Treguesi i korrupsionit: Shqiperia e 111 nga 163 vende noten 2.6

[Dr Rieux]

Lajmi i keq: jemi nenkampionet e Evropes per korrupsion. Pas leme vetem Rusine. Na e ka kaluar dhe Gjeorgjia (permiresohet me 0.5 pike dhe 31 vende) qe vjet mbante vendin e pare, para Rusise dhe nesh.

Lajmi i mire: jemi permiresuar me 0.2 pike dhe 16 vende ne krahasim me vjet dhe per here te pare pas kater vjeteve thyejme tendencen e renies.

Mendimi im: Partia ne fuqi duhet te lidhin kontrate te prekshme me votuesit bazuar ne shifra. Ne rastin tone, me sa pike/vende do permiresohet ne tabelen e korrupsionit, sa % do rrisi GDP/PPP, etj. Mgjths ne rastin ne fjale do isha shume kurioz te dija se sa jane treguesit reale te korrupsionit per sektoret e ndryshem: qeverisja, doganat, gjykatat, arsimi, mjekesia etj.

Historia e treguesit:

2002: 2.5 - 81 (nga 102) - 79%
2003: 2.5 - 92 (nga 133) - 69%
2004: 2.5 - 108 (nga 146) - 74%
2005: 2.4 - 126 (nga 159) - 79%
2006: 2.6 - 111 (nga 164) - 67%

http://www.transparency.org/news_roo...2006/cpi_table

[vagabondo_nyc]

Eshte turp qe kur e shef harten je ne mes te evropes kurse kur shikon tabelen e pisllikut kemi siper Uganden dhe poshte lejme guatemalen ene kazakistanin.

[Davius]

Per Maqedonine:

Maqedonia gjendet në vendin e 105-të prej gjithsej 163 shteteve në listën e sivjeme globale për indeksin e korrupsionit të Transparency International (TI). Nota e saj eshte 2.7, dhe eshte shteti i parafundit ne rajon me kete index te larte korrupcioni, vendi i fundit i takon Shqiperise, me index 2.6.

Sllovenia si e 28-ta, është radhitur më së miri, Greqia është e 54-ta, më pas vijojnë, Bullgaria (57), Turqia (60), Kroacia (69), Rumania (84), Serbia (90) dhe Bosnja e Hercegovina (93).

[Dr Rieux]

Sipas Top Channel, raporti i Transparency International thote se "situata negative e korrupsionit ne vend eshte e favorizuar nga sistemi i drejtesise i cili ka regjistruar rekorde negative te statistikave gjyqesore." Raporti thote se ende ne Shqiperi nuk eshte denuar asnje minister, deputet, funksionar partiak apo ndonje drejtues tjeter i ndonje institucioni kushtetues. Per permiresim te situates rekomandohet realizimi i reformave rrenjesore e te menjehershme ne sistemin gjyqesor dhe prokurori, si dy institucionet pergjegjese ne luften kunder krimit.

Pa vonuar dhe sic pritej, Berisha deklaroi se permiresimi ne renditje eshte rrjedhoje e programit te qeverise dhe gjendja do ishte me e mire nqs drejtesia nuk do drejtohej nga don Sollake dhe Gjermene.

[vagabondo_nyc]

Pa vonuar dhe sic pritej, Berisha deklaroi se permiresimi ne renditje eshte rrjedhoje e programit te qeverise dhe gjendja do ishte me e mire nqs drejtesia nuk do drejtohej nga don Sollake dhe Gjermene.

Une nuk e kuptoj ku o ky permiresim ne renditje? Ne jemi ne fund te tabeles.
Si nuk u vjen turp qeveritarve shqiptar. Ne vend te perveshin krahet dhe ti shtrohen te punojne hajdutet shqiptar gjejne lloj lloj justifikimesh. Ca fatkeqesie per popullin shqiptar qe per 15 vjet e udheheqi jashqitja e kombit.

[faiksmajli]

Te pakten konkurojme ne liber Ginisi per korrupcion e kjo nuk eshte aq e lehte.
Pastaj mllefosemi kur te huajt shkruajne keq per ne.
Ne jemi fenomen unikat.

