ani ani veq po mbetim mbrapa se ne dash edhe mbret pe bejme berishen,veq u qu pluhur me keto zgjedhje vendore,shpejt vjen vera e presidenti kerkun,zgjedhjet e parakohshme dhe nuk fiton berisha e dim mire te 97 si e leshoi kariken,po i lutna zotit ishalla nuk perseritet 91 e 97
fjalete qafezezit nuk duan shume shpjegime te tjera dhe une e mendoj si ai mendoni 1944 1997 kete duan perseri ne 2007 keta hokataret e majte
DHE NJE DITE TE GJITHE DO TAKOHEMI ATJE.....
Duart lart! Mareshalli dorezohet
Data e Publikimit: 26/12/2006
Autori i Lajmit:
A.K.
Tiranë
- Më në fund kryeministri I vendit, pavarësisht se sa kokëfortë është, u bind se nuk mund të ketë një qëndrim si ai që ka mbajtur në lidhje me zgjedhjet, pafundësisht. Ndërkohë që nga ana e drejtuesve të opozitës së bashkuar I janë drejtuar thirrje të panumërta kryeministrit për konsensus, Berisha shprehej se nuk dot kishte një datë tjetër nga ajo e 20 janarit. Berisha duke u kapur pas kësaj date që nga presidenti I Republikës u dekretua si data për zhvillimin zgjedhjeve vendore të rradhës, nuk pranonte asnjë propozim që I vinte, duke I quajture të gjitha antikushtetues dhe në kundërshtim me ligjin. Por më në fund kryeministri I Shqipërisë, është detyruar që të ulë shpatën e tij, dhe të pranojë se ka bërë deklarata të nxituara në lidhje me ndryshimin e datës së zgjedhjeve. Ai dje për të parën herë ka arritur të artikulojë se është e mundur që zgjedhjet të jenë në një tjetër datë. Por duke u munduar ta zbuste efektin që kishte për të dhënë një mesazh I tillë, ka shtuar se data e re do të jetë vetëm brenda afateve Kushtetuese. Sipas Ligjit, afati I fundit Kushtetues, mund të jetë 18 shkurti, që I bie, që zgjedhjet të mund të shtyhen të paktën me 4 javë, nga data e dekretuar nga presidenti. Në këtë mënyrë Berisha ka pranuar se mund të ketë edhe ndonjë shans për konsensus mes palëve, apo për garantimin e standardeve ashtu si I kërkon opozita e majtë, për hyrjen në zgjedhje. Problemi mes krahëve të politikës, pavarësisht se u importua nga komisioni I reformës zgjedhore, pati një kulm në momentin që nga ana e kreut të shtetit u bë dekretimi i datës së zgjedhjeve, që sipas tij do të ishte 20 janari. Pas shumë e shumë përpjekjesh për konsensus nga palët, tashmë është arritur deri në pikën që politika duhet të garantojë popullin që të votojë I lirë dhe të jetë mundësia që të merret parasysh vota e tij. Lidhur me këtë opozita ka ende dy pretendime kryesore siç janë afati për përgatitjen e lisave që për 20 janarin ishin të pamundura në mënyrë absolute, dhe gjithashtu për certifikata të posaçme në mënyrë që të mos ketë asnjë mundësi manipulimi. Ditët në vijim megjithëse prag festash kanë për të qenë të mbushura me qëndrime të krahëve në lidhje me procesin zgjedhor për zgjedhjet vendore.
Ndryshuar për herë të fundit nga Humdinger : 26-12-2006 më 19:09
Opozita: Berisha te zhduke Çertifikatat
Data e Publikimit: 26/12/2006
Autori i Lajmit:
A.K.
