Nexhat Daci formon parti të re

[Llapi]

SHPËRFYTYRIMI MORAL DHE POLITIK I ZEVZEKËVE TË AKADEMIK DACIT

ATA JANË NË GJENDJE TË VJEDHIN EDHE VARRIN E DR. IBRAHIM RUGOVËS
PËR PËRFITIME PERSONALE

Zevzekët e akademik Dacit e mbajtën fjalën: dolën nga LDK-ja, duke e bërë hapin e madh drejt zbardhjes së shpërfytyrimit të tyre moral dhe politik: të obsesionuar nga makthet e tyre politike dhe morale, ata treguan se kanë qenë një barrë e rëndë për dr. Ibrahim Rugovën dhe për LDK-në. Përpjekja për vjedhjen e emrit të Lidhjes Demokratike të Kosovës, që u pasua me përpjekjen për vjedhjen edhe të varrit të dr. Ibrahim Rugovës, zbardhin në mënyrë shumë të qartë gjithë synimet për të bërë klonimin politik dhe moral të ikankëve të LDK-së, në përpjekje absurde dhe psikopatologjike për të uzurpuar identitetin e Lidhjes Demokratike të Kosovës, varrin e dr. Ibrahim Rugovës dhe gjithçka tjetër që do t’u duhet për interesa të tyre personale.

Shkruan: Rexhep Kastrati

Në traditën tonë është zakon që për të vdekurin nuk duhet folur keq. Këtë po e them se respekti për të vdekurit, repsekti për varrezat dhe në përgjithësi për gjithçka që lidhet me to ka qenë vazhdimisht i madh. Krahas kësaj, edhe konceptet për meranë, për hajratin, si vend i të gjithëve e i askujt, koncepte që kanë kaluar edhe në nivel bestytnie, te shqiptarët kanë shenjuar një nderim të thellë për të. I vdekuri, varri, meraja apo hajrati, në tërësinë konceptuale dhe të sistemit të të menduarit shpirtëror, kanë qenë dhe kanë mbetur konceptet themeore të etnopsikologjisë së shqiptarëve, përkatësisht të sistemit teologjik të tyre. Në këtë kontekst, kush ka guxuar dhe i ka përdhosur ato, i është nënshtruar institucionit të përjashtimit, përkatësisht të leçitjes nga rrethi, duke shërbyer si shembull për të tjerët që do të provojnë ta bëjnë këtë. Dhe është pikërisht respekti deri në bestytni që shqiptarët kanë pasur dhe vazhdojnë të kenë pikërisht për të vdekurin, për varrin dhe për meranë, hajratin, që ka bërë që kurrë gjatë historisë të mos ketë qoftë edhe një rast të vetëm në të cilin do të përmendeshin ata si përdhosës të të vdekurve, të varrezave etj., edhe pse këtë histori kryeisisht na e kanë shkruar të tjerët, ose është shkruar mbi dokmente të të tjerëve. Ndryshe ka ndodhur me popuj të ndryshëm të quajtur barbarë dhe jobarbarë, të cilët jo vetëm që e kanë përdhosur të vdekurin, varrezat dhe meranë, por edhe e kanë krijuar etnopsikologjinë e tyre mbi këtë përdhosje. Dallimet në këtë aspekt, ndërkaq, kanë qenë ndër dallimet thelbësore që shqiptarët si komb i kanë dalluar prej të tjerëve rreth nesh, duke shpërfaqur kështu edhe një epërsi kulturore dhe njerëzore.

Kjo nuk do të thotë se në kohën e sotme nuk ka pasur dhe nuk ka grupe të interesit që për interesa të tyre nuk kanë provuar që të nëpërkëmbin traditën pozitive shqiptare, duke provuar që të përdhosin të vdekurit, që të përdhosin varrezat, që të përdhosin atë që nuk guxon të përdhoset. Ajo që ndodhi me të rënët e luftës së fundit në Kosovë, me ç’rast grupe të ndryshme interesi dhe individë kanë provuar që të realizojnë qëllime personale në emër të të vdekurve dhe në emër të varrezave të tyre, është vetëm një nga shembujt konkretë që fatkeqësisht është shfaqur në këto troje. Fjalimet politike mbi trupat e atyre që kanë rënë gjatë luftës në Kosovë, uzurpimi i pronave të ndryshme në emër të tyre dhe karrigia e kërkuar në emër të tyre, janë vetëm disa nga të këqijat me të cilat u ballfaquan shqiptarët në Kosovë. Edhe pse në kundërshtim me traditën shqiptare, këta njerëz me emër e mbiemër dhe këto grupe me emër e mbiemër, nuk e patën për gjë që ta identifikojnë edhe të kundërtën e gjithë këtyre: idenitetin dhe interesin kombëtar. Përdhosja e të vdekurve, e varreve të tyre dhe e sakrificës së tyre si elemente të kundërta me traditën pozitive shqiptare, ishte një nga elementet e tërësisë së elementeve që u përdorën për të rrënuar pikërisht sistemin pozitiv e të vlerave që e ndërtoi dr. Ibrahim Rugova bashkë me Lidhjen Demokratike të Kosovës. Dhe historia e pasluftës, më shumë se ndonjë herë tjetër, është histori e ndeshjes së këtyre dy koncepteve, ashtu siç është histori i ndëshkimit popullor të çdo përpjekjeje për të imponuar elemente destruktive dhe në kundërshtim me traditën vendase. Fitorja e vazhdueshme e LDK-së në të gjitha zgjedhet në Kosovë, prandaj, më shumë se sa fitore politike, duhet kuptuar edhe si fitore të traditës, autoktonisë, kombëtares, mbi kundërtraditën, të huajën dhe pse jo edhe kundërkombëtaren. Në këtë kontekst, duhet parë edhe fuqinë e dr. Ibrahim Rugovës dhe të Lidhjes Demokratike të Kosovës, e cila arriti që të bëhet realisht shkollë politike e shqiptarëve në përgjithësi, si dhe shkollë e vetëdijes shtetërore dhe institucionale në Kosovë dhe ndër shqiptarët përgjithësisht. Është e tepërt të thuhet se kjo shkollë e madhe politike dhe shtetërore të kishte në mesin e saj nxënës të mirë dhe të këqinj, ashtu si edhe në të ardhmen do të ketë nxënës të mirë dhe të këqinj. Koha ka treguar se në të shumtën e rasteve janë nxënësit e këqinj ata që pasi kanë ngelur në klasë, e kanë braktisur këtë shkollë, duke e sharë me të gjitha sharjet e mundshme. Largimi i njerëzve të ndyshëm nga LDK-ja, në këtë kontekst çdo herë ka qenë një aspekt pozitiv për LDK-në dhe për Kosovën, pasi që është ndihmuar në profilizimin e saj të vazhdueshëm. Janë pikërisht të larguarit ata që humbën më së shumti me largimin e tyre, pasi që vetë dolën në pikë të diellit dhe u panë nga të gjithë: kush më shumë se sa Milazim Krasniqi ka vjellë kundër dr. Ibrahim Rugovës; kush më shumë se BujarBukoshi ka vjellë kundër dr. Ibrahim Rugovës; kush më shumë se Edita Tahiri ka vjellë kundër dr. Ibrahim Rugovës? Në anën tjetër: kush më shumë se këta kanë krijuar identitet politik dhe autoritet politik nga emri dhe vepra e dr. Ibrahim Rugovës? Dhe ku janë sot ata?

