Arkivi i gazetës elektronike sportive: "FUTBOLLI"

[km92]

Murinjo: Shanset kryesore per ne!

27 Prill Hoze Murinjo eshte shprehur se Celsit duhet t’i ishte akorduar nje penallti gjate fitores 1?0 ndaj Liverpulit te merkuren ne mbremje, ne gjysmefinalen e pare te Champions League ne “Stamford Bridge”. Xho Kol shenoi golin e vetem te takimit, duke i dhene Bluve nje avantazh te lehte para takimit te dyte ne “Anfield Road” ne 1 maj. Murinjo thote se Celsi duhet ta kishte marre penalltine per topin e prekur me dore nga Alvaro Arbeloa ne minuten e 50?te, dhe pse perseritjet televizive treguan qartesisht se topi ishte prekur me dore jashte zones se rreptesise. “Jam i kenaqur nga lojtaret, pasi paraqitja e pjeses se pare ishte e shkelqyer dhe ne patem pese apo gjashte raste te pastra per shenim”, u shpreh Murinjo te enjten. “Pjesa e dyte ishte pak me ndryshe, Liverpuli sulmoi me shume dhe pati nje shans per shenim me nje gjuajtje te bukur qe u prit nga portieri yne Petr Ceh. Por nuk e kuptoj pse nuk na i akordojne ato penallti qe duken kaq te qarta. Mendoj se te gjithe e pane qe ishte nje penallti e paster, por kjo pa ndodh gjithnje e me shpesh. Ishte nje rast i mire per te marre avantazhin 2?0 dhe me nje avantazh te tille situata do te ndryshonte teresisht. Shpresoj vetem qe pasi te perfundoje takimi i dyte te mos fillojme te qahemi per kete vendim te gabuar te gjyqtarit, sic beme dy vjet me pare. Shpresoj te bejme aq sa duhet per te mos e kthyer shikimin pas”. Celsi ishte me mire se Te Kuqte ne pjesen e pare dhe Murinjo shtoi: “Ne pjesen e pare isha pak i zhgenjyer, sepse shfrytezuam vetem nje nga te pakten gjashte rastet e para per shenim, ndersa ne pjesen e dyte e dinim se Liverpuli do te reagonte dhe do te perpiqej ta gjente me shume Piter Kraucin, qe eshte nje lojtar i veshtire per t’u ndalur. E di qe Liverpuli mund ta ktheje rezultatin, por ne kemi avantazhin 1?0 dhe jemi nje skuader e mire ne mbrojtje, nje skuader qe shenon ne cdo ndeshje, prandaj shkojme ne “Anfield” me nje shans te mire”.

[Manci]

Donadoni: Dua një Inter me më shumë italianë

Trajneri i "axurrëve", polemikë rreth kampionëve


Trajneri i Kombëtares italiane, Roberto Donadoni, hap një polemikë të re, që duket se e prish festën e Interit, të saposhpallur kampion. "Edhe pse Interi ka bërë një sezon të jashtëzakonshëm, mendoj se do ishte më mirë që kjo skuadër të kishte më shumë futbollistë italianë". Pikërisht ashtu si Milani, që po rikuperon një kampionat zhgënjyes, duke avancuar në Ligën e Kampioneve: "Milani mund ta kalojë këtë tur gjysmëfinal me Mançesterin. Do ishte shumë pozitive për futbollin e vendit tonë (Italinë), nëse ata do arrinin të shkonin në Athinë". Sipas Donadonit, edhe rikthimi i Juventusit në Serinë A është pozitiv: "Me Juven, Seria A do fitonte më shumë interes dhe do sillte stimuj për të gjithë".

[Manci]

