Turizmi dhe ambienti ne Shqiperi

[iliria e para]

Ecja para pak ditësh nën një diell të mrekullueshëm në bregdetin e Golemit dhe ndala për një çast të shoh vijën bregdetare sa të kapte syri. Ishte një ditë e kulluar, pa avuj e pa tymra dhe mund të shihej thuajse gjithçka nga njëri kep në tjetrin të Gjirit të Durrësit. Pamja më ngjau me një makth, sepse kisha disa vjet pa qenë aty. Pyjet halore ishin zëvendësuar më shumë se në gjysmën e tyre nga disa kube bardhë në gri – veprimtaria ndërtuese e shqiptarëve në fare pak kohë. Me atë shpejtësi që kishte ecur përmbytja e natyrës nga masa e hekur-betonit, shumë shpejt krejt Gjiri do të ketë vetëm dy ngjyra: bardhegrinë e ndërtimeve dhe verdhokafen e kodrave të rrjepura mbi ato pallate.

Po kjo gjë ka ndodhur me Gjirin e Sarandës; e njëjta gangrenë ka filluar të zërë edhe Gjirin e Vlorës. Fqinjët tanë, Mali i Zi e Kroacia në Veri dhe Greqia në Jug po fërkojnë duart sepse po e eliminojnë rivalen e mundshme turistike Shqipëri, pa dalë kjo ende nga i ashtuquajturi tranzicion. Po e mbysin që në vezë pa bërë ata vetë asgjë, sepse janë shqiptarët ata që po ia bëjnë autodafenë vendit të tyre. E njëjta gjë si me bregdetin po ndodh me kodrat dikur aq të hijshme përreth Tiranës dhe me malin e Dajtit, të bekuar nga natyra me gjithë ato bukuri. Kjo pamje më shtrihet përpara çdo mëngjes dhe nuk më lë asnjë dyshim se: Po jetojmë në kohën e barbarisë. Ndërsa para 1990-s Shqipëria, hiq ndonjë Metalurgjik, ndonjë PVC e ndonjë Azotik, mund të quhej vendi më ekologjik i Europës, sot zhvillimi i saj i ngjan shumë më tepër antizhvillimit në vende si Bregu i Fildishtë, Nigeri ose Kongo. Çudia është se vendit nuk i mungojnë njerëzit e kulturuar ose të emancipuar, që e kuptojnë se ku shkon ky zhvillim. Mirëpo kjo mbetet çudi sa nuk ke vështruar ende njerëzit që qeverisin Shqipërinë: nga ata lart të qeverisë e parlamentit, tek ata poshtë në kryesi bashkish e komunash, ata që shpërndajnë lejet kriminale të ndërtimit ose që bëjnë sehir ndërtimet ilegale. Sepse kur i vështron me kujdes, vëren që mund të ketë elitarë ky vend por nuk ka elitë, sepse ata që kanë qeverisjen në dorë s’përbëjnë kurrfarë elite: jo, ata janë bërsitë e shoqërisë sonë; ata nuk shpërndajnë asnjë frymë europiane, ata shpërndajnë vetëm duhmë rakie, ata janë shkatërruesit e vërtetë të një vendi që i ka mahnitur kurdoherë të huajt me bukuritë e tij. Socialistët ishin dje po aq dështakë sa demokratët sot në ruajtjen e Shqipërisë. Ndryshimi i vetëm është se, në mos gaboj, shkatërrimi nën demokratët po ecën sot me ritme më të shpejta sesa shkatërrimi nën socialistët. Me ligjet e tyre makabre për legalizimin qeveria e demokratëve e ka nxitur procesin e zaptimit dhe shpërfytyrimit të peizazheve tona si kurrë asnjëherë. Socialistët nga ana tjetër kishin në krye një personazh që e shiste shumë më shpejt vendin, sikurse bëri me Gjirin e Vlorës. Pra këndej zi e andej sterrë, dhe nuk di çfarë të bëjë njeriu i shkretë. Ka vetëm një shpresë: Shqipëria duhet të ndërrojë drejtuesit ose administratorët e saj. Personat që kanë në dorë qeverinë, masterplanet, planet rregulluese, lejet e ndërtimit, policitë ndërtimore, nuk duhet të jenë më përfaqësues të pjesës barbare të popullatës, por zëdhënës të pjesës së emancipuar të vendit. Edhe kjo pjesë nga ana e saj duhet të shkundet, të mos shohë më përfitimet private në kurriz të degradimit të vendit. Sepse në fund të fundit, edhe nëse vetë nuk ka emigruar, do detyrohet të çojë së shpejti në emigrim fëmijët e vet.

Nga Ardian Klosi

[YaSmiN]

Mendoj se ato vende qe kane ngelur ne Shqiperi duhen investuar per te arritur ne nje nivel si ate Europiane po ashtu edhe ate te ballkanit.Por fatkeqsisht qeveria eshte shume mbrapa qe te organizoji vende te tilla turistike po ashtu edhe bukurine e vendeve Shqipetare.Ne Greqi ka shume vende qe turistat bejne 2 dite rruge qe te shikojne detin ose vende turistike.Ky shqetesim duhet te jet dicka qe duhet ta marri seriozisht qeveria Shqipetare per arsyje qe turizmi eshte nje dege me shume fitim per zvillimin e nje shteti qe mund te arri edhe 900 % fitim.Kjo eshte dicka do behet shume vone ne Shqiperi tani per tani nuk e besoj.

