Arkivi i gazetës elektronike sportive: "FUTBOLLI"

[Manci]

Casillas: Unë jam një lider si Del Piero

Portieri i Realit të Madridit, Iker Casillas rrëfen në një intervistë, fillimet e karrierës së tij, gjendjen aktuale në të cilën nodhet ekipi madrilen si edhe deklaron se është lideri i skuadrës. Casillas është kthyer në një simbol te Reali dhe ka që nga viti 1999 kur u aktivizua për herë të parë që luan në formacionin bazë me madrilenët duke fituar shumë tituj të ndryshëm.
-Të jesh veteran në moshën 25-vjeçare. Si ndjehet Casillas?
-Është diçka e bukur të jesh lojtar i rëndësishëm dhe të dish se ke një karrierë të gjatë përpara.Fati im është lidhur me fillimin e hershëm të sportit. -Keni marrë pjesë në Ligën Spanjolle në moshë të re, ka qenë viti 1999. Ju kujtohet dita që keni debutuar në Bernabeu? Si jeni ndjerë? -Të them të vërtetën, shfaqja ime e parë te Real Madrid ka qenë në Bilbao, kundër Athletik. Ishte një atmosferë e nxehtë, si gjithnjë në këto lloj ndeshjesh. Më pas ka mbërritur radha Bernabeu... ka qenë një emocion tepër i madh, edhe pse kanë kaluar tetë vite, të luaj në atë stadium më drithëron. -Ndjeheni lideri i kësaj skuadre? -Nuk mund të jem unë ai që do të përcaktojë simbolin e Real Madrid, por kur bëhet fjalë për mua, në këto terma më gëzon. Është diçka që më bën krenar. -Thuhet se liderët nuk ekzistojnë më, por në Itali kemi shembuj që tregojnë të kundërtën. Del Piero, për shembull, ka bërë një zgjedhje kurajoze për dashurinë e Juventus... -Doni të dini nëse do të qëndrojë te Real Madrid edhe në një Kategori Inferiore. Mbi të gjitha shpresoj, që te ne të mos ndodhë kurrë një gjë e tillë. Por duke e marrë për mirë këtë hipotezë, atëherë them se që këtu nuk do të largohem kurrë. -Keni ndonjë model referimi? -Sot vlerësimi im mbi të gjitha shkon për kampionë të tillë si Buffon dhe Cech. Nëse do t’i referohesha të kaluarës, portierët të cilët më pëlqejnë janë Buyo dhe Schmeichel, dy fenomenë të vërtetë. Por heroi i vërtetë, është një person tjetër gjithsesi. -Për kë bëhet fjalë? -Për babain tim. Ka qenë ai që më ka çuar të shihja ndeshje që në moshën 7-vjeçare. Prindërit e mi janë heronj të vërtetë. -Si ndjeheni me Capellon? -Pikërisht për këtë marrëdhënie baba- fëmijë po flisja. Capello sillet si baba me Cassano. Marrëdhëniet e mia me të janë tepër të mira, dhe kurrë nuk ka pasur ndonjë problem. -Sfida e Barcelonës për fitoren e Ligës është më tepër se kurrë e hapur... -Duhet ta pranoj që ka raste që ata luajnë një lojë fantastike. Por, 3-3 në fushën tonë, edhe Barça ka pasur fajet e saj. -Në fakt Liga është shumë e ekuilibruar. -Po, ka skuadra si Sevilia, Atletico Madrid dhe Saragoza që janë përmirësuar shumë. Në fakt Valencia, nuk është një surprizë. Por këtë vit është e ashpër të përballosh edhe skuadra si Racing Santander ose Recreativo Huelva.

[Manci]

Stankoviç motivon skuadrën për takimet e tjera

Fytyra të zymta ndërsa dilnin nga stadiumi dhe pak dëshirë për të folur. Kështu që Materaci, Ibrahimoviç dhe Figo largohen pa hapur gojë, përveç një Adrianoje tepër të zhgënjyer. Por nuk ka asnjë dramë në mjedisin zikaltër dhe s’ka si të jetë ndryshe kur pikët e avantazhit ndaj Romës janë gjithsesi 13, kur duhen edhe 6 ndeshje që kampionati të përfundojë. “Gabuam tërësisht pjesën e parë, - pohoi si zakonisht me sinqeritet Stankoviçi, - tensioni ishte i lartë dhe ndihej. Fakti që titulli mund të vendosej përballë publikut tonë, na i rëndoi këmbët në fillim, është e kotë ta fshehim. Në pjesën e dytë gjërat u përmirësuan dhe në disa momente luajtëm shumë mirë.”

