E fton ministria greke, policia greke i prish pasaportën

[iliria e para]

E fton ministria greke, policia greke i prish pasaportën

11:57 29/08/06



Gjokë Marku banon në një nga barakat e ndërtuara nga kinezët në kohën e ndërtimit të hidrocentralit.
Ai është aksidentuar në Greqi dhe tashmë ka humbur aftësinë për të punuar.
Mbahet me një asistencë të vogël që i jep bashkia e Vaut të Dejës.
Pak vite më parë i është ndërprerë edhe kempi që fitoi si invalid në Greqi.
Por një rreze shprese ka rilindur pas një letre të dërguar nga Ministria e Jashtme greke. Ai duhet të mbërrijë në Greqi deri në fund të shtatorit dhe mund të rimarrë sërish pensionin e invalidit. Sikur të ishte kaq e thjeshtë...

Gjëja më e vështirë për një qytetar të këtij vendi është të marrë një vizë. Pjesë e dramës së Gjokë Markut, 39- vjeçarit që është baba i dy fëmijëve, janë edhe kryqet që zyrtarët grekë vendosin në pasaportën e tij me vizë, sapo mbërrin në doganë. E kjo e përsëritur...

Historia e tij fillon në vitin 1998, kur emigron në Greqi pa familjen e tij.

Në vitin 2000 arrin të marrë dokumente të ligjshme qëndrimi në këtë vend dhe do të mund të tërhiqte atje dhe gruan me dy fëmijët. Ndërkohë, aksidentohet në punë duke rënë nga skela ku po punonte për ndërtimin e një objekti në Athinë.
Pasi qëndron 12 ditë në spital, ku dhe bëhet operacion, del që andej dhe shteti grek i njeh të drejtën e përfitimit të kempit, pasi ishte vërtetuar se emigranti i ligjshëm ishte aksidentuar gjatë punës dhe si pasojë e kësaj kishte mbetur invalid.Mjekimet e bëra nuk i dhanë rezultat, dhe Gjoka mezi ecën i mbajtur me shkop, ndërsa ka probleme me shtyllën kurrizore.

Duke mos patur mundësi për të punuar, ai kthehet në Shqipëri, por duke u rikthyer vazhdimisht në Greqi, dhe askush nuk e pengonte. Në vitin 2004 i ndërpritet kempi që merrete nga Greqia. Vitin e kaluar, në korrik, ndërsa ka shkuar për të kaluar kufirin , policia greke nuk e ka lejuar me preteksin se ai nuk kishte më arsye të shkonte në Greqi.

Policët grekë i prishin pasaportën me vizë dhe me disa kalime në të, duke ia dëmtuar me një shënim në formë kryqi.

Gjokë Marku i drejtohet Ministrisë së Jashtme greke ku kërkon t?i jepet mundësia që të kryejë të tjera veprime në Greqi, përfshirë dhe ndonjë gjyq të mundshëm, për të fituar atë që ia mohuan.

Gjoka rrëfen se pasi ia hoqën kempin në vitin 2004 është përpjekur me avokatë, por këta i kërkonin mjaft para .Ata nuk më jepnin siguri se mund ta fitoja gjyqin përballë inxhinierit të punimeve të firmës që ndërtonte objektin ku u aksidentova.

Ai kishte lidhje të forta, madje më kishte kërcënuar në prani të disa të tjerëve se do më vriste, dhe kishte ndërhyrë polica greke. Avokatët kërkonin 3000 euro që unë nuk i kisha, e megjithatë nëse do më siguronin se fitoja mendova t?i marr borxh. Por ato jo vetëm nuk më siguronin, por dhe më gënjenin.

U thashë se isha gati tu jepja jo 20% të asaj që mund të fitoja, por 50% vetëm t?i hynim gjyqit, por pronari i cili nuk kishte paguar asgjë për aksidentimin tim ishte më i fuqishëm?.

E përpos këtyre problemeve Gjokës i është shtuar edhe një tjetër, edhe më i madh. Ai nuk mundet të hyjë në Greqi.