Përdhosja e dr. Ibrahim Rugovës dhe e varrit të tij, ndërkaq, është një element tjetër, që po provohet të realizohet këtyre ditëve. Edhe pse si e tillë është shfaqur nga njerëz të linjës së Tiranës/Kretës me zërat kundërshtues për varrimin e dr. Ibrahim Rugovës në vendin ku është aktualisht, duhet thënë se synimi i zevzekëve të akademik Dacit për ta përvetësuar dhe për ta shfrytëzuar varrin e dr. Ibrahim Rugovës si mburojë për të fshehur llumin e tyre moral dhe politik, për ta fshehur shpërfytyrimin e tyre moral dhe politik, për ta fshehur karakterin prej hajnash politikë e të tjerë, është përpjekja më serioze që po bëhet në këtë drejtim. Pas një fushate destruktive, kërcënuese, shantazhuese dhe shpifëse, zevzekët e akademik Dacit me të në krye, po provojnë të vjedhin emrin e Lidhjes Demokratike të Kosovës, historinë e saj dhe vetë dr. Ibrahim Rugovën dhe varrin e tij. Përcaktimi për t’u quajtur Lidhja Demokratike, për t’u thirrur në emrin dhe veprën e dr. Ibrahim Rugovës dhe në gjithë atë që ka krijuar dr. Ibrahim Rugova dhe Lidhja Demokratike e Kosovës gjatë 17 viteve, është përpjekje për të mashtruar opinionin e gjerë, strukturat organizative të LDK-së, anëtarësinë dhe simpatizantët e saj. Përveç këtyre, këto janë edhe përpjekje për të fshehur boshllëkun e tyre si dhe asryet e vërteta të largimit të tyre nga LDK-ja, e që janë arsye që aspak nuk kanë lidhje as me politikë, as me Kuvendin e VI të LDK-së dhe me asgjë parimore. Është kështu për faktin se zevzekët e akademik Dacit e kanë të qartë se me thirrje kundërldk dhe kundrrugovë, ikanakët e tjerë vetëm sa kanë përfunduar në humnerën politike e shoqërore të Kosovës, pasi që i janë nënshtruar një ndëshkimi referndar nga ana e zgjedhësve. Në anën tjetër, krijimi i një ‘Reforme’ ishte e qartë se ishte krijim i një Kryesie paralele të LDK-së, nga e cila tash ka dalë një surrogat politik që hajninë e ka si pikë të parë të veprimit të saj politik. Kjo do të thotë se refuzimi, kundërvënia dhe veprimtaria kundërlegale dhe kundërstatutare e zevzekëve të akademik Dacit është bërë shumë kohë para se të mbahej Kuvendi i VI i LDK-së. Synimi për të mashtruar opinionin e gjerë, strukturat organizative të LDK-së, anëtarësinë dhe simpatizantët e saj, ndërkaq, është synim për të fshehur vogëlsinë tyre, si dhe një përpjekje tjetër për ta vjedhur jo vetëm emrin, por edhe partinë si parti. Gjatë tërë kësaj kohe, unë kam theksuar pikërisht vogëlsinë e tyre, kam theksuar se janë një grusht njerëzish që akademik Dacin janë duke e përdorur thjesht si vegël politike, ashtu siç përdoret limoni për ta bërë më të shijshëm çajin e rusit. Dhe është pikërisht vogëlsia e tyre, e cila edhe pse përdori dhunën fizike, shantazhet dhe kërcënimet, ajo që mbeti vogëlsi, sespe shumica e LDK-së, bile edhe ata që kanë votuar për akademik Dacin më 9 dhjetor 2006, e kanë kuptuar se gjithë ajo që bënin zevzekët e akademik Dacit me të në krye, nuk kanë asgjë të përbashkët me praktikën legale dhe me filozofinë politike të dr. Ibrahim Rugovës dhe të Lidhjes Demokratike të Kosovës. Prandaj, edhe e braktisën, prandaj edhe i lanë në vogëlsinë e tyre. Ata që shkuan me akademik Dacin janë vetëm Gecët e Llaushës, të cilët duket se pas braktisjes që ia bënë mr.Eqrem Kryeziut, duket se e panë të pamundur ripajtimin me të, pastaj, është Hysen Gërvalla, krushku i Halil Gecit, vëlllait të madh të Gecëve të Llaushës, Lulzim Zeneli, i cili duket se me këtë veprim e ka zgjidhur çështjen e banimit, në ç’drejtim duhet të sqarojnë Sefer Rexhaj, kushuriri i Albatros Rexhajt dhe Nebih Zariçi, Besa Gaxherri që ende ëndërron se do t’i thyejë rugovasit e Ali Lajçit në Pejë, dhe ndonjë figurë tjetër minore e manipuluar, e shantazhuar apo edhe e kërcënuar. Mbetet të shihet se a i ka ndjekur këta shoku i Gani Gecit, Bajrush Morina dhe kushuriri i afërt i Sefer Rexhajt, Tosi, apo janë të sakta informacionet sipas të cilave këta dy ose do ta bindin pronarin e “Botës sot”që ta bëjë “Botën sot” telall të tyre, apo Seferi me Nebih Zariçin do t’ua financojnë një gazetë të re. Sido që të jetë, vogëlsia e njerëzve të akademik Dacit, e për më tepër shpërfytyrimi i tyre politik e moral, ka mbetur vetëm në mëshirë të akraballëkut babë e bir, dajë e nip, kushuri e vëllezër dhe pse jo edhe kryqëzim gjinish, të cilëve nuk mund t’u ndihmojë as përpjekja për ta vjedhur emrin e Lidhjes Demokratike të Kosovës, as e historisë së saj dhe të vetë dr. Ibrahim Rugovës, e as përpjekja për ta vjedhur edhe varrin e dr. Ibrahim Rugovës.

Duhet thënë, ndërkaq, se përpjekja për vjedhjen e emrit të Lidhjes Demokratike të Kosovës, e historisë së saj, si dhe e varrit të dr. Ibrahim Rugovës, është edhe një përpjekje përtë krijuar një kod ligjërimor që në thelb është i ngjashëm me të linjës së Tiranës/Kretës, por edhe që është një kod ligjërimor patetik me elemente të shumta të kodeve ligjërimore që po kemi rast t’i shohim dhe t’i dëgjojmë edhe në fushatën zgjedhore në Serbi: ashtu sikurse eksponentë të linjës së Tioranës/Kretës që në ligjëratat e tyre kishin shumë gjak,shumë viktima dhe shumë sakrfica të të tjerëve, ashtu edhe ligjëratat e zevzekëve të akademik Dacit janë të mbushura me LD, me Rugovë e me pavarësi. Ashtu sikurse linja e Tiranës/Kretës që u mundua ta privatizonte dhe ta monopolizonte sakrificën kolektive të shqiptarëve, të vdekurit dhe varret e tyre, për të fshehur llumin e vet dhe qëllimet saja të mbrapshta, ashtu edhe zevzekët e akademik Dacit në krye me vetë atë, po mundohen ta privatizojnë dhe ta monpolizojnë emrin dhe histrorinë e Lidhjes Demokratike të Kosovës, emrin dhe varrin e dr. Ibrahim Rugovës. Dhe të dyja palët, si linja e Tiranës/Kretës si linja dacisto-geciste, po thirren në vlera ikonike, sikurse që serbët thirren në Sveti Savën dhe në mite të tjera. Por dallimi është se derisa serbët, në mungesë të ontologjisë kulturore nacionale, janë munduar të bëjnë qoftë edhe prej balte apo prej rëre simbole të identitetit të tyre dhe të ontologjisë nacionale, shqiptarët nuk kanë pasur nevojë për këtë, pasi që të gjitha: si sakrifica, si tradita, si identiteti nacional dhe politik i tyre është real dhe me taban të hershëm. Prandaj edhe kodet bligjërimore shqiptare janë më konkrete, më të logjikshme dhe më të kësobotshme. Përpjekja që nga sakrifica reale, nga tradita reale, nga vlerat reale dhe nga personalitetet reale të krijohen mite dhe ato të pëtdoren për ligjërime politike patetike dhe emocionale, ka qenë dhe ka mbetur një përpjekje e kotë, sepse sakrifica, vlerat, tradita dhe personalitetet nacionale shqiptare janë aq reale dhe madhështore, sa nuk mund t’i përfshijë asnjë mit , e më së paku mitet e krijuara për qëllime përfitimi politik dhe material të individëve apo të grupeve të ndryshme të papërgjegjshme. Të besueshme dhe të pranueshme nuk do t’i bëjnë të gjitha këto as trysnitë, shantahzzet dhe kërcënimet që janë duke i bërë në vazhdimësi zevzekët e akademik Dacit gjithandej nëpër Koosvë dhe në mërgatën shqiptare. Është kështu për faktin se veprimtarët e ndryshëm të LDK-së, do të dijnë t’u bëjnë ballë të gjitha trysnive, shantahzheve dhe kërcënimeve dhe do të vazhdojnë të jenë veprimtarë të Lidhjes Demokratike të Kosovës të udhëhequr për rreth 17 vjet nga kryetari i saj dhe i Kosovës dr. Ibrahim Rugova.

[adolfi]

ADOLF
Une i klasifikova ne njerez dhe bisha...
Ti psh. hyn ne grupin e dyte...

po veq une ta q familjen se bishe je ti, se ti han mu...t ne internet

[Llapi]

Keqpërdorimet i çojnë n`shpi

Ndaj shumicës së njerëzve të implikuar në blerjen e veturës Ford
Excursion 2005 VIP për ish-kryetarin e Kuvendit, Nexhat Daci, është
hapur procedura hetimore. Kësaj strukture iu kanë shtuar edhe Isuf
Demaj, Jusuf Nikçi, Alajdin Ibrahimi dhe Burim Latifi.

Nebih Maxhuni
nebih.maxhuni@gazetaexpress.com
Prishtinë,17 janar — Për shkak të keqpërdorimit të detyrës
zyrtare, janë larguar nga puna katër zyrtarë të Kuvendit të
Kosovës, Isuf Demaj ish- sekretar i Kuvendit të Kosovës, Jusuf
Nikçi, drejtori i buxhetit të Kuvendit si dhe Alajdin Ibrahimi
dhe Burim Latifi. Largimi i tyre nga puna ka rezultuar pas aferës për blerjen
e veturës Ford Excursion VIP 2005 për ish-kryetarin e Kuvendit
të Kosovës, Nexhat Daci. Kontrata për blerjen e veturës në
vlerë prej 235.600 euro ishte bërë njëburimore dhe nuk ishin respektuar
procedurat e prokurimit. Pak para se të largohej nga
posti i kryetarit të Kuvendit, Nexhat Daci duke shkelur procedurat
ligjore me të dy këmbët, i kishte vazhduar kontratën e
punës ish-sekretarit Isuf Demaj edhe për një kohë të pacaktuar.
Po ashtu, drejtori i buxhetit, Jusuf Nikçi ishte arrestuar nga
Njësiti për Krime Ekonomike i SHPK-së nën dyshimet se ka keqpërdorur
pozitën zyrtare me rastin e blerjes së veturës për
kryetarin e Kuvendit të Kosovës. Atij iu kishin marrë disa dokumente
në lidhje me këtë. Nikçi, i cili qe arrestuar bashkë me
këshilltarin për siguri të Nexhat Dacit, Ahmet Alishani, ishte liruar
vetëm një ditë pasi që ishte arrestuar. Ndërkohë që Alishani
vazhdon të mbetet prapa grilave si i dyshuar për aferën e blerjes
së veturës. Komisioni disiplinor i administratës
së Kuvendit të Kosovës, për shkak të shkeljeve të rënda
disiplinore ua ka ndërprerë marrëdhënien e punës nëpunësve
të administratës së Kuvendit të Kosovës, Isuf Demajt, Jusuf
Nikçit, Alajdin Ibrahimit dhe Burim Latifit. Kjo është bërë e ditur
përmes një komunikate për media nga Zyra për informim e Kuvendit
të Kosovës. Në këtë kumtesë thuhet se ky vendim është marrë në
pajtim me rregulloren e UNMIK-ut mbi Shërbimin Civil të Kosovës.
"Komisioni disiplinor i Administratës së Kuvendit të
Kosovës, në çështjen disiplinore ka marrë vendim që nëpunësve
civilë të kësaj administrate, Isuf Demaj, Jusuf Nikçi, Alajdin
Ibrahimi dhe Burim Latifi, t'ua shqiptojë masën disiplinore,
ndërprerje të marrëdhënies së punës të sanksionuar me nenin
30.2, për shkak të shkeljeve të rënda disiplinore të parapara
me nenin 30.1 dhe Rregulloren e UNMIK-ut", thuhet në këtë
komunikatë. Jusuf Demaj, ish-sekretar i përhershëm i Kuvendit të
Kosovës dhe tre këta zyrtarë të Kuvendit të Kosovës, nga udhëheqës
aktualë të Kuvendit janë akuzuar për keqpërdorime të mëdha.
Po ashtu këtë e ka mbështetur edhe Zyra e Auditorit Gjeneral
të Kosovës në raportin e saj për Kuvendin e Kosovës për vitin
2005, ku në shumicën e rasteve përmenden emrat e këtyre personave,
e në veçanti sekretari Isuf Demaj. Që të katër këta zyrtarë, kohë
më parë, janë hetuar edhe nga një komision parlamentar për
keqpërdorime. Për shkak të keqpërdorimeve
të shumta të këtyre zyrtarëve, jozyrtarisht merret vesh se organet
hetimore janë duke u marrë me këtë rast.