[visari9]

Thotë se kërkohet nga Barcelona, Chelsea, Arsenali dhe Newcastle
Trajneri i Sionit , Alberto Bigon, talentin kosovar e krahason me yllin a
Messi. Mesfushori 17-vjeçar, deklaron se në të ardhmen ës
fanellën e Përfaqësueses së Kosovës. Florian Berisha flet

Intersesimi
i disa klubeve të njohura
evropiane tregon shumëçka për
të riun kosovar, i cili luan në
Ligën Superiore të Zvicrës me
skuadrën e FC Sion-it.
Florian Berisha është vetëm
17 vjeç dhe në adresë të tij kanë
arritur oferta nga klubet e mëdha
evropiane, si nga Barcelona,
Chelsea, Arsenali dhe Newcastle.
Mesfushori kosovar, vitin e
kaluar për 10 ditë me radhë ka
qëndruar në Katalani, ku është
testuar tek ekipi i Barcelonës.
Trajneri i FC Sion-it, Bigon, talentin
kosovar e krahason me
atë argjentinas, Messi.
Berisha është anëtar i përfaqësueses
U 17 të Zvicrës, derisa
është i gatshëm që në të
ardhmen t’i mbrojë ngjyrat e
Përfaqësueses së Kosovës.
“Barcelona, Chelsea, Arsenal
dhe Newcastle janë shumë të
interesuara për mua, dhe
vazhdimisht jam nën përcjelljen
e këtyre ekipeve.” u shpreh
Berisha për Express.
Vitin e kaluar Berisha ka qenë
në prova te ekipi i Barcelonës
dhe gjatë qëndrimit në Katalani
talenti kosovarë ka pasur
rastin të luaj kundër idhullit të
tij, brazilianit Ronaldinho.
“Vitin e kaluar, 10 ditë kam
qenë në prova te Barcelona dhe
janë ndarë shumë të kënaqur
me mua. Atje kam luajtur me
ekipin rezervë të Barcelonës
kundër Ronaldinhos dhe Messit”
deklaroi numri 29 i FC Sion,
i cili ëndërron që në të ardhmen
ta vesh fanellën e Barcelonës.
Në anën tjetër, babai i Florianit,
Shabani, tregon se është
në kontakt me legjendën e
Newcastle Alan Shearer i cili edhe
pas pensionimit vazhdon të
jetë i përfshirë në klubin nga ‘St
James Park’
“Me Alan Shearerin jam në
kontakt, dhe se Newcastle është
njëra ndër skuadra që është më
së shumti e interesuar për Florianin”
thotë ai.
I ati i Floroanit, pohon se vitin
e kaluar është kontaktuar edhe
nga menaxherët e klubeve italiane,
të cilat janë interesuar për
birin e tij.
“Vitin e kaluar skuadra e
Chievos, Parmës dhe Lazios
janë interesuar për Florianin,
por edhe tani vazhdojnë të interesohen
për të. Ka edhe disa
ekipe tjera që e përcjellin djalin
tim por se si do të rrjedhin
punët ende nuk mund të them
asgjë me saktë” theksoi Shaban
Berisha.
Sa i përket aftësive teknike,
Floriani është vlerësuar lartë
edhe nga trajneri i FC Sionit, Alberto
Bigon, i cili e ka përshkruar
lojën e kosovarit si mjaft të
ngjashme me atë të futbollisti
të njohur të Kombëtares
argjentinase Lionel Messi.
“Trajneri i FC Sionit Alberto
Bigon, i cili ka qenë edhe trajner
i Maradonës, thotë se Floriani
ka ngjashmëri të mëdha me
lojtarin e Barcelonës - Messi,
pasi është trupshkurtër por
posedon teknik të përsosur”
thotë babai i talentit kosovarë.
Mesfushori i FC Sionit,është
pjesë e përfaqësuese U 17-të të
Zvicrës derisa në të ardhmen
është i gatshëm që ta veshë
fanellën e përfaqësuese se Kosoves
“Pasi Kosova të pranohet në
Evropë jam i gatshëm që ta veshë
fanellën e kombëtares së Kosovës”
thotë Floriani.
Mesfushori 17 vjeç, karierën e
ka filluar në vitin 1997 te skuadra
e FC Sionit ku vazhdon të luaj edhe
tani. Pasi ka treguar talentin e
tij, Floriani në vitin 2006 ka kaluar
në radhët e ekipit të parë të
Sionit dhe ka nënshkruar kontratë
profesionale deri në vitin 2011.