[DYDRINAS]

Ecja para pak ditësh nën një diell të mrekullueshëm në bregdetin e Golemit dhe ndala për një çast të shoh vijën bregdetare sa të kapte syri. Ishte një ditë e kulluar, pa avuj e pa tymra dhe mund të shihej thuajse gjithçka nga njëri kep në tjetrin të Gjirit të Durrësit. Pamja më ngjau me një makth, sepse kisha disa vjet pa qenë aty. Pyjet halore ishin zëvendësuar më shumë se në gjysmën e tyre nga disa kube bardhë në gri – veprimtaria ndërtuese e shqiptarëve në fare pak kohë. Me atë shpejtësi që kishte ecur përmbytja e natyrës nga masa e hekur-betonit, shumë shpejt krejt Gjiri do të ketë vetëm dy ngjyra: bardhegrinë e ndërtimeve dhe verdhokafen e kodrave të rrjepura mbi ato pallate.

Po kjo gjë ka ndodhur me Gjirin e Sarandës; e njëjta gangrenë ka filluar të zërë edhe Gjirin e Vlorës. Fqinjët tanë, Mali i Zi e Kroacia në Veri dhe Greqia në Jug po fërkojnë duart sepse po e eliminojnë rivalen e mundshme turistike Shqipëri, pa dalë kjo ende nga i ashtuquajturi tranzicion. Po e mbysin që në vezë pa bërë ata vetë asgjë, sepse janë shqiptarët ata që po ia bëjnë autodafenë vendit të tyre. E njëjta gjë si me bregdetin po ndodh me kodrat dikur aq të hijshme përreth Tiranës dhe me malin e Dajtit, të bekuar nga natyra me gjithë ato bukuri. Kjo pamje më shtrihet përpara çdo mëngjes dhe nuk më lë asnjë dyshim se: Po jetojmë në kohën e barbarisë. Ndërsa para 1990-s Shqipëria, hiq ndonjë Metalurgjik, ndonjë PVC e ndonjë Azotik, mund të quhej vendi më ekologjik i Europës, sot zhvillimi i saj i ngjan shumë më tepër antizhvillimit në vende si Bregu i Fildishtë, Nigeri ose Kongo. Çudia është se vendit nuk i mungojnë njerëzit e kulturuar ose të emancipuar, që e kuptojnë se ku shkon ky zhvillim. Mirëpo kjo mbetet çudi sa nuk ke vështruar ende njerëzit që qeverisin Shqipërinë: nga ata lart të qeverisë e parlamentit, tek ata poshtë në kryesi bashkish e komunash, ata që shpërndajnë lejet kriminale të ndërtimit ose që bëjnë sehir ndërtimet ilegale. Sepse kur i vështron me kujdes, vëren që mund të ketë elitarë ky vend por nuk ka elitë, sepse ata që kanë qeverisjen në dorë s’përbëjnë kurrfarë elite: jo, ata janë bërsitë e shoqërisë sonë; ata nuk shpërndajnë asnjë frymë europiane, ata shpërndajnë vetëm duhmë rakie, ata janë shkatërruesit e vërtetë të një vendi që i ka mahnitur kurdoherë të huajt me bukuritë e tij. Socialistët ishin dje po aq dështakë sa demokratët sot në ruajtjen e Shqipërisë. Ndryshimi i vetëm është se, në mos gaboj, shkatërrimi nën demokratët po ecën sot me ritme më të shpejta sesa shkatërrimi nën socialistët. Me ligjet e tyre makabre për legalizimin qeveria e demokratëve e ka nxitur procesin e zaptimit dhe shpërfytyrimit të peizazheve tona si kurrë asnjëherë. Socialistët nga ana tjetër kishin në krye një personazh që e shiste shumë më shpejt vendin, sikurse bëri me Gjirin e Vlorës. Pra këndej zi e andej sterrë, dhe nuk di çfarë të bëjë njeriu i shkretë. Ka vetëm një shpresë: Shqipëria duhet të ndërrojë drejtuesit ose administratorët e saj. Personat që kanë në dorë qeverinë, masterplanet, planet rregulluese, lejet e ndërtimit, policitë ndërtimore, nuk duhet të jenë më përfaqësues të pjesës barbare të popullatës, por zëdhënës të pjesës së emancipuar të vendit. Edhe kjo pjesë nga ana e saj duhet të shkundet, të mos shohë më përfitimet private në kurriz të degradimit të vendit. Sepse në fund të fundit, edhe nëse vetë nuk ka emigruar, do detyrohet të çojë së shpejti në emigrim fëmijët e vet.

Nga Ardian Klosi

Ky Ardian Klosi hiqet sikur nuk ka jetuar ne Shqiperi keto vitet e fundit.
Askush nuk e ndaloi ti thoshte Rames qe te mos lejoje nje masaker moderne urbane, qe ti thoshte Nanos, Metes e Majkos qe te mos firmosnin ne planet e masakrave urbane.
Nuk ka vend te dyte ne Europe qe ka kryer nje masaker te tille urbane sikur Shqiperia ne keto 16 vite.
Ne Tirane mburren se Edi po nderton grataciela?! Po rreth e qark atyre cfare ka?
Ne Durres mburren se po behen shume ndertime per turizmin!? Ato ne fakt i sherbejne vetem turizmit per pak vite se me pas ato duhen shembur. Te tilla ndertime u bene ne Europe ne vitet '60 por me vone u pa se ato ishin nje gabim i pariparueshem.
Turistet nga Europa perendimore nuk gjejne ndonje aresye qe te vijne te pushojne ne Shqiperi. Pse?
Ata nuk kerkojne me beton dhe tulla, as duralumin e pllaka spanjolle, por dicka te vecante, qe nuk ua afron nje destinacion tjeter turistik.
Turizmi ne Shqiperi eshte sot nje turizem tipik per ata qe nuk kane mundesine te shkojne per pushime diku tjeter.