[Brari]

RD

Gurët që na tërheqin pas

Artur KOPANI


Në një vit Shqipëria ngjiti 15 shkallë në indeksin global të luftës kundër korrupsionit duke mos arritur të reflektojë realisht përpjekjet titanike të qeverisë së kryeministrit Berisha për të çrrënjosur sistemin e krimit dhe të korrupsionit që ngritën socialistët në tetë vitet e qeverisjes së tyre. Gjetjet e "Transparency International", sikurse edhe raporti i javës së kaluar i OSBE-së, fajësojnë nivelin e lartë të korrupsionit në sistemin e drejtësisë, që nuk ka lejuar vendin të shkëputet nga zonat problematike të globit.

Rezultatet e publikuara dje nuk përbëjnë ndonjë surprizë për rrethet e politikës, por edhe për pjesën më të madhe të shoqërisë, që ka ndjekur në një vit përkeqësimin e performancës së sistemit të drejtësisë. Afrimi në Këshillin e Lartë të Drejtësisë të gjyqëtarëve të mirëpaguar prej mafias kriminale, por edhe të atyre me konflikte të hapura interesi dhe në thyerje të vetë ligjit për KLD-në e ka shndërruar këtë institucion në një qendër murtaje për tërë sistemin e drejtësisë. Po kështu, moslargimi i Sollakut nga drejtimi i Prokurorisë së Përgjithshme, që erdhi jo nga mungesa e vendosmërisë së shumicës për të pastruar sistemin e drejtësisë, por nga forca dhe pushtetet që ende kontrollon koalicioni i së keqes në vend, ka patur ndikimin e saj negativ në një renditje të tillë.

Kemi shumë arsye të besojmë se edhe vetë "Transparency International", ashtu si shoqëria dhe partnerët tanë ndërkombëtarë, është e vetëdijshme se renditja në vendin e 111 nuk përcjell saktësisht nivelin e ndryshimeve dhe arritjeve që kanë ndodhur vitin e fundit në Shqipëri. Mënyra se si qeveria po lufton korrupsionin, dhe mbështetja dhe bashkëpunimi aktiv i qytetarëve në këtë proces kanë dhënë rezultate të jashtëzakonshme në një kohë rekord. Dhjetëra milionë dollarë më shumë të ardhura në arkën e shtetit, shkurtimi i shpenzimeve qeveritare, rritja e transparencës ndaj publikut, përsosja e procedurave të tenderimit, largimi dhe ndëshkimi i zyrtarëve të korruptuar janë vetëm disa nga rezultatet e periudhës njëvjeçare të qeverisjes që do ta ngrinin ndjeshëm Shqipërinë në renditjen globale.

Në shpjegimet që jep për renditjen e vendeve dhe ndikimin që kanë në to faktorët e ndryshëm politikë dhe ekonomikë, "Transparency International" lë të kuptohet se mjafton edhe një grusht i vogël njerëzish që të të çojnë në pozicionin e Haitit, i cili ishte në fund të tabelës, ne vendin e 163. Ne jemi në vendin e 111 dhe nuk jemi në 80, apo 50 , apo 30, sepse kemi afërsisht 30, 50, 80, apo 111 gjykatës dhe prokurorë dhe ndihës të tyre, politikanë të korruptuar që vazhdojnë ta mbajnë drejtësinë peng të individëve dhe praktikave kriminale, që aqsa majmin xhepat e tyre, po aq kërcënojnë sigurinë e qytetarëve, cënojnë ritmet e zhvillimit, rrezikojnë procesin e integrimit euroatlantik të vendit.

Shqipëria iku vetëm 15 vende më lart, pasi KLD dhe Sollaku janë gurët që na tërheqin pas, drejt një sistemi që prodhoi varfëri, padrejtësi, krim dhe korrupsion për tetë vite me radhë. Sa kohë që këto gurë mbajnë të lidhur drejtësinë e këtij vendi, nuk pritet ndonjë ndryshim as vitin e ardhshëm. "Transparency International", sikurse edhe shoqëria dhe partnerët tanë politikë dhe financiarë kanë përsëritur në mënyrë të vazhdueshme nevojën e reformave të thella në sistemin e drejtësisë. Qeveria po këmbëngul për të gjetur rrugët e realizimit të saj dhe me të drejtë largimi i Sollakut dhe pastrimi i KLD-së janë vlerësuar si pikat nga duhet filluar.







