Nexhat Daci formon parti të re

[Llapi]

LDK-JA KONTESTON EMRIN E PARTISЁ SЁ NEXHAT DACIT



Albana Isufi

E hënë, 15. Janar, 2007
Subjekti më i ri politik në Kosovë, Lidhja Demokratike, nuk është regjistruar ende në Organizatën për Siguri dhe Bashkëpunim Evropian, përderisa përfaqësuesit e Lidhjes Demokratike të Kosovës, tashmë kanë reaguar se kjo parti nuk mund ta bartë këtë emër për shkak të ngjashmërisë me emrin e partisë së tyre.
Sipas rregullores së Misionit të Kombeve të Bashkuara 2004/11 mbi regjistrimin dhe veprimin e partive politike, dy parti me të njëjtin emër apo edhe me ngjashmëri mes emrave nuk mund të ushtrojnë veprimtarinë e tyre. Sekretari i përgjithshëm i LDK-së Ramë Manaj, thotë se në Kosovë ekziston vetëm një Lidhje Demokratike e Kosovës dhe nuk mund të ketë parti tjetër me të njëjtin emër.
“Logjikisht, objektivisht, realisht nuk mund të jenë dy Lidhje Demokratike në Kosovë. Emri në Kosovë përcakton hapësirën, kjo parti është në Kosovë dhe u përmend apo s’u përmend dihet se është LDK, nëse do të mund të arrinte të regjistrohej. Por, them me besim të plotë se nuk ka mundësi të regjistrohen dy subjekte me të njëjtin emër”, thotë Manaj.
Por, përfaqësuesi i Lidhjes Demokratike Lulzim Zeneli, konsideron se emri dhe akronimi i subjektit të ri politik nuk bie ndesh me rregulloren 2004/11, mbi regjistrimin e partive politike.
“Në bazë të emrit dallon dukshëm, po them dukshëm për faktin se nëse mendohet se duhet të ketë përmbajtje tjetër, ata që mendojnë ashtu e kanë gabim. LD-ja ka dalë nga një strukturë, që dje ka qenë në kuadër të një subjekti tjetër politik, ajo identifikohet me një koncept politik, për disa vite anëtarësia e LD-së ka qenë bartëse e një projekti të caktuar dhe është normale që të ketë nuanca, por esencialisht dallon në bazë të emrit, sikur që dallon edhe në bazë të konceptit”, thotë Zeneli. Por, Manaj konsideron se Lidhja Demokratike e kryesuar nga ish-kryetari i Kuvendit, Nexhat Daci synon të jetë trashëguese e LDK-së së udhëhequr nga presidenti i ndjerë Ibarhim Rugova, gjë që sipas tij nuk ka bazë legale ta bëjë.
“Trashëgimtare e LDK-së kur LDK-ja ekziston nuk mund të jetë askush. Në anën tjetër nuk mund të ketë rikrijim të një partie e cila ekziston, është funksionale, që ka legjitimitetin e plotë dhe stabilitetin e plotë. Kështu që janë interpretime krejt të njëanshme, subjektive dhe të paqëndrueshme sa i përket “trashëgimisë” së LDK-së nga LD-ja e ardhshme, nëse ajo do të regjistrohet me këtë emër, për çka unë dyshoj shumë”, thotë Manaj.
Zyrtarë të OSBE-së, nuk kanë marrë ende kërkesën për regjistrim të partisë së re, por ata thonë se nëse ka mospajtime ndaj emrit, e drejta e bartjes së emrit i takon partisë së regjistruar më herët.
“OSBE-ja nuk ka pranuar ende materialin për regjistrim të ndonjë partie politike dhe nuk mund të vlerësojmë se çfarë ka bërë partia, cili është emri i saj, derisa të marrim materialin. Ne këtë po presim, pasi që vetë partia duhet të ketë bazë ligjore, identitet legal dhe kjo është me e rëndësishmja për një parti”, thotë Sven Lindholm.
Zeneli nga Lidhja Demokratike, thotë se së shpejti do t’u nënshtrohen procedurave ligjore për regjistrim. Ai është i bindur se emri nuk do të shkaktojë problem.
”Ne do të shkojmë në bazë të asaj rregulloreje dhe nuk do të shkaktohet konfuzion, me faktin se edhe emri edhe akronimi dallon”, thotë Lulzim Zeneli. Ndërkaq, Sven Lindholm, nga OSBE-ja thotë se “tash është një parti e regjistruar si LDK dhe kjo parti me këtë emër do të ketë prioritet ndaj ndonjë aplikacioni të ri”.
Zyra e OSBE-së për regjistrimin e partive politike sipas rregullores së UNMIK-ut 2004/11 vendos për të drejtën e bartjes së emrit duke u bazuar në datën kur secila parti e ka dorëzuar kërkesën, datën kur secila parti e ka përdorur së pari emrin ose simbolin e saj dhe karakterin dhe shtrirjen e përdorimit të tillë.
Lidhja Demokratike e formuar të premtën e kaluar, përbëhet nga krahu politik i Nexhat Dacit, i cili u nda i pakënaqur nga Kuvendi i Gjashtë Zgjedhor i LDK-së. Në këtë Kuvend, Nexhat Daci humbi garën për kryetar partie, përderisa përkrahësit e tij nuk u përfshinë pothuajse fare në listën e Këshillit të Përgjithshëm.

