Defektet me orar, vëndi pa drita...

[ATMAN]

Kolapsi energjetik ka përfshirë gjithë vendin përveç Gjirokastrës. Ndërprejet në orare fikse. Temperatura në Tiranë 19 gradë, KESH thotë është rritur konsumi


Shqipëria është përfundimisht në krizë energjetike dhe një lajm të tilë nuk e pohon vetëm Korporata Elektroenergjetike Shqiptare. Dje Tirana dhe e gjithë Shqipëria ka kaluar ditën me ndërprerjet më të mëdha të energjisë elektrike ndërsa Korporata nuk njofton minimalisht qytetarët për oraret. Madje burimet zyrtare të KESH nuk e pranojnë se ndërprerjet janë sipas një grafiku të caktuar pavarësisht se ndëprerja e energjisë bëhen në orare fikse dhe po ashtu edhe kur vijnë dritat oraret “respektohen”. Burimet nga KESH bëjnë me dije se i gjithë operacioni synon kufizimin e konsumit pasi po ulet gjithnjë e më shumë niveli i hidrocentraleve nga mungesa e rreshjeve dhe importi i enenergjisë po bëhet më i kushtueshëm për të gjithë rajonin. Ndërsa zyrtarisht KESH njofton se ndërprejet e energjisë vijnë për shkak të remonteve ose të mbingarkesës së rrjetit.

Ndëprerje me dhe pa orar

Por në fakt “koincidenca” e orarave dhe ndërprerjet masive gjatë katër ditëve të fundit të energjisë në Tiranë e hedhin poshtë këtë deklaratë. Dje Tirana në pjesën qendrore të saj ka vuajtur mungesën e energjisë nga ora 17.00 deri në orën 19.00 dhe më pas oraret e kufizimeve janë alternuar sipas zonave. Elektricistët e KESH janë porositur të mos deklarojnë orare të qarta kufizimesh për të krijuar idenë se gjitha ndërprerjet vijnë për shkak të mbingarkesës së rrjetit. Por në fakt katër ditët e fundit kur dhe Tirana është përfshirë nga errësira e zgjatur me 3 orë paradite dhe 2 orë pasdite, temperaturat kanë shënuar rritje. Që nënkupton se konsumi është ulur krahasuar me një jave më parë. Dje në Tiranë, sipas të dhënave të CNN temperatura në orën 14.00 kur u bë dhe ndërprerja e energjisë në shumicën e zonave të Tiranës madhe dhe te ish-Blloku, ishte 19 gradë celsius. Që nënkupton se shqetësimi i drejtorit të KESH se konsumi është rritur për shkak të përdorimit të energjisë për ngrohje nuk ka vend. Temperatura 19 gradë është shumë pranë normales dhe nuk ka asnjë lidhje me realitetin.

Rënia e prodhimit

Por problemi kryesor duket se mbetet rënia e shpejtë e nivelit të Fierzës dhe e ardhmja e zymtë e prodhimit vendas të energjisë kur megjithëse jemi në javën e parë të dhjetorit rreshjet mungojnë prej më shumë se dy muajsh. Edhe tranzitimi i energjisë nga Kosova është në sasitë e fundit pasi 10 ditë më parë drejtori i përgjithshëm i KESH për të kundërshtuar opozitën se nuk po importojmë dot, deklaroi se kemi importuar ¾ e energjisë së depozituar në Kosovë. Duke zbuluar pa dashje një fakt që edhe kësaj energjie të “huazuar” gjatë verës dhe që po kthehet në dimër po i vjen fundi. Një zgjidhje që pritet të zbusë deri diku situatën është nënshkrimi i tre kontratave afatshkurtër me kompaninë sllovene Istrabens Gorenje, atë greke PPC dhe zviceranen EFT. Por përsëri problem mbeten linjat e transmetimit dhe rritja e pritshme e konsumit me rënien e temperaturave dhe sipas të gjitha gjasave përsëritja e kolapsit energjetik të vitit të kaluar është e pashmangshme.

