Po ta shkruaj këtë letër ashtu siç di unë të shkruaj. Nëse e pranon
këtë letër do të thotë se letra ka arritur mirë. Nëse nuk e merr,
lajmërom kështu që do ta dërgoj përsëri.
Po të shkruaj ngadalë, sepse e di se ngadalë lexon.
Disa ditë më parë babai yt ka lexuar në gazeta se sipas
statistikave shumica e fatkeqësive të komunikacionit ndodhin në 1 km
largësi prej shtëpive, kështu që ka kohë që edhe ne jemi zhvendosur pak më larg
prej shtëpisë.
Shtëpia është shumë e bukur, kemi bile edhe makinë të larjes,
mirëpo nuk e di se a punon apo jo. Mbrëmë i kam vendosur disa rrobe për
ti pastruar, e nxjerra ujin prej makinës mirëpo rrobet nuk ishin më aty....!!!
Këtu koha nuk është edhe aq e keqe. Javën e kaluar ka rënë shi
vetëm dy herë - herën e parë ka zgjatur 3 ditë, ndërsa herën tjeter 4
ditë.
Në lidhje me atë jaknen (xhupin) që e ke
dëshiruar, xhaxhai yt Pjer, më ka thënë se nëse e kemi ndërmend të ta
dërgojmë do të ishte mirë që t'ia heqim sustat (pullat), për shkak se
janë shumë të rënda, dhe në këtë rast shërbimi postar do të kushtonte shumë
më shtrenjtë, kështu që vendosëm t'i heqim të gjitha pullat e jaknes
(xhupit) dhe më pas i vendosëm nëpër xhepa të saj.
Në ndërkohë dua të tregoj se e kemi varrosur gjyshin tënd: trupin e
tij e kemi gjetur përderisa e pastronim shtëpinë. Ishte në orman qysh
prej asaj dite që fitoi duke luajtur fshahurazi së bashku.
Para disa ditësh eksplodoi boca e plinit në kuzhinë: babain tënd
dhe mua na ka gjuajtur për dritare jashtë: çfarë ndjenje!!!
Pas aq shumë vitesh, babai yt dhe unë kemi dalur në sheti së
bashku. Përderisa po e përmendi babain tënd - ka gjetur punë të re! Ai
është shumë krenar me punën e re. Nën komandën e tij tashmë gjenden hiq më pak se 500 veta...
e kanë punësuar në varrezat e qytetit... kujdeset për
kositjen e barit.
Motra jote Julia, a e din ajo që u martua për burrin e saj... më në
fund edhe ka lindur!
Nuk e dimë ende gjininë e fëmisë kështu që nuk e di nëse je bërë
tashmë teze apo xhaxha... ndërsa nëse do të jetë vajzë, motra jote do të
ia japë emrin tim... Më duket pak e çuditshme që vajzën e saj ta quajë
"mami".
Kushëriri yt Poli, është martuar... tërë ditën lutet para gruas së
vet për shkak se është virgjëreshë në horoskop.
Edhe dua që ta dish, se tashmë ka kohë që nuk e kemi parë xhaxhain
tënd Isidorin, atë që ka vdekur vitin e kaluar...
Ndërsa nuk dua të flas për vëllaun tënd Zanoi... ai është i
tmerrshëm... paramendo, na i ka mbyllur dyert e automobilit, ndërsa
çelësat kanë mbetur mbrenda.
I është dashur të kthehet në banesë me qëllim që ti marrë çelësat duplikat,
dhe të na nxjerrë të gjithë neve prej automobilit.
Ishte katastrofë !!!!!
Mirë biri im, nuk dua të ta shkruaj adresën, sepse nuk e di se cila
është. Familja që ka jetuar këtu para nesh, e ka shkoqur numrin e
shtëpisë nga muri dhe e kanë marrur me vete.
Nëse e sheh Margaritën përshëndete nga ana ime, ndërsa nëse nuk e
sheh mos i thuaj asgjë.
Nëna jote e cila të don shumë,
PS: Desha të të dërgoj disa të holla, mirëpo veç e mbylla zarfin.
Krijoni Kontakt