[Llapi]

Intervista
Kryeziu, Sejdiu dhe Berisha janë “argatët” kryesorë që e fundosën LDK-në (1)


Adem Salihaj

Ish-zëvendëskryeministri i Kosovës, Adem Salihaj, në një intervistë për Kosovapress ka thënë se LDK-ja aktuale absolutisht nuk është më ajo e Rugovës dhe simbolet e tij iu kanë mbetur nëpër zyre dhe s’po dinë se çfarë të bëjnë me to. Ai mendon se LDK-ja tashmë është fundosur dhe “argatët” kryesorë janë Eqrem Kryeziu, Fatmir Sejdiu, Kolë Berisha etj. Salihaj pranon se në Kuvendin VI Zgjedhor krahu i Dacit është “tradhtuar” nga degët e Gjakovës, Mitrovicës dhe ndonjë degë tjetër dhe ministrja Melihate Tërmkolli, e cila sipas tij ka mbetur peng e postit ministror. Ish-zv. kryeministri përkujton se Kryeziu, Sejdiu e Berisha nuk kanë mundur që ta durojnë frymën rugoviste dhe prej kohësh ishin distancuar nga ai. Sipas tij, Eqremi asnjëherë s’ka pasur raporte të sinqerta dhe të mira me Ibrahim Rugovën. Salihaj thotë se Rugova ka pasur rezerva të mëdha edhe ndaj Fatmir Sejdiut. Ai deklaron se pohimet e kryeparlamentarit Berisha se Rugova e ka pasur ndërmend që të bëjë ndryshime në institucione nuk janë aspak të vërteta, por pranon se Ramush Haradinaj ka bërë disa tentativa që Rugova i ka quajtur “lojë të rrezikshme”.

Kosovapress: Pas të gjithave zhvillimeve që kanë ndodhur në Lidhjen Demokratike të Kosovës (LDK), pas Kuvendit të Gjashtë dhe formimit të partisë së re nga Nexhat Daci, Lidhja Demokratike, cilat janë synimet në të ardhmen?

Salihaj: Puna e parë që ne po bëjmë është organizimi i partisë. Në fakt jemi duke rikonfiguruar LDK-në që ne e kishim. Është një punë, e cila lyp të zhvillohet kryesisht në terren, në degë dhe nëndegë. Synimi natyrisht është që ta rikonfigurojmë një LDK të fortë me një emër tjetër, pra me emrin Lidhja Demokratike (LD). Synim i yni është që të jemi faktor politik në Kosovë dhe unë kam besim të madh se do të jemi aty diku.

Kosovapress: Kur thoni se do të jeni faktor kryesor politik, në çka e mbështetni këtë deklarim?

Salihaj: Mendojmë për arsyen e thjeshtë, sepse LDK ishte faktori kryesor politik në vend dhe tash me këtë ndarje të themi të LDK-së, kam bindjen e thellë se pjesa më e madhe e anëtarësisë së LDK-së do të vijë me ne. Duke marrë parasysh këtë faktor, mendoj që ne do marrim shumë më tepër se gjysmën e elektoratit, shumë komuna, respektivisht mbi 90%, në disa 80, 70, diku edhe 50 për qind. Me këtë përqindje që do ta marrim, do ta kemi pjesën kryesore të LDK-së dhe do ta kapërcejmë PDK-në, e cila konsiderojmë se do jetë konkurrenti ynë kryesor.

Kosovapress: Në Kuvendin e fundit të LDK-së u pa se nuk e keni mbështetjen e gjerë të delegatëve siç po deklaroheni me këtë përqindje që synoni të keni dhe se pas vetes keni vetëm gjashtë deputetë.

Salihaj: Kjo nuk është esenciale për partinë, por është anëtarësia. Në bazë të observimeve tona në terren, bisedave dhe konsultimeve, anëtarësia e LDK-së fuqishëm anon ka LD-ja dhe kjo do të jetë e esenciale se a do të jemi parti e fortë, sepse raporti i forcave në kuvend dhe institucione të ndryshme, degë e nëndegë varet nga interesat personale të njerëzve. Secili njeri e ka një interes dhe nëse ai interes rrezikohet, ai person nuk do të identifikohet në këtë fazë me ne. Por në fund, kur do të jenë zgjedhjet, ai do të ketë një votë sikur çdo anëtar tjetër i partisë dhe kjo nuk do të çojë peshë fare në fund kur do të bëhet edhe sublimimi i rezultateve tona.

Kosovapress: Çka e dallon Lidhjen Demokratike të Kosovës (LDK) nga Lidhja Demokratike (LD) e Dacit, po përmendi këtu emrin, simbolet, filozofinë e Rugovës etj.?

Salihaj: Rreth këtyre çështjeve LDK më shumë ka një lloj reagimi të mllefit dhe inatit që ata dëshirojnë ta shprehin në raport me ne, gjë që është krejt e paarsyeshme, pasi ne jemi një parti që po ndahemi. Nuk e kuptoj një mllef aq të madh ndaj nesh, kur do të duhej të kishin oponencë PDK-në, ku akronimi dhe ngjashmëria më shumë përkon me PDK-në se sa me LDK-në. Prandaj, nuk e kuptoj reagimin e tyre, por e konsideroj si një përpjekje për të na penguar që të konsolidohemi si parti politike se sa që është një reagim i arsyeshëm i tyre.

Në anën tjetër, simbolet e kryetarit Rugova nuk janë pronë e dikujt, ato janë simbole të të gjithëve dhe secili ka të drejtë identifikimi me to, por jo t’i përvetësojë. Kushdo në Kosovë, Shqipëri dhe Maqedoni ka të drejtë të identifikohet me rugovizimin si filozofi politike dhe këtë nuk mund t’ia ndalojmë askujt. Nesër mund të formohet një parti krejt e re, e cila nuk ka lidhje as me LDK-në dhe as me LD-në, dhe mund të identifikohet me filozofinë e Rugovës apo dikujt tjetër.

Kosovapress: Po, megjithatë Ibrahim Rugova ka qenë njëri nga themeluesit e LDK-së, dhe në këtë rast a kanë më shumë të drejtë LDK-ja thirret në filozofinë e tij, se sa ju?

Salihaj: Jo, nuk kanë të drejtë aspak më tepër, sepse ne jemi pjesë e asaj filozofie. Madje, ne jemi pjesë e asaj partie, por që jemi ndarë në dysh dhe në këtë rrafsh kemi të drejta të barabarta që të trashëgojmë atë filozofi politike, atë emër, atë figurë, atë trashëgimi politike, etj. Të gjithë ne jemi themelues të asaj partie. Prandaj, dua të them se kjo LDK nuk është më ajo e Rugovës, dhe kemi një LDK krejt tjetër, e cila është distancuar nga të gjitha vlerat dhe simbolet që kishte LDK e kryetarit Rugova. Partia e re politike në esencë nuk është subjekt i ri, por është një krah i fuqishëm i LDK-së, që tash për shkaqe krejt formale detyrohet të identifikohet me një emër paksa më ndryshe.

Kosovapress: Sa e ka dobësuar formimi i partisë suaj, Lidhjen Demokratike të Kosovës (LDK)?

Salihaj: Mendoj se LDK përfundimisht është fundosur, jo nga ne që jemi ndarë, por LDK është fundosur në Kuvendin e Gjashtë Zgjedhor me listën eliminuese dhe përçarëse që paraqiti Fatmir Sejdiu. Konsideroj se edhe po të mos ishim ndarë ne, LDK ka qenë e fundosur. Ne e dimë shumë mirë se si merr frymë elektorati i LDK-së, andaj është një mllef aq i madh me gjithë atë që ka ndodhur, sa që revolta ka qenë deri në atë masë sa anëtarët e LDK-së kanë deklaruar hapur se nëse do të jenë në krye të LDK-së këta që janë, ata nuk do të marrin pjesë në zgjedhjet e ardhshme. Kjo vetvetiu nënkupton se LDK do të fundosej përfundimisht edhe po të rrinim ne aty, dhe po të pajtoheshim me situatën që ishte krijuar. Mendoj se LDK-ja definitivisht nuk do të kishte asnjë perspektivë. Prandaj, mënyra e vetme për ta shpëtuar LDK-në në kuptimin joformal, jo si emër, por si substancë, është kjo që ne tani jemi duke bërë.

Kosovapress: Po, kush më konkretisht e ka fundosur LDK-në?

Salihaj: Dua të them se ka qenë një projekt para vdekjes së Rugovës që veçanërisht është aktualizuar pas vdekjes së tij, një skenar që ka pasur për qëllim ta shkatërrojë LDK-në. Por sigurisht që faktori apo “argati” kryesor i gjithë kësaj ka qenë Eqrem Kryeziu së bashku me Fatmir Sejdiun, Kolë Berishën etj. Mendoj se ata me një vetëdije të plotë kanë shkuar në drejtim të shkatërrimit të LDK-së, sepse dikush u ka thënë që LDK-ja duhet të shkatërrohet dhe nuk duhet të ekzistojë, siç e kanë quajtur shpesh një dinozaur politik në Kosovë, pra një forcë e fuqishme politike, e cila dominon mbi të gjithë.

