Nexhat Daci formon parti të re

[Llapi]

Gaxheri: Do ta bëjmë një parti të re

Prishtinë, 5 janar 2007 (Kosovapress) Koha 15:17

Krahu i Nexhat Dacit pas zhvillimeve të fundit në LDK ka paralajmëruar ndarjen nga ky subjekt politik dhe formimin e një partie te re. Besa Gaxherri nga ky krah ka njoftuar për Kosovapress se janë duke u bërë përgatitjet dhe se shpejti do të dalin edhe me emrin e ri të kësaj partie, e cila sipas saj do të ngjajë në vizionin e presidentit Rugova, e jo në programin e devijuar pas vdekjes së tij.

[Brari]

ai oj bes a n'kosov pres..
po njofton oj pilives..

a s'e di oj bes gaxherri
se shum kuj ju mbyll gabzherri..
prej kallashit polpotist..
qe n'kosovpress ish vu ne list..

aiii pun m.uti..

[Llapi]

Brari cilen parti do ta simpatizosh tani e tutje?

[Llapi]

Pas shumë thashethemeve, Zeneli konfirmon formimin e partisë së re

Kush do të jetë më LDK?

Ilir MUÇAJ

PRISHTINË, 7 JANAR - Pas 17 vjet mbretërimi në udhëheqjen e proceseve politike në Kosovë, që në momentin e parë pa liderin historik të Kosovës, dr. Ibrahim Rugova, LDK-ja po ballafaqohet me rrezikun e humbjes së fuqisë politike në prag të realizimit të misionit historik të Kosovës, pavarësinë e vendit. Lëkundjet e para patën filluar menjëherë pas vdekjes së Presidentit Rugova dhe kulmi i këtij procesi të njëtrajtshëm arriti me dështimin e mbajtjes në mënyrë të suksesshme të Kuvendit VI zgjedhor të LDK-së. Lista e Këshillit të Përgjithshëm ishte pika ku gjithçka filloi të duket e pamundshme që të vazhdohet tutje me një LDK unike.
Mbetja jashtë nga kjo listë e pjesës së madhe të delegatëve, të cilët e patën votuar akademik Dacin për kryetar, ka prodhuar pakënaqësi të atij niveli sa tani ekipi politik i akademik Dacit ka ardhur në përfundim se rruga e vetme për projektin e tij është formimi i partisë së re, por jo me program të ri, por si vazhdimësi e vijës politike të Presidentit Rugova.

“Po, do të krijojmë parti të re”, tha Lulzim Zeneli, njëri nga njerëzit e afërt të projektit politik të akademik Dacit. Ai tha se në momentin kur atyre nuk u është ofruar asnjë mundësi që të
jenë pjesë e strukturave të LDK-së dhe është përdorur politika e përjashtimit, ndarja ka mbetur si rruga e vetme. “Tash për tash është vonë të flitet për diçka që është unike brenda LDKsë, nga se 46 për qind e elektoratit është përjashtuar nga LDK-ja dhe në këtë proces është hedhur poshtë çdo mundësi që të ruhet tërësia e LDKsë”, tha Zeneli. Ndërrimet politike që kishin filluar menjëherë pas vdekjes së Presidentit Rugova, sipas Zenelit, e patën dëmtuar shumë konceptin politik të vet Presidentit, ngase, sipas tij, LDK-ja është zhvilluar gjithmonë në
frymën e unitetit dhe nuk ka pasur hapësirë që të përdoren metoda të eliminimit. “Fatkeqësisht, në Kuvendin e fundit të LDK-së, zhvillimet që e përcollën kuvendin, është mundësuar definitivisht realizimi i atij skenari të kamotshëm për ndarje të LDK-së nga disa njerëz brenda LDK-së”, nënvizoi ai. Si pasojë e këtyre zhvillimeve negative, ekipi i akademik Dacit pati filluar fazën e konsultimit dhe komunikimit me pjesën e elektoratit, e cila mbeti e pakënaqur me mënyrën e konstituimit të organeve të reja të LDKsë. Në lidhje me këtë proces konsultues,
Zeneli tha se tani ky proces është përmbyllur pas një varg takimesh që ekipi i Dacit ka zhvilluar me të gjitha nivelet e organizimit në LDK dhe, sipas tij, rezultati do të jetë subjekti i ri politik, por ai shtoi se publikimi i vendimit do të ndodh së shpejti. Megjithatë, ai ka pohuar se sinjalet
që kanë marrë nga elektorati i LDK-së i ka shtyrë ata që të shkojnë në drejtim të themelimit të një subjekti të ri politik, i cili, sipas tij, do të jetë në vijën e vërtetë të Presidentit Rugova.

