Arkivi i gazetës elektronike sportive: "FUTBOLLI"

[no name]

Keiroz: Junaited, dua tripleten!

12 Janar “Per ne nuk eshte e mjaftueshme qe te sfidojme vetem per titullin e Premiershipit, por duam te fitojme edhe kompeticionet e tjera”

Trajneri i dyte i Mancester Junaitedit, Karlos Keiroz, ka insistuar se fitimi i Premiershipit nuk eshte i mjaftueshem per te kenaqur ambiciet e drejtuesve te “Old Trafford” kete sezon, sepse ata duan qe te perserisin arritjen e vitit 1999, duke sfiduar per fitimin e tripletes: titull, Kupe, Champions League. Keiroz pretendon se Premiershipi eshte kthyer ne nje beteje dyshe, teksa skuadra e Ser Aleks Fergusonit eshte gjashte pike perpara Celsit pas nje pjese te pare fantastike te sezonit. Por asistenti i Fergusonit paralajmeroi te enjten se lojtaret nuk mund t’i lejojne vetes te pushojne, sepse Junaitedi do te fitoje me cdo kusht edhe Kupen e Anglise si dhe Champions League. “Per ne nuk eshte me e mjaftueshme qe te sfidojme vetem per titullin. Ne jemi ambicioze dhe kemi shume deshire te fitojme edhe kompeticionet e tjera”, u shpreh Keiroz. “Realiteti ne kete cast dikton se kampionati me siguri do te jete nje duel dysh. Por kjo nuk eshte e vertete kur vjen puna per Kupen e Anglise si dhe per Champions League. Ne nuk duhet te mendojme se te gjithe kompeticionet do te diskutohen vetem mes nesh dhe Celsit”.

Aston Vila, e mundur 2 1 ne raundin e trete te Kupes se Anglise pas golit te minutes se fundit nga Ole Gunar Solskjaer, rikthehet ne “Old Trafford” te shtunen dhe Keiroz paralajmeroi Celsin se ekipi i tij po pret nje tjeter rreshqitje nga ana e tij. “Ne e meritojme pozicionin ne te cilin gjendemi aktualisht, sepse ne kete cast po luajme futbollin me te bukur te Premiershipit dhe te gjithe djemte jane te shkelqyer”, shtoi trajneri portugez. “Por nuk kemi fituar ende asgje. Jemi ne nje pozicion te mire fale punes sone te palodhur, perkushtimit dhe perqendrimit, por tani duhet ta ruajme kete ritem deri ne fund te sezonit. Beteja nuk do te jete e lehte dhe une jam i sigurt se Celsi nuk do te na fale ne asnje gabim. Ne nuk mund te kenaqemi me faktin qe jemi gjashte pike para Bluve, por duhet te ndertojme mbi kete baze. Nese nuk e bejme kete, atehere do te ndeshkoheshim menjehere. Nese do te humbisnim perqendrimin dhe vigjilencen qofte edhe shume pak, atehere do te gabonim rende”.

Trajneri portugez beson gjithashtu se ka ende vend per permiresim tek lojtaret e Junaitedit. “Ne futboll nuk ka perfeksion, ka gjithnje vend per permiresim, si nga ana individuale ashtu edhe nga ana kolektive. Ne jemi kenaqur pa mase me paraqitjet e skuadres sone kohet e fundit dhe nuk mund te kishim kerkuar per me shume nga lojtaret tane persa i perket sjelljes, perqendrimit, disiplines dhe shpirtit te skuadres, sepse ato kane qene vertet fantastike. Por gjate javes nuk ka vend per gallate, ka vetem vend per pne te palodhur. Dhe ne do te vazhdojme te punojme ne disa detaje specifike ku mendojme se mund te permiresohemi edhe me shume, sepse vetem keshtu do te mund te realizojme objektivat tane te sezonit”.

[no name]

Venger: E ardhmja e Ljunberg, e sigurt!

12 Janar Trajneri i topcinjve pergenjeshtron spekulimet e shtypit, per nje transferim te mundshem te mesfushorit suedez

Trajneri i Arsenalit, Arsen Venger kembengul qe Fredi Ljunberg ka ende shume per t'i ofruar topcinjve. Per mesfushorin suedez perflitet vazhdimisht gjate diteve te fundit nje levizje e mundshme nga "Emirates Stadium", pasi 29-vjecari e ka patur te pamundur te siguroje nje vend titullari gjate ketij sezoni. Ljunberg gjendet per momentin i padisponueshem, per arsye demtimi, por Venger kembengul qe kur suedezi te riaftesohet, atehere ai mund te luaje serish nje rol kryesor per klubin e Londres veriore. "Ka patur shume spekulime ne media per Fredi Ljunbergun gjate diteve te fundit", deklaroi Vengeri ne faqen zyrtare te klubit ne internet, www.arsenal.com. "Por, duke pare dedikimin dhe kontributin qe i ka dhene Fredi gjithmone Arsenalit, qe prej mberritjes se tij, mund te rikonfirmoj qe ai eshte nje prej lojtareve kryesore te kesaj skuadre. Edhe pse nuk kam aftesi parashikuese per te ardhmen, por me pervojen dhe cilesine e tij, jam i sigurt qe Fredi ka ende shume per t'i ofruar kesaj skuadre". Pa Ljunbergun dhe me nje skuader te perbere kryesisht nga futbolliste nen 21 vjec, Arsenali arriti nje fitore historike, 6-3 ne fushen e Liverpulit, per nje ndeshje te vlefshme per cerekfinalen e Kupes se Liges. Ljunberg ka figuruar ne vetem dhjete prej 22 ndeshjeve te Arsenalit ne kampionat dhe ndryshe nga sezonet e meparshme, ai duhet te luftoje me dy futbolliste, Tomas Rozickin dhe Aleksander Hleb, per vendin e titullarit, kur te riaftesohet. Kapiteni i kombetares suedeze kaloi ne radhet e Arsenalit, pasi u ble per 3 milion sterlina nga Halmstads, ne shtator te vitit 1998.

