KF Elbasani, "TIGRAT VERDH E BLU"

[Qerim]

Pergezime per lojen e mire edhe mesfushorit te palodhur nga Kosova, Ilir Nallbani. Dhe se shpejti me gol !

[francezi]

forca çunat verdheblu gjith stadiumi a me ju kap e shtrini zgjebet pertok e ti bim me k.... ne kok

[SeveN]

Pershendetje Tigra, pak e nga pak po ja arrijme qellimit qe i kishim vene ne fillim sezoni! Shpresojme qe ekipi te vazhdoje me keto ritme dhe ne fund do te shifen rezultatet!

Forca cuna VerdheBlu Elbasani eshte me ju!

[King_Arthur]

Amoraliteti i moviolës së Bujar Pregjës, në TV Alsat !

Në një emision televiziv A. Mergjushi, zëvëndës trajner i Dinamos duke diskutuar për nivelin skandaloz ku ndodhet futbolli midis të tjerave thaemi të gjithë fajtorë, shteti, federata, trajnerë, futbollistë, gazetarë, shoqata sportive, specilaistë etj, që me indiferencën tonë apo heshtje nga shumë faktorë nuk ngremë zerin për të folur për faktorët realë që shkatërrojnë futbollin.

Pastaj ai vijoi të debatonte në largësi me Bujar Pregjën për mungesë objektiviteti në vlerësimet me shumë standarte të punës së gjyqtarëve apo problematikën gjykuese sipas kutit bujarian ca të nënës dhe ca të njerkës, apo një farë antipatie antiDinamo, apo më saktë për standarte të ndryshmë vlerësimi të tij në median elektronike.

U mundova ta orientoja se pozicioni i Bujar Pregjës në studio apo deklarimet e tij në median elektronike apo të shkruar është më shumë se shkelje etike apo dinjiteti, ai është marrje nëpër këmbë e statuteve e rregulloreve sa të FSHF po aq edhe të Shoqatave futbolllistike apo gjyqtarëve.

Në fakt nga përgjegjësitë e shumta që ka marrë përsipër zoti Bujar Pregja, do ta kishte zili edhe Ten Siao Pini, ish udhëheqësi shkurtabiq i Kinës Komuniste që kishte nja 7 funksione por nëse ai krijoi i Shngain kapitalist e superfuqi ekonomike, ky i yni besoj se ka ndikuar në bërjen e futbollit edhe më zi se ku ëshët katandisur.

Nëse flasim për konflikte interesi apo Fair Play, nëse marrim guximin për të kryer detyra shoqërore, qytetare, zyrtare, institucionale etj në radhë të parë duhet jemi koshientë edhe me një integritet moral e ligjor, se nuk ecim me moton bëni si them unë e mos bëni si bëj unë, duhet të vlerësojmë veteveten krahasura me tërësinë ligjore të funksionimit të futbollit.

Mjafton të shikojmë këto pika të botimit të FSHF-së “Dokumenta Themelore” që edhe Mërgjyshi edhe Armando Duka, edhe vetë Bujar Pregja të pozicionohet, vetëgjykohet, të bëhet i besueshëm, etik, i drejtë, i panashëm apo një person që kërkon të kontribojë në prosperitetin e futbollit, larg interesave apo pak parave mbi e nën dorë.

Neni 22.Vezhguesi i arbitrave.Kriteret, te drejtat dhe detyrat.

Seleksionimi, pika 8:

Nje vezhgues ne aktivitetet kombetare nuk mund te ushtroje detyren e gazetarit sportive, te opionistit televiziv, ose radio lidhur me problemet e arbitrimit.

(Besoj se kujdestari i konviktit e kupton që është shkelje dhe mbaron këtu morali i amoralitetit vlerësues si opionist, gazetar sportiv jo në një por në disa emisione televizive sportive???? Nisur nga sa mësipër pa dashur të rrëmojmë në karrierën e tij si arbitër futbolli është e tepërt të flasim për objektivitet, kopetencë, ndershmëri, moral etj.çdo koment është absurd apo vetëm për kohën eTen Siao Pinit )

Vazhdojmë më tej në këtë nen: Nuk lejohet te kryeje detyren e vëzhguesit, pika 1, 2, 3, 4 etj.

