Arkivi i gazetës elektronike sportive: "FUTBOLLI"

[km92]

Rekoba: Inter, bashke e mbyllem!

17 Mars Ky do te jete sezoni i fundit i Rekobes me fanellen e Interit. Kete e konfirmoi vete lojtari dje, pas stervitjes. Pra, pas nje historie dashurie qe ka zgjatur dhjete vjet, “El Cino”, i parapelqyer i doktor Moratit, padronit te Interit, mendon per “lamtumiren” dhe kerkon qe ta mbylle karrieren ne te njeter klub, ndoshta ne fushe dhe jo ne stol, ashtu si e kemi pare vitet e fundit te milanezet dhe ne drejtimin e Mancinit. Ne moshen 31 vjec, uruguaijani pohon se do te jene muajt e fundit te tij si interist: “Mendoj se Kupa eshte mbushur dhe pritet qe ajo te derdhet, por nuk do te pres kete moment, sepse e kam vendosur: do te largohem”, u shpreh Rekoba, pa bere asnje polemike. “Per fat te keq ka ardhur fundi. Mua me konsiderojne sikur te isha 50 vec, por nuk eshte keshtu, sepse dua ende qe te luaj. Kam provuar shpesh qe te bind trajnerin, por asnjehere nuk ka patur besim te une”. Tete paraqitjet e vetme mes kampionatit, Kupave te vena bashke ne kete sezon, ne total jane gati 261 minuta ne fushe. “Nuk mund te qendroj ketu dhe te luaj vetem 10 apo 15 ndeshje gjate gjithe vitit. Jam i lumtur per kete vit se po fitojme, por ama nuk po e shijoj kete, sepse s’jam i lumtur. Une nuk luaj gati asnjehere, si mund te gezohem per kete”. Ne fund, dy fjale edhe per Masimo Morati, presidentin qe aq shume e deshi, por qe kohet e fundit e ka harruar, duke e lene ne hije dhe duke gjetur nje tjeter idhull, kete here Zlatan Ibrahimovicin. “Kam nje respekt teper te madh per doktor Moratin, sepse ka pasur gjithmone besim te une dhe jam munduar qe te mos e zhgenjej. Nuk dua me te flas per kete teme, sepse do te ishte e kote. Kam vendosur dhe pike. Ne fund te sezonit, lamtumire Inter”. Rekoba i bashkohet shume lojtareve te tjere ish?zikalter, qe Interi ka debuar, duke i lene ne “hije” me kalimin e kohes.

[km92]

Sedorf: Europen s’na e marrin dot!

17 Mars Klarens Sedorf eshte kthyer ne nje shembull per lojtaret me te ri, ne skuadren e Milanit, sepse me pervojen dhe vendosmerine e tij, sidomos ne takimet e medha, holandezi shpesh ka rezultuar si “celsi” i nje fitoreje. Sot, mosha e tij nuk eshte me e re, por mesfushori kuqezi eshte i bindur se me pune dhe perpjekje, ashtu si Maldini apo Kostakurta, mund te arrihen shume gjera. I pyetur ne lidhje me sezonin kuqezi, deri ne kete moment, Klarens u shpreh: “U eliminiam nga Kupa e Italise dhe pesuam nje humbje ndaj Interit, por keto humbje mund te qendrojne, sepse nuk jane dicka e rende. Duhet te dish te njohesh kur kundershtari luan me mire se ti. Nuk dua te krahasoj vitet e shkuara me kete, per ate qe ndodhi kete vere, per skuadren qe kemi, qe eshte ndryshe ne krahasim me ate te sezoneve me pare. Sigurisht, ajo qe kemi arritur deri tani eshte teper e madhe, duke pare problemet qe hasem. Pastaj, eshte e rendesishme, sepse tani jemi te vetedijshem se kemi mundesi te mira per te fituar dicka dhe kjo eshte nje shtyse per ne. Do te synojme per vendin e trete ne renditje dhe ne finalen e Champions. Vendimet e Ancelotit? I respektoj gjithmone ato, sidoqofte. Mund te mos jem ndonjehere dakort, por nuk di te reagoj. Kam 15 vjet qe luaj kudo dhe ndaj nuk kam probleme. Dua vetem qe te fitoj. Kjo ka me shume rendesi. Ka nje arsye nese Milani eshte skuadra me konkurruese ne Europe, ne kete pese vitet e fundit”.

[km92]

Kaka: Milan, t’i je familja ime!