[no name]

Te rinjte e Arsenalit mund te "fluturojne"

12 Janar Te gjithe e dinin qe talentet e grumbulluara nga Vengeri kishin potencialin per t'u bere te medhenj, por kush kishte besuar qe do te rriteshin kaq shpejt


Te shtunen, Arsenali u fut ne ndeshjen e Kupes se Liges perballe Liverpulit i vetedijshem qe do te perballej me nje kundershtar shume te forte per t'u mundur ne "Anfield", por pas fitores 6-3, djemte e Vengerit u larguan nga stadiumi i te kuqve me nje reputacion tjeter. Kupa e Liges i ka sherbyer gjithmone Arsenalit si nje vitrine per te ekspozuar te rinjte e tij dhe asnjehere me shume se pas kesaj ndeshje nuk ka ekzistuar kaq e forte pershtypja qe rruga per te mberritur ne nivelin e Celsit dhe Mancesterit nuk eshte shume e gjate per djemte e Vengerit. Askush nuk do te kishte besuar qe nje skuader e perbere me vetem disa prej futbollisteve titullare dhe disa te tjere te skuadres se rezervave, do t'i thyente brinjet Liverpulin brenda ne "Anfield". Te gjithe e kemi ditur gjithmone qe Vengeri ka nje sy shume te specializuar per te zbuluar futbollistet e medhenj te brezit te ardhshem, por as optimistet me te medhenj nuk do te kishin besuar qe ai do te ishte i afte t'i rriste kaq shpejte "femijet" e tij. Te gjithe e kemi ditur se te rinjte e Arsenalit kane patur potencialin per t'u bere te medhenj, por besimi me te cilet ata sfidojne disa prej futbollisteve me te mire dhe me me teper pervoje ne bote eshte me te vertete dicka e rralle.

E ndersa per Arsenalin ka patur shume dyshime gjate ketij sezoni, fitorja e tyre ndaj Liverpulit nuk ishte ne asnje moment ne dyshim. Edhe kur Sami Hipia shkurtoi ne 3-5, miqte vazhdonin te kontrollonin ndeshjen me te njejten qetesi, sikur asgje te mos kishte ndodhur dhe i dhane grushtin perfundimtar te kuqve me golin e gjashte. Me ne fund pame Hulio "Bisha" Baptista te shperthente me te gjithe forcen e tij, pas disa muajve te mbushur me zhgenjime, qe kishin demtuar vetbesimin e tij. Me katergoleshin e tij ne kete ndeshje, "Bisha" krijoi pershtypjen qe sapo kishte shperthyer kafazin. Tifozet e Liverpulit e dinin qe perpara ndeshjes qe Arsenali ishte i afte t'i dhuronte nje mbremje te keqe, ashtu sic e kishte bere disa dite me pare ne nje tjeter fitore ne "Anfield", kesaj radhe per Kupen e Anglise (3-1), por tashme ata duhet te kene filluar te ndihen te shqetesuar, pasi pane qe nje skuader te rinjsh e beri te dukej qesharak Liverpulin e tyre. Te shihje dy 20-vjecare si Fabregas dhe Song, qe ia dilnin shkelqyeshem te kontrollonin lojen ne mesfushe perballe Xherardit dhe Aurelios duhet te kete qene nje gezim i vertete per te gjithe tifozet e topcinjve dhe nje dhimbje e madhe per liverpulasit. Dukej sikur te 11 lojtaret e Arsenalit ne fushe ishin ne diten e tyre me te mire, ndersa kundershtaret e tyre, me shume me teper pervoje pyesnin veten se cfare duhet te benin per t'i frenuar. E ardhmja duket shume e ndritur per futbolliste te Arsenali si Denilson, apo Traore, por edhe te tjere si Aliardier, qe kane luajtur dobet ne kete sezon, treguan arsyen perse Venger vazhdon te besoje tek ata. Por, nuk ane vetem emrat e dites se marte qe duhet te bejne tifozet e Arsenalit te ndihen te ngazellyer. Te tjere si Niklas Bendtner dhe Sebastian Larson, te dy tek Birmingami dhe Arturo Lupoli tek Derbi, po zhvillojne sezone te shkelqyera dhe po udheheq klubet ku luajne si te huazuar drejt rikthimit ne Premier League.

Tani shpresoj vetem qe Venger te vazhdoje te besoje tek te rinjte e tij edhe ne gjysmefinalen me Totenhamin. Edhe pse behet fjale per derbin e Londres veriore, edhe pse eshte nje gjysmefinale, mendoj qe "femijet" e Vengerit kane bere aq sa per ta merituar prezencen e tyre ne gjysmefinale. Ndeshja e se martes mund te kete qene me e mira e Arsenalit ne kete sezon dhe te rinj si Baptista, Almunia dhe Denilson deshmuan qe ane teresisht te gatshem per te marre persiper pergjegjesite e skuadres se pare. Frika ime e vetme eshte qe borxhet qe krijoi Arsenali me ndertimin e stadiumit te ri mund te detyrojne klubin te shese disa prej ketyre yjeve te se ardhmes, por nderkohe, besoj qe ne shkurt, me rastin e finales se Kupes se Liges, Venger mund t'i deshmoje te gjitheve se titujt fitohen edhe me "femije".

[no name]

Murinjo-Celsi, ne prag lufte!

