Greta Koçi

[k e n o]

po cne ajo per te fitu ate cmim por gjithsesi skq problem se ne jena mesuar me hile ene nuk na duket cudi e modhe

[P@R4nOi@C_LorD]

Top fest 4 kot e fitoj kjo!!!

[Davius]

Greta Koçi, kontrata 70 mijë euro për koncertet në Ulqin

“Zbulo sekretin”. Kështu titullohet kënga, që këngëtarja Greta Koçi sapo ka regjistruar në studion e kompozitorit të saj të preferuar Genti Lako dhe që shumë shpejt pritet të jetë në ekranet muzikore e shoqëruar nga një videoklip. Edhe pse e impenjuar në koncerte gjatë gjithë këtij sezoni Greta e ka parë si të arsyeshme të lançojë tashmë edhe një këngë të re, që nga sa mësojmë iu përket ritmeve folk të gërshetuara me modernen, ndërsa tekstin e saj e ka shkruar poeti Arben Duka. Por, ndërsa ka marrë në duar këngën e saj të regjistruar këngëtarja nuk ka humbur kohë për të realizuar edhe klipin shoqërues të këngës, i cili gjithashtu pritet të jetë shumë i veçantë dhe intrigues e madje me skena të xhiruara edhe nën ujë. “Sapo është përfunduar skenari i xhirimeve televizive për realizimin e videoklipit të kësaj kënge dhe besoj se shumë shpejt do të kemi mundësi ta lançojmë në ekran”, tregon këngëtarja e cila shton se xhirimet do të nisin javën e ardhshme dhe do të realizohen jashtë Shqipërisë, por pa dashur të japë detaje të mëtejshme në këtë drejtim. “Mund t’ju them se do të ketë elemente të veçantë, të cilët nuk janë realizuar në asnjë videoklip”, vazhdon Greta duke buzëqeshur. Por njëkohësisht tashmë, që edhe shkolla ka përfunduar Greta Koçi ka një axhendë të ngjeshur me koncerte, që do të vazhdojnë deri në fund të vitit si brenda ashtu edhe jashtë vendit. E pyetur nëse në kërkesat për koncerte ka ndikuar edhe çmimi i parë në Top-fest ajo përgjigjet: “Jo! Niveli i kërkesave për koncerte është i njëjtë, por thjesht “Top Fest” më dha një triumf të dytë pas çmimit të parë në festivalin “Mikrofoni i Artë”, që do të thotë një përgjegjësi më e madhe për të krijuar këngë sa më cilësore për të gjitha shtresat e popullsisë”. Dhe duket se ky çmim nuk ka ndikuar as në kontratën joshëse, që këngëtarja ka nënshkruar me një prej diskotekave më të mëdha të Ballkanit në qytetin turistik të Ulqinit. Prej njerëzve të afërt të këngëtares kemi mësuar se shuma, që i është ofruar Greta Koçit për të kënduar dy muaj në diskon më të madhe në Ulqin është vërtet marramendëse dhe e lakmueshme nga shumë prej kolegëve të saj, qoftë edhe me më tepër eksperiencë, plot 70 mijë euro. Megjithatë duket se kur flet për muzikën Gretës nuk i pëlqen të flasë për shifra dhe para. “Mendoj se nuk është e këndshme të deklaroj për shumat që përfitoj nga koncertet”, tregon Greta duke i dhënë më shumë rëndësi faktit, që i gjithë interpretimi do të jetë vetëm live. “Kontrata fillon më 16 korrik dhe në diskotekën Tropikal do të këndoj së bashku me këngëtarin e mrekullueshëm kosovar Sinan Vllasaliu”. Natyrisht prindërit e Gretës, që nuk e lënë vetëm në asnjë çast do të jenë bashkë me të për ta shoqëruar. Megjithatë pavarësisht impenjimeve artistike të stinës, Greta Koçi ka programuar edhe ditët e pushimeve, që këtë vit së bashku me familjen ka zgjedhur të jetë jashtë Shqipërisë në muajin shtator.

GAZETA PANORAMA

[Clauss]

“Mendoj se nuk është e këndshme të deklaroj për shumat që përfitoj nga koncertet”, tregon Greta

kjo eshte mese e vertete!! lol ja dhe dicka qe sqe e nevojshme ta dinim..

[-Alda-]

Kengetare me shume vlera, shume simpatike mund te them nje pasardhese e Vace Zeles.E re ne skene dhe ne moshe po me nje vokal te perkryer mund te konkuroj edhe ato kengetare qe kane vite te tera ne skene.Me pak fjale e mrekullueshme.

[rm_renald]

Greta Koçi e ka mbaruar 8-vjecaren te "Qazim Turdiu". Kur ajo ishte ne klase te 8 une isha ne klase te gjashte. Ajo smeriton asnje titull. Fati i saj qe jane shpikur programet e perpunimit te zerit dhe muzika me DJ. Vace Zela ka qene kengetare e madhe por eshte fyerje ta krahasosh me Greten.