Pika 1:Presidentë dhe anëtarë të KE së Shoqatës së Arbitrave; ( A është Bujar Pregja kryetar i koligjiumit të Arbitrave të Minifutbollit??? A ka poste të tjera në shoqatat e arbitrave a më tej? A është normal dhe efektiv pastaj puna e këtij isharbitri jo pak të përfolur? Në fund të fundit a ka integritet moral në këtë futbollin tonë? A duhet të zgjedhë midis mandateve?)

Pika 2:Anëtarët e Komisioneve të ndryshme të FSHF-së që marrin në shqyrtim punën e arbitrave. (Sinqerisht heshtja apo servilizmi dhe i gjithë aktorëve të futbollit duhet të kuptojë se e ka dëmtuar edhe vetë Pregjën, sepse duke qenë kaq i shpërndarë vështirë se ka efektifetet e panëshmëri në të gjitha detyrat apo edhe dëmton punën në komisionet që drejton pranë shoqatës së Minifutbollit, ose duhet t’i informonte ata sponsorë që e kanë zgjedhur se është shkelje statuore e rregullore detyra që ata i ofruan).

PIKA 3:Një vëzhgues që ka në aktivitet në aktivitet arbitër familjarët e tij në të gjitha kategoritë.( Nuk besoj që ai mund të ketë moral dhe kërkoj Fair Play nëse Pregja është vëllai i trij, që realisht është një anësor serioz, i talentuar apo perfekt. Por për hir të kësaj pike njëri nga të dy të bëjë zgjedhjen që i takon)

Pika 4ryetari i koligjiumit të arbitrave të qytetit, ose që punon pranë një klubi, shoqate apo shoqërie futbolli.( Si edhe e përmenda më lart nëse i shikon raportet e B.P me FSHF-në, me shoqatën e Minifutbollit, kolegjiumet e gjyqtarëve sa të Tiranës etj është fare e thjeshtë të kuptohet se çfarë duhet të bëjë tensiaopini i milenumit që po jetojmë).

Shpesh flasim për vizion apo dashuri për futbollin, shpesh bëjmë moral e ulërasim për nivelin komprementues, profesional, kualifikues të arbitrave apo gjykime që kanë dëmtuar shumë futbollin, shpesh kërkojmë gjilërën në kashtë dhe rasti në fjalë tregon se ka ardhur koha që të lemë fjalët por të punojmë në bazë të moralit e rregullave, statuteve e ligjeve nëse e duam me të vërtetë futbollin.Ankohet Haxhia e Zhilla, Kovaçi e Laze, Hysi e Fushaj, Bizhdilli e Xhani etj etj për gjyqtarë sa të paftë aq edhe të komprementuar por ata drejtohen edhe nga vizioni bujarian.

Siqerisht, që nuk do merreshe fare me këtë problem tensiaopin, por analizat e njëanëshme apo konflikti i hapur i interesave, dhimbja e shqetësimi i Mërgjyshit më detyrojnë të sensibilizoj në radhë të parë opionistin dhe shefin shumëplanësh Bujar, pastaj të gjithë ata që e kanë futur në këtë handikap amoral se duhet të kontribojnë për të shëruar sadopak futbollin por edhe sitemin arbitral. (Në asnjë mënyrë nuk interpretoj akuza apo fakte që thonë lart e poshtë arbitrat për njeri tjetrin apo dhe personin në fjalë)

Çdo të dielë shikojmë Tombolinin, por në një tv dhe në asnjë organ apo aktivitet që bie ndesh me statutin e FIF, apo nëse Kolina superfuqi dhe personalitet arbitrimi nuk është as tek Mediaset, as tek RAI, as në të gjitha organet drejtuese homologe të futbollit italian dhe nuk besoj se Kolinës i mungojnë aftësitë apo është më pak profesional se Bujari ynë, por atje ka etikë, moral, përgjegjësi, zbatim konseguent rregulloresh, statutesh atje futbolli ka parime dhe nuk është rrumpallë.

Në fakt nëse futesh nëpër organikën e miciane apo lysieniane të FSHF-së gjen sa të duash tensiaopinëve jo vetëm me shumë funksione nëpër federatë, klube por edhe me konflikt të hapur interesash, me farë e fis sa në futboll aq edhe në median elktronike si aksionerë, në llotari sportive etj, prandaj është koha që edhe ata të bëjnë zgjedhjen e tyre, apo heqin kthetrat nga pushteti që i ka zënë frymën futbollit.