12 Janar Klubi nuk eshte i gatshem te kenaqe pretendimet per dy futbolliste te rinj te Hozese, ndersa ky i fundit shprehet i kenaqur me barazimin e arritur ndaj klubit te kategorise se katert, Uajkomb

Tensionet midis Hoze Murinjos dhe bordit te Celsit duket se preken kulmin dje, pasi trajneri portugez deklaroi se nuk priste te perforconte skuadren e tij gjate merkatos se janar, edhe pse kishte identifikuar futbollistet qe shpresonte te blinte. Pasi blute barazuan 1-1 ndaj Uajkombit ne ndeshjen e vajtjes te gjysmefinaleve te Kupes se Liges, Murinjo refuzoi te konfirmonte te ardhmen e tij te gjate ne "Stamford Bridge". Celsi eshte i mbushur per momentin me demtime e pezullime dhe Murinjo kishte shpresuar te blinte nje mbrojtjes dhe nje sulmues gjate janarit, ne menyre qe te rriste shanset e skuadres se tij per nje sukses ne kampionat dhe Champions League. Perpara shtypit, Murinjo pranoi qe i kishte perzgjedhur futbollistet qe shpresonte te blinte, por shtoi se nuk pret qe klubi t'ia plotesoje deshiren. I pyetur per arsyet, portugezi i deklaroi shtypit: "Nuk kam perse t'iu them une arsyet. Ketu behet fjale per klubin". Disa dite me pare Murinjo deklaroi se nuk deshironte qe klubi te sillte futbolliste te rinj duke paguar shume me teper se vlera e tyre reale, por pas ketyre deklaratave duket se qendron refuzimi i bordit per te bere shpenzime te reja per te kenaqur Murinjon. "Mendoj qe skuadra jone do te jete e njejta edhe atehere kur te mbyllet merkato", shtoi Murinjo.

Ne te njejten kohe, trajneri i bluve shtoi se do te ishte i gatshem te degjonte oferta per disa prej futbollisteve te tij, por theksoi qe kete nuk mund ta beje nese nuk do te kete perforcime, per shkak te numrit te kufizuar te futbollisteve qe ka ne dispozicion. Micah Ricards dhe Tal Ben Haim jane dy prej mbrojtesve per te cilet Celsi eshte interesuar. Murinjo konfirmoi mungesen e kontrollit te tij ne strategjine e klubit, ne nje deklarate standarte ne futboll, kur tha: "Celsi nuk eshte klubi im. Une jam vetem trajneri i tyre". Edhe sa kohe Murinjo do te vazhdoje te jete ne krye te "Stamford Bridge" mbetet per t'u pare. Pasi iu kerkua qe te qartesonte pozicionin e tij pas sugjerimeve qe te bejne te besosh qe Murinjo mund te braktise detyren per shkak te kontradiktave me pronarin, Roman Abramovicin dhe shefin ekzekutiv, Piter Kenionin, Murinjo tha: "Pozicioni im nuk eshte i rendesishem. Gjeja me e rendesishme per mua, por edhe per te tjeret eshte qe Celsi te jete aty ku duhet. Per momentin jemi ne raundin e dyte ne Champions League, ne gjysmefinale te Kupes se Liges, ne raundin e katert te Kupes se Anglise dhe te dytet ne kampionat. Do te punoj qe te vazhdome te avancojme ne te katert frontet ne kete sezon. Kjo ka qene gjithmone filozofia ime dhe nuk jam i rendesishem une, por klubi".

Murinjo refuzoi te krituikonte futbollistet e tij pas barazimit ndaj Uajkombit, klubi i kategorise se katert (League 2), duke cituar nje liste te gjate te mbushur me demtime dhe pezullime, qe detyruan shume prej futbollisteve te tij qe te luanin jo ne pozicionet e tyre te zakonshme. "Lojtaret po bejne me te miren e tyre. Nuk mund t'i kritikoj ne keto rrethana". Shumica e njerezve prisnin qe Celsi te fitonte, por Murinjo iu pergjigj atyre duke thene: "Ky eshte problemi i tyre. Gjithsesi, sfida ime eshte qe te udheheq skuadren ne finalen e Kardifit".

[no name]

Benitez: Pa para, s’shkohet gjekundi!

12 Janar “Arsenali ka dy tre lojtare te cilet ne i kemi monitoruar, por nuk i kemi blere dot sepse nuk kishim fondet e mjaftueshme, dhe kjo ben ndryshimin mes nesh”

Rafael Benitez ka hedhuur poshte kritikat per metodat e tij te trajnimit te Liverpuli, duke u shprehur se ankesat e tifozeve duhet t’i drejtohen bordit drejtues te klubit. Duke qene se nderrimi i pronesise se Liverpulit eshte shume prane, Benitez u ndie i fyer qe mori kritikat per politiken e merkatos se drejtuesve aktuale, si dhe stuhine per humbjen 6 3 ne “Anfield Road” ndaj Arsenalit ne Kupen e Liges, pasi sipas tij faji eshte i fondeve te pakte per blerjen e lojtareve te rinj. Ne nje tjeter dite shqetesuese per klubin, Benitez mesoi te merkuren ne mbremje se Luis Garsia do te mungoje gjashte muaj pas demtimit te ligamenteve te gjurit ne cerekfinalen e jashtezakonshme se te martes, takimi i pare ne te cilin Liverpuli ka pesuar gjashte gola ne fushen e saj qe nga viti 1930. Mes stuhise se kritikave nga tifozet dhe ish lojtaret, Benitez hodhi poshte cdo pergjegjesi per humbjen dhe, ne kritkat e tij me te medha per hierarkine e “Anfield” qe pasi zevendesoi Zherard Hulierin ne 2004 n, ai shprehur pakenaqesine e tij per mbeshtetjen financiare dhe per faktin se klubi “punon shume ngadale” ne merkato. “Njerezit duhet te pyesin se si arrin Arsenali te shenoje gjashte gola ne “Anfield” me nente lojtare rezerve”, tha Benitez. “Kjo nuk vjen sepse ne kete ndeshje kjo skuader ishte me fat, por per shume arsye. Ky ishte nje leksion per te gjithe klubin tone. Nga ky takim kuptojme se nese duuam te konkurojme ne nivelet me te larta duhett te jemi ne gjendje te shpenzojme shume para, jo thjesht per skuaudren e pare, por edhe per lojtaret e rinj si dhe per rezervat. Departamenti im i zbulimit ka kryer nje pune te shkelqyer, por ndonjehere ne jemi te ngadalte si klub ne blerjen e lojtareve qe na duhen. Duhet te punojme me shpejt. Dhe kur e bejme kete, nuk kemi shume para. Arsenali shpenzoi 4 milione sterlina per Abu Diabin, 4 milione per Denilsonin, 8 milione per Teo Uollkotin dhe Hulio Baptista eshte nje lojtar 22 milionesh. Ne kishim shtate lojtare me eksperience ne skuadren e pare, e megjithate nuk arritem serish te fitonim”. Spanjolli ka pranuar privatisht ne shume raste, se eshte i merzitur nga keto ceshtje, por kjo eshte hera e pare qe ai i ka shprehur publikisht pakenaqesite dhe mendohet se kjo eshte bere me qellim, duke pare natyren e avancuuar te marreveshjes per nderrimin e pronesise. Ai e pershkroi klubin si shume vite pas Arsenalit persa i perket zhvillimit dhe beri te qarte se Liverpuli nuk do te jete ne gjendje te stabilizohet serish si klubi me i mire ne Angli deri sa grupi “Dubai International Capital” te kete ardhur ne fuqi, dhe te kete vene fonde te mjaftueshme ne dispozicion per blerje te reja.