europa e lire

[Harudi]

“Logjikisht, objektivisht, realisht nuk mund të jenë dy Lidhje Demokratike në Kosovë...thotë Manaj.

Ih bre,që spo t'a thot goja veç edhe një fjalë tjetër.
Me ligj ose ligjërisht.

...sipas Ramë
Manajt, nuk mund të quhet shkrirje e një dege në një parti tjetër. "Kanë kaluar individët,
por jo edhe dega. Ajo mbetet", tha sekretari i përgjithshëm i LDK-së.

Ti Ramë,maju për dege edhe fort atë,se,ne jemi te rrënjët.

..Ndërsa, pjesa më e
madhe e kuvendarëve të LDK-së i kanë
mbyllur telefonat dhe kontakti me ta ka
qenë i pamundur...

S'po kan qasje kërkah!

E ka fjalën për anëtar të rinj:

"Do t'i marrim
kushdo qofshin ata", pohoi Fadil Ferati

A je i sigurt!?

...

[Llapi]

D E K L A R A T Ë

Ne të poshtëshënuarit


Ne delegatët e Degës së LDK-së në Gjermani ,

Hafiz Gagica,
Naim Gashi,
Fazli Hajdaraj,
Hysen Çekaj
dhe Shpend Shala,

që ishim pjesëmarrës në Kuvendin e Gjashtë zgjedhor të LDK-së që u mbajt më 09.12 .2006 në Prishtinë, të pakënaqur me frymën që iu imponua delegatëve, në atë Kuvend, i cili dëshmoi një punë tjetër nga ajo ,që për 16 vjet në krye me Presidentin jemi mësuar ta ndjekim,largohemi nga ajo frymë e ndasisë dhe e diferencimit politik .Neve kalojmë në mënyrë të organizuar në Lidhjen Demokratike me në krye Profesor Nexhat Dacin, inicuar me 12.01.2007.
Njëherit ne delegatët e lartë shënuar ftojmë të gjithë antarët dhe simpatizantët e idesë Rugoviane, në Gjermani, të na bashkëngjiten për jetësimin e pavarësisë dhe demokracisë së Kosovës.


15 Janar 2007
Konstanz, Gjermani
d.v. Shpend Shala,
delegat dhe ish zëvendës kryetar i Degës së LDK-së në Gjermani

[Llapi]

Reagim i Lidhjes Demokratike – Gjilan

Ministri Rexhepi keqpërdor SHPK-në për motive politike

Gjilan, 15 janar 2007

Shiritimi i objektit të partive politike në Gjilan, nga ana e SHPK-së ku deri më 13 Janar ishte edhe selia e LDK-së (kryesia e së cilës me shumicën e nëndegëve kaloi në subjektin më të ri politik në Kosovë – në LD që udhëhiqet nga akademik Nexhat Daci, s’ është asgjë tjetër pos keqpërdorim saj (dhe pa dëriën e saj) nga ana e ministrit të punëve të brendshme të Kosovës, z. Fatmir Rexhepi.

