Rishfaqen armët dhe maskat në Kosovë, Thaçi akuzon qeverinë

[teksaskosova]

Thaçi akuzon “parapolitikën” se drejton qeverinë dhe përdor maskat nëpër rrugë

Shefi i UNMIK-ut Joakim Ryker dhe lideri i Partisë Demokratike Hashim Thaçi diskutuan sot rreth zhvillimeve në procesin e përcaktimit të statusit final dhe gjendjes aktuale të sigurisë në Kosovë. Thaçi shprehi shqetësimin për tendencat për destabilizim të gjendjes. “Parapolitika që dirigjon qeverinë e Kosovës ka vënë në funksion edhe maskat që i organizon dhe i vendos nëpër rrugë të Kosovës për të kërcënuar procesin dhe për të dërguar imazh të keq për Kosovën”, tha Thaçi.

RTK 08/12/2006

__________________________________________________ ____

Thaqi vazhdon te shpalose padurimin ne situaten kur Kosova eshte ne momentin me kritik ne historine e saj.
Akuza te tilla Thaqin e çojne para pergjegjesise se veqante.Nuk e di se a eshte i vetedijshem per ate çka thote.Kjo nuk perfundone me kaq...

[faiksmajli]

Ai me shume te tjere kane vetem nje hall. Si t'i arsyetojne deshtimet e tyre politike per çeshtjen e Kosoves! Tash po kane shume frike nga populli qe nuk do te arrijne ta mashtrojne pergjithmone.
Tash eshte fushate arsyetimesh...!

[DYDRINAS]

Zyrtarët thirrje për qetësi pas incidenteve me dhunë në Kosoven perendimore
Besim Abazi
08-12-2006


Zyrtarë të lartë ndërkombëtarë dhe vendas në Kosovë kanë bërë thirrje sot kundër çdo forme të dhunës në Kosovë e cila sipas tyre do të dëmtonte aspiratat e qytetarëve të saj. Komentet e tyre pasuan njoftimet për shkëmbim zjarri ndërmjet policisë dhe një grupi të personave të armatosur në Kosovën perëndimore.

Sipas policisë, persona të armatosur dhe të maskuar janë shfaqur në fshatin Gërqinë të komunës së Gjakovës, duke vendosur një postbllok ku janë ndaluar dhe kontrolluar kalimtarët e rastit. Zyrtarë të policisë pohojnë se janë shkëmbyer të shtëna me armë zjarri por pa pasoja në njerëz ndërmjet shërbimit policor dhe këtyre peronave të cilët janë larguar në drejtim të panjohur.

Shefi i Misionit të Kombeve të Bashkuara Joachim Ruecker tha se nuk ka informacion të saktë se cilat janë ato grupe të armatosura e të paraqitura nëpër rrugët e Kosovës, apo kush qëndron prapa tyre. Por ai tha se këto njoftime po merren shumë seriozisht nga organet e rendit… “Mendoj se policia si ajo vendase ashtu edhe ajo e UNMIK-ut, bashkë me KFOR-i do të jenë syçelë dhe do të veprojnë konform vendosjes së rendit dhe se unë kam besim të plotë në to", tha zoti Ruecker i cili ka debatuar sot këtë çështje edhe me kryeministrin e Kosovës Agim Çeku dhe kryetarin Partisë Demokratike Hashim Thaçi. Ky i fundit e ka akuzuar sot Qeverinë e Kosovës se ka lidhje me grupet e armatosura të paraqitura me maska nëpër pjesë të caktuara të Kosovës. “Shpreha shqetësimin për situatën aktuale, të tendencave për destabilitetet dhe prishje të imazhit të pavarësisë që po ndodh këto ditë, që para-politika që dirigjon qeverinë e Kosovës, ka vunë në funksion edhe maskat, të cilat i organizon dhe i vë në rrugë të Kosovës, për të kërcënuar procesin por edhe për t;i dërguar një imazh të keq të Kosovës para botës ndërkombëtare”, tha zoti Thaçi. Por, me një pohim të tillë nuk është pajtuar kryeministri i Kosovës, Agim Çeku, i cili tha se Kosova po ndërton një shtet ligjor dhe po strukturat e veta që do të garantojnë sigurinë e plotë në Kosovë. “Nuk e di se ka ndonjë qeveri tjetër në Kosovë. Kjo qeveri që unë drejtoj është legjitime dhe ajo nuk qëndron prapa grupeve joformale apo konkretisht atyre që dalin me maska. Kjo qeveri, për të cilën unë jap llogari, nuk qëndron pas tyre”, tha kryeministri Çeku.