Por drejtuesit e Liverpulit mund te kerkojne llogari per disa prej levizjeve te Benitezit. Baptista, per shembull, eshte vetem ne forme huazimi te Arsenali dhe, para kesaj marreveshjeje, ai u bashkua me Real Madridin nga Sevilja per 13,8 milione sterlina. Ankesat e Benitezit gjithashtu nuk marrin parasysh 77,8 milione sterlina e shpenzuara nga Liverpuli ne merkato jane nje shifer qe kalohet vetem nga superfuqi si Celsi dhe Mancester Junaitedi. Benitez ka sjelle 25 lojtare te rinj dhe ka arritur edhe huazimin e portierit 21 vjecar te Sampdorias, Daniele Padell, levizje qe i jep fund karrieres se Xherzi Dudek ne “Anfield”. “Ne po marrim hua nje portier te ri italian me opsionin per zgjatjen e kontrates”, vazhdoi Benitez. “Por kemi edhe shume jave qe punojme per blerjen e Xhejms MekKartit, nje skocezi i ri. Keto jane marreveshje qe po i realizojme, sepse duam te mendojme per ardhmen, por pa shpenzuar para kjo behet e veshtire. Arsenali ka dy ose tre lojtare, per shembull, te cilet ne i kemi monitoruar, por nuk i bleme dot sepse nuk kishim parate e mjaftueshme”. Por Benitezi iu pergjigj edhe kritikave per lenien pushim te kaq shume lojtareve ne kompeticionin qe duket se ishte shansi i fundit per “Te Kuqte” per te fituar nje trofe kete sezon. “Cili kompeticion eshte me i rendesishem”, perfundoi Rafa. “Premiershipi, Champions League apo Kupa e Liges? A mendoni se nje lojtar si Stiv Finan mund te luaje ne cdo jave te kampionatit, kur ka luajtur edhe ne gjithe ndeshjet e kupave?”

[no name]

Spaleti: Ne Parma s'do jete e lehte!

12 Janar "Ne "Tardini" nuk do te jete nje shetitje, duke pare se verdheblute do te luftojne per t'u kualifikuar dhe i duhet vetem nje gol"

Roma ka arritur te fitoje raundin e pare te fazes cerekfinale, ne Kupen e Italise, duke mundur me rezultatin 2-1 Parmen, fale golave te Mansinit, me parabole, dhe kapitenit Toti. Por, goli i shenuar ne fund te lojes nga ana e Dedic e ka prishur disi festen verdhekuqe, duke pare se tashme nuk do te jete nje shetitje takimi i kthimit, ne "Tardini". Ne fakt, ky lloj shqetesimi eshte pare edhe ne fytyren e Spaletit, qe nuk eshte dukur edhe aq i kenaqur per fitoren e arritur nga skuadra e tij: "Gjithmone na ndodh e njejta gje", pohoi trajneri i Romes ne fund te takimit. "Jemi nje skuader qe shpesh e ul ritmin dhe toleron shume kundershtarin, duke i dhuruar shansin per te shenuar. Duhet te shfrytezojme gjithmone situaten dhe avantazhin, per te fituar thelle ndaj kundershtarit, ndryshe, loja mund te rihapet ne cdo cast. Keshtu ndodhi edhe ne Kupe, kur Parma shenoi nje gol qe do te thote shume. Ne takimin e kthimit, ne "Tardini", duhet te luftojme per t'u kualifikuar, sepse e dime qe nuk do te jete e lehte. Parma eshte nje kundershtar qe luan me kujdes dhe mbrohet mire, duke sulmuar me kundersulm. Sigurisht, kjo nuk do te thote se luajtem keq, por e kisha pergatitur ndryshe takimin e kthimit, pas nje jave, dhe ndaj nuk me vjen mire qe ndodhi e papritura. Ata luajten mire ne pjesen e dyte dhe loja jone ra pas golit te dyte te shenuar nga Toti. Duhet te mbanim te njejtin ritem dhe kete i them gjithmone djemve gjate stervitjes. Vec kesaj, dua te them se skuadra ishte ne forme dhe luajti mire, sidomos ne pjesen e pare. Pushimi na ka dhene me shume energji dhe jemi gati per te rinisur betejen. Te shpresojme qe te vazhdojme keshtu. Titulli? E kam thene njehere dhe nuk me pelqen ta perseris. Titulli eshte nje objektiv i rendesishem, por duhet te luajme takim pas takimi, duke mos e patur mendjen aty".

