Marredheniet Shqiperi-Greqi pas krijimit te shtetit te Kosoves?!

[Trimi81]

Greqia po vazhdon lobingun e forte pro-serb ne Evrope dhe ne USA kundra pavarsise se Kosoves. Rasti me i fundit eshte kur ditet e shkuara parlamenti Europian nuk miratoi nje nga pikat kryesore te rezolutes per Kosoven e cila kishte te bente me pavarsine e kushtezuar te saj. Fale aktivitetit intensiv te lobit serb i mbeshtetur ky nga lobi grek, rus, romun, spanjoll etj, u arrite qe te dilte nje rezolute shume e dobet per Kosoven. Gjithsesi marredheniet me Greqine pas pavarsise se sigurte te Kosoves, pres qe te riorganizohen ne menyre te tille ku Shqiperia do te kete nje pozite me te denje ne keto marredhenie dypaleshe.

[DYDRINAS]

Fantazma e Epirit

Mitro Çela

-Mitro Xhani! E këndova "Martirët e Epirit" - më tha Filipi. E ke shkruar si e bija e Zeqos majë thanës! Pse u kalon tangent fakteve? Kujton: duke i ditur ti, duhet t‘i dimë edhe ne! Ke rroisur! Të mori më qafë jallania politikë! Merre më shtruar. Puna jote si këshilltar te "Fiks Fare" ka dy të mira. Së pari, merr honorare me yndyrë! Së dyti, kohën për të shkruar e ke bakër… Meqë ra fjala! Më mori Berisha disa ditë më parë…Filipi! Tani që ke për këshilltar Mitron, kur të kem punë me ty, me kë të lidhem?... Me këshilltarin. I thashë. Unë jam drejtor ekzekutiv!... Rashë në të thella. Filipi kishte të drejtë. PD-ja më ka nxjerrë në pension. Qelepir. Duke "dredhur tespiat", më mban populli në pëllëmbë të dorës, d.m.th. paguan taksa për mua! Si do të përdridhet politika, pensioni ruan statukonë? (Sa për muhabet. Deputetët, që u digjet xhani për popullin, gatuan edhe këtë ligj. Burrat shqiptarë të dalin në pension 65 vjet! Hejvalla! Gratë, 60 vjet. Qelepir! Deputetët 55 vjet! Marshalla!)... Rri që rri, kush më pengon të "gatuaj" kujtime për shtatë palë qejfe…

Në beharin e vitit 1998, pushimet i bëra në Ohër. Kapërceva kufijtë nga halli. Sa kohë që isha baba Kombi, me çmime të sheqerosura nga statusi, pushoja si nacionalist në vilat qeveritare të Poradecit, që një ditë marsi të ‘97-ës, për inat të Berishës, i grabitën njerëzit liridashës, duke lënë vetëm karabinatë! Pagova duke mu dridhur dora në hotel "Metropol". Aty pari pushonte edhe një maqedonase e kolme. Punonte si sekretarkë në Parlament, gjë që nuk e vura në dyshim, kur e pashë siç e kishte bërë nëna, mbuluar me rroba banje alla frënga. (Në kohën e rinisë sime duhet të hapje të mbathurat për të parë të ndenjurat. Tani duhet të hapësh të ndenjurat për të parë të zbathurat! Sot jemi më të fituar të dy palët: Ne, që shohim me shumicë mish të freskët prej femre dhe ato, që "ledhatohen" nga rrezet e diellit edhe atje ku në kohën tonë nuk mund të depërtonte as fantazia e poetit!)