17 Mars Ndersa ne Spanje, gazetat sportive, dite pas dite, ore pas ore, sekonde pas sekonde, vazhdojne te shkruajne per kalimin e mundshem te Rikardo Kakase te Real Madridi, ne Itali, klima eshte krejt ndryshe dhe situata e kundert. Nga Gadishulli Iberik vijne shume “sirena” madrilene, por fantazisti brazilian ben sikur nuk i degjon, sepse per te zgjedh zemra, qe ka nisur te marre ngjyra kuqezi. Ne nje emision te kanalit kuqezi, “Milan Channel”, te zhvilluar dje pasdite, mesfushori i Milanit ka vene “rrenjet” e tij ne Milano, duke mos e cuar neper mend mundesine e nje largimi te mundshem: “Milani dhe qyteti i Milanos, kane qene teper te rendesishme ne formimin tim si njeri, por edhe ne aspektin sentimental, me shume se ne kenveshtrimin profesional. Aspekti njerezor ka qene ai qe me ka goditur me shume dhe me ka bere per vete. Deri tani, kam luajtur vetem ne dy skuadra: San Paolo dhe Milani, ndaj jam i lidhur vetem me keto dy klube, sepse si natyre jam nje person teper besnik. Edhe per ate qe lidhet me miqte, gruan time, ndjenjat ne pergjithesi”. Ka pasur disa momente ne te cilat dikush ka mundur qe te futet ne historine e dashurise mes Kakase dhe Milanit, ne vere, kur ndodhi edhe skandali i “Calciopoli”?t, por cdo tentative ka qene e pavlere. Pra, fryme dhe energji te shpenzuara me kot: “Kete vere kuptova se Milani nuk kishte bere asgje dhe ne mes te nje kaosi te madh vendosa qe te firmosja kontraten. Rinovova per t’i dhene besim te gjitheve per faktin se deshiroja qe te qendroja. Luaj ne nje skuader qe me pelqen”. Familja e madhe braziliane eshte hapur edhe me shume ne janar, me blerjen e Ronaldos: “Ronaldo per mua ka qene gjithmone nje shembull. Jam rritur nen hijen e tij dhe duke e pare cdo dite. Fakti qe luan perkrah tij, ne te njejten skuader, eshte teper i mrekullueshem. Futbolli eshte special per emocionet qe te jep”. Objektivi i ketij sezoni mbetet Champions League: “Bej gjithcka per Milanin dhe jap gjithmone maksimumin ne fushen e blerte, edhe pse jam nje nga ata qe nuk e kam fituar ende kete trofe dhe kam shume deshire per te shenuar. Dua qe emri im te shenohet ne librat e historise kuezi, si nje lojtar qe kam fituar shume. Dua ende te bej shume rruge”. Kaka eshte ndalur edhe te rinovimi i Dides: “Ekzistojne dy kategori portieresh: ata normale dhe ata te klasit te larte. Ata qe bejne mrekulline jane te rralle dhe mund te konsiderohen si te medhenj. Ja pra, Dida eshte njeri prej tyre. Jam i lumtur qe firmosi rinovimin, sepse eshte nje brazilian qe do te vazhdoje te luaje me Milanin, si une dhe si te tjeret”!. Ne emiion nderhyri edhe Andrij Shevcenko dhe me ane te nje telefonate, pergezoi Kakane per punen dhe paraqitjen e tij te Milani: “Eshte nje kampion i madh dhe nje djale i mrekullueshem. Mendoj se ka hyre prej kohesh ne historine e Milanit. Milani ne finalen e Champions? Pse jo! Atehere, Riki, po te pres ne Athine. Do te kem raste te tjera per te falenderuar tifozet”. Braziliani i eshte kthyer ukrainasit, duke e falenderuar per telefonaten: “Andrij eshte nje i madh dhe golat e tij do te mbeten gjithmone ne syte e tifozeve. Dua qe te takohem me te ne finalen e Champions, nese do te ishte e mundur. Prane tij kam mesuar shume gjera, ndaj e falenderoj. Sigurisht, me vjen keq qe u largua, por nuk dua qe ta ve ne siklet me te tilla pyetje”.