“Në këto takime është shprehur një kërkesë e fuqishme e anëtarësisë së LDK-së, që të mbrohen interesat e larta të LDK-së dhe të punohet në vijën që Presidenti Rugova ka punuar gjatë gjithë këtyre viteve, d.m.th., të mbrohen interesat e vërteta të anëtarësisë së LDKsë”, tha Zeneli. Ai ka shtuar se ekipi i Dacit ka ardhur deri te ky vendim si rezultat i shterjes së të gjitha mundësive për ta ruajtur tërësinë e LDK-së, dhe si pasojë e këtyre zhvillimeve negative, sipas Zenelit, anëtarësia e LDK-së kërkon që interesat e tyre të artikulohen në mënyrë tjetër.
“ Ky qëndrim do t’i mbronte interesat e vërteta të anëtarësisë së LDK-së dhe qëndrimi do të merret shumë shpejt, dhe ky vendim do të korrespondojë me interesat e vërteta të anëtarësisë së LDK-së”, nënvizoi ai. Se pse është aq i sigurt Zeneli se krahu i akademik Nexhat Dacit është
në vijën e vërtetë të Presidentit Rugova, ai shprehet se ajo çka mund të shihet tani në institucione nga pozicioni i LDK-së dëshmon, siç tha ai, se LDK-ja është shndërruar në një satelit të atyre që kanë qenë gjithmonë kundër Presidentit Rugova. “Ajo çka mund të shihet është se pozicioni i LDK-së në nivel qendror tregon se çka është LDK-ja, ku LDK-ja është shndërruar në një satelit të projekteve dhe programeve të cilat dizajnohen prej njerëzve të cilët tradicionalisht kanë qenë fuqishëm kundër vijës politike të Presidentit Ibrahim Rugova”, theksoi Zeneli. Ai ka pohuar se partia e re nuk do të ketë edhe program të ri politike, por do të jetë fuqishëm vazhdimësi e asaj çka Presidenti Rugova ka ndërtuar përgjatë këtyre 17 vjetëve.

“Ne po flasim për një koncept politik të ri, të cilin Presidenti Rugova e ka ndërtuar dhe të cilin ne do ta vazhdojmë, sepse ne nuk po flasim për një program të ri ose për një filozofi të re, por për vazhdimësinë e vijës politike ku e ka lënë Presidenti Rugova”, tha ai, duke shtuar se ekipi politik i akademik Nexhat Dacit vazhdon të ketë respekt të fuqishëm për të gjitha zyrat e bashkësisë ndërkombëtare në Kosovë dhe, sipas tij, rruga që partia e re në raport me bashkësinë ndërkombëtare do të ndjekë do të jetë rrugë e miqësisë, që Presidenti Rugova ndërtoi
gjatë jetës së tij. Ndërsa se sa do të ndryshojë emri i subjektit të ri politik nga ky i tanishmi, Zeneli nuk ishte në gjendje të jepte ndonjë koment për këtë çështje. Sipas tij, emri i subjektit të ri politik do të bëhet i ditur për opinion atëherë kur do të mblidhet edhe këshilli themeltar i
projektit politik të akademik Dacit, për të shpallur edhe zyrtarisht formimin e partisë, që Zeneli gjatë gjithë kohës e përmendte se nuk do të jetë program i ri politik, po vazhdimësi e vijës politike të Dr. Rugovës.

