Emily Dickinson

[Zombi]

Fjala vdes
Atëherë kur thuhet,
Disa thonë.
Unë them se
Fillon të jetojë
Po atë ditë.

[Diabolis]

LIX

Morra fuqinë time në duar
dhe shkova kundër botës mbarë;
S'qe aq sa e Davidit është kallzuar,
por unë isha dy herë më guximtar.

Shënjova guralecin, por vetë unë
ishte gjithë që ra përtokë.
Të ishte Goliati i stërmadh shumë,
a vetëm unë shumë i vogël?

[Diabolis]

LX

Një hijemik për ditë të nxehta
është më lehtë të gjesh
se një temperaturash të larta
për orën e ftohtë të mendjes.

Erëtreguesi pak për nga lindja
shpirtrat prej muslini përlan;
nëse gjoksoret e leshta më të forta
se ato prej nape janë,

kush duhet fajësuar? Endësi?
Ah! filli i kokolepsur!
Tapetet e paradisit
kaq pa kujdes janë endur.

[Diabolis]

LXXII

Zemër jo aq sa imja e rëndë,
duke shkuar vonë në shtëpi,
ndërsa m'i kaloi dritares ndënë
vërshëlleu një melodi,-

një copë të shkujdesur, një balladë,
një këngë të udhës;
por për veshin tim të vrarë
aq ëmbël një qetësues,

sikur ishte një zog fushe
duke shëtitur këtej,
u frymëzua dhe këndoi me zë gushe,
pastaj flluskoi ngadalë andej.

sikur një përrua që gurgullet
në një udhë sfilitëse
fut këmbët e përgjakura në minuet
pa e ditur se pse.

Nesër, natë do të vijë sërish,
Kapitëse, ndoshta, dhe me plagë.
Ah, bri, anë dritares të vish,
unë falem të shëtisësh prapë!

[Diabolis]

LXXVI

Kam qënë i uritur gjithë monë;
ora ime erdhi, të darkoj;
Me drithma tërhoqa tryezën pranë,
verën kureshtare e lakmoj.

Kjo qe nëpër tryeza ajo pamje,
kur sillesha, i uritur, i vetmuar,
që në dritare shikoja, për kamje
që nuk shpresoja në ta zotëruar.

Nuk dija ç'ishte buka e mjaftë,
kaq ndryshe nga thërrimja qe,
që zogjtë dhe unë shpesh ndamë
në dhomën e ngrënies së Natyrës ne.

Bollëku më vrau, ishte diçka e re,-
u ndjeva keq dhe i shkëputur,
si kokrra e një kaçubeje malore
mu në rrugë artisur*.

As isha i uritur; ndaj gjeta se
uria ishte një shteg
e vetjeve përjashta dritareve,
që e hyra ja u heq.

*artisur - transplantuar (sipas fjalorit te gjuhes shqipe)

[ocean]

Truri - eshte me i gjere se Qielli - Se - po ti vesh
ane per ane - Njeri tjetrin do ta nxe Me
lehtesi - edhe Juve - prane -

Truri eshte me i thelle se deti - Se - mbaj ata
- Kalter me Kalter - Njeri tjetrin do ta thith - Sikur
Sfungjeret - Koven - qe bejne

Truri eshte vetem pesha e Zotit - Se po ti peshosh -
Cope per Cope - Dhe do te ndryshojne - ne qofte se po -
Si nje Rrokje nga Zeri.

Emily Dickinson