Duke përdorur si karrem zonjën time, pata edhe unë rastin të bëja muhabet me sekretarkën e kolme. Një ditë, mu drejtua duke përpëlitur qepallat. Mua më kapën "ethet". Mu kujtua kënga "Moj biondinë me sytë e zi!" Më tha: Kryeministri juaj anon nga greku! E kundërshtova, sepse si nacionalist që jam nuk më vjen mirë kur zotin Nano ta kritikojnë për muhabet të huajt, qoftë kjo edhe një biondinë e kolme… Ajo: - Kam fakte. Kryeministri juaj ka shkuar këtë vit për pushime në Greqi… Unë: - Edhe Bleri, Kryeministri i Anglisë shkoi për pushime në Francë!...Ajo: - E di! Por Bleri shkoi në Francë për pushime politike dhe ekonomike: Parisi i ka vënë embargo mishit të lopës angleze, edhe pse lopët u çtërbuan!... Unë: - Edhe Kryeministri ynë nga halli shkon të pushojë në brigjet e Selanikut. Në vend që të nxihet në diellin e Himarës, mbeti zyrë më zyrë për problemet e emigrantëve shqiptarë në Greqi!... Ajo: -Zoti ish-deputet! Në gusht zyrtarët grekë u vënë drynin zyrave dhe marrin arratinë ishull më ishull për pushime. Do të kujtoj edhe një fakt, të shkruara në gazetat e Shkupit. Në qershor të vitit 1997, zoti Nano bëri miting me emigrantë në sheshin OMONIA, në zemër të Athinës!

Nuk i shtyva më tej urët. Sekretarka kishte të drejtë. Me ardhjen në pushtet të socialistëve, Greqia nisi të zërë vendin e parë, për numrin e djemve dhe vajzave të meritokratëve që vazhdojnë shkollën jashtë shtetit; në ngritjen e vilave të pushtetarëve brigjeve të Egjeut; në shkëmbimet tregtare, tenderat e fituara, bankat e hapura, celularët e shitur, rrugët e shtruara, naftën e importuar etj. Rashë në mendime për të nxjerrë filozofinë e muhabetit, d.m.th., ku i ka rrënjët "dashuria" mes dy qeverive. Filozofia nuk më erdhi në ndihmë. "Ilaçin" e gjeta duke "fshirë pluhurin" që më kishte mbuluar fiqirin…

Korrik ‘95. Grupi miks: politikanë dhe gazetarë zunë vend në hotelin "President" të Athinës. Kureshtarët duhet të mësojnë se hoteli ishte në zemër të Athinës dhe me pesë yje. Them për kureshtarët, sepse ky fakt nuk lë sot mbresë mes pushtetarëve të lartë dhe gazetarëve të pavarur, që ia kanë pirë "lëngun" deri në palcë financave të Greqisë. Për ta bërë më të lehtë tregimin e ngjarjeve që do të rrjedhin më poshtë, do të ishte me vend të rikujtojmë (artikulli "Martirët e Epirit") "personazhet" e grupit. Gazetarë: Ben Blushi, Bashkim Gjergji, Frrok Çupi, Blendi Fevziu, Armando Shollaku, Arian Çani, Robert Papa, Reiz Çiço, Panajot Barka. Deputetë: Musa Ulqini nga socialistët dhe unë nga demokratët. Kryetar grupi Agim Nesho. Të gjithëve na qeshte nuri, nga lezeti dhe kësmeti. Kryetari i grupit na kishte bërë rixha, brenda dëshirës, pa cenuar harmoninë familjare, të ishim në Greqi, nën shoqërinë e grave. "Mos ngurroni të merrni zonjat me vete, ngulte këmbë ambasadori i ardhshëm, sepse çdo gjë është "xhaba", d.m.th. paguan greku". Pas ofertës për gratë, nën zë na kujtonte, duke pirë kafe te Fideli, edhe një thelë mbi bisht: 1000 dollarë në zarf.

