Zgjidhet kriza elektorale, arrihet marëveshja në zyrën e presidentit Moisiu

[Brari]

Data: 31/01/2007, ora

Olldashi: Veteranët, shtresa e nëpërkëmbur e Edi Ramës
Kandidati i së djathtës së bashkuar për kreun e Bashkisë së Tiranës, Sokol Olldashi, gjatë një takimi që ka zhvilluar dje me veteranët, është shprehur se kjo shtresë shoqërore është më e nëpërkëmbura e kreut aktual të bashkisë së kryeqytetit


Sokol Olldashi, kandidati për kreun e Bashkisë së Tiranës, i ftoi dje të moshuarit dhe veteranët të bëhen pjesë e betejës së tij, jo thjesht në emër të politikës, por në emër të dinjitetit të tyre, të dëshirës për ta bërë Tiranën një qytet më të mirë. Në një takim që zhvilloi pasdreken e djeshme në ambientet e hotel “Tiranës” me shoqatat e veteranëve, ai diskutoi rreth shërbimeve të munguara që Bashkia e Tiranës duhet të ofronte për ta dhe projekteve që z.Olldashi ka planifikuar, nëse do ta qeverisë Tiranën pas zgjedhjeve të 18 shkurtit. "Çfarë ju ofron ju Tirana sot? Respekt? Jo. Shërbim social? Jo. Ambiente ku të takoni njëri-tjetrin? Jo. Transport? Jo. Mirënjohje për gjithë punët dhe sakrificat që keni bërë? Jo. Ju jeni të harruarit e mëdhenj të këtij kryeqyteti. Nuk vlen t'ju kujtojnë një herë në 3-4 vjet, t'ju japin dorën, t'ju përqafojnë dhe kaq. Ju keni nevojë për respekt, mirënjohje dhe përkushtim", tha gjatë fjalës së tij zoti Olldashi. Po ashtu, ai i cilësoi veteranët si të përjashtuarit dhe të braktisurit e mëdhenj të këtij qyteti, sepse, sipas tij, mënyra si qeveriset Tirana sot, është krejt ndryshe nga ajo që do të ishte e denjë për moshën e tretë. "Para 4-5 ditësh, në një nga zonat e Tiranës gjeta njerëz të moshës suaj të ulur në trotuar duke luajtur domino, në mes të të ftohtit, sepse s'kanë asnjë ambient ku të kalojnë një orë të ditës së tyre. Sa do t'i kushtonte financiarisht bashkisë, nëse do të modernizonte një shërbim social për të rinj dhe të punësonte të rinj, të cilët do të ishin asistencë e mirë për ju? Shumë pak. Kjo ndërmarrje do të rridhte vetëm nga respekti për kontributin tuaj dhjetëravjeçar, përkushtimi dhe nga dashuria për njerëzit", tha dje Olldashi duke marrë nga veteranët mbështetjen e plotë për koalicionin e djathtë në zgjedhjet vendore. Po ashtu, kandidati demokrat u shpreh se në projektet e tij për veteranët zinte vend përmirësimi i sistemit të tranportit publik, hapja në çdo zonë të Tiranës e qendrave argëtuese ku ata të mund të kalojnë kohën e tyre të lirë; vendosja e sistemit të asistencës në shtëpi për të gjithë ata që kanë nevojë dhe shërbime sociale me të rinj. "Ju jeni historia e këtij vendi. Kontributi juaj është një bagazh jetësor që duhet t'i transmetohet patjetër të rinjve, nëpërmjet mekanizmave të duhur", u shpreh në fund të fjalës së tij demokrati Olldashi, i cili, pas këtij takimi konsumoi një kafe me veteranët, në ambientet e hotel "Tiranës" dhe bisedoi me ta rreth problemeve të përditshme.

Re. Po.