Tiranë
- Pas një takimi që është bërë pasditen e djeshme nga pesë krerët e opozitës së bashkuar, është shprehur mendimi se e majta është e gatshme që të hyjë në zgjedhje që sot, por vetë se duhet të ketë garanci për këto zgjedhje. Sipas lideri të partisë Socialiste të Shqipërisë, Edi Rama, askush nuk kërkon shtyrjen e zgjedhjeve, për interesa ashtu siç e interpreton kryeministri apo shumica, por opozita kërkon vetëm një afat prej 7-8 javësh që të jetë mundësia brenda këtij afati të përfundojnë listat zgjedhore në të gjithë qeverisjen vendore të drejtuar nga e majta, dhe gjithashtu një pikë tjetër shumë e rëndësishme që opozita e bashkuar ë theksin janë certifikatat. Duke u shprehur totalisht kundër hyrjes në zgjedhje me certifikatat e momentit dhe duke vënë theksin se ato janë të pa garantuara dhe të manipulueshme, liderët e majtë, i kanë kërkuar dje asistencë përfaqësuesve të ODHIR-it, që sipas raportit të fundit të bërë nga ndërkombëtarët është ofruar një ndihmë e tillë. Rama i ka drejtuar një thirrje publike Berishës duke e ftuar që të shtohet në një tryezë me të gjithë opozitën e bashkuar në funksion të arritjes së një pike të përbashkët në të mirë të vendit dhe në funksion të zgjedhjeve, dhe për pasojë të arrihen të përmbushen dhe që këto dy standarte. Në rast se kjo ka për të ndodhur sipas Ramës e majta ka për të dhënë konsensusin e saj për ndryshime në Kodin Zgjedhor, dhe në Kushtetutë, ndryshime që kanë mbetur vetëm dhe në këtë mënyrë, do të kemi edhe një proces zgjedhor të lirë dhe legjitim.
Rama: Gati per 7-8 jave
Data e Publikimit: 26/12/2006
Autori i Lajmit:
A.K.
Tiranë
- Kreu i partisë Socialiste të Shqipërisë në një takim që ka zhvilluar dje me gjithë të zgjedhurit vendorë socialistë, ka rikonfirmuar edhe njëherë se e gjithë opozita është e bashkuar dhe se nuk ka asnjë qëndrim kundër brenda saj. Sipas Ramës nuk ka asnjë amulli brenda së majtës, por gjithë çfarë është thënë në këtë drejtim, janë thjesht tentativa për të përçarë opozitën që tani më shumë se kurrë është e bashkuar dhe ka për të mbajtur një qëndrim të palëkundur për të kërkuar plotësimin e standardeve në lidhje me zgjedhjet vendore që janë përpara. Lidhur me këtë dhe me procesin që siç e ka nisur Sali Berisha dhe shumica është i jashtëligjshëm, Rama u shpreh se ".Dua të nënvizoj për të gjithë ju se gjatë ditëve të fundit ka pasur një përshkallëzim të politikës së vjetër të diversionit brenda kampit opozitar dhe është kërkuar me këmbëngulje që ky kamp të duket i përçarë apo i ndarë në lidhje me përcaktimin e afatit optimal për datën e zgjedhjeve. Dua të theksoj se e gjithë kjo nuk ka të bëjë me të vërtetën e thjeshtë se Partia Socialiste e Shqipërisë dhe opozita e bashkuar mbeten në qëndrimin e tyre të kahershëm se proçesi zgjedhor i iniciuar është i paligjshëm dhe se një proçes zgjedhor i ligjshëm kërkon konsensus mes të gjitha forcave politike dhe një kod zgjedhor të vlefshëm për t'a iniciuar atë dhe ky kod i vlefshëm për t'a iniciuar atë mund të miratohet vetëm me 84 vota e lart dhe se në mungesë të 84 votave asnjë proçes i njëanshëm nuk mund të quhet i ligjshëm", tha ai. "Thënë të gjitha këto dua të ritheksoj edhe njëherë tjetër se nuk ka asnjë paqartësie dhe asnjë lloj amullie as Brenda partisë socialiste të Shqipërisë dhe as në rradhët e opozitës së bashkuar përsa I takon standarteve. Të gjitha të tjerat janë deklarata apo prononcime tranzit në një periudhë kohore kur mungesa e lajmit ka kthyer në lajm fjalë të qepura keq që në fakt nuk përbëjnë lajm, për ne është e thjeshtë lista të besueshme dhe çertifikata të posaçme", vuri theksin Rama.