Unë e nuhata "pabesinë" e grekut dhe nuk e mora "motrën" me vete, edhe pse ajo hodhi "shkelma", duke më akuzuar, ashtu larg e larg edhe për moralin tim! Qesha me qesëndi. Në atë vit unë isha në udhëheqje të PD-së dhe kisha imunitet partiak për punë seksi, si gjithë liderët e tjerë të partisë sime, duke dashur të imitojmë Presidentin tonë, zotin Berisha! Kush u gënjye, u kushtoi seminari si pula frëngut, sepse siç thanë, greku nuk i kishte paratë e tepërta që të paguante edhe për gratë e seminaristëve, qofshin këto edhe nga sferat e larta! (Gënjeshtra me bisht, siç mësuam më vonë, sepse seminari bëhej me paratë e Brukselit!)

Edhe puna e dollarëve na doli "dele pa qumësht". Pas një proteste të ashpër (më shumë bëri zhurmë Arian Çani) mezi na dhanë nga 10 mijë dhrahmi për kokë, një pagesë kjo kaq e vogël, sa që sot kujtdo i vjen rëndë ta zërë në gojë!... Për të qenë sa më të saktë, duhet nënvizuar se nga i gjithë grupi, vetëm njëri u tregua burrë: Reiz Çiço. Nuk do ishte humbje kohe ta lexonit edhe këtë bëmë, të vogël në dukje, por të madhe në esencën e gjërave që na ndodhën në tokën helene. Ai erdhi dy ditë me vonesë në Athinë. Kur sportelisti i dha çelësin, Reizi vazhdonte ta shihte nga duart... Parakallo! I tha greku... Zarfin!... Dhen ksero - tha greqisht greku, që shqip përshtatet: është akoma herët në vite, që qeveria greke të shpërndajë zarfe me dollarë!

-Nuk kam parë e dëgjuar poshtërsi më të madhe - na thoshte Reizi në banketin që na shtruan atë mbrëmje te lagjja "Plakat" nën tingujt e buzuqit. - Unë kisha një seminar tjetër me treqind dollarë paradhënie në zarf. Kur më thanë se do të marrim 1000 dollarë, lashë Londrën për vapën e Athinës, sepse kam nisur disa riparime në shtëpi!... Nesër kthehem në Tiranë! Jam deri në grykë me seminare!

Në grupin organizator të seminarit, shkëlqente zonja Gusho. Me origjinë nga Kolonja. Ende pa mbushur 50 vjet kishte bërë një karrierë të madhe në mediat amerikane dhe franceze. Lindur në Amerikë, martuar me një austriak. "Burri im është austriak 24 karat - tregonte duke qeshur zonja Gusho. - Njëherë, kur miku ynë Nicholas Gage i tha: gjerman! - këtij timit iu ngrit... damari dhe e zuri një mëri, si ajo e mushkës së Papës, që e mbajti inatin 40 vjet, për t‘ia kthyer reston me një shkelm zëdhënësit katolik të Perëndisë!" Është e udhës të bëjmë një shënim. Në atë kohë nuk kisha dëgjuar për qiria Nicholas Gage. Kur pyeta zonjën Gusho, ajo zgurdulloi sytë, sikur t‘i ishte shfaqur qoftëlargu. "Është gjynah nga Zoti, për një përmetar ortodoks si puna jote, që të mos kesh bërë një vizitë në familjen e zotit Nicholas - më tha në konfidencë zonja Gusho". Kur unë i thashë se nuk e kisha kapërcyer asnjëherë Antllatikun, ajo më ftoi për një frape, në një tavolinë në qendër të hollit.

Zonja Gusho: - Zoti Gage të njeh mirë zoti Mitro. Bile ka respekt, sepse e di faktin, që ti së bashku me një tjetër deputet demokrat, Vasil Gjika, kini firmosur një peticion, në vitin 1994, që Fatos Nano të dali nga burgu i Bënçës. Ai ka një fondacion për të sponsorizuar kualifikimin e politikanëve të rinj në Amerikë. Ëndërron të ketë edhe një biznes në Vorioepir. (Kur erdhën socialistët në pushtet, ky biznes është bërë realitet në Sarandë)... Unë: - Nuk kam moshë për kualifikim! Së shpejti festoj 50-vjetorin!... Zonja Gusho: - Për njerëzit e veçantë nuk luan rol mosha! Kur të vini në Amerikë, kini për të parë listën e personaliteteve që kanë fituar bursë nga zoti Gage... Pas një viti, me shumë takt mu bë propozimi për të shkuar në Amerikë me dy alternativa. Së pari, për studime. Së dyti, për të shkruar një libër me kujtime. Ky propozim kishte "trokitur" në shumë dyer intelektualësh. Nga modestia e tepruar ka shumë syresh që e "hapën derën" dhe... sot po t‘i kërkosh i gjen të kthyer me kulturë nga Ameriqia e Nicholas Gages!