--

Skandali i radhës i prokurorisë së Sollakut për lirimin e trafikantëve të arrestuar, ndonëse ka patur prova ndaj tyre


Gjykata: Prokuroria liroi dy anëtarët e grupit kriminal


Gjykata e Tiranës deklaroi dje, se dy shtetasit Alban Dodaj dhe Faik Ymeri, të arrestuar nga policia si anëtarë të një grupi të organizuar kriminal për legalizimin e dokumentave në Drejtorinë Konsullore të Ministrisë së Jashme, u lanë të lirë nga Prokuroria. Gjykata e Tiranës, nëpërmjet një njoftimi për shtyp, deklaroi dje se, Prokuroria kërkoi masën "detyrim paraqitje" ndaj shtetasve Alban Dodaj dhe Faik Ymeri, të cilët akuzohen për "veprime që pengojnë zbulimin e së vërtetës, e kryer në bashkëpunim". Pas kërkesës së Prokurorisë, Gjykata vendosi masën e sigurisë detyrim paraqitje ndaj dy anëtarëve të grupit kriminal.

Në njoftimin për shtyp, thuhet se Gjykata e Tiranës ka respektuar nenin 244 të Kodit të Procedurës Penale në lidhje me masat e sigurisë ndaj shtetasve Faik Ymeri dhe Alban Dodaj. "Ndaj shtetasve Alban Dodaj dhe Faik Ymeri, të cilët akuzohen për "veprime që pengojnë zbulimin e së vërtetës, e kryer në bashkëpunim", Prokuroria kërkoi masën "detyrim paraqitje". Pas kësaj kërkese, Gjykata e Tiranës vendosi ndaj tyre masën e sigurisë "detyrim për paraqitje", thuhet në njoftimin e Gjykatës së Tiranës. Sipas Gjykatës së Tiranës, masat e sigurisë ndaj Faik Ymerit dhe Alban Dodajt, janë dhënë duke respektuar nenin 244 të Kodit të Procedurës Penale, ku thuhet se, "Gjykata nuk mund të caktojë një masë sigurimi më të rëndë se ajo e kërkuar nga prokurori".

Konsulli në Sektorin e Legalizimeve të Drejtorisë Konsullore pranë Ministrisë së Punëve të Jashtme, Niko Dhima, dhe katër personat e tjerë, Faik Ymeri, Alban Dodaj, Maxhit Alibali dhe Shpëtim Peza u arrestuan të premten rreth orës 02:00 me akuzën e "korrupsonit aktiv dhe pasiv të personave që ushtrojnë funksione publike". Policia bëri të ditur se, shtetasit e ndaluar në bashkëpunim me njëri-tjetrin, vepronin si një grup i organizuar kriminal, duke mundësuar legalizimin e dokumenteve në Drejtorinë Konsullore të Ministrisë së Punëve të Jashtme, ku kjo procedurë bie në kundërshtim të plotë me aktet ligjore e nënligjore që normojnë këtë detyrë. Sipas njoftimit të policisë, nga verifikimet e kryera për këtë çështje, u konkludua se shtetasit e mësipërm, dokumentet për legalizim, i grumbullonin nga persona të ndryshëm pranë disa zyrave noteriale në qytetin e Shkodrës.

Ndërkohë, Gjykata e Tiranës vendosi të shtunën masën "arrest me burg" ndaj shtetasve Niko Dhima, me detyrë Konsull në Sektorin e Legalizimeve të Drejtorisë Konsullore pranë Ministrisë së Punëve të Jashtme dhe Maxhit Alibali, me punë shofer në Drejtorinë e Legalizimeve të rrethit Shkodër. Ndërkohë, gjykata vendosi masën e sigurisë "20 ditë burg" ndaj shtetasit Shpëtim Peza. Ndërsa në lidhje me shtetasit Faik Ymeri dhe Alban Dodaj, togat e zeza vendosën masën "detyrim paraqitje".