[km92]

Morati: Ky triumf i dedikohet te madhit Faketi!

23 Prill Fjalet e para te padronit interist, pas fitimit te titullit, jane per ish?presidentin zikalter, Xhacinto Faketi, i ndare nga jeta ne shtator: “Ne kete skulpture jane shenuar edhe inicialet e nje njeriu te madh si Xhacinto, te cilin s’mund te harroh, per ate qe dha, per keshillat e tij, per ndershmerine dhe personalitetin e vecante”, u shpreh Morati, teper i lumtur per triumfin e arritur nga skuadra ne fushe, pas 18 vjetesh. Festa zikalter shpertheu disa sekonda pas fundit te ndeshjes ne Bergamo. “Me ne fund”, kjo ishte britma e Moratit, i cili e priste kete prej shume vitesh. “E gjithe skuadra e i dedikoi nje kor te vecante Xhacintos, duke duartrokitur ne fund. Pra, te gjithe e ndjejme mungesen e tij ne kete dite te vecante. Ky titull kurorezon mundin dhe gjithcka beme ne kete sezon, qe nga java e pare deri tani. Jam i lumtur, me mire se kaq...”, tha Morati, duke u ndalur te e ardhmja e trajnerit Mancini, i cili do te vazhdoje aventuren e tij zikalter, edhe per disa vjet. “Mancini ka rinovuar prej disa javesh. Behet fjale per kater vjet dhe me opsion per sezonin e peste. Eshte titulli i dyte qe fitojme ma vjedhur asgje. Ate te vitit te shkuar e fituam, sepse ishim te ndershem, kur te tjeret benin kompromise...”.

Roberto Mancini: “Eshte nje emocion i madh, sepse skuadra zhvilloi nje kampion te jashtezakonshem, sepse te fitosh pese jave para fundit me 16 pike avantazh nga vendi i dyte eshte nje rezultat i pabesueshem. Jam shume i lumtur per te gjithe interistet. Ia dedikoj atyre kete fitore”.

Marko Materaci: “Dua t’ia dedikoj kete fitore te gjithe interisteve, qe me kane mbeshtetur gjithmone, ne cdo hap. Po ashtu, dua t’ia dedikoj kete triumf edhe gruas sime, femijeve dhe familjes. Ishte nje vit i pabesueshem, ndaj s’dua te harroj”.

Zlatan Ibrahimovic: “Eshte nje titull me se i merituar, ndaj pergezime te gjithe skuadres dhe stafit. Kemi besuar gjithmone ne kete hap te rendesishem. Te merkuren, vuajta shume, sepse s’arrita qe te luaj mire ne pjesen e pare, por tani mund te gezohem me shoket e skuadres. Tani, ne “San Siro”, na pret nje feste e madhe. Kam fituar te Ajaksi, Juventusi dhe Interi, ndaj mund te them se kudo qe shkoj, triumfoj”.

Zhulio Sezar: “Per mua eshte dicka shume speciale ky titull i pare. Te fitosh ne nje kampionat te rendesishem si ky italian eshte dicka e bukur. Cdo dite punoj per te dhene me te miren. Kete sezon, dhashe maksimumin per tifozet, trajnerin, presidentin, skuadren”.

Havier Zaneti: “Eshte nje emocion i madh, sepse e prisja kete titull dhe kete moment magjik. Kete e meriton familja interiste, Morati e meritonte kete gezim, ashtu si i mjeri Faketi”.

Hulio Kruz: “Te fitosh kampionatin nuk eshte dicka qe ndodh cdo dite, ndaj e leshova edhe une disi veten. Pas zhgenjimit ndaj Romes, u rikthyem dhe kete e beme si kampione, duke dominuar. Kjo eshte nje dite e paharrueshme”.

Ivan Ramiro Kordoba: “Feste e madhe, por e drejte, per ate qe beme ne kete sezon. Dicka e paimagjinueshme, qe solli frytet”.

