Zgjidhet kriza elektorale, arrihet marëveshja në zyrën e presidentit Moisiu

[Xhuxh Xhumaku]

Rama: Zgjidhja e krizes ne tryezen e Moisut, Berisha duhej te ishte I pranishem. Certifikatat e paregjistruara instrument I kryeministrit per te manipuluar zgjedhjet

Ora 20:30
Nga Ina Koxha


TIRANE (11 Janar) -Ashtu sic ka deklaruar pak me pare edhe kreu I LSI-se Ilir Meta, edhe kreu I Partise Socialiste, Edi Rama eshte I mendimit se zgjidhja e krizes parazgjedhore ndodhet ne tryezen e Presidentit Moisiu, pra se zgjidhja mund te gjendet vetem ne mynyre institucionale. Ne konferencen per shtyp te nisur ne oren 19.30, Rama ia adresoi te gjitha akuzat per situaten e krijuar ne vend, kryeministrit Berisha, te cilin e fajesoi, jo vetem per bllokimin e negociatave me mospranine e tij ne tryezen e Moisiut, por edhe si shkaktar te problemeve ekonomike te vendit, sic eshte edhe kriza e fundit energjitike ne vend, pas te ciles Berisha fshihet dhe te cilen ai e perdor per fushaten elektorale.
"Pritem gjate gjithe nates, deri sot ne mengjes, per te pasur kontributin e kryministrit te Shqiperise, por ishte nje kontribut I munguar. Impenjimi yne per te gjetur dhe formuluar nje oferte kompromisi, ishte maksimale. Te vetedijshem qe ne do t’u japim shqiptareve zgjedhje te ndershme, ku njekohesisht nuk duhet te cenohet vullneti i shumices shqiptare per t’i dhene fund kapitullit me zgjedhje te deshtuara, ne e beme oferten tone, duke e mundur te bejme sikur nuk e vume re pranine e kryeministrit, ne menyre qe te zgjidhnim ate qe eshte paresore: te gjenim zgjidhjen. Por edhe kjo ishte nje dite e humbur kot.
Ajo cka ishte per te ardhur keq, ishte prezenca dhe pozicioni I kryeministrit, I cili duhej te ishte i pranishem ne tryezen e presidentit, ne respekt te kreut te shtetit I cili ka qendruar zgjuar gjithe naten, qe te vazhdonte procesi I negociimit, i cili vazhdon te qendroje I mbyllur ne menyre te njeanshme. Duhej te ishte ne respekt edhe te forvae qe ai drejton dhe perfaqeson”, u shpreh Rama.

I pyetur per takimin e sotem mes kryeministrit Berisha dhe ish-kryeministrit Nano, Rama edhe nje here rikujtoi se zgjidhja gjendet ne institucione dhe se cdo perpjekje jashte insitucioneve ka te mirat dhe te keqijat e veta, porse Rama, - sic u shpreh - nuk paragjykon perpjekjet e atyre qe perpiqen ta gjejne kete zgjidhje. "Por Sali Berisha nuk mund t’i jape oksigjen nje politike te vjeter, u shpreh Rama i cili, me tej e ritheksoi me bindje te plote se Partia Socialiste do te fitoje ne menyre spektakolare zgjedhjet, sigurisht nese ato te te jene te drejta dhe demokratike.