[no name]

Galiani: Po shkaterrojme futbollin!

12 Janar "Me taksa dhe kosto te larta nuk kemi mundesi qe te ngrihemi ne nje nivel te larte, duke u barazuar me klubet e medha te Europes. Por, natyrisht, me kete pabarazi, ky sport rrezikon te deshtoje"

"Spectrum Strategy Consultants" nuk eshte nje formule e hapesires apo nje fenomen i perditshem, por nje klub nderkombetar i keshillimit strategjik ne sektoret e medias, telekomunikacionit dhe sportit. Mes klienteve te ndryshem qe i jane bashkuar ketij klubi, jane edhe "gjigantet" financiare dhe te sipermarrjes boterore: Bbc, British Telecom, Vodafone, Mancester Junaited, Premier League, UEFA, RAI, TIM, kolose te fondeve te investimit si Apax apo Carlyle. Por, qe nga dita e merkure, ne kete shoqeri te madhe figuron edhe klubi i Milanit. Ne fakt, Adriano Galiani i ka komisionuar nje studio per evolucionin mes raporteve te klubit kuqezi dhe futbollit spanjoll, duke marre disa pergjigje teper shqetesuese, te cilat kane bere qe administratori i deleguar i Milanit te krijoje nje ide fikse mbi ate qe po ndodh: "Futbolli po mbulohet dita dites nga nje pelhure e holle e interesit, qe nuk e lejon te hape syte, por te perqendrohet vetem ne aspektin ekonomik dhe ate te perfitimit". Ne nje interviste te dhene per "Il Giornale", Galiani ka shtruar kete problem, ate te rrezikut te zhdukjes te futbollit.

- Zoti Galiani, pse keni vendosur t'i drejtoheni shoqerise se njohur Spectrum?

- Sepse deshiroja qe dikush me autoritet te certifikonte pershtypjet e mia. Ne fakt, vura re se ne vitin 2003, fatura e Milanit ishte me superiore se ajo e klubit te Realit. Me pas, Reali na kaloi dhe tani na ka kaluar edhe Barcelona. Kemi marre Spanjen si nje term krahasimi, sepse eshte kombi qe qendron ne vend te pare ne klasifikimin europian dhe eshte ai vend qe paraqet fituesit e Champions League (Barcelonen) dhe ate te UEFA-s (Seviljen).

- Verdikti i dosjes nuk eshte inkurajues.

- Drejtoj Milanin qe prej vitit 1986 dhe ne keto 17 vjet arrita qe te mbaj faturen tone, domethene bilancet, sa me lart atij te Realit dhe Barces, por me pas u trondita. Konkurrenca udheton me nje shpejtesi te dyfishte, ne krahasim me tonen. Ne harkun kohor midis vitit 2000-2005 rritja vjetore e mesatare se Milanit ka qene 9,7%, ndersa ajo e Realit ka qene 18,9%, ndersa ajo e Barcelones 17,3%.

- Pra, Spanja eshte nje planet tjeter. Faturat, investimet, taksat dhe tatimet, spektatoret... Po deshtojme ne te gjithe linjen.

- Si te mos mjaftonte, duhet te bejme llogarite edhe me IRAP-in, qe Milanit i vetem ne vitin 2006 i ka kushtuar 7 milion euro. IRAP-i eshte nje takse e gjitha italiane dhe ne asnje vend tjeter europian nuk ka gjurme te saj. Pastaj, duke pare se korrelacioni mes faturave dhe rezultateve sportive eshte teper i ngushte, pyes veten se si do te bejme qe te konkurrojme, nese parashikimet per sezonin 2010-2011 hipotizojne perfitimet tona te rreth 245 milion euro, perballe 380 dhe 440 milion eurove qe do te perfitojne respektivisht klubi i Barcelones dhe Realit. Vite me pare ishte Italia ajo qe fitonte Kupat dhe mbaj mend, me nostalgji, nje SuperKupe europiane e luftuar mes Milanit dhe Sampit. Tani, SuperKupa e Europes luhet mes Barcelones dhe Seviljes.

"Ne Itali nuk ekziston nje klub qe te jete pronar i nje impianti sportiv, tek i cili luan. Milani dhe Interi, Roma dhe Lacio, skuadrat e dy metropoleve, jo vetem qe nuk kane nje stadium te vetin, por duhet te ndajne ate qe kane ne dispozicion"

- Mes gjithe faktoreve qe po japin kontribut ne spostimin e raporteve te forces, cili eshte ai qe fotografon me mire situaten aktuale?

- Stadiumet. Klubet me te medha spanjolle jane pronare te stadiumeve te tyre. Ne Itali nuk ekziston nje klub qe te jete pronar i nje impianti sportiv, tek i cili luan. Milani dhe Interi, Roma dhe Lacio, skuadrat e dy metropoleve, jo vetem qe nuk kane nje stadium te vetin, por duhet te ndajne ate qe kane ne dispozicion. Dhe kjo te penalizon shume. "San Siro", ne ditet e sotme, nderron ngjyra: te dielen kuqezi, te merkuren zikalter. Eshte sikur dikush te jetonte me qira te nje familje tjeter.

- Pastaj, ekziston problemi i merchandising.

- Do te me pelqente qe te dija se si mund te rrisim perfitimet nga stadiumi, duke pare se jemi me qira dhe ne bashkejetese me nje tjeter klub dhe ne Itali nuk ekziston asnje tutele ndaj falsifikimit te markave.

- Ne fakt, 61% e te perfitimeve te Milanit rrjedh nga te drejtat televizive.

- Natyrisht, por duke pare se menaxhimi i markes origjinale nuk tutelohet dhe perfitimet jane teper te pakonsiderueshme, atehere te drejtat televizive mbeten i vetmi ishull shpetimi.