Libri i Arte

1898 Xhenoa

1899 Xhenoa

1900 Xhenoa

1901 Milan

1902 Xhenoa

1903 Xhenoa

1904 Xhenoa

1905 Juventus

1906 Milan

1907 Milan

1908 Pro Verceli

1909 Pro Verceli

1909?10 Inter

1910?11 Pro Verceli

1911?12 Pro Verceli

1912?13 Pro Verceli

1913?14 Kazale

1914?15 Xhenoa

1919?20 Inter

1920?21 Pro Verceli

1921?22 Pro Verceli

Novese

1922?23 Xhenoa

1923?24 Xhenoa

1924?25 Bolonja

1925?26 Juventus

1926?27 Torino *

1927?28 Torino

1928?29 Bolonja

1929?30 Inter

1930?31 Juventus

1931?32 Juventus

1932?33 Juventus

1933?34 Juventus

1934?35 Juventus

1935?36 Bolonja

1936?37 Bolonja

1937?38 Inter

1938?39 Bolonja

1939?40 Inter

1940?41 Bolonja

1941?42 Roma

1942?43 Torino

1945?46 Torino

1946?47 Torino

1947?48 Torino

1948?49 Torino

1949?50 Juventus

1950?51 Milan

1951?52 Juventus

1952?53 Inter

1953?54 Inter

1954?55 Milan

1955?56 Fiorentina

1956?57 Milan

1957?58 Juventus

1958?59 Milan

1959?60 Juventus

1960?61 Juventus

1961?62 Milan

1962?63 Inter

1963?64 Bolonja

1964?65 Inter

1965?66 Inter

1966?67 Juventus

1967?68 Milan

1968?69 Fiorentina

1969?70 Kaljari

1970?71 Inter

1971?72 Juventus

1972?73 Juventus

1973?74 Lacio

1974?75 Juventus

1975?76 Torino

1976?77 Juventus

1977?78 Juventus

1978?79 Milan

1979?80 Inter

1980?81 Juventus

1981?82 Juventus

1982?83 Roma

1983?84 Juventus

1984?85 Verona

1985?86 Juventus

1986?87 Napoli

1987?88 Milan

1988?89 Inter

1989?90 Napoli

1990?91 Sampdoria

1991?92 Milan

1992?93 Milan

1993?94 Milan

1994?95 Juventus

1995?96 Milan

1996?97 Juventus

1997?98 Juventus

1998?99 Milan

1999?00 Lacio

2000?01 Roma

2001?02 Juventus

2002?03 Juventus

2003?04 Milan

2004?05 Juventus *

2005?06 Inter

2006?07 Inter

[Manci]

Kaka dhe Rooney nga dy gola, por fiton Mançester

Emocione pa fund në gjysmëfinalen e parë në "Old Traford"


Mançester Junajted fiton 3-2 sfidën e parë gjysmëfinale me Milanin në Champions, por skuadra e Aleks Ferguson ka vuajtur jo pak në "Olld Traford". Një përmbysje emocionante, që ka mbajtur në ankth të dyja tifozeritë, por në fund kanë qenë britanikët ata që kanë festuar. Gjithsesi, ky rezultat lë gjithçka të hapur për ndeshjen e dytë, që do të luhet në Milano, vetëm pas 7 ditësh. Vendasit e fillojnë vrullshëm me Runin, i cili ka një mundësi të mirë përpara portës, por gjuajtja e tij rikuperohet në kohë nga Nesta, që devijon. Nga goditja e këndit topi shkon në kokën e Kristiano Ronaldos, që me bashkëpunimin e Didës shënon golin e avantazhit. Portieri brazilian rikthen fantazmat me daljet e tij të gabuara, e, pavarësisht se tenton të rikuperojë gabimin, nuk arrin të evitojë përshëndetjen e rrjetës. Pak çaste më vonë Kristiano Ronaldo provon sërish me kokë, por këtë herë devijimi është i lehtë. Milani zgjohet dhe provon pas një aksioni të gjatë në zonën e Junajted, por tentativa e Ambrozinit me kokë ka qenë e lehtë për Van der Sar. Për fatin e kuqezinjve, goli i barazimit nuk ka vonuar: në të 22-tën, Sedorf ka gjetur shumë bukur Kaka, që nga pozicion i prirët provon me të majtën dhe shënon. Mançesteri reagon me të përhershmin Ronaldo, i cili provon nga jashtë zonës, por Dida, në një farë mënyre, ka larguar të majtën e tij të fuqishme. Minuta e 38-të sjell rrjetën e avantazhit për italianët. Kaka lëviz bukur mes mbrojtjes së "Red Devils", Hainze dhe Evra përplasen me njëri-tjetrin dhe braziliani i vetëm me portierin nuk e ka të vështirë të shënojë. Edhe në pjesën e dytë, Milani vazhdon të dominojë lojën. Kaka mbetet frymëzuesi i lojës së kuqezinjve me daljet e tij të rrezikshme. Gjithsesi, në të 59-tën vendasit barazojnë, ku Runi pasi ka marrë një asist perfekt nga Pol Skols, i vetëm me Didën shënon. Pas shumë rastesh nga të dyja portat, pikërisht atëherë kur dukej se tani kishte përfunduar, në minutën e parë shtesë Gigs pason bukur te Runi, që me një koordinim të jashtëzakonshëm mposht Didën për të tretën herë.

