Bashkimi Demokratik Kombëtar - BDK

[Bl3ri]

Sa me shume parti te formojn shqiptaret e Maqedonise aq me shum humbim anetaret e parlamentit...

[Faik]

BDK pjesë e partisë mbarëshqiptare

Laura Papraniku


Bashkimi Demokratik Kombëtarë (BDK) është partia e shqiptarëve në Maqedonie cila do të bashkëpunojë me Partinë për Integrim Kombëtarë (PIK). Grupi Nismëtar (29 anëtarësh) për themelimin e Partisë për Integrim Kombëtar (PIK) u mbajt më 29 mars në Tiranë. Kryetari i Grupit Nismëtar, Genc Llakaj tha për “Lajm” se qëllimi esencial i PIK-ut është respektimi i vlerave kombëtare, respektimi i Kushtetutës së Republikës së Shqipërisë që në preambulën e saj cilëson shprehimisht aspiratat e bashkimit kombëtar shqiptar dhe respektimin e produktit shqiptar, të biznesit shqiptar, duke u bazuar në tre kolona esenciale: “Në bashkimin shpirtëror të shqiptarëve në të gjitha trevat shqipfolëse. Në bashkimin e teksteve shkollore dhe të Akademisë së Shkencave dhe së fundi në bashkimin e kapitaleve me origjinë shqiptare. Ky është qëllimi esencial, kolona vertebrale e kësaj partie”, thotë Llakaj. Ndërsa platforma e kësaj partie do të mbështetet në gjithçka me origjinë shqiptare.

“Platforma do të publikohet së shpejti. Partia jonë do të mbështetet në gjithçka me origjinë shqiptare, gjithmonë duke respektuar marrëdhëniet e Konventës ndërkombëtare, duke respektuar bashkëjetesën me popujt fqinj, por duke respektuar në radhë të parë atë që flet shqip”, tha Llakaj, duke shtuar se janë në kontakte me partitë simotra që janë formuar, ose që do të formohen së shpejti në territoret shqiptare në Ballkan. “PIK-u ka paraparë që në Republikën e Kosovës të krijohet simotra Aleanca Kombëtare Shqiptare (AKSH), në Iliridë të forcohet simotra Bashkimi Demokratik Kombëtar (BDK) e udhëhequr nga Hysni Shaqiri, dhe në Kosovën Lindore ( Preshevë, Medvegjë dhe Bujanoc) të forcohet Lëvizja Kombëtare Shqiptare (LKSH)”. Kryetari i BDK-së, Hysni Shaqiri tha se për ta është nder dhe respekt i veçantë që PIK, ka zgjedhur të bashkëpunojë pikërisht me BDK-në.

“Ne jemi një parti që veprojmë në mënyrë legale në Maqedoni dhe na vjen mirë që kjo parti që do të formohet së shpejti na ka zgjedhur ne për bashkëpunim. BDK, qëllimet e saj i ka shprehur gjithmonë publikisht. Ne kërkojmë barazi të plotë të shqiptarëve në Maqedoni dhe interesat kombëtare gjithmonë kanë qenë prioritet i partisë tonë”, tha Shaqiri.

[Cipiripi]

Si mendoni sa deputete do te fitoj Hysni Shaqiri me Bashkimi Demokratik Kombëtarë?

[Progres]

Si mendoni sa deputete do te fitoj Hysni Shaqiri me Bashkimi Demokratik Kombëtarë?

BDK do te fitoj vota aq sa do te kete deputet PDSH-ja me BDI-ne.

[LeGJeNdA_86]

BDK do te fitoj vota aq sa do te kete deputet PDSH-ja me BDI-ne.

hahahahaahahahaha. Kjo mund te shpallet postimi ma i mire ne kete forum hahahahahahahahahha

[Faik]

BDK: Federalizimi i bën shqiptarët të barabartë

Semi MEHMETI


Bashkimi Demokratik Kombëtar (BDK) kërkon nga partitë shqiptare, që në prag të zgjedhjeve parlamentare të jenë më të përgjegjshme. Kjo parti e konsideron si të kuptimtë mos përgjigjen e ofertës së tyre, që partitë shqiptare të dalin në zgjedhje në një koalicion mbarë shqiptar, me platformën e federalizimit të Maqedonisë, si e vetmja formë e rregullimit shtetërorë, që shqiptarët i bën të barabartë me maqedonasit. “Ky është një absurd i radhës, sepse që nga vitet e nëntëdhjeta shqiptarët e Maqedonisë, kanë pasur për synim barazinë e plotë në këtë shtet, e jo të mbeten peng i dëshirave të ndonjë kryeministri, që pretendon që të mbetet në histori, si kryeministri më antishqiptar, siç ka ndodhur deri më tani, qoftë nga ana e drejtuesve të VMRO-së, LSDM-së, apo ndonjë partie tjetër maqedonase”, thuhet në reagimin e BDK-së.

Prandaj BDK edhe një herë fton spektrin politik shqiptar në Maqedoni, por edhe shoqërinë civile, që të japin kontributin e tyre, për arritjen e këtij qëllimi madhor kombëtar, sepse vlerësojnë se ka ardhur koha që të vetëdijesohen të gjithë dhe të ketë një përcaktim politik të përbashkët, rreth çështjes kombëtare në Maqedoni.