"Shume klube te medha te Europes, duke pare se nuk kane shume mundesi financiare, si Benfika, Ajaksi, Crvena Zvezda apo Steaua Bukureshtit, jane zhdukur nga harta"

- Edhe Interi, nepermjet administratorit te deleguar, Paolilo, mendon si ju.

- Sigurisht. Eshte e qarte se nese i hiqen resurset klubeve te medha, keta do te kene mundesi qe te investojne me pak. Dhe me me pak investime do te rritet "hendeku" mes vendet e tjera te Europes. Nuk ka asgje te re nen rrezet e diellit dhe kjo ka ndodhur edhe ne te shkuaren. Duke pare se nuk kane mundesi qe te kene faturime te nje niveli te larte, klube historike qe kane fituar Kupen e Kampioneve si Benfika, Porto, Steaua Bukuresht, Ajaks, PSV dhe Crvena Zvezda nuk kane arritur te fitojne me.

- Pra, do te mjaftonte qe te vetekenaqeshin.

- Sigurisht. Por, eshte e qarte se nese une nuk mund t'i lejoj vetes per te blere Kakane, atehere nuk mund te fitoj. Nuk mund te mohohet fakti se ne Itali nuk po vijne me yje te huaj. Madje, duhet thene se edhe ato qe luajne jane duke u larguar. Por, nuk ka mbaruar ketu: a e dini se kush eshte nje tjeter avantazh i madh, nga i cili perfitojne klubet spanjolle?

- Cili?

- Ne Itali, nje lojtar ekstrakomunitar mund te behet italian pas dhjete vjetesh. Futbollistet amerikanojugore, nga Meksika e poshte, pas dy vjetesh behen spanjolle. Ne kete menyre, lirojne vende te tjera te lira per ekstrakomunitare. Serxhinjo qendron ne Milano prej nente vitesh dhe eshte ende ekstrakomunitar.

"Eshte e nevojshme qe vullneti i politikes te garantoje financime dhe taksa te ulta. Per te qendruar ne temen milaneze, mendoj se Milani dhe Interi kane te drejte qe te kene nga nje stadium te vetin"

- Por, si mund te zgjidhet kjo?

- Kam pershtypjen se nuk mund te ndryshohet normativa fiskale italiane per futbollin. Por, mund te merret shembull nga ligji Taylor, qe ne vitin 1991 peruroi ristrukturimin komplet te stadiumeve angleze. Ne Itali duhet nje ligj qe te favorizoje privatizimin e stadiumeve. Por, eshte e nevojshme qe vullneti i politikes te garantoje financime dhe taksa te ulta. Per te qendruar ne temen milaneze, mendoj se Milani dhe Interi kane te drejte qe te kene nga nje stadium te vetin.

- Pershtypja eshte se Milani la deshire qe te transformoje problemin e tij ne nje ceshtje kombetare.

- Ky eshte realiteti, me pelqen apo nuk me pelqen. Keto nuk jane ceshtje! Qe Reali dhe Barcelona kane fatura me te vogla se ne dhe se shume klube te medha jane zhdukur nga harta e krereve te Europes nuk eshte nje opinion, por e verteta.

- Ne te kaluaren, ju jeni akuzuar nga "miopia". Ne fakt, interesat e Milanit jo gjithmone koincidojne me ato te futbollit italian.

- Mendoj se kete miopi e kane te tjeret. Askush nuk e kupton se cfare po ndodh: do te zhvillojme Serine A dhe nuk do te luajme me ne Kupa. Ne basketboll ka ndodhur dicka e tille. Ne vitet '60 dhe '70, klubi Simental fitonte ndaj Realit dhe Barcelones: tani, buxheti i Armani Jeans eshte prej 7 milion eurosh, 1/3 e klubeve me te mira spanjolle. Nese Milano do te kishte nje buxhet prej 20 milion eurosh, ju garantoj se do t'i lejoja qe te luanin finalen e Euroliges nje vit po dhe nje vi jo.

- Nga analizat e Spevtrum del ne pah nje tjeter element penalizues: kosto e punes.

- Ne nje barazi te faturave, Reali dhe Barcelona kane me shume para per te investuar, duke pare se mund te mbeshteten te nje kosto pune me inferiore. Nje klubi italian, nje rroge prej 1 milion eurosh neto kushton 1 milion e 795 mije euro, ndersa nje spanjolli nje milion e 333 mije euro.

- Por, nuk shkruhet ne asnje vend tjeter qe Milani dhe klubet e medha italiane duhet te fitojne me cdo kusht.

- Sigurisht. Nese eshte me mire keshtu... Nese italianeve i pelqen qe te mos jene me konkurrues ne Europe... Por, nuk besoj se tifozet do te ishin te lumtur keshtu. Sigurisht, po flas per Milanin, liderin e Europes, qe ka zhvilluar 7 finale nga '89 ne 2005-en dhe se do te donte te luante po kaq ne keto 16 vitet e ardhshme. Me lejoni pak me shume krenari, sepse kur me thone se Milani nuk do te bleje, duket sikur eshte Galiani ai qe zbaviter per te mos blere. Ndersa, kur mund t'ia lejoja vetes, kisha Van Bastenin titullar dhe Papen eshte rezerve. Dhe tani, nese do te kisha resurse do te blija Ronaldinjon.

- E verteta eshte se te kerkosh Ronaldinjon, ju takon te mbroni sulmet ndaj Kakase.

- Ja nje tjeter pasoje e asaj qe po ndodh. Ka ndryshuar edhe sjellja psikologjike. Njehere e nje kohe, Reali nuk do t'i kishte lejuar kurre vetes qe te deshironte nje lojtar te Milanit: ndersa sot, deklaron publikisht interesin. Sidoqofte, dua te qetesoj tifozet: Kaka nuk do te largohet, por nje tjeter Kaka nuk do te vije. Kete sezon, Reali ka shpenzuar 98 milion euro per t'u perforucar: Van Nistelroi, Kanavaro, Emerson, Diarra, Higuain, Gago, Marselo... Nese nuk do te kete nje kthese, futbolli italian eshte i destinuar per t'u zhdukur nga Europa, qe vlen shume.

