Biografi Bosash..

[Brari]

Lajme nga Biznes

Lakshmi Mittal Mosha: 55 Vlera e Pasurisë: 23.5 miliardë dollarë


Autori i Lajmit: Red.
Miliarderët e Londrës

Miliarderi Indian i çelikut, tashmë ka sunduar tregjet në të gjithë botën me kompaninë e tij Mittal Steel. Në dhjetor të vitit 2004 ai shkriu në një kompaninë Ispat International me amerikanen Steel Group më anë të një marrëveshjeje prej 4 miliardë dollarëve. Në janar të këtij viti Mittal ofroi 23.7 miliardë dollarë për të blerë kompaninë e çelikut Arcelor me seli në Luksemburg. Tashmë Mittal i shet çelik kompanisë amerikane Ford Motors, një nga kontratat më të mëdha të saj.

Roman Abramovich
Mosha: 39
Vlera e Pasurisë: 18.2 miliardë dollarë
I rritur jetim, Abramovich nuk arriti të përfundonte as kolegjin. Ai arriti të krijojë një pasuri të tërë pas një seri marrëveshjes për eksporte nafte që në fillim të viteve 1990. Pasuria e tij kapi majat kur ai u bashku me Boris Berezovsky dhe bleu gjigantin rus të naftës Sibneft, asokohe me një vlerë tregu tepër të ulët. (Kur Berezovsky u largua nga rusia për t i shpëtuar akuzave për mashtrime fiskale, Sibneft kaloi në pronësi të Abramovich). Në 2003-2004 Abramovich i shiti pjesën e zotëruar prej tij në kompaninë e aluminit Aluminum rusit tjetër Oleg Deripaska. Në vjeshtë të 2005-ës ai likuidoi asetet e tij më të mëdha duke shitur 72.6 për qind të aksioneve te Sibneft tek Gazpromi për shumën e 13 miliardë dollarëve. Tanimë Abramovich, i cili vitin e kaluar u riemërua guvernator i rajonin verior rus Chukotka, mund ti dedikojë më shumë kohë hobeve të tij, si jahtet dhe skuadra e futbollit Chelsea.

Leonard Blavatnik
Mosha: 48
Vlera e pasurisë: 5 miliardë dollarë
I rritur në Rusi, në moshën 21 vjeçare ai emigroi së bashku me familjen drejt vendit të ëndrrave, Amerikës ku përfundoi edhe studimet universitare. Mënjeherë krijoi firmën e tij Access Industries në vitin 1986. Më pas bashkëpunoi me shokun e tij të shkollës Viktor Vekselberg e më pas me miliarderin rus Mikhail Fridman. Trioja arriti të shtonte pasurinë pas themelimit të kompanisë TNK-BP, një partnership mes kompanisë së tyre të naftës Tyumen Oil Company dhe British Petroleum. TNK-BP u bë kompania e dytë më e madhe e naftës në Rusi. Së fundmi Blavatnik ka blerë mazhorancën e aksioneve në prodhuesin e materialeve plastike Basell. Gjithashtu ai zotëron aksione në kompaninë ruse të aluminit Sual (Siberian-Urals Aluminum), në një kompani energjie në Kazakistan, në telekomin rus Svazinvest, një kompani pronash të paluajtshme në Argjentinë, ndërkohë që është anëtar bordi në kompaninë britanike të muzikës Warner Music.

Charlene de Carvalho-Heineken
Mosha: 51
Vlera e Pasurisë: 5 miliardë dollarë
Charlene, e vetmja femër miliardere në Londër, trashëgoi 25 për qind të aksioneve në birrën daneze Heineken katër vjet më parë, nga njerku i saj Freddy Heineken. Ka pesë fëmijë dhe kryesisht e kalon ditën duke parë galeri arti, muzikë dhe arkitekturë. Bashkëshorti i saj Michel de Carvalho,, me profesion bankier, drejton një nga degët e kompanisë Heineken.

David & Simon Reuben
Vlera e Pasurisë: 3.6 miliardë dollarë
Lindur në Bombei dhe rritur në Britaninë e madhe, dy vëllezërit David & Simon Reuben e nisën veçmas karrierën e tyre. Simon preferoi biznesin e tapeteve dhe pasurive të paluajtshme ndërsa David u morr me tregti metalesh. Pak kohë më pas ata u bashkuan në Transworld, një kompani që merret me tregti metalesh e cila ka investuar seriozisht në Rusi dhe Kazakistan. Ata shprehen se në vitet 1990 kishin një fitim prej 550 milionë dollarë në vit nga aktivitetet e tyre. Aktualisht Simon jeton në Monako ndërsa David në Londër. Dy vëllezërit morën çmimin “Sipërmarrësit e vitit” më maj të vitit të kaluar.

Anil Agarwal
Mosha: 52
Vlera e Pasurisë: 2.8 miliardë dollarë
Agarwal zotëron kompaninë Vedanta Resources të cilën e themeloi pas blerjes së disa minierave shtetërore në Indi, vendi i tij i lindjes. Zotëron gjithashtu disa miniera bakri në Zambie dhe Australi. Pasuria e tij po shkon drejt shumës 3 miliardë dollarë. Agarwal ka premtuar të dhurojë 1 miliardë dollarë për themelimin e një universitete, kopje e Harvardit, pas dy vjetësh.

Richard Branson
Mosha: 55
Vlera e Pasurisë: 2.8 miliardë dollarë
Vetëm këtë vit Branson ka ndërmarrë një sërë iniciativash të reja në biznes. Kështu, ai ka përfunduar një marëveshje për një kompani telefonike në Kinë, po përfundon projektet për një rafineri bioetanoli si dhe po provon shansin duke botuar libra komikë. Ndërkohë që pjesë e planeve të tij është edhe krijimi i një linje ajrore në SHBA. Për të krijuar gjithë këto biznese të reja Branson është përpjekur që të gjenerojë para kesh. Aktualisht ai po tenton të shesë kompaninë telefonike Virgin Mobile UK.