[Manci]

Shuster: Normale që i them "Po" Realit



Bend Shuster, trajneri i Getafes, ka sqaruar sot se nuk i është vetofruar Realit të Madridit. Trajneri gjerman shihet si një pasardhës i Kapelos në stolin e madrilenëve, gjithmonë nëse italiani do të largohet në fundin e këtij sezoni. "Unë nuk i jam ofruar vetë Realit të Madridit. Por është normale që të them ‘Po‘, nëse më pyesin a më pëlqen që të drejtoj Realin e Madridit në të ardhmen. Por askush nuk ofrohet në këtë mënyrë siç e shkruajnë mediat", ka sqaruar trajneri gjerman.

[Manci]

Kahn-Luçio, nën hetim para Milanit

UEFA ka vendosur që të hapë një hetim mbi portierin e Bajernit të Mynihut, Oliver Kahn dhe mbrojtësit të kësaj skuadre, Luçio, për sjellje jokorrekte gjatë kontrollit antidoping. Bëhet fjalë për një ngjarje të ndodhur pas ndeshjes kundër Realit të Madridit, nga e cila Bajerni siguroi kualifikimin për në fazën tjetër. Dy lojtarët kanë thyer rregullat themeltare të sjelljes së mirë dhe çështja do të shihet nga Komisioni Disiplinor i UEFA-s, duke rrezikuar përjashtimin për sfidën e parë kundër Milanit.

[Manci]

Bajern Mynih, sytë nga Luka Toni

Luka Toni ka përfunduar në vëzhgimin e Bajernit të Mynihut. Lajmin e ka bërë të ditur revista gjermane, "Bild Zeitung", që e ka lidhur me konfirmimin e teknikut Otmar Ficfed në krye të skuadrës edhe për vitin e ardhshëm. "Synojmë të ndërtojmë një skuadër me kualitet të lartë dhe do investojmë shuma të konsiderueshme", ka thënë Rumenige. Blerjet do të varen nga tekniku Hicfeld, i cili ka në dispozicion 50 milionë euro. Përveç Tonit, Bajerni i ka hedhur sytë edhe nga Arjen Roben.

Rekoba: Me Interin ka marrë fund

Rekoba po përgatitet që të përshëndesë Interin: pas 10 vjetësh me klubin zikaltër, "El Çino" ka vendosur se ka ardhur momenti për të ndryshuar ambient. Uruguaiani synon të shkojë në një skuadër tjetër, ku vlerat e tij të jenë të vlerësuara dhe ku të ketë më shumë hapësirë për të luajtur. Në moshën 31-vjeçare ai ka thënë: "Mendoj se ky është sezoni im i fundit me skuadrën. Nuk mund të qëndroj në skuadër duke luajtur vetëm 5 ose 10 ndeshje në sezon. Jam i lumtur se po kryesojmë, por s‘jam i lumtur se nuk po luaj".

[Manci]

Murinjo konfirmon krizën, Abramoviç nuk shpenzoi

Ajo që konsiderohej thjesht si një zë, tashmë është konfirmuar: bashkëjetesa e Abramoviç dhe Murinjos duket se do përfundojë së shpejti. "Në muajt dhjetor dhe janar ka pasur shumë tensione, ka deklaruar trajneri për një revistë portugeze, fjalë që në Angli janë shpërndarë nga BBC. Për këtë arsye në skuadër nuk kanë ardhur futbollistë të rinj". Më pas edhe deklarata "shigjetuese": "Në momentin që kishim probleme me kontingjentin e futbollistëve i kishim drejtuar sytë nga portofoli, në mënyrë që të zgjidheshin. Por...".

Pas çdo zëri ka thuajse gjithmonë një të vërtetë. Pavarësisht përgënjeshtrimeve që janë bërë diçka e zakonshme, intervista e dhënë nga Murinjo në një revistë portugeze nuk lë hapësira për keqinterpretime: marrëdhëniet mes trajnerit dhe padronit Roman Abramoviç, janë drejt fundit. Kjo jo për faj të arsyeve teknike, por për ato ekonomike. Në janar, manjati rus nuk ishte i gatshëm që të shpenzonte për skuadrën, ashtu sikurse bëri gjatë verës. "Mes dëmtimeve dhe kualifikimeve skuadra ishte reduktuar thuajse në maksimum dhe isha i detyruar që shpesh herë të ndryshoja skemat dhe taktikat e lojës", ka thënë Murinjo. "Në atë periudhë duhej të ishin zgjidhur shumë probleme, por kur të gjithë shpresonim se pronari do hapte portofolin, u zhgënjyem. Asgjë nga ajo që mendonim nuk ndodhi dhe nuk u ble asnjë lojtar i ri". Kjo ka qenë edhe arsyeja kryesore e prishjes së marrëdhënies me Abramoviç, i cili është larguar shumë nga skuadra. "E pranoj, fundi i dhjetorit dhe janari ka qenë një periudhë shumë e tensionuar. Pikërisht, fakti që nuk u blenë lojtarë të rinj kanë shkaktuar edhe problemet mes meje dhe Abramoviç. Ai ka zgjedhur që mos të vinte më në stadium, megjithatë, askush nuk i ka kërkuar shpjegime për këtë veprim. Mendova se unë isha askushi për t‘i ndryshuar mendjen të gjithëpushtetshmit të klubit".