[no name]

Berluskoni: Kaka-Adriano, sa bukur!

12 Janar "Adri mbetet endrra ime dhe ta shoh sebashku me Rikin ne sulm do te ishte nje mrekulli. Sigurisht, nuk mund te jete e pamundur, edhe pse mbetet nje iluzion, tani per tani"

Libri "Kujtimet e Adrianos" i Margaret Jursenar, ka cuar ne mendjen e presidentit te Milanit, Silvio Berluskonit, nje enderr qe shume here ia ka treguar zevendesit te tij, Galianit. Adriano eshte objekti i deshirave per padronin kuqezi. Ne fakt, ky pohim ka bere shume buje, sidomos ne kampin zikalter, ne nje lagje tjeter te Milanos, aty ku Interi po pergatitet per te fituar titullin. Fjalet e Berluskonit kane qene si "plumba" per klubin zikalter. "Perandori" mund te luaje nje dite me Milanin? "Mua do te me pelqente shume ta shihja te luante se bashku me Kakane, sic i kemi pare ne kombetaren braziliane, por me duket nje enderr pothuajse e pamundur per t'u realizuar, edhe pse nuk duhet thene asnjehere kurre. Ndoshta edhe ne klubin e Interit mendojne te njejten gje si une. Ne futboll eshte me e lehte te biesh dakord se ne politike".

Eshte e vertete qe nuk eshte e lehte te bindesh Interin per te lene te lire sulmuesin brazilian, qe ka patur shume probleme ne vitin e fundit, por te marten ne ndeshjen e Kupes se Italise, kunder Empolit, Adriano ka shenuar nje gol duke treguar se eshte akoma i vlefshem per skuadren e Mancinit. Por deshirat mbeten: dihet qe tek skuadra e Milanit e duan shume shpirtin e lojtareve braziliane dhe presidenti i kuqezinjve nuk ka hezituar te permende emrin e sulmuesit. Adriano i pelqen Milanit, dhe Galiani e ka deshiruar ta kete perkrah Shevcenkos, i cili u largua per tek Celsi. Dje, presidenti i Milanit, Silvio Berluskoni, i ftuar ne nje pritje , nuk iu shmang dot pyetjeve per merkaton e skuadres se tij. Berluskoni u ndal ne fillim te tratativat e lidhura me Masimo Odon. "Odo? Kemi bere te pamunduren. Oferta jone mbetet e njejte, 7 milion euro. I kemi dhene nje vleresim te mire lojtarit te Lacios dhe tani nuk na mbetet gje tjeter vetem te presim pergjigjen e klubit te Lacios".

Marreveshja me skuadren e Lacios duket se eshte shume larg, por Berluskoni nuk dorezohet: "Jam i bindur se marreveshja do te mbyllet shume shpejt. Por tani i takon Lacios te beje levizjen e duhur dhe perfundimtare". Shevcenko, sulmuesi i Celsit, mbetet gjithmone ne zemren e numrit 1 te Milanit: "Doni te dini nese mund te kthehet perseri tek Milani? Ah, sikur...".

Nga ana tjeter, per sulmuesin e Realit, Kasano, Milano paraqitet me dyer te mbyllura. Pas nje "jo"-je kategorike, Berluskoni shpjegon qendrimin e tij mbi lojtarin madrilen: "Nuk e njoh, nuk kam asgje personale kunder lojtarit, por eshte nje zgjedhje qe nuk do ta beja". Persa i perket Fabio Kapelos, qendrimi i tij ishte i sigurte dhe mendon se Don Fabio eshte i afte per te triumfuar me Realin e Madridit: "Ka nje personalitet dhe karakter te forte dhe eshte nje trajner qe di te dale nga keto situata. Eshte nje njeri shume kerkues, por ne fund gjithcka shkon ne favor te tij. Ndoshta ndonejhere ben zgjedhje te cuditshme, por e verteta eshte se jane shume pozitive", perfundoi Berluskoni.

[no name]

Inzagi: Qendroj, nese me duan!

12 Janar Pas kthimit nga Malta, sulmuesi i Milanit, Filipo Inzagi, i intervistuar nga "Sky", shprehet se nuk i ka kuptuar aspak deklaratat e trajnerit te tij, per te luajtur disa ndeshje me nje pyke te vetme dhe me dy mesfushore te avancuar, ne kete rast, fantaziste. Gjithashtu, Anceloti ka bere te ditur deri tani, te pakten keshtu duket deri tani ne zjedhjet e tij, se titullar do te luaje Alberto Xhilardino. Inzagi replikon menjehere: "Une besoj se do ta mbyll karrieren time tek Milani, ashtu sic e kam thene gjithmone dhe ashtu sic e kam menduar. Jam mesuar te jem i rendesishem ne te gjitha skuadrat ku kam luajtur. Jam i lumtur per ate qe kam arritur deri tani, por mendoj se duhet te vleresohem me shume dhe te ndihmoj skuadren. Shpresoj dhe deshiroj shume qe ta mbyll karrieren time ketu, por gjithmone nese do te jem i rendesishem per skuadren e Milanit", perfundoi Filipo Inzagi, i cili e ka nisur vitin ne menyren me te mire, duke shenuar ndaj Juventusit, ne "Trofeun Berluskoni" dhe ne takimin miqesor ndaj Birkikarase.

[no name]

Frings: Bajerni ka vetem fjale!