Besoj se B.P sinqerisht duhet të kuptojë se duhet të bëjë zgjedhjen e tij në radhë të parë për të qenë ballëhapur dhe i sinqertë me gjithë aktorët që e rrthojnë, por ai duhet të kuptojë se ai që të kritikon apo vë në dukje ndonjë të metë të shpëtuar apo flet hapur e bën për të ndihmuar, ëshët rasti që morali i stërdhënë në median elektronike të jetë europian dhe jo me vlerësim ballkanik apo mesjetar, sepse shpesh e vërteta jo vetëm është e hidhur por prek edhe interesa ekonomike, dhe për ato dreq para arsyeja nganjëherë edhe errësohet.

[King_Arthur]

Z. Baric, kush është Tefik Osmani?

Tefik Osmani është një nga talentet e viteve të fundit në kampionatin tonë Shqiptar. Ai gjatë sezonit 2004-2005 ishte pothuajse një i panjohur për të gjithë, pasi erdhi tek Elbasani nga skuadrat e Bylisit dhe Tomorrit dhe asnjë nuk e kishte pikasur ashtu sic duhet talentin e korcarit. Por ai shumë shpejtë do të arrinte të bëhej ”krahu” i djathtë i mbrojtësit me shumë përvojë Nevil Dede. Pas disa paraqitjeve të mrekullueshme të Tefikut në Super Ligë, talentin e tij në repartin difensiv e inkuadron as më shumë dhe as më pak, Hans Peter Brigel, pa dyshim trajneri më i mirë i të gjitha kohërave për kombëtaren tonë. Brigel do ti besonte shumë shpejtë mbrojtesit verdheblu duke i vendosur mbi “shpatulla” peshën e rëndë që mbart një ndeshje si ajo kundër Greqisë, kampione në fuqi e Europës. Osmani e kalon më së miri provën nën urdhërat e Brigelit, i cili nga ana e tijë është mjaft i kënaqur nga përformanca e mbrojtësit shtatëlart duke deklaruar se ” Osmani është një nga lojtarët më me perspektivë në Shqipëri”. Por i këtij mendimi nuk është kroati Otto Baric, aktualisht centralist dhe trajner i ekipit tonë kombëtarë, pasi kroati është dashuruar me ngjyrat bardheblu duke grumbulluar në kombëtare shumicën e futbollistëve të Tiranës, kjo mbase dhe me inponim nga dikush atje nga grupi i “Rrugës së Elbasanit”. Do të thoni pse mendojmë kështu? Pergjigjet janë fare të thjeshta: Kujtojmë vetëm se Nevil Dede gjatë 2 sezoneve (2004-2005 dhe 2005-2006) që u aktivizua me Elbasanin, ishte në një formë të jashtëzakonshme dhe jo më kot iu dha 2 herë cmimi lojtari më i mirë i kampionatit nga vetë grupi i “Rrugës së Elbasanit”, por asnjëherë nuk u grumbullua në skuadrën kombëtare për sa kohë veshi fanellën verdheblu! Të jetë kjo vallë koicidencë? Dhe tani që është pjesë e Tiranës, Dede grumbullohet gjithnjë me kuqezinjtë tanë, madje duke luajtur dhe në formacion. Nuk mendojmë se ka ndryshuar dicka tek Dede, përkundrazi ai gjatë kohës që ka luajtur tek ne, ka qenë në një formë të mirë fizike dhe sportive dhe padyshim futbollisti më i mirë i Elbasanit dhe kampionatit tonë. Por një ftesë nuk i erdhi kurr nga kombëtarja kur luante tek ne. Por sa po u bashkua me Tiranën i vjen ftesa e paralajmëruar! Do të thoni përsëri pse? Ne mendojmë kështu: Dede firmos për ne (Tiranën) dhe është pjesë e kontratas, domethën klauzolë: “Firmos për ne, ke dhe kombëtaren brenda kontratës”. Nuk është një koicidencë fakti se kur luante tek ne mbrojtësi Armend Dallku në edicionin 2004-2005 në një ndeshje kundër Partizanit në “Qemal Stafa” do të nxirrej jashtë loje vetëm pas 10 minutash dhe pse në atë ndeshje kishte ardhur enkas nga Gjermania trajneri i atehershëm Brigel dhe kishte deklaruar se vinte për të ndjekur vetëm Dallkun dhe Osmanin. Por kjo deklarat e tijë nuk tingëllojë mirë në veshin e dikujtë dhe Dallku doli nga ndeshja për 10 minuta me të kuq. Kjo gjë e shqetësojë jo pak Brigelin dhe pas takimit Partizani-Elbasani 2-2 (2004-2005), gjermani ishte tepër i irrituar me gjyqtarin e ndeshjes duke e quajtur të qëllimshëm dhe dashakeqës kartonin e kuq ndaj Dallkut. Barci dhe Grupi i “Rrugës së Elbasanit” duhet të shikojnë dhe përtejë Tiranës në kampionatin Shqiptar. Skaneri i Baricit, skanon nga ndeshja në ndeshje vetëm skuadrën e Tiranës, mbase nuk e di fare që ekziston një futbollist si Tefik Osmani tek Elbasani, mbase nuk e di fare kush është skuadra kampione në fuqi, pasi njerëzit që ka në krahë në kombëtare i rekomandojnë të shikojë ata që i do qejfi atyre, duke përfituar nga “injoranca” e kroatit në Shqipëri. Mos u cuditni fare nga kjo që po themi, pasi vetë Baric kishte deklaruar se askush nuk më ka folur dhe në listën e F$hf-së nuk kam parë asnjëherë emrin e sulmuesit më të mirë të të gjitha kohërave për kombëraen tonë, Alban Bushi. Duke dëgjuar këtë deklaratë të Baricit na vjen në mëndje një flali: “Vallë a i ka folur dikush Baricit për Tefik Osmanin dhe të kaluarën e afërt të tijë në kombëtare?”

