ishin kthyer nga një udhëtim në San Paolo, që duket se është shndërruar në kërthizën e botës. Tashmë, mbetet për të mësuar vetëm nëse Çiki dhe Soriano kanë takuar menaxherin Roberto de Asis, përfaqësuesit e Milanit apo të dyja palët. Vëllai i lojtarit të Kombëtares braziliane do të rikthehet në Spanjë, ku në ditët e ardhshme pritet në Barcelona. Pikërisht kjo ka ngritur dyshimet nëse ai do të lajmërojë largimin e Ronaldinjos, apo qëndrimin e tij me skuadrën e drejtuar nga Frenk Rajkard, mbase me një rinovim të kontratës. Telenovela më e gjatë e këtyre merkatove të fundit vazhdon dhe ashtu si ka deklaruar mesfushori portugez, Deko, rezultatet e skuadrës deri në fund të sezonit do të kenë një ndikim të madh jo vetëm te kjo histori, por edhe te disa të tjera te Barcelona.

MERKATO - Një Barcelonë fituese tërheq më shumë vëmendjen e tifozëve dhe të opinionit sportiv sesa një Barça apatike. Nga paraqitjet e skuadrës dhe nga fakti nëse ajo do arrijë të fitojë kampionatin për të tretën herë radhazi varen edhe fatet e Eto‘o, Dekos dhe Zambrotës. Ndërkohë, gjatë mbrëmjes së djeshme, televizioni katalan "TV3" ka anunçuar marrëveshjen ndërmjet Barcelonës dhe Lionit për blerjen e mbrojtësit francez, Erik Abidal. Objektivi tjetër i katalanëve është braziliani i Seviljas, Dani Alves.

[Manci]

Toti, i gatshëm për derbin roman

Françesko Toti do të jetë sot në fushë për derbin e kryeqytetit italian, ku Roma do përballet me Lacion. Pas shumë ditësh në dyshim, tekniku Luçiano Spaleti ka zgjidhur enigmat duke grumbulluar kapitenin, që për shkak dëmtimi ka qëndruar tri ditë pushim absolut. Një lajm i mirë jo vetëm për skuadrën verdhekuqe, por edhe për tifozerinë, e cila ka qëndruar në ankth deri në minutën e fundit. Më parë, vetë Toti ishte deklaruar pesimist për gjendjen duke thënë: "Mundësitë që unë të luaj në derbi janë vetëm 20 për qind". Ndërkohë që, pas stërvitjes së djeshme, Spaleti ka konfirmuar: "Kemi besim te prezenca e tij, pasi është stërvitur mirë. Me shumë mundësi do të jetë në fushë".