Rrethet në errësirë

Më të prekura nga kriza e energjisë janë rrethet veri-lindore ku ndërprerjet për qytetet shkojnë deri në 6 orë ndërsa në fshatra deri në 8 orë duke iu afruar orëve të errësirës së vitit të kaluar. Korrespondentët tanë në veri njoftojnë se Kukësi, Peshkopia, Kurbini dhe Lezha kalojnë nga 8 deri në 12 orë pa drita. Gjendja është më e rëndë në zonat rurale ku energjia mungon më shumë se gjysmën e ditës. Ndërsa sipas korrepondentit tonë në Elbasan, dritat mungojnë rreth 7 orë në ditë në qytet ndërkohë që në fshat mungesa e energjisë elektrike shkon deri në 12 orë në ditë. Edhe nga rrethet vjen lajmi se oraret e ndërprerjes janë të papërcaktuara dhe konsumatorët janë të papërgatitur për të përballuar zëvendësimin me burime alternative. Në Fier mungojnë dritat rreth 2 orë në qytet dhe 6-8 orë në fshat. Arsyeja është remonti në nënstacionin e Babicës në Vlorë. Ky nënstacion furnizon të gjithë jugun si pasojë e këtij remonti jugu i vendit vuan mungesën e dritave.


Ruli mban me drita zonën e vet

Ndoshta për koinçidencë por zona elektorale e Ministrit të Energjetikës nuk ka mungesa energjie. Në rrethin e Gjirokastrës nuk ka patur ndërprerje të planifikuara të energjisë elektrike nga ana e KESH-it. Në qytetin e Gjirokastrës dhe fshatrat e rrethit KESH nuk ka patur stakime të planifikuara duke siguruar mundësinë e furnizimit pa ndërprerje me energji. Sipas drejtorit të KESH në Gjirokastër Adrian Kokalari “ deri tani KESH nuk ka planifikuar ndërprerje të energjisë në qytetin e Gjirokastrës dhe fshatrat e rrethit duke bërë të mundur mospasjen e ndërprerjeve në furnizimin me energji të konsumatorëve”.” Edhe mungesa e defekteve teknike në rrjet dhe gadishmëria e tij kanë bërë që kosumatorët e rrethit të Gjirokastrës të furnizohen pa problem me energji elektrike”, pohon drejtori Kokalari.



nga shtypi i dites

[BaBa]

Defektet" me orar, vendi pa drita

Ka Than Baba kemi shtet ne jo, po skemi thojn ca opo kemi shtet dhe shtet te fuqishem fare me plot rezerva


E Degjenerun Shqiprin Pa drrita Familjar ,Plot me halle me Probleme Te smur naper Shpia Edhe Pa Drrita ah ah i vete per Mrekulli dita !!!!

PS: Femijet e 9 Vjecares Bejn Detyrat me qirir ne vitin 2006, Turp kush e mer vesh !!!

Na RRoft Kjo Politik qe kemi se po i menaxhon Interesat E Shqiperis. per Mrekulli ne drejtim te humneres !!!

[ATMAN]