Esenca e gjithë kësaj, mendoj se ka qëndruar diku tjetër, jo te dominimi i madh i LDK-së në skenën politike të Kosovës, por te fakti që LDK-ja ka qenë kurrizi politik i lëvizjes kombëtare në Kosovë, për liri dhe pavarësi.

Sigurisht se dikush ka qenë i interesuar që të thyejë këtë kurriz, në mënyrë që mos të ketë faktorë të fuqishëm që i mbron interesat dhe një pako që do të hapet tash, të pranohet si e tillë çfarëdo që të jetë përbërja e saj.

Esenca e gjithë këtyre ka qenë krijimi i një situatë të tillë që të pranohet një status qoftë ai edhe jo i favorshëm për Kosovën, dhe të mos ketë një faktor të fuqishëm politik në Kosovë që do të kundërshtonte këtë, ose do të kishte kërkesa më të mëdha se sa që do të ofronte pakoja për statusin e Kosovës.

Esenca e gjithë kësaj nuk ka qenë që një person, ta quajmë Nexhat Daci apo Adem Salihaj, nuk janë të përshtatshëm për komunikim me faktorë të ndryshëm. Kjo është shumë irelevante dhe krejt e parëndësishme, ku krejt esenca e gjithë kësaj ka qenë që të krijohet një situatë ku do të vijnë në vendet kyçe figura të ndryshme që janë të dëgjueshme, duke nënshkruar çdo gjë dhe në fund të realizohet një interes ndoshta jo ai i popullit të Kosovës, po interes i dikujt tjetër, i cili mund të ndërlidhet disi me situatën dhe çështje të ndryshme të Kosovës.

Kosovapress: Doni të thoni se drejtuesit e institucioneve të Kosovës janë të dëgjueshëm për faktorin ndërkombëtar dhe do të nënshkruajnë çfarëdo qoftë në pakon e Ahtisarit ?

Salihaj: Nuk ka asnjë dilemë në këtë drejtim dhe kjo është treguar edhe në praktikë. Mendoj se ata një gjë të tillë do ta bëjnë në çdo situatë dhe çdo moment. Sigurisht se tash pas hapjes së pakos së Ahtisarit, që sipas paralajmërimeve nuk do të jetë edhe aq e mirë për Kosovën. Ata planifikojnë një “ofensivë”, apo një fushatë politike dhe diplomatike në Kosovë, me qëllim që të mashtrohet gjithë opinioni dhe ta pranojë atë pako.

Kosovapress: T’i kthehemi Kuvendit të Gjashtë të LDK-së. Është thënë se krahu i Dacit dy ditë para se të mbahej ky kuvend, ka festuar fitoren. A është e vërtetë kjo?

Salihaj: Jo, absolutisht nuk është e vërtetë. Ne jemi takuar në mbrëmjen 8 dhjetorit me disa delegatë të diasporës në hotelin “Grand” dhe kemi pirë kafe dhe kjo nuk ka qenë asnjë lloj feste.

Kosovapress: Po, kandidati për kryetar i LDK-së, Nexhat Daci gjatë gjithë kohës ka deklaruar se fitoren e ka të sigurt karshi Fatmir Sejdiut. A mendoni se jeni “tradhtuar” nga disa degë?

Salihaj: Po, gjithsesi ne kemi bërë kalkulimet tona dhe kemi pasur deklarime të delegatëve të degëve të ndryshme. Shumë delegatë dhe struktura të degëve kanë fituar në emër të projektit të Dacit, dhe në fakt kanë votuar për Fatmir Sejdiun. Kjo tregon se ata e kanë mashtruar elektoratin e tyre, dhe kanë marrë një mandat për të votuar dikë tjetër dhe kanë votuar dikë tjetër.

Mendoj po ta kishin mbajtur fjalën, fitorja ka qenë e jona, e më tepër se sa e Sejdiut, pra një fitore shumë e ngushtë ndoshta me dy-tre vota. Veçanërisht, Gjakova ka lëvizur negativisht në atë drejtim. Po ashtu, kemi pasur edhe Mitrovicën, ndoshta edhe ndonjë degë tjetër, po e zëmë kryetari i Degës së Dardanës në vazhdimësi është deklaruar për krahun e Dacit, ndërsa ka votuar për anën tjetër. Do të thotë ka qenë një strukturë që ka bërë një lojë jo të ndershme, jo korrekte dhe epilogu i gjithë kësaj tashmë dihet.

Kosovapress: Po, a ju ka tradhtuar edhe ministrja Melihate Tërmkolli, mbase edhe ajo ka kundërshtuar formimin e partisë, ndërkaq para Kuvendit ishte e rreshtuar në taborin e Dacit?

Salihaj: Shtrohet pyetja se a na ka tradhtuar në Kuvendin VI. Por, njerëzit janë të lidhur për poste të ndryshme dhe ajo ka mbetur peng e postit të saj, e cila po ashtu për fat të keq po e mban peng edhe Forumin e Gruas të LDK-së, sepse disponimi i forumit të gruas nuk është ai që po imponon zonjusha Tërmkolli. Por le të mbetet në ndërgjegjen e saj dhe nuk dëshiroj të komentoj më tepër.

Kosovapress: A doni të thoni se krahu i Sejdiut e ka kushtëzuar Tërmkollin me post?

Salihaj:Nuk e di se a e kanë kushtëzuar, por mendoj që po të pozicionohet ajo këndej, atëherë do të ishte rrezik edhe ta humbiste postin e saj.

Kosovapress: Gjatë këtyre viteve sa keni qëndruar në LDK, a ju ka shkuar ndonjëherë në mend se do të vijë kjo ditë dhe do të ndahej LDK-ja?

Salihaj: Sigurisht që jo. Derisa ishte gjallë kryetari Rugova, ishte e paimagjinueshme të vijë deri në një situatë të tillë. Por natyrisht me vdekjen e tij u krijuan rrethana krejt tjera dhe ndodhi kjo ndodhi. Natyrisht me dhimbset shumë, dhe emocionalisht nuk ndjehem mirë për situatën që ka ndodhur.

Kosovapress: Kush sipas jush është më tepër përkrahës i Rugovës, LD-ja apo LDK-ja?

Salihaj: Sigurisht se ne jemi më rugovistë në kuptimin e plotë të fjalës dhe se LDK-ja nuk është fare rugoviste. Ata kanë bërë përpjekje të vazhdueshme të distancohen nga Rugova dhe për këtë ekzistojnë shumë argumente. Kjo kryesi aktuale, me në krye me Eqremin, Kolën, Fatmirin etj., kanë refuzuar në vazhdimësi për të gjallë të Rugovës që mbledhjet t’i mbajmë në “Velani”. Megjithatë erdhën në momentin që ta bëjmë një renovim të objekteve të LDK-së te “Qafa”, renovim që zgjati gjashtë javë dhe gjatë kësaj kohe ne nuk mbajtëm asnjë mbledhje. Kjo strukturë aktuale nuk pranonte që mbledhjet të mbahen në “Velani”, çka do të thotë se i kemi humbur rreth 12 mbledhje dhe arsyeja e thjeshtë ishte se ata nuk dëshironin që të identifikoheshin me kryetarin Rugova.

Fakti tjetër është se ata e kanë zbehur shumë rolin e simboleve që i kishte propozuar Rugova dhe ato iu kanë mbetur nëpër zyre dhe s’po dinë çka të bëjnë me to. Por, megjithatë, shpirtërisht nuk duan që të identifikohen me ato simbole. Argumenti i fundit është tërheqja e Projektligjit për Memorialin Rugova. Është vetëm një demagogji e thjeshtë e Kolë Berishës se gjoja nuk ka qenë ligji komplet.

Këto fakte absolutisht nuk qëndrojnë, sepse ligji ka qenë në rregull, por ka qenë kërkesë e partive të opozitës që të hiqet për arsyen e thjeshtë partiake që ne i dimë. Të gjitha këto elemente tregojnë se struktura e tashme e LDK-së është nën ndikimin dhe kontrollin e plotë të partive tjera dhe aspak nuk lufton për frymën dhe idealet që kishte dikur LDK-ja. Për këtë do të bindemi në të ardhmen. Fakti që ne themi se jemi më rugovistë kjo nuk do të thotë se këtë e bëjmë për propagandë, por jam i bindur se LDK-ja kishte vlera të mëdha politike dhe kombëtare.

Kosovapress: Mbase thoni se keni qenë njeri i afërt me Rugovën, po cilat kanë qenë raportet e tij me Eqrem Kryeziun?

Salihaj: Eqrem Kryeziu që nga fillimi ka qenë i distancuar nga Rugova. Që nga viti 1998 kur ishte në Kryesinë e LDK-së si nënkryetar i parë, gati deri me sëmundjen e Rugovës, asnjëherë nuk ka ardhur në mbledhje të Kryesisë. Por, pas vdekjes së Rugovës, ai i ka treguar arsyet se pse nuk vinte në këto mbledhje, sepse normalisht se nuk mund ta duronte figurën e Rugovës, frymën e tij, mënyrën se si e punonte, respektivisht metodat e punës, etj.

Madje, para se të vdiste Rugova, gjatë periudhës kur ai ishte i sëmurë dhe kur është detyruar që ta ngrinte postin e kryetarit të LDK-së, Eqrem Kryeziu ka dhënë deklarata shumë fyese për Rugovën. Andaj, mendoj se Eqrem Kryeziu asnjëherë nuk ka pasur raporte të sinqerta dhe të mira me Rugovën, veçanërisht kjo është parë gjatë sëmundjes së tij. Në momentin kur Rugova nuk i udhëhiqte më mbledhjet e Kryesisë së LDK-së, Eqremi filloi të vinte.

Pavarësisht asaj se kryetari e propozoi Fatmir Sejdiun për sekretar të përgjithshëm të partisë dhe unë ndoshta isha i vetmi që e kam përkrahur në Kryesinë e LDK-së, megjithatë kishte shumë rezerva ndaj tij dhe Rugova e dinte se ai ishte i afërt me disa njerëz që ishin distancuar dhe larguar nga LDK-ja dhe fryma e Rugovës.