Asnjëri nga zyrtarët nuk ka dashur të ndërlidhë paraqitjen e personave të armatosur me shtyrjen e propozimit të krye negociatorit Martti Ahtisari për statusin e Kosovës. Ata thanë se qytetarët e Kosovës, përkundër pakënaqësive, janë sjellë me dinjitet. Shtyrja e procesit të zgjidhjes së statusit, megjithatë ka nxitur shqetësime për shtimin e pakënaqësive në Kosovë. Edhe vetë Sekretari i Përgjithshëm i Kombeve të Bashkuara Kofi Annan në raportin e tij të fundit për Kosovën që do të debatohet më 13 dhjetor në Këshillin e Sigurimit ka tërhequr vërejtjen se ekstremistët e të gjitha palëve mund të përfitojnë nga pakënaqësitë e përgjithshme.

VOA

[DYDRINAS]

PRISHTINË
Kryetari i Partisë Demokratike të Kosovës, Hashim Thaçi akuzoi sot Qeverinë e Kosovës se ka lidhje me grupet e armatosura të paraqitura me maska nëpër pjesë të caktuara të Kosovës. Thaçi i bëri këto komente pas një takimi që pati me shefin e UNMIK-ut Joachim Ruecker. "Parapolitika që dirigjon Qeverinë ka vënë në funksion edhe maskat të cilat i organizon dhe i vë në rrugët e Kosovës për ta kërcënuar procesin, por edhe për të dërguar imazh të keq të Kosovës para botës", tha kreu i PDK-së.
Duke reaguar ndaj deklaratave të Thaçit, kryeministri Agim Çeku hodhi poshtë pohimet se Qeveria e tij ka lidhje apo qëndron prapa "njerëzve me maska", që në disa raste kanë kërcënuar rendin dhe qetësinë në rrugët e Kosovës.
Në anën tjetër, shefi i UNMIK-ut Joachim Ruecker tha se nuk ka informacion valid se cilat janë ato grupe të armatosura, të paraqitura në rrugët e Kosovës. Por ai tha se beson që organet e rendit do t'u japin një kundërpërgjigje adekuate.

Radio Europa e Lire

[DYDRINAS]

Opozita ka akuzuar rëndë qeverinë në Kosovë, e cila sipas saj, ka vendosur nëpër rrugë persona të armatosur me maska, të cilët po kërcënojnë procesin nëpër të cilin po kalon Kosova

Kryetari i PDK-së në opozitë Hashim Thaqi, tha sot se formacionet parapolitike që dirigjojnë qeverinë e Kosovës, kanë vendosur persona të armatosur me maska
nëpër rrugët e Kosovës, me qëllim që të dëmtojnë imazhin pozitiv të Kosovës. Për këtë çështje Hashim Thaqi, zhvilloi një takim me shefin e UNMIK-ut, Joakim Rycker, i cili kërkoi nga qytetarët që të distancohen nga çfarëdo lloj veprimi ilegal që kërcënon sigurinë e qytetarëve.

Këtë akuzë të shefit të opozitës kryeminstri i Kosovës, Agim Çeku, e quan të pa bazë. Ai shprehet se në Kosovë po ndërtohet një infrastukturë legjitime e sigurisë që do të mbrojë qytetarët, ndërsa paraqitjen e grupeve të armatosura ai e quan të dëmshme për proceset në Kosovë.