[Manci]

Juventus synon elitën. Bisedime për Lampard

Zv/presidenti bardhezi, Betega, është takuar me menaxherin e lojtarit

Juventus ka hyrë në garë për të marrë shërbimet e Frenk Lampard. Drejtuesit e klubit italian janë takuar të enjten në Londër me menaxherin e mesfushorit, Stiv Katner. Bardhezinjtë janë një nga skuadrat e shumta që janë vënë në gjurmët e 28-vjeçarit, kartoni i të cilit përllogaritet në rreth 25 milionë sterlina. Ata synojnë ta blejnë lojtarin me çmimin e reduktuar prej 8 milionë sterlina, nëse ai nuk bie dakord që të rinovojë kontratën aktuale me Çelsin. Menaxheri i Lampard, Katner është takuar me zv/presidentin e Juves, Roberto Betega dhe menaxherin e përgjithshëm të klubit, Alesio Seko, menjëherë pas zërave se Reali i Madridit ka ndërmend që ta blejë mesfushorin. Takimi i zhvilluar në Londër në restorantin italian "Skalini" ka zgjatur plot 3 orë. Lampard ka ende edhe 2 vjet kontratë me klubin e Abramoviç, por rregullorja e re e FIFA-s e lejon që ai të largohet vetëm nëse klubet e interesuara paguajnë një dëmshpërblim rreth 8 milionë sterlina.

Aktualisht, Juventusi është në krye të Serisë B, ku është dërguar pas skandalit të trukimit të ndeshjeve në Itali dhe drejtuesit e klubit synojnë që të rikthehen menjëherë si pretendentë. Katner e ka pranuar takimin, por ai ka mohuar se bisedat kishin lidhje me të ardhmen e Lampard: "Roberto dhe unë jemi miq të mirë që prej periudhës kur Juventusi u përpoq të blinte Pol Ins përpara se lojtari të kalonte tek Interi. Ai kishte ardhur në Londër për të zhvilluar disa takime me klube të ndryshme të Premiershipit, për të transferuar futbollistë dhe për të bashkëpunuar në mënyra të ndryshme. Nuk ka pasur asnjë lloj bisedimi tjetër".

Bardhezinjtë janë munduar që të afrojnë mesfushorin e Kombëtares angleze rreth tre vjet më parë, madje ku kanë ofruar sulmuesin David Trezege si pjesë të marrëveshjes. Trajneri Dider Deshamps do të pëlqente shumë që të ndërtonte një skuadër rreth Lampard, ndërkohë që Çelsi duket se nuk ka ndërmend të dorëzohet lehtë. Shefi ekzekutiv i bluve, Piter Kenion, ka deklaruar: "Mbajtja e Lampard në skuadër është objektivi ynë kryesor. Nuk kemi si ta zëvendësojmë një lojtar të tillë. Supozimet se ai mund të prishë kontratën aktuale me Çelsin nuk janë të sigurta, pasi vetë rregullorja nuk është e qartë". FIFA ka paralajmëruar se në rast të prishjes së kontratës, Lampard rrezikon pezullimin 6-mujor nga aktivitetet futbollistike. 28-vjeçari po heziton rreth firmosje së rinovimit të kontratës me Çelsin dhe po mendon që të evitojë edhe 2 vitet e mbetura nëpërmjet rregullave të reja, sipas të cilave duhet të paguajë vetëm 8 milionë euro. Lampard ka afat deri në 15 ditë pas mbylljes së sezonit për të deklaruar nëse preferon të ndërpresë kontratën me klubin aktual, pa marrë asnjë ndëshkim. Megjithatë, një transferim te Reali, që vitin tjetër mund të drejtohet nga Murinjo ose te Juventusi, mund të sjellë akuza për thyerje të rregullave të kontraktimit dhe mund të sjellë pezullim. Në këtë rast ndëshkim mund të ketë edhe për trajnerin Murinjo, ndërkohë që Reali i Madridit do të përballej me pezullim 2-vjeçar nga çdo lloj lëvizje në merkato.