Beli: Situata e reshjeve e njëjtë me atë të vitit 1953


Korporata Elektroenergjetike është dorëzuar më në fund, duke pranuar situatën e vështirë energjetike në të cilën ndodhet vendi në prag të fundvitit. Vlerësimet e KESH-it, konstatojnë se Shqipëria ndodhet në të njëjtat kushte hidrike me ato të vitit 1953. Alarmin e ka dhënë vetë drejtori i Përgjithshëm i Korporatës, Andi Beli, gjatë një konference për shtyp, ku u është përgjigjur të gjitha pikëpyetjeve, lidhur me kufizimet e energjisë dhe parashikimet për muajt në vazhdim. Sipas tij, "faktorët që sollën verifikimin e këtyre kushteve të vështira energjetike nuk janë të lidhur vetëm me reshjet që këtë vit po vonojnë jashtë çdo parashikimi të mundshëm (këto kushte nuk verifikoheshin që nga viti 1953), por janë të lidhur dhe me probleme të paparashikuara, të lidhura me rrugët e transmetimit dhe burimet e energjisë". Por, shqetësimi më i madh i Korporatës Elektroenergjetike, nuk është vetëm situata e reshjeve, por kontratat e pagarantuara të importit të energjisë, të cilat, sipas drejtorit të KESH-it, nuk po respektohen nga kompanitë fituese. "Të gjitha kontratat afatgjata të vendeve fqinje kanë pësuar goditje nga kjo situatë dhe pothuajse të gjitha kompanitë nuk po i respektojnë ato, duke krijuar vështirësi në furnizimin me energji", është shprehur Beli. Sipas tij, ekziston një reduktim i ndjeshëm i burimeve të energjisë në vendet me kosto të lirë të prodhimit si Rumania e Bullgaria. "Këto vende në mënyrë të paparashikuar po eksportojnë në rajon shumë më pak se vitin e kaluar dhe për më tepër rrugët e transmetimit janë krejtësisht të zëna jo vetëm nga energjia e eksportuar, por edhe nga energjia që vetë këto vende po transitojnë ose importojnë për veten e tyre", ka theksuar drejtori i KESH-it.

Importi

Andi Beli ka parashtruar si rrugëzgjidhje të vetme sigurimin e të paktën 6 milionë kW/h energji në ditë në mënyrë që kufizimet të mbeten në nivelet e tanishme dhe vendi të mos zhytet në një kolaps energjetik. "Duhet të arrijmë të sigurojmë nga importi mbi 6 milionë kW/h në ditë që së bashku me prodhimin vendas të përballojmë konsumin. Jemi në mbi 21 milionë kW/h energji konsum në ditë dhe me një përllogaritje të thjeshtë të rezervave të kaskadës së Drinit, i gjithë sistemi jonë energjetik zbrazet brenda 60 ditëve", është shprehur Beli. Sipas tij, "nuk është problem marrja e importit nga linjat e interkonjeksionit, pasi dihet që linja më e mirë është ajo me Greqinë, në një kohë që kemi dhe një linjë, që është pothuaj e pazënë, ajo e Malit të Zi". Beli theksoi se të gjitha përpjekjet po bëhen që pjesa më e madhe e energjisë të merret nga Mali i Zi dhe Greqia, ndërkohë që linja me Kosovën është pothuaj e siguruar. Paralelisht me këto përpjekje, KESH-i do të bëjë të mundur që ajo pjesë e lirë e energjisë që ka mbetur në linjat e Kosovës të mund të shfrytëzohet.

Kontratat

Tabela e fituesve për tenderin e energjisë të shpallur pak ditë më parë nga Korporata Elektroenergjetike Shqiptare tregon se për tremujorin e parë të vitit që vjen, vendi i ka të gjitha shanset për t‘u zhytur në një kolaps të rëndë energjetik. E gjitha kjo teorikisht, pasi është ende herët për të parashikuar se si do të ndikojnë të gjithë faktorët në situatën e furnizimit me energji.

KESH-i ka arritur që në fillim të dimrit të ketë në tavolinë një sasi energjie të pagarantuar prej rreth 1.4 milionë mW/h energji, afro 800 milionë kW/h më pak nga çfarë ka kërkuar. Nga kjo sasi energjie që do të vijë nga importi, vetëm 270 milionë kW/h (sasi e pagarantuar) është për tre muajt e parë të vitit, të cilët konsiderohen edhe më kritikët, për shkak të temperaturave të ulëta dhe konsumit maksimal.







Gazeta Shqip

[XX22]

Do te kete kohe dhe me te keqija,por nuk dua te zgjatem tani,keto tipat kishin dhene nje lajmerim se shqiperia do te kete drita edhe 15 dite,me pas do te merrnin nga greqia,apo maqedonia,pse nuk kane filluar??..po lejne njerezit te ngrijne e semuren?

[ildushja]

O zot kur degjoj kshu me iken gjaku ke kembet...