Zyrtarë të policisë ndërkaq konfirmojnë se në në disa rrugë të Kosovës, janë paraqitur persona të armatosur me maska mirëpo, akoma nuk e dijnë se kush
janë ata.

Shefi i UNMIK-ut, Joakim Rycker thotë se: "Unë mund të konfirmoj, se policia i ka marrë seriozisht këto raste dhe ajo jo vetëm që po heton, por po përpiqet që këta persona t'i kapë dhe t'i çojë para organeve të drejtësisë."

Dy ditë më parë në fashtin Gërqinë të komunës së Gjakovës, 10 persona të armatosur dhe me maska në fytyrë, kanë ngritur në një rrugë lokale një postbllok duke legjitimuar kalimtarët. SHPK-së, më të marë njoftimin nga qytetarët kanë shkuar në vendin e ngjarjes dhe sipas njoftimit të policisë, personat me maska menjëherë janë larguar nga rruga. Policia thotë se, ka pasur një shkëmbim zjarri ndërmjet personave të armatosur dhe policisë, pa pasoja në njerëz.

Qytetarët të cilët janë legjitimuar nga personat e panjohur të armatosur, thonë se këta persona me maska bartnin uniforma me emblemën "Ushtria Kombëtare Shqiptare". Mirëpo, një organizatë që vetën e quan Fronti për bashkimin kombëtar shqiptar, nëpërmjet një faqeje interneti ka thënë se, personat me maska të paraqitur në fshatin Gërqinë të Gjakovës janë të papërgjegjshëm dhe me ose pa vetëdije, janë në shërbim të segmenteve antishqiptare. Sidoqoftë, autoritet ndërkombëtare në Kosovë dhe jashtë saj, janë shprehur se çdo veprim i dhunshëm dhe jashtligjor çfarëdo qoftë ai që rrezikon sigurinë, do të jetë kundërproduktiv në këtë fazë të pritjes së zgjidhjes së statusit të Kosovës.

Bekim Shehu
DW

[teksaskosova]

Nuk pritet gje e mençur nga ky sharlatan,por kjo i ka kalu kufinjet dhe le te mendohet mire se kjo nuk perfundone me kaq...

[NoName]

PRISHTINË
Kryetari i Partisë Demokratike të Kosovës, Hashim Thaçi akuzoi sot Qeverinë e Kosovës se ka lidhje me grupet e armatosura të paraqitura me maska nëpër pjesë të caktuara të Kosovës.

Maskat dëmtojnë imazhin e Kosovës thotë kryeministri Ceku

Ditët e fundit nëpër rrugët e Kosovës kanë dalë njerëz me maska që bllokojnë rrugën e kontrollojnë çdo person që kalon andej. Dje një grup i tillë u ndesh me policinë në Rrafshin e Dukagjinit. Sot, kryeministri i Kosovës Agim Ceku deklaroi se këto grupe nuk kanë të bëjnë me qeverinë, u kërkoi qytetarëve të distancohen prej tyre dhe theksoi se veprime të tilla dëmtojnë imazhin e Kosovës.


RV

[Llapi]

INTERVISTA E ZEDHENESIT POLITIK TE F.B.K.SH.,DHENE GAZETES " L A J M " TE PRISHTINES.

Intervistoi :
NEXHMIJE AHMETI, gazetare e gazetes "LAJM" te Prishtines.


LAJM :
1. Këto grupe a kanë lidhje me Frontin për Bashkim Kombëtar Shqiptar, nën ombrellën e së cilës sipas jush është AKSH-ja e vërtetë?