Kosovapress: Po kryeparlamentari Kolë Berisha ka thënë se Rugova e ka pasur ndërmend që të bëjë ndryshime në institucione. Cila është e vërteta?

Salihaj:Kjo deklaratë e Kolës ishte plotësisht e pavërtetë. Mund të them se askush nuk ka pasur raporte më të afërta me Rugovën se sa unë. Kam komunikuar në vazhdimësi në kohën kur kam qenë zv. kryeministër. Madje i kemi diskutuar çështjet e institucioneve, dhe në asnjë rast nuk e ka përmendur çështjen e ndërrimeve në IPVQ. Përkundrazi kryetari ka qenë shumë i interesuar që institucionet të jenë stabile dhe mos të lëshohemi në lojëra të rrezikshme të destabilizimit të tyre.

Kola dhe disa të tjerë spekulojnë për arsye se ishte një mosmarrëveshje në Ekipin Negociator në një moment të caktuar që absolutisht nuk ka lidhje me çështjet e ndërrimeve. Mund të them se ka pasur struktura vendore që në forma të tërthorta kanë bërë përpjekje që të ndikojnë te Rugova për ndryshime në institucione si në parlament, ashtu edhe në qeveri, por ai në asnjë moment nuk i ka marrë parasysh këto.

Mund të them se një prej atyre ka qenë Ramush Haradinaj, i cili ka tentuar në forma të ndryshme që të ketë ndikim për ndryshime në qeveri veçanërisht të kryeministrit Bajram Kosumi, por Rugova me një nervoz e ka refuzuar këtë dhe e ka quajtur si lojë të rrezikshme të Haradinajt. Andaj, pohimet e Kolës janë krejt spekulime, se kinse Rugova është pajtuar që të bëjë ndryshime të caktuara në

institucione. (vijon)

Intervistuan: /Lumturie Blakaj-Mirjeta Dervishi/

[teksaskosova]

Zt.Adem Salihaj nuk jeni korrekte.Votimi ka qene i fshehet dhe nuk keni drejte qe te thoni kete sepse po deshmoni se votat i keni manipuluar.

[Llapi]

Intervista
Kryeziu, Sejdiu dhe Berisha janë “argatët” kryesorë që e fundosën LDK-në (1)


Adem Salihaj

Ish-zëvendëskryeministri i Kosovës, Adem Salihaj, në një intervistë për Kosovapress ka thënë se LDK-ja aktuale absolutisht nuk është më ajo e Rugovës dhe simbolet e tij iu kanë mbetur nëpër zyre dhe s’po dinë se çfarë të bëjnë me to. Ai mendon se LDK-ja tashmë është fundosur dhe “argatët” kryesorë janë Eqrem Kryeziu, Fatmir Sejdiu, Kolë Berisha etj. Salihaj pranon se në Kuvendin VI Zgjedhor krahu i Dacit është “tradhtuar” nga degët e Gjakovës, Mitrovicës dhe ndonjë degë tjetër dhe ministrja Melihate Tërmkolli, e cila sipas tij ka mbetur peng e postit ministror. Ish-zv. kryeministri përkujton se Kryeziu, Sejdiu e Berisha nuk kanë mundur që ta durojnë frymën rugoviste dhe prej kohësh ishin distancuar nga ai. Sipas tij, Eqremi asnjëherë s’ka pasur raporte të sinqerta dhe të mira me Ibrahim Rugovën. Salihaj thotë se Rugova ka pasur rezerva të mëdha edhe ndaj Fatmir Sejdiut. Ai deklaron se pohimet e kryeparlamentarit Berisha se Rugova e ka pasur ndërmend që të bëjë ndryshime në institucione nuk janë aspak të vërteta, por pranon se Ramush Haradinaj ka bërë disa tentativa që Rugova i ka quajtur “lojë të rrezikshme”.

Kosovapress: Pas të gjithave zhvillimeve që kanë ndodhur në Lidhjen Demokratike të Kosovës (LDK), pas Kuvendit të Gjashtë dhe formimit të partisë së re nga Nexhat Daci, Lidhja Demokratike, cilat janë synimet në të ardhmen?

Salihaj: Puna e parë që ne po bëjmë është organizimi i partisë. Në fakt jemi duke rikonfiguruar LDK-në që ne e kishim. Është një punë, e cila lyp të zhvillohet kryesisht në terren, në degë dhe nëndegë. Synimi natyrisht është që ta rikonfigurojmë një LDK të fortë me një emër tjetër, pra me emrin Lidhja Demokratike (LD). Synim i yni është që të jemi faktor politik në Kosovë dhe unë kam besim të madh se do të jemi aty diku.

Kosovapress: Kur thoni se do të jeni faktor kryesor politik, në çka e mbështetni këtë deklarim?

Salihaj: Mendojmë për arsyen e thjeshtë, sepse LDK ishte faktori kryesor politik në vend dhe tash me këtë ndarje të themi të LDK-së, kam bindjen e thellë se pjesa më e madhe e anëtarësisë së LDK-së do të vijë me ne. Duke marrë parasysh këtë faktor, mendoj që ne do marrim shumë më tepër se gjysmën e elektoratit, shumë komuna, respektivisht mbi 90%, në disa 80, 70, diku edhe 50 për qind. Me këtë përqindje që do ta marrim, do ta kemi pjesën kryesore të LDK-së dhe do ta kapërcejmë PDK-në, e cila konsiderojmë se do jetë konkurrenti ynë kryesor.

Kosovapress: Në Kuvendin e fundit të LDK-së u pa se nuk e keni mbështetjen e gjerë të delegatëve siç po deklaroheni me këtë përqindje që synoni të keni dhe se pas vetes keni vetëm gjashtë deputetë.

Salihaj: Kjo nuk është esenciale për partinë, por është anëtarësia. Në bazë të observimeve tona në terren, bisedave dhe konsultimeve, anëtarësia e LDK-së fuqishëm anon ka LD-ja dhe kjo do të jetë e esenciale se a do të jemi parti e fortë, sepse raporti i forcave në kuvend dhe institucione të ndryshme, degë e nëndegë varet nga interesat personale të njerëzve. Secili njeri e ka një interes dhe nëse ai interes rrezikohet, ai person nuk do të identifikohet në këtë fazë me ne. Por në fund, kur do të jenë zgjedhjet, ai do të ketë një votë sikur çdo anëtar tjetër i partisë dhe kjo nuk do të çojë peshë fare në fund kur do të bëhet edhe sublimimi i rezultateve tona.

Kosovapress: Çka e dallon Lidhjen Demokratike të Kosovës (LDK) nga Lidhja Demokratike (LD) e Dacit, po përmendi këtu emrin, simbolet, filozofinë e Rugovës etj.?

Salihaj: Rreth këtyre çështjeve LDK më shumë ka një lloj reagimi të mllefit dhe inatit që ata dëshirojnë ta shprehin në raport me ne, gjë që është krejt e paarsyeshme, pasi ne jemi një parti që po ndahemi. Nuk e kuptoj një mllef aq të madh ndaj nesh, kur do të duhej të kishin oponencë PDK-në, ku akronimi dhe ngjashmëria më shumë përkon me PDK-në se sa me LDK-në. Prandaj, nuk e kuptoj reagimin e tyre, por e konsideroj si një përpjekje për të na penguar që të konsolidohemi si parti politike se sa që është një reagim i arsyeshëm i tyre.

Në anën tjetër, simbolet e kryetarit Rugova nuk janë pronë e dikujt, ato janë simbole të të gjithëve dhe secili ka të drejtë identifikimi me to, por jo t’i përvetësojë. Kushdo në Kosovë, Shqipëri dhe Maqedoni ka të drejtë të identifikohet me rugovizimin si filozofi politike dhe këtë nuk mund t’ia ndalojmë askujt. Nesër mund të formohet një parti krejt e re, e cila nuk ka lidhje as me LDK-në dhe as me LD-në, dhe mund të identifikohet me filozofinë e Rugovës apo dikujt tjetër.

Kosovapress: Po, megjithatë Ibrahim Rugova ka qenë njëri nga themeluesit e LDK-së, dhe në këtë rast a kanë më shumë të drejtë LDK-ja thirret në filozofinë e tij, se sa ju?

Salihaj: Jo, nuk kanë të drejtë aspak më tepër, sepse ne jemi pjesë e asaj filozofie. Madje, ne jemi pjesë e asaj partie, por që jemi ndarë në dysh dhe në këtë rrafsh kemi të drejta të barabarta që të trashëgojmë atë filozofi politike, atë emër, atë figurë, atë trashëgimi politike, etj. Të gjithë ne jemi themelues të asaj partie. Prandaj, dua të them se kjo LDK nuk është më ajo e Rugovës, dhe kemi një LDK krejt tjetër, e cila është distancuar nga të gjitha vlerat dhe simbolet që kishte LDK e kryetarit Rugova. Partia e re politike në esencë nuk është subjekt i ri, por është një krah i fuqishëm i LDK-së, që tash për shkaqe krejt formale detyrohet të identifikohet me një emër paksa më ndryshe.

Kosovapress: Sa e ka dobësuar formimi i partisë suaj, Lidhjen Demokratike të Kosovës (LDK)?

Salihaj: Mendoj se LDK përfundimisht është fundosur, jo nga ne që jemi ndarë, por LDK është fundosur në Kuvendin e Gjashtë Zgjedhor me listën eliminuese dhe përçarëse që paraqiti Fatmir Sejdiu. Konsideroj se edhe po të mos ishim ndarë ne, LDK ka qenë e fundosur. Ne e dimë shumë mirë se si merr frymë elektorati i LDK-së, andaj është një mllef aq i madh me gjithë atë që ka ndodhur, sa që revolta ka qenë deri në atë masë sa anëtarët e LDK-së kanë deklaruar hapur se nëse do të jenë në krye të LDK-së këta që janë, ata nuk do të marrin pjesë në zgjedhjet e ardhshme. Kjo vetvetiu nënkupton se LDK do të fundosej përfundimisht edhe po të rrinim ne aty, dhe po të pajtoheshim me situatën që ishte krijuar. Mendoj se LDK-ja definitivisht nuk do të kishte asnjë perspektivë. Prandaj, mënyra e vetme për ta shpëtuar LDK-në në kuptimin joformal, jo si emër, por si substancë, është kjo që ne tani jemi duke bërë.

