Flaka e Janarit Gostivar 16.01.07 ora 19

[Nuri Bajrami]

Janari i martirëve, përjetimi më fisnik

Flijimi dhe vdekja për realizimin e aspiratave të një populli, do të na përcjellin si përjetimi më fisnik në gjithë jetën".
Vjeshta e vonshme e vitit të kaluar, na solli edhe një përjetim të bukur, realizimin e një ëndrre shekullore.
Çlirimtari i shekullit të 15-të pas shumë shekujsh me rradhë, na lidh si kurrë më parë, pasi tani është në mesin tonë, pra edhe në SHKUP.
Përjetimi është tani më i bukur, pasi ndjenja e kënaqësisë të duket e barabartë si në Tiranë, poashtu edhe në Prishtinë e Shkup.
Kënaqësia është edhe më madhe, kur më në fund triumfoi ndjenja e lirisë e jo e sundimit. Edhe te më skeptikët dhe më të painformuarit, fitoi bindja se Skënderbeu ka qenë çlirimtar.
Janarët janë të ftohtë, por edhe të bujshëm që nga kohët e lashta.
17 Janari i vitit 1982, dita kur u vranë Vëllezërit Jusuf dhe Bardhosh Gërvalla e Kadri Zeka, është një datë tragjike në historinë e shqiptarëve.
Ishte ky një brez i ri, që kishte dalur në skenën e historisë me mesazhin e flijimit, si “përjetimi më i bukur”.
Martirët e Janarëve si Gjergj Kastrioti Skënderbeu, Isa Boletini, Jusuf dhe Bardhosh Gërvalla, Kadri Zeka, Rexhep Mala, Nuhi Berisha, Afrim Zhitia, Fahri Fazliu, Zahir Pajaziti, Adem Jashari, Mujdin Aliu, Fehmi Ladrovci dhe të rënët e tjerë, flijuan jetën, për t`i bërë ballë pushtimit, për një ardhmëri pa pranga e të lirë.
Janari i martirëve në shumë vende ku jetojnë dhe punojnë shqiptarët anekënd botës, është bërë tradicional me ndezjen e Flakës së Janarit.
Në Gostivar “Flaka e Janarit” u ndez për herë të parë vitin e kaluar, nën organizimin e SHKA “ Lulet e Malësisë ” nga Gostivari.
Përjetimi do të ishte akoma më fisnik, sikur “Flaka e Janarit” edhe në Gostivar në mënyrë tradicionale, do t`i bashkohej Janarit të martirëve të kombit tonë. Andaj edhe këtë vit SHKA “Lulet e Malësisë” organizon Akademinë Përkujtimore “Flaka e Janarit” që do të mbahet në Qendrën për Kulturë në Gostivar, më 16 Janar 2007, në ora 19.
Ju ftojmë që të mblidhemi për t`i përkujtuar dëshmorët me “Flakën e Janarit”, pasi ideali i tyre ishte bashkimi i të gjithë neve.
Këshilli organizativ i Akademisë Përkujtimore “ Flaka e Janarit - 2007 ”, në kuadër të SHKA “Lulet e Malësisë” - Gostivar

[RaPSouL]

Kam edhe une disa informacione:
Jam prej Tetove por mesoj ne Gostivar (GV) dhe per cdo vjet mbahet Flaka e Janarit
edhe sivjet une jam viti i dyte II ne shkollen e mesme te Arkitekures dhe profesori jone i Gjuhes Shqipe zgjodhi disa nxenes/e per te luajtur tek Flaka e Janarit
me zgjodhi edhe mua por e refuzova ishte me vet deshire....!
Saqe di une pas kesaje mbremje duhet te shkojne ne nje HOTEL per te ngrene buke...............Besoj se do te kalojme mire aty oks sidoqoft ju prsh KLM