Pergjigja:
Grupi prej 10 vetash, me maska dhe uniforma e emblema te falsifikuara te AKSH-se,i cili pardje (6 dhjetor 2006) u paraqit ne nje fshat te Gjakoves, sipas informacioneve qe sapo me erdhen nga strukturat inteligjente te Frontit per Bashkim Kombetar Shqiptar(FBKSH), asgje nuk ka te beje me krahun e armatosur te FBKSH-se, me Armaten Kombetare Shqiptare (AKSH), por eshte nje grup, te cilin tani me strukturat tona e kane identifikuar dhe shume shpejt do t'a izolojne dhe udheheqesin e tyre do t'a vejne perpara organeve ndeshkuese te FBKSH-se. Dje ky grup eshte shperndare ne dy grupe te vogla,dhe sot njeri grup, prej 5 vetash, ka kaluar ne rajonin e Drenices dhe tjetri grup, po prej 5 vetash, ne rajonin e Llapit. Eshte po ai grup i cili here pas here, qofte permes internetit dhe qofte edhe permes postes, ka kercenuar intelektuale te ndryshem, nder te cilat kercenime eshte edhe kercenimi qe i kane bere edhe Kryetarit te Komunes se Prishtines, Zotit Ismet Beqiri dhe shume intelektualeve e atdhetareve te tjere te devotshem. Ky grup, apo me mire me thene, drejtuesi i tyre, para se te shfaqej ne rrethin e Gjakoves, ka kercenuar (permes e-mailit) nje administrator te nje web-faqeje shume prestigjioze shqiptare. Por, neve nuk na i merrte mendja se do te shkonin kaq larg, te futeshin ne nje rruge pa krye dhe te viheshin ne sherbim te
segmenteve te caktuara antishqiptare.

LAJM :
2. Nëse po, cili është qëllimi i tyre që veprojnë në Kosovë dhe kundër kujt është AKSH-ja?

Pergjigja:
Eshte qendrim i te gjtha strukturave drejtuese te Frontit per Bashkim Kombetar Shqiptar,te cilin me dhjetera here une e kam bere publik, se Armata Kombetare Shqiptare (AKSH) as nuk ka vepruar dhe as nuk vepron aty ku jane uniformat e ushtrive simotra te AKSH-se. Pra, AKSH nuk vepron ne Republiken e Shqiperise, sepse ketu vepron Ushtria e Republikes se Shqiperise, dhe as ne Kosoven Protektorat, sepse vepron uniforma e Trupave Mbrojtese te Kosoves. Ketu, ne Republiken e Shqiperise dhe ne Kosoven Protektorat ka vepruar dhe vepron vetem struktura politike mbarekombetare,Fronti per Bashkim Kombetar Shqiptar (FBKSH).

LAJM :
3. E nëse nuk janë ushtarë të AKSH-së(supozojmë që janë hajna) pse atëherë ata nuk kanë plaçkitur askënd por vetëm i kanë legjitimuar kalimtarët e rastit?

Pergjigja:
Kam bindjen e patundur se ne mesin e tyre nuk ka vetem hajna, por ka edhe djem te ndershem, te pakenaqur nga gjendja ekzistuese, te cilet jane te manipuluar nga derjtuesi i tyre, emrin dhe mbiemrin e te cilit e dijme, por nuk do ta bejme publik, perderisa ta vejme para pergjegjesise,qe para organeve ndeshkuese te FBKSH-se te sqaroje se ne sherbim te kujte eshte, sepse sipas hetimeve paraprake na del se ky person shpesh eshte pare me lidere politike ne Kosove, te cilet si gjithmone edhe tanikane vepruar sipas devizes se tyre "Hidh gurin dhe fshih doren", me qellimin e vetem te tyre te kahmotshem, qe AKSH-ne ta bejne lavatriqe per tua lare pelenat e zhytura, gje te ciles nuk do t'ia arrijne kurre, sepse AKSH tanime drejtohet nga Fronti per Bashkim Kombetar Shqiptar, qe eshte nje formacion politik mbarekombetar dhe tani po behet edhe formacion mbarepopullor, sepse keshillat e FBKSH-se po krijohen neper te gjitha lagjet e qyeteve dhe fshatrat e trojeve etnike te Shqiperise Natyrale.

LAJM :
4. Z. Adili a ka formacione të AKSH-së në Kosovë?