[Qerim]

Partizani-Elbasani 1-0

Nje fitore plotesisht e merituar e Partizanit.Elbasani nuk ka stof per Evrope kete vit.Me suksese per vitin tjeter !

[King_Arthur]

Verdheblutë janë të karikuar për ndeshjen e së shtunës, pavarësisht se nuk kanë objektiv në kampionat

Sikur të ishte një finale. E tillë është atmosfera në kampin e skuadrës së Elbasanit para sfidës me kryesuesen e kampionatit, Tiranën. Duket e çuditshme, por pragsfida ndaj bardhebluve po përjetohet sikur të ishte një 90-minutësh që do të përcaktonte fate të mëdha në shtëpinë verdheblu. Elbasanasit, të cilët aktualisht ndodhen në vendin e gjashtë në klasifikim, janë duke e pritur me padurim këtë takim që do të luhet të shtunën në stadiumin "Ruzhdi Bizhuta". Drejtuesit e skuadrës si dhe vetë futbollistët kanë pohuar ditët e fundit për gazetën "Sporti shqiptar" se ndaj skuadrës kryesuese do të jetë një takim ku kampionët do të hedhin në fushën e lojës të gjithë potencialin e tyre të vërtet, si për të treguar se verdheblutë jo vetëm që do ta respektojnë deri në fund këtë sezon, por nga ana tjetër nuk e meritojnë edhe vendin që kanë në tabelën e klasifikimit. Madje lojtarët janë motivuar kohët e fundit edhe nga deklarata e lëshuar nga presidenti Arben Laze, i cili u kërkoi publikisht të besuarve të tij që të japin gjithçka në fushën e lojës për t'i dhuruar spektatorit elbasanas një ndeshje sa të bukur dhe rezultative. Ka mjaftuar ky prononcim dhe tani atmosfera në kampin elbasanas është elektrizuar edhe më shumë në prag të këtij takimi, që në fakt ka ngjallur interesim të madh edhe te vetë tifozët e zjarrtë të Elbasanit. Dhe në fakt arsyet për të pasur një interesim të tillë nuk mungojnë. Fakti që gjatë tri sezoneve të fundit këto dy skuadra kanë rivalizuar për titullin kampion, ka bërë që në jo pak raste beteja të ishte më e fortë në shkallët e stadiumit sesa në fushën e lojës. Ndoshta kësaj radhe situata është pak ndryshe, sepse në klubin kampion, falë edhe rezultatave jo të mira të skuadrës interesimi ka rënë dukshëm nga ana e tifozërisë, por dueli i të mëdhenjve ka gjasa të mbetet i tillë edhe të shtunën, kur "Ruzhdi Bizhuta" pritet të jetë arena e një beteje të madhe, pavarësisht objektivave të kundërt që do të jenë në fushën e lojës. Në sezonet e kaluar, Elbasani ka qenë dukshëm në avantazh sa u takon statistikave, por dobësimi i ekipit në këtë kampionat i dha mundësinë Tiranës që të fitonte brenda pak muajsh dy herë nga 2-0, përfshi këtu edhe finalen e superkupës në Durrës para startit të këtij sezoni, ndërkohë që një tjetër sfidë në "Ruzhdi Bizhuta" për kampionat përfundoi në barazim 2-2. Janë këto rezultate që, me sa duket, kanë karikuar jo vetëm drejtuesit e skuadrës, por edhe vetë lojtarët verdheblu, të cilët kanë një dëshirë të jashtëzakonshme për t'i treguar opinionit sportiv shqiptar se kampionët nuk kanë marrë fund. Të shtunën, në fushën e lojës do të jenë edhe disa "dashuri" të vjetra, mes të cilave disa të ëmbla dhe disa të hidhura. Mjafton të kujtosh që Sina, Patushi dhe Merkoçi, që sot luajnë për Elbasanin, dolën të padëshirueshëm nga bardheblutë, ndërkohë që tani janë po vetë këta lojtarë që pohojnë se do të bëjnë çmos për të mposhtur Tiranën. Duket qartë se kësaj radhe Elbasani nuk ka ndër mend të lëshojë përkundër çdo miqësie me ekipin kryeqytetas. Dhe verdheblutë premtojnë se i kanë karikuar të gjitha "bateritë" për t'i shkarkuar me sukses ndaj Tiranës.
Ervin Sina