Kosovapress: Po, kush më konkretisht e ka fundosur LDK-në?

Salihaj: Dua të them se ka qenë një projekt para vdekjes së Rugovës që veçanërisht është aktualizuar pas vdekjes së tij, një skenar që ka pasur për qëllim ta shkatërrojë LDK-në. Por sigurisht që faktori apo “argati” kryesor i gjithë kësaj ka qenë Eqrem Kryeziu së bashku me Fatmir Sejdiun, Kolë Berishën etj. Mendoj se ata me një vetëdije të plotë kanë shkuar në drejtim të shkatërrimit të LDK-së, sepse dikush u ka thënë që LDK-ja duhet të shkatërrohet dhe nuk duhet të ekzistojë, siç e kanë quajtur shpesh një dinozaur politik në Kosovë, pra një forcë e fuqishme politike, e cila dominon mbi të gjithë.

Esenca e gjithë kësaj, mendoj se ka qëndruar diku tjetër, jo te dominimi i madh i LDK-së në skenën politike të Kosovës, por te fakti që LDK-ja ka qenë kurrizi politik i lëvizjes kombëtare në Kosovë, për liri dhe pavarësi.

Sigurisht se dikush ka qenë i interesuar që të thyejë këtë kurriz, në mënyrë që mos të ketë faktorë të fuqishëm që i mbron interesat dhe një pako që do të hapet tash, të pranohet si e tillë çfarëdo që të jetë përbërja e saj.

Esenca e gjithë këtyre ka qenë krijimi i një situatë të tillë që të pranohet një status qoftë ai edhe jo i favorshëm për Kosovën, dhe të mos ketë një faktor të fuqishëm politik në Kosovë që do të kundërshtonte këtë, ose do të kishte kërkesa më të mëdha se sa që do të ofronte pakoja për statusin e Kosovës.

Esenca e gjithë kësaj nuk ka qenë që një person, ta quajmë Nexhat Daci apo Adem Salihaj, nuk janë të përshtatshëm për komunikim me faktorë të ndryshëm. Kjo është shumë irelevante dhe krejt e parëndësishme, ku krejt esenca e gjithë kësaj ka qenë që të krijohet një situatë ku do të vijnë në vendet kyçe figura të ndryshme që janë të dëgjueshme, duke nënshkruar çdo gjë dhe në fund të realizohet një interes ndoshta jo ai i popullit të Kosovës, po interes i dikujt tjetër, i cili mund të ndërlidhet disi me situatën dhe çështje të ndryshme të Kosovës.

Kosovapress: Doni të thoni se drejtuesit e institucioneve të Kosovës janë të dëgjueshëm për faktorin ndërkombëtar dhe do të nënshkruajnë çfarëdo qoftë në pakon e Ahtisarit ?

Salihaj: Nuk ka asnjë dilemë në këtë drejtim dhe kjo është treguar edhe në praktikë. Mendoj se ata një gjë të tillë do ta bëjnë në çdo situatë dhe çdo moment. Sigurisht se tash pas hapjes së pakos së Ahtisarit, që sipas paralajmërimeve nuk do të jetë edhe aq e mirë për Kosovën. Ata planifikojnë një “ofensivë”, apo një fushatë politike dhe diplomatike në Kosovë, me qëllim që të mashtrohet gjithë opinioni dhe ta pranojë atë pako.

Kosovapress: T’i kthehemi Kuvendit të Gjashtë të LDK-së. Është thënë se krahu i Dacit dy ditë para se të mbahej ky kuvend, ka festuar fitoren. A është e vërtetë kjo?

Salihaj: Jo, absolutisht nuk është e vërtetë. Ne jemi takuar në mbrëmjen 8 dhjetorit me disa delegatë të diasporës në hotelin “Grand” dhe kemi pirë kafe dhe kjo nuk ka qenë asnjë lloj feste.

Kosovapress: Po, kandidati për kryetar i LDK-së, Nexhat Daci gjatë gjithë kohës ka deklaruar se fitoren e ka të sigurt karshi Fatmir Sejdiut. A mendoni se jeni “tradhtuar” nga disa degë?

Salihaj: Po, gjithsesi ne kemi bërë kalkulimet tona dhe kemi pasur deklarime të delegatëve të degëve të ndryshme. Shumë delegatë dhe struktura të degëve kanë fituar në emër të projektit të Dacit, dhe në fakt kanë votuar për Fatmir Sejdiun. Kjo tregon se ata e kanë mashtruar elektoratin e tyre, dhe kanë marrë një mandat për të votuar dikë tjetër dhe kanë votuar dikë tjetër.

Mendoj po ta kishin mbajtur fjalën, fitorja ka qenë e jona, e më tepër se sa e Sejdiut, pra një fitore shumë e ngushtë ndoshta me dy-tre vota. Veçanërisht, Gjakova ka lëvizur negativisht në atë drejtim. Po ashtu, kemi pasur edhe Mitrovicën, ndoshta edhe ndonjë degë tjetër, po e zëmë kryetari i Degës së Dardanës në vazhdimësi është deklaruar për krahun e Dacit, ndërsa ka votuar për anën tjetër. Do të thotë ka qenë një strukturë që ka bërë një lojë jo të ndershme, jo korrekte dhe epilogu i gjithë kësaj tashmë dihet.

Kosovapress: Po, a ju ka tradhtuar edhe ministrja Melihate Tërmkolli, mbase edhe ajo ka kundërshtuar formimin e partisë, ndërkaq para Kuvendit ishte e rreshtuar në taborin e Dacit?

Salihaj: Shtrohet pyetja se a na ka tradhtuar në Kuvendin VI. Por, njerëzit janë të lidhur për poste të ndryshme dhe ajo ka mbetur peng e postit të saj, e cila po ashtu për fat të keq po e mban peng edhe Forumin e Gruas të LDK-së, sepse disponimi i forumit të gruas nuk është ai që po imponon zonjusha Tërmkolli. Por le të mbetet në ndërgjegjen e saj dhe nuk dëshiroj të komentoj më tepër.

Kosovapress: A doni të thoni se krahu i Sejdiut e ka kushtëzuar Tërmkollin me post?

Salihaj:Nuk e di se a e kanë kushtëzuar, por mendoj që po të pozicionohet ajo këndej, atëherë do të ishte rrezik edhe ta humbiste postin e saj.

Kosovapress: Gjatë këtyre viteve sa keni qëndruar në LDK, a ju ka shkuar ndonjëherë në mend se do të vijë kjo ditë dhe do të ndahej LDK-ja?

Salihaj: Sigurisht që jo. Derisa ishte gjallë kryetari Rugova, ishte e paimagjinueshme të vijë deri në një situatë të tillë. Por natyrisht me vdekjen e tij u krijuan rrethana krejt tjera dhe ndodhi kjo ndodhi. Natyrisht me dhimbset shumë, dhe emocionalisht nuk ndjehem mirë për situatën që ka ndodhur.

Kosovapress: Kush sipas jush është më tepër përkrahës i Rugovës, LD-ja apo LDK-ja?

Salihaj: Sigurisht se ne jemi më rugovistë në kuptimin e plotë të fjalës dhe se LDK-ja nuk është fare rugoviste. Ata kanë bërë përpjekje të vazhdueshme të distancohen nga Rugova dhe për këtë ekzistojnë shumë argumente. Kjo kryesi aktuale, me në krye me Eqremin, Kolën, Fatmirin etj., kanë refuzuar në vazhdimësi për të gjallë të Rugovës që mbledhjet t’i mbajmë në “Velani”. Megjithatë erdhën në momentin që ta bëjmë një renovim të objekteve të LDK-së te “Qafa”, renovim që zgjati gjashtë javë dhe gjatë kësaj kohe ne nuk mbajtëm asnjë mbledhje. Kjo strukturë aktuale nuk pranonte që mbledhjet të mbahen në “Velani”, çka do të thotë se i kemi humbur rreth 12 mbledhje dhe arsyeja e thjeshtë ishte se ata nuk dëshironin që të identifikoheshin me kryetarin Rugova.

Fakti tjetër është se ata e kanë zbehur shumë rolin e simboleve që i kishte propozuar Rugova dhe ato iu kanë mbetur nëpër zyre dhe s’po dinë çka të bëjnë me to. Por, megjithatë, shpirtërisht nuk duan që të identifikohen me ato simbole. Argumenti i fundit është tërheqja e Projektligjit për Memorialin Rugova. Është vetëm një demagogji e thjeshtë e Kolë Berishës se gjoja nuk ka qenë ligji komplet.

Këto fakte absolutisht nuk qëndrojnë, sepse ligji ka qenë në rregull, por ka qenë kërkesë e partive të opozitës që të hiqet për arsyen e thjeshtë partiake që ne i dimë. Të gjitha këto elemente tregojnë se struktura e tashme e LDK-së është nën ndikimin dhe kontrollin e plotë të partive tjera dhe aspak nuk lufton për frymën dhe idealet që kishte dikur LDK-ja. Për këtë do të bindemi në të ardhmen. Fakti që ne themi se jemi më rugovistë kjo nuk do të thotë se këtë e bëjmë për propagandë, por jam i bindur se LDK-ja kishte vlera të mëdha politike dhe kombëtare.

Kosovapress: Mbase thoni se keni qenë njeri i afërt me Rugovën, po cilat kanë qenë raportet e tij me Eqrem Kryeziun?

Salihaj: Eqrem Kryeziu që nga fillimi ka qenë i distancuar nga Rugova. Që nga viti 1998 kur ishte në Kryesinë e LDK-së si nënkryetar i parë, gati deri me sëmundjen e Rugovës, asnjëherë nuk ka ardhur në mbledhje të Kryesisë. Por, pas vdekjes së Rugovës, ai i ka treguar arsyet se pse nuk vinte në këto mbledhje, sepse normalisht se nuk mund ta duronte figurën e Rugovës, frymën e tij, mënyrën se si e punonte, respektivisht metodat e punës, etj.