(Intermexo nga interneti. Nicholas Gage lindi më 23 korrik 1939 në një fshat grek pranë kufirit me Shqipërinë. E ëma, Eleni, u burgos, u torturua dhe u ekzekutua nga guerilasit komunistë në vitin 1945. Gage u diplomua për gazetari në Kolumbia. Për shumë vite punoi si reporter në gazetat "Uoll Strit" dhe "Nju Jork Tajms". Në vitin 1983 botoi një libër mbi jetën dhe vdekjen e së ëmës: "Eleni". U bë libri më i shitur në Amerikë në ato vite. Librat "Zjarri grek" dhe "Historia e Maria Kallas dhe Aristotel Onasis", të botuara në vitin 2000, flasin për dy personalitet greke më të njohura të shekullit të njëzetë dhe për gruan që u vendos mes tyre - Zhaklinë Kenedi, ish-gruan e presidentit Kenedi.

Në vitin 1990, zoti Gage u zgjodh kryetar i organizatës POAKA, Federata Panhelene e Amerikës, Kanadasë dhe Australisë. Pas viteve ‘90, Gage ishte këshilltar i jashtëm politik i Kryeministrit grek, Micotaqis. Në beharin e vitit 2001, Gage u bë ndërmjetësi i vizitës së Kryeministrit Meta në Shtëpinë e Bardhë, duke organizuar takimin surprizë me Presidentin Bush).

Në kohën kur u "ftoh" muhabeti, drejt nesh po vinte një femër mulate. U befasova nga bukuria, duke menduar se çfarë trillesh krijonte natyra, duke "eksperimentuar" kryqëzime gjenesh nga raca dhe kombe të kundërta. Bën vaki që nga trillet e natyrës lindin edhe keqkuptime, siç tregohet në një anekdotë amerikane... Na ishte një herë një çift i bardhë. Gruaja polli një zezak. E pa burri. Ju ngrit damari! Por pyeti me delikatesë: Si ndodhi?... Një ditë më iku qumështi nga mërzia, sepse nuk të kisha ty pranë! Nga halli mora "borxh" një dado zezake: kushtojnë më lirë se dadot e bardha. Piu djali dhe... ruana Zot!...ndryshojë ngjyrë!... Burri ra në mendime. Mos do të ma hedhë për të mbuluar dobiçin?... Mori në telefon të ëmën... Gjëra që bëjnë vaki - i përgjigjet ajo. Kur ishe ti i vogël më iku edhe mua qumështi. Të çova të pije te një lopë, sepse nga anët tona nuk kishim dado zezake. Pive sa u ngope dhe u bërë...viç!