Pas këtij vendimi reagoi menjëherë zëdhënësi i ministrit të Brendshëm, i cili e cilësoi një skandal dhe sabotim të punës së policisë lirmin e dy anëtarëve të grupit kriminal. Zëdhënësi deklaroi se, Ministria e Brendshme shpreh shqetësimin e saj në lidhje me këtë çështje, ku puna disamujore për zbulimin e këtij grupi, grumbullimi i dhjetëra provave e paraqitja e shumë dokumentave, sabotohen dhe bëhen të pavlefshme nga organi i drejtësisë. Ky është skandali i radhës i Prokurorisë për lirimin e trafikantëve dhe kriminalëve të arrestuar nga policia. Janë me dhjetëra raste kur prokuroria e Sollakut liron në sallën e gjyqit kriminelët dhe trafikantët e drogës, ndonëse ka patur prova të mjaftueshme.

Ministria e Brendshme: Organi i drejtësisë saboton punën e policisë


Ministria e Brendshme ka reaguar ashpër ndaj vendimit të Gjykatës së Tiranës për lirimin e dy anëtarëve të grupit të organizuar kriminal për legalizimin e paligjshëm të dokumentave në Drejtorinë Konsullore të Ministrisë së Jashme. Zëdhënësi i ministrit të Brendshëm, deklaroi gjatë një konference për shtyp se, Gjykata e Tiranës, përmes një vendimi absurd dhe krejtësisht të pajustifikueshëm, të shtunën ka liruar shtetasit Faik Ymeri dhe Alban Dodaj. Këta dy persona, së bashku me Niko Dhimën, Maxhit Alibalin dhe Shpëtim Pezën, vepronin si një grup i organizuar kriminal, duke mundësuar kundrejt pagesave, legalizimin e dokumentave në Drejtorinë Konsullore të Ministrisë së Jashme.

"Ndonëse Policia dhe Prokuroria paraqitën prova të mjaftueshme dhe të pakundërshtueshme të implikimit të të gjithë këtyre personave në këtë aferë korruptive, Gjykata e Tiranës, me një shkelje flagrante la të lirë sekserin kryesor Faik Ymeri dhe Alban Dodajn. Ministria e Brendshme shpreh shqetësimin e saj në lidhje me këtë çështje, ku puna disamujore për zbulimin e këtij grupi, grumbullimi i dhjetëra provave e paraqitja e shumë dokumentave, sabotohen dhe bëhen të pavlefshme nga organi i drejtësisë", deklaroi zëdhënësi i ministrit të Brendshëm.


RD

[dodoni]

Kjo deshmon se akuzat e Berishes ndaj Sollakut, Gjermenit etj. ne prokurori e gjykata jane te sakta. Keta duhet te ikin, te pakten, nese jo edhe te arrestohen per abuzime me detyren dhe pergjegjesite. Mendoj qe duhet te behet nje reformim i shpejte dhe cilesor i sistemit gjyqesor por ne te njejten kohe duke ruajtur per sa te jete e mundur pavaresine e ketij sistemi nga politika.

[Brari]

kush mundet te na sjelle ketu disa shkrime tek TEMA e meros.. per korrupsionin ne pallat te drejtesise..
per ca strakosha etj qe qenkan.. allahu na rujt..

[FЯODO]

Korrupsion kane vendet me te zhvilluara ne bote, jo me Shqiperia.
Problemi kryesor per ne eshte ulja e varferise ne vend dhe zhvillimi ekonomik i vendit. Keto jane dy gjerat kyce qe shqetesojne te gjithe shqiptaret.
Korrupsion ka edhe ne USA dhe ka shume me teper se ne Shqiperi vetem se ketu eshte vend shume i madh dhe keto gjera nuk bien shume ne sysh.
Qeveria aktuale ka deshtuar ne keto dy pikat kyce. Ne vendin tone po ecet me shume hapa te ngadalte. Rritja e investimeve te huaja eshte pothuajse inekzistente. Mungon industria vendase.
Jemi akoma shtet qe s'kemi uje dhe drita.
TURP