Ceshtja e Certifikatave

Ne fjalen e tij Rama u ndal ne ceshtjen e certifikatave qe vazhdon te mbetet edhe ngerci I mosmarreveshjes mes paleve. Edhe per kete ceshtje Rama serish hodhi akuza ndaj kryeministrit duke e akuzuar ate se me ane te certifikatave te vjetra dhe te paregjistruara meton te manipuloje procesin zgjedhor dhe te vjedhe voten e shqiptareve. “Certifikatat e vjetra, pra te paregjistruara jane instrumenti qe kerkon te perdore Sali Berisha per te manipuluar zgjedhjet. Jemi te bindur se certifikatat e vjetra, pra ato te paregjistruara, nuk jane dokumente qe garantojne zgjedhje te lirshme dhe te drejta. Ne kemi dijeni se eshte ngritur nje skeme me ane te se ciles qeveria kerkon te manipuloje zgjedhjet. Ketu kemi nje pike e cila duhet te ndaje te shkuaren nga e ardhmja. Por ne nuk do ta lejojme kete. Ajo qe ne kerkojme ka te beje me interesat e Shqiperise dhe shqiptareve. Ne jemi plotesisht te gatshem te negociojme ne tryezen e presidentit qe nuk do te kenaqe palet, por qe do te permbushe nevojat e shqiptareve dhe ato detyrime qe kemi para partnereve tane nderkombetare”, tha kreu I PS-se, duke shtuar se opozita shqiptare eshte sistemi imunitar I demokracise se ketij vendi, dhe nese do rrezohej, atehere kjo demokraci do te pushonte se funksionuari.

( Balkanweb)

[Xhuxh Xhumaku]

presidenti, produkt i dominos sala-tosi ...

ai nuk mundet te beje e te gjeje zgjidhje, sepse u vu kur ishin bashke ne pushtet tosi e sala.

tashi qe sala eshte ne pushtet, e nano jasht loje, konfiguracioni politik eshte jashte skemes kur ai u zgjodh

moisiut iu hoq nji çengel me hikjen e nanos, sala mbeti keq

opaaaa, sala inauguron levizjen "nano kthehu" se nuk rron dot pa ate

moisiu ka dy opsione: ose ti hiqet çengeli tjeter, ose te jape doreheqje se nuk i hyn ne pun kerkujt, se vetem ngatrron.

[Xhuxh Xhumaku]

Shtehe po e marrim vesh, se kritika e Pack ka bere efekt jashzakonisht te madh.

Krahu nanoist i pis-ave do te shkeputet nga bija e bijes se nenes parti dhe do te zyrtarizoje nje levizje te re, SHKERDHATARIZMIN, e cila do te kete per bashke-kryeshkerdhatarista tosin e salen

Krahu ekstrmisto-fanatik i ped-es pritet edhe ai te shkeputet prej bijes se te njejtes parti dhe ti bashkangjitet levizjes SHKERDHATARE te kryeshkerdhataristave sale e tos.

Kjo eshte formula e shpetimit te mbijeteses politike te shkerdhatareve, nje levizje kjo e re qe tejkalon karrike-thyerit, ikanaket, zemunet, xhuvelet, e mosmirenjohes te tjere trapa qe nuk moren vesh nje here se vetem dy kryshkerdhatare ka, dhe ata duhet ti mbeten ne qafe atij mileti e vendi.

E rrofsh moj parti zuzare, qe na u zyrtarizove shkerdhatare.

[Xhuxh Xhumaku]

Ne rendin e dites, presidenti duket se ka vendosur:

SHKERDHATARIZMI dhe SI TIA BEJME NE

Se mos po i thot nanjoni se ti je vu prej kryeshkerdhatareve, e mos je edhe tina shkerdhatarist.

Shkerdhatarizmi do ti jape atij nje rrugedalje ...

[Xhuxh Xhumaku]

A thue bre ki edvin çertifikarizmi,
qe vinte prej nji lloj çimçakizmi,
do te gjej ndonji cep prizmi,
bashkegzistence shkerdhatarizmi?

[Xhuxh Xhumaku]

Balkanweb

Dy gjinekologët e zgjedhjeve
Nga Lorenc Vangjeli


Kryeministri Sali Berisha kishte vënë kravatë blu. Ish-kryeministri Fatos Nano kishte vënë kravatë rozë. Kryeministri në detyrë i mbajti gjatë gjithë konferencës së përbashkët për shtyp duart në pozicionin e duarve të futbollistëve kur formojnë barrikadën dhe kundërshtari ka rradhën e një goditjeje dënimi. Ish-kryeministri i tërhequr i mbante duart mbi bark si një prift katolik. Të dy së bashku, mbasi janë akuzuar nga kritikët e tyre se për 16 vjet me rradhë mbarsën me dhunë gjithë popullin shqiptar, dje u shfaqën si dy mjekë gjinekologë që premtuan një abort të lehtë dhe pa fjalë për zgjedhjet kopile që presim të na vijnë në derë. Në Shqipëri tashmë nuk ka mbetur asgjë për të bërë përshtypje. Dje ‘u vra’ dhe mundësia për të reaguar. Shfaqja e dy armiqve-miq ishte kaq spektakolare, lumi i pështymës reciproke së lëpirë ishte kaq i rrëmbyeshëm, sa me siguri shqiptarëve dje ju thanë dhe gjëndrat e pështymës.