“Kjo pritet të ndodhë gjatë muajit janar, në pjesën e dytë të muajit, por ende nuk kemi një datë definitive”,tha ai. Ndërsa, në anën tjetër, anëtari i Kryesisë së re të LDK-së, Ali Lajçi, tha se kjo është e drejtë e çdo kujt që të organizohet në formën më të mirë për t’i realizuar qëllimet e veta, por në lidhje me formimin e partisë së re nga ekipi politik i Dacit, ai ka nënvizuar se kjo është mënyra se si është duke u profilizuar LDK-ja. Ai është shprehur i sigurt se pas Dacit nuk do të shkojnë të gjithë ata të cilët e kanë votuar Dacin në Këshillin e Përgjithshëm.
“Nuk do të thotë se të gjithë ata do të shkonin në parti të re, ngase për Dacin ka qenë një përkrahje e brendshme nga LDK-ja, ndërsa formimi i një partie të re është një qasje krejt tjetër dhe nuk besoj se të gjithë ata që kanë votuar Dacin për kryetar do të shkojnë pas tij në
formimin e partisë së re”, tha Lajçi. Se nëse e ka shqyrtuar ndonjëherë Kryesia e re e LDK-së çmimin e ndarjes, ai e vlerësoi si të panevojshme një gjë të tillë, ngase, sipas tij, ata nuk e kanë bërë garën që të formojnë një parti të re, por për të zhvilluar procesin politik brenda LDK-së. “Megjithatë, mendoj se do të ketë në këtë proces edhe ngjarje pozitive, edhe negative, ngase atëherë profilizohet LDK-ja, kurse në disa pika do të dobësohet, por është shumë normale që ky proces të shoqërohet me dhimbje, ngase LDK-ja nuk ka qenë e profilizuar, sepse ka
qenë një lëvizje nacionale. Mirëpo grupet e njerëzve tash kanë dalë në skenë dhe po profilizohen.
Është mirë që LDK-ja po profilizohet dhe kjo do të thotë se ka probleme, dhe se format janë të dhimbshme, kuptohet kjo”, potencoi ai. Se kush do të jetë me LDK-në; ose cila vijë do të jetë më e afërt me Presidentin Rugova, meqë gjithçka në LDK fillon dhe përfundon me emrin e tij, ai tha se firma e LDK-së është në kryesi, por, sipas tij, ekipi i Dacit është një grup anëtarësh të LDK-së që thirren në emrin e Rugovës ashtu, siç tha ai, që në këtë mënyrë thirret edhe pjesa legjitime, duke supozuar në organet e reja.
Se kush do të jetë më LDK dhe kush do të jetë më shumë në vijën Rugoviane, kjo do të jetë formula me të cilën të dy krahët politikë nesër do të luftojnë për të fituar besimin e elektoratit kosovar, të cilin po e ndajnë.

iliriapost

[Llapi]

Ekipi politik i Dacit paralajmëron formimin e një partie të re në fund të janarit