Opozita: Afate 7-8 jave per listat
Tiranë- Duke u shprehur se janë për të zgjidhur gjithë tensionin e krijuar në politikë dhe për një proces zgjedhor të ndershëm sipas standardeve opozita kërkon një afat për përgatitjen e listave,. Të paktën 7-8 javë që të jetë mundësia e hartimit të tyre, dhe kontrollit nga zgjedhësit. Sipas Ramës duhet bërë përmirësimi në një kohë të arsyeshme "ne do të jemi plotësisht të gatshëm që t'I japim edhe kontrollit të palëve apo dhe qytetarëve, edhe proçedurës së ankimimit nëse pranohet 7-8 javëshi nga dita e marrjes së vendimit të përbashkët për t'I hapur rrugë procesit".
Procesi i përligjshëm, ligjërohet vetëm me ndryshime në Kod
Tiranë- Duke bërë një analizë të gjithë gjendjes në vend, Rama ka theksuar se procesi aktual i nisur për zgjedhjet është i jashtëligjshëm. "Ju e dini fare mirë se vendi sot gjendet në një udhëkryq dhe vetë proçesi zgjedhor gjendet në një udhëkryq, nga njëra anë një proçes zgjedhor i paligjshëm të iniciuar nga pjesa e politizuar e KQZ-së dhe të pambështetur në ligj dhe nga ana tjetër ka një ligj për zgjedhjet i cili është Kodi Zgjedhor i Republikës së Shqipërisë i aprovuar me konsensus nga e majta dhe e djathta dhe i ndryshueshëm vetëm me konsensus", ka theksuar Rama me krerët vendorë, duke shtuar se e vetmja rrugë është ndryshimi i kodit.
Kërcënimi i Berishës i kotë, s’largon dot vendorët, s’ka tagër
Tiranë- Kërcënimi i kryeministrit se pas datës 20 shkurt s'ka për të lejuar të rrijë në zyrat e qeverisjes vendore asnjë nga krerët aktualë, madje duke shkruar edhe me tej se nëse ato nuk dalin, ka për të ndërhyrë me dhunë, është tërësisht i kotë si presion. Kjo për vetë faktin se kreu i qeverisë nuk ka asnjë tagër për të bërë një veprim të tillë, madje përkundrazi ai nuk ka fare lidhje me qëndrimin e tyre në këtë detyrë, pasi ato janë të zgjedhur nga populli. Berisha nuk ka tagër të bëjë largimin e vendorëve nga zyrat, siç është shprehur.
Shqipëri: Zgjedhjet vendore brenda 20 shkurtit
Armand Mero
26-12-2006
Në Shqipëri shumica dhe opozita kanë gjetur mirëkuptim për ndryshimin e datës së zgjedhjeve duke i hapur rrugë kështu mundësisë për arritjen e një marrëveshjeje që do të zhbllokonte krizën.
Kryeministri Sali Berisha i cili gjatë gjithë kësaj kohe kishte përsëritur me këmbëngulje se data 20 janar e dekretuar nga Presidenti Alfred Moisiu ishte një çështje e panegociueshme, sot u tërhoq nga qëndrimi i tij. Në përfundim të një takimi elektoral në Durrës zoti Berisha u shpreh se koalicioni i djathtë në pushtet ishte në favor të shtyrjes së datës së zgjedhjeve brenda afateve kushtetuese. Zoti Berisha iu referua për këtë datës 20 shkurt, koha kur mbaron mandati i drejtuesve aktual të pushtetit vendor.
Pak përpara deklaratave të zotit Berisha edhe partitë e opozitës kishin deklaruar se periudha brenda 20 shkurtit linte hapësira për hartimin e listave të sakta të zgjedhësve dhe garantimin e standarteve të domosdosshme. Por opozita i është përmbajtur kërkesës së saj për të patur çertifikata të posaçme për votuesit të cilat sipas saj do të duhet të përcaktoheshin me ndihmën e ekspertëve të ODHIR-it. Nuk dihet në se kjo kërkesë do të merret parasysh nga shumica por me tërheqjen e saj nga çështja e datës, nesër pritet të rinisin bisedimet mes palëve për ndryshimet e nevojshme të kodit elektoral.