Fatos Nano dje hoqi dorë nga stili i tij për komunikim nga dyert e lokaleve dhe nëpërmjet teknologjisë së preferuar të SMS-ve. Ai ngjiti shkallët e Pallatit të Brigadave, ku obsesioni i tij për karrigen e Presidentit, e bën të ëndërrojë për ish-krevatin e Perandorit. Një krevat që po t’i besojmë Dritëro Agollit, është përdorur dhe nga partizani i nderuar Meke për një natë gjumë. Nano e do për pesë vjet mandat. Ai i shtoi një gërmë më shumë, gërmën ‘L’ fjalës magjike të shqipes, ‘dialog’. Njëlloj me stilin që Enver Hoxha dikur shqiptonte fjalën ‘pllani’.
Sali Berisha dje hoqi dorë nga bindja e tij e dikurshme për emrin e përveçëm të të zezës së gjithë Shqipërisë; të mishëruar në shefin e klanit të Zemunit, kryebosit të mafias më të rrezikshme të Evropës, baronit të drogës, megahajdutit, tradhëtarit të kombit e të shiturit tek të huajt, vjedhësit të ushqimit të fëmijëve në çerdhe, kopshte, amoralit, shokut të Milosheviçit e kështu me rradhë.

Sali Berisha dje la të kuptohet se rruga për në krevatin e Perandorit kalon dhe nëpërmjet maxhorancës së tij që ai e drejton, që dje me një moral të lëkundur. Jo se ndjekësve të tij u merren mendttë nga piruetat e papritura të shefit të tyre, por sepse edhe për ta, shfaqja e djeshme ishte në kufinjtë e pabesueshmes. Berisha ka menduar dhe arsyetuar në mënyrë të thjeshtë, nëse Nano fle i qetë në atë krevat, ai mund të ngrysë i qetë mandatin e nderit të tij që fitoi në 3 korrik. Njëlloj si vetë Nano në verën e 2002, që e vuri ca muaj në gjumë Berishën për të qeverisur qetësisht.

Dy ‘pleqtë’ maç të politikës shqiptare, që kanë qëndruar lart e poshtë njëri-tjetrit, dje ishin në krah të njëri-tjetrit.

Në gusht-shtator 1999, Fatos Nano e linçoi mtonjësin e karriges së tij partiake Pandeli Majko vetëm sepse ai kishte takuar dy herë Sali Berishën, në dy përpjekje që kishin të bënin me tentativa të dëshpëruara për të krijuar një front unik të politikës shqiptare përballë zjarrit në Kosovë që rrezikonte të digjte dhe vetë Shqipërinë. Atëherë Nano e shihte Berishën si gropën e zezë të fatkeqësive që ndiqnin në mënyrë ciklike vendin. Tre vjet më pas, vetë Nano nisi një stinë dashurie me Berishën që i dha vendit një President konsensual, i hëngri kokën shefit të SHISH Fatos Klosi.

‘I kam porositur të mitë që ne edhe me djallin do të bëhemi kundër Ilir Metës. Unë nuk ndërhyj në punët e brendshme të PS-së, por në këtë betejë ne jemi me Fatos Nanon’, do të pohonte në një moment sinqeriteti Berisha në Kuvend, ndërkohë që Nano udhëhiqte betejën me një grusht besnikësh kundër ish-kryeministrit të fuqishëm Meta.