Për Lidhjen Demokratike, të sapothemeluar, së cilës iu bashkangjit kopmlet kryesia e deridjeshme e Degës së LDK-së, kjo nuk është ndonjë befasi, sepse zyrtarët e kësaj Ministrie këtë e kishin paralajmëruar po të shtunën me 13 janar 2007 nga një kafiteri e qytetit. Por, befasi e dorës së parë është kepqrdorimi dhe implikimi i policisë, e cila vëhet në shërbim, mbase pa vullnetin e saj, të motiveve hakmarrëse të një ministri, anise SHPK-ja nuk është pronë private e tij e as, bahqe e babës për ta keqpërdorur në këtë mënyrë.

Për vëmendjen e opinionit,bëjmë me dije se, objekti ku kanë zhvilluar punën dhe veprimtarinë politike disa nga partitë politike të Gjilanit si LDK-ja, PSHDK-ja, UNIKOMB-i dhe, një kohë edhe një parti turke , është pronë e shtetit të Kosovës, përkatësisht e komunës së Gjilanit.

Lidhje Demokratike e sapokonstituuar në Gjilan, me vullnet të plotë, pa presione, pa konflikte dhe pa më të keqen e askujt është rreshtuar në subjektin e sapothemeluar politik dhe, shtrirjen dhe rritjen e saj nuk mund ta pengojë ky veprim i paakceptueshëm. Përkundrazi, do t’ i shërbejë për të mirë dhe do të përdoret në terren si një “dhuratë” e parë nga një ministër, i cili në vend të urimeve na kërcënon me gjyqe dhe me polici, duke harruar se ai nuk ka të drejtë t’a degradojë në këtë mënyrë uniformën e SHPK-së, për të cilën ka dhënë shumë ky popull. E, edhe ata që sot e tutje do t’ i përkasin LD-së.

Në momentin që do të vendoset një udhëheqje legjitime e saj në Gjilan, LD-ja do të merret vesh me ta dhe do të bashkërendojë aktivitetet e mëtutjeshme edhe në funksionimin e institucioneve komunale e, edhe rreth dokumentacionit.

Por mënyra e involvimit të policisë në këto ndarje politike është e papresedan. Madje një veprim i tillë nuk ka ndodhur as para luftës nga ana e policisë serbe e, as edhe pas saj, nga pjestarët e UÇK-së apo edhe nga struktura t ë ish QPK_së në Gjilan, përkundër kërcënimeve dhe presioneve, të cilat me kohë janë shafitur dhe tejkaluar.

Degën e LD-së në Gjilan kjo edhe nuk e habit aq shumë sepse një involvim të tillë të policisë e ka parë edhe në Kuvendin e VI-të Zgjedhor të LDK-së , mbajtur më 9 dhjetor 2006 në Sallën e Kuqe në Prishtinë.

Mirëpo, ministri Fatmir Rexhepi, me të cilin kemi bashkëecur dhe bashkëvepruar për plot 17y vite, me këtë akt ka lënduar komunikimin mes LD-së dhe LDK-së por, nuk do të arrijë që këtë komunikim ta lëndojë edhe mes LD-së e SHPK-së, pavarësisht disa pjestarëve brenda radhëve të saj të cilët janë bërë argat të verbër të qëllimeve dhe veprimeve politike të këtij ministri, duke harruar misionin e tyre të shenjtë në shërbim të të gjithë qytetarëve.

Kryesia e LD-së në Gjilan, duke theksuar edhe njëherë se objekti nuk ishte e as është pronë e LDK_së dhe, e bindur se nuk kishte asnjë arsye sado të vockël për ndërhyrjen e policisë në punën dhe veprimtarinë e partive politike të Gjilanit, kërkon nga SHPK-sa që sa më parë ta heq shiritin rreth objektit sepse aty asgjë as nuk është thyer e, as vjedhur. Madje askush as edhe një fjalë të keqe nuk e ka ndërruar me askend dhe, heqja e një pllakati me firmën e LDK-së, të cilën ne vetë e kemi vendosur dhe, po vetë e kemi hequr, nuk është rast që ata do duhej intervenuar në këtë mënyrë.

