Al Qaeda, sekuestrohen 4 mln euro

[iliria e para]

Aleksandra Bogdani
Shekulli 23-12-2006

TIRANË- 22 apartamentet tek të ashtuquajturat “Kullat Binjake” të Tiranës nuk janë të vetmet pasuri që i dyshuari për terrorizëm, Yasin Al-Qadi u detyrua t’ia dorëzonte shtetit shqiptar. Gjatë qëndrimit të vagullt nëpër Shqipëri, njeriu “hije” i organizatës famëkeqe Al-Qaeda duket se ka shënjuar tregun e ndërtimit, si mundësi për pastrimin e shumëpërfolur të parave, që më pas kalonin për llogari të terrorizmit. Pas sekuestrimit të apartamenteve të “Kullat Binjake” dhe 36 llogarive bankare, ministri i Financave, Ridvan Bode, ka urdhëruar edhe konfiskimin e 4 apartamenteve, 3 dyqaneve, një magazine dhe një trualli toke, të cilat pas një hetimi të gjatë kanë rezultuar se i përkasin të shpallurit si financues i terrorizmit, Al- Qadi. Ky urdhër është firmosur nga ministri i Financave më 27 nëntor dhe ka hyrë në fuqi me botimin në Fletoren Zyrtare më 12 dhjetor të këtij viti e duke iu referuar çmimeve minimale të tregut, pasuritë e sekuestruara kapin vlerën e 4 milionë eurove.

Pasuritë
Katër apartamentet e konfiskuara nga Ministria e Financave janë blerë prej Yasin Al- Qadi që nga viti 1994-2000 dhe ndodhen në rrugën “Vaso Pasha”, në zonën e Shallvareve, në rrugën “Bajram Curri” dhe në rrugën e Durrësit. Apartamentet kapin vlerën e 400 mijë eurove, para këto që pritet të kalojnë në buxhetin e shtetit pas shitjes së tyre në ankand. Hetuesit kanë zbuluar se Al-Qadi zotëronte edhe një vilë dykatëshe, me sipërfaqe 270 metra katrorë në lagjen e Selitës së Vogël, vilë kjo që është subjekt i urdhrit të mësipërm. Për llogari të shtetit shqiptar kanë shkuar edhe tre lokale, njëri prej të cilëve ndodhet në rrugën e Elbasanit dhe dy të tjerë në rrugën e Durrësit si dhe një sipërfaqe trualli prej 22 mijë metrash katrorë ndanë rrugës automobilistike në zonën e Yzberishit. Sipas procedurave të ndjekura deri më tash, shteti shqiptar i shet këto pasuri në ankad, paratë e të cilave i shtohen buxhetit të shtetit.

Ankandi
Deri tani, institucioneve të shtetit shqiptar nuk iu ka mbërritur asnjë reagim nga arabi i dyshuar për lidhje të ngushta me terrorizmin. Ndaj edhe është vendosur që pasuritë e tij të kalojnë përfundimisht në administrim të shtetit shqiptar. Burime nga Ministria e Financave dhe Prokuroria e Përgjithshme kanë pohuar se është vendosur që të gjitha pronat e shtetasit arab Yasin Al-Qadi të kalojnë në pronësi të shtetit shqiptar. Ndërkohë, të gjitha pronat si dhe asetet e tjera të tij, pritet të dalin shumë shpejt në ankand. Me administrimin e këtyre pasurive, do të merret Agjencia për Administrimin e Pasurive të Sekuestruara dhe Konfiskuara, e ngritur pas miratimit të ligjit “Antimafia”. Më pas ato do t’i kalojnë Qendrës së Ankandeve për të bërë shitjen e tyre. Specialistët e Qendrës së Ankandeve do të bëjnë një vlerësim paraprak të secilës prej pronave të shtetasit nga Mbretëria e Bashkuar Arabe, Yasin Al-Qadi, vlerësim ky që ende nuk është bërë. Ata do të nxjerrin një vlerë dysheme të secilës pronë dhe në bazë të saj do të fillojë shitja me ankand. Sipas burimeve të mësipërme, njoftimet për shitjen pritet të bëhen nga Qendra e Ankandeve kur të bëhet gati dokumentacioni përkatës. Momentalisht nuk është bërë ende vlerësimi i pronave dhe aseteve të tjera të shtetasit arab Yasin Al-Qadi.