Prishtinë, 8 janar- Ekipi politik i Nexhat Dacit së shpejti pritet, më së largu në fund të këtij muaji, të formojë një parti të re. Sipas shtypit të sotëm që i referohen bisedimeve të përkrahësve të z.Daci, të bëra në një restorant në Gërmi afër Prishtinës, ata fillimisht do të krijojnë një këshill themelues të partisë. Deputeti Lulëzim Zeneli ka deklaruar se në fillim të javës së ardhshme do të mblidhet këshilli themelues i partisë së re, për emrin e së cilës do të vendosë ky organ. Në anën tjetër, sipas Zenelit, përkrahësit e Dacit nuk e kanë prioritet krijimin e grupit parlamentar, ndërkohë që ata kanë përmbyllur konsultimet me bazën. Por shtypi përmend shifra të ndryshme rreth numrit të deputetëve të mundshëm, përkrahës të Nexhat Dacit, duke vlerësuar të jenë rreth dhjetë syresh, ndërkohë që Zeneli vlerëson të jenë më tepër se sa që flitet. Emrat e përfolur të deputëteve që do të mund të bashkoheshin në një grup të ri parlamentar me Nexhat Dacin janë: Besa Gaxherri, Lulëzim Zeneli, Fadil Geci, Samije Zeqiraj, Ibush Jonuzi, Milazim Haliti, Melihate Tërmkolli, Ramadan Kelmendi. Sipas Rregullores së punës së Kuvendit të Kosovës, duhet të paktën gjashtë deputetë të jenë të bashkuar për të formuar një grup parlamentar.

[Llapi]

Të premten vendoset për partinë e re të Nexhat Dacit

Partia me vizionin e Rugovës, por jo edhe me emrin e tij

Partia e re e Nexhat Dacit do të zyrtarizohet në fund
të kësaj jave. Selinë do ta ketë në Velani, në këtë lagje
ku ka qenë edhe Rezidenca e presidentit Ibrahim
Rugova. Por, partia, edhe pse do ta ruajë filozofinë
politike të Rugovës, emri i saj nuk do të lidhet shumë
me emrin e ish-Presidentit. Për këtë, sipas burimeve
të "Lajmit", ka reaguar familja e ish-Presidentit



ARSIM LANI & EJUP GOJNOVCI

Prishtinë, 8 janar - Ekipi Politik i Nexhat
Dacit, i ndarë nga Lidhja Demokratike e
Kosovës, në fund të kësaj jave do ta zyrtarizojë
krijimin e partisë së re.
"Kah fundi i javës do të mblidhet Këshilli
Themeltar i partisë, i cili do ta caktojë edhe
datën e mbajtjes së Kuvendit I Zgjedhor", tha
Lulëzim Zeneli, i caktuar përkohësisht si
zëdhënës. Por, një burim tjetër i "Lajmit"
brenda Ekipit Politik të Dacit, tha se data
definitive, kur e tëra do të bëhet zyrtare për
partinë e re, është e premtja.
Subjekti më i ri politik, që mendon të marrë
një pjesë të elektoratit të LDK-së, do të fillojë
të funksionojë nga e premtja e kësaj jave, kur
do të mblidhet Këshilli Themeltar i partisë,
emri i së cilës ende nuk është vendosur se si
do të jetë.
"Kemi dhënë disa opsione, por të gjitha do të
dihen në Kuvendin e partisë", tha Zeneli.
Megjithatë, duke u munduar ta ruajë
afërsinë me LDK-në, për hir të elektoratit,
emri i partisë nuk do të jetë shumë dallues
me subjektin politik, nga i cili shkëputet
Ekipi i Dacit.
Duket se partia, e cila, sipas Zenelit, do ta
udhëheqë filozofinë politike të Ibrahim
Rugovës, të paktën në emërtimin e saj nuk
do të identifikohet me ish-presidentin
Rugova.
"Ishte një opsion që emri i Rugovës të jetë
pjesë e emrit të partisë së re (Lidhja
Demokratike-Rugova). Por, disponimi i
familjes së Presidentit nuk ishte që subjekti i
ri politik të identifikohet drejtpërdrejt me
Rugovën", tha me kusht anonimiteti burimi
i gazetës. Megjithatë, zyrtarisht të kontaktuar
nga "Lajm", disa nga anëtarët e Ekipit të
Dacit nuk e thanë këtë gjë.
Deri më tani si emra të mundshëm për
partinë e re janë dhënë: Lidhja
Demokratike (LD), Lidhja Demokratike
I (LDI) dhe Lidhja Demokratike - Rugova
(LDR).
Një problem tjetër që e përcjell tash Ekipin
e Dacit është mungesa e një objekti për ta
zhvilluar aktivitetin. Ata ende nuk kanë
gjetur një vend për selinë e partisë. Janë të
interesuar që selia e tyre të jetë në lagjen
Velania, që simbolikisht lidhet me funksionimin
presidencial të të ndjerit Ibrahim
Rugova.
"Po, Velania është një opsion", tha Zeneli.
Momentalisht, Ekipi Politik i Dacit i mban
mbledhjet nëpër restorante të ndryshme.



