Edmond Shallvari

[riza2008]

Puthja e Judës


Një herë,o Krisht,të puthi Juda
Thonë,Ti e dije ç'të priste pas saj
Qysh atëhere,besoj që puthja
Në besnike dhe tradhëtare u nda!

Qysh atëhere të gjithë jemi pak Judë
Pak Krisht a jemi,s'e them me siguri
Puthjen mijra herë,gati mbajm' mbi buzë
Më shumë se mijra herë,të puthim,o Krisht!

Nëse atëhere e dije se ç'të priste
Sot,vetëm më thuaj,e di se ç'far na pret?
Ti në fund të fundit,një Krisht i vetëm ishe
Dhe Juda ishte një,në fatin e vet!

Më beson që mua po më lodhin puthjet
Më beson që ndihem Judë më shumë se Krisht?
Se sa herë nga shpirti im dalin lutjet
E pësoj më keq se Ty në kryqëzim?

Nuk kërkoj,o Krisht,si Ty,ringjallje
Ehuu,unë vdes e ringjallem çdo dit'!
Kërkoj të ndalosh puthjen tradhëtare
Që tallet me mua,po dhe me Ty,o Krisht!

[riza2008]

Mes natyrës....


Kjo bukuri natyrore
Ç'më mori frymëzimin
Më la vargun pa hyrje
Pa fund më la mendimin.

Më futën brënda saj
Nuk jam më vetja ime
Më shumë se vetja jam
Tek rroj kësaj çudie...

[riza2008]

.....Poema.....

Nëndheut bëhem farë
Dhe ndjej dhimbjet e lindjes
Mbi tokë pastaj dal
Dhe ndjej qejfin e rritjes.

Çudia ndodh më pas
Kur duar kam me dhjetra
Me mijra gjethe mbaj
Dhe ndjehem Mondi-Pema.

Ndryshe provoj stinët
Tek ndjej ripërtëritjen
Qetsinë,fëshfërimën
Dhe erërave,dridhjen.

Ndryshe nga njerëzia
I vishem pranverës
Në dimër paturpësia
Lakuriq më çveshën.

Si veshur, e si çveshur
Unë prap pemë mbetem
Kështu vazhdoj ndër shekuj
Zilinë e kam me veten....

[riza2008]

.....Ujë......


I lëngshëm në çast kthehem
Burimesh gurgulloj
Vazhdoj më pas rrjedhjen
Dhe ndjehem Uji-Mond'.

Oh,çfar jete e ujshme
S'i ngopem kurrë vetes
Në fund mes detit futem
Dhe prapa kurrë s'kthehem!

Si lumë e si det
Unë prap mbetem ujë
Dëgjoj të thon' s'ka jet'
Aty ku mungoj unë....

[riza2008]

....Ajër...


Më duket se po zhdukem
As njeri.as pemë,as ujë
Mes grimcash,grimcë futem
Pa formë,pa peshë,pa ngjyrë.

Më merr toka me vete
Oh,sa më mban me hatër
Kudo jap frymë jete
Dhe ndjehem Mondi-Ajër.

I pastër,i papastër
Veç fajin s'ma ka vetja
Unë mbetem prapë ajër
Unë mbetem prapë jata.

[riza2008]

...Diell.....


Ku jam,as vetë s'e di
Oh,sa e vogël Toka
Më duket se po ndrit
Nga dielli rreze dola.

Largohet errësira
S'më ndalën dot asgjë
Në tokë lindën dita
Dhe ngrohtësi mbi të.

Miliona vite kështu
Gjithë vetja më shkëlqen
Me Tokën mik më shum'
Dhe ndjehem Mondi-Diell.

.............

Moj Pemë,o Ujë
O Ajër,o Diell
Mos u zhdukshi kurrë
Që i pazhdukshëm të jem!


Kjo ishte poezia përmbyllëse e këtij vëllimi poetik të poetit Edmond Shallvari.Shpresoj që lexusi të ket' ngelur i kënaqur nga kjo prurje dhe njëkohësisht ti urojmë poetit suksese në vëllimet e tjera që do sjelli për lexuesin..Urime Mondi dhe suksese të mëtejshme në jetën tënde letrare....

[mondishall]

Shume faleminderit i dashur Riza, qe me durim e dashamiresi paraqite ketu gjithe poezite e librit tim te fundit. Vleresoj dhe i mbetem borxhli shpirtit tend fisnik. Shendet e suksese te uroj me gjithe shpirt ne udhen e bukur, por jo te shtruar, te krijimtarise.

[Agim Metbala]

I nderuar Riza,
Unë edhe pse e kam në sirtarin tim librin e fundit të Mondit, e pos saj, ai m'i ka dhuruar disa ekzemplarë të cilat i kam dhuruar bibliotekës së qytetit e bibliotekva të disa shkollave fillore të qytetit të Rahovecit, sërish me ëndje e kam lexuar secilën poezi të postuar dhe e përgëzoj poetin Edmond SHALLVARIN...
Mirëpo, po i kthehem poetit Riza ÇATO, se vetëm njeriu me shpirt fisnik, poeti me zemër të madhe...bëri një punë kaq të madhe (jo edhe të lehtë), duke shkruar secilën poezi, në mënyrë që t'u servoj lexuesve të pasionuar të poezisë e konkretisht edhe lexueve të veçant të poetit të adhuruar Edmond SHALLVARI...
Unë shpirtërisht të përgëzoj Riza...
Shëndet e jetëgjatësi Riza ÇATO!