Merkato e janarit !

[strong_07]

Merkato: Fiore te Livorno, Xhiakomaci te Palermo

Masimo Makerone është kthyer nga Midëllsbrou te Siena dhe sulmuesi shprehet: "Do ta nis nga Siena ku kam gjithë besimin e duhur, që ndërkohë më mungonte në Angli. Përvoja ime në Angli nuk doli me sukses, sepse futbolli atje është shumë ndryshe nga ai italian, sepse përqendrohen më tepër tek ana fizike, por ka edhe shumë zakone ndryshe, përfshi edhe atë të ushqimit. Por në radhë të parë më mungonte besimi, që jam i sigurt se do ta kem te Siena, një skuadër e rëndësishme, të cilën e njoh mirë."
Ndërkohë, Livorno ka marrë nga ekipi i Torinos mesfushorin Stefano Fiore, i cili është transferuar me formulën e huazimit te toskanët. Livorno do të marrë përsipër të shlyejë detyrimet financiare ndaj lojtarit deri në fund të kampionatit. "Demi" njëkohësisht ka marrë edhe mbrojtësin Çezare Bovo, i cili ka kaluar në formë huaje nga Palermo. Këtë lajm e ka bërë të ditur drejtori sportiv i klubit siçilian, Rino Foski. Skuadra e Zakeronit ka siguruar edhe anësorin e majtë, Françesko Koko, nga Interi.
Sakaq, Fiorentina ka blerë në mënyrë të plotë nga Bazeli mesfushorin Zdravko Kuzmanoviç. Futbollisti 20-vjeçar ka nënshkruar me klubin vjollcë një kontratë deri më 30 qershor 2011. Lojtari pritet gjatë ditës për vizitat mjekësore.
Është zyrtarizuar këmbimi mes mesfushorësh midis Palermos dhe Leçes. Te puljezët ka kaluar hua Xhiani Munari, i cili nuk ka luajtur asnjë ndeshje me fanellën e siçilianëve (kishte mbërritur në verë nga Verona), në vend të tij ka kaluar te skuadra rozë Guliermo Xhiakomaci, uruguajani nga Montevideo që luante te verdhekuqtë që prej vitit 2002.
Së fundmi, Milani ka bërë të ditur se Rikardo Oliveira do të qëndrojë te kuqezinjtë deri në fund të sezonit, sepse klubi milanez e ka cilësuar të "rrezikshëm" kalimin e tij hua te Reali në këtë fazë të sezonit.