Agnesa nuk është më zëdhënëse

Ky grupim politik, që pritet shpejt ta zyrtarizojë
partinë, e ka emëruar si zëdhënës Lulëzim
Zenelin, një ish-zëdhënës i Lidhjes
Demokratike të Kosovës, i larguar nga ky post
para mbajtjes së Kuvendit Zgjedhor të LDKsë.
Ndërsa, pozicione tjera në grup nuk janë
caktuar ende, megjithëse dihet se i pari i saj do
të jetë Nexhat Daci. Edhe pse Agnesa Vuthaj
ishte zëdhënëse e Dacit, në kohën kur ai ishte
kandidat për kryetar të LDK-së, tash nuk e ka
dhënë "provimin" që të jetë në të njëjtën pozitë
në partinë e re të Dacit.
"Ajo ka qenë zëdhënëse në projektin Daci,
tash kemi të bëjmë me parti", tha Zeneli.

[adolfi]

ai oj bes a n'kosov pres..
po njofton oj pilives..

a s'e di oj bes gaxherri
se shum kuj ju mbyll gabzherri..
prej kallashit polpotist..
qe n'kosovpress ish vu ne list..

aiii pun m.uti..

po te pelcet zemra o zemerprishte,gati e ki gati,une jam i mrime,armikut tem ja kom ndjell se jam njeri i mrine dhe kujna te ja mar inati e gjane e keqja,milloshit ja kom ndjell e shkinis para 17 vite qka ka me gjet dhe e gjete kujtone 99 dhe 2006,rugoviqin e kom pas armik te perbetuar dhe ketu para 2 vite me nje emer tjeter ja kom ndjell kancerin dhe i erdhi e cofi,tash radhen e ka sala infrakt ne zemer,dhe ska mi shku larg dhe do ta gjej ajo sale shkateruesin e te vetmit shtet shqiptar,tani do ta kete radhen nanosi,te cilit do te ja ndjelli qmendurin po pas sales do ti ndodh kjo

[Jimmi_1978]

Nderkombtaret bejne gabimin me te madh nqs i dhurojn Kosoves nje karrige ne OKB. Shqiptaret e Kosoves nuk kan demonstruar se ata mund te bejne shtet. Kur politika eshte e papergjegjshme ateher Kosova nuk meriton te marr mehvetsine e saj..

cfar thua ore!!!! Kosovaret se meritokan Pavarsine? pse ishe ti ne Kosove deri ne vitin 99 per te pare nese e meritojne kosovaret pavarsine? Keto fjale nuk duhet te degjohen nga goja e nje shqiptari sado i zemeruar e i deshperuar te jete.
Ndoshta ata qe jane ne qeveri nuk e meritojne qeverisjen si ne Shqiperi ashtu edhe ne Kosove, por ne padyshim e meritojme Pavarsine sepse ajo ishte nje tjeter pune qe e beme deri me 99 dhe tani mos i perziej qeverisjen me sakrificen dhe luften.
Ne shtetin e kemi fituar por padyshin qe do kohe per ta formuar ashtu sic duhet.

[Llapi]

Lidhja e Dacit - LD

Të premten mblidhet këshilli themelues i partisë së Nexhat
Dacit. Po atë ditë bëhet publik emri i saj dhe caktohet data e
mbajtjes së Kuvendit Zgjedhor. Pas disa ditësh, Daci zgjidhet,
pa kundërkandidat, kryetar i Lidhjes Demokratike (LD).