Xherrard beson te finalja



Stiven Xherrard ka këmbëngulur se Liverpuli i ka të gjitha mundësitë që të përmbysë dizavantazhin 0-1 të gjysmëfinales së parë me Çelsin dhe të arrijë finalen e dytë brenda tri viteve. Goli i realizuar nga Xho Kol në pjesën e parë në "Stemford Brixh" ka bërë që skuadra e Murinjos të vlerësohet si favorite për të diskutuar trofeun në Athinë, kundër fituesit të çiftit tjetër Milan-Mançester. Megjithatë, kapiteni i "Reds"-ave, që ka kaluar shumë mbrëmje të paharrueshme në "Anfilld" është i bindur se të martën e ardhshme skuadra e Benitez do kualifikohet. "Pas ndeshjes së parë, Çelsi është i avantazhuar me atë fitore minimale. Natyrisht që do na kishte pëlqyer të merrnim një rezultat pozitiv, por pavarësisht kësaj, nuk jemi të demoralizuar. Loja është ende e hapur", ka thënë Xherrard. "Nëse shënojmë të parët në fushën tonë, atëherë situata do ndryshojë në favor të lojës sonë. Kundërshtarët u dukën të kënaqur me rezultatin e parë, por ka edhe 90 minuta për të luajtur dhe ata duhet të tregojnë respekt për ne". Për Liverpulin rikthehen kujtimet e fitores 1-0 në "Anfilld" përpara 2 vjetëve, periudhë kur dy skuadrat u përballën në të njëjtën fazë të Ligës së Kampioneve, por edhe triumfi 2-0 i arritur në këtë sezon në kampionat. Xherrard e ka argumentuar optimizmin e tij duke thënë: "Çelsi e di shumë mirë se çfarë atmosfere i pret në ‘Anfilld‘ dhe se ne jemi në gjendje t‘i mundim në këtë fushë, ashtu siç e kemi bërë edhe gjatë këtij edicioni të Premiershipit. Deri më tani është luajtur vetëm një ndeshje. Do kishim preferuar që të mos kishim humbur në Londër, por asgjë nuk mund të cilësohet e përfunduar". Mesfushori ka parë portierin Peter Çeh t‘i mohojë një gol thuajse të sigurt, megjithatë, Çelsi ka krijuar rastet më të pastra dhe e meritoi fitoren. "Në pjesën e dytë dominuam në zotërimin e topit, por nuk krijuam shumë rast për shënim. Portieri i tyre ka pritur një gjuajtje timen, të cilën askush tjetër nuk do kishte arritur ta evitonte. Megjithatë, mendoj se në ‘Anfild‘ do arrijmë të rrezikojmë më shumë. 20 minutat e para të kësaj sfide do jenë shumë të rëndësishme".

[Manci]

Kuqezinjtë zbulojnë dëshirat për të ndërtuar një repart ofensiv të frikshëm, e që do të dhuronte spektakël

Milani ëndërron dyshen Kaka-K.Ronaldo

Galiani flet me superlativa për mesfushorin portugez të Mançesterit


Adriano Galiani, zv/presidenti i Milanit ka zbuluar se ëndërron që t‘i bashkëngjisë Kakasë edhe asin e Mançester Junajted, Kristiano Ronaldo. Dy sportistët cilësohen nga shumë specialistë të futbollit si lojtarët më të mirë në botë dhe të mërkurën ata do të vendosen sërish përballë në gjysmëfinalen e kthimit në Ligën e Kampioneve. Galiani beson se nëse një ditë mesfushori portugez do të luante në Serinë A me ngjyrat kuqezi, ai dhe Kaka do të plotësonin lojën e njëri-tjetrit në mënyrë perfekte. Administratori i deleguar i Milanit ka deklaruar: "Nuk do ta shkëmbenim Kakanë me Ronaldon, por në mënyrë absolute do të na pëlqente që t‘i kishim të dy në skuadër. Nëse do krijonim një skuadër me Ronaldon në sulm dhe me Kaka e Kristiano Ronaldo që luajnë pas shpinës së tij, atëherë spektakli do ishte i garantuar. Gjithsesi, jeta nuk ta lejon luksin që të kesh gjithçka që dëshiron". Në këto momente, e rëndësishme për skuadrën italiane është fakti që kanë në kontingjent Kakanë, pas paraqitjes së jashtëzakonshme që ky i fundit ka bërë në "Olld Traford", ku ka qenë autor i një dygolëshi. "Cili është më i mirë: Kaka apo Kristiano? E kemi pasur shumë të vështirë që arritëm të gjejmë një futbollist si ‘Riki‘ në Brazil, ka vazhduar Galiani. Ai është golashënuesi më i mirë i Ligës së Kampioneve me nëntë gola. Kaka shënoi dy gola në gjysmëfinalen e parë në Angli dhe ka treguar klas të pastër në atë ndeshje".

Drejtuesi i lartë i Milanit beson se Kristiano Ronaldo dhe Runi janë Çelsi i ndeshjes së kthimit, që do luhet javën e ardhshme në "San Siro". Në turin e kaluar, skuadra e Ançelotit tregoi forcën në ndeshjen e dytë me Bajernin, pas barazimit zhgënjyes 2-2, por prezenca e dyshes së "Red Devils" mund të rezultojë decizive. Ai ka shtuar: "Për ndeshjen e kthimit jam dakord me Runin se Mançesteri dhe Milani kanë shanse të barabarta për të arritur në finale. Jemi të vetëdijshëm për forcën e ekipit tonë dhe gjatë këtyre ditëve të mbetura do punojmë në mënyrë pozitive, për t‘u përgatitur maksimalisht për këtë sfidë. Sigurisht, që situata e tanishme ndryshon nga ndeshja e mëparshme me Bajernin e Mynihut, ku isha i sigurt se do të kualifikoheshim. Mançesteri është një kundërshtar i nivelit të lartë dhe ka dy lojtarë goli si Runi e Ronaldo". Ndërkohë, mbrojtësi italian, Masimo Odo, që gjatë janarit është bashkuar me Milanin ka vlerësuar maksimalisht golin e tretë të Uein Runit. "Goli i fitores së Mançesterit ishte shumë i bukur dhe ka ardhur nga këmbët e një lojtari të madh. Dyshoj se ndonjë portier do arrinte ta ndalonte atë gjuajtje", ka thënë 30-vjeçari. "Nuk patëm fat në dy golat e mëparshëm, por nëse luajmë ashtu si dimë në ‘San Siro‘, atëherë kemi shanse që të arrijmë finalen e Athinës".

