San Paolo fshin afishet, lind qyteti pa reklama

[Davius]

Imagjinoni një metropol modern pa reklama: asnjë afishe, asnjë tabelë e ndriçuar, asnjë panel elektrik me një reklamë. Bashkë me Vitin e Ri, San Paolo, e cila është pushtuar “ndotja vizive”, siç e quajnë autoritetet lokale, ka në program të fshijë gjithçka, ajo do t’i ofrojë qytetarëve të saj pamjen e një qyteti të pandotur, pa asnjë pengesë. Urbanistët, arkitektët dhe ambientalistët, e kanë mbështetur këtë iniciativë me shumë entuziazëm. Ata kanë thënë se kjo nismë hedh një hap përpara drejt një konteksti urban ideal. Ligji përfaqëson një “fitore të pazakonshme të interesit publik mbi atë privat, një fitore të rregullit mbi kaosin, fitore e së bukurës mbi të shëmtuarën, e pastërtisë mbi vulgaritetin”, - ka shkruar Roberto Pompeu de Toledo, opinionist dhe autor i artikullit me titull “Një histori nga San Paolo”, botuar në revistën “Veja”.

Por, kompanitë publicitare dhe grupet tregtare e konsiderojnë këtë ligj si të dëmshëm për shoqërinë si dhe për profesionet e tyre. Ata pohojnë se liria e të shprehurit po cenohet rëndë, shumë vende pune do të shkurtohen, konsumatorët nuk do të jenë më të informuar mbi produktet, kështu që ata nuk do të mund të vendosin më rreth produkteve që do të blejnë, madje ata thonë se duke larguar ndriçimin e afisheve publicitare gjatë natës, rrugët do të jenë më të rrezikshme. “Ky është një ligj radikal, që i dëmton shumë rregullat e ekonomisë së tregut”, - thotë Marcel Solimeno, një ekonomist që drejton Shoqatën e Tregtarëve të San Paolos, me 32 000 ortakë. “Ne jetojnë në shoqërinë e konsumit dhe esenca e kapitalizmit është pikërisht informacioni mbi produktin”. Impakti më i dukshëm do të jetë ai i syrit madje edhe më shumë.

Afishet e mëdha publicitare dhe ekranet e vendosura nëpër ndërtesat e larta, të cilat reklamojnë nga të gjitha llojet e gjërave, duke filluar nga bluxhinset e deri tek makinat, telefonat celularë, “sexy shop”-et, etj, do të zhduken ashtu si çdo formë tjetër reklame në mjediset publike, madje edhe shpërndarja e fletëpalosjeve. Ligji vendos edhe për përmasat e tabelave të dyqaneve, ndalon madje edhe ato miliona afishe publicitare që vendoseshin nëpër autobusë dhe taksi. Ligji do të zbatohet edhe tek shiritat publicitare të vendosura nëpër avionë të ndryshëm. Në fakt gjykata ka vendosur se kontrolli i hapësirës ajrore është kompetencë e qeverisë qendrore dhe jo e asaj lokale, kështu që kjo normë është jokushtetuese. “Ajo që duam të bëjmë me këtë ligj është një ndryshim total kulturor”, thotë Roberto Tripoli, kryetar i këshillit komunal si dhe një ndër mbështetësit kryesorë të ligjit të ri.

“Gjërat na kishin shpëtuar nga duart, dhe kanë qenë vetë njerëzit që e kanë kërkuar këtë gjë. “Ligji, i aprovuar shtatorin e shkuar me 45 vota pro dhe një kundra, do të hyjë në fuqi në datën 1 janar të vitit 2007. “Jam i bindur se ky qytet do të kthehet në një vend të trishtuar dhe të mërzitshëm”, - thotë Dal Ton Silvano, i vetmi person që ka votuar kundër këtij ligji, i cili ka dhe interesa ekonomike në fushën e publicitetit. Por duhet thënë se reagimi i popullsisë ka qenë pozitiv. “Jam dakord me çdo nismë që kërkon të përmirësojë paraqitjen e qytetit dhe ky ligj do ta bëjë këtë gjë me siguri”, - thotë Fernando gili, një student 25-vjeçar. Kryetari i Bashkisë, Kassab, thotë se kur situata të jetë nën kontroll, ai shpreson të jap lejen për një numër të caktuar reklamash, sigurisht gjithçka sipas rregullave, për t’u vendosur nëpër stacionet e autobusëve, nëpër kioska, sipër orëve të qytetit si dhe nëpër banjat publike.