PASURITË ASURITË E Y YASIN ASIN AL- QADI

--Apartament me sipërfaqe 114.4 m2, në zonën kadastrale 8380 me adresë: Tiranë, rruga “Vaso Pasha”, i përbërë nga tri dhoma, një kuzhinë, banjë, korridor, në katin e i-rë mbi bodrumet
-- Apartament me sipërfaqe 75.5 m2, në zonën kadastrale 8380 me adresë: Tiranë, rruga “Rreshit Çollaku”, pallatet e Shallvares, i përbërë nga tri dhoma dhe ambiente të tjera ndihmëse
-- Apartament me sipërfaqe 71.3 m2, me adresë: Tiranë, rruga “Bajram Curri”, i përbërë nga dy dhoma, një kuzhinë dhe ambiente të tjera ndihmëse
--Apartament me sipërfaqe 88 m2, me adresë: Tiranë, Rruga e Durrësit, i përbërë nga tri dhoma, një kuzhinë, korridor, banjë, si dhe ambiente të tjera ndihmëse, në katin e parë
--Një shtëpi 2-katëshe, konstruksion tulle e mbuluar me tjegulla, si dhe një sipërfaqe trualli mbi të cilën ngrihet kjo shtëpi), me sipërfaqe 270 m2, me adresë: Tiranë, fshati Selitë e Vogël
--Dyqan, ish-gjelltore në rrugën e Durrësit, me sipërfaqe 350 m2, me adresë: Tiranë, Rruga e Durrësit, pallati 102
--Dyqan, ish-permanent, në rrugën e Elbasanit me sipërfaqen 47 m2, si dhe një truall 47 m2 me adresë: Tiranë, Rruga e Elbasanit
--Lokal, ish-ëmbëltore në Rrugën e Durrësit me sipërfaqe 175 m2, si dhe një truall me sipërfaqe 175 m2, mbi të cilin është ngritur lokali ish-ëmbëltore
--Pasuria ndërtesë-magazina qendrore me sipërfaqe 4437 m2 me adresë: Laprakë, rruga “Pandi Dardha”, Tiranë
--Trualli me sipërfaqe 22000 m2, zona kadastrale 3866, me adresë: Tiranë, fshati Yzberish, kufizohet me rrugën automobilistike

Fazat e sekuestrimit të pasurisë së Al-Qadi

TIRANË- Sekuestrimi i të gjitha pronave të sauditit Yasin Al-Qadi janë bërë duke u bazuar në Kushtetutën e Republikës së Shqipërisë, neni 102 pika 2, si dhe në ligjin “Për masat kundër financimit të terrorizmit”, në Konventën e Kombeve të Bashkuara për luftën kundër financimit të terrorizmit dhe vendimit të Këshillit të Ministrave “Për listën e personave të shpallur si financues të terrorizmit”. Ndërkohë, për sekuestrimin përfundimtar të pasurive të shtetasit arab Yasin Al-Qadi, Ministria e Financave, ka bashkëpunuar edhe me Prokurorinë e Përgjithshme.

Katër vjet më Fazat e sekuestrimit të pasurisë së Al-Qadi parë, organi qendror i akuzës bëri kërkesë në gjykatë, ku u vendos sekuestrimi paraprak i të gjitha pronave të evidentuara deri në atë kohë të shtetasit arab Yasin Al-Qadi. Ky vendim i gjykatës është dhënë në mes të muajit janar të vitit 2002. Ndërkohë, pas një muaji, në mes të janarit të vitit 2005, përfundon edhe ky urdhër sekuestroje i dhënë nga gjykata. Sipas ligjit, tre vjet pas vendimit për sekuestron provizore, urdhri shfuqizohet. Në këtë moment ka ardhur edhe urdhri i dytë i sekuestros, i vendosur nga Ministria e Financave bazuar në legjislacionin përkatës.

[Lioness]

S'paska lene me pa blere gamilja.

Shume kohe priten per kete pune, por me mire vone se kurre.

[Akili-A]

C`eshtja e pronave te al-Qaedas ne shqiperi nuk eshte edhe aq problem serioze perpara rekrutimit qe ata u kane bere shume shqiptareve te besimit islam duke perdorur te ashtuquajtura "shoqata bamirese".......