[Xhuxh Xhumaku]

Gazeta Sot

Vizita e Berishës terrorizon Beratin

Masa mjaft të rrepta sigurie kanë karakterizuar vizitën e djeshme të Kryeministrit Sali Berisha në qytetin e Beratit, aq sa mund të thuhet se kjo vizitë ka “terrorizuar” qytetarët e këtij qytetit. Takimi i djeshëm me banorët e qytetit të Beratit është shoqëruar me masa të rrepta sigurie. Dhjetëra civilë e ushtarakë, të ardhur nga Tirana, kanë zënë qysh në orët e para të ditës së djeshme tërë gjatësinë e rrugës automobilistike,Ura e Kuçit-Berat, 26 km, duke vënë nën vëzhgim të gjitha automjetet dhe këmbësorët që lëviznin në këtë rrugë, deri në largimin e kryeministrit nga mitingu i Beratit.

Për herë të parë, nga forcat e Gardës së Republikës nuk janë lejuar militantë të Partisë Demokratike, të dalin me veturat e tyre për të pritur Berishën tek Ura e Kuçit, dhe as në kryeqendrat e njësive të qeverisjes vendore në këtë gjatësi rruge, si në Poshnje, në Urën-Vajgurore, në Otllak etj. Ndërkohë, dhjetëra policë pa uniformë, të ardhur nga Tirana, dhe dhjetëra të tjerë me uniformë të policisë së Beratit, kanë mbajtur nën kontroll të gjithë takimin e kryeministrit Sali Berisha, nga fillimi deri në fund. Policë të gardës së republikës, me pushkë snajper, kanë zënë vend qysh në orët e para të ditë, në pikat dominuese, mbi të gjitha godinat përreth shtëpisë së kulturës “Margarita Tutulani”, por edhe tek hotel “Tomorri”, duke mbajtur në mbikëqyrje të gjitha lëvizjet e dyshimta.

Po ashtu, në hyrje dhe në brendësi të shtëpisë së kulturës, më shumë se 30 civilë të togës së shoqërimit kanë zënë vend rreth tre orë përpara takimit dhe kanë kontrolluar imtësisht, duke u bërë kontroll trupor të gjithë personave që hynin në sallë. Janë kontrolluar imtësisht gazetarët, drejtuesit lokal të pushtetit dhe partive të koalicionit të djathtë, kandidatët për kryetarë të komunave dhe bashkive të rrethit të Beratit. Por, me gjithë këtë prani të shtuar si asnjë herë tjetër në takimet e Berishës në Berat, që gjithsesi ka rënë në sy tek të gjithë të pranishmit në këtë takim, nuk pati nga fillimi deri në fund, asnjë incident për t’u shënuar.

Takimi

I shoqëruar nga kryetari i PAA-së, Lufter Xhuveli dhe kryetari i BLD-së, Arjan Starova, kryeministri Berisha e ka bërë ndalesën e parë tek “Kthesa e Lapardhasë” 5 km larg qytetit të Beratit, rreth orës 11.30 të ditës së djeshme, ku ka prerë shiritin e përurimin e segmentit rrugor të rrugës Berat-Ura-Vajgurore, të sapo asfaltuar nga firma “Salillari”, me 57.5 milion lek të buxhetit të shtetit dhe pak pas orës 12.00 ai ka hyrë në sallën e tej mbushur të pallatit të Kulturës “Margarita Tutulani”, ku është pritur thirrje e brohoritje entuziaste nga qindra pjesëmarrës në këtë takim elektoral. Në fjalën e tij para të pranishëmve, Berisha ka deklaruar se, këtë herë do t’i japë Beratit një kryetar bashkie, i cili do të shpejtojë ritmet e ndryshimit.

Kryeministri i ka ftuar banorët e Beratit të votojnë kandidatin e PD-së, Sali Hoxha dhe i sigurojë ata se, qeveria e tij do të firmosë mbështetjen e të gjitha projekteve e kryebashkiakut të ardhshëm, si dhe për të gjithë fituesit e së djathtës në zgjedhjet e 18 shkurtit. Berisha garantoi se, brenda këtij viti qeveria do të financojë ndërtimin e unazës së re për qytetin e Beratit, ndërtimin e një parku të madh industrial, financimin e përfundimit të plot të rikonstruksionit të rrugës nacionale Berat-Lushnje, financimin e asfaltimit të rrugës nacionale Poshnjë-Fier, por edhe financimin e rikonstruksionit të shumë rrugëve bujqësore dhe turistike të këtij rrethi.