Pergjigja:
Me siper iu pergjigja kesaj pyetje. Pra, Armata Kombetare Shqiptare (AKSH) nuk ka pasur dhe as nuk ka formacione luftarake ne Kosoven Protektorat. Pikerisht nga ky qendrim i FBKSH-se, i cili u rikonfirmua edhe ne Kuvendin e Dyte Kombetar te FBKSH-se, te mbajtur ne Prizrenin Historkik (me 16 shtator 2005),jo vetem une por e gjithe anetaresia e gjere e FBKSH-se jemi te qarte politikisht, se ky grup i shfaqur keto dite nuk eshte asgje tjeter pos nje bande hajnash, qe nuk i njeh jo vetem lagja dhe fshati i tyre, por nuk i njofin as familjet e tyre.
Keta bandite, jo vetem nuk kane ideal, por nuk kane as moral shqiptar.Ideali dhe morali i tyre ka qene dhe ngelet plackitja me maska (gjate viteve 2003-2004) ne emer te AKSH-se, dhe tani se fundi edhe dalja e tyre neper fshatrat shqiptare, fillimisht (pardje) te rrafshit te Dukagjinit dhe sot ne rajonin e Drenices dhe te Llapit. Pse keta "trima" nuk po shkojne ne Veri te Kosoves, aty ku prej kohesh vepron e ashtuquejtura "Ushtria Serbe per Clirimin e Kosoves" (Serbisht: Srbska Oslobodilacka Vojska Kosova- S.O.V.K.) ?! Para disa javesh ne e kemi zbuluar t'ashtuquejturen S.O.V.K., dhe ne nje Konference per shtup te organizuar me 26 tetor 2006, ketu ne Tirane, une i kam prezantuar fotografite e drejtuesve te ketij S.O.V.K.-u;si dhe me vone, strukturat inteligjente te FBKSH-se arrijtem qe te fusim ne dore edhe gjithe organiken (strukturen) e S.O.V.K.-ut, te dhena keta qe mund t'i gjeni

Me pershendetje atdhetare shqiptare !

ZEDHENESI POLITIK I FRONTIT PER BASHKIM KOMBETAR SHQIPTAR,
MR. GAFURR ADILI
Tirane, 08 dhjetor 2006.

[kiniku]

Maskat dëmtojnë imazhin e Kosovës thotë kryeministri Ceku

A paksa Kosova imazh a????

[Llapi]

Kur Hashim Thaçi e paralajmeronte ket ju e akuzoishi Thaçin!!!!!!
----------------------------------------------------------------------------



[img]Gjendet një sasi e madhe e armëve dhe municionit në Drenicë
http://www.kosovapress.com/ks/repository/images/armetegjetura(201206)_thmb.jpg[/img]
Prishtinë, 20 dhjetor 2006 (Kosovapress) Koha 20:10
Gjendet një sasi e madhe e armëve dhe municionit në Drenicë

Naim Bazaj, kryetar i AAK-së në Drenas dhe Mursel Bilalli, janë arrestuar gjatë një bastisje në fshatin Shtuticë të Drenasit nga njësia Rajonale për Hetimin e Krimeve, e cila është mbështetur nga Njësia Operative Mbështetëse-Rajonale, Njësia Rajonale e Krim Teknikës Stacioni Policor Drenas si dhe nga KFOR-i. “Naim Bazaj dhe Mursel Bilalli janë arrestuar gjatë ditës së djeshme, ndërsa sot është arrestuar edhe personi i tretë Skënderbe Hebibi. Në këtë rast është i involvuar një kombi, por nuk është veturë zyrtare”, konfirmoi Elshani për Kosovapress.
------------------------------------------------------------------

Arrestohen dy zyrtarë të lartë të AAK-së për veprimtari kriminale

Tre persona, dy prej të cilëve zyrtarë të lartë të Aleancës për Ardhmërinë e Kosovës, janë arrestuar nga Shërbimi Policor, si të dyshimtë për veprimtari kriminale, në fshatin Shtuticë të Drenasit.
Skënderbe Hebibi, anëtar i kryesisë së AAK-së dhe Naim Bazaj, kryetar i degës së Drenasit, që të dy edhe këshilltarë në Ministrinë e Punës dhe Mirëqenies Sociale, dhe Mursel Bilallaj, janë arrestuar nga policia, e cila gjatë operacionit ka gjetur një sasi të konsiderueshme armatimi dhe municioni.
RTK 21/12/2006 09:29:05