12 Janar "Ndryshimi i vetem midis nesh dhe futbollisteve te Magat eshte qe ata paguhen me teper. Ne nivelin sportiv, Verderi nuk eshte nen asnje skuader ne Gjermani"

Dikur, Torsten Frings luante per Bajernin e Mynihut, prandaj ai e e njeh mire skuadren me te suksesshme ne historine e Bundesliges. Ne nje interviste per "Welt.de" lojtari i skuadres perfaqesuese gjermane, qe luan me fanelen e Verder Bremen, ka folur per luften e skuadres se tij me Bajernin per titullin e ketij sezoni, per qellimet e tij ne lidhje me te ardhmen si dhe per Miroslav Klosen

- A ju ben nerzov fakti qe skuadra juaj ne kampionat ndodhet ne krye te tabeles e si rrjedhoje pretendente per te fituar titullin?

- Aspak. Ne po punojme te perqendruar dhe kemi besim tek vetja sepse e dime se cfare jemi ne gjendje te bejme. Secili nga lojtaret tane eshte entuziast per fillimin e fazes se dyte.

- Pasi deshironi te beheni kampione, apo jo?

- Padiskutim. Ne kampionat ne shihemi si favoritet kryesore dhe e kemi vete ne dore situaten. Natyrisht, per titullin te denja jane edhe skuadra si Shalke apo Bajerni i Mynihut, por ndryshe nga ato, ne kemi me shume shanse. Per kete duhet te theksojme se nuk na lejohen gabimet. Ne ndeshje ne shtepi, si kunder Shtutgartit, Kotbusit apo Dortmundit, ne kemi dhuruar pike sepse nuk i konsideruam aq te rendesishem keta kundershtare. Nje gje e tille nuk duhet te ndodhe kurrsesi ne fazen e dyte. Cdo gabim mund te na kushtoje shume.

- Ky perqendrim vlen edhe per Kupen UEFA, ku Verder Bremen do te luaje kunder Ajaksit te Amsterdamit, apo jo?

- Fale prezantimeve tona ne Champions League ne kemi fituar nje emer te mire ne Europe. Per kete arsye, jemi favorite edhe ne Kupen UEFA. Por, nese ketij kompeticioni nuk i japim vemendjen e duhur, atehere rreziku per t'u skualifikuar do te jete shume i madh.

- Skuadra juaj ka sulmin me mire ne Bundeslige, 47 gola ne 17 ndeshje, gje qe i entuziazmon se tepermi tifozet. Ne cilin sektor tjeter mund te permiresohet ende Verder Bremen?

- Per tifozet tane natyrisht qe eshte dicka e bukur qe ne luajme mire ne sulm, por titujt nuk mund t'i fitosh vetem duke luajtur futboll terheqes. Ndonjehere, per suksesin mjafton edhe rezultati 1-0.

- Manaxheri i Bajernit te Mynihut, Uli Henes i ka deklaruar lufte Verder Bremenit.

- Mua nuk me intereson fare se cfare thote zoti Henes, sepse ne pergjithesi cdo deklarate qe vjen nga Mynihu, eshte shpeshhere vetem si "llave e nxehte". Ata me kembenguljen e tyre per te qendruar ne krye te tabeles e me pretendimet per te fituar titullin e dimrit, ishin vazhdimisht ne qender te vemendjes ne fazen e pare te sezonit. Por, tani jemi ne janar dhe Bajerni ende nuk ka arritur te permbushe ndonje nga keto dy pretendime. Pra, Uli Henes nuk ka gjithnje te drejte. Ne duhet te perqendrohemi vetem ne punen tone, skuadrat e tjera ate bejne c'te duan.

- Ju keni qene lojtar i Bajernit te Mynihut dhe e njihni politiken e tyre te eger. A ju eshte kerkuar ndonjehere t'ia shpjegoni kolegeve tuaj taktiken bavareze?

- Kjo nuk ka hyn ne pune. Ne e dime se Bajerni na i ka friken dhe ka respekt per Verder Bremen, ne te kundert nuk do te na sulmonin vazhdimisht me fjale.

- Deri tani eshte spekuluar shume per te ardhmen e Miroslav Kloses. I'a keni friken largimit te tij?

- Ne futboll eshte normale qe nje lojtar te largohet nga nje skuader per te shkuar tek nje tjeter. Por, do te ishte e veshtire te kuptoje largimin e Kloses nga Verderi i diteve te sotme, pasi ne ndodhemi ne krye te klasifikimit. Per kete arsye une shpresoj qe ai te qendroje ne skuader. Por, edhe ne se ai largohet, do te vije me siguri nje tjeter sulmues, i cili shenon gjithashtu shume gola. Verderi, per shume lojtare te medhenj, eshte nje skuader interesante.

- Para disa javesh edhe ju keni folur per largimin tuaj jashte Gjermanise.

- Kam dashur vetem te them se, ne rast se largohem jashte Gjermanise, atehere kjo duhet te ndodhe doemos sivjet, sepse ne sezonet e ardhshme do te behet mosha pengese. Tani jam 30-vjec dhe nuk kam shume mundesi per t'u larguar nga vendi. Por, per momentin nuk me intereson largimi.

- Pra, e perjashtoni mundesine per te bere ndonje levizje brenda Bundesliges?

- Verder Bremen, si Bajerni i Mynihut, eshte adresa me e mire ne Gjermani, per kete arsye, nuk kam ku te shkoj tjeter. Ndoshta, une do te isha ende nje lojtar i Bajernit tani, nese trajneri i saj do te ishte nje tjeter.

- Pra koha juaj tek Bajerni ka qene nje keqkuptim i madh?

- Jo, edhe atje kam mesuar shume. Por, kur u largova nga Bajerni, para nje viti e gjysme, gezohesha shume per cdo kilometer qe me ndante me Mynihun e me afronte me Bremenin. Cdo meter drejt Verderit ishte nje lehtesim per mua.

- A gjeni mirekuptim per vendimin e Jan Shlaudrafit, i cili zgjodhi Bajernin dhe jo Verderin?

- Nga ana sportive ne jemi ne te njejtin nivel me Bajernin, por ndryshimi i vetem eshte se atje lojtaret fitojne pa dyshim me shume para se tek Verder.