Ndërsa ndaj atyre që me shpifjet dhe intrigat e veta kanë nxitur këtë akt të pa presedan, thjeshtë të merren masa.

Zyra për Informim e LD-së - Gjilan

[Nice_Boy]

Kjo parti te rrij ene pa emer prap se prap do ja marr votat atyre qe shiten b.. per $ tek hashimat e vetonat dhe i lan perjashta shum te tjere..

Un nuk dua te flas keq per nje parti si LDK.. pasi isha si antar simpatisant dhe gjithcka i saj qe nga lufta e deri me tani , kshtu qe nga ajo dite kur u larguan te tjeret nuk dua te degjoj cfar ndodh mes saj.. Daci dhe emerat e tjere qe po kalojn ne partin e re ata per mua do jen Rugovist.. dhe qe ndjekin politiken rugoviane pasi " Rugoven ska pas bir nane qe ka mujt me ble me $ " dhe kshtu e dua at parti qe tani u formua e dua presidnetin e saj dhe ne murin tim lart ne foto ne mesin e Klinton & Rugova do hyj edhe Udheheqesi dhe ai qe ndjek rrugen e rugoves dhee nuk e ul punen e tij per $..

Gjith te mirat.

[RTP]

Mire tha Brari:


Ai qe e deshti pamvarsin e Kosoves,e mbuloi dheu...

Tani kane mbet uzurpuesit e fotografive qe mu sikur PDK_ja kur uzurpoi fotogragin e Adem Jasharit dhe i hapte dyert e trimeris,patriotizmit dhe liris...Ne emer te ati qe asnje ushtar UCK-je nuk harxhoi nje plumb te vetem kur qe nevoja...Ironike.he?

Po ashtu bene edhe Fatmir Sejdiu me Dacin.Keta uzurpuen fotografin e Ibrahinm Rugoves.


Nuk shkohet te varri i Adem Jasharit dhe Ibrahim Rugoves me lule e me aparate fotografish.
Aty shkohet me betim te permbushjes se amanetit te tyre o njerez,o bisha....

turp

[adolfi]

Mire tha Brari:


Ai qe e deshti pamvarsin e Kosoves,e mbuloi dheu...

Tani kane mbet uzurpuesit e fotografive qe mu sikur PDK_ja kur uzurpoi fotogragin e Adem Jasharit dhe i hapte dyert e trimeris,patriotizmit dhe liris...Ne emer te ati qe asnje ushtar UCK-je nuk harxhoi nje plumb te vetem kur qe nevoja...Ironike.he?

Po ashtu bene edhe Fatmir Sejdiu me Dacin.Keta uzurpuen fotografin e Ibrahinm Rugoves.


Nuk shkohet te varri i Adem Jasharit dhe Ibrahim Rugoves me lule e me aparate fotografish.
Aty shkohet me betim te permbushjes se amanetit te tyre o njerez,o bisha....

turp

turp ta quajsh popullin tend bisha ,ne rast se je ti bishe tjeter

[Llapi]

Fillojnë mospajtimet e para nëpër kuvendet komunale mes LDK-së dhe LD-së

Prishtinë, 16 janar 2007 (Kosovapress) Koha 17:38

Paralajmërimet e kryetarit të KK të Prizrenit dhe njëherësh nënkryetar i parë i LDK-së, Eqrem Kryeziut se do të largohen nga qeveritë komunale “drejtorët destruktivë”, duke aluduar këtu në ata që tashmë janë rreshtuar në partinë e Dacit, kanë nxitur edhe reagimet e drejtuesve të KK të Gjilanit dhe disa të tjerë që tani janë pjesë e Lidhjes Demokratike (LD), por këta të fundit kanë thënë për Kosovapress se nuk do të përdorin metodën e Kryeziut, por do të vazhdojnë qeverisjet komunale sikur deri më tani.

[RTP]

turp ta quajsh popullin tend bisha ,ne rast se je ti bishe tjeter

ADOLF
Une i klasifikova ne njerez dhe bisha...
Ti psh. hyn ne grupin e dyte...

[deqanas]

ADOLF
Une i klasifikova ne njerez dhe bisha...
Ti psh. hyn ne grupin e dyte...

RTP, pse ti ua rrit mendjen mbeturinave historike??