Madje, para se të vdiste Rugova, gjatë periudhës kur ai ishte i sëmurë dhe kur është detyruar që ta ngrinte postin e kryetarit të LDK-së, Eqrem Kryeziu ka dhënë deklarata shumë fyese për Rugovën. Andaj, mendoj se Eqrem Kryeziu asnjëherë nuk ka pasur raporte të sinqerta dhe të mira me Rugovën, veçanërisht kjo është parë gjatë sëmundjes së tij. Në momentin kur Rugova nuk i udhëhiqte më mbledhjet e Kryesisë së LDK-së, Eqremi filloi të vinte.

Pavarësisht asaj se kryetari e propozoi Fatmir Sejdiun për sekretar të përgjithshëm të partisë dhe unë ndoshta isha i vetmi që e kam përkrahur në Kryesinë e LDK-së, megjithatë kishte shumë rezerva ndaj tij dhe Rugova e dinte se ai ishte i afërt me disa njerëz që ishin distancuar dhe larguar nga LDK-ja dhe fryma e Rugovës.

Kosovapress: Po kryeparlamentari Kolë Berisha ka thënë se Rugova e ka pasur ndërmend që të bëjë ndryshime në institucione. Cila është e vërteta?

Salihaj:Kjo deklaratë e Kolës ishte plotësisht e pavërtetë. Mund të them se askush nuk ka pasur raporte më të afërta me Rugovën se sa unë. Kam komunikuar në vazhdimësi në kohën kur kam qenë zv. kryeministër. Madje i kemi diskutuar çështjet e institucioneve, dhe në asnjë rast nuk e ka përmendur çështjen e ndërrimeve në IPVQ. Përkundrazi kryetari ka qenë shumë i interesuar që institucionet të jenë stabile dhe mos të lëshohemi në lojëra të rrezikshme të destabilizimit të tyre.

Kola dhe disa të tjerë spekulojnë për arsye se ishte një mosmarrëveshje në Ekipin Negociator në një moment të caktuar që absolutisht nuk ka lidhje me çështjet e ndërrimeve. Mund të them se ka pasur struktura vendore që në forma të tërthorta kanë bërë përpjekje që të ndikojnë te Rugova për ndryshime në institucione si në parlament, ashtu edhe në qeveri, por ai në asnjë moment nuk i ka marrë parasysh këto.

Mund të them se një prej atyre ka qenë Ramush Haradinaj, i cili ka tentuar në forma të ndryshme që të ketë ndikim për ndryshime në qeveri veçanërisht të kryeministrit Bajram Kosumi, por Rugova me një nervoz e ka refuzuar këtë dhe e ka quajtur si lojë të rrezikshme të Haradinajt. Andaj, pohimet e Kolës janë krejt spekulime, se kinse Rugova është pajtuar që të bëjë ndryshime të caktuara në

institucione. (vijon)

Intervistuan: /Lumturie Blakaj-Mirjeta Dervishi/

Nuk duhet përjashtuar mundësia e ngritjes së ndonjë aktakuze ndaj Dacit (2)


Adem Salihaj

Ish-zëvendëskryeministri i Kosovës, Adem Salihaj, në vazhdim të intervistës për Kosovapress thotë se gjatë gjithë kohës LDK-ja ka bërë një fushatë të egër politike ndaj Dacit, dhe asgjë nuk ka të bëjë me shkeljet që janë bërë në Kuvendin e Kosovës. Salihaj pohon se ekziston mundësia që të jetë nënkryetar i Lidhjes Demokratike (LD). Ish-zv. kryeministri thotë se rrëzimi i qeverisë varet nga votat e deputetëve të LD-së.

Kosovapress: A po bëhen lojëra politike nga LDK-ja dhe LD-ja me figurën e Rugovës?

Salihaj: Nuk kemi bërë lojëra për asgjë, sepse po të donim të bëjmë lojëra, ne kemi mundur që ta bëjmë këtë që në dhjetor, kur ishte çështja e votimit të buxhetit, ngase është varur nga tri-katër vota miratimi i tij dhe një mos aprovim i buxhetit do të ishte një paralajmërim i rrëzimit të qeverisë. Andaj, po të ishim ne të udhëhequr nga emocionet dhe mllefi, do ta kishim bërë këtë. Në këtë rast i kemi treguar vlerat tona, sepse nuk e di a kanë lënë gjë pa bërë këta kundërshtarët tanë politikë brenda LDK-së, që të na shkarkojnë, eliminojmë etj., dhe ne logjikisht do të mund ta bënim të njëjtën gjë ndaj tyre, por ne nuk e kemi bërë, sepse kemi vlera dhe nuk na intereson mllefi, por na intereson çështja e Kosovës.

Me atë akt që ne kishim mundësi ta bëjmë, do të krijonim një destabilitet në institucionet e Kosovës dhe ky nuk ishte interesi i Kosovës. Përndryshe, kjo qeveri dhe këta njerëz nuk meritojnë që ta mbrojmë dhe as t’i lejmë në ato pozicione, pas të gjitha atyre që kanë bërë. Por megjithatë nuk jemi ata që nisemi prej interesave dhe mllefeve personale.

Kosovapress: Po mirë, a mendoni që LDK-ja po bënë lojëra politike me figurën e Rugovës?

Salihaj: LDK tash, pas ndarjes sonë, disi po e përmend si shumë Rugovën dhe më herët nuk e përmendte fare. (Qeshet) Tash sigurisht se figura e tij po i duhet për lojëra, jo që vërtet e duan atë, por tash e kanë rrezikun që të identifikohen si strukturë që nuk e do Rugovën dhe që distancohet prej saj, atëherë elektorati largohet. Por fjalët janë tjera dhe veprimet janë tjera. Andaj, të gjitha veprimet e tyre që nga koha e vdekjes së Rugovës kanë treguar se ata janë distancuar në masa të mëdha ndaj tij.

Kosovapress: T’i kthehemi fuqisë politike të LD-së. Sa deputetë numëron partia juaj në Kuvendin e Kosovës?

Salihaj: Nuk i kemi hyrë këtij numërimi ende. Ne do të shohim se a na nevojitet një grup i ri parlamentar dhe çka do të shërbente ai. Për momentin nuk e quajmë aktuale këtë çështje.

Kosovapress: Me cilën nga partitë jeni më të afërt?

Salihaj: Është një pyetje e vështirë për t’u përgjigjur. Tash për tash nuk kemi bërë përpjekje të krijojmë raporte të caktuara me parti të ndryshme. Thjesht, do të jenë çështje të interesave të mëdha në të ardhmen dhe afërsinë do ta krijojmë pas zgjedhjeve në bazë të interesave. Kjo do të jetë esenciale. Natyrisht duke marrë parasysh që ne dhe LDK-ja jemi një parti që jemi ndarë në dy pjesë, andaj edhe mundësinë për të qenë më të afërt për bashkëpunim e shoh me LDK-në. Por kur i marr parasysh veprimet që kanë bërë këta njerëz që janë në krye të LDK-së, nuk e shoh shumë të lehtë edhe bashkëpunimin me ta.

Kosovapress: A mendoni se partnerët e koalicionit LDK-AAK tashmë e kanë humbur shumicën dhe kemi të bëjmë me krizë qeveritare?

Salihaj: Po, me siguri se po. Varet nga ne se a do të qëndrojë kjo qeveri apo jo dhe ne do të mendojmë mirë se a është në interesin e Kosovës që të qëndrojnë këta njerëz në këto poste, apo s’është në interesin e Kosovës. Kam thënë edhe më herët se ka ekzistuar një skenar që të krijohet një qeveri e koalicionit gjithëpërfshirës me një përfshirje të të gjithëve, me qëllim që të gjithë të jenë bashkëpërgjegjës për të gjitha që ndodhin dhe asnjëri të mos mund të akuzojë tjetrin. Mirëpo, në anën tjetër nuk dëshiroj ta siguroj këtë koalicion se do të jetë i sigurt në të ardhmen, sepse mund të jetë shumë i rrezikuar nëse sillet me pa përgjegjësi, siç është sjell veçanërisht kohëve të fundit.

Kosovapress: A do të thotë kjo se do të hakmerreni për shkarkimin e juaj dhe të Dacit?

Salihaj: Si hakmarrje, jo. Edhe pse kemi mundur ta bëjmë një gjë të tillë qysh në dhjetorin në rastin e buxhetit, por nuk e kemi bërë, megjithatë kolegët tanë do të kishin bërë një gjë të tillë, sepse ata kanë bërë edhe me herët. Por ne do t’i analizojmë të gjitha dhe do të shohim se a është e aftë kjo strukturë udhëheqëse që t’i çojë proceset deri në fund, ngase para meje ka dilema shumë të mëdha se a mund ta kryejë funksionin si duhet struktura aktuale.

Ishte pikërisht kjo që ndodhi me LDK-në, dhe sjellja servile e një pjese të LDK-së që shkaktoi shtyrjen e vendimit për statusin. Dhe, nëse kjo do të vazhdojë kësisoj, ku rrezikohen interesat e Kosovës, atëherë ky do të jetë shkaku ose argumenti që ne mos ta përkrahim në të ardhmen këtë qeveri.

Kosovapress: Por në bazë të fuqisë suaj politike, kreu i PDK-së Hashim Thaçi ka pohuar se një parti me 6 deputetë nuk mund të rrëzojë Qeverinë. A mundet LD-ja ta rrëzojë qeverinë?

Salihaj: Nuk e di se çfarë ka deklaruar z. Thaçi, por mund të them se koalicioni qeverisës ka mundur të funksionojë në bazë të votave që kishte LDK-AAK, si dhe pakicat në Parlamentin e Kosovës. Dhe nëse hiqet një numër i votave dhe koalicioni mbetet më pak se 61 vota, atëherë normalisht se është i rrezikuar. Gjithashtu dua të them se nëse Thaçi deri tash ka bërë çmos për rënien e qeverisë dhe tash mendon ndryshe, është çështje e parimeve dhe e moralit të tij politik. Ju e dini që Bashkimi Evropian ka gjetur një mënyre që në Ekipin Negociator të gjithë t’i bëjë bashkëpërgjegjës për dështimet që po ndodhin dhe disi ata po e gjejnë mënyrën që ta mbrojnë njëri- tjetrin.