Duke kërkuar votat për kandidatin e PD-së, Kryeministri Berisha akuzoi kundërshtarin e tij socialist, Fadil Nasufi, për abuzime me fondet e taksa paguesve, duke e quajtur atë “Edvinist”. Gjatë mandatit të tij, Fadil Nasufi, tha Berisha, ndërtoi vetëm tre apartamente për qytetarët e Beratit dhe një vilë për vete, sa një pallat pesëkatësh.

[Brari]

duhet pershendetur perforcimi me roje i rruges ku do te kalonte apo ndalonte Berisha sepse ne 3 korrik ju dha vota Berishes nga pjesa me e mire e popullit qe ne fakt ishte shumica e popullit qe ky njeri te udheheqe vendin nja 4 vjet e jo te perfundoje i bere shoshe qe vitin e pare te qeverisjes.. nga granat hedhesit tip Arapo jaho shyt qe stervit erion Bracja me shoke..

I lumte Gardes e atyre qe ruajne Njeriun Nr 1 te Shtetit nga mafia kanibale..

--


g55

Data: 03/02/2007

Njeriu i Pezës – harbut dhe armik i Tiranës



Fushatë e turpshme dhe pa ide e kryesocialistit, i cili po përqendrohet vetëm tek antiposterat dhe antireklamat, duke kopjuar keq idetë që jep për qytetin rivali Sokol Olldashi. Nga shtëpia-muze në Pezë, s’mund të lindë asnjë ide për kryeqytetin, përveç ato të shkatërrimit dhe të mashtrimeve të paturpshme



Kur Presidenti i Republikës, Alfred Moisiu, shpalli para një jave nismën e përsëritur edhe në zgjedhjet e 3 korrikut të vitit 2005, që konsiston në nevojshmërinë e zbatimit të një Kodit të Sjelljes që duhet të respektohet nga të gjitha palët kundërshtare në këto zgjedhjet lokale, selia rozë qe ndër të parat që doli që ta përshëndesë duke theksuar madje se shigjeta e kreu të shtetit duhet që të drejtohej kah rivalëve demokratë pasi këta nuk vuanin nga kësi simptomash. Madje vetë zëdhënsja e fushatës socialiste, Mimi Kodheli nënshkroi me koleget e saj në selinë e PDK këtë përbetim. Nuk do të kalonin vecc dy ditë që Edvini të nxirrte kthetrat e të ccirrte maskën që kishte filluar që të mbante ditët e fundit, duke u shfaqur kësijoj ai banori në Pezë që të gjithë njohin: arrogant, cinik e pa asnjë ide kreative, vecc kujdesit të veccantë në elaborimin e batutave alla Ali Komiku e që synojnë të fyejnë pa argumente kundërshtarin. Nëse kandidati demokrat apo përfaqësues të tjerë të së djathtës, kanë hedhur në drejtim të kryesocialistit akuza se ai nuk ka bërë asgjë në 6 vite vecc shndërrimit të Tiranës në një strukturë betoni, apo se ai ka patur një jetë private mjaft problematike ose se ka vuajtur disa herë nga lodhje të mëdha nervore që e kanë degdisur në mënyrë të detyruar në disa nga klinikat e shtrenja të Vjenës, të gjitha këto janë të argumentuara. Prova të shumta filmike kanë vertetuar në kohë të ndryshme shkarjet mendore të njeriut që aktualisht pretendon që të udhëheqë edhe për 4 vite në vazhdim afro 800 mijë njerëz. Ndërkaq në kontrast të plotë, Edvini

ka vënë në përdorim arsenalin e tij të ulët të shpifjeve pa asgjë bazë me anë të reklamave për të cilat edhe vetë agjencive të shumta publicitare u ka ardhur turp që

t’i publikojnë pavarësisht shumave të majme që ishin vënë në dispozicion. Për

më tepër në skemën e fushatës vuan nga një inkoherencë e dukshme e ndjekjes së ngjarjeve, duke nxjerrë kasnecët e tij një ditë më vonë nga daljet e rivalit të tij. Një sjellje e tillë me një mungesë të theksuar etike është e kuptueshme në kushtet kur Peza përvecc një peizashi idilik nuk ofron asnjë alternativë për zhvillim, gjë që qytetarët do të gjejnë këtë herë tek kandidati i së djathtës.

Saimir Kola

55
---