‘Na i vodhën zgjedhjet me çertifikata të fallsifikuara. Ky Kuvend i dalë nga zgjedhje me legjitimitet të dyshimtë nuk mund të zgjedhë në verën e 2007-ës Presidentin e ri të Republikës’, u jepte zemër zemërthyerve të partisë Nano, kryetar i PS humbëse në zgjedhjet e korrikut 2005. Në janar 2007, fare pak metra larg krevatit Perandorak, Nano ka ndryshuar mendim; Çertifikatat janë të mira, Kuvendi i sotëm mund të zgjedhë Presidentin e ri të Republikës dhe se qeveria legjitime nuk mund të nëpërkëmbet, tha dje Nano, natyrisht me shumë më tepër stil se një anëtar i kabinetit Berisha.

‘Jam i vendosur të punoj për zgjedhje të lira dhe të ndershme’, betohet se do të bëjë detyrën e tij kryeministri në detyrë, njëlloj sikur në një moment zemërmadhësie të vendosë t’i bëjë një favor popullit shqiptar. Duke harruar se ajo është thjesht dhe vetëm detyrë e tij. Se atëherë kur ai jo vetëm nuk siguroi zgjedhje të lira dhe të ndershme, por u kap në flagrancë duke i vjedhur ato, u ndëshkua si hajdut i zgjedhjeve vetëm një vit mbas krimit. Në një vit gjatë të cilit ndodhën të gjitha, në një vit që e shk… Shqipërinë brinjë më brinjë.

Në të gdhirën e të enjtes, rreth orës 04.00 të mëngjesit, kryeministri Sali Berisha, kryebojkotuesi historik shqiptar, mbasi kishte bojkotuar tryezën e Presidentit të Republikës, mbylli dhe celularin e tij. I munguari i madh i tryezës së dështuar kishte një plan që vendosi ta verë në skenë vetëm 11 orë më pas. Duke llogaritur një dobësi njerëzore dhe normale të një politikani karriere si Fatos Nano për punën e krevatit në Pallatin e Brigadave, teorikisht rezidencë deri në korrik e Presidentit Moisiu. Duke i dhënë një shans më shumë Nanos për të ëndërruar këtë krevat e duke marrë në këmbim justifikimin përpara të huajve: ‘Edhe me ‘djallin’ u takova për të shpëtuar zgjedhjet e lira dhe të ndershme në Shqipëri, por zgjedhjet e lira nuk i do Edvini’.

Duke i hyrë kështu një pazari që në pazarin ballkanik të këmbimit me klering është fare normal.

Dy ‘maçot’ maç të politikës shqiptare zgjodhën të thonë ‘ne’ dhe të përqafojnë njëri-tjetrin sepse të dy janë të rrezikuar njëlloj nga i munguari i pranishëm në takimin e tyre.

Edi Rama ishte dhe është ankthi dhe makthi i të dyve.

Burri i gjatë i të majtës, i la kohë Berishës dhe Nanos të shkurtojnë kujtesën e tyre dhe të harrojnë mynxyrat që i kanë thënë dhe bërë njëri-tjetrit.

Fatos Nano në kongresin e dhjetorit 2003 ishte i bindur se ai ishte Fatos Nano. Por jo vetëm kaq. Bindja e tij shkonte deri tek ideja se historia i vinte pas. Dje, së bashku me Berishën, çifti i çuditshëm politik na dëshmoi se do ta ndjekin pas historinë tonë politike si hije deri kur shqiptarët do ta pranojnë hijen mbas kurrizit të tyre. Dje ata kërkuan të dëshmojnë se ende shqiptarët janë hipotekuar në emrin e tyre.

Orë më pas Edi Rama rezistoi deri në fund të shprehej për takimin Berisha-Nano. Të njëjtën gjë bëri dhe Ilir Meta. Të dy e dinë mirë se çarçafët u ndërruan si në çdo motel të zakontë periferie. Krevati mbeti i njëjti. Ai ku në 29 nëntor 1944 kishte fjetur partizani i pafajshëm Meke. Gjynah! Vërtetë mëkat. Gjithë kjo gallatë për një krevat.

Berisha dje i mbante duart si futbollistët kur mbrojnë vendet e liga e të brishta, Nano si prift katolik dukej sikur lutej me duart në bark, po për brishtësinë e të ‘ligave’ si koncept. Maçot maç të politikës janë të zotë për gjithçka. Edhe për të qenë bashkëkryetarë të ‘turmës’ me tre milion e kusur shpirtra që flasin shqip.