Kosovapress: T’i kthehemi çështjes së të gjeturave faktike në Kuvendin e Kosovës në kohën e ish-kryeparlamentarit Nexhat Daci, ku thuhet se ka pasur disa parregullsi. Cili është komenti juaj lidhur me këtë?

Salihaj: Pa dyshim se e gjithë kjo ka të bëjë me një fushatë politike dhe aspak s’ka të bëjë me atë që ka ndodhur, ngase janë disa cikërrime apo imtësi në menaxhimin e buxhetit në Parlament. Prandaj, janë çështje të procedurave, e jo të keqpërdorimeve. Mendoj se gjithë kjo fushatë është e nisur me një qëllim të caktuar të rrënimit moral të Dacit dhe rrëzimit të tij.

Që nga vdekja e kryetarit Rugova ka ekzistuar një fushatë e orkestruar politike kundër Dacit, meje dhe disa figurave për të cilat është vlerësuar se brenda LDK-së mund të kenë autoritet dhe mund të vijnë ndoshta në krye të LDK-së. Kjo ka qenë esenca e gjithë kësaj fushate dhe mendoj që nuk ka lidhje absolute me keqpërdorime eventuale apo diçka tjetër në parlament, sepse nuk ka njësi buxhetore në Kosovë që nuk ka shkelje të mëdha të procedurave.

Kosovapress: Kanë ndodhur disa arrestime dhe suspendime të njerëzve që thuhet se kanë bërë keqpërdorim të detyrës zyrtare, pikërisht gjatë mandatit të Dacit. Ndërkohë, që jo zyrtarisht është thënë se Prokuroria është duke përgatitur edhe një aktakuzë ndaj Nexhat Dacit. A besoni se do të ndodhë një gjë e tillë?

Salihaj: Duke i parë zhvillimet e deritashme, mendoj se çdo gjë është e mundur, sepse çdo gjë është në funksion të politikës edhe në funksion të deklasimit politik të kundërshtarëve. Nuk duhet përjashtuar edhe një mundësi e tillë, duke marrë parasysh se nuk janë zgjedhur mjete për t’i deklasuar ose eliminuar figurat politike në Kosovë.

Ne po vijmë në një situatë që të përsëriten regjimet e së kaluarës, sepse po përdoren prokuroritë, gjykatat dhe policitë për eliminime politike. Nuk e përjashtoj edhe një mundësi të tillë. Por, mendoj se në fund e gjithë kjo do të kthehet si një bumerang ndaj gjithë atyre që i bëjnë këto. Thjesht, në fillim mund të duket si një sukses, por në fund të deklasuar do të jenë vetë ata që i bëjnë këto veprime.

Kosovapress: Cili do të jetë posti juaj i ardhshëm në LD?

Salihaj: Paj, për këtë do të vendosë Kuvendi themelues i LD-së. Jam munduar që të jap një kontribut aq sa kam pasur mundësi. Shpresoj se kjo do të më vlerësohet.

Kosovapress: A do të jeni nënkryetar?

Salihaj: Do ta shohim. Ekziston edhe ajo mundësi. (Qeshet)

Kosovapress: Dhe krejt në fund, a e shihni afrinë e Ramë Marajt me LD-në?

Salihaj: Ramë Maraj nuk besoj që është pjesë politike.

Intervistuan: /Lumturie Blakaj-Mirjeta Dervishi/

[Llapi]

Tash siq po shifet keta jugo-titistat i lan grushtat e i rroken armet bombat
-----------------------
Akt kriminal me shumë prapaskena



Dega e LD-së në Gjilan, dënon shpërthimin në objektin e disa partive politike të Gjilanit.



Gjilan, 29 Janar 2007



Dega e LD të Gjilanit, me gjithë strukturën e saj organizative në terren , shpërthimin e mbrëmshëm në objektin të cilin e shfrytëzojnë disa parti politike të Gjilanit, e tash së voni edhe LD-ja, e cilëson akt tipik kriminal dhe sit ë tillë e dënon pa hezitim.



Ideatorët dhe ekzekutorët e këtij shpërthimi i cili për fat nuk pati viktima në njerëz, kanë synuar që përmes këtij veprimi tinëzar dhe me prapaskena të shumta, ta destabilizojnë këtë pjesë të Kosovës, në prag të hapjes së propozimit për statusin e saj të ardhshëm, të prishin imazhin tashmë në lëndim të Gjilanit para opinionit publik dhe atij ndërkombëtar, të thellojnë ndasitë politike sidomos mes subjekteve LD dhe LDK (kinse po shtyhen rreth pronësisë së objektit), gjithashtu dhe krizën që ka përfshirë në këta dy muaj Kuvendin Komunal, duke kërkuar flijimtarët e radhës.



E bindur se, këto synime si edhe herave të tjera, do të dështojnë dhe, Dega e LD të Gjilanit, kërkon me urgjencë që, ky soj i kriminelëve tinëzarë, pavarësisht prej nga vjen e ku do të arrijë, të nxinte sa më parë nga organet e rendit dhe, të vihet para drejtësisë.



Zvarritja e moszbardhjes së këtij akti si dhe akteve të ngjashme të para disa muajve, do t’ jua zgjatë jetën për veprime të mëtejme këtyre kriminelëve, do ta zbeh imazhin dhe besimin ndaj institucioneve dhe, edhe më shumë do të krijojë dyshime e ndasi mes institucioneve lokale e qendrore si dhe subjekteve politike.



Dega e LD-së e bindur thellë se, në shënjestër të këtij akti tinëzar, ishte dhe aktiviteti i saj dhe aderimi i madh i qytetarëve , siguron anëtarësinë e deritashme dhe gjithë të tjerët se, edhe më shumë do të intensifikojë veprimtarinë e saj dhe, nuk do të ndalet as dorëzohet para kriminelëve.



Është interes jetik dhe kombëtar që këto shpërthime enigmatike të ndriçohen, pavarësisht kë do ta godasin.

Objekti që u sulmua mbrëmë dhe, u dëmtua rëndë, për vite të tëra ishte shtëpi e demokracisë në Gjilan dhe në këtë pjesë të Kosovës, shtëpi prej nga dolën kuadro të shumta që ndërtuan dhe sot mbajnë institucione dhe mandate me përgjegjësi që, do duhej të garantojnë rend dhe qetësi për gjithë qytetarët e, edhe për veprimtarinë e subjekteve politike. Këto institucione të rendit dhe drejtësisë duhet ta japin më në fund provimin para këtij populli, duke u liruar njëherë e mirë nga dënimi verbal e, duke i dërguar në bankën e zezë autorët e këtyre veprave të zeza.



Dega e LD-së është e gatshme njësoj si dje derisa ishte në LDK, të kontribuojë për të mirën e gjithë atyre që ia donë të mirën Gjilanit dhe Kosovës. Në këtë mision të shenjtë, për luftim të krimit e në ndërtim të paqes, ajo s’ do të ndalet as një çast .



Zyra për Informim e LD-së - Gjilan

[Davius]

Partia Lidhja Demokratike (LD), e krijuar më 12 janarin e kaluar nga Nexhat Daci, ish-kryetar i Kuvendit dhe një prej ish-drejtuesve të Lidhjes Demokratike të Kosovës (LDK), nga dita e sotme do të quhet Lidhja Demokratike e Dardanisë (LDD).

Ky ndryshim u bë sot në konventën zgjedhore të këtij subjekti politik, kryetar i të cilit u zgjodh Nexhat Daci.

Në fjalën që mbajti gjatë konventës, Daci mbështeti paketën e propozuar nga Kryenegociatori Martti Ahtisaari për statusin e Kosovës dhe kërkoi nga qytetarët që të ruajnë paqen.

“Ne gjithmonë e kemi përkrahur punën e presidentit Ahtisaari, të Grupit të Kontaktit dhe bashkësisë ndërkombëtare.

Paqja i duhet më tepër se asnjë populli tjetër, popullit shqiptar në mërgatë, në rajon e mbi të gjitha qytetarëve të Kosovës”, tha Daci.

Konventa e LDD-së, e cila po i zhvillon punimet në sallën e madhe të Hotelit Grand në Prishtinë, pritet që të zgjedhë edhe kryesinë dhe këshillin kombëtar, i cili parashikohet të ketë 101 anëtarë.

Themeluesi i kësaj partie, Daci, në kuvendin zgjedhor të LDK-së, më 9 dhjetor 2006, humbi me një rezultat të ngushtë votash (160:189), në garën me presidentin aktual të vendit, Fatmir Sejdiu, për postin e kryetarit të partisë.

Daci me përkrahësit e tij e pranuan humbjen, por shprehën pakënaqësi ndaj përfaqësimit në Këshillin e Përgjithshëm të partisë, që u zgjodh në këtë kuvend.

Emri fillestar i subjektit më të ri politik në Kosovë - "LD", u kundërshtua nga përfaqësuesit e LDK-së, për shkak të ngjashmërisë me emrin e partisë së tyre.

Edhe sipas rregullores së Misionit të Kombeve të Bashkuara mbi regjistrimin dhe veprimin e partive politike, dy parti me të njëjtin emër apo edhe me ngjashmëri mes emrave nuk mund të ushtrojnë veprimtarinë e tyre.

[dardani2000]

Poshte tradhetaret u pdks dhe te ldks

[MaDaBeR]

Ja filluan dhe atje si ne Shqiperi qe nga PD (Partia Demokratike) mbiu PDR (Partia Demokratike e Reformuar) e ndonje tjeter e nga PS (Partia Socialiste) nxorri koken LSI (Levizja Socialiste Per Integrim).

Keto eshte e qarte se jane pune pazaresh e interesash personale ose te nje grupi te caktuar. Shqiptaret e kane si zakon qe duan te jen te gjithe kryetare e asnje anetar. Por mos u zini bese politikaneve te paudhe se sot ndahen e neser puthen prap sa te vijne zgjedhjet.

Lukas