Shpresa për të rimarrë pensionin shuhet nga policët e doganës

Në gusht të këtij viti, Gjokë Markut i vjen një faks nga Ministria e Jashtme greke për tu paraqitur deri në fund të muajit shtator, pasi do të rimerrte kartonin jeshil dhe do kishte ndonjë mundësi për t?u marrë me problemet e tij.
Niset për në Greqi pasi bën pasaportën e re 10-vjeçare, pasi ajo e mëparshme iu dëmtua. Në kufirin grek, policët e pyesin nëse ka kontratë pune.
Gjoka rrëfen se ?u tregova se jam invalid në Greqi, kam marrë pagesë nga shteti grek për këtë dhe se po shkoja pas faksit të marrë nga Ministria e Jashtme greke.

Të gjitha këto ia tregova. Njëri prej policëve më tha se nuk mund të hyja në Greqi pa kontratë pune, ndërsa tjetri më mori pasaportën dhe më tha ? ta vulos unë?, dhe më shënoi në të një kryq si tek pasaporta e mëparshme.
Unë u revoltova. Komunikova me policë të tjerë duke u përpjekur t?iu shpjegoj, në gjuhën greke se do shkoj për të bërë vizita mjekësore në mënyrë që të ripërfitoj kempin nga shteti grek, pasi aty jam bërë invalid?.
Gjoka rrëfen se kjo ndodhi me 16 gusht të këtij viti, ndërsa iu drejtua ambasadës greke , dhe pse asaj i ishte drejtuar dhe pas dëmtimit të pasaportës vitin e kaluar.

Ministritë nuk japin asnjë ndihmë

Në ambasadë vetëm i kanë dhënë dy numra telefoni me të cilët është përpjekur të lidhet disa herë, por pa rezultat.Ka shkuar në ministrinë tonë të jashtme, duke i kërkuar të ndërhyhet për rastin e tij.

Sipas Gjokë Markut është takuar me drejtorin e konsullatave, i cili i ka thënë se nuk mund të bënte asgjë madje duke shtuar se ?nuk të kam çuar unë në Greqi, shko tek ambasada. I thashë se atje më çoi nevoja për të jetuar, pasi banoj në barakë me lagështirë. Kërkova të takohem me ministrin dhe kam lënë aty një kërkesë, pasaportën dhe një çertifokatë,? thotë Gjoka. Më tej ai shton se e drejtuan në Ministrinë e Shëndetësisë, por atje e pyetën nëse ishte i siguruar në Shqipëri dhe se ku ishte dëmtuar.Duke qenë as nuk ishte i siguruar këtu dhe as nuk ishte dëmtuar në Shqipëri, i kanë thënë se nuk kishin çfarë ti bëjnë.

Tentativat për vetëvrasje pas dramës së ndodhur

Në dëshpërim të thellë, pa të ardhura e pa shtëpi, me gruan e sëmurë dhe po ashtu dhe ai vetë, Gjoka ka tentuar t?i japë dy herë fund jetës, duke pirë doza të mëdha të ilaçeve me të cilat mjekohet.

Ai i bën apel shtetit shqiptar që të ndihmojë për zgjidhjen e problemit të tij, të ndërhyjë që ai të mund të shkojë në Greqi ku ka shpresë të rinovojë lejen e qëndrimit e mbase dhe të mund të bëjë diçka për të rifituar kempin apo dëmshpërblimin që i takon si pasojë e dëmtimit të tij në punë.

Huazuar nga A1

[hope31]

sa e dhimbshme

[YaSmiN]

Dogana si Shqiptaro-Greke sidomos nuk ka te drejt te pyesi se ku punon edhe ne ke kontrate pune.Eshte nje fakte qe ne kufirin Grek eshte pak me thjesht prandaj me ben cudi por ne ate Shqiptarit jane shume te veshtira gjerat te pyesin akoma pse ke shenja gishtash ne makine ne portebagazh.Kufiri Shqiptaro-Grek eshte nje nga kufinjte qe ke frike te kalosh edhe ti kesh letrat ne rregull jane shume te pasjellshem edhe te ulet.Te bejne ca pyetje qe nuk duhet te marresh fare mundimin te pergjigjesh.Perse asnjeri nuk merr masa per kete gje si ne Greqi as ne Shqiperi te dy shtet ja hedhin njeri-tjetrit.Per kete njeri duhet te vi keq sidomos kur eshte edhe invalit.Shpresoj qe qeveria te marri masa per kete gje.Me mbajten 3 ore ne kufi para nje viti akoma edhe maniqyret hapnin edhe i shikonin me erdhi t'ju them mos donin te lyenin gishtat.Per makinen nuk e diskutoj me benin pyetje ku punoj sa vjet etj.Kur i kisha letrat ne rregull si ne kufirin Shqiptar po ashtu edhe Grek.