PD do të ,emërojë bashkiakët e saj pas 20 shkurtit
Skema e kryeministrit pas skadimit te mandateve
Valentina MADANI
Maxhoranca bën gati vendimin për emërimin e pushtetarëve të rinj lokalw. Skema e re e qeverisë, e paralajmëruar nga kryeministri Sali Berisha ditët e fundit, do të gjejë zbatim mw 20 shkurt, kohë kur përfundon dhe mandati i të zgjedhurve vendorw të vitit 2003. Por stafi i kryeministrit bën të ditur se kjo skemë e qeverisë do të funksionojë vetëm në rast se opozita e majtë bojkoton zgjedhjet vendore të 20 janarit.
Por që vendimi të bëhet sa më kushtetues, maxhoranca do ta rregullojw atë përmes Kodit Zgjedhor duke përgatitur një amendament të posaçëm, i cili do ta bëjë edhe më konkret shkarkimin e pushtetarëve lokalë. Kushtetuta nuk e parashikon që qeveria të shkarkojë të zgjedhurit vendorë pas përfundimit të mandatit të tyre, por në bazë të saj, në momentin që u mbaron mandati, ata duhen zëvendësuar. Pikërisht këtë gjë do të bëjë dhe maxhoranca e djathtë, e cila vazhdon t’i bëjë thirrje opozitës për pjeswmarrje në zgjedhjet vendore të 20 janarit. Madje, duke i garantuar arritjen e të gjithë standarteve që kanë të bëjnë me një garë të barabartë zgjedhore. Kryeministri Sali Berisha ka kërkuar mirëkuptimin e opozitës për të marrë në shqyrtim paketën me propozimet e koalicionit qeveritar ndërkohë që ka bërë të qartë se askush nuk do të qëndrojë në karrige përtej datës 20 shkurt, kohë kur përfundon mandati i të gjithë të zgjedhurve lokalw. Shprehimisht Berisha është shprehur: “Një gjë është e sigurt se në këtë vend nuk do të mund të qwndrojë njeri në karrige jashtë mandatit. Kjo është absolute. Jashtë kohës së përcaktuar nga ligji të afatit ligjor të mandatit, askush nuk do të mund të qwndrojë në karrige, as edhe një ditë të vetme. Republika është e fortë sa asnjëherë tjetër. Ndaj të punojmë në kuadrin e Kushtetutës dhe të ligjeve. Jashtë mandatit do të thotë të shohësh veshin pa pasqyrë apo të gjesh një eskimez në shkretëtirë”.
Sipas tij, afati kushtetues i mandateve është i qartë. Për këtë, Berisha argumentoi se çdo qytetar i këtij vendi, nga kreu i shtetit deri te të mandatuarit e tjerë, duhet ta harrojë se mund të qwndrojë jashtë asaj që i takon, ajo karrige është e tjetërkujt dhe jo e tij, cilido qoftë ai. Kjo, sipas kryeministrit, është absolute.
Në Nenin 115 të Kushtetutës, në kapitullin e “Qeverisjes Vendore” thuhet: “Organi i zgjedhur i drejtpërdrejtë i njësisë së qeverisjes vendore mund të shpërndahet ose të shkarkohet nga Këshilli i Ministrave për shkelje të rënda të Kushtetutës ose të ligjeve”. Ndërkohë, nëse qeveria ndjek këtë rrugë pas 20 shkurtit duhet të presë të paktën 15 ditë, periudhë qw i vihet në dispozicion organit të shpërndarë për t’u ankuar në Gjykatën Kushtetuese dhe nëse organet e shkarkuara e bëjnë një gjë të tillë, qeveria duhet të presë qw Gjykata Kushtetuese të marrë vendimin e formës së prerë. Edhe në Nenin 42 të ligjit “Për organizimin dhe funksionimin e pushtetit vendor”, thuhet: “Kryetari i komunës ose bashkisë shkarkohet me vendim të Këshillit të Ministrave në rastet kur kryen shkelje të rënda të Kushtetutës ose të ligjeve”.
26 Dhjetor 2006
Titulli i kësaj teme, NUK I PËRGJIGJET MË AKTUALITETIT, sepse Berisha pranoi thyerjen dhe nuk do ketë zgjedhje në 20 Janar... gjithashtu në zgjedhje nuk merr pjesë vetëm LSI-ja por edhe shumë parti të tjera.
Ju faleminderit.