[Manci]

Kalderon mbron Kapelon: Ai do vazhdojë me ne

Presidenti i Realit të Madridit, Ramon Kalderon, ka përsëritur besimin e tij te Fabio Kapelo, duke hedhur poshtë çdo mundësi që ai të ketë folur me trajnerë të tjerë për të zëvendësuar italianin. "Kapelo ka një kontratë dhe për mua ai është një trajner i madh. Ai ishte njeriu që na nevojitej. Ju betohem që nuk kam folur me asnjeri. Kjo vlen edhe për të gjithë njerëzit në klub që kanë lidhje me sferën sportive. Ne i qëndrojmë pranë trajnerit tonë dhe do të vendosim cila është më e leverdishme për të gjithë vetëm në muajin qershor. Ekipi është më mirë se asnjë herë tjetër dhe jemi aty ku askush nuk na kishte menduar dy muaj më parë", u shpreh presidenti i Realit.

[Manci]

Ksabi Alonso: Çelsi nuk mbështetet nga tifozët

Mesfushori i Liverpulit nuk trembet nga atmosfera në "Stemford Brixh"


Ksabi Alonso ka "shigjetuar" tifozët e Çelsit, duke thënë se atyre u mungon pasioni në stadium, për të trembur skuadrat kundërshtare. Mesfushori i Liverpulit mendon se për asnjë moment "Stemford Brixh" nuk arrin të krijojë një atmosferë armiqësore si në "Anfilld". Spanjolli ka deklaruar se skuadra e Benitez nuk i trembet transfertës së vlefshme për gjysmëfinalen e Ligës së Kampioneve në Londrën perëndimore. "Atmosfera që do jetë në ‘Stemford Brixh‘ nuk na tremb aspak. Kur të vijë ndeshja e kthimit në ‘Anfilld‘, jam i sigurt se tifozeria jonë do na mbështesë gjithë kohën, sepse ata e dinë se çfarë është suksesi në Evropë", ka deklaruar 25-vjeçari. "Atmosfera që krijojnë mbështetësit tanë na jep shumë krahë dhe përpara dy viteve, kur eliminuam Çelsin, ajo na ka ndihmuar shumë. Le të shpresojmë që historia do përsëritet dhe ne të fitojmë një tjetër gjysmëfinale përballë skuadrës së Murinjos". Ndërkohë ka ardhur edhe reagimi i tifozerisë së Çelsit, që nuk i ka pritur mirë këto deklarata. Në sajtin zyrtar të klubit të Abramoviç, tifozët ultras u kanë kërkuar mbështetësve të tjerë që në "Stemford Brixh" të paraqiten me sa më shumë flamuj e me fanella blu, për t‘i treguar Liverpulit se ata dinë të jenë pranë skuadrës në takimet e rëndësishme.

