Dashuria - kjo Fytyrë e Zotit

[Ndjenja]

Bukur që te lexoj Splen !

[Spleen1]

NË SYTË E TU

Në sytë e tu gëzon kënga ime
sa herë ndjenja më përshkon
mbytem ngrihem n’përjetime
si baticë që vjen e shkon.

Në sytë e tu puthja më shkrihet
sa herë epshi s’ka durim
edhe shpirti më përtrihet
përjetim mbi përjetim.

Në sytë e tu m’shprishet qetësia
sa herë dua baladë t’i thurë
si n’Rozafë gur mbi gur.

Në sytë e tu m’sherohet dhimja
sa herë dua dhimbjen ta mund
në sytë e tu, o të pa fund!

[Spleen1]

POEZI NATE

mbrëmje dimri
në bardhësinë e natës
t’i kërkojë hapat
nëpër shtigjet e hijeve

bora i fshin gjurmët
era e butë
rrëshqet mbi kujtimet
një yll shuhet

në agim
një dritë e zbehtë
rikrijon ëndrrën
me peizazhe hyjnor

e unë do t’a marrë
shpirtin e syve tu
për dashurinë tonë
të përgatitur në heshtje

[Spleen1]

MOS IK...!

Me trego për ty
që t’a harroj vetëvetën
dhe fol, fol, o fol me zë !
mos t’i dëgjoj klithmat e heshtjes

Më lejo të rrëshqas
në botën e brishtë
në anën efemere të shpresës
t’i lëpij lëndimet e plagëve

Zbutma helmin
që po vjen të pushtojë
se më thoshe – mos ik !
dua përjetësisht të humb në ty

Mos ik, shikom në SY!
ti, më bluan vetëmeveti në mëndje
e , unë t’i shikoj buzët
që lëshojnë hije në tokën e lagur

[Spleen1]

KORIFEUT TË POEZISË SHQIPE
(Homazh për Ali Podrimja)

Po ti ç ‘pate o i madhi Korife
athua Kosova t’u duk e vogël
me ia falë frymën e fundit…

Po te lumi ç’ deshe o Korife
Mos u nise në kërkim të Muzës
e u takove me Lum Lumi-n

Pse amanetet e heshtjes
s’na i besove
në cilin Panteon të varrosim tash

Ti e ke ditur që Kosova
s’ka Panteon as Olimp
edhe Shqipëria jo…

Pëllëmbë për pëllëmbë ku flitet shqip
hiri Yt u bëftë kujtesë kombëtare
dhe nyje e “gjakut që s’falet”