26/12/2006
Kryeministri Berisha dha sot në mbrëmje një intervistë për Televizionin Publik Shqiptar, gjatë së cilës bëri këto komente lidhur me zgjedhjet:
Pyetje: Zoti Kryeministër, do t’i jepni opozitës konsensusin për shtyrjen e datës së zgjedhjeve gjithmonë brenda afateve kushtetuese?
Kryeministri: Kam mirëpritur dhe përshëndes vendimin e fundit të opozitës, me të cilën ata informuan bashkërisht, fillimisht ishin 2 parti, ndërsa tani janë të gjitha sëbashku, se do të marrin pjesë në zgjedhje dhe se kërkojnë që zgjedhet të zhvillohen brenda afatit kushtetues, data e fundit e të cilit është data 20 shkurt.
Ky vendim i jep fund një spirali absurd qendrimesh, me të cilat, në mënyrën më të pakonceptueshme, perpiqej t’u dëshmohej shqiptarëve dhe Evropës se qytetarët shqiptarët nuk dinë të votojnë, nuk mund të votojnë dhe nuk do të votojnë. Prapa këtij vendimi natyrisht kishte një prapavijë si projekt jashtëzakonisht i rrezikshëm, ndonëse isha i bindur se çështja do të zgjidhej dhe se asgjë nuk do të mund ta nxirrte Shqipërinë nga shinat e demokracisë dhe të zhvillimit.
Pas dekretimit të datës nga Presidenti, zoti Edi Rama deklaroi se do të merrte pjesë në zgjedhje dhe brenda 40 orëve ndërroi pllakën. Gjatë gjithë kësaj periudhe, ai zhvilloi një proces, nga njëra anë, bllokimi dhe, nën udhëra të tij, të sabotimit të procesit zgjedhor, që nuk ka ndodhur asnjëherë në Shqipëri dhe asnjëherë në vendet e lira, në Evropën e pasluftës. Nga ana tjetër, duke deklaruar e bërtitur çdo ditë për standarte, ai i shkelte me këmbë duke mos lejuar hartimin e listave, duke mos lejuar regjistrimin e kandidatëve dhe bllokimin e KZQV-ve, pra, duke dhunuar në çdo shkronjë Kodin Elektoral, një ligj konsensual, më konsensual edhe sesa Kushtetua e vendit.
Megjithatë është e rëndësishme që zgjedhjet të zhvillohen në afatin kushtetues. Qendrimi ynë ka qenë i prerë dhe i qartë: nuk pranojmë zgjedhje jashtë mandatit kushtetues, nuk pranojmë mandate të pavotuara jashtë afateve që ka përcaktuar Kushtetuta. Eshtë e vërtetë që data 20 shkurt është data e fundit e mandatit të të zgjedhurve vendorë. Presidenti caktoi datën 20 janar dhe mendoj se e caktoi bazuar mbi një analizë të drejtë ligjore kombëtare dhe ndërkombëtare, por 20 janari kishte mundësi të spostohej në rast se do të bëheshin ndryshime në Kodin Zgjedhor, për të cilat ne nuk mund të angazhoheshim pasi nuk kishim 84 vota. Në rast se maxhoranca do të kishte patur 84 vota, ajo do ta ofronte këtë mundësi si një mundësi të dytë.
Zhvillime pozitive ndodhën sepse dy parti të opozitës vendosën të votojnë në parlament Kodin Zgjedhor, t’i krijojnë mundësi Presidentit për të dekretuar zgjedhje të tjera, sepse aktualisht Presidenti nuk mund të dekretojë zhvillimin e këtyre zgjedhjeve pa një ligj të parlamentit, i cili kërkon 84 vota.
Ky zhvillim i ri u bë i mundur sëbashku me faktorë të tjerë. Duhet të pranojmë se një rol të rëndësishëm kanë luajtur aleatët e mi, të cilët në çdo rast kanë qenë në kërkim të një zgjidhjeje të mundshme. Rol të rëndësishëm ka luajtur dialogu në tërësi. Pavarësisht nga pozicioni, çdo ditë ka patur dialog midis forcave politike, eksponentëve të tyre. Rol të rëndësishëm ka luajtur faktori ndërkombëtar, i cili ka insistuar qartazi në respektimin e kushtetuetshmërisë së vendit. Rol të rëndësishëm kanë luajtur mediat, të cilat nuk u pajtuam me qendrimet absurde, me zëvendësimin e standarteve me pretekstin. Mediat u bënë avokatët e interesit të votës së shqiptarëve. Analistët, me opinionet e tyre, u shndërruan edhe ata në një faktor shumë të rëndësishëm të përpunimit të një qendrimi të ri.