Express
Prishtinë, 9 janar —
Nexhat Dacit duket t'i ketë
humbur durimi. Ai nuk e ka
ndërmend që ta presë zgjidhjen
e statusit për ta themeluar
më pastaj partinë e tij.
Prandaj, sipas burimeve të
Express, të premten Daci zyrtarizon
themelimin e subjektit
të tij politik, duke pretenduar
që të marrë pas vetes edhe
rreth gjysmën e Lidhjes
Demokratike të Kosovës (LDK).
"Të premten është paraparë
mbajtja e mbledhjes së
këshillit themelues, ndërkaq
pas kësaj mbledhjeje pritet të
dilet publikisht me qëndrimin
se gjysma e LDK-së po themelon
një parti tjetër", tha një zyrtar
i ekipit politik të Dacit, në
kusht anonimiteti.
Sipas tij, kjo mbledhje do të
jetë me dyer të mbyllura, por
pas takimit vetë Daci do të
dalë para mediave dhe do të
shpalosë detajet e takimit si
dhe do të bëjë publike emrin
e partisë së re.
Ky anëtar i ekipit politik të
Dacit thotë se pas konsultimeve
që janë bërë është
vendosur që emri i partisë të
jetë Lidhja Demokratike, e jo
siç ishte paraparë më herët
Lidhja Demokratike I.
Ndërkaq po atë ditë do të caktohet
edhe data e mbajtjes së
Kuvendit Zgjedhor, ku Daci do
të zgjidhet kryetar i saj, pa
kundërkandidat.
"Vendosëm për emrin Lidhja
Demokratike, ngase e kishim
të pamundur që ta marrin
emrin e Lidhjes Demokratike
të Kosovës. Atyre, pre njerëzve
të Sejdiut ua lamë emrin e
partisë që nga themelimi i saj,
por elektoratin do t'ua marrin,
të gjithin", tha ky burim i
gazetës.
LDK-ja u përça në Kuvendin e
fundit Zgjedhor, kur kryetari
Fatmir Sejdiu përjashtoi nga
organet udhëheqëse të partisë
të gjithë njerëzit e krahut
të Nexhat Dacit. Pas disa
ditësh ish-kryeparlamentari
konstituoi krahun e tij dhe
vendosi për krijimin e një partie
të re.

[Llapi]

Shala:Formimi i partisë së Dacit sigurisht se do të dobësojë LDK-në

Prishtinë, 10 janar 2007 (Kosovapress) Koha 18:06

Kryetari i KK të Pejës, Ali Lajçi, që njihet si përkrahës i krahut të kryetarit të LDK-së Fatmir Sejdiu, tha të mërkurën për Kosovapress se formimi i partisë se re nga akademik Nexhat Daci, mund të ndikojë në dobësimin e anëtarësisë së kësaj partie, por edhe mund të profesionalizojë LDK-në. Ndërsa, nënkryetari i KK të Pejës, Smajl Shala nga krahu i Dacit, pohon se partia e re që do të themelohet së shpejti, do të udhëhiqet nga filozofia e kryetarit të ndjerë Ibrahim Rugova.

------------------------------------------------------


Zeneli: Partia e Dacit ka përfshirje të gjerë të degëve vendore dhe nga diaspora

Prishtinë, 10 janar 2007 (Kosovapress) Koha 17:23
Zeneli: Partia e Dacit ka përfshirje të gjerë të degëve vendore dhe nga diaspora

Themelimi zyrtar i partisë së re politike që do të drejtohet nga akademik Nexhat Daci do të bëhet të premten në “Velani” të Prishtinës, ku në Këshillin Themeltar do të jenë të përfshirë përfaqësues të 36 degëve nga Kosova, por edhe nga tërë diaspora shqiptare, tha të mërkurën për Kosovapress Lulëzim Zeneli, zëdhënës i këtij subjekti politik, emri i të cilit pritet të publikohet të premten.