Kili: Shuhet ish-diktatori Augusto Pinochet

[zeus]

-----------------------------------------------------------------

Ish-diktatori kilian Augusto Pinochet ka vdekur sot ne Santiago ne moshen 91 vjeç pas nje infarkti te pesuar me daten 3 dhjetor te ketij viti.
Pinochet ishte president "de facto" i regjimit ushtarak ne Kili (1973-1990) dhe per rreth 25 vjet drejtoi nje prej ushtrive me te frikshme te Amerikes Latine. Largimi i tij nga posti i presidentit u vendos me nje referendum popullor ne vitin 1988. Pas vitit 1988 ai vazhdoi te drejtonte ushtrine deri me 1998 dhe me pas u bë senator i përjetshëm.
Vitet e fundit Pinochet u arrestua disa here me akuza te ndryshme per vrasje dhe tortura. Para se te shtrohej ne spital Pinochet ndodhej ne arrest shtepie pas shume proçesesh dhe pasi kishte hyre disa here ne burg.

-----------------------------------------------------------------

[ATMAN]

Augusto Pinochet (1915 -2006 ), diktator i Kilit për 16 vjet, nga 1973 deri më 1989. Ai erdhi në pushtet duke përmbysur me një grusht shteti të dhunshëm Salvador Alenden, të parin socialist të zgjedhur president i Kilit, akt pas të cilit Pinochet vendosi dhe drejtoi me dorë të hekurt një juntë ushtarake. Në kuadër të të ashtuquajturit "Operacioni Kondor", Pinochet bashkëpunoi me gjeneralin Strossner të Paraguajit dhe diktatorë të tjerë të Amerikës së Jugut për të asgjësuar kundërshtarët e tyre politikë.

Edhe pse Pinochet konsiderohet përgjegjës për vrasjen e rreth 30,000 qytetarëve kilianë, ndaj tij akoma nuk ka një akuzë përfundimtare. Më 1998 Pinochet u dënua nga një gjykatë ndërkombëtare (pavarësisht mbështetjes që i dha atij ish- kryeministrja e Britanisë së Madhe Margaret Thatcher), por u fal për shkak të gjendjes së tij shëndetësore shkaktuar nga dementia vaskulare, një dekompozim i funksioneve intelektuale të trurit, siç është kujtesa.

I kthyer në Kili, Gjykata e Lartë e këtij vendi vazhdoi të kërkojë dënimin e tij. Në korrik të vitit 2005, kjo gjykatë i hoqi atij imunitetin kushtetues, të cilin e kish fituar duke u zgjedhur anëtar i përjetshëm i Senatit të Kilit më 1998. Augusto Pinochet jetonte aktualisht në rezidencën e tij në periferi të Santiagos.