[Manci]

Sevilja - Totenhem, finalja e parakohshme


Kampionët në fuqi të Seviljas duhet të kalojnë anglezët e Totenhemit në sfidën çerekfinale, në mënyrë që të mbajnë gjallë shpresat për t‘u bërë skuadra e parë pas Realit të Madridit në vitin 1986 që mbron me sukses trofeun. "Dueli", i cilësuar ndryshe si një finale e parakohshme, ka dalë pas shortit të hedhur dje nga shefi ekzekutiv i UEFA-s, Xhani Infantino, ish-kapiteni i Sëlltik, Billi MekNill dhe Devid Tejlor, shefi ekzekutiv i Federatës Skoceze të Futbollit. Në ndeshjet e tjera çerekfinaliste, Verder Bremen ka një sfidë të lehtë në letër përballë holandezëve të AZ Alkmar. Bajer Leverkusen do përballet me Osasunën dhe Espanjoli do luajë me Benfikën. Ndeshjet për këtë fazë të Kupës UEFA do të luhen në datat 5 dhe 12 prill.

Gjatë hedhjes së shortit, Infantino ka lexuar edhe një deklaratë në emër të institucionit që drejton sportin e top-këmbës në Evropë. "Deri më tani ky edicion i Kupës UEFA ka rezervuar shumë surpriza dhe ndeshjet na kanë lënë në ankth deri në fund. Ky spektakël i bukur është shoqëruar edhe me rritjen e numrit të spektatorëve dhe teleshikuesve në mbarë kontinentin", ka thënë ai. "Në mënyrë që të mbajmë këto nivele të larta të interesit për këtë aktivitet është e nevojshme që të ruajmë dhe të përcjellim vlerat më të mira të sportit. Fatkeqësisht, së fundmi kemi qenë spektatorë të ngjarjeve dhe episodeve të papranueshme si brenda ashtu edhe jashtë stadiumeve. Dëshirojmë që t‘ju bëjmë një lutje të gjithëve, klube, lojtarë, zyrtarë dhe tifozë: promovoni vlerat e sportit tonë nën shpirtin e ‘fair-play‘, ndershmërisë dhe respektit për kundërshtarët. Duhet të jepni shembullin më të mirë për brezat e ardhshëm".

Shorti i hedhur dje në Gllasgou të Skocisë ka përfshirë të teta skuadrat që janë kualifikuar deri në këtë pikë, pa pasur parasysh faktin se mund të ndesheshin skuadra nga i njëjti vend. Gjithashtu është përcaktuar edhe skema për mënyrën se si skuadrat do ndeshen në gjysmëfinale, që do të zhvillohen në datat 26 prill dhe 3 maj. Finalja do të zhvillohet më 16 maj në stadiumin "Hampden Park".

[Manci]

Zebina-Kamoranezi, lamtumirë në qershor?

Tifozeria konteston lojtarët që nuk pranuan Serinë B


Drejtuesit e Juventusit janë në një dilemë të madhe mbi faktin nëse duhet të mbajnë apo të largojnë dy futbollistë që janë në luftë të hapur me tifozerinë, mbrojtësin Xhonatan Zebina dhe mesfushorin Mauro Kamoranezi. I pari ka përjetuar një krizë të vërtetë dëmtimesh në dy sezonet e fundit, por në momentin kur iu kërkua të futej në fushë (kundër Napolit), nuk pranon duke nxjerrë si justifikim faktin se kishte shkuar vetëm për numër në "San Paolo". Që atëherë, ai është bërë objektiv i tifozerisë bardhezi që ka shkruar shpesh parulla kundër tij, duke lënë të kuptohet që nuk e do në gjirin e skuadrës gjatë sezonit të ardhshëm. Ndërsa Kamoranezi nuk dëshiron që të jetë pjesë e Juventusit, ndaj edhe tifozët kanë filluar ta quajnë "mercenar". Drejtuesit i kanë marrë masat, duke afruar Salihamizhiç për rolin e krahut të djathtë të mesfushës, ndërsa tani presin vetëm oferta të rëndësishme për mesfushorin italo-argjentinas.