[vagabondo_nyc]

PS- LSI, arrihet marrëveshja


Shekulli
16-01-2007


Edi Rama dhe Ilir Meta gjate konferences se djeshme per shtyp



TIRANË-Arrihet marreveshja mes Partisë Socialiste dhe Lëvizjes Socialiste për Integrim për kandidimin në zgjedhjet vendore të 18 Shkurtit. Pas dy ditë negociatash, jo fort të lehta mësohet se marrëveshja është mbyllur dhe PS e LSI së bashku me tre partitë e tjera aelate, do të dalin me kandidatë të përbashkët në 384 njësitë vendore të Shqipërisë. Kështu dje në mbrëmje dy liderët, Rama dhe Meta, gjetën kompromisin për zonat e diskutuara gjatë këtyre dy ditëve. Pika më e nxehtë ka qenë për bashkitë, pasi për komunat situata paraqitej më e lehtë. Burime nga të dy partitë i thanë dje Shekullit se në bashkinë e Corovodës, do të kandidojë i përzgjedhuri i LSI-së dhe i mbështetur nga gjithë opozita. Po kështu kandidatët e LSI-së të mbështetur nga opozita do të garojnë përballë atyre të mazhorancës nëbashkitë e Poliçanit, Lushnjës, Lezhës, Ura Vajgurore, Rreshenit, Patosit, Krujës dhe ndoshta Sukthit. Ndërsa sa i përket komunave nga 75 komuna që kishte kërkuar LSI, marrëveshja e arritur mbrëmë përfshin vetëm 65 komuna për kandidatët e LSI-së të mbështetur nga opozita. Arritjes se kësaj marrëveshje i parapriu deklarata e mbajtur që dje në mesditë nga kryetari i PS-se, Edi Rama. Ky i fundit pas takimit të zhvilluar me drejtuesit e LSI-së, u shpreh se çështja e zonave zgjedhore ishte pranë zgjidhjes dhe se nuk përbënte problem kohëzgjatja e negociatave. Pas perfundimit të bisedimeve mes dy partive, sot pritet të firmosen marrëveshjet e bashkëpunimit me PSD-në, PAD-në dhe PDS-në. Në këtë mënyrë, PS i jep fund negociatave me partitë aleate të saj, duke konfirmuar se do të shkojë me kandidatë të përbashkët në zgjedhjet që pritet të mbahen në datën 18 Shkurt.


Bashkitë
LSI
Çorovodë

Poliçan

Lushnjë

Lezhë

Ura Vajgurore

Patos

Divjakë

Rrëshen

Krujë

Sukth

[Xhuxh Xhumaku]

Fshati rrethon qytetin, maoizmi eshte ende gjalle ne zemrat e lejfenizmit shqiptar ...

[[A-SHKODRANI]]

BE përshëndet rolin e presidentit Moisiu ne marrëveshjen e 12 janarit për zgjedhjet në Shqipëri

Bashkimi Evropian e përshëndeti marrëveshjen e arritur më 12 janar nga partitë politike të Shqipërisë për modalitetet e zgjedhjeve vendore si dhe miratimin e amendamenteve kushtetuese dhe të kodit zgjedhor nga Parlamenti më 13 janar.

Në një deklaratë, Këshilli i Bashkimit Evropian vlerëson Presidentin Alfred Moisiu për rolin vendimtar, siç e quan ajo, në ndërmjetësimin e marrëveshjes. Bashkimi Evropian thekson se të gjitha forcat politike të Shqipërisë duhet tani të venë në zbatim marrëveshjen duke punuar së bashku në mënyrë konstruktive dhe pa vonesë.

Në deklaratë thuhet se zhvillimi i zgjedhjeve të drejta e të lira është një kërkesë e domosdoshme për forcimin e marrëdhënieve me Bashkimin Evropian.

[King_Arthur]

vertet presidenti i republikes luajti nje rol kryesor ne harritjen e kesaj marrveshje