Mund të them se, vërtet, këto ditë role të rëndësishme kanë luajtur partitë tona aleate me disa parti të majta, por nuk mund të them se u transformua e tërë opozita brenda disa orëve. Ishin të shumtë ata, në gjirin e PS, që kërkonin zgjidhje, kërkonin zgjedhje dhe vetëm një pakicë e tyre pretendonte se zgjedhjet duhej të shtyheshin për në tetor, se zgjedhjet duhet të shtyheshin për në pranverë, se zgjedhjet dështuan dhe se Shqipëria nuk mund të bëje zgjedhje, deri në paranoja të tilla se ka dështuar republika, se Kodi Zgjedhor, që është një ligj konsensual, ka falimentuar.
Natyrisht në të gjithë këtë zhvillim, forcat politike janë udhëhequr edhe nga faktorë bazë, nga disa interesa të veçanta kombëtare, zhvillime të rëndësishme kombëtare. Mendoj se çdo njeri i ka patur parasysh investimet publike dhe private, të cilat kërkojnë një klimë paqeje dhe janë jetike për Shqipërinë, si dhe reformat në tërësi. Pra, një kompleks faktorësh solli këtë zhvillim të sotëm, të cilin unë e konsideroj një zhvillim shumë pozitiv.
Pyetje: Për ju personalisht cilat ishin motivet për arritjen e konsensusit?
Kryeministri: Motivet ishin të përgjithshme, sikundër edhe të forcave të tjera politike. Një motiv shumë madhor ishin dhe janë disa interesa kombëtare të veçanta, të cilat trajtohen gjatë këtyre muajve. Një motiv po kaq madhor është nënshkrimi i Marrëveshjes së Stabilizim Asociimit dhe mesazhi i Rigës. Faktikisht këto janë dy ngjarje historike për shqiptarët. Ne jemi zotuar në mënyrë të përsëritur se do të marrim çdo masë, çdo vendim për të përshpejtuar anëtarësimin në NATO dhe BE. Në këtë kontekst, e kam theksuar edhe në dalje të mëparshme publike, unë nuk mund të kufizohem nga asgjë për t’i shërbyer këtyre dy objektivave historikë më madhore për të ardhmen e vendit.
Gjithashtu kanë ndikuar sigurisht ritmi i reformave, të cilat janë jetike për vendin. Ka një vërshim të paparë të biznesit ndërkombëtar drejt Shqipërisë dhe kjo do të kishte një impakt jo pozitiv.
Por jo më pak është vota e lirë. Edhe në marrëveshjen e gushtit kam deklaruar se e pranova atë marrëveshje me qëllimin më të mirë që të rritet ndjeshëm besueshmëria e opozitës në procesin zgjedhor.
Aleatët janë edhe ata një motiv. Një qeveri koalicioni është qeveri koalicioni dhe jo e një partie. Në këtë kontekst, brenda programit, pa asnjë mëdyshje, je i detyruar të përfillësh zërin e tyre, aq më tepër kur ai ishte në sintoni edhe me përpjekjet e mia.
Unë kam bërë përpjekje çdo orë dhe çdo ditë për të arritur në një zgjidhje të qendrueshme. Problemi i madh nuk ishte lëvizja e datës, e theksoj nuk ishte problem lëvizja e 20 janarit. Problem ishte fiksimi i datës tjetër, sepse dikush e konceptoi atë datë si një datë që nuk e jepte, si një datë me të cilin mund të tërhiqte zvarrë zgjedhjet dhe vendin. Në rast se nuk do të përcaktohej një datë brenda afatit kushtetues, ne do të ecnim në emër të kushtetuetshmërisë dhe shtetit ligjor, kishim dekretin e Presidentit, ishte afati kushtetues, ishin ligjet që diktonin datën e zgjedhjeve. Ne do të shkonim drejt zgjedhjeve absolutisht me defekt serioz pa opozitën, por fondamentale ishte që askush të mos merrte peng procesin zgjedhor. Besoj se bëmë një zgjidhje shumë të mirë. Një pjesë e opozitës e kuptoi se teza dhe pikëpamja se zgjedhjet dështuan, se Kodi Elektoral ka dështuar, se këtu nuk po mbahen zgjedhje, se ato do të shtyhen në tetor, ishin absurditete shumë të dëmshme për vendin, por edhe për opozitën.