Zonja Gusho, pas përqafimit, nisi prezantimin: "Kjo është bukuroshja ime, Allen Haynes!" Ndjeva që mulates i pëlqenin komplimentet. "Do të jetë një nga instruktoret e seminarit. Ka një kulturë të gjerë për politikën ndërkombëtare dhe median. Flet anglisht, frëngjisht dhe rusisht!" Ndërsa mulatja përdridhej instinktivisht më erdhi ndërmend një varg i Eseninit: "Çmi përdredh t‘i buzët, nazemadhe moj, unë një tjetër dua, ty s‘të dashuroj..." Kur kryqëzuam duart i thashë se dikur kam bërë rusisht në shkollë, por kam harruar kuptimin e shumë fjalëve... Ajo: - Harasho (mirë)! Unë kam bërë një studim: "Rusia në shekullin 21: Media e ndryshuar!"... Unë: - Ja lubju tebja! (Unë të dua ty!)...O Zot! U dëgjua një e qeshur melodioze, u shfaqën një palë dhëmbë të bardhë si rruaza kineze dhe pastaj koka ime përfundoi mes "dy kodrave" të buta nga brendësia, por të "ngurtësuara" nga korseja! Mjaftoi kjo frazë rusisht që të lidhim një miqësi që u trash sa më shumë kalonin ditët në Athinë.

Një ditë shkuam në plazh. Mulatja kishte veshur një palë rroba banje, nga ato që ta bëjnë mishin kokrra-kokrra edhe duke qenë anëtar i lartë i udhëheqjes së Partisë Demokratike. Ja ngrita në qiell modelin dhe markën e rrobave të banjës, edhe pse më shumë më pëlqente e zonja. Mjaftoi ky kompliment që gjithë ditën ta kalojmë pranë e pranë. Je e martuar?...Vetëm një herë kur mbusha 18 vjeç. Në muajin e tretë u ndava. E di pse u martova? Ishte një trill. Më shumë një imitim. Sebep u bë një tregim spanjoll. Vajzat moderne në një qytet martoheshin...për të prishur virgjërinë...dhe për të shkuar më pas me çdo burrë që ëndërronin...pa krijuar probleme sociale...ha...ha...E bukur? E bëjnë këtë gjë gratë në Shqipëri?... Ngrita supet!

Kur nisi të fryjë një fllad i freskët, biseda u bë serioze. Në atë ditë korriku, duke më tërhequr më shumë trilli femëror, e mora për shaka filozofinë e muhabetit. Kur nisi revolucioni në pranverën ‘97, ndjeva që bisedat e amerikanes nuk ishin pjellë e fantazisë. Por le të kthehemi përsëri në bisedën me mulaten e bukur:

Ajo: - Sa për qind të popullsisë zënë vorioepirotët në Shqipëri?

Unë: - Vorioepiri është një term politik. Në Shqipëri nuk njihen pakica të tilla. Në vendin tonë ka disa mijëra minoritarë grekë, që jetojnë në Jug të Shqipërisë.

Ajo: - Kam lexuar disa statistika që i ka botuar CIA. Atje thuhet se në Shqipëri jetojnë 240 mijë grekë. Zoti Gage në tetor të vitit 1994 në gazetën "Nju Jork Tajms" shkruan se në Shqipëri jetojnë 400 mijë "grekë etnikë".

Unë: - Këto statistika i kam lexuar edhe unë. Por aty bëhet një ngatërresë: Në numrin e minoritetit grek, llogariten edhe ortodoksit. Kjo nuk është e saktë. Unë, p.sh., jam ortodoks nga një fshat i Përmetit. Por në fshatin tim Mbrezhdan, as flasim greqisht dhe as nuk pranojmë të kemi kombësi greke. Jemi safi shqiptarë!

Ajo: - Po më flet si politikan amator! Me këtë mentalitet e ke vështirë të kuptosh ku luhet dhe kush e luan politikën për Shqipërinë. Në kuptimin figurativ, Tirana zyrtare do të merret me mikropolitikën. Makropolitikën do ta drejtojnë lobet jashtë kufijve të Shqipërisë...Nuk më beson?...Unë po të tregoj ndonjë fakt...Ti më the se në Shqipëri nuk ka voriepirotë! Mirëpo unë kam "gjezdisur" në shumë sallone të lobit epirot!... Jo të lobit grek, por të Epirit. Kam njohur Nicholas Gage, që nga fuqia politike dhe ndikimi në media, është një Berluskon i Amerikës. Paratë e tij derdhen lumë për krijimin e shtetit të Epirit. Kam njohur edhe zotin Tenet, shefin e CIA-s. Ai ka shkruar një artikull në "Uashington Post" me titull: "Kushtrimi i të parëve". Mes të tjerave tregon se prindërit i ka nga Himara, një krahinë në Vorioepir!...