Verdheblutë, me ritme të larta në stërvitje
Skuadra e Elbasanit vazhdon të punojë me ritme të larta në seancat stërvitore në prag të sfidës me Tiranën. Kampionët edhe të mërkurën kanë pasur në dispozicion një grup të plotë lojtarësh, të cilët do të përballojnë këtë ndeshje që po pritet me shumë interes. Stërvitja, e cila është kryer në fushën e vjetër "Shefqet Lamçe", ka qenë më ritëm të lartë, duke pasur parasysh që brenda 120 minutave trajnerët File e Gogunja kanë punuar shumë jo vetëm në aspektin fizik, por edhe në planin tekniko taktik.


Rikthehet Stojku, shqetëson Merkoçi
E ndërsa pritej që skuadra e Elbasanit ta përballonte Tiranën me një grup të plotë lojtarësh, një gjë e tillë mund të mos ndodhë si pasojë e problemeve që ka sjellë takimi ndaj Vllaznisë. Verdheblutë do të kenë në gjirin e tyre në takimin me bardheblutë Gentian Stojkun, i cili mund të luajë qoftë në mbrojtje, qoftë edhe në repartin e sulmit. Në fakt, mundësitë më të mëdha janë që Stojku të vendoset në vijën e sulmit, duke pasur parasysh se ish-futbollisti i Tiranës, Eldorado Merkoçi, rrezikon seriozisht të jetë jashtë kësaj sfide. Fryrja e gjurit pas një dmëtimi ndaj Vllaznisë është duke i krijuar shumë probleme Merkoçit, i cili ka theksuar se dëshiron më shumë se kurrë të jetë në fushën e lojës të shtunën.

[King_Arthur]

Bardheblutë do të ngjitin Krrabën me Deden, Abrahamin e Çapjen, por vendësit kanë Sinën, Merkoçin dhe Patushin