Pyetje: Zoti Berisha konsensusin e jepni për opozitën në tërësi, apo për një pjesë të saj?
Kryeministri: Të jem i sinqertë zgjidhja nisi me një pjesë të opozitës, me atë pjesë të opozitës e cila deklaroi se standartet dhe sebepet janë dy gjëra të ndryshme, se kushtetuetshmëria duhet respektuar dhe mbi këtë bazë mori një vendim shumë të rëndësishëm për të votuar Kodin Zgjedhor. Natyrisht kërkoi shtyrjen e datës së zgjedhjeve në mënyrë që listat të kishin një kohë më të gjatë ekspozimi. Dhe kjo plotësisht normale.
Ne paraqitëm, bashkë me partitë aleate, një paketë të rëndësishme. Një paketë, e cila nuk them se ishte e përsosur, por që dëshmonte vullnetin tonë të hekurt e të qartë për të bërë çdo përpjekje, për të dhënë çdo siguri për të gjithë ata që e kishin me sinqeritet dhe që vërtet donin të paraqiteshin në zgjedhje, që i konsiderojnë ato të domosdoshme. Po të kemi parasysh, zhvillimet nisën para paketës, por ecën me shpejtësi pas dorëzimit të saj.
Pyetje: Çfarë prisni nga seanca e nesërme plenare zoti Berisha?
Kryeministri: Në seancën e nesërme plenare, ne shkojmë të vendosur të votojmë amendamentet e përbashkëta, të cilat i japin transparencën e plotë procesit zgjedhor, që janë të domosdoshme, sikundër qendroj edhe një herë i gatshëm për të votuar amendamentet e bazuara në marrëveshjen e gushtit, pavarësisht se ato nuk kanë të bëjnë pothuajse fare me koalicionin, janë të tëra në interes të opozitës. E kam theksuar ditën kur u nënshkrua marrëveshja dhe deri më sot që për mua është e rëndësishme që të rritet besueshmëria e opozitës në procesin zgjedhor dhe jam gati t’i votoj ato.
Pyetje: Në media ka qarkulluar nga një zyrtar se një kontribut në arritjen e konsensusit ka patur Fatos Nano. Vërtet e ka ai këtë meritë?
Kryeministri: Unë shpjegova qartësisht sesi u zhvillua. Nuk përjashtoj faktin se fjala e tij në parlament, insistimi i tij për respektimin e marrëveshjeve dhe largimi nga praktikat obstruksioniste të opozitës, - Edvini tha u mallëngjeva dhe mund ta kuptoni sesi mallëngjehet ai, nuk mund ta marrësh parasysh psikologjinë e tij, - e sigurtë është se tek një shumicë e madhe deputetësh të PS-së ajo pati ndikim. Sesi i kanë marrëdhëniet brenda e tyre absolutisht nuk e di, por di që fjala pati një impakt pozitiv. Këtë nuk mund ta injoroj. Marrëveshjet janë për t’u zbatuar, konsesuset janë për t’u mbajtur dhe jo për t’u hedhur poshtë. Disa nga pikëpamjet e paraqitura në fjalën e tij në parlament u komentuan në mënyra të ndryshme. Edvini tha se u mallëngjeva, por të tjerët nuk them se nuk u lehtësuan.
Kryeministri i Shqiperise
Departamenti i Informacionit
A e paska ndryshuar daten sala a???!!!
Po shume e zhurmen e bani per asgje edhe ne fund u dorzua a "burri i fort qe eshte"
Do t´i luftoj spiunet dhe tradhtaret e kombit deri ne vdekje.
Regullat e Postimit
Përgjigju Duke Cituar
Krijoni Kontakt