Respekte

[witch_but_sweet]

Po pergjigjem pak me vonese per kete kengetaren e famshe te Shqiperise Greta Koci,


Nje gje me bere pershtypje shume te madhe te kjo mosha dhe menyra se si vishet , 15 vjecare kjo kengetare. Nuk me besohet ne Usa kengetaret 15 vjecare nuk vishen e kendojne kenge dashuri e provokuese, u qendrojme moshes se tyre cdo gje eshte me kohe. Nuk e di po me ka rene rasti te shikoj shume kengetare te kesaj moshe ketu dhe eshte nje ndryshim shume i madhe si nga veshja edhe nga teksti i kenge . Mbase ne Shqiperia vajzat rriten me shpjet se ketu po te jemi realista femijet te shijojne moshen e femijerise do vij koha te vishen te kendojne e te bejne cdo gje qe do ju takoje moshes . Zerin nuk e ja shaj veshjen nuk kam c'te them mbase ka te beje edhe famija se une femijen time sidomos vajzen nuk e le te me dale me barke perjashta e gjokset gjysem jashte . po cdo njeri ka mendimin e vet . Ndonje qe eshte ne usa le te shikoj disney channel ka aty kengetare te moshes se saj asnje nuk vishet ashtu ,
kalofshit nje jave te mbare.

[njemik]

ti do te thuash qe Greta ko ka origjine tajlandeze?

[Davius]

Greta Koçi, vajza e brishtë që rebelohet

Xhirimet e klipit, që së shpejti pritet të jetë në ekranet muzikore shqiptare, janë realizuar në Maqedoni fundjavën e shkuar duke shfrytëzuar jo vetëm pamjet e ngrohta dhe romantike, që të dhuron liqeni, por edhe disa prej pikave turistike të qytetit të Ohrit. Jemi mësuar që në videoklipet e saj ta shohim zakonisht të ëmbël, lozanjare dhe të brishtë. Këtë radhë Greta Koçi shfaq edhe karakterin e një vajze rrebele, të cilën një mashkull nuk e ka të lehtë ta bëjë për vete. Fustanet elegantë dhe provokues zëvendësohen këtë radhë nga pantallonat e shkurtra, këmisha sportive dhe atletet. Por duket se nuk ka qenë shumë e lehtë të xhirohej në të nxehtin e korrikut. Këngëtarja dhe i gjithë stafi që punuan me të, janë përballur në fakt edhe me temperaturat e larta të kësaj vere, që as freskia e liqenit nuk ka mundur t’i mposhtë. Greta KOçi në fillim të këtij muaji, premtoi se do të sillte jo vetëm një këngë të realizuar artistikisht, por edhe një videoklip shumë të veçantë, krejt ndryshe nga sa kemi parë deri tani në ekranet tona. “Zbulo sekretin”. Një titull intrigues, që sjell një këngë ritmike tepër të pështatshme për stinën e verës. Kënga është kompozuar nga Genti Lako ndërsa tekstin e ka shkruar poeti Arben Duka. Edhe pse e impenjuar në koncerte gjatë gjithë këtij sezoni Greta e ka parë si të arsyeshme të lançojë tashmë edhe një këngë të re, që nga sa mësojmë iu përket ritmeve folk të gërshetuara me modernen. Por ndërsa ka marrë në duar këngën e saj të regjistruar, këngëtarja nuk ka humbur kohë për të realizuar edhe klipin shoqërues të këngës, i cili pritet të jetë intrigues, jo vetëm në përmbajtje, por edhe në elementët vizivë. Por, tashmë që edhe shkolla ka përfunduar Greta Koçi ka një axhendë të ngjeshur me koncerte, që do të vazhdojnë deri në fund të vitit si brenda ashtu edhe jashtë vendit. Megjithatë pavarësisht impenjimeve artistike të stinës ajo ka programuar edhe ditët e pushimeve, që këtë vit së bashku me familjen kanë zgjedhur të jenë jashtë Shqipërisë në muajin shtator.

GAZETA PANORAMA

[mikrobi]

Pershendetje!
Desha te flas pak,per kete shkruesin pak me siper.Thote qe kengetaret ne Amerike nuk zhvishen etj.....Te gjitha kengetaret sot po zhvishen perjashto Greta Kocin,qe mua personalisht me duket shume serioze dhe e pa egzagjeruar ne veshje!Thashe qe te gjitha kengetaret zhvishen,ketyre tonave si shkon,kurse ato atje zhvishen,por i ka lezet.Persa i perket Grupit qe u permend,i mbajne me te shkurta sec duhet!
Greta eshte nje kengetare perfekte,me pelqen shume per paraqitjen skenike qe ka,sigurisht pastaj qe vokalin,as qe diskutohet!Gjithesesi nuk kam deshire te hyj ne debat! Tung