[Manci]

Podolski, dëmtimi i jep fund sezonit të sulmuesit

Lojtari do t‘i nënshtrohet një operacioni në gju


Sulmuesi i Bajernit të Mynihut, Lukas Podolski, nuk do të luajë deri në fund të sezonit, për shkak të një dëmtimi në gju, që ka nevojë për ndërhyrje kirurgjikale. Lajmi është bërë i ditur nga burime zyrtare të klubit bavarez, që kanë saktësuar se për rikuperimin e lojtarit nevojiten dy deri në tre muaj. Kjo do të thotë se Podolski nuk do të jetë në katër takimet e fundit të Bajernit në Bundesligë, por edhe në ndeshjet eliminatore të Kombëtares gjermane kundër San Marinos dhe Sllovakisë në muajin qershor. Podolski është vlerësuar si Lojtari i Ri më i Mirë i Botërorit 2006, por sezoni i tij i parë në Mynih ka qenë shumë zhgënjyes, me vetëm 4 gola të realizuar në kampionat.

[Manci]

Spanjollja "Marca" zbulon lëvizjet e dy sulmuesve

Juve, sytë nga David Vija

Saviola, gati për Realin


Saviola do kalojë te Reali i Madridit, ndërsa David Vija te Juventusi. Këto janë dy lëvizjet që priten të ndodhin në merkato sipas të përditshmes sportive spanjolle, "Marca". Menaxheri i sulmuesit argjentinas të Barcelonës duket se ka gjetur marrëveshjen me drejtuesit e klubit madrilen. Në muajt e kaluar, në adresë të Saviolës është folur edhe për një interesim të fortë nga Juventusi, Interi, ku lojtari ishte "i detyruar" të largohej, sepse klubi katalan nuk i kishte bërë asnjë ofertë për rinovimin e kontratës. Ndërkohë, për sa i përket sulmuesit të Valencias, në garë për shërbimet e tij futet edhe Juventus, që duhet të mposhtë Çelsin e Abramoviç. Sipas "Marca", në rikthimin në Serinë A, bardhezinjtë dëshirojnë të ndërtojnë një skuadër të aftë të luftojë menjëherë për fitimin e titullit kampion. Në momentin që do shesë Trezege, trajneri Deshapms dëshiron të mbështetet te David Vija: gazeta iberike ka pohuar se për sulmuesin dhe për Valencian, drejtuesit juventinë janë gati të bëjnë një ofertë që do mbyllë menjëherë kalimin e tij në Torino.

[Manci]

"Ringjallet" Diego Maradona

"Gëzon shëndet të plotë"


"Maradona ka vdekur!". Ky ishte lajmi i përhapur me një shpejtësi marramendëse nga Argjentina, nëpërmjet internetit, duke sajuar "shakanë" e dytë të këtij lloji për legjendën e futbollit të këtij vendi. Këtë herë pretendohej se Maradona kishte pësuar një infarkt, ndërkohë që gjendej i shtruar në klinikën psikiatrike. Por, gjithçka ka qenë një sajim i pastër, pasi tani "Pibe de Oro" është më mirë nga gjendja shëndetësore. "Vizitat e fundit, të cilave ai u është nënshtruar në klinikë, kanë qenë pozitive", ka deklaruar mjeku i tij personal, Alfredo Kahe. "Kam qenë me të për 2 minuta dhe folëm vetëm për futboll. M‘u duk në gjendje të mirë, mjekët me treguan analizat dhe ato ishin mjaft të mira". Edhe ish-bashkëshortja, Klaudia Vilafane, ka siguruar se "Diego është shëndoshë e mirë dhe gjendja shëndetësore është e shkëlqyer". Megjithatë, asnjë prej personave të afërt me Maradonën nuk di t‘i shpjegojë zërat e vazhdueshëm për vdekjen e tij: "Gjithçka bëhet për faktin se kurimi i tij po bëhet larg syve të mediave e ata duan të detyrojnë spitalin t‘u japë informacione".