Charles Cadogan & family
Mosha: 69
Vlera e pasurisë: 2.8 milionë dollarë
Pronat e tij të paluajtshme vazhdojnë të tërheqin njerëz të botës së modës si Hugo Boss, Cartier dhe Richard Ward. Ai zotëron gjithashtu edhe galerinë Saatchi.

Bruno Schroder & family
Mosha: 73
Vlera e pasurisë: 2.5 miliardë dollarë
Brezi i katërt i një familjeje bankierësh, Schroder vazhdon traditën si drejtor i kompanisë së shërbimeve financiare Schroders Plc., e cila festoi 200 vjetorin e themelimit në vitin 2004. Familja Schroder menaxhon një shumë prej 186 miliardë dollarësh, para të klientëve, në 26 vende të botës. Schroder e drejton kompaninë në distancë pasi ai jeton në një periferi të Skocisë duke pilotuar avionë personalë dhe duke u kujdesur për fermën e tij.

Bjorgolfur Thor Bjorgolfsson
Mosha: 39
Vlera e pasurisë: 2.2 miliardë dollarë
Miliarderi i vetëm beqar në Islandë. Ai është bashkëthemeluar i pijeve Bravo në Rusi dhe shpikësi i markës së birrës Botchkarov, e cila iu shit kompanisë Heineken në shkurt të vitit 2002. Ka themeluar edhe një kompani investimesh, Novator, me seli në Londër, e cila ka qenë tepër aktive në blerjen e aksioneve në kompanitë e telekomit. Ai zotëron aksione në kompaninë farmaceutike Actavis, në bankën bullgare EI, në telekomin finlandez Elisa si dhe ka njoftuar se do të investojë në fushën e telekomunikacionit në Bullgari. Plus këtyre, ai zotëron një seri hotelesh në Detin e Zi dhe disa hektarë tokë në bregdetin e Spanjës. Jeton në Londër me të dashurën prej 15 vjetësh dhe djalin e tij 1 vjeçar.

Nadhmi Auchi
Mosha: 68
Vlera e Pasurisë: 2 miliardë dollarë
Po e shijon jetën si mos më mirë falë një françize për gara makinash prej 40 milionë dollarësh në Liban për Kampionatin e Garave me makina A1. Londinezi i lindur në Irak, mori kritika të ashpra për dasmën e djalit të tij Tameem dhe gruas së tij, një miliardere palestineze, ku ishin të ftuar më shumë se 1 000 veta dhe u zhvillua pikërisht Ditën kundër Varfërisë.

Donald Gordon
Mosha: 75
Vlera e Pasurisë: 1.6 miliardë dollarë
Me profesion kontabilist, themeloi kompaninë e sigurimeve Liberty Life në moshën 27 vjecare me një shumë fillestare prej 120 mijë dollarësh. E transformoi atë në një nga kompanitë lider të fushës në Afrikën e Jugut, për ta shitur në vitin 1999. Themeloi Liberty International, një nga qendrat më të mëdha të blerjeve në Europë, në vitet 1980. U largua nga posti i drejtuesit në qershor 2005 në moshën 75 vjeçare, megjithëse ende zotëron 21 për qind të aksioneve dhe është emëruar president i përjetshëm i saj, Ka dhuruar herë pas here shuma të mëdha parash për të varfrit e Afrikës. Ka dyshtetësi, afrikano-jugore dhe britanike. Së fundmi ka vlerë një avion Falcon 7X për një shumë prej 45 milionë dollarësh për të udhëtuar nga Londra në Afrikën e Jugut.

David Sainsbury & family
Mosha: 65
Vlera e Pasurisë: 1.6 miliardë dollarë
Pas një mandati të tretë për partinë laburiste në Britani, Lordi Sainsbury vazhdon të shërbejë si Ministër i Shkencës dhe Teknologjisë. Iniciativa e tij e re ka të bëjë me koordinimin e biznesit me risitë e teknologjisë, një rol i cili i përshtatet më së miri kualifikimeve të tij. Ky politikan e ka krijuar pasurinë falë biznesit familjar, rrjetit të dyqaneve ushqimore Sainsbury s. Vitet e fundit biznesi i tij është goditur nga konkurrenca e ashpër nga rivalët më të fuqishëm si supermarketet Tecso dhe Wal Mart.

Mahdi Al-Tajir
Mosha: 73
Vlera e pasurisë: 1 miliardë dollarë
Me origjinë nga Irani, ish ambasador në Britaninë e Madhe dhe Francë, aktualisht jeton në Londër në shtëpinë e tij madhështore Perthshire e shtrirë në një hapësirë prej 18 mijë hektarësh. Mban lidhje të ngushta me familjen mbretërore Al Maktoum të Dubait. I turpshëm me mediat, Al-Tajir koleksionon perla dhe qilima persianë. Ai zotëron hotelin Park Tower në Londër dhe ujin Highland Spring, i cili ambalazhohet dhe shitet në tregun britanik.


Ky lajm është publikuar: 02/12/2006

gazeta balkan

--

ore ..nje pietje jasht temes..

Kush jan 10 me te pasurit ne shqiperi..??

[Gunnar]

ore ..nje pietje jasht temes..

Kush jan 10 me te pasurit ne shqiperi..??

ata qe kane qene spiune ne kohe te xhahxit besoj.........

[Renea88]

familja e xhaxhit me 10 niperit