[Manci]

Drogba beson te mrekullia: Mund t‘i fitojmë 4 titujt

Sulmuesi nga Bregu i Fildishtë karikon skuadrën përpara gjysmëfinales me Liverpulin


Didier Drogba pranon se Çelsit do t‘i nevojitet një mrekulli që të realizojë ëndrrën e fitimit të katër titujve brenda një sezoni. Megjithatë, sulmuesi nga Bregu i Fildishtë ka këmbëngulur: "Ne kemi shanse të mira që të hyjmë në histori". Barazimi pa gola i së dielës me Njukasëllin ka kompromentuar disi shpresat për fitimin e titullit, por përpara gjysmëfinales së sotme me Liverpulin shënuesi i 31 golave në këtë sezon beson se skuadra e Hoze Murinjos i ka të gjitha shanset për të arritur objektivin madhor. "Skuadra ende ka shanse ta realizojë atë që njerëzit e cilësojnë si mrekulli. Nuk kemi rënë moralisht. Beteja vetëm sa është bërë më e fortë, por kjo nuk do të thotë se është e humbur. Ende nuk ka përfunduar. Kemi shumë arsye përse duhet të tentojmë: krenari, prestigj dhe trofe", ka deklaruar 29-vjeçari. Çelsi nuk arriti të përfitonte nga hapi fals i Mançester Junajted kundër Midëllsboros dhe vazhdon të ndjekë kryesuesit me 3 pikë më pak kur duhen edhe katër javë nga mbyllja e Premiershipit. Por, Drogba ka deklaruar se të gjithë në radhët e skuadrës dëshirojnë dhe besojnë në kalimin e skuadrës së Ferguson dhe duan të hakmerren ndaj Liverpulit në Champions, duke filluar që prej takimit të parë në "Stemford Brixh". Sulmuesi ka shtuar: "Duhej të kishim fituar përballë Njukasëllit, por nuk ia arritëm. Titulli është ende i arritshëm në këto javë të fundit dhe tashmë duhet të tregojmë karakterin tonë të vërtetë. Nuk ka marrë fund, deri sa të marrë fund. Jemi të vendosur që të shkruajmë historinë: jemi në finalen e Kupës FA, në garë të plotë për kampionatin dhe në gjysmëfinalet e Ligës së Kampioneve kundër Liverpulit. E kam të qartë që pjesa më e madhe e atyre që e ndjekin futbollin nuk e presin që t‘i fitojmë këto trofe, por duhet të keni parasysh që futbolli nuk është shkencë ekzakte. E kam thënë edhe më parë se klube si ky i yni kanë një karakter që del në dukje në momentet e rëndësishme. Ata nuk tërhiqen kurrë prapa". Drogba ka rikuperuar humbjen e çmimit si Lojtari më i Mirë i Vitit në Angli, përballë Kristiano Ronaldos, duke fituar çmimin si Lojtari më i Mirë Afrikan për Vitin 2006, ku ka lënë pas vetes kamerunasin e Barcelonës, Samuel Eto‘o.

[Manci]

Murinjo-Benitez, gati për sfidën iberike

Blutë kërkojnë të hakmerren për dy sezone më parë, kur Liverpuli eliminoi Çelsin


Rivaliteti i hidhur, por shumë interesant, mes trajnerit të Çelsit, Hoze Murinjo dhe atij të Liverpulit, Rafa Benitez, do të shënojë skenën e radhës në ndeshjen e sotme të dy skuadrave në "Stemford Brixh". Takimi i parë gjysmëfinal për Ligën e Kampioneve mes Çelsit dhe Liverpulit do të jetë përballja e 14 që nga momenti kur dy trajnerët zbarkuan në Angli në qershorin e vitit 2004, me vetëm 12 ditë diferencë nga njëri-tjetri. Që nga ai moment, miqësia është kthyer në rivalitet plot urrejtje. Spanjolli Benitez pak kohë më parë dha një shpjegim për këtë situatë. "Ne ishim miq të mirë deri në momentin kur Liverpuli filloi të fitonte, nga ai moment ai filloi të ndryshonte mendje". Thënia e Benitez mund të ketë një bazë. Çelsi i Murinjos fitoi tri përballjet e para kundër ekipit të spanjollit, dy herë në kampionat dhe më pas finalen e Kupës Karling me rezultatin 3-2. Të gjitha bisedat rreth këtyre dy takimeve ishin të bazuara mbi taktikat dhe mbi përshtatjen me lojën në Angli, duke mos ofenduar apo sulmuar kundërshtarët. Por gjysmëfinalet e Ligës së Kampioneve në vitin 2005 ndryshuan gjithçka. Goli i kontestuar i Luis Garsias në "Anfilld" vendosi për skuadrën që do të kalonte në finale, pasi takimi i parë në "Stemford Brixh" kishte përfunduar në barazim pa gola. Normalisht Murinjo nuk ishte i lumtur. "Ishte vijërojtësi që shënoi", u shpreh ai pas ndeshjes. Sezoni i parë i Murinjos në futbollin anglez u mbyll me triumfin e merituar të Çelsit në kampionat dhe në Kupën Karling. Ndërsa Benitez shkatërroi ëndrrat e tij evropiane, pasi arriti të fitonte Ligën e Kampioneve me një skuadër e cila vlerësohej si inferiore në arenën ndërkombëtare.