Elbasani-Tirana është sfida që tërheq më shumë vëmendjen e opinionit sportiv, sepse luajnë kampionët në fuqi përballë atyre që kërkojnë të shpallen si të tillë. Por jo vetëm kaq, do të jenë të shumtë "ish-ët" që pritet të zbresin në fushë, duke filluar nga tiranasit Eldorado Merkoçi e Elvis Sina, pa harruar matjanin Saimir Patushi, të cilët mezi e presin këtë përballje, nisur nga fakti se u larguan si të padëshiruar nga ana e drejtuesve të Tiranës. E kundërt është situata për Nevil Deden, Abraham Alechenun dhe Hetlem Çapjen, pasi të tre këta futbollistë ishin ata që ndihmuan Elbasanin të shpallej kampion, më pas u larguan vetë për një jetë më të mirë në kryeqytet. Në fazën e parë, bardheblutë zbrisnin në "Ruzhdi Bizhuta" pas "dushit të ftohtë" që kishin pësuar në Turqi, kur u përballën me vendësit e Kajserisporit. Të lodhur nga këto ndeshje eliminatore, në 75 minutat e para kryeqytetasit shokohen nga dy golat e elbasanasve, por kur dukej se gjithçka do të përfundonte këtu, vjen kundërpërgjigjja e Dedes dhe Salihit, të cilët baraspeshojnë gjithçka. Madje, minutat e fundit ishin dramatike, sepse shkodrani mund të kishte shënuar edhe golin e tretë për Tiranën. Duhet thënë se Dede u prit mjaft ngrohtë nga vendësit, ndërsa për Abrahamin u rezervuan vetëm vërshëllima. Faza e dytë i sheh të dyja skuadrat të përballen në impiantin e "Qemal Stafës", ku në stolin bardheblu ishte larguar Mirel Josa, për t'u zëvendësuar nga sekretari Muça. Për minuta të tëra skuadrat e kanë të vështirë të gjejnë golin, derisa Salihi zhbllokon në pjesën e dytë, ndërkohë që rezultati mbyllet pas realizimit të golit nga pika e penalltisë, ku Klodian Duro nuk mund të falë. Ishte Sina ai që shkaktoi faull në dëm të kapitenit Muka dhe gjyqtari i ndeshjes nuk u mendua dy herë për ta vendosur topin te pika e bardhë. Edhe pse nuk munguan protestat nga ana e kampionëve, sfida u mbyll me fitoren 2-0. Kanë kaluar 5 muaj nga ai 90-minutësh, por këtë herë, sipas kalendarit, takimi duhet të luhet sërish në "Ruzhdi Bizhuta" dhe emocionet pritet të jenë të mëdha. Jo vetëm për faktin se do të përballen kampionët në fuqi me ata që duan të jenë si të tillë, por edhe për faktin se në gjirin e të dyja skuadrave luajnë respektivisht nga 3 "ish". Le t'i marrim me radhë një nga një të gjashtë futbollistët. Eldorado Merkoçi e ka provuar edhe më parë rolin e "ishit", kur ka qenë pjesë e Partizanit, por kjo është hera e parë me fanellën e Elbasanit. Emocionet për Elvis Sinën duhet të kenë mbaruar që më 18 nëntor, kur zhvilloi takimin e parë ndaj Tiranës, skuadrës që e lindi dhe e rriti si futbollist. Për Saimir Patushin duket se inati është më i madh. Matjani e ka treguar një herë më parë, kur iku nga Tirana për te Vllaznia, ku në sfidën e parë ndaj bardhebluve shënoi gol, ndërkohë që festoi me thyerjen e flamurit të këndit. Po këtë herë çfarë do të bëjë Patushi nëse shënon apo fiton? Për sa u takon bardhebluve, Nevil Dede njihet për gjakftohtësinë që e karakterizion, sepse ai gjithmonë u ka shënuar të dy ekipeve. Abraham mbetet i huaji më i urtë, por me më shumë rendiment, ndërsa për Çapjen kjo është sfida e parë që do të luajë ndaj skuadrës së vendlindjes. Goli i shënuar ndaj Flamurtarit i ka dhënë zemër mesfushorit energjik, që të shtunën ka për detyrë të sfidojë në fushë jo vetëm ish-shokët, por edhe vërshëllimat që do t'i vijnë nga patriotët

[Qerim]

2 te huaj per Elbasanin
91 lexime

23/8/2007 | Presidenti Arben Laze, pas surprizes se Andi Liles, tashme ka vazhduar cudit e tij me prurjen e 2 lojtareve te tjere te huaj. Maqedonasi Karcev eshte nje qender mbrojtes shume i mire dhe me eksperience, teksa me pare eshte aktivizuar tek skuadra e Robodnickit. I provuar ne ndeshjen me Apolonine, maqedonasi ka marr me nje here ok e Alimehmetit dhe ka nenshkruar nje kontrate me verdheblute. Nderkoha qe braziliai Ewerton Freitas eshte nje mesfushore i krahut te majte dhe me nje potencial te mire tekin dhe shquhet per zlalume nga krahu i majte dhe per nje gjuajte te fuqishme drejt kuadratit. 26 vjecari me pare ka luajtur per skuadren e Sao Paulos ne Brazil dhe Lozanes ne Zvicer. Keto perforcime jane teper te dobishme per skuadren e Elbasanit dhe patjeter do te jene nje plus i madh per trajnerin Alimehmeti ne takimin e se shtunes ndaj Vllaznise ne "Ruzhdi Bizhuta".

kfelbasani.com

[Qerim]

Urime Elbasanit per fitoren e sotme ne nje fushe te forte si ajo e Vlores.Gol i Fodjor Xhafes.