[no name]

Milan, Bufoni eshte gjithnje e me afer kuqezinjve

Lojtari do ta aprovonte levizjen per ne Milano, por jo per te shkuar te zikalterit



Eshte nje nga emrat e merkatos se sezonit tjeter, Juventus nuk e di akoma nese Xhanluixhi Bufon do te tentoje te lere Torinon. Nese ne anen tjeter eshte nje oferte me nje shifer “astronomike” 80 milion euro, drejtuesit po pergatiten edhe per sezonin tjeter. Portieri eshte dakord me Juven, te shkoje te Milani dhe jo te Interi ne nje operacion qe do te sillte te bardhezinjte per 30-35 milion euro dhe Abiatin.

Me i mire se nje sulmues “top klasi”, me vendimtar se nje qendermesfushor goleador, me nje respekt me te madh se cilido mbrojtes, mbi te gjitha portieri me i mire ne bote. Xhanluixhi Bufon do te jete nje nga “pjeset” me te medha te merkatos, nese eshte e vertete se vendimi i lojtarit per te ardhmen do te bente perseri nje mister, atehere eshte e vertete qe edhe Juventusi po dorezohet ngadale ndaj idese se duhet ta lere te ike. Portieri e ka mbajtur premtimin e tij per te mos e braktisur barken qe fundosej ne B dhe, sipas nje marreveshjeje mes paleve, shoqeria do te ishte e gatshme te ripaguante me mirenjohje. Numri 1 i kombetares eshte shprehur se donte t’i kalonte vitet e fundit te karrieres se tij duke luajtur ne nivelet maksimale per te fituar ato qe akoma nuk ka mundur te fitonte. Nese ekziston vullneti i mire te Juventusi nuk do te diskutohet fare, por “Zonja” nuk mund t’ia garantoje mundesine menjehere per t’u rikthyer, si ne kohet e vjetra.

Per kete motiv, Buffon po mendon te lere Torinon, por ka ndermend te beje me te miren, qe mundet, per shoqerine e tifozet qe i respekton. Kurre te Interi, sic kane bere Ibrahimovici dhe Viera, dhe do te mbushe arkat e Juventusit. Cmimi i shtrenjte prej 80 milion euro, i vendosur nga Alesio Seko, eshte vetem qe ta mbaje sa me shume portierin, por shifra e vertete nuk eshte ajo. Pakti Bufon-Juve paraprin se nese portieri vendos te largohet do ta bente vetem per Milanin me nje cmim 30-35 milion euro plus Abiatin, qe do te rikthehej te vishte fanellen bardhezi. Mund te perdoret edhe Xhilardino, si nje shkembim teknik, por per momentin nuk eshte akoma ne alternative reale.

Hapi tjeter qe do ta dergonte Buffonin drejt Milanit eshte rinovimi tjeter i kontrates se interistit Hulio Sezar, qe e ka merituar me paraqitjet ne fushe rikonfirmimin. Morati nuk do te kishte motivacion per te hequr brazilianin, pas nje sezoni te mahnitshem dhe do te gjendej me duar lart. Ndryshe eshte situata e Milanit, qe me Diden qe ka akoma luhatje dhe eshte gati te filloje ciklin e ri per te filluar me rindertimin nga porta, qe do te duhej te thyhej per te depertuar.

[no name]

Galiani: Kristiano Ronaldo ose Kaka? Te dy

“Kristiano Ronaldo kunder Kakase”. Eshte kjo qe ajo qe i ka terhequr tifozet nga sfida ne sfide ne gjysmefinalen e Liges se Kampioneve mes Milanit dhe Mancester Junajtid. Ne “Old Traford” kane fituar “djajte e kuq”, por braziliani e fitoi perballjen e tij me portugezin. Pyetja ne Mancester ishte e njejta: me i mire Kaka apo Kristiano Ronaldo? Me tej, duke iu referuar milanisteve: te behej nje kembim mes te dyve? Ne faqet prestigjioze te “The Sun”, botohet pergjigjja e Galianit: “Jo, nuk do ta nderroja Kakane me Kristiano Ronaldon, por do te me pelqente t’i shikoja te luanin bashke…” Administratori i Milanit vazhdon: “Me Ronaldon tone perpara, dhe Kaka e Kristiano mbrapa, mund te shkosh rehat ne kinema dhe te pyesesh se sa gola ka bere Milani”. Qellimi per ta blere? Galiani pohon se ka enderruar me sy hapur: “Por jeta nuk te lejon qe te kesh gjithmone ate qe deshiron”.

[no name]

Milan-Mancester, “San Siro” plot

Jane shitur te gjitha biletat per ndeshjen Milan-Mancester Junajtid,. Gjysmefinalja e Liges se Kampioneve eshte programuar te luhet ne 2 Maj ne oren 20:45 ne “San Siro”. Jane shitur 67.500 bileta me nje cmim total 3.171.291 euro. “U kujtojme te gjithe tifozeve qe te shkojne heret ne stadium,- ben te ditur shoqata e tifozeve kuqezi, - per te favorizuar hyrjen e lehte dhe pa probleme”.