[iliria e para]

Zbulohet administratori i Jasin Kadi

Shtetasi jordanez i denoncuar disa kohë më parë nga Ministria e Financave, është administratori i pronave të Jasin Kadisë, bashkëpunëtorit të ngushtë të organizatës terroriste, Al-Qaeda. Aktualisht jordanezi (emri i të cilit nuk bëhet publik për arsye të ruajtjes së sekretit hetimor), po hetohet nga Prokuroria e Krimeve të Rënda për akuzën e pastrimit të parave, të cilat dihet që rrjedhin nga një veprimtari kriminale. Edhe pse dyshimet konkrete janë se ai mund të ketë administruar financime dhe prona që rrjedhin nga organizatat terroriste nëpërmjet Jasin Kadisë, akuza e pastrimit të parave është ngritur në mënyrë që aktiviteti i tij të verifikohet që në fillimet e veta, që datojnë në vitin 1999. Kjo, pasi Kodi Penal shqiptar vetëm pas vitit 2003 ka parashikuar aktet dhe financimet terroriste. Ndërkohë, burime pranë organit të akuzës janë shprehur se shtetasi jordanez është marrë në pyetje nga hetuesit e çështjes. Sipas të njëjtave burime, ai ka pranuar administrimin në Tiranë të disa objekteve, të cilat aktualisht janë lëshuar me qira. Por ai mësohet se ka mohuar të ketë dijeni për lidhje të Jasin Kadisë me organizatat terroriste, apo të jetë financuar prej tyre në blerjen e objekteve të lartpërmendura. Ai është shprehur se është thjesht një administrator i objekteve, duke vënë në dispozicion të organit të akuzës gjithçka që ai di apo disponon për objektet në fjalë.

Sekuestrot
Ministria e Financave ka zbuluar dhe urdhëruar sekuestrimin edhe të disa pronave të tjera të të dyshuarit për lidhje me terrorizmin, shtetasit arab Jasin Kadisë. Të gjitha pronat rezultojnë se janë në Tiranë dhe dyshohet që janë blerë nga i kërkuari për terrorizëm gjatë kohës që ka qenë në Shqipëri, si investitor i disa subjekteve. Në listën e re të pronave që janë sekuestruar janë pesë apartamente, dy dyqane, një lokal, ish-ofiçina e NB-së në Laprakë, si dhe 22 mijë metra katrorë truall në fshatin Yzberisht. Lista e pronave të reja të Jasin Kadisë që janë vendosur nën sekuestro, janë identifikuar gjatë periudhës shtator 2005-tetor 2006, ndërsa vendimi i dikasterit të Financave për sekuestrimin e tyre, është marrë më 27 nëntor të këtij viti. Rreth një vit më parë, Ministria e Financave urdhëroi sekuestrimin e disa pronave të tjera të Kadisë, përfshi edhe disa apartamente të “Kullat Binjake” dhe dhjetëra llogarive bankare të tij.

Administrimi
Shteti shqiptar do të përfitojë qiratë që paguhen për pronat e sekuestruara të bashkëpunëtorit të organizatës terroriste Al-Qaeda, Jasin Kadi. Burime pranë Ministrisë së Financave, e cila ka vendosur sekuestrimin e pronave, të cilat kapin vlerën e mbi 4 milionë dollarëve janë shprehur se personat që kanë marrë me qira objekte që janë në listën e sekuestrove do të vazhdojnë t’i mbajnë ato. Por vlera financiare e qirave që paguhet për to tashmë do të derdhet në arkën e shtetit, i cili do të jetë përfituesi i drejtpërdrejtë i tyre. Kjo praktikë do të vazhdojë të aplikohet deri në vendimin e konfiskimit të këtyre pronave dhe do të monitorohet nga zyra e administrimit të pronave dhe pasurive të sekuestruara pranë Ministrisë së Financave. Deri më tani, qiratë mblidheshin nga administratori (shtetasi jordanez që është nën hetim) dhe i kalonin llogarive bankare të subjekteve që ishin financuar nga Jasin Kadi. Emërtimet e këtyre subjekteve janë identifikuar tashmë nga Ministria e Financave dhe çdo llogari bankare e tyre është bllokuar.