Gazeta Shqip
28-01-2007

[DYDRINAS]

Balade came-

Ylberi si nje pershendetje e
perlotur
lamtumire,
u zhduk matane largesive,
mbi kreshtat e flakeve,
neper shi.
Matane largesive u zhduk e
perflakur
Cameria,
dhe te gjitha rruget tona shpien
ne
veri.
Ulerin era e mesdheut mbi trojet
e
lashta epirote,
mbi te shtrenjtat troje kullosin
rrufete.
Ullishtet e pervjelura gjemojne si
dallge neper bregore.
Dhe kudo toka came,
mbuluar nga rete,
renkon e mbytur ne gjak e lot,
e mbetur shkrete,
pa zot.
Na tregojne drejtimin plumbat,
na e ndricojne rrugen flaket,
e gjithe token kane perpire,
pas shpinave tona perplas tufani
dyert e shkallmuara te shtepive.
Dhe rruget zgjaten e zgjaten ne
veri.
Ne , popull muhaxhir, ecim neper
shi...
Lamtumire, Cameri!

(Bilal Xhaferi)

[Justiniani 2007]

Si i parashikoni zhvillimet e metejshme ne marredheniet Shqiperi-Greqi pas krijimit te shtetit te Kosoves?

une mendoj se edhe pse mentaliteti i klases politike greke eshte anti-shqiptar, ata e kane kuptuar ose do ta kuptojne se pretendimet historike serbe mbi kosoven lidhen me mbreterine e Stefan Dushanit, mbreteri e cila shtrihej deri ne Arta te Greqise se sotme dhe te Arberise se djeshme... Shqiptaret dhe Greket kane jetuar ne keto treva per mijra vite dhe nuk njihet ndonje lufte ndermjet tyre...
por qe ti pergjigjem me drejteperdrejte pyetjes marrdheniet do te shkojne perseri sic kane qene (as mish as peshk, terhiqe e mos e kput) vetem se do tu shtohet nje frike qe shqiptaret pasi te mbarojne me kosoven do ti hedhin syte nga jugu, pra si me serbet ashtu edhe me shqiptaret ata jane ne nje situate catch 22....

[mondishall]

Ashtu si njeriu i thjeshte grek qe po bindet nga dite ne dite per personalitetin dhe dinjitetin e fqinjit shqiptar, edhe politika greke, do s'do, do bindet nje dite per personalitetin dhe dinjitetin e shtetit fqinj. Te lajthitur, qe s'ju vjen mire per kete lloj metamorfoze pozitive, ka patur, ka dhe do te kete ne te dy anet. Le te ece mire ekonomia shqiptare, se dhe politika pastaj do behet me e shendetshme. Besoj se Greqia, ne mos e thote hapur e ndjen te drejten e Kosoves per pavaresi, sepse ka dhe ajo pervojen qipriote. Lobet do vazhdojne si gjithmone lojen e tyre nga te dy anet, por dijeni qe koha tani s'eshte me kohe e lobeve.

[kristal]

Duke patur parasysh se cfare ka ndodhur prej vitesh,me fqinjet greke eshte therese dhe tronditese,lere se tani me duket i kane realizuar shumicen e deshirave,vec faktit te copetimit te territorit shqopetar zyrtarisht.

Kur dicka ndryshonnte ne ballkan,qe ishte te disfafor te grekeve,kjo duke perfshire edhe ndryshimet ne politiken shqipetare,greqi fillonte fshesen e refugjateve,rrahjet e bastisjet masive,grisjen e pashaportave e shume e shume gjera misterioze.