------------------------------------------------------------------

Qeveria e Kosovës shprehet e indinjuar me përfshirjen në aktivitete të jashtëligjshme të një zyrtari qeverita

Kryeministri dhe kabineti i ministrave e dënojnë ashpër çdo veprim të jashtëligjshëm të kujtdo qoftë, ndërsa shprehin bindjen se në Qeverinë e Kosovës nuk ka vend për individë të tillë.
“Drejtësia nuk është selektive dhe askush nuk është mbi ligjin. Kushdo duhet dhe do të japë përgjegjësi për veprimet e veta”, është qëndrimi unik i Këshillit të Ministrave. Reagimi i vjen pas arrestimit te e zyrtarëve të lartë të AAK-së, Skënderbe Hebibi, anëtar i kryesisë së AAK-së dhe Naim Bazaj, kryetar i degës së Drenasit, që të dy edhe këshilltarë në MPMS, dhe Mursel Bilallaj, janë arrestuar nga policia, e cila gjatë operacionit ka gjetur një sasi të konsiderueshme armatimi dhe municioni.

Duke u distancuar nga ky akt i izoluar, Qeveria e Kosovës rikonfirmon vullnetin e saj për të punuar në drejtim të sundimit të ligjit, krijimit të shtetit ligjor dhe një qeverisjeje të drejtë dhe të mirë për të gjithë qytetarët e Kosovës.

Qeveria e Kosovës përgëzon organet e rendit për operacionin e suksesshëm të sekuestrimit të armatimit ilegal. Ajo i inkurajon zbatuesit e ligjit të vazhdojnë të kryejnë me përkushtim punën e tyre, thuhet në një kumtesë për media të lëshuar nga Zyra për informim publik pranë qeverisë.

Postuar më: sb blue sky & radio kosova staff me Dec 21, 06 | 9:03 am

----------------------------------------------------------------


AAK përgëzon veprimin e shpejtë të SHPK-së në identifikim e aktivitet të jashtëligjshëm

logo Aleanca për Ardhmërinë e Kosovës është befasuar me ngjarjen e së mërkurës, ku dy persona, anëtarë të partisë, janë përfshirë në aktivitet të jashtëligjshëm të armëmbajtjes pa leje. Aleanca për Ardhmërinë e Kosovës e përgëzon veprimin e shpejtë të Shërbimit Policor të Kosovës në identifikim e akterëve dhe trajtimin e tyre prej organeve të rendit dhe të drejtësisë.
Aleanca për Ardhmërinë e Kosovës, si gjithnjë deri më tani, qëndron në anën e ligjit dhe kërkon ruajtjen e rendit dhe të qetësisë, duke marrë masa ndaj të gjithë atyre që në çfarëdo forme janë të implikuar në kundërshtim me ligjin, thuhet në një kumtesë për media të lëshuar nga Kryesia e AAK-së.
Nga: sb blue sky & radio kosova staff më Dec 21, 06 | 10:08 am
------------------------------------------------------------

AAK kërkon ruajtjen e rendit dhe të qetësisë Aktuale

Aleanca për Ardhmërinë e Kosovës ka thënë se është befasuar me ngjarjen, ku dy anëtarë të partisë, janë përfshirë në aktivitete të jashtëligjshme të armëmbajtjes pa leje. Përmes një komunikate, Aleanca përgëzon veprimin e shpejtë të Shërbimit Policor të Kosovës në identifikimin e autorëve dhe trajtimin e tyre nga organet e rendit dhe drejtësisë.

AAK-ja, si gjithnjë deri më tani, qëndron në anën e ligjit dhe kërkon ruajtjen e rendit dhe të qetësisë, duke marrë masa ndaj të gjithë atyre që, në çfarëdo forme, janë të implikuar në kundërshtim me ligjin, thuhet në komunikatën e AAK-së.