Boh.. te mjeret ju andej, ne qe jemi knej ankoemi se punojme e s'rrim lokaleve - i kemi harruar ato ngrofjet me levenza/batanije... body heat, e studimet me llampa e me qirinj me ore te tera... apo dhe festat qe i gatunim gjerat me furnella e bombula gazi.. o zot.. 10 vjet ktej na bejn ti kujtojm me nostalgji si histori te bukura gjasme po kur mendoj qe kam gjyshe e kusherinj andej qe i vuajn sot e ksaj dite me vjen plasja.

Kta te shtetit tone duhen hedhur ne ere jan per tju piiiip robt.. si s'ju vjen keq se mire turp e seder qe skan!

[ATMAN]

Kriza e dritave,kufizime deri ne 18 ore

Drejtori i Divizionit të Shpërndarjes në KESH-, Seit Dollapi, ka vendosur më në fund të bëjë publike oraret e kufizimeve të energjisë elektrike që korporata po aplikon në të gjithë vendin. Sipas të dhënave zyrtare, kufizimet e dritave do të variojnë minimalisht nga 2 orë deri në 11 orë në qendrat urbane dhe nga 6 orë deri në 18 orë në zonat rurale. Oraret e kufizimeve janë pothuajse të njëjta me ato të vitit të kaluar, gjë që do të thotë se vendi praktikisht ka filluar të përjetojë një krizë të rënduar energjetike, që pritet të ketë pasoja të dëmshme në ekonominë e vendit. Sipas të dhënave të publikuara nga Divizioni i Shpërndarjes në KESH, më të privilegjuara duket se janë disa qytete në skajin jugor të vendit, të cilat nuk rezultojnë me kufizime të energjisë elektrike. Ndër to është qyteti i Gjirokastrës, zonë elektorale e ministrit të Energjetikës, Genc Ruli dhe qyteti i Sarandës, zonë elektorale e ish-kryeministrit Fatos Nano. Më të diskriminuara duket të jenë zonat verilindore dhe juglindore të vendit, në të cilat kufizimet nuk janë më poshtë se 6 orë në ditë. Rekordin e arrin qyteti i Kukësit, me 11 orë kufizime në ditë, ndërkohë që fshatrat e kësaj zone janë deri në 18 orë pa drita. Ajo që është edhe më shqetësuese është fakti se lista zyrtare e ndërprerjeve nuk korrespondon me kufizimet reale që KESH-i po aplikon në të gjithë territorin e Republikës. Kështu, qyteteve më të mëdha të vendit u janë ulur në letër orët e kufizimeve, ndërkohë që praktikisht qendrat e mëdha urbane po përjetojnë errësirën me orare të zgjatura. Diferenca në disa raste shkon në disa orë, ku Tiranës i është hequr 1 orë, Durrësit 5 orë, Korçës 1 orë, Kukësit 1 orë, Fierit 2 orë. Situata pritet të rëndohet në ditët në vazhdim, ndërkohë që akoma më kritike pritet situata në 3 muajt e parë të vitit të ardhshëm. Publikimi i listës së ndërprerjeve ka ardhur një ditë mbas deklaratave të drejtorit të Përgjithshëm të KESH-it, Andi Beli, sipas të cilit vendi është në vështirësi të madhe energjetike, për shkak të thatësirës hidrike të ngjashme me atë të vitit 1953. Por shqetësimi më i madh i Korporatës Elektroenergjetike, nuk është vetëm situata e reshjeve, por kontratat e pagarantuara të importit të energjisë, të cilat, sipas drejtorit të KESH-it, nuk po respektohen nga kompanitë fituese. Kriza energjetike që prej disa ditësh ka dhënë shenjat e para kronike të rishfaqjes së saj pikërisht në fillim të periudhës së dimrit. Krahasuar me muajt e fundit, furnizimi me energji elektrike po vë gjithmonë e më shumë në vështirësi drejtuesit e korporatës, të cilët do të duhet të menaxhojnë rezervat e mbetura energjetike, si dhe sasinë që do të importohet nga jashtë.