Faza e grupeve e Ligës së Kampioneve në vitin 2006 ringjalli rivalitetin pasi skuadrat u vunë përballë njëra-tjetrës. Murinjo, i vetëquajtur "i veçanti", kishte treguar në këtë pikë se nuk dëshironte rivalë dhe ndaj Liverpulit rezervonte batutat më të mira. Por Benitez u tregua po aq i gatshëm për të tallur kundërshtarët dhe pasi ndeshja e parë mes tyre përfundoi në një barazim pa gola, ai ironizoi me ëndrrën e Çelsit për t‘u bërë klubi më i mirë në botë. "Unë mendoj se Arsenali luante futboll shumë më të bukur dy apo tre vjet më parë. Ata fitonin ndeshje dhe dhuronin spektakël. Barcelona dhe Milani gjithashtu. Ata krijojnë spektakël, ndaj nuk mund të them se Çelsi është skuadra më e mirë në botë", deklaroi spanjolli, duke i garantuar vetes tashmë një luftë të hapur me Murinjon. Vijuan dy fitore të tjera në kampionat për Çelsin, një prej të cilave me rezultatin 4-1 në stadiumin e Liverpulit dhe më pas një tjetër barazim pa gola në Ligën e Kampioneve. Blutë arritën të fitonin një titull të dytë në Angli me një ekip më superior se ai i "të kuqve". Por gjysmëfinalja e Kupës FA në prill të vitit 2006, tregoi se Benitez qëndronte më lart kur bëhej fjalë për të mundur kundërshtarin në një ndeshje direkte. Liverpul fitoi 2-1 dhe Murinjo ishte shumë i inatosur. Tashmë marrëdhëniet mes dy trajnerëve ishin ndërprerë, siç u pa në Superkupën e Anglisë, të fituar nga Liverpuli, ku Murinjo nuk i dha dorën pas ndeshjes Benitezit. Në sezonin 2006-2007 Liverpuli arriti të fitonte për herë të parë ndaj Çelsit në kampionat, duke e mundur 2-0. Si për ironi të fatit, gjysmëfinalja e Ligës së Kampioneve mund të jetë përballja e fundit e dy trajnerëve në futbollin anglez, pasi të dy janë në shënjestrën e Realit të Madridit. Murinjo do të kërkojë më shumë këtë fitore, jo vetëm sepse rrezikon vendin e punës, por edhe për faktin se në listën e madrilenëve ai është i dyti pas Benitez.

[Manci]

Olimpiakos në sulm për Saviolën

Kampionia e Greqisë, Olimpiakos, është e interesuar për të patur shërbimet e sulmuesit të Barcelonës, Havier Saviola. Argjentinasi, kontrata e të cilit përfundon në qershor, ka marrë tashmë një ofertë interesante nga gjigandët grekë: dy vjet kontratë me një vlerë prej 5 milionë stërlinash (rreth 7.5 milione euro) raporton siti tribalfootball.com. Saviola është shprehur se do të largohet nga “Kamp Nou” në fund të këtij sezoni. “El Conejo” i ardhur në Spanjë nga River Plate në vitin 2001 dhe shkëlqeu për tri sezone me radhë, është vënë në shenjestrën edhe të skuadrës së Juventusit, i cili tashmë është duke operuar për t’u kthyer kompetitiv në Serinë A. Saviola është në përfundim të kontratës me “blaugrana”-t dhe mund të mbërrijë në Itali me parametra zero. Sulmuesi argjentinas thuajse e ka të pamundur që të arrijë të luajë me Barçën pasi konkurrenca është shumë e fortë. Ekipi katalan ka në përbërje të saj sulmues shumë më të mirë si Eto’o, Gudjonsen apo edhe të tjerë pa përmendur këtu edhe mesfushorët me tipare sulmuesi si Ronaldinho apo Messi.