(Marre nga Shekulli)
Zbulohet një lokal që përdorej për qëllime prostitucioni dhe prangoset pronarja, e cila ushtronte detyrën e tutores së femrave që shfrytëzoheshin. Në orët e vona të mbrëmjes së mërkurë, policia e sektorit kundër trafiqeve, në bashkëpunim me policinë kriminale dhe atë të rendit, kanë vënë në pranga 38-vjeçaren Salush Subashi, banore e lagjes “1 Maj” të rrethit të Kuçovës, me akuzën për “shfrytëzim prostitucioni”, “mbajtje e lokalit për shfrytëzim prostitucioni”. Për realizimin e këtij aksioni është lëshuar një fletë-arresti nga prokuroria e rrethit, e cila, është bërë pas denoncimit të 22-vjeçares, Marsela B., e cila ka akuzuar Subashin se e ka shfrytëzuar për qëllime prostitucioni.
Operacioni
Sipas burimeve zytare të policisë, Subashi është pronare e një lokali të marrë me qera në lagjen “Metehor” që ndodhet në anë të rrugës kombëtare Ura-Vajgurore – Kuçovës. Prej disa ditësh ekspertë të zyrës së anti-trafiqeve kishin mbajtur nën vëzhgim restorantin, ku u konstatua se ai përdorej për qëllime prostitucioni. Kjo bëri që forcat policore të ndërmarrin një kontroll të imtësishëm, ku raportohet zyrtarisht se janë gjetur të fshehura në një nga sirtarët e dhomave rreh 70 copë prezevantiva, të cilët përdoreshin nga klientët. Po të njëjtat burime thanë për gazetën se për pronaren e këtij lokali ka pasur edhe një denoncim në organin e prokurorisë të rrethit nga vetë kamerierja, të cilën pronarja e shfrytëzonte për qëllime prostitucioni. Dhe në këtë rast ka qenë vetë prokurori i rrethit Xhemal Saliaj, ai që ka lëshuar fletë-arrestin. Pas përpilimit të dosjes është bërë edhe aksioni, i cili rezultoi me prangosjen e 38-vjeçares Subashi
Hetimi
Grupi që po vëzhgonte lokalin kishte parë që hynin e dilnin nga lokali që ndodhet buzë rrugës shumë meshkuj. Më pas policia ka bashkëpunuar edhe me disa nga klientët, të cilit kanë deponuar se kamarierja Marsela B., përveç punës që bënte, detyrohej nga pronarja që bënte edhe punën e prostitutës. Menjëherë sapo është thirrur nga organet hetimore, 22- vjeçarja ka dëshmuar për përdorimin e këtij lokali për qëllime prostitucioni si dhe aktivitetin e saj 6-mujor. “E denoncova sepse pronarja jo vetëm më shfrytëzonte, por ka marrë më shumë lekë nga puna ime”, - pohon viktima, e cila ka deponuar në polici në qershor të këtij viti.
Marsela ka punuar për dy javë në detyrën e caktuar, si kameriere dhe më pas, ajo është detyruar nga pronarja që të bëjë edhe detyrën e prostitutës në lokal. Fillimisht e ka pranuar ta bënte një punë të tillë, pasi ishte në gjendje të vështirë. “Për çdo klient merrnim 10 mijë lekë, të cilat i ndanim me pronaren”, - mësohet t’i ketë thënë viktima grupit hetimor. Sipas burimeve zyrtare, 22-vjeçarja shkonte çdo ditë me 15-20 klientë. Brenda një kohe të shkurtër, Subashi krijoi një klientelë shumë madhe. Ndërkohë “viktima”, pas denoncimit, është shoqëruar në një nga qendrat e rehabilimit, ku pritet të qendrojë deri në zbardhjen e plotë të kësaj ngjarjeje. Më në fund, ekspertët e policisë në zyrën e Antri-trafiqeve, në bashkëpunim me policinë kriminale më në fund shoqëruan dje në dhomat e paraburgimit të komisariatit të Beratit pronaren e lokalit, Salush Subashi, e cila rrezikon të dënohet deri në 7 vjet burg për veprat penale që akuzohet.
Përgjigju Duke Cituar
Postuar më parë nga pllugu
.
Krijoni Kontakt