Harta e ndërprerjeve sipas KESH-it


Tirana 4 orë

Durrës 2 orë

Kavajë 2 orë

Krujë 4 orë

Fier 2 orë

Patos 2 orë

Ballsh 2 orë

Vlorë 2 orë

Korçë 6 orë

Bilisht 6 orë

Kolonjë 6 orë

Pogradec 6 orë

Elbasan 6 orë

Gramsh 6 orë

Librazhd 6 orë

Peqin 6 orë

Berat 2 orë

Skrapar 2 orë

Kuçovë 2 orë

Lushnjë 2 orë

Tropojë 4 orë

Kukës 11 orë

Has 11 orë

Pukë 3,30 orë

Shkodër 9 orë

Lezhë 6,30 orë

Dibër 6 orë

Delvinë nuk ka

Gjirok. nuk ka

Sarandë nuk ka

Përmet nuk ka


Kufizimet e dritave do të variojnë minimalisht nga 2 orë deri në 11 orë në qendrat urbane dhe nga 6 orë deri në 18 orë në zonat rurale


Diferenca

Lista zyrtare e ndërprerjeve nuk korrespondon me kufizimet reale që KESH-i po aplikon në të gjithë territorin e Republikës. Kështu, qyteteve më të mëdha të vendit u janë ulur në letër orët e kufizimeve, ndërkohë që praktikisht qendrat e mëdha urbane po përjetojnë errësirën me orare të zgjatura. Diferenca në disa raste shkon në disa orë, pa marrë parasysh fshatrat


Të privilegjuar

Pa kufizime janë qyteti i Gjirokastrës, zonë elektorale e ministrit të Energjetikës, Genc Ruli dhe qyteti i Sarandës, zonë elektorale e ish-kryeministrit Fatos Nano


Të diskriminuar

Më të diskriminuara duket të jenë zonat verilindore dhe juglindore të vendit, në të cilat kufizimet nuk janë më poshtë se 6 orë në ditë për qytetin dhe 8 për fshatin


Situata

Situata pritet të rëndohet në ditët në vazhdim, ndërkohë që akoma më kritike duken tre muajt e parë të vitit të ardhshëm, për shkak të mbylljes së centraleve në Bullgari



Gazeta Shqip

[vagabondo_nyc]

Berisha kete bomb e ka patur me vete ne xhep qe kur eshte bere kryeminister. Mire vjet qahej sala qe ata qe ishin perpara e shteruan ujin. Difektet jane justifikim. Po si kete vit zoti kryeminister? Une se kuptoj pse tani kujtohen te gjithe per drita dhe pse nuk ka projekt per te ardhmen?

16 vjet demokraci. Cfare turpi - per politikanet shqiptare qe e lejne ne terr popullin shqiptar. Sjellin kompani te huaja per fushata elektorale kurse per drita as qe duan ta dijne. Nuk duhet marr si politike puna dritave. Une mendoj jane qarqe te caktuara qe ne kto 15 vjete fitojne miliona dollar nga shit-blerja e energjise dhe po kto qarqe e pengojne investimin ne fushen energjetike.

Sa mund te ec nje shoqeri kur ska drita? Kete shikojne ne shqiperi sa te perparuar jemi. Tmerr eshte te jetosh pa drita. Une kam ikur ne maj nga shqiperia dhe dritat mund te ken qene nje nder arsyjet qe jam larguar nga shqiperia.

[Xhuxh Xhumaku]

Regjimi kleptokratik i Nanos me shoke, dhe Edveri ne Bashkine e Tiranes, bashke kane vjedhur dritat, duke e lene regjimin e Berishes ne terr.

Ne mos dritat, kane vjedhur ujin, si qemoti, kur gjermeni dogji kruan e vetem qe kesh fshati ine, qe me vone u be kooperativist, diku malor, diku kodrinor, diku i tipit te larte, diku me drejtim blegtoral, diku tjater edhe ... bujqesor.

Berisha nashi do te ngarkoje GOP-in per te gjetur shkaktaret e erresires, dhe fatura per kundershtaret e tij pulatike eshte gati - ndersa poplli ashtu e do - mungoi ujin, mungoi buken, qe te thone baba.