Dicka eshte shume e frikeshme ne stabilizimin e ballkanit te sotem,ku greqia pretendon se ka celesat e integrimit te shqiperise,dhe territoreve shqipetare(kosove-maqedoni-mal i zi) a mos valle duhet te shesim territoret shqipetare(ajken e shqiperise)me mendimin qe greqia te na fovarizoje integrimin ne europe.

Pastaj asgje nuk eshte vendosur per statusin e kosoves,mareveshjet me dyer te mbylluar(RUSE-GREKE-SERBE)


kristal

[Hyllien]

une mendoj se edhe pse mentaliteti i klases politike greke eshte anti-shqiptar, ata e kane kuptuar ose do ta kuptojne se pretendimet historike serbe mbi kosoven lidhen me mbreterine e Stefan Dushanit, mbreteri e cila shtrihej deri ne Arta te Greqise se sotme dhe te Arberise se djeshme... Shqiptaret dhe Greket kane jetuar ne keto treva per mijra vite dhe nuk njihet ndonje lufte ndermjet tyre...
por qe ti pergjigjem me drejteperdrejte pyetjes marrdheniet do te shkojne perseri sic kane qene (as mish as peshk, terhiqe e mos e kput) vetem se do tu shtohet nje frike qe shqiptaret pasi te mbarojne me kosoven do ti hedhin syte nga jugu, pra si me serbet ashtu edhe me shqiptaret ata jane ne nje situate catch 22....

?!
!?

Ti nuk e ke idene e historise. Lexo mire nje her qysh nga Strabo,Pliny, Sellarius etj e deri tek rilindasit tane qe ta shpjegojne mire se si u priteshe hunda shqiptareve, apo se si u hiqeshin syte e u viheshin neper shporta eproreve te larte bizantine.

[Gostivari_usa]

Une nuk e kuptoj pse neve po brengosemi aq shum per maredheniet greko-shqiptare .
Personalish , mua as qe me interesojne maredheniet me greqin , mua me intereson Kosova te marri pavarsine dhe midis shqitareve te kete respekt dhe bashpunim .
Per greqin , nqs duan maredhenie miqesore , ketu jemi , ska problem , nqs duan maredhenie armiqesore perseri aty jemi , skemi ku shkojme.
Per mendimin tim , cdo gje fillon nga vetja , pastaj vijne ne rradhe te tjeter .
Andaj duhet te perqendrohemi ne maredheniet Shqiptaro-Shqiptare (Shqiperi-Kosove).

[Dragut]

Andaj duhet te perqendrohemi ne maredheniet Shqiptaro-Shqiptare (Shqiperi-Kosove).

Kjo është e ardhmja. Bashkëpunimi i Kosovës me Shqipërinë. Kemi dy klimë të ndryshme që lejojnë një bashkëpunim të ngushtë ekonomik, atje rriten kafshët e imta këtu të butat, atje prodhohet shumë energji elektrike ne na mungon etj. etj.

Pikërisht kjo është arsyeja që shtete si Greqia do luaj letrën e prishjes së mardhënieve.

Kush hapi temën ose është vizionar dhe kupton se bashkëpunimi Kosovë-Shqipëri i bën keq politikave greke. Ose është porositur që midis nesh të ekzistojë ideja se po bashkëpunuam ngushtë ekonomikisht me Kosovën, prishen mardhëniet me Greqinë... e vjen zhinxhiri i ndodhive, vrasje në kufi, grisje pasaportash, emigratë të keqtrajtuar, gjona të mërzitshme më kuptoni apo jo.



P.S nëse dikush këtu sipër mendon se Kosova do shpallet e pavarur për tju dhënë vehabisto/anakronikëve, gabon rëndë.

[xHeneta_18..kS]

marrdhenjet SHQIPERI-GREQI do t'jen te njejta (qysh jon kan edhe gjat luftes n'ks) edhe mas statusit t'ks........definitivisht Shq skllavi e Gr mreti (me keqardhje e thom) ..........paqe e dashni people!!!!