[mario_kingu]

Dogana si Shqiptaro-Greke sidomos nuk ka te drejt te pyesi se ku punon edhe ne ke kontrate pune.Eshte nje fakte qe ne kufirin Grek eshte pak me thjesht prandaj me ben cudi por ne ate Shqiptarit jane shume te veshtira gjerat te pyesin akoma pse ke shenja gishtash ne makine ne portebagazh.Kufiri Shqiptaro-Grek eshte nje nga kufinjte qe ke frike te kalosh edhe ti kesh letrat ne rregull jane shume te pasjellshem edhe te ulet.Te bejne ca pyetje qe nuk duhet te marresh fare mundimin te pergjigjesh.Perse asnjeri nuk merr masa per kete gje si ne Greqi as ne Shqiperi te dy shtet ja hedhin njeri-tjetrit.Per kete njeri duhet te vi keq sidomos kur eshte edhe invalit.Shpresoj qe qeveria te marri masa per kete gje.Me mbajten 3 ore ne kufi para nje viti akoma edhe maniqyret hapnin edhe i shikonin me erdhi t'ju them mos donin te lyenin gishtat.Per makinen nuk e diskutoj me benin pyetje ku punoj sa vjet etj.Kur i kisha letrat ne rregull si ne kufirin Shqiptar po ashtu edhe Grek.

kam kaluar kufurin grek shqiptar me qindra here deri me sot
edhe ti alnosa yasemin ke shum te drejt per kete ata jan qen por me qen jan shqiptaret me shum se mua personalisht me mbanin shqipot sa kaloja nga ana tjeter greket nje here kam qendruar alll day atije deri sa me than dekumentat jan ne regull gjoja i vertetuan [un isha i paisur me green card 6 vjecare ]

ndersa per kete burin pak me lart me vin shum gjyna se smund te punoj me ndera ka ngel gjysem sakat
por ne nuk kemi shtet qe te meret me te drejtat e njeriut si ky buri te fitoj ate gjyq qe e meriton
ciao mario

[ClaY_MorE]

Pune qe rregullohet, perderisa e ka thirrur Ministria e Jashtme nuk ka asnje problem vecse do ti vonohen letrat (gjithmone nese ministria e ka thirrur per rinovimin e kartave).

[Fatrii]

Edhe mua me vune Kryq ne Pasaporten time te re, Ndalohet hyrja ne shtetin Grek per 5 vjet, vetem pse kisha Kuranin me vete, dhe me thane shko ne Himare te marresh nje vertetim nga Prifti qe je pagezuar dhe hajde te japim leje kalimi per ne Greqi , une isha me (prasino Karta ) ne ate kohe dhe kisha paguar leke per ato letrat, po nuk ju interesoi gje atyre, Vajta ne Ambasaden Greke dhe me thane qe duhet te shkosh njehere ne Greqi qe un e skisha te drejte te shkelja ne Greqi per 5 vjet , dh e me tha shko te gjesh Avokat dhe hidhe ne gjygj atje,
Fale Allahut kalova nga Greqia me Emer tjeter dhe Ne Athine , nga Athina Londer ku gjeta me shume begati.

[RSHP]

e keshilloj zoterine te vij ne kontakt me avokatin e popullit ne Athine dhe
me gazetaret e gazetes Athina. Ata ofrojne si ndihme juridike dhe persona
te mireinformuar te cilet kane hyrje deri en shakllet me te larta te sindikatave ne Athine,

teper e dhimbshme, e di se si te dridhet mishi kur kalon kufirin grek,
oficeret e doganes greke jane me hene, ashtu si ato vjerrat e keqija