[ATMAN]

Fierza në grahmat e fundit. Liqeni, vetëm 14 metra larg pikës kritike


Pas KESH-it dhe qeverisë, edhe liqeni i Fierzës duket se është dorëzuar përpara errësirës, e cila ka mbuluar vendin që në fillim të muajit dhjetor. Nga të dhënat më të fundit, për nivelin e Fierzës del se vendi është në prag të një kolapsi të pashmangshëm energjetik. Paralajmërimi i para disaditësh, bërë nga drejtori i Korporatës Elektroenergjetike, Andi Beli, sipas të cilit, Shqipëria mund të garantojë drita nga prodhimi i brendshëm vetëm për 60 ditët e ardhshme, është reduktuar në një kohë rekord, duke shkuar vetëm në 30 ditë. Kjo, për arsye se intensiteti me të cilin po zbrazet liqeni i Fierzës bën që ai të shkojë në pikën e vdekjes brenda 1 muaji nga dita e sotme. Njoftimet më të fundit nga salla operative e H/C të Fierzës tregojnë për një rënie të vazhdueshme të nivelit të ujit në liqen. Kuota e shënuar të premten ka qenë 259 m mbi nivelin e detit, rreth 15 metër nga kuota e pashfrytëzueshme. Që të evitoheshin të gjitha kufizimet, duhej që në radhë të parë të kishte në kaskadën e Drinit një nivel prurjesh të paktën deri në 250 m kub në sekondë. Prurjet e lumit kanë shënuar të premten 42 m3/sek, kuota më e ulët e dekadave të fundit, pas situatës së ngjashme të vitit 2001

Në atë kohë, kriza e energjisë u shoqërua edhe me krizë qeveritare. Ndërkohë, Korporata Elektroenergjetike Shqiptare ka njoftuar se aktualisht rënia e nivelit të Fierzës ulet me 35 cm në ditë nga 44 cm që ky nivel ulej gjatë javës së kaluar. Sipas KESH-it, nisur nga konsumi në rritje, sasia ditore e rënies së nivelit duhej të ishte më e lartë, nëse nevojat nuk do të plotësoheshin nga importi i energjisë elektrike, që është siguruar dhe po vazhdon të sigurohet, siç dhe është bërë vazhdimisht publike. Hidrocentrali punon me tri turbina, në një orar mjaft të limituar, vetëm disa orë në ditë, thanë burime të këtij institucioni. Furnizimi i zonës së verilindjes bëhet me një reduktim të paparë, vetëm 12 orë drita për qytetin, ndërsa 6 orë për fshatin. Rënia e nivelit të liqenit është 35 cm në 24 orë dhe kjo do të thotë që po shkohet drejt rënies së prodhimit të energjisë. Specialistët e hidrocentralit shprehen se rezervat për energji janë edhe për 30 ditë. Në ditët në vazhdim pritet që ulja e nivelit të liqenit të jetë më e shpejtë. Liqeni i Fierzës, që është edhe më i madhi, shërben si rregullator i furnizimit me ujë të dy hidrocentraleve të tjera në kaskadën e Drinit, të Komanit dhe të Vaut të Dejës. Sasia e garantuar e energjisë nuk shkon më shumë se 11,8 milionë kW/h në ditë, nga të cilat 9 milionë kW/h është prodhim i brendshëm dhe vetëm 2,8 milionë kW/h energji e siguruar nga importi, ndërkohë që vendi konsumon minimalisht në ditë një sasi energjie prej 18 milionë kW/h. Evitimi i një krize të mundshme energjetike në muajt e parë të dimrit detyroi qeverinë shqiptare që t‘i kërkonte KESH-it harxhimin e të gjitha rezervave të energjisë, të krijuara gjatë muajve të verës. Në këtë mënyrë, korporata nuk ka ngurruar të vërë në dispozicion të konsumatorëve të gjithë energjinë elektrike, që kishte rezervuar gjatë verës, me qëllim që të mos ndihej mungesa e energjisë, për shkak të rritjes së konsumit të saj. Kjo, natyrisht që ka një risk të lartë për periudhën në vazhdim, kohë në të cilën pritet të rritet ndjeshëm kërkesa për energji elektrike.

gazeta shqip

[Dr Rieux]

Kufizime te kesaj mase do i kuptoja dhe pranoja ne 92-94 kur ne sistemin elektrik qe ishte planifikuar vetem per dy llamba, gjysem televizori dhe gjysem frigoriferi u dynden kaloriferet, stufat elektrike etj etj. Por dhe tani pas 16 vjetesh nje gjendje e tille eshte turpi dhe deshtimi me i madh i qeverise se sotme, por jo me pak dhe i te gjitha atyre qe kane ardhur e kane ikur nga 91 e kendej. Sidomos kur mendon qe deri para nje muaj deklarohej se kete dimer nuk do kete dimer pervec stakimeve ne rast tejnxehje linjash dhe ndreqje defektesh. Dreqi ta haje, problemet me energjine elektrike dihen: sistem i kohes se babaqemos me shume humbje ne rrjet, ngarkese e madhe sepse pjesa derrmuese ngrohet dhe gatuan me korrent, mosarketimi ne nivelin e duhur dhe perfundimisht prodhimi i energjise nen nivelin e konsumit.

16 vjet nuk u gjetka nje zgjidhje per kete dreq problemi dritash. Te fusin masivisht gazin e lengesht si gjithe rajoni (per mos me thene bota). Vetem ne shqiptaret perdorim korrent per per tu ngrohur e per te gatuar. Kaq vjet qe vetem flasin per privatizimin e shperndarjes prape asgje. Shteti po ja fut fatura aforfe dhe aplikon denimin kolektiv (dhe ketu vlojne interesat politike po le ta marrim te mireqene): filan qytet ka 60% arketim, do kete 8 ore nderprerje. Se ctaksirate kane ata qe e paguajne ne menyre te rregullt nga ai qytet, hajde merre vesh. Eshte turp qe ne fund te 2006 per te denuar mospaguesit e energjise duhet te ndeshkohet kolektivisht lagja, qyteti apo qarku! Kaq vjet qe vetem flitet dhe nuk eshte ndertuar asnje burim tjeter energjie, per dhenien e hidrocentraleve lokale me koncesion u fol shume vjet, por duket qe paska ngelur vetem te fjalet si perhere. Fakti qe paskemi dimer te thate kete vit nuk duhet te perbeje shfajesim te mjaftueshem per pushtetin qe te laje duart e tja plasi kufizimeve 6-8 ore ne dite. Sipas kesaj mendje zgjidhja e vetme eshte qe te marrim nga nje daulle dhe te kercejme valle indiane per te prure shiun.

Opozita diletante dhe kokemushke ne vend qe te shfrytezoje kete fakt, sic i takon normalisht te beje, e ka mendjen te hyje ne konflikt qofte dhe me nderkombetaret e te shtyje zgjedhjet, e jo te kritikoje, akuzoje dhe hetoje aty ku i duhet te veproje si opozite. Mekanizmat e tjere shoqerore si OJQ-te zaten jane bere vetem shtojca te politikes, keshtu qe kur vjen puna per drita, uje e rruge nuk e merr njeri mundimin te protestoje. Ama po qe puna per mitingje elektorale te pakten 100 mije vete mblidhen per here te sheshi Nene Tereza apo Skenderbej si per PS-ne dhe per PD-ne. Shtoji kesaj dhe apatine tone si popull qe na eshte rrenjosur ne gen nga 50 vjet diktature dhe na e perfocoi 97-98 dhe arrijme te mendimi dominues: "Si jeni me drita? Jo keq, kete dimer vetem 2 ore paradreke, 2 ore pasdreke na i heqin".

Te shpresojme qe lajmet per ndertimin e gazsjellesve te perfolur keto muaj, ngritja e TEC-it dhe privatizimi i shperndarjes do arrije ta stabilizoje sadopak gjendjen ne te ardhmen, por per 2-3 vitet ne vazhdim nuk duket ndonje zgjidhje tjeter vec daulleve dhe